എല്ലാ ആഹാരപദാര്ത്ഥവും ഇസ്രായീല് സന്തതികള്ക്ക് അനുവദനീയമായിരുന്നു. തൌറാത്ത് അവതരിപ്പിക്കപ്പെടുന്നതിന് മുമ്പായി ഇസ്രായീല് (യഅ്ഖൂബ് നബി) തന്റെ കാര്യത്തില് നിഷിദ്ധമാക്കിയതൊഴികെ. (നബിയേ,) പറയുക: നിങ്ങള് സത്യവാന്മാരാണെങ്കില് തൌറാത്ത് കൊണ്ടുവന്നു അതൊന്ന് വായിച്ചുകേള്പിക്കുക.(18)
____________________
18) ഇബ്റാഹീം നബി(അ)യുടെ ഋജുവായ മാര്ഗത്തിലേക്ക് വിശുദ്ധ ഖുര്ആന് വേദക്കാരെ ക്ഷണിച്ചപ്പോള് അവര് ഒരു പ്രശ്നം ഉന്നയിച്ചു. ഇബ്റാഹീമിന്റെ മാര്ഗത്തില് ഒട്ടകമാംസം നിഷിദ്ധമാണല്ലോ. അപ്പോള് മുഹമ്മദ് നബി അത് ഭക്ഷിക്കുന്നതിനുളള ന്യയീകരണമെന്ത് എന്ന്. അതിനാണ് ഈ ആയത്ത് മറുപടി നല്കുന്നത്. ഒട്ടകമാംസം ഇബ്റാഹീം നബി നിഷിദ്ധമായി പ്രഖ്യാപിച്ചതല്ല. പില്ക്കാലത്ത് യഅ്ഖുബ് നബി(അ) തന്റെ കാര്യത്തില് നിഷിദ്ധമായി പ്രഖ്യാപിച്ചതാണ്. പിന്നീട് ഇസ്രായീല്യര്ക്ക് അത് നിയമമാക്കപ്പെടുകയും ചെയ്തു.