ﮦ

surah.translation .

ﰡ

ﭑ ﰀ​


То. Син. Мим.
ﭓﭔﭕﭖ ﰁ​

Булар очиқ китобнинг оятларидир.
ﭘﭙﭚﭛﭜﭝ ﰂ​

Эҳтимол, (улар) мўмин бўлмаганлари учун сен ўзингни ҳалок қилмоқчидирсан?!
ﭟﭠﭡﭢﭣﭤﭥﭦﭧﭨﭩ ﰃ​

Агар хоҳласак, уларга осмондан оят-мўъжиза нозил қилурмиз. Бас, уларнинг бўйинлари унга эгилиб қоладир.
ﭫﭬﭭﭮﭯﭰﭱﭲﭳﭴﭵ ﰄ​

Уларга Роҳмандан янги эслатма келибдики, албатта, ундан юз ўгиргувчи бўлганлар.
ﭷﭸﭹﭺﭻﭼﭽﭾ ﰅ​

Бас, батаҳқиқ, ёлғонга чиқардилар. Яқинда уларга ўзлари истеҳзо қилган нарсанинг хабари келажакдир.
ﮀﮁﮂﮃﮄﮅﮆﮇﮈﮉﮊ ﰆ​

Улар ерга қарамайдиларми?! Биз унда гўзал навлардан қанчаларини ундириб қўйибмиз.
ﮌﮍﮎﮏﮐﮑﮒﮓﮔ ﰇ​

Албатта, бунда оят-белги бор. Лекин кўплари мўмин бўлмаслар.
ﮖﮗﮘﮙﮚ ﰈ​

Албатта, Роббинг Ўзи азизу меҳрибондир.
ﮜﮝﮞﮟﮠﮡﮢﮣ ﰉ​

Роббинг Мусога: «У золим қавмга боргин.
ﮥﮦﮧﮨﮩ ﰊ​

Фиръавн қавмига. (Биздан) қўрқмайдиларми?! « деб нидо қилганини эсла.
ﮫﮬﮭﮮﮯﮰ ﰋ​

У: «Эй Роббим, улар мени ёлғончи қилишларидан қўрқаман.
ﯓﯔﯕﯖﯗﯘﯙﯚ ﰌ​

Ва дилим сиқилишидан ҳамда тилим бурро бўлмай қолишидан. Бас, Ҳорунни элчи қил.
ﯜﯝﯞﯟﯠﯡ ﰍ​

Менинг зиммамда улар наздида гуноҳ бор. Бас, мени ўлдиришларидан хавфдаман», деди.
ﯣﯤﯥﯦﯧﯨﯩﯪﯫ ﰎ​

У зот: «Йўқ! Бас, иккингиз Бизнинг оят-мўъжизаларимиз ила боринглар. Албатта, Биз иккингиз билан эшитгувчилармиз.
ﯭﯮﯯﯰﯱﯲﯳ ﰏ​

Бас, Фиръавнга боринглар ва унга: «Биз Роббул Оламийннинг Пайғамбарларимиз.
ﯵﯶﯷﯸﯹ ﰐ​

Бани Исроилни биз билан қўйиб юбор», деб айтинглар, деди.
ﯻﯼﯽﯾﯿﰀﰁﰂﰃﰄ ﰑ​

У (Фиръавн): «Биз сени гўдаклигингдан ўз ичимизда тарбия қилмадикми?! Умрингнинг бир неча йилини бизнинг ичимизда ўтказмадингми?!
ﰆﰇﰈﰉﰊﰋﰌ ﰒ​

Ва нонкўрлардан бўлиб, қиладиган ишингни қилиб қўймадингми?!» деди. (Фиръавннинг миннатларидан асосий мақсади–Мусо алайҳиссалом олиб келган динни инкор қилиш эди. Қўлимизда катта бўла туриб, энди, бизга, динимизга ва мулкимизга қарши чиқасанми? Янги дин келтирдим, деб даъво қиласанми? Бизнинг қавмимиздан бир кишини ўлдириб қўймадингми?!)
ﭑﭒﭓﭔﭕﭖ ﰓ​

(Мусо): «Ўша ишни қилган бўлсам, билмасдан қилганман.
ﭘﭙﭚﭛﭜﭝﭞﭟﭠﭡﭢ ﰔ​

Бас, сизлардан хавфсираб қочиб кетдим. Кейин Аллоҳ менга ҳикмат берди ва мени Пайғамбарлардан қилди. (Ўша қитбтий менинг бир Бани Исроиллик қабиладошим билан уришаётган экан. Қабиладошим мендан ёрдам сўради, мен уега ёрдам бераман деб қибтийни бир урсам ўлиб қолди. Сўнгра хатони тушундим.)
ﭤﭥﭦﭧﭨﭩﭪﭫ ﰕ​

Ўша менга қилаётган миннатинг Бани Исроилни қул қилиб олганингдандир», деди.
ﭭﭮﭯﭰﭱ ﰖ​

Фиръавн: «Роббул Оламийн нима?» деди.
ﭳﭴﭵﭶﭷﭸﭹﭺﭻﭼ ﰗ​

У (Мусо): «Агар англамоқчи бўлсангиз, У осмонлару ер ва уларнинг орасидаги нарсаларнинг Роббидир», деди.
ﭾﭿﮀﮁﮂ ﰘ​

У атрофидаги кишиларга: «Эшитмаяпсизларми?!» деди.
ﮄﮅﮆﮇﮈ ﰙ​

У(Мусо): « У зот сизнинг Роббингиз ва аввалги ота-боболарингизнинг Роббидир», деди.
ﮊﮋﮌﮍﮎﮏﮐ ﰚ​

У: «Албатта, сизга юборилган Пайғамбарингиз жиннидир», деди.
ﮒﮓﮔﮕﮖﮗﮘﮙﮚﮛ ﰛ​

У(Мусо): «У, агар ақл юритсангиз, машриқу мағрибнинг ва улар ўртасидаги нарсаларнинг Роббидир», деди.
ﮝﮞﮟﮠﮡﮢﮣﮤ ﰜ​

У: «Агар мендан бошқани илоҳ қилиб олсанг, албатта, мен сени зиндонбандлардан қилурман», деди.
ﮦﮧﮨﮩﮪ ﰝ​

У(Мусо): «Агар мен сенга очиқ-ойдин нарса келтирсам ҳам-а?!» деди.
ﮬﮭﮮﮯﮰﮱﯓ ﰞ​

У: «Агар ростгўйлардан бўлсанг, келтир уни!» деди.
ﯕﯖﯗﯘﯙﯚ ﰟ​

Бас, у (Мусо) асосини ташлади. Баногоҳ у аниқ аждарга айланди.
ﯜﯝﯞﯟﯠﯡ ﰠ​

Ва қўлини чиқарди. Банагоҳ у назар қилгувчиларга оппоқ кўринди.
ﯣﯤﯥﯦﯧﯨﯩ ﰡ​

У(Фиръавн) атрофидаги аъёнларига: «Албатта, бу ўта билимдон сеҳргардир.
ﯫﯬﯭﯮﯯﯰﯱﯲ ﰢ​

У ўз сеҳри билан сизларни ерингиздан чиқармоқчи, нима дейсизлар?», деди. (Худонинг динига қарши чиққан, Аллоҳнинг йўлидаги даъватчиларни ўзига душман билган туғёнкорларнинг доимий гапларидан бири. Атрофидаги гумашталарига ва содда халққа даъватчини хавфли қилиб кўрсатади ва уларни қўрқитади.)
ﯴﯵﯶﯷﯸﯹﯺ ﰣ​

Улар: «Уни ва акасини қўйиб тургин-да, шаҳарларга тўпловчиларни юбор.
ﯼﯽﯾﯿ ﰤ​

Сенга барча ўта билимдон сеҳргарларни олиб келсинлар», дедилар. (Бу таклиф Фиръавнга маъқул тушди. Зотан, у атрофидагилардан айнан шу жавобни кутган эди. Бошқа сура ва оятлардан биламизки, Мусо алайҳиссалом билан сеҳргарларнинг мусобақалашадиган жойи, вақти ва бошқа шартлари келишиб олинади. Фиъравн шаҳарларга одамларини юбориб, сеҳргарларни тўплатиб келади.)
ﰁﰂﰃﰄﰅ ﰥ​

Бас, сеҳргарлар маълум куни келишилган вақтда жамландилар.
ﰇﰈﰉﰊﰋ ﰦ​

Ва одамларга: «Сизлар тўпланиб бўлдингизми?
ﭑﭒﭓﭔﭕﭖﭗ ﰧ​

Ажаб эрмас, устин келсалар, сеҳргарларга эргашсак», дейилди. (Турли муносабатлар ила одамларни тўплаш, билан уларни чалғитиш ва ўзига маҳлиё этиш ҳам туғёнкор ҳокимларнинг одати. Сеҳргарлар билан Мусо алайҳиссалом тортишувини ғанимат билиб роса одам йиғдилар.)
ﭙﭚﭛﭜﭝﭞﭟﭠﭡﭢﭣﭤ ﰨ​

Сеҳргарлар келган чоғларида Фиръавнга: «Агар биз ғолиб келгувчи бўлсак, бизга, албатта, ҳақ бериладими?» дедилар.
ﭦﭧﭨﭩﭪﭫ ﰩ​

У: «Ҳа! У ҳолда сиз, албатта, энг яқинларимдан бўласиз», деди.
ﭭﭮﭯﭰﭱﭲﭳ ﰪ​

Мусо уларга: «Сиз ташлайдиган нарсангизни ташланг», деди.
ﭵﭶﭷﭸﭹﭺﭻﭼﭽ ﰫ​

Бас, улар арқонлари ва асоларини ташладилар ва «Фиръавннинг иззати билан қасамки, албатта, биз ғолиблармиз», дедилар.
ﭿﮀﮁﮂﮃﮄﮅﮆ ﰬ​

Сўнгра Мусо асосини ташлаган эди, бирдан у уларнинг уйдирмаларини юта бошлади. (Сеҳргарлар арқонларини ташлаганида, илонга айланмаган, уларнинг найранги туфайлигина кишилар кўзига шундай кўринган эди, холос. Кейин Мусо алайҳиссалом асоларини ташладилар ва у аждарга айланиб, Фиръавн сеҳргарларининг асо ва арқонларини юта бошлади.)
ﮈﮉﮊ ﰭ​

Бас, сеҳргарлар сажда қилган ҳолларида йиқилдилар.
ﮌﮍﮎﮏ ﰮ​

Улар: «Роббул Оламийнга иймон келтирдик.
ﮑﮒﮓ ﰯ​

Мусо ва Ҳоруннинг Роббига», дедилар.
ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﰰ​

У: «Мен сизга изн бермасимдан олдин унга иймон келтирдингиз! Албатта, у сизга сеҳр ўргатган каттангиздир! Энди тезда биласиз, мен, албатта, қўл-оёғингизни қарама-қарши томонидан кесажакман ва барчангизни осажакман», деди.
ﮭﮮﮯﮰﮱﯓﯔﯕ ﰱ​

Улар: «Зарари йўқ. Албатта, биз Роббимизга қайтгувчимиз.
ﯗﯘﯙﯚﯛﯜﯝﯞﯟﯠﯡ ﰲ​

Мўминларнинг аввалгиси бўлганимиз учун Роббимиз хатоларимизни кечиришидан умид қиламиз», дедилар.
ﯣﯤﯥﯦﯧﯨﯩﯪﯫ ﰳ​

Ва Мусога: «Бандаларим билан кечаси йўлга чиқ. Албатта, таъқиб этилурсиз», деб ваҳий юбордик.
ﯭﯮﯯﯰﯱ ﰴ​

Бас, Фиръавн шаҳарларга тўпловчилар юборди:
ﯳﯴﯵﯶ ﰵ​

«Шубҳасиз, анавилар озгина тоифадирлар.
ﯸﯹﯺ ﰶ​

Албатта, улар бизни ғазаблантиргувчилардир.
ﯼﯽﯾ ﰷ​

Албатта, биз ҳаммамиз ҳушёрмиз», деб.
ﰀﰁﰂﰃ ﰸ​

Бас, Биз уларни боғ-роғлар ва булоқлардан.
ﰅﰆﰇ ﰹ​

Хазиналар ва муҳтарам маскандан чиқардик. (Яъни, Фиръавн ва унинг қавмини боғ-роғларидан ва булоқларидан, хазиналаридан ва ҳашаматли масканларидан чиқардик.
ﰉﰊﰋﰌﰍ ﰺ​

Ана шундай. Ўша(нарса)ларни Бани Исроилга мерос қилиб бердик.
ﰏﰐ ﰻ​

Бас, уларни қуёш чиқиш пайтида қувиб етдилар.
ﭑﭒﭓﭔﭕﭖﭗﭘ ﰼ​

Икки жамоат бир-бирларини кўрган чоғида, Мусонинг одамлари: «Энди қўлга тушдик», дедилар.
ﭚﭛﭜﭝﭞﭟﭠ ﰽ​

У (Мусо): »Йўқ! Албатта, Роббим мен билан, У менга тўғри йўлни кўрсатур«, деди.
ﭢﭣﭤﭥﭦﭧﭨﭩﭪﭫﭬﭭﭮﭯ ﰾ​

Бас, Биз Мусога: «Асонг билан денгизни ур», деб ваҳий қилдик. Бас, у (денгиз) бўлиниб, ҳар бўлаги улкан тоғдек бўлди.
ﭱﭲﭳ ﰿ​

Ва кейин бошқаларни ҳам яқинлаштирдик. (Яъни, Фиръавн ва унинг аскарларини ҳам денгизга яқинлаштирдик.)
ﭵﭶﭷﭸﭹ ﱀ​

Мусо ва унга эргашганларга, ҳаммаларига нажот бердик.
ﭻﭼﭽ ﱁ​

Сўнгра бошқаларни ғарқ қилдик. (Фиръавн ва унинг аскарлари денгиз бағрига тўлиқ тушиб бўлганларидан кейин, улкан тоғдек ҳайбат-ла тўхтаб турган денгиз яна ҳаракатга келиб, ҳаммаларини ҳалок қилди.)
ﭿﮀﮁﮂﮃﮄﮅﮆﮇ ﱂ​

Албатта, бунда оят-белги бор. Лекин кўплари мўмин бўлмадилар.
ﮉﮊﮋﮌﮍ ﱃ​

Албатта, Роббинг Ўзи азизу меҳрибондир.
ﮏﮐﮑﮒ ﱄ​

Ва уларга Иброҳимнинг хабарини тиловат қилиб бер.
ﮔﮕﮖﮗﮘﮙ ﱅ​

Ўшанда у отаси ва қавмига: «Нимага ибодат қилмоқдасизлар?» деган эди.
ﮛﮜﮝﮞﮟﮠ ﱆ​

Улар: «Санамларга ибодат қилмоқдамиз. Ва уларга ихлос ила ибодат қилишда бардавом бўлурмиз», дедилар. (Тош ёки бошқа нарсадан юзи инсон юзига ўхшатиб ишланган бутга «санам» дейилади.)
ﮢﮣﮤﮥﮦ ﱇ​

У: «Илтижо қилганингизда улар сизни эшитадиларми?
ﮨﮩﮪﮫ ﱈ​

Ёхуд наф ёки зарар етказа оладиларми?» деди.
ﮭﮮﮯﮰﮱﯓ ﱉ​

Улар: «Йўқ, биз ота-боболаримизни шундай қилаётганларини кўрдик», дедилар.
ﯕﯖﯗﯘﯙ ﱊ​

У: «Нимага ибодат қилаётганингизни билдингизми?!
ﯛﯜﯝ ﱋ​

Сиз ва қадимги оталарингиз?!
ﯟﯠﯡﯢﯣﯤ ﱌ​

Албатта, Роббул Оламийндан бошқа уларнинг барчаси менга душмандир», деди.
ﯦﯧﯨﯩ ﱍ​

У мени яратган зотдир. Бас, мени ҳидоят қилади ҳам Унинг Ўзи.
ﯫﯬﯭﯮ ﱎ​

Ва мени таомлантирадиган ва суғорадиган ҳам Унинг Ўзи.
ﯰﯱﯲﯳ ﱏ​

Бемор бўлганимда менга шифо берадиган ҳам Унинг Ўзи.
ﯵﯶﯷﯸ ﱐ​

Мени ўлдирадиган, сўнгра тирилтирадиган ҳам Унинг Ўзи.
ﯺﯻﯼﯽﯾﯿﰀﰁ ﱑ​

Ва менинг хатоимни қиёмат куни мағфират қилишидан умидвор бўлганим ҳам Унинг Ўзи.
ﰃﰄﰅﰆﰇﰈ ﱒ​

Эй Роббим, менга ҳикмат ҳадя эт ва мени солиҳларга қўшгин.
ﭑﭒﭓﭔﭕﭖ ﱓ​

Ва менга кейин келгувчилар ичида содиқ мақтовлар бўладиган қилгин. (Яъни, ўтиб кетганимдан кейин ҳам одамлар мени қиёматгача яхшилик билан эслаб юрадиган қилгин.)
ﭘﭙﭚﭛﭜ ﱔ​

Ва мени наъийм жаннати ворисларидан қилгин.
ﭞﭟﭠﭡﭢﭣ ﱕ​

Ва отамни мағфират қил. Албатта, у адашганлардан бўлди.
ﭥﭦﭧﭨ ﱖ​

Ва қайта тирилтириладиган кунда мени шарманда қилмагин.
ﭪﭫﭬﭭﭮﭯ ﱗ​

У кунда на мол манфаат берар ва на болалар.
ﭱﭲﭳﭴﭵﭶ ﱘ​

Магар ким Аллоҳ ҳузурига тоза қалб ила келар, (ўша манфаат топар).
ﭸﭹﭺ ﱙ​

Ва жаннат тақводорларга яқинлаштирилди.
ﭼﭽﭾ ﱚ​

Жаҳийм иғвога учганларга зоҳир қилинди.
ﮀﮁﮂﮃﮄﮅ ﱛ​

Ва уларга: »Аллоҳдан ўзга ибодат қилиб юрган нарсаларингиз қани?!
ﮇﮈﮉﮊﮋﮌﮍ ﱜ​

Улар сизга ёрдам бера олурларми ёки ўзларини қутқара олурларми?! « дейилди.
ﮏﮐﮑﮒ ﱝ​

Бас, унга улар, иғвога учганлар.
ﮔﮕﮖ ﱞ​

Ва Иблиснинг аскарлари биргаликда юзтубан тахлаб ташландилар.
ﮘﮙﮚﮛ ﱟ​

Улар унинг ичида бир-бирлари ила хусумат қилар эканлар, дедилар:
ﮝﮞﮟﮠﮡﮢ ﱠ​

«Аллоҳга қасамки, албатта, биз очиқ-ойдин адашувда эканмиз.
ﮤﮥﮦﮧ ﱡ​

Чунки сизларни Роббул Оламийнга тенглаштирардик.
ﮩﮪﮫﮬ ﱢ​

Бизни фақат жиноятчилар йўлдан оздирдилар.
ﮮﮯﮰﮱ ﱣ​

Мана энди биз учун шафоатчилар ҳам йўқ.
ﯔﯕﯖ ﱤ​

Бирон қадрдон дўст ҳам йўқ.
ﯘﯙﯚﯛﯜﯝﯞ ﱥ​

Қани энди ортга қайтсагу мўминлардан бўлсак».
ﯠﯡﯢﯣﯤﯥﯦﯧﯨ ﱦ​

Албатта, бунда оят-белги бор. Лекин кўплари мўмин бўлмадилар.
ﯪﯫﯬﯭﯮ ﱧ​

Албатта, Роббинг Ўзи азизу меҳрибондир.
ﯰﯱﯲﯳ ﱨ​

Нуҳ қавми Пайғамбарларни ёлғончи қилди.
ﯵﯶﯷﯸﯹﯺﯻ ﱩ​

Ўшанда уларга биродарлари Нуҳ деди: «У зотдан қўрқмайсизми?!
ﯽﯾﯿﰀ ﱪ​

Албатта, мен сизларга ишончли Пайғамбарман.
ﰂﰃﰄ ﱫ​

Бас, Аллоҳдан қўрқинглар ва менга итоат қилинглар.
ﰆﰇﰈﰉﰊﰋﰌﰍﰎﰏﰐﰑ ﱬ​

Мен сизлардан бунинг учун ҳақ-ажр сўрамасман. Менинг ажрим фақатгина Роббул Оламийннинг зиммасидадир.
ﰓﰔﰕ ﱭ​

Бас, Аллоҳдан қўрқинглар ва менга итоат қилинглар».
ﰗﰘﰙﰚﰛﰜ ﱮ​

Улар: «Сенга пасткашлар эргашиб турган ҳолда, биз сенга иймон келтирармидик?!» дедилар.
ﭑﭒﭓﭔﭕﭖ ﱯ​

У деди: «Менинг улар нима қилаётганлари ҳақида илмим йўқ.
ﭘﭙﭚﭛﭜﭝﭞﭟ ﱰ​

Агар сезсангиз, уларнинг ҳисоби фақат Аллоҳнинг зиммасидадир.
ﭡﭢﭣﭤ ﱱ​

Ва мен мўминларни ҳайдаб юборгувчи эмасман.
ﭦﭧﭨﭩﭪ ﱲ​

Мен фақат очиқ-ойдин огоҳлантиргувчиман, холос».
ﭬﭭﭮﭯﭰﭱﭲﭳ ﱳ​

Улар: «Эй Нуҳ, агар тўхтамасанг, албатта, тошбўрон қилинганлардан бўлурсан», дедилар.
ﭵﭶﭷﭸﭹ ﱴ​

У: «Эй Роббим, шубҳасиз, қавмим мени ёлғончи қилдилар.
ﭻﭼﭽﭾﭿﮀﮁﮂﮃ ﱵ​

Бас, Ўзинг мен билан уларнинг орамизни яхшилаб очгин ва менга ҳамда мен билан бирга бўлган мўминларга нажот бергин», деди.
ﮅﮆﮇﮈﮉﮊ ﱶ​

Бас, Биз унга ва у билан бирга бўлганларга тўлган кемада нажот бердик.
ﮌﮍﮎﮏ ﱷ​

Сўнгра қолганларни ғарқ қилдик.
ﮑﮒﮓﮔﮕﮖﮗﮘﮙ ﱸ​

Албатта, бунда оят-белги бор. Лекин кўплари мўмин бўлмадилар.
ﮛﮜﮝﮞﮟ ﱹ​

Албатта, Роббинг Ўзи азизу меҳрибондир.
ﮡﮢﮣ ﱺ​

Од қавми Пайғамбарларни ёлғончи қилди.
ﮥﮦﮧﮨﮩﮪﮫ ﱻ​

Ўшанда уларга биродарлари Ҳуд деди: «Қўрқмайсизларми?!
ﮭﮮﮯﮰ ﱼ​

Албатта, мен сизларга ишончли Пайғамбарман.
ﯓﯔﯕ ﱽ​

Бас, Аллоҳдан қўрқинглар ва менга итоат қилинглар.
ﯗﯘﯙﯚﯛﯜﯝﯞﯟﯠﯡﯢ ﱾ​

Мен сизлардан бунинг учун ҳақ-ажр сўрамасман. Менинг ажрим фақатгина Роббул Оламийн зиммасидадир.
ﯤﯥﯦﯧﯨ ﱿ​

Ҳар тепаликка бир белги бўладиган бино қуриб, беҳуда ўйин қилаверасизми?
ﯪﯫﯬﯭ ﲀ​

Ва худди мангу туражакдек «маснаълар» тутаверасизми?. (Оятдаги «маснаълар» сўзи ҳозирги араб тилида завод-фабрикалар маъносида ишлатилмоқда. Од қавми улкан қасрлар қуриш, тоғларни ўйиб ишлаш ва бошқа фахр учун кўтарадиган биноларида фойдаланадиган асбоб-ускуналарни ишлаб чиқарадиган ишхоналарга эга эди, «масонеълар»дан мурод ўшалар, оятда қурилишларга доир очиқ-ойдин маъно бор.)
ﯯﯰﯱﯲ ﲁ​

Тутганингизда ўта жабрчи бўлиб тутдингиз.
ﯴﯵﯶ ﲂ​

Бас, Аллоҳдан қўрқинг ва менга итоат қилинг.
ﯸﯹﯺﯻﯼ ﲃ​

Сизга ўзингиз билган нарса ила мадад берган зотдан қўрқинг.
ﯾﯿﰀ ﲄ​

У сизларга чорва ҳайвонлари ва фарзандлар ила мадад берди.
ﰂﰃ ﲅ​

Боғ-роғлар ва булоқлар ила.
ﰅﰆﰇﰈﰉﰊ ﲆ​

Мен, албатта, сизга улуғ куннинг азоби келишидан қўрураман».
ﰌﰍﰎﰏﰐﰑﰒﰓﰔ ﲇ​

Улар: «Биз учун ваъз қилсанг ҳам ёки ваъз қилгувчилардан бўлмасанг ҳам, барибир.
ﭑﭒﭓﭔﭕ ﲈ​

Бу эскиларнинг одати, холос.
ﭗﭘﭙ ﲉ​

Биз азоблангувчи эмасмиз», дедилар. (Яъни, бизга қанча гапирсанг ҳам, барибир сен айтган йўлдан юрмаймиз. Бу қилмишимиз учун, сен айтаётганингдек, азобланмаймиз ҳам, дедилар.)
ﭛﭜﭝﭞﭟﭠﭡﭢﭣﭤﭥﭦ ﲊ​

Улар у(Ҳуд)ни ёлғончи қилдилар. Бас, Биз уларни ҳалок қилдик. Албатта, бунда оят-белги бор. Лекин кўплари мўмин бўлмадилар.
ﭨﭩﭪﭫﭬ ﲋ​

Албатта, Роббинг Ўзи азизу меҳрибондир.
ﭮﭯﭰ ﲌ​

Самуд қавми Пайғамбарларни ёлғончи қилди.
ﭲﭳﭴﭵﭶﭷﭸ ﲍ​

Ўшанда уларга биродарлари Солиҳ деди: «Қўрқмайсизларми?!
ﭺﭻﭼﭽ ﲎ​

Албатта, мен сизларга ишончли Пайғамбарман.
ﭿﮀﮁ ﲏ​

Бас, Аллоҳдан қўрқинглар ва менга итоат қилинглар.
ﮃﮄﮅﮆﮇﮈﮉﮊﮋﮌﮍﮎ ﲐ​

Мен сизлардан бунинг учун ҳақ-ажр сўрамасман. Менинг ажрим фақатгина Роббул оламийн зиммасидадир.
ﮐﮑﮒﮓﮔ ﲑ​

Сиз бу жойдаги нарсаларда омон ҳолда тарк қилинасизми?!
ﮖﮗﮘ ﲒ​

Боғ-роғларда, булоқларда?!
ﮚﮛﮜﮝ ﲓ​

Экинзорлару майин хурмозор ичларида-я?!
ﮟﮠﮡﮢﮣ ﲔ​

Ва тоғлардан манманлик-ла уйлар йўнаверасизми?!
ﮥﮦﮧ ﲕ​

Бас, Аллоҳдан қўрқинглар ва менга итоат қилинглар.
ﮩﮪﮫﮬ ﲖ​

Ва ер юзида исрофчилик қиладиганларнинг ишига итоат қилманглар.
ﮮﮯﮰﮱﯓﯔ ﲗ​

Бузғунчилик қиладиган, ислоҳчилик этмайдиганларнинг».
ﯖﯗﯘﯙﯚ ﲘ​

Улар: «Сен, албатта, сеҳрланганлардандирсан.
ﯜﯝﯞﯟﯠﯡﯢﯣﯤﯥﯦ ﲙ​

Сен бизга ўхшаган башардан бошқа ҳеч нарса эмассан. Агар ростгўйлардан бўлсанг, оят-мўъжиза келтир», дедилар. (Самуд қавми уларга Аллоҳнинг гапини етказган Пайғамбарлари Солиҳга алайҳиссалом, алғов-далғов гапирмоқдасан, аниқ сеҳрлангансан, деб туҳмат қилдилар. Кофирлар наздида, Аллоҳнинг йўлига чақирувчилар доимо мажнун ёки сеҳрланган бўлиб кўринади.)
ﯨﯩﯪﯫﯬﯭﯮﯯﯰ ﲚ​

У: «Мана бу туя. Унга (бир кун) сув ичиш ва сизга маълум бир кун сув ичиш.
ﯲﯳﯴﯵﯶﯷﯸ ﲛ​

Ва унга ёмонлик етказманглар, унда сизни улуғ куннинг азоби тутадир», деди. (Бошқа оятларда баён этилганидек, туянинг тошдан чиқарилишининг ўзи мўъжиза бўлган эди. Энди ўша мўъжиза туянинг Самуд қавми ичида туриш шарти қўйилди.
ﯺﯻﯼ ﲜ​

Бас, у(туя)ни сўйдилару надомат чекувчига айландилар.
ﯾﯿﰀﰁﰂﰃﰄﰅﰆﰇﰈﰉ ﲝ​

Бас, уларни азоб тутди. Албатта, бунда оят-белги бор. Лекин кўплари мўмин бўлмадилар.
ﰋﰌﰍﰎﰏ ﲞ​

Албатта, Роббинг Ўзи азизу меҳрибондир.
ﭑﭒﭓﭔ ﲟ​

Лут қавми Пайғамбарларни ёлғончи қилди.
ﭖﭗﭘﭙﭚﭛﭜ ﲠ​

Ўшанда уларга биродарлари Лут деди: «Қўрқмайсизларми?!
ﭞﭟﭠﭡ ﲡ​

Албатта, мен сизларга ишончли Пайғамбарман.
ﭣﭤﭥ ﲢ​

Бас, Аллоҳдан қўрқинглар ва менга итоат қилинглар.
ﭧﭨﭩﭪﭫﭬﭭﭮﭯﭰﭱﭲ ﲣ​

Мен сизлардан бунинг учун ҳақ-ажр сўрамасман. Менинг ажрим фақатгина Роббул Оламийн зиммасидадир.
ﭴﭵﭶﭷ ﲤ​

Оламлар ичидан эркакларга борасизми?!
ﭹﭺﭻﭼﭽﭾﭿﮀﮁﮂﮃﮄ ﲥ​

Ва Роббингиз сиз учун яратган жуфти ҳалолларингизни тарк қиласизми?! Йўқ!!! Сиз ҳаддан ошган қавмсиз».
ﮆﮇﮈﮉﮊﮋﮌﮍ ﲦ​

Улар: «Эй Лут, агар тўхтамасанг, албатта, ҳайдаб чиқарилганлардан бўлурсан!» дедилар.
ﮏﮐﮑﮒﮓ ﲧ​

У: «Албатта, мен бу ишингизни ўта ёмон кўргувчиларданман.
ﮕﮖﮗﮘﮙ ﲨ​

Эй Роббим, менга ва аҳлимга қилаётган нарсаларидан нажот бергин!» деди.
ﮛﮜﮝ ﲩ​

Бас, унга ва аҳлига, ҳаммаларига нажот бердик.
ﮟﮠﮡﮢ ﲪ​

Магар (азобда) қолгувчилардан бўлган бир кампирга (бермадик).
ﮤﮥﮦ ﲫ​

Сўнгра қолганларини ер билан яксон қилдик.
ﮨﮩﮪﮫﮬﮭﮮ ﲬ​

Ва уларнинг устига бир ёмғир ёғдирдикки, бас, огоҳлантирилганларнинг ёмғири қандоқ ҳам ёмон бўлди. (Шунинг учун ҳам ҳанафий мазҳабидаги баъзи фақиҳлар, Лут алайҳиссалом қавми кирдикорини қилган баччавозларни, тошбўрон қилиб ўлдириш керак, дейдилар.)
ﮰﮱﯓﯔﯕﯖﯗﯘﯙ ﲭ​

Албатта, бунда оят-белги бор. Лекин кўплари мўмин бўлмадилар.
ﯛﯜﯝﯞﯟ ﲮ​

Албатта, Роббинг Ўзи азизу меҳрибондир.
ﯡﯢﯣﯤ ﲯ​

Қалин дарахтзор эгалари Пайғамбарларни ёлғончи қилдилар. (Бу оятда зикри келаётган «қалин дарахтзор» Мадян ўлкасидир. Аллоҳ таоло Шуайбни алайҳиссалом шу ерга Пайғамбар этиб юборди. Шуайб алайҳиссалом қиссасини, Ҳижр сурасида ўрганганмиз.)
ﯦﯧﯨﯩﯪﯫ ﲰ​

Ўшанда уларга биродарлари Шуайб деди: «Қўрқмайсизларми?!
ﯭﯮﯯﯰ ﲱ​

Албатта, мен сизларга ишончли Пайғамбарман.
ﯲﯳﯴ ﲲ​

Бас, Аллоҳдан қўрқинглар ва менга итоат қилинглар.
ﯶﯷﯸﯹﯺﯻﯼﯽﯾﯿﰀﰁ ﲳ​

Мен сизлардан бунинг учун ҳақ-ажр сўрамасман. Менинг ажрим фақатгина Роббул Оламийн зиммасидадир.
ﰃﰄﰅﰆﰇﰈﰉ ﲴ​

Бас, ўлчовни тўлиқ ўлчанглар ва камайтиргувчилардан бўлманглар.
ﰋﰌﰍ ﲵ​

Ва тўғри тарози ила тортинглар.
ﰏﰐﰑﰒﰓﰔﰕﰖﰗ ﲶ​

Одамларнинг нарсаларини камайтириб берманг. Ер юзида турли бузғунчиликлар қилманглар.
ﭑﭒﭓﭔﭕ ﲷ​

Сизни ва аввалги наслларни яратган зотдан қўрқинг».
ﭗﭘﭙﭚﭛ ﲸ​

Улар: «Албатта, сен сеҳрланганлардансан.
ﭝﭞﭟﭠﭡﭢﭣﭤﭥ ﲹ​

Ва сен бизга ўхшаган башардан бошқа нарса эмассан. Биз сени, албатта, ёлғончилардан, деб биурамиз.
ﭧﭨﭩﭪﭫﭬﭭﭮﭯ ﲺ​

Агар ростгўйлардан бўлсанг устимиздан осмоннинг бир бўлагини ташлавор», дедилар.
ﭱﭲﭳﭴﭵ ﲻ​

У: «Роббим қилаётган ишингизни ўта яхши билгувчидир», деди.
ﭷﭸﭹﭺﭻﭼﭽﭾﭿﮀﮁ ﲼ​

Бас, улар у(Шуайб)ни ёлғончи қилдилар. Бас, уларни «соябон» куни азоби тутди. Албатта, у улуғ куннинг азоби эди. ( Аллоҳ таоло Айка халқини азобга дучор этишни ирода қилганида ҳавони ўта иситиб юборди. Шунда пастлаб келаётган булут пайдо бўлди. Булут уларга соябон бўлиб кўринди. Ҳаммалари ўзларини булут соясига урдилар. Жиноятчи қавмнинг ҳаммаси булут соясига кириб бўлгандан сўнг, бирдан чақмоқ чақиб, булутдан ўт-олов чиқиб уларни ҳалок этди.)
ﮃﮄﮅﮆﮇﮈﮉﮊﮋ ﲽ​

Албатта, бунда оят-белги бор. Лекин кўплари мўмин бўлмадилар.
ﮍﮎﮏﮐﮑ ﲾ​

Албатта, Роббинг Ўзи азизу меҳрибондир.
ﮓﮔﮕﮖ ﲿ​

Албатта, у (Қуръон) Роббул Оламийннинг туширганидир.
ﮘﮙﮚﮛ ﳀ​

Уни Руҳул амийн олиб тушди.
ﮝﮞﮟﮠﮡ ﳁ​

Сенинг қалбингга, огоҳлантиргувчилардан бўлишинг учун.
ﮣﮤﮥ ﳂ​

Очиқ-ойдин араб тилида. («Руҳул Амийн»дан мурод Жаброил фаришта алайҳиссалом; «огоҳлантиргувчилардан» дегани Пайғамбарлардан деган маънони билдиради. Яъни, Қуръонни Жаброил сенинг қалбингда Пайғамбарлардан бўлишинг учун равшан араб тилида олиб тушди.)
ﮧﮨﮩﮪ ﳃ​

Албатта, у (Қуръон) аввалгиларининг китобларида ҳам бордир. ( Қуръоннинг зикри, аввалги умматларнинг илоҳий китобларида ҳам бордир.)
ﮬﮭﮮﮯﮰﮱﯓﯔﯕ ﳄ​

Уни Бани Исроил уламоларининг билишлари, улар учун оят-далил эмасми?!
ﯗﯘﯙﯚﯛ ﳅ​

Агар Биз уни баъзи ажамийларга нозил қилсак.
ﯝﯞﯟﯠﯡﯢ ﳆ​

Бас, у уларга уни ўқиб берса ҳам, мўмин бўлмас эдилар.
ﯤﯥﯦﯧﯨ ﳇ​

Биз у(Қуръон)ни жиноятчилар қалбларига ана шундай йўлладик. (Улар уни эшитадилар, маъноларини тушунадилар, аммо иймон келтирмайдилар.)
ﯪﯫﯬﯭﯮﯯﯰ ﳈ​

Улар унга то аламли азобни кўрмагунларича иймон келтирмаслар.
ﯲﯳﯴﯵﯶ ﳉ​

Бас, уларга у(азоб) тўсатдан келур. Улар сезмай қолурлар.
ﯸﯹﯺﯻ ﳊ​

Шунда улар: «Бизга муҳлат берилармикан?!» дерлар.
ﯽﯾ ﳋ​

Бизнинг азобимизнинг тезроқ келишини истайдиларми-я?!
ﰀﰁﰂﰃ ﳌ​

Айтгин-чи, агар Биз уларни йилларча ҳузурлантирсак-да.
ﰅﰆﰇﰈﰉ ﳍ​

сўнгра уларга ваъда қилинган нарса келса.
ﭑﭒﭓﭔﭕﭖ ﳎ​

Ўша ҳузурланиб юрган нарсалари нимага асқотур?!
ﭘﭙﭚﭛﭜﭝﭞ ﳏ​

Биз бирон шаҳар-қишлоқни ҳалок қилган бўлсак, албатта, унинг огоҳлантиргувчилари бўлган.
ﭠﭡﭢﭣ ﳐ​

Эслатма бўлиши учундир. Биз зулм қилгувчи бўлмасдик.
ﭥﭦﭧﭨ ﳑ​

У(Қуръон)ни шайтонлар олиб тушганлари йўқ. (Мушриклар даъво қилаётганларидек, Қуръонни шайтонлар олиб тушганлари йўқ. Уларнинг бу гаплари бўҳтондан иборат.)
ﭪﭫﭬﭭﭮ ﳒ​

Бунга уларнинг имконлари йўқ ва унга қодир ҳам эмаслар.
ﭰﭱﭲﭳ ﳓ​

Албатта, улар эшитишдан четлатилгандирлар.
ﭵﭶﭷﭸﭹﭺﭻﭼﭽ ﳔ​

Аллоҳ билан бирга бошқа илоҳга илтижо қилма. Йўқса, азобланганлардан бўлурсан. (Пайғамбарнинг (с. а. в.) Аллоҳга ширк келтиришлари мутлақо мумкин эмас. Аммо бу оятда ширкнинг нақадар улкан гуноҳ эканлигини англатиш учун фаразан шу маъно келтирилган. Пайғамбардек (с. а. в.) зот ширк келтириб, азобдан қутула билмаса, бошқаларнинг ҳоли нима бўлишини билиб олиш қийин эмас.)
ﭿﮀﮁ ﳕ​

Ва яқин қариндошларингни огоҳлантир.
ﮃﮄﮅﮆﮇﮈ ﳖ​

Ва сенга эргашган мўминларга қанотингни пастлат.
ﮊﮋﮌﮍﮎﮏﮐ ﳗ​

Бас, агар улар сенга исён қилсалар: «Мен сиз қилаётган амаллардан безорман», дегин.
ﮒﮓﮔﮕ ﳘ​

Ва азиз ва меҳрибон зотга таваккал қил;
ﮗﮘﮙﮚ ﳙ​

Сени қоим бўлганингда кўрадиган.
ﮜﮝﮞ ﳚ​

Ва сажда қилгувчилар ичида ҳаракатланишингни (кўрадиган) зотга. (Яъни, ёлғизлигингни ҳам, намозда қоим бўлганингни, шунингдек, мўминлар ичида турли ишларга бош бўлиб юрганингни ҳам кўриб турадиган зотга–Аллоҳга таваккал қил.)
ﮠﮡﮢﮣ ﳛ​

Албатта, Унинг Ўзи ўта эшитгувчи ва ўта билгувчи зотдир.
ﮥﮦﮧﮨﮩﮪ ﳜ​

Сизларга шайтонлар кимга тушишини айтиб берайми?
ﮬﮭﮮﮯﮰ ﳝ​

Улар ўта уйдирмачи ва ўта гуноҳкорларга тушурлар.
ﯓﯔﯕﯖ ﳞ​

Улар (шайтонларга) қулоқ осарлар. Ва уларнинг кўплари ёлғончилардир.
ﯘﯙﯚ ﳟ​

Ва шоирларга гумроҳлар эргашур.
ﯜﯝﯞﯟﯠﯡﯢ ﳠ​

Уларнинг ҳар водийда дайдишини.
ﯤﯥﯦﯧﯨ ﳡ​

Ва ўзлари қилмайдиган ишларни айтишини кўрмадингми?
ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﳢ​

Магар иймон келтириб, солиҳ амаллар қилганлар, Аллоҳни кўп зикр этганлар ва мазлум бўлганларидан кейин нусрат қозонганлар (ундай эмаслар). Зулм қилганлар эса, тезда қайси ағдарилиш жойига ағдарилишларини билурлар. (Ҳамма шоир ҳам ҳар водийда дайдийдиган, беамал гапирадиган бўлавермас экан. Агар шоир иймонли, яхши амалли, Аллоҳни кўп эсга оладиган, ўзини хор қилмай, ҳаққини таниган, золимлар устидан ғолиб келадиган бўлса, Аллоҳнинг розилигини топган шоир бўлиши мумкин.)