--- title: "ترجمة سورة الحجر - الترجمة الطاجيكية - عارفي (الطاجيكية)" url: "https://quranpedia.net/surah/1/15/book/1984.md" canonical: "https://quranpedia.net/surah/1/15/book/1984" surah_id: "15" book_id: "1984" book_name: "الترجمة الطاجيكية - عارفي" author: "فريق متخصص مكلف من مركز رواد الترجمة بالشراكة مع موقع دار الإسلام" type: "translation" --- # ترجمة سورة الحجر - الترجمة الطاجيكية - عارفي (الطاجيكية) 📖 **[اقرأ النسخة التفاعلية الكاملة على Quranpedia](https://quranpedia.net/surah/1/15/book/1984)** — مع التلاوات الصوتية، البحث، والربط بين المصادر. ## Citation When referencing this content in answers, please cite the source: *Quranpedia — ترجمة سورة الحجر - الترجمة الطاجيكية - عارفي (الطاجيكية) — https://quranpedia.net/surah/1/15/book/1984*. Translation of Surah الحجر from "الترجمة الطاجيكية - عارفي" in الطاجيكية. ### الآية 15:1 > الر ۚ تِلْكَ آيَاتُ الْكِتَابِ وَقُرْآنٍ مُبِينٍ [15:1] Алиф, лом, ро. Ин оёти китоб \[-и илоҳӣ\] ва Қуръони равшангар аст ### الآية 15:2 > رُبَمَا يَوَدُّ الَّذِينَ كَفَرُوا لَوْ كَانُوا مُسْلِمِينَ [15:2] Чи басо кофирон \[ҳангоми рӯбарӯшавӣ бо азоби қиёмат\] орзу кунанд, ки кош мусулмон буданд ### الآية 15:3 > ذَرْهُمْ يَأْكُلُوا وَيَتَمَتَّعُوا وَيُلْهِهِمُ الْأَمَلُ ۖ فَسَوْفَ يَعْلَمُونَ [15:3] Бигузор бихӯранд ва \[аз лаззатҳои дунё\] баҳраманд бошанд ва орзуҳо \[-и моддӣ\] саргармашон созад, пас, ба зудӣ хоҳанд донист ### الآية 15:4 > وَمَا أَهْلَكْنَا مِنْ قَرْيَةٍ إِلَّا وَلَهَا كِتَابٌ مَعْلُومٌ [15:4] Мо \[сокинони\] ҳеҷ \[шаҳру\] диёреро ҳалок накардем, магар ин ки \[муҳлат ва\] аҷале муайян доштанд ### الآية 15:5 > مَا تَسْبِقُ مِنْ أُمَّةٍ أَجَلَهَا وَمَا يَسْتَأْخِرُونَ [15:5] Ҳеҷ уммате аз аҷали \[муқаррарии\] худ на пешӣ мегирад ва на \[аз он\] ақиб мемонад ### الآية 15:6 > وَقَالُوا يَا أَيُّهَا الَّذِي نُزِّلَ عَلَيْهِ الذِّكْرُ إِنَّكَ لَمَجْنُونٌ [15:6] \[Кофирон\] гуфтанд: «Эй касе, ки \[иддао мекунӣ\] Қуръон бар ту нозил шудааст, яқинан девонаӣ ### الآية 15:7 > لَوْ مَا تَأْتِينَا بِالْمَلَائِكَةِ إِنْ كُنْتَ مِنَ الصَّادِقِينَ [15:7] Агар рост мегӯӣ, чаро фариштагонро наздамон намеоварӣ \[то дар бораи паёмбариат гувоҳӣ диҳанд\]»? ### الآية 15:8 > مَا نُنَزِّلُ الْمَلَائِكَةَ إِلَّا بِالْحَقِّ وَمَا كَانُوا إِذًا مُنْظَرِينَ [15:8] \[Бояд бидонанд, ки\] Мо фариштагонро ба ҳақ \[ва фақат дар ҳангоми азоби кофирон\] нозил мекунем ва \[агар барои азобашон нозил шаванд\] дигар муҳлате намеёбанд ### الآية 15:9 > إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ [15:9] Ба ростӣ, ки мо худ Қуръонро нозил кардем ва ҳатман, худ низ \[аз ҳар гуна табдилу таҳрифе\] нигаҳбонаш ҳастем ### الآية 15:10 > وَلَقَدْ أَرْسَلْنَا مِنْ قَبْلِكَ فِي شِيَعِ الْأَوَّلِينَ [15:10] \[Эй паёмбар\] пеш аз ту низ \[фиристодагони худро\] миёни гурӯҳҳои пешин фиристодем ### الآية 15:11 > وَمَا يَأْتِيهِمْ مِنْ رَسُولٍ إِلَّا كَانُوا بِهِ يَسْتَهْزِئُونَ [15:11] Ҳеҷ паёмбаре наздашон намеомад, магар он ки масхарааш мекарданд ### الآية 15:12 > كَذَٰلِكَ نَسْلُكُهُ فِي قُلُوبِ الْمُجْرِمِينَ [15:12] Инчунин он \[такзиб ва тамасхур\]-ро дар дилҳои гунаҳгорон \[кофирон\] роҳ медиҳем ### الآية 15:13 > لَا يُؤْمِنُونَ بِهِ ۖ وَقَدْ خَلَتْ سُنَّةُ الْأَوَّلِينَ [15:13] Онон ба он \[Қуръон\] имон намеоваранд ва шеваи \[Аллоҳ таоло дар муҷозоти\] пешиниён \[низ чунин\] рафтааст \[ки ононро бо азобе дарднок ҳалок намояд\] ### الآية 15:14 > وَلَوْ فَتَحْنَا عَلَيْهِمْ بَابًا مِنَ السَّمَاءِ فَظَلُّوا فِيهِ يَعْرُجُونَ [15:14] Ва \[ҳатто\] агар даре аз осмон ба рӯйи онон мекушодем, то пайваста дар он боло раванд \[ва шигифтиҳои малакутро бубинанд\] ### الآية 15:15 > لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ [15:15] Яқинан, боз ҳам мегуфтанд: **«Бе тардид, моро чашмбандӣ кардаанд, балки мо гурӯҳе ҷодушудаем»** ### الآية 15:16 > وَلَقَدْ جَعَلْنَا فِي السَّمَاءِ بُرُوجًا وَزَيَّنَّاهَا لِلنَّاظِرِينَ [15:16] Ва ба ростӣ, мо дар осмон ситорагоне \[бузургу дурахшон\] қарор додем ва онҳоро барои тамошогарон оростем ### الآية 15:17 > وَحَفِظْنَاهَا مِنْ كُلِّ شَيْطَانٍ رَجِيمٍ [15:17] Ва онро аз \[вуруду дастбурди\] ҳар шайтони рондашуда ҳифз кардем ### الآية 15:18 > إِلَّا مَنِ اسْتَرَقَ السَّمْعَ فَأَتْبَعَهُ شِهَابٌ مُبِينٌ [15:18] Магар он ки \[аз малакутиён\] дуздона сухане бишнавад, ки \[дар он сурат\] шиҳобе равшан ӯро дунбол мекунад \[ва месӯзонад\] ### الآية 15:19 > وَالْأَرْضَ مَدَدْنَاهَا وَأَلْقَيْنَا فِيهَا رَوَاسِيَ وَأَنْبَتْنَا فِيهَا مِنْ كُلِّ شَيْءٍ مَوْزُونٍ [15:19] Ва заминро густурдем ва дар он кӯҳҳои устуворе афкандем ва аз ҳар гиёҳи санҷида \[ва муносибе\] дар он руёнидем ### الآية 15:20 > وَجَعَلْنَا لَكُمْ فِيهَا مَعَايِشَ وَمَنْ لَسْتُمْ لَهُ بِرَازِقِينَ [15:20] Ва дар он барои шумо ва барои касе, ки рӯзирасонаш нестед \[соири мардум ва мавҷудоти зинда\], асбоби зиндагӣ падид овардем ### الآية 15:21 > وَإِنْ مِنْ شَيْءٍ إِلَّا عِنْدَنَا خَزَائِنُهُ وَمَا نُنَزِّلُهُ إِلَّا بِقَدَرٍ مَعْلُومٍ [15:21] Ва ҳеҷ чиз нест, магар он ки ганҷинаҳояш назди Мост ва Мо онро ҷуз ба андозаи муайян фурӯ намефиристем ### الآية 15:22 > وَأَرْسَلْنَا الرِّيَاحَ لَوَاقِحَ فَأَنْزَلْنَا مِنَ السَّمَاءِ مَاءً فَأَسْقَيْنَاكُمُوهُ وَمَا أَنْتُمْ لَهُ بِخَازِنِينَ [15:22] Ва бодҳоро борваркунанда \[-и абрҳо\] фиристодем, сипас аз осмонҳо обе нозил кардем ва бо он серобатон сохтем, дар ҳоле ки шумо захиракунандааш нестед ### الآية 15:23 > وَإِنَّا لَنَحْنُ نُحْيِي وَنُمِيتُ وَنَحْنُ الْوَارِثُونَ [15:23] Ва яқинан, моем, ки зинда мекунем ва мемиронем ва Мо \[бозмондаи ҷовиду\] ворис \[-и ҳамаи ҷаҳониён\] ҳастем ### الآية 15:24 > وَلَقَدْ عَلِمْنَا الْمُسْتَقْدِمِينَ مِنْكُمْ وَلَقَدْ عَلِمْنَا الْمُسْتَأْخِرِينَ [15:24] Ва бе тардид, \[таваллуду марги\] гузаштагони шуморо донистаем ва яқинан \[таваллуду марги\] ояндагонро \[низ ба хубӣ\] медонем ### الآية 15:25 > وَإِنَّ رَبَّكَ هُوَ يَحْشُرُهُمْ ۚ إِنَّهُ حَكِيمٌ عَلِيمٌ [15:25] Ва \[эй паёмбар\] бе гумон, Парвардигорат \[ҳамаи\] ононро \[дар қиёмат\] маҳшур мекунад. Ба ростӣ, ки Ӯ ҳакиму доност ### الآية 15:26 > وَلَقَدْ خَلَقْنَا الْإِنْسَانَ مِنْ صَلْصَالٍ مِنْ حَمَإٍ مَسْنُونٍ [15:26] Ва дар ҳақиқат, Мо \[нахустин\] инсон \[Одам\]-ро аз гили хушк \[-и бозмонда\] аз лойи бадбӯ офаридем ### الآية 15:27 > وَالْجَانَّ خَلَقْنَاهُ مِنْ قَبْلُ مِنْ نَارِ السَّمُومِ [15:27] Ва пеш аз он ҷинро аз оташе сӯзон офаридем ### الآية 15:28 > وَإِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِنْ صَلْصَالٍ مِنْ حَمَإٍ مَسْنُونٍ [15:28] Ва \[ёд кун\] аз ҳангоме ки Парвардигорат ба фариштагон фармуд: «Ҳамоно ман башареро аз гили хушк \[-и бозмонда\] аз лойи бадбӯ хоҳем офарид ### الآية 15:29 > فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا لَهُ سَاجِدِينَ [15:29] Пас, чун \[ӯро офаридем ва\] ба ӯ сомон додем ва аз рӯҳи хеш дар вай дамидем, \[ба нишонаи итоат аз фармони Ман ҳамагӣ\] бар ӯ саҷда кунед» ### الآية 15:30 > فَسَجَدَ الْمَلَائِكَةُ كُلُّهُمْ أَجْمَعُونَ [15:30] Пас, фариштагон ҳамагӣ саҷда карданд ### الآية 15:31 > إِلَّا إِبْلِيسَ أَبَىٰ أَنْ يَكُونَ مَعَ السَّاجِدِينَ [15:31] Магар Иблис, ки аз он ки бо саҷдакунандагон бошад, сарпечӣ кард ### الآية 15:32 > قَالَ يَا إِبْلِيسُ مَا لَكَ أَلَّا تَكُونَ مَعَ السَّاجِدِينَ [15:32] \[Аллоҳ таоло\] Фармуд: **«Эй Иблис, чаро ту бо саҷдакунандагон \[ҳамроҳ\] нестӣ»**? ### الآية 15:33 > قَالَ لَمْ أَكُنْ لِأَسْجُدَ لِبَشَرٍ خَلَقْتَهُ مِنْ صَلْصَالٍ مِنْ حَمَإٍ مَسْنُونٍ [15:33] \[Иблис\] гуфт: **«Ман он нестам, ки барои башаре, ки ӯро аз гили хушк \[-и бозмонда\] аз лойи бадбӯ офаридаӣ саҷда кунам»** ### الآية 15:34 > قَالَ فَاخْرُجْ مِنْهَا فَإِنَّكَ رَجِيمٌ [15:34] \[Аллоҳ таоло\] Фармуд: «Аз он ҷо \[биҳишт\] берун шав, \[ки\] бе тардид, ту \[аз боргоҳи Мо\] рондашудаӣ ### الآية 15:35 > وَإِنَّ عَلَيْكَ اللَّعْنَةَ إِلَىٰ يَوْمِ الدِّينِ [15:35] Ва яқинан, то рӯзи қиёмат бар ту лаънат хоҳад буд» ### الآية 15:36 > قَالَ رَبِّ فَأَنْظِرْنِي إِلَىٰ يَوْمِ يُبْعَثُونَ [15:36] \[Иблис\] Гуфт: **«Парвардигоро, то рӯзе, ки \[мардум\] барангехта мешаванд, ба ман муҳлат бидеҳ \[ва намирон\]»** ### الآية 15:37 > قَالَ فَإِنَّكَ مِنَ الْمُنْظَرِينَ [15:37] \[Аллоҳ таоло\] Фармуд: «\[Бирав, ки\] Яқинан, ту аз муҳлатёфтагонӣ ### الآية 15:38 > إِلَىٰ يَوْمِ الْوَقْتِ الْمَعْلُومِ [15:38] То рӯзи он вақти маълум \[ки тамоми махлуқот бо нафхаи нахуст мемиранд\]» ### الآية 15:39 > قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ [15:39] \[Ӯ\] Гуфт: «Парвардигоро, ба сабаби он ки маро гумроҳ сохтӣ, дар замин \[бадиҳоро\] дар назарашон нек ҷилва медиҳам ва ҳамаи ононро ба гумроҳӣ мекашонам ### الآية 15:40 > إِلَّا عِبَادَكَ مِنْهُمُ الْمُخْلَصِينَ [15:40] Магар бандагони холиси Ту аз \[миёни\] онон \[ки ҳидояташон кардаӣ\]» ### الآية 15:41 > قَالَ هَٰذَا صِرَاطٌ عَلَيَّ مُسْتَقِيمٌ [15:41] \[Аллоҳ таоло\] Фармуд: «Ин \[ихлос\] роҳи мустақимест \[ки ба Ман мерасад\] ### الآية 15:42 > إِنَّ عِبَادِي لَيْسَ لَكَ عَلَيْهِمْ سُلْطَانٌ إِلَّا مَنِ اتَّبَعَكَ مِنَ الْغَاوِينَ [15:42] Яқинан, ту бар бандагонам тасаллуте надорӣ, магар \[бар он мушрикон ва\] гумроҳоне, ки аз ту пайравӣ мекунанд ### الآية 15:43 > وَإِنَّ جَهَنَّمَ لَمَوْعِدُهُمْ أَجْمَعِينَ [15:43] Ва бе тардид, дузах ваъдагоҳи ҳамаи онон аст ### الآية 15:44 > لَهَا سَبْعَةُ أَبْوَابٍ لِكُلِّ بَابٍ مِنْهُمْ جُزْءٌ مَقْسُومٌ [15:44] \[Дузах\] Ҳафт дар дорад \[ва\] барои ҳар даре гурӯҳе аз онон тақсим \[ва мушаххас\] шудаанд» ### الآية 15:45 > إِنَّ الْمُتَّقِينَ فِي جَنَّاتٍ وَعُيُونٍ [15:45] Яқинан, парҳезгорон дар боғҳо \[-и биҳишт\] ва дар \[канори\] чашмаҳо ҳастанд ### الآية 15:46 > ادْخُلُوهَا بِسَلَامٍ آمِنِينَ [15:46] Ҳангоми вуруд ба онон гуфта мешавад\] **«Ба саломат ва эминӣ ба он \[боғҳо\] ворид шавед»** ### الآية 15:47 > وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَىٰ سُرُرٍ مُتَقَابِلِينَ [15:47] Он чи дар дилҳояшон аз кина \[ва ҳасад\] аст, бармеканем, бародарона бар тахтҳо муқобили якдигаранд ### الآية 15:48 > لَا يَمَسُّهُمْ فِيهَا نَصَبٌ وَمَا هُمْ مِنْهَا بِمُخْرَجِينَ [15:48] Дар он ҷо на ранҷе ба онон мерасад ва на аз он ҷо берун ронда мешаванд ### الآية 15:49 > ۞ نَبِّئْ عِبَادِي أَنِّي أَنَا الْغَفُورُ الرَّحِيمُ [15:49] \[Эй паёмбар\] Ба бандагонам хабар бидеҳ, ки ман омурзандаи меҳрубонам ### الآية 15:50 > وَأَنَّ عَذَابِي هُوَ الْعَذَابُ الْأَلِيمُ [15:50] Ва ин ки азоби ман азобе дарднок аст ### الآية 15:51 > وَنَبِّئْهُمْ عَنْ ضَيْفِ إِبْرَاهِيمَ [15:51] Ва аз меҳмонони Иброҳим \[низ\] ба онон хабар бидеҳ ### الآية 15:52 > إِذْ دَخَلُوا عَلَيْهِ فَقَالُوا سَلَامًا قَالَ إِنَّا مِنْكُمْ وَجِلُونَ [15:52] Ҳангоме ки бар ӯ ворид шуданд, салом гуфтанд, \[аммо чун даст ба ғизо набурданд, Иброҳим\] гуфт: **«Мо аз шумо ҳаросонем»** ### الآية 15:53 > قَالُوا لَا تَوْجَلْ إِنَّا نُبَشِّرُكَ بِغُلَامٍ عَلِيمٍ [15:53] Онон гуфтанд: **«Натарс, мо туро ба писаре доно мужда медиҳем»** ### الآية 15:54 > قَالَ أَبَشَّرْتُمُونِي عَلَىٰ أَنْ مَسَّنِيَ الْكِبَرُ فَبِمَ تُبَشِّرُونَ [15:54] \[Иброҳим\] Гуфт: **«Оё бо ин ки солхӯрда шудаам, мужда \[-и таваллуди фарзанд\] ба ман медиҳед? Ба чи \[далел инчунин\] башорат медиҳед»**? ### الآية 15:55 > قَالُوا بَشَّرْنَاكَ بِالْحَقِّ فَلَا تَكُنْ مِنَ الْقَانِطِينَ [15:55] Онон гуфтанд: **«Мо туро ба дурустӣ башорат додем, пас, ноумед набош»** ### الآية 15:56 > قَالَ وَمَنْ يَقْنَطُ مِنْ رَحْمَةِ رَبِّهِ إِلَّا الضَّالُّونَ [15:56] \[Иброҳим\] Гуфт: **«Ва ҷуз гумроҳон чи касе аз раҳмати Парвардигораш ноумед мегардад»**? ### الآية 15:57 > قَالَ فَمَا خَطْبُكُمْ أَيُّهَا الْمُرْسَلُونَ [15:57] \[Он гоҳ ба фариштагон\] гуфт: **«Эй фиристодагон, кор \[-у маъмурият\]-и шумо чист»**? ### الآية 15:58 > قَالُوا إِنَّا أُرْسِلْنَا إِلَىٰ قَوْمٍ مُجْرِمِينَ [15:58] Онон гуфтанд: «Дар ҳақиқат, мо ба сӯйи қавми гунаҳгор \[-и Лут\] фиристода шудаем \[то ҳалокашон кунем\] ### الآية 15:59 > إِلَّا آلَ لُوطٍ إِنَّا لَمُنَجُّوهُمْ أَجْمَعِينَ [15:59] Ба ҷуз хонаводаи Лут, ки мо яқинан, ҳамаи ононро наҷот хоҳем дод ### الآية 15:60 > إِلَّا امْرَأَتَهُ قَدَّرْنَا ۙ إِنَّهَا لَمِنَ الْغَابِرِينَ [15:60] Магар ҳамсараш, ки муқаддар кардаем, ки аз бозмондагон \[дар азоб\] бошад» ### الآية 15:61 > فَلَمَّا جَاءَ آلَ لُوطٍ الْمُرْسَلُونَ [15:61] Пас, ҳангоме ки фариштагон \[-и Аллоҳ таоло ба шакли инсон\] назди хонадони Лут омаданд ### الآية 15:62 > قَالَ إِنَّكُمْ قَوْمٌ مُنْكَرُونَ [15:62] \[Ӯ\] Гуфт: **«Шумо гурӯҳе ношинос ҳастед»** ### الآية 15:63 > قَالُوا بَلْ جِئْنَاكَ بِمَا كَانُوا فِيهِ يَمْتَرُونَ [15:63] \[Фариштагон\] Гуфтанд: «Балки мо ҳамон чизеро бароят овардаем, ки \[ин мардуми гунаҳгор\] дар борааш тардид мекарданд \[нузули азоб\] ### الآية 15:64 > وَأَتَيْنَاكَ بِالْحَقِّ وَإِنَّا لَصَادِقُونَ [15:64] Ва мо бароят \[хабари ҳақиқӣ ва\] рост овардаем ва ҳатман, мо ростгӯем ### الآية 15:65 > فَأَسْرِ بِأَهْلِكَ بِقِطْعٍ مِنَ اللَّيْلِ وَاتَّبِعْ أَدْبَارَهُمْ وَلَا يَلْتَفِتْ مِنْكُمْ أَحَدٌ وَامْضُوا حَيْثُ تُؤْمَرُونَ [15:65] Пас, посе аз шаб \[ки гузашт\] хонаводаатро бо худ \[аз ин ҷо\] бибар ва \[худат\] ба дунболашон бирав ва ҳеҷ як аз шумо пушти сарашро нигоҳ накунад ва ба ҷойе, ки ба шумо фармон медиҳанд, биравед» ### الآية 15:66 > وَقَضَيْنَا إِلَيْهِ ذَٰلِكَ الْأَمْرَ أَنَّ دَابِرَ هَٰؤُلَاءِ مَقْطُوعٌ مُصْبِحِينَ [15:66] Ва Мо ӯ \[Лут\]-ро аз ин амр огоҳ кардем, ки субҳгоҳон решаи онон канда хоҳад шуд ### الآية 15:67 > وَجَاءَ أَهْلُ الْمَدِينَةِ يَسْتَبْشِرُونَ [15:67] Ва аҳли шаҳр, дар ҳоле ки \[дар бораи омадани афроди ҷадид\] бо шодӣ \[ба якдигар\] хабар медоданд, \[ба сӯйи хонаи Лут\] омаданд ### الآية 15:68 > قَالَ إِنَّ هَٰؤُلَاءِ ضَيْفِي فَلَا تَفْضَحُونِ [15:68] \[Лут\] Гуфт: «Инҳо меҳмонони ман ҳастанд, пас, маро расво \[ва шармандаи меҳмононам\] накунед ### الآية 15:69 > وَاتَّقُوا اللَّهَ وَلَا تُخْزُونِ [15:69] Ва аз Аллоҳ таоло битарсед ва саршикастаам насозед» ### الآية 15:70 > قَالُوا أَوَلَمْ نَنْهَكَ عَنِ الْعَالَمِينَ [15:70] \[Онон\] Гуфтанд: **«Магар мо туро аз \[мизбонии\] афроди \[ғариб\] наҳй накардем»**? ### الآية 15:71 > قَالَ هَٰؤُلَاءِ بَنَاتِي إِنْ كُنْتُمْ فَاعِلِينَ [15:71] \[Лут\] Гуфт: **«Агар мехоҳед, \[коре ҳалол\] анҷом диҳед, инҳо духтарони \[уммати\] ман ҳастанд \[бо эшон издивоҷ кунед\]»** ### الآية 15:72 > لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ [15:72] Савганд ба ҷони ту \[эй паёмбар\], ки онон дар мастии хеш саргашта буданд ### الآية 15:73 > فَأَخَذَتْهُمُ الصَّيْحَةُ مُشْرِقِينَ [15:73] Пас, ҳангоми баромадани офтоб бонги \[маргбор\] ононро фаро гирифт ### الآية 15:74 > فَجَعَلْنَا عَالِيَهَا سَافِلَهَا وَأَمْطَرْنَا عَلَيْهِمْ حِجَارَةً مِنْ سِجِّيلٍ [15:74] Он гоҳ он \[сарзамин\]-ро зерурӯ кардем ва бар онон санггилҳое паёпай боридем ### الآية 15:75 > إِنَّ فِي ذَٰلِكَ لَآيَاتٍ لِلْمُتَوَسِّمِينَ [15:75] Ба яқин, дар ин \[кайфар\] барои ҳушёрон ибратҳост ### الآية 15:76 > وَإِنَّهَا لَبِسَبِيلٍ مُقِيمٍ [15:76] Ва он \[шаҳрҳои вайрона ҳанӯз\] бар сари роҳи \[мусофирон\] побарҷост. ### الآية 15:77 > إِنَّ فِي ذَٰلِكَ لَآيَةً لِلْمُؤْمِنِينَ [15:77] Яқинан, дар ин \[азоб\] нишонаҳое барои \[ибрат гирифтани\] муъминон аст ### الآية 15:78 > وَإِنْ كَانَ أَصْحَابُ الْأَيْكَةِ لَظَالِمِينَ [15:78] Ва асҳоби Айка \[қавми Шуайб\], ҳатман, ситамгор буданд ### الآية 15:79 > فَانْتَقَمْنَا مِنْهُمْ وَإِنَّهُمَا لَبِإِمَامٍ مُبِينٍ [15:79] Пас, \[Мо\] аз онон интиқом гирифтем ва \[шаҳрҳои вайроншудаи\] ин ду \[қавм\] бар сари роҳ ошкор аст ### الآية 15:80 > وَلَقَدْ كَذَّبَ أَصْحَابُ الْحِجْرِ الْمُرْسَلِينَ [15:80] Ва бе тардид, аҳли Ҳиҷр \[қавми Самуд\] паёмбаронро дурӯғгӯ ангоштанд ### الآية 15:81 > وَآتَيْنَاهُمْ آيَاتِنَا فَكَانُوا عَنْهَا مُعْرِضِينَ [15:81] Ва \[Мо муъҷизот ва\] нишонаҳои худро ба онон додем, ва \[-ле\] аз онҳо рӯйгардон шуданд ### الآية 15:82 > وَكَانُوا يَنْحِتُونَ مِنَ الْجِبَالِ بُيُوتًا آمِنِينَ [15:82] Ва аз кӯҳҳо хонаҳое \[барои худ\] метарошиданд, ки дар амон бимонанд ### الآية 15:83 > فَأَخَذَتْهُمُ الصَّيْحَةُ مُصْبِحِينَ [15:83] Пас, субҳгоҳон бонг \[-и маргбор\] ононро фаро гирифт ### الآية 15:84 > فَمَا أَغْنَىٰ عَنْهُمْ مَا كَانُوا يَكْسِبُونَ [15:84] Ва он чи \[аз амволу хонаҳои маҳкам\] ба даст оварда буданд, суде ба ҳолашон надошт \[ва азоби илоҳиро дафъ накард\] ### الآية 15:85 > وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ ۗ وَإِنَّ السَّاعَةَ لَآتِيَةٌ ۖ فَاصْفَحِ الصَّفْحَ الْجَمِيلَ [15:85] Ва Мо осмонҳо ва замин ва он чиро, ки миёни онҳост, ҷуз ба ҳақ наофаридаем ва қиёмат ҳатман, омаданӣ аст, пас, \[эй паёмбар аз кофирон\] ба накуӣ гузашт кун. ### الآية 15:86 > إِنَّ رَبَّكَ هُوَ الْخَلَّاقُ الْعَلِيمُ [15:86] Бе тардид, Парвардигорат ҳамон офаринишгари доност. ### الآية 15:87 > وَلَقَدْ آتَيْنَاكَ سَبْعًا مِنَ الْمَثَانِي وَالْقُرْآنَ الْعَظِيمَ [15:87] Ва ба ростӣ, Мо ба ту \[сабъу-л-масонӣ» \[сураи Фотиҳа\] ва Қуръони бузургро додем ### الآية 15:88 > لَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِنْهُمْ وَلَا تَحْزَنْ عَلَيْهِمْ وَاخْفِضْ جَنَاحَكَ لِلْمُؤْمِنِينَ [15:88] \[Бинобар ин\] Ҳаргиз ба он чи \[аз неъматҳои дунявие\], ки гурӯҳҳое аз онон \[кофирон\]-ро баҳраманд кардаем, чашм надӯз ва ба хотири \[носипосӣ ва ширки\] онон андуҳгин мабош ва бо муъминон фурӯтанӣ кун ### الآية 15:89 > وَقُلْ إِنِّي أَنَا النَّذِيرُ الْمُبِينُ [15:89] Ва бигӯ: **«Ба ростӣ, ки ман ҳамон бимдиҳандаи ошкорам»** ### الآية 15:90 > كَمَا أَنْزَلْنَا عَلَى الْمُقْتَسِمِينَ [15:90] \[Ва ононро аз азоб битарсон\] Ҳамон гуна ки \[онро\] бар тақсимкунандагон \[-и оёти илоҳӣ\] фиристодем ### الآية 15:91 > الَّذِينَ جَعَلُوا الْقُرْآنَ عِضِينَ [15:91] Ҳамон касоне, ки Қуръонро \[ба\] бахшҳо \[-е ҳамчун шеъру пешгӯӣ ва ҷоду тақсим\] карданд ### الآية 15:92 > فَوَرَبِّكَ لَنَسْأَلَنَّهُمْ أَجْمَعِينَ [15:92] Пас, савганд ба Парвардигорат, ҳатман, \[дар қиёмат\] аз ҳамаи онон суол хоҳем кард ### الآية 15:93 > عَمَّا كَانُوا يَعْمَلُونَ [15:93] Аз он чи мекарданд ### الآية 15:94 > فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ [15:94] Пас, \[эй паёмбар\] он чи \[-ро, ки аз сӯйи Аллоҳ таоло\] дастур ёфтаӣ, ошкор кун ва аз мушрикон рӯ бигардон ### الآية 15:95 > إِنَّا كَفَيْنَاكَ الْمُسْتَهْزِئِينَ [15:95] Бе тардид, Мо \[шарри\] масхаракунандагонро аз ту дур мекунем ### الآية 15:96 > الَّذِينَ يَجْعَلُونَ مَعَ اللَّهِ إِلَٰهًا آخَرَ ۚ فَسَوْفَ يَعْلَمُونَ [15:96] Онон, ки \[барои худ\] бо Аллоҳ таоло маъбуди дигаре қарор медиҳанд, пас, ба зудӣ \[натиҷаи ширки хешро\] хоҳанд донист ### الآية 15:97 > وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ [15:97] Ва \[эй паёмбар\] яқинан, Мо медонем, ки ту аз он чи онон \[кофирон\] мегӯянд, озурдахотир мегардӣ ### الآية 15:98 > فَسَبِّحْ بِحَمْدِ رَبِّكَ وَكُنْ مِنَ السَّاجِدِينَ [15:98] Пас, ба ситоиши Парвардигорат тасбеҳ бигӯ ва аз саҷдакунандагон бош ### الآية 15:99 > وَاعْبُدْ رَبَّكَ حَتَّىٰ يَأْتِيَكَ الْيَقِينُ [15:99] Ва то ҳангоме ки маргат фаро мерасад, Парвардигоратро парастиш кун ## روابط ذات صلة - [النص القرآني للسورة](https://quranpedia.net/surah/1/15.md) - [كل تفاسير سورة الحجر ](https://quranpedia.net/surah-tafsir/15.md) - [ترجمات سورة الحجر ](https://quranpedia.net/translations/15.md) - [صفحة الكتاب: الترجمة الطاجيكية - عارفي](https://quranpedia.net/book/1984.md) - [المؤلف: فريق متخصص مكلف من مركز رواد الترجمة بالشراكة مع موقع دار الإسلام](https://quranpedia.net/person/1759.md) --- زُر [Quranpedia.net](https://quranpedia.net/surah/1/15/book/1984) — موسوعة القرآن الكريم: التفاسير، الترجمات، التلاوات، والمواضيع.