0:00
0:00


عَمَّ يَتَسَآءَلُونَ

Мәккә мөшрикләре нәрсәдән сорашалар? Мухәммәд г-м кыямәт хакында сөйләгәч: "Мухәммәд нәрсә сөйли", – дип бер-берсеннән сораштылар".

عَنِ ٱلنَّبَإِ ٱلۡعَظِيمِ

Алар олугъ кыямәт хәбәреннән һәм ахирәтнең барча хәленнән" хәбәр бирүче Коръәннән сорашалар.

ٱلَّذِي هُمۡ فِيهِ مُخۡتَلِفُونَ

Кыямәт һәм Коръән хакында дөньядагы кешеләр төрле фикердәләр.

كَلَّا سَيَعۡلَمُونَ

Юк әле тыныч кына тормасыннар, кыямәткә һәм Коръәнгә ышанмауларының ахыры кайда барганын тиздән белерләр.

ثُمَّ كَلَّا سَيَعۡلَمُونَ

Моның соңында тиздән белерләр ышанмаулары, кабахәт эш икәнлеген!

أَلَمۡ نَجۡعَلِ ٱلۡأَرۡضَ مِهَٰدٗا

Әйә җирне аларга торырга яраклы кылмадыммы.

وَٱلۡجِبَالَ أَوۡتَادٗا

Дәхи селкенмәсен өчен тауларны җиргә кадак кылмадыммы.

وَخَلَقۡنَٰكُمۡ أَزۡوَٰجٗا

Дәхи сезне ирле-хатынлы итеп халык кылдык.

وَجَعَلۡنَا نَوۡمَكُمۡ سُبَاتٗا

Дәхи йокыны тәннәрегезгә истирахәт кылдык.

وَجَعَلۡنَا ٱلَّيۡلَ لِبَاسٗا

Дәхи төнне сезгә пәрдә кылдык.

وَجَعَلۡنَا ٱلنَّهَارَ مَعَاشٗا

Дәхи көндезне тереклегегез өчен кәсеп кылырга якты кылдык.

وَبَنَيۡنَا فَوۡقَكُمۡ سَبۡعٗا شِدَادٗا

Дәхи өстегездә җиде кат мәхкәм күкләрне бина кылдык.

وَجَعَلۡنَا سِرَاجٗا وَهَّاجٗا

Дәхи бик яктыртучы һәм җылы бирүче кояшны халык кылдык.

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Дәхи болытлардан бере артыннан бере коелучы яңгыр суын иңдердек.

لِّنُخۡرِجَ بِهِۦ حَبّٗا وَنَبَاتٗا

Ул су белән төрле икмәк орлыкларын вә төрле үләннәрне.

وَجَنَّـٰتٍ أَلۡفَافًا

Вә агачларны, бер-берсенә уралып үскән җимеш бакчаларын үстермәклегебез өчен.

إِنَّ يَوۡمَ ٱلۡفَصۡلِ كَانَ مِيقَٰتٗا

Тәхкыйк хакны батылдан аера торган көн сәваб вә ґәзаб вәгъдә ителгән көндер.

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Бер көнне сурда өрелер дә, хисаб өчен төркем-төркем булып килерсез.

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Күк ачылыр да, анда ишекләре булыр.

وَسُيِّرَتِ ٱلۡجِبَالُ فَكَانَتۡ سَرَابًا

Дәхи таулар йөртелерләр, тузган тузан кеби булырлар.

إِنَّ جَهَنَّمَ كَانَتۡ مِرۡصَادٗا

Тәхкыйк җәһәннәм үтә торган юл булды (Җәннәткә керәсе кешеләр дә җәһәннәмне күреп үтерләр).

لِّلطَّـٰغِينَ مَـَٔابٗا

Ул җәһәннәм хактан качып азганнарга тора торган урын булды.

لَّـٰبِثِينَ فِيهَآ أَحۡقَابٗا

Алар җәһәннәмдә күп заманалар торырлар.

لَّا يَذُوقُونَ فِيهَا بَرۡدٗا وَلَا شَرَابًا

Алар анда салкын рәхәтлекне һәм яхшы эчемлекне татымаслар.

إِلَّا حَمِيمٗا وَغَسَّاقٗا

Мәгәр кайнар яман суны һәм җәһәннәм кешеләренең тәннәреннән аккан сары суны эчәрләр.

جَزَآءٗ وِفَاقًا

Бу җәза аларга гөнаһларына күрә тиешле җәза итеп бирелде.

إِنَّهُمۡ كَانُواْ لَا يَرۡجُونَ حِسَابٗا

Тәхкыйк алар кыямәттә булачак хисабны көтми һәм ышанмый иделәр.

وَكَذَّبُواْ بِـَٔايَٰتِنَا كِذَّابٗا

Дәхи Безнең аятьләребезне ныклап ялганга тоталар иде.

وَكُلَّ شَيۡءٍ أَحۡصَيۡنَٰهُ كِتَٰبٗا

Вә һәрнәрсәне санадык өммүл китапта язып.

فَذُوقُواْ فَلَن نَّزِيدَكُمۡ إِلَّا عَذَابًا

Татыгыз ґәзабны ґәзабка мөстәхыйк кешеләр, сезгә, әлбәттә, ґәзабтан башканы арттырмабыз.

إِنَّ لِلۡمُتَّقِينَ مَفَازًا

Котылу һәм өстенлек, әлбәттә, Аллаһудан куркып гөнаһлардан сакланучы тәкъва мөэминнәргәдер.

حَدَآئِقَ وَأَعۡنَٰبٗا

Дәхи аларга җимеш бакчалары һәм йөземнәр.

وَكَوَاعِبَ أَتۡرَابٗا

Дәхи аларга яшьтәш булган яшь кызлар.

وَكَأۡسٗا دِهَاقٗا

Дәхи эчемлекләр тутырылган савытлар.

لَّا يَسۡمَعُونَ فِيهَا لَغۡوٗا وَلَا كِذَّـٰبٗا

Алар анда буш сүзне һәм ялган сүзне ишетмәсләр.

جَزَآءٗ مِّن رَّبِّكَ عَطَآءً حِسَابٗا

Раббыңнан изге гамәлләре өчен җәзадыр, мәңгелеккә җитәргә хисаплап бирелгән бүләктер.

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Ул Раббың җир вә күкләрнең, дәхи җир илә күкләр арасында булган нәрсәләрнең Раббысыдыр, рәхмәтенә һәрнәрсәне сыйдыргандыр. Хисаб көнендә кешеләр бер-берсенә дәшергә, бер кирәк сүзне әйтергә кадир булмаслар.

يَوۡمَ يَقُومُ ٱلرُّوحُ وَٱلۡمَلَـٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Хисаб көнендә Җәбраил г-м һәм башка фәрештәләр сафта тезелеп торырлар, сөйләшмәсләр, мәгәр Аллаһ изен биргән яки дөньяда чакта Аллаһ риза булырдай яхшы сүзләрне сөйләгән кеше генә сөйләр.

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Бу көннең булачагы, әлбәттә хак, теләгән кеше үзенә тәүбә истигъфар һәм итагать белән Аллаһуга кайта торган юлны алыр.

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Тәхкыйк сезне куркыттык якын һәм хак булган кыямәт ґәзабы белән, ул көндә һәркем үзеннән алда җибәргән гамәл дәфтәренә карар, Коръәнне инкяр итүче яки аның илә гамәл кылмаучы кәфер әйтер: "Әгәр мин туфрак булсамчы", – дип. (Хисаб, хөкем соңында Аллаһ хайваннарны туфрак итәр. Кәферләр дә үзләренең туфрак булуларын теләрләр, ләкин туфрак" була алмаслар.)

السورة التالية
Icon