---
title: "ترجمة سورة التكوير - الترجمة الأوزبكية - علاء الدين منصور (الأوزبكية)"
url: "https://quranpedia.net/surah/1/81/book/1981.md"
canonical: "https://quranpedia.net/surah/1/81/book/1981"
surah_id: "81"
book_id: "1981"
book_name: "الترجمة الأوزبكية - علاء الدين منصور"
author: "علاء الدين منصور"
type: "translation"
---

# ترجمة سورة التكوير - الترجمة الأوزبكية - علاء الدين منصور (الأوزبكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/81/book/1981)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة التكوير - الترجمة الأوزبكية - علاء الدين منصور (الأوزبكية) — https://quranpedia.net/surah/1/81/book/1981*.

Translation of Surah التكوير from "الترجمة الأوزبكية - علاء الدين منصور" in الأوزبكية.

### الآية 81:1

> إِذَا ٱلشَّمۡسُ كُوِّرَتۡ [81:1]

1\. Қуёш ўралиб (нурсизланиб) қолганида;

### الآية 81:2

> وَإِذَا ٱلنُّجُومُ ٱنكَدَرَتۡ [81:2]

2\. Юлдузлар ҳам (ўз фалакларидан) тўкилганида;

### الآية 81:3

> وَإِذَا ٱلۡجِبَالُ سُيِّرَتۡ [81:3]

3\. Тоғлар ҳам (ўз жойларидан) жилдирилганида;

### الآية 81:4

> وَإِذَا ٱلۡعِشَارُ عُطِّلَتۡ [81:4]

4\. (Қорнидаги боласи) ўн ойлик бўлган бўғоз туялар ҳам бўш қўйиб юборилганида;

### الآية 81:5

> وَإِذَا ٱلۡوُحُوشُ حُشِرَتۡ [81:5]

5\. Ваҳший ҳайвонлар ҳам (бир жойга) тўпланиб қолганида;

### الآية 81:6

> وَإِذَا ٱلۡبِحَارُ سُجِّرَتۡ [81:6]

6\. Денгизлар (тандир каби) қизитилганида (ва сув ўрнига олов билан тўлганида);

### الآية 81:7

> وَإِذَا ٱلنُّفُوسُ زُوِّجَتۡ [81:7]

7\. Жонлар (қайтадан баданларга) жуфтланганида;

### الآية 81:8

> وَإِذَا ٱلۡمَوۡءُۥدَةُ سُئِلَتۡ [81:8]

8\. Тириклай кўмилган (ҳар бир) қиздан сўралганида,

### الآية 81:9

> بِأَيِّ ذَنۢبࣲ قُتِلَتۡ [81:9]

9\. қандай гуноҳ сабабли ўлдирилгани ҳақида (сўралганида);

### الآية 81:10

> وَإِذَا ٱلصُّحُفُ نُشِرَتۡ [81:10]

10\. (Номаи аъмол) саҳифалари очилганида;

### الآية 81:11

> وَإِذَا ٱلسَّمَآءُ كُشِطَتۡ [81:11]

11\. Осмон (ернинг устидан) сидириб олинганида;

### الآية 81:12

> وَإِذَا ٱلۡجَحِيمُ سُعِّرَتۡ [81:12]

12\. Дўзах (кофирлар учун) ловуллатиб ёқилганида;

### الآية 81:13

> وَإِذَا ٱلۡجَنَّةُ أُزۡلِفَتۡ [81:13]

13\. Жаннат (тақводор зотларга) яқин қилинганида;

### الآية 81:14

> عَلِمَتۡ نَفۡسࣱ مَّآ أَحۡضَرَتۡ [81:14]

14\. (Ана ўша Кунда ҳар бир) жон ўзи (мана шу Кун учун) ҳозирлаб келган нарсани (яъни, барча яхши-ёмон амалларини) билур!

И з о ҳ. Мазкур оятларда Қиёмат Кунида рўй берадиган ўн икки ҳодиса ҳақида хабар берилди. Демак, у Кунда кечаётган даҳшатнинг зиёдалигидан қуёшнинг нури сўниб, юлдузлар ҳар ёққа сочилиб кетади ва тоғлар ҳам жойларидан жилдирилиб, худди булутлар каби осмонда сузиб юради. Саҳро аҳли жуда авайлайдиган ва уларнинг бой-бадавлатликлари рамзи бўлган — туғиш соати яқинлашиб қолган бўғоз туялар ҳам эгаларининг ёдидан кўтарилиб, ҳар ким ўзи билан ўзи бўлиб қолади (яъни, кишилар ўзларининг энг ардоқли нарсаларини ҳам унутадилар). Доимо бир-бирларининг гўштларини еб тирикчилик ўтказадиган ваҳший ҳайвонлар ҳам қандай қилиб бир жойга тўпланганларини билмай қоладилар, денгизлар эса сувлари қуриб, худди тагидан олов ёқилаётган қозонга айланадилар (минг-минг йиллик денгизларнинг бугунга келиб қурий бошлагани ўша Кун яқин қолганининг аломати эмасмикан?), инсонлар ўлиши билан чиқиб кетган жонлари қайта ўз баданларига киради, шунингдек, у Кунда тириклай кўмиб юборилган мазлума қизларнинг ҳам додига етилади (бу ҳақда «Наҳл» сурасининг 59-оятида батафсил изоҳ берилган) ва инсон ўлиши билан ёпилган номаи аъмоли қайта очилиб, ҳисоб-китоб қилинади, у Кунда Ернинг томи бўлган осмон ҳам очиб юборилади ва ниҳоят кофирларга ловуллаб ёнаётган дўзах, мўминларга эса жаннат яқин қилинади — мана шу воқеа-ҳодисалар содир бўладиган Қиёмат Кунида ҳар бир жоннинг ҳаёти-дунёда қилиб ўтган яхши амаллари ўнг ёнига, ёмон амаллари чап ёнига келтириб қўйилади ва ҳеч ким ўз амалидан тона олмайди! Демак, ўша Куннинг қийноқ-азобидан халос бўлишни истаган ҳар бир инсон бугунини Исломий эътиқод ва эзгу амал билан ўтказмоғи вожибдир!

### الآية 81:15

> فَلَآ أُقۡسِمُ بِٱلۡخُنَّسِ [81:15]

15\. Бас, Мен (кундузлари кўздан) ғойиб бўлгувчи (юлдуз)ларга қасам;

### الآية 81:16

> ٱلۡجَوَارِ ٱلۡكُنَّسِ [81:16]

16\. (Кечалари ҳам) тез ўтиб, (ўз «уя»лари — буржларига) яширингувчи (юлдуз)ларга қасам;

### الآية 81:17

> وَٱلَّيۡلِ إِذَا عَسۡعَسَ [81:17]

17\. Ўз зулмати билан келиб-кетаётган кечага қасам;

### الآية 81:18

> وَٱلصُّبۡحِ إِذَا تَنَفَّسَ [81:18]

18\. Ва отаётган тонгга қасам ичурманки,

### الآية 81:19

> إِنَّهُۥ لَقَوۡلُ رَسُولࣲ كَرِيمࣲ [81:19]

19\. Шак-шубҳасиз, у (Қуръон) бир улуғ элчининг (яъни, Жаброил фариштанинг Аллоҳ таоло томонидан келтирган) сўзидир.

### الآية 81:20

> ذِي قُوَّةٍ عِندَ ذِي ٱلۡعَرۡشِ مَكِينࣲ [81:20]

20\. У қувватли, Аршнинг соҳиби (бўлмиш Аллоҳ) наздида макон-мартабали,

### الآية 81:21

> مُّطَاعࣲ ثَمَّ أَمِينࣲ [81:21]

21\. У жойда (яъни, осмонларда фаришталар томонидан) итоат этилгувчи, ишончли (элчининг Аллоҳ таоло томонидан келтирган сўзидир).

### الآية 81:22

> وَمَا صَاحِبُكُم بِمَجۡنُونࣲ [81:22]

22\. Ва сизларнинг соҳибингиз (Муҳаммад алайҳис-салоту вас-салом) мажнун эмасдир.

### الآية 81:23

> وَلَقَدۡ رَءَاهُ بِٱلۡأُفُقِ ٱلۡمُبِينِ [81:23]

23\. Дарҳақиқат, у (Жаброилни) очиқ уфқда кўрди.

### الآية 81:24

> وَمَا هُوَ عَلَى ٱلۡغَيۡبِ بِضَنِينࣲ [81:24]

24\. У (Муҳаммад алайҳис-салоту вас-салом) ғайбга (яъни, ғайбдан келган ваҳийга) бахил ҳам эмасдир. (У Аллоҳ таоло томонидан ўзига келадиган ваҳийларни бузмасдан, тўла-тўкис ҳолда сизларга етказур).

### الآية 81:25

> وَمَا هُوَ بِقَوۡلِ شَيۡطَٰنࣲ رَّجِيمࣲ [81:25]

25\. Ва у (Қуръон) қувилган — малъун шайтоннинг сўзи эмасдир.

### الآية 81:26

> فَأَيۡنَ تَذۡهَبُونَ [81:26]

26\. Бас, сизлар (мана шу Қуръони Карим кўрсатган Ҳақ йўлни инкор этиб) қаён кетмоқдасизлар?!

### الآية 81:27

> إِنۡ هُوَ إِلَّا ذِكۡرࣱ لِّلۡعَٰلَمِينَ [81:27]

27\. У (Қуръон) ҳеч шак-шубҳасиз, бутун оламлар учун бир эслатмадир.

### الآية 81:28

> لِمَن شَآءَ مِنكُمۡ أَن يَسۡتَقِيمَ [81:28]

28\. — Сизларнинг орангиздаги Тўғри Йўлда бўлмоқни хоҳлаган кишилар учун (бир эслатмадир).

### الآية 81:29

> وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ [81:29]

29\. Сизлар фақат бутун оламлар Парвардигори бўлмиш Аллоҳ хоҳласагина (Тўғри Йўлда бўлишни) хоҳларсизлар.

## روابط ذات صلة

- [النص القرآني للسورة](https://quranpedia.net/surah/1/81.md)
- [كل تفاسير سورة التكوير
](https://quranpedia.net/surah-tafsir/81.md)
- [ترجمات سورة التكوير
](https://quranpedia.net/translations/81.md)
- [صفحة الكتاب: الترجمة الأوزبكية - علاء الدين منصور](https://quranpedia.net/book/1981.md)
- [المؤلف: علاء الدين منصور](https://quranpedia.net/person/1756.md)

---

زُر [Quranpedia.net](https://quranpedia.net/surah/1/81/book/1981) — موسوعة القرآن الكريم: التفاسير، الترجمات، التلاوات، والمواضيع.