ٱلَّذِينَ طَغَوۡاْ فِي ٱلۡبِلَٰدِ
A siran na miyamangakowala ko manga ingd;
فَأَكۡثَرُواْ فِيهَا ٱلۡفَسَادَ
Go piyakandakl iran roo so kapaminasa.
فَصَبَّ عَلَيۡهِمۡ رَبُّكَ سَوۡطَ عَذَابٍ
Na piyakatoronan siran o Kadnan ka sa mbarambarang a maylot a siksa:
إِنَّ رَبَّكَ لَبِٱلۡمِرۡصَادِ
Mataan! a so Kadnan ka na titho a tomitilik.
فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ
Na so pman so manosiya, na amay ka tiniyoba skaniyan o Kadnan iyan ka bigan Iyan sa mnang, go inikalimo Iyan, na tharoon iyan a: "So Kadnan ko na bigan ako niyan sa mnang."
وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ
Na amay ka tiniyoba Iyan, ka piyakasimpitan Iyan ko pagpr Iyan, na tharoon Iyan a: "So Kadnan ko na piyakarondan ako Niyan!"
كَلَّاۖ بَل لَّا تُكۡرِمُونَ ٱلۡيَتِيمَ
Sabnar, a kna, ka di niyo phoporongan so wata a ilo!
وَلَا تَحَـٰٓضُّونَ عَلَىٰ طَعَامِ ٱلۡمِسۡكِينِ
Go di niyo iphamiis so kapakakana ko miskin!
نتائج البحث
