At kung may dalawang pangkat kabilang sa mga mananampalataya na nag-awayan ay pagkasunduin ninyo, O mga mananampalataya, ang dalawa sa pamamagitan ng pag-anyaya sa dalawang panig sa paghahatol ng batas ni Allāh kaugnay sa sigalot ng dalawa. Ngunit kung tumanggi ang isa sa dalawa sa pakikipagpayapaan at lumabag, kalabanin ninyo ang lumabag hanggang sa manumbalik ito sa kahatulan ni Allāh. Kaya kung nanumbalik ito sa kahatulan ni Allāh, pagkasunduin ninyo ang dalawa ayon sa katarungan at pagkakapantay. Maging makatarungan kayo sa hatol ninyo sa dalawa; tunay na si Allāh ay umiibig sa mga makatarungan sa kahatulan nila.
نتائج البحث
