إِذَا زُلۡزِلَتِ ٱلۡأَرۡضُ زِلۡزَالَهَا
Amay ka ilinog ko lopa so iplinog on,
وَأَخۡرَجَتِ ٱلۡأَرۡضُ أَثۡقَالَهَا
Go pakaliyon o lopa so khippnd on,
وَقَالَ ٱلۡإِنسَٰنُ مَا لَهَا
Go matharo o manosiya a: Antona ini?
يَوۡمَئِذٖ تُحَدِّثُ أَخۡبَارَهَا
Sa alongan oto na panotholn iyan so manga tothol rkaniyan:
بِأَنَّ رَبَّكَ أَوۡحَىٰ لَهَا
Sabap sa mataan! a so Kadnan ka na ipagilaham Iyan on oto.
يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ
Sa alongan oto na mamakaliyo so manga manosiya a mbidabida, ka phakiilay kiran so (balas o) manga galbk iran.
فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ
Na sadn sa nggolawla sa timbang bo o kolpong a mapiya, na khaylay niyan oto;
وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ
Go sadn sa nggolawla sa timbang bo o ssrm a marata, na khaylay niyan oto!
نتائج البحث
