وَٱلصَّـٰٓفَّـٰتِ صَفّٗا
Гыйбадәт кыла торган урыннарында саф-саф булып торган фәрештәләр белән
فَٱلزَّـٰجِرَٰتِ زَجۡرٗا
вә кешеләрне явызлыктан тыя торган намаз белән
فَٱلتَّـٰلِيَٰتِ ذِكۡرًا
вә Аллаһ зекере Коръән белән ант итеп әйтәмен.
إِنَّ إِلَٰهَكُمۡ لَوَٰحِدٞ
Әлбәттә, сезнең Илаһәгыз фәкать бер Аллаһтыр.
رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ
Ул – Аллаһ җир, күкләр вә аларның арасында булган нәрсәләрнең һәм мәшрыйкъларның Раббысыдыр.
إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ
Без дөнья күген йолдызларның яктылыгы белән зиннәтләдек.
وَحِفۡظٗا مِّن كُلِّ شَيۡطَٰنٖ مَّارِدٖ
Вә ул күкне атылучы йолдызлар белән исламга һөҗүм итүче шайтаннардан сакладык.
لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ
Ул шайтаннар күккә менсәләр дә, фәрештәләрнең язган сүзләрен ишетә алмаслар, ул шайтаннар күкнең һәр тарафыннан ерак булсыннар өчен, йолдызлар белән атылырлар.
نتائج البحث
