سَلَٰمٌ عَلَىٰ مُوسَىٰ وَهَٰرُونَ
"Kalilintad a sii ko Mosa ago so Haron!"
إِنَّا كَذَٰلِكَ نَجۡزِي ٱلۡمُحۡسِنِينَ
Mataan! a Skami na lagid man oto a kambalasi Ami ko miphipiyapiya.
إِنَّهُمَا مِنۡ عِبَادِنَا ٱلۡمُؤۡمِنِينَ
Mataan! a giya dowa oto na pd ko manga oripn o Allah a miyamaratiyaya.
وَإِنَّ إِلۡيَاسَ لَمِنَ ٱلۡمُرۡسَلِينَ
Go mataan! a so Ilyas na pd dn ko manga sogo.
إِذۡ قَالَ لِقَوۡمِهِۦٓ أَلَا تَتَّقُونَ
Gowani na pitharo iyan ko pagtaw niyan a: "Ino kano di phananggila?"
أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ
"Ino niyo pphanongganoya so barahala a Baal, na ipmbagak iyo so lbi a mapiya a miyangadn;"
ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ
"A so Allah, a Kadnan iyo go Kadnan o manga loks iyo a miyangaoona?"
فَكَذَّبُوهُ فَإِنَّهُمۡ لَمُحۡضَرُونَ
Na piyakambokhag iran Skaniyan, na mataan! a siran na phamakadarpaan dn (ko naraka), -
إِلَّا عِبَادَ ٱللَّهِ ٱلۡمُخۡلَصِينَ
Inonta so manga oripn o Allah a manga tolabos.
نتائج البحث
