وَكَتَبۡنَا عَلَيۡهِمۡ فِيهَآ أَنَّ ٱلنَّفۡسَ بِٱلنَّفۡسِ وَٱلۡعَيۡنَ بِٱلۡعَيۡنِ وَٱلۡأَنفَ بِٱلۡأَنفِ وَٱلۡأُذُنَ بِٱلۡأُذُنِ وَٱلسِّنَّ بِٱلسِّنِّ وَٱلۡجُرُوحَ قِصَاصٞۚ فَمَن تَصَدَّقَ بِهِۦ فَهُوَ كَفَّارَةٞ لَّهُۥۚ وَمَن لَّمۡ يَحۡكُم بِمَآ أَنزَلَ ٱللَّهُ فَأُوْلَـٰٓئِكَ هُمُ ٱلظَّـٰلِمُونَ
Na inipaliyogat Ami kiran (sii ko Tawrat) a: "Mataan! a so niyawa na (kitasan sa) niyawa, go so mata na mata, go so ngirong na ngirong, go so tangila na tangila, go so ngipn na ngipn, go so manga pali na makapkhikitasa." Na sa taw a rndann iyan (so kitas) na giyoto na khilalas iyan ko dosa; na sa taw a di niyan ikokom so initoron o Allah, na siran man na siran i manga salimbot.
وَقَفَّيۡنَا عَلَىٰٓ ءَاثَٰرِهِم بِعِيسَى ٱبۡنِ مَرۡيَمَ مُصَدِّقٗا لِّمَا بَيۡنَ يَدَيۡهِ مِنَ ٱلتَّوۡرَىٰةِۖ وَءَاتَيۡنَٰهُ ٱلۡإِنجِيلَ فِيهِ هُدٗى وَنُورٞ وَمُصَدِّقٗا لِّمَا بَيۡنَ يَدَيۡهِ مِنَ ٱلتَّوۡرَىٰةِ وَهُدٗى وَمَوۡعِظَةٗ لِّلۡمُتَّقِينَ
Na piyakatondog Ami ko manga rarad iran so Eysa a wata o Maryam, a miyakatanto ko miyaonaan iyan a Tawrat: Go inibgay Ami ron so Injil a katatagoan sa toroan go sindaw, go miyakatanto ko miyaonaan iyan a Tawrat: Go toroan go ndao a rk o miyamananggila.
وَلۡيَحۡكُمۡ أَهۡلُ ٱلۡإِنجِيلِ بِمَآ أَنزَلَ ٱللَّهُ فِيهِۚ وَمَن لَّمۡ يَحۡكُم بِمَآ أَنزَلَ ٱللَّهُ فَأُوْلَـٰٓئِكَ هُمُ ٱلۡفَٰسِقُونَ
Na kokomn o tiyoronan ko Injil so initoron o Allah a madadalm on. Na sadn sa di niyan ikokom so initoron o Allah, na siran man na siran i manga songklid.
نتائج البحث
