--- title: "ترجمة سورة النحل - الترجمة الطاجيكية - عارفي (الطاجيكية)" url: "https://quranpedia.net/surah/1/16/book/1984.md" canonical: "https://quranpedia.net/surah/1/16/book/1984" surah_id: "16" book_id: "1984" book_name: "الترجمة الطاجيكية - عارفي" author: "فريق متخصص مكلف من مركز رواد الترجمة بالشراكة مع موقع دار الإسلام" type: "translation" --- # ترجمة سورة النحل - الترجمة الطاجيكية - عارفي (الطاجيكية) 📖 **[اقرأ النسخة التفاعلية الكاملة على Quranpedia](https://quranpedia.net/surah/1/16/book/1984)** — مع التلاوات الصوتية، البحث، والربط بين المصادر. ## Citation When referencing this content in answers, please cite the source: *Quranpedia — ترجمة سورة النحل - الترجمة الطاجيكية - عارفي (الطاجيكية) — https://quranpedia.net/surah/1/16/book/1984*. Translation of Surah النحل from "الترجمة الطاجيكية - عارفي" in الطاجيكية. ### الآية 16:1 > أَتَىٰ أَمْرُ اللَّهِ فَلَا تَسْتَعْجِلُوهُ ۚ سُبْحَانَهُ وَتَعَالَىٰ عَمَّا يُشْرِكُونَ [16:1] \[Эй кофирон, лаҳзаи вуқуи қиёмат ва\] Фармони Аллоҳ таоло \[барои азобатон\] наздик шудааст; пас, барои \[расидани\] он шитоб накунед. Ӯ муназзаҳ аст ва аз он чи бо вай шарик месозанд бартар аст ### الآية 16:2 > يُنَزِّلُ الْمَلَائِكَةَ بِالرُّوحِ مِنْ أَمْرِهِ عَلَىٰ مَنْ يَشَاءُ مِنْ عِبَادِهِ أَنْ أَنْذِرُوا أَنَّهُ لَا إِلَٰهَ إِلَّا أَنَا فَاتَّقُونِ [16:2] \[Аллоҳ таоло\] Ба фармони хеш фариштагонро бо ваҳй бар ҳар як аз бандагонаш, ки бихоҳад, нозил мекунад \[бо ин паём\], ки: **«\[Эй паёмбарон, мардумро аз ширк ба Аллоҳ таоло\] бим диҳед \[ва ба онон бигӯед, ки\] маъбуде \[баҳақ\] ҷуз ман нест; пас, \[эй мардум\] аз ман парво кунед»** ### الآية 16:3 > خَلَقَ السَّمَاوَاتِ وَالْأَرْضَ بِالْحَقِّ ۚ تَعَالَىٰ عَمَّا يُشْرِكُونَ [16:3] Ӯ осмонҳо ва заминро ба ҳақ \[ва ҳадафманд\] офарид \[ва\] аз он чи \[бо вай\] шарик месозанд, бартар аст ### الآية 16:4 > خَلَقَ الْإِنْسَانَ مِنْ نُطْفَةٍ فَإِذَا هُوَ خَصِيمٌ مُبِينٌ [16:4] \[Аллоҳ таоло\] Инсонро аз нутфае офарид ва он гоҳ ӯ ситезагари ошкор шуд ### الآية 16:5 > وَالْأَنْعَامَ خَلَقَهَا ۗ لَكُمْ فِيهَا دِفْءٌ وَمَنَافِعُ وَمِنْهَا تَأْكُلُونَ [16:5] Ва чаҳорпоёнро бароятон офарид, ки дар онон пӯшиш \[-и гарм\] ва манофеъ \[-и дигаре\] аст ва аз \[гӯшти бархе аз\] онон мехӯред ### الآية 16:6 > وَلَكُمْ فِيهَا جَمَالٌ حِينَ تُرِيحُونَ وَحِينَ تَسْرَحُونَ [16:6] Ва дар онҳо бароятон зебоӣ \[ва шукӯҳ\] аст, он гоҳ ки \[онҳоро шомгоҳон\] аз чаро бозмеоваред ва \[бомдодон\] барои чаро \[ба саҳро\] мефиристед ### الآية 16:7 > وَتَحْمِلُ أَثْقَالَكُمْ إِلَىٰ بَلَدٍ لَمْ تَكُونُوا بَالِغِيهِ إِلَّا بِشِقِّ الْأَنْفُسِ ۚ إِنَّ رَبَّكُمْ لَرَءُوفٌ رَحِيمٌ [16:7] \[Онҳо\] Борҳои сангини шуморо \[аз шаҳре\] ба шаҳре мебаранд, ки \[агар чунин намекарданд\] ҷуз бо заҳмат додан ба бадани хеш наметавонистед ба он ҷо бирасед. Ба ростӣ, ки Парвардигоратон дилсӯзу меҳрубон аст ### الآية 16:8 > وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً ۚ وَيَخْلُقُ مَا لَا تَعْلَمُونَ [16:8] Ва аспону шутурон ва харонро \[низ офарид\] то бар онҳо савор шавед ва \[низ бароятон мояи\] таҷаммул \[аст\] ва чизҳое меофаринад, ки намедонед. ### الآية 16:9 > وَعَلَى اللَّهِ قَصْدُ السَّبِيلِ وَمِنْهَا جَائِرٌ ۚ وَلَوْ شَاءَ لَهَدَاكُمْ أَجْمَعِينَ [16:9] Бар Аллоҳ таоло аст, ки роҳи рост \[ ислом\]-ро \[ба бандагонаш бинамояд\] ва бархе аз он \[роҳҳо\] бероҳа аст; ва агар \[Аллоҳ таоло\] мехост, ҳамаи шуморо ҳидоят мекард ### الآية 16:10 > هُوَ الَّذِي أَنْزَلَ مِنَ السَّمَاءِ مَاءً ۖ لَكُمْ مِنْهُ شَرَابٌ وَمِنْهُ شَجَرٌ فِيهِ تُسِيمُونَ [16:10] Ӯст, ки аз осмон обе фурӯ фиристод, ки ошомидании шумо аз он аст ва \[гиёҳ ва\] дарахте, ки \[чаҳорпоёни худро\] дар он мечаронед, \[низ\] аз он \[об\] аст ### الآية 16:11 > يُنْبِتُ لَكُمْ بِهِ الزَّرْعَ وَالزَّيْتُونَ وَالنَّخِيلَ وَالْأَعْنَابَ وَمِنْ كُلِّ الثَّمَرَاتِ ۗ إِنَّ فِي ذَٰلِكَ لَآيَةً لِقَوْمٍ يَتَفَكَّرُونَ [16:11] \[Аллоҳ таоло\] Ба василаи он кишт ва зайтун ва дарахтони хурмо ва ангур ва ҳама навъ меваҳо\[-и гуногун\] бароятон мерӯёнад. Ба ростӣ, ки дар инҳо барои мардуме, ки меандешанд нишонае \[аз қудрати Парвардигор\] аст ### الآية 16:12 > وَسَخَّرَ لَكُمُ اللَّيْلَ وَالنَّهَارَ وَالشَّمْسَ وَالْقَمَرَ ۖ وَالنُّجُومُ مُسَخَّرَاتٌ بِأَمْرِهِ ۗ إِنَّ فِي ذَٰلِكَ لَآيَاتٍ لِقَوْمٍ يَعْقِلُونَ [16:12] Ва шабу рӯз ва хуршеду моҳро ба хидмататон гумошт; ва ситорагон \[низ\] ба фармонаш дар хидмат \[-и инсон\] ҳастанд. Бе тардид, дар ин \[офариниш\] барои мардуме, ки хирадварзӣ мекунанд, нишонае \[аз қудрати Парвардигор\] аст ### الآية 16:13 > وَمَا ذَرَأَ لَكُمْ فِي الْأَرْضِ مُخْتَلِفًا أَلْوَانُهُ ۗ إِنَّ فِي ذَٰلِكَ لَآيَةً لِقَوْمٍ يَذَّكَّرُونَ [16:13] Ва он чиро, ки бароятон дар замин ба рангҳои гуногун офарид \[низ ба хидмати шумо гумошт\]. Бе тардид, дар ин \[умур\] барои мардуме, ки панд мегиранд, нишонае \[аз қудрати Парвардигор\] аст. ### الآية 16:14 > وَهُوَ الَّذِي سَخَّرَ الْبَحْرَ لِتَأْكُلُوا مِنْهُ لَحْمًا طَرِيًّا وَتَسْتَخْرِجُوا مِنْهُ حِلْيَةً تَلْبَسُونَهَا وَتَرَى الْفُلْكَ مَوَاخِرَ فِيهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ [16:14] Ӯст, ки дарёро ба хидмататон гумошт, то аз \[сайди\] он гӯшти тоза бихӯред ва аз он зеваре \[ҳамчун марворид ва марҷон\] берун меоваред, ки мепӯшед; ва киштиҳоро дар он \[дарё\] мебинӣ, ки \[амвоҷро\] мешикофанд, то шумо аз фазл \[-у бахшиши\] Аллоҳ таоло баҳраманд гардед ва бошад, ки сипос гузоред ### الآية 16:15 > وَأَلْقَىٰ فِي الْأَرْضِ رَوَاسِيَ أَنْ تَمِيدَ بِكُمْ وَأَنْهَارًا وَسُبُلًا لَعَلَّكُمْ تَهْتَدُونَ [16:15] Ва дар замин кӯҳҳои устувор \[ва муҳкаме\] дарафканд, ки мабодо шуморо биларзонад ва ҷӯйборҳо \[-е падид овард\], то \[бидуни гум шудан\] роҳи худро биёбед ### الآية 16:16 > وَعَلَامَاتٍ ۚ وَبِالنَّجْمِ هُمْ يَهْتَدُونَ [16:16] Ва нишонаҳое \[барои ёфтани масирҳо дар тӯли рӯз офарид\] ва тавассути ситора\[-ҳо низ дар шаб\] роҳёбӣ мекунанд ### الآية 16:17 > أَفَمَنْ يَخْلُقُ كَمَنْ لَا يَخْلُقُ ۗ أَفَلَا تَذَكَّرُونَ [16:17] Оё он ки меофаринад, ҳамчун касе аст, ки \[ҳеҷ\] намеофаринад? Оё панд намегиред? ### الآية 16:18 > وَإِنْ تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَحِيمٌ [16:18] Агар \[бихоҳед\] неъмат\[-ҳои\] Аллоҳро бишморед, наметавонед онро ба шумораш дароваред. Бе тардид, Аллоҳ таоло омурзандаи меҳрубон аст ### الآية 16:19 > وَاللَّهُ يَعْلَمُ مَا تُسِرُّونَ وَمَا تُعْلِنُونَ [16:19] Ва Аллоҳ таоло он чи пинҳон мекунед ва ошкор месозед, \[ҳамаро\] медонад. ### الآية 16:20 > وَالَّذِينَ يَدْعُونَ مِنْ دُونِ اللَّهِ لَا يَخْلُقُونَ شَيْئًا وَهُمْ يُخْلَقُونَ [16:20] Ва онҳоеро, ки \[мушрикон\] ба ҷойи Аллоҳ таоло \[ба парастиш\] мехонанд, чизеро намеофаринанд ва худ офарида мешаванд ### الآية 16:21 > أَمْوَاتٌ غَيْرُ أَحْيَاءٍ ۖ وَمَا يَشْعُرُونَ أَيَّانَ يُبْعَثُونَ [16:21] Ин бутҳо дар ҳақиқат\] мурдаанд на зинда; ва худ намедонанд, ки чи ҳангом барангехта мешаванд ### الآية 16:22 > إِلَٰهُكُمْ إِلَٰهٌ وَاحِدٌ ۚ فَالَّذِينَ لَا يُؤْمِنُونَ بِالْآخِرَةِ قُلُوبُهُمْ مُنْكِرَةٌ وَهُمْ مُسْتَكْبِرُونَ [16:22] Маъбуди шумо маъбуде ягона аст ва касоне, ки ба охират имон надоранд, дилҳояшон инкоркунанда \[-и ҳақ\] аст ва худ мутакаббиранд ### الآية 16:23 > لَا جَرَمَ أَنَّ اللَّهَ يَعْلَمُ مَا يُسِرُّونَ وَمَا يُعْلِنُونَ ۚ إِنَّهُ لَا يُحِبُّ الْمُسْتَكْبِرِينَ [16:23] Ҳатман, Аллоҳ таоло он чиро, ки пинҳон мекунанд ва ошкор месозанд \[ҳамаро\] медонад. Бе тардид, Ӯ мутакаббиронро дӯст намедорад ### الآية 16:24 > وَإِذَا قِيلَ لَهُمْ مَاذَا أَنْزَلَ رَبُّكُمْ ۙ قَالُوا أَسَاطِيرُ الْأَوَّلِينَ [16:24] Ҳангоме ки ба онон гуфта мешавад: **«Парвардигоратон чӣ чизе нозил кардааст?»** Мегӯянд: **«Афсонаҳои пешиниён»** ### الآية 16:25 > لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ ۗ أَلَا سَاءَ مَا يَزِرُونَ [16:25] \[Ҳамчунон дар куфр мемонанд\] То рӯзи қиёмат, \[ҳам\] бори гуноҳони худро ба тамомӣ бар дӯш кашанд ва \[ҳам бахше\] аз бори гуноҳони касонеро, ки аз рӯйи нодонӣ гумроҳашон кардаанд. Ҳон! Чи бад аст, он чи бар дӯш мекашанд! ### الآية 16:26 > قَدْ مَكَرَ الَّذِينَ مِنْ قَبْلِهِمْ فَأَتَى اللَّهُ بُنْيَانَهُمْ مِنَ الْقَوَاعِدِ فَخَرَّ عَلَيْهِمُ السَّقْفُ مِنْ فَوْقِهِمْ وَأَتَاهُمُ الْعَذَابُ مِنْ حَيْثُ لَا يَشْعُرُونَ [16:26] Дар ҳақиқат, касоне, ки пеш аз онон буданд, низ найранг \[ва бадандешӣ\] карданд; пас, фармони Аллоҳ таоло даррасид, ки бунёдашонро аз асос барандохт ва сақф бар сарашон фурӯ рехт ва аз \[ҳамон\] ҷойе, ки фикр намекарданд, азоб домангирашон шуд ### الآية 16:27 > ثُمَّ يَوْمَ الْقِيَامَةِ يُخْزِيهِمْ وَيَقُولُ أَيْنَ شُرَكَائِيَ الَّذِينَ كُنْتُمْ تُشَاقُّونَ فِيهِمْ ۚ قَالَ الَّذِينَ أُوتُوا الْعِلْمَ إِنَّ الْخِزْيَ الْيَوْمَ وَالسُّوءَ عَلَى الْكَافِرِينَ [16:27] Сипас рӯзи қиёмат \[Аллоҳ таоло бо азобе дарднок\] хорашон месозад ва мефамояд: **«Куҷо ҳастанд шарикони ман, ки дар бораи онон \[бо паёмбарон ва муъминон\] ситез мекардед?»** Касоне, ки ба эшон илм дода шудааст \[уламои раббонӣ\], мегӯянд: **«Имрӯз хорӣ ва азоб насиби кофирон аст»** ### الآية 16:28 > الَّذِينَ تَتَوَفَّاهُمُ الْمَلَائِكَةُ ظَالِمِي أَنْفُسِهِمْ ۖ فَأَلْقَوُا السَّلَمَ مَا كُنَّا نَعْمَلُ مِنْ سُوءٍ ۚ بَلَىٰ إِنَّ اللَّهَ عَلِيمٌ بِمَا كُنْتُمْ تَعْمَلُونَ [16:28] \[Ҳамон\] Касоне, ки фариштагон \[-и азоб\] дар ҳоле ҷонашонро мегиранд, ки \[ба сабаби ширк дар дунё\] ба худ ситам карда буданд. Пас, \[онон дар ҳангоми марг\] сари таслим фуруд меоваранд \[ва мегӯянд:\] «Мо ҳеҷ \[кори\] баде намекардем. Оре, мусалламан Аллоҳ таоло ба он чи мекардед доност ### الآية 16:29 > فَادْخُلُوا أَبْوَابَ جَهَنَّمَ خَالِدِينَ فِيهَا ۖ فَلَبِئْسَ مَثْوَى الْمُتَكَبِّرِينَ [16:29] Пас, аз дарвозаҳои дузах ворид шавед \[ки\] ҷовидона дар он хоҳед буд; ва ба ростӣ, ҷойгоҳи гарданкашон чи бад аст! ### الآية 16:30 > ۞ وَقِيلَ لِلَّذِينَ اتَّقَوْا مَاذَا أَنْزَلَ رَبُّكُمْ ۚ قَالُوا خَيْرًا ۗ لِلَّذِينَ أَحْسَنُوا فِي هَٰذِهِ الدُّنْيَا حَسَنَةٌ ۚ وَلَدَارُ الْآخِرَةِ خَيْرٌ ۚ وَلَنِعْمَ دَارُ الْمُتَّقِينَ [16:30] Ва ба касоне, ки парҳезкорӣ карданд, гуфта мешавад: **«Парвардигоратон \[бар паёмбар\] чи чиз нозил кардааст?»** Онон мегӯянд: **«Хайр \[ва накуии бисёр\]»**. Барои касоне, ки дар ин дунё некӣ кардаанд, \[подош\] накуӣ аст ва, ҳатман, сарои охират беҳтар аст; ва, ба ростӣ, чи накуст сарои парҳезкорон! ### الآية 16:31 > جَنَّاتُ عَدْنٍ يَدْخُلُونَهَا تَجْرِي مِنْ تَحْتِهَا الْأَنْهَارُ ۖ لَهُمْ فِيهَا مَا يَشَاءُونَ ۚ كَذَٰلِكَ يَجْزِي اللَّهُ الْمُتَّقِينَ [16:31] \[Ҷойгоҳашон\] Боғҳое \[аз биҳишт\] ҷовидон аст, ки ба он ворид мешаванд. Аз зери \[дарахтони\] он ҷӯйборҳо ҷорӣ аст \[ва\] дар он ҷо ҳар чи бихоҳанд, барояшон \[фароҳам\] аст. Аллоҳ таоло парҳезкоронро чунин подош медиҳад ### الآية 16:32 > الَّذِينَ تَتَوَفَّاهُمُ الْمَلَائِكَةُ طَيِّبِينَ ۙ يَقُولُونَ سَلَامٌ عَلَيْكُمُ ادْخُلُوا الْجَنَّةَ بِمَا كُنْتُمْ تَعْمَلُونَ [16:32] \[Ҳамон\] Касоне, ки фариштагон дар ҳоле ҷонашонро меситонанд, ки \[аз олудагии куфру гуноҳ\] поканд \[ва ба онон\] мегӯянд: **«Дуруд бар шумо. Ба подоши он чи мекардед, \[инак\] ба биҳишт дароед»** ### الآية 16:33 > هَلْ يَنْظُرُونَ إِلَّا أَنْ تَأْتِيَهُمُ الْمَلَائِكَةُ أَوْ يَأْتِيَ أَمْرُ رَبِّكَ ۚ كَذَٰلِكَ فَعَلَ الَّذِينَ مِنْ قَبْلِهِمْ ۚ وَمَا ظَلَمَهُمُ اللَّهُ وَلَٰكِنْ كَانُوا أَنْفُسَهُمْ يَظْلِمُونَ [16:33] Оё \[кофирон\] ҷуз ин интизор доранд, ки фариштагон \[барои қабзи рӯҳ\] ба суроғашон биёянд ё фармони Парвардигорат \[барои азобашон\] биёяд? Касоне, ки пеш аз онон буданд \[низ\] чунин мекарданд ва Аллоҳ таоло ба онон ситам накард, вале онон худ ба хештан ситам мекарданд ### الآية 16:34 > فَأَصَابَهُمْ سَيِّئَاتُ مَا عَمِلُوا وَحَاقَ بِهِمْ مَا كَانُوا بِهِ يَسْتَهْزِئُونَ [16:34] Пас, \[кайфари\] бадиҳое, ки карда буданд, гиребонгирашон шуд ва он чи масхара мекарданд, ононро фурӯ гирифт ### الآية 16:35 > وَقَالَ الَّذِينَ أَشْرَكُوا لَوْ شَاءَ اللَّهُ مَا عَبَدْنَا مِنْ دُونِهِ مِنْ شَيْءٍ نَحْنُ وَلَا آبَاؤُنَا وَلَا حَرَّمْنَا مِنْ دُونِهِ مِنْ شَيْءٍ ۚ كَذَٰلِكَ فَعَلَ الَّذِينَ مِنْ قَبْلِهِمْ ۚ فَهَلْ عَلَى الرُّسُلِ إِلَّا الْبَلَاغُ الْمُبِينُ [16:35] Ва касоне, ки ширк варзиданд, гуфтанд: **«Агар Аллоҳ таоло мехост, на мо ва на падаронамон чизеро ғайр аз Ӯ намепарастидем ва чизеро ҷуз ба \[хосту фармони\] Ӯ ҳаром намекардем»**. Касоне, ки пеш аз онон буданд, низ чунин карданд; пас, оё паёмбарон вазифае ҷуз расонидани ошкор \[-и ваҳй\] доранд? ### الآية 16:36 > وَلَقَدْ بَعَثْنَا فِي كُلِّ أُمَّةٍ رَسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ ۖ فَمِنْهُمْ مَنْ هَدَى اللَّهُ وَمِنْهُمْ مَنْ حَقَّتْ عَلَيْهِ الضَّلَالَةُ ۚ فَسِيرُوا فِي الْأَرْضِ فَانْظُرُوا كَيْفَ كَانَ عَاقِبَةُ الْمُكَذِّبِينَ [16:36] Яқинан, Мо дар ҳар уммате паёмбареро \[бо ин паём\] барангехтем, ки: **«Аллоҳи якторо бипарастед ва аз тоғут \[маъбудони ғайри Аллоҳ таоло\] дурӣ кунед»**. Пас, Аллоҳ таоло бархе аз ононро ҳидоят кардааст ва бархе аз онон низ сазовори гумроҳӣ шуданд. Пас, дар замин гардиш кунед ва бингаред, ки саранҷоми такзибкунандагон \[-и оёти илоҳӣ\] чи гуна будааст ### الآية 16:37 > إِنْ تَحْرِصْ عَلَىٰ هُدَاهُمْ فَإِنَّ اللَّهَ لَا يَهْدِي مَنْ يُضِلُّ ۖ وَمَا لَهُمْ مِنْ نَاصِرِينَ [16:37] \[Эй Паёмбар\] ҳар андоза бар ҳидояти онон муштоқ бошӣ, \[суде надорад, зеро\] Аллоҳ таоло касеро, ки гумроҳ намояд, ҳидоят нахоҳад кард ва онон \[ҳеҷ\] ёваре надоранд ### الآية 16:38 > وَأَقْسَمُوا بِاللَّهِ جَهْدَ أَيْمَانِهِمْ ۙ لَا يَبْعَثُ اللَّهُ مَنْ يَمُوتُ ۚ بَلَىٰ وَعْدًا عَلَيْهِ حَقًّا وَلَٰكِنَّ أَكْثَرَ النَّاسِ لَا يَعْلَمُونَ [16:38] \[Мушрикон\] Бо сахттарин савгандҳояшон ба Аллоҳ таоло савганд хӯрданд, ки: **«Аллоҳ таоло касеро, ки мемирад, барнамеангезад»**. Оре, ин \[барангехтани мурдагон\] ваъдаест, ки бар ҳақ бар уҳдаи Ӯст, вале бештари мардум намедонанд ### الآية 16:39 > لِيُبَيِّنَ لَهُمُ الَّذِي يَخْتَلِفُونَ فِيهِ وَلِيَعْلَمَ الَّذِينَ كَفَرُوا أَنَّهُمْ كَانُوا كَاذِبِينَ [16:39] \[Ӯ мурдагонро зинда мекунад\] То саранҷоми \[ҳақиқати\] он чиро, ки дар он ихтилоф мекунанд, барояшон равшан созад ва то касоне, ки куфр варзиданд, бидонанд, ки дурӯғгӯ будаанд. ### الآية 16:40 > إِنَّمَا قَوْلُنَا لِشَيْءٍ إِذَا أَرَدْنَاهُ أَنْ نَقُولَ لَهُ كُنْ فَيَكُونُ [16:40] Сухани Мо дар бораи чизе, ки иродаашро кардаем, фақат ин аст, ки ба он мегӯем: **«Мавҷуд шав»**, пас, бедиранг мавҷуд мешавад ### الآية 16:41 > وَالَّذِينَ هَاجَرُوا فِي اللَّهِ مِنْ بَعْدِ مَا ظُلِمُوا لَنُبَوِّئَنَّهُمْ فِي الدُّنْيَا حَسَنَةً ۖ وَلَأَجْرُ الْآخِرَةِ أَكْبَرُ ۚ لَوْ كَانُوا يَعْلَمُونَ [16:41] Ва касоне, ки дар \[роҳи\] Аллоҳ таоло – пас аз он ки мавриди ситам воқеъ шуданд – ҳиҷрат карданд, дар дунё \[дар сарзамин ва\] маконе наку ононро ҷой медиҳем; ва яқинан подоши охират бузургтар аст. Агар \[онон, ки аз ҳиҷрат худдорӣ карданд, подоши ин корро\] медонистанд, \[ҳаргиз аз ҳиҷрат бознамемонданд\] ### الآية 16:42 > الَّذِينَ صَبَرُوا وَعَلَىٰ رَبِّهِمْ يَتَوَكَّلُونَ [16:42] \[Муҳоҷирон дар роҳи Аллоҳ таоло\] касоне \[ҳастанд\], ки шикебоӣ намуданд ва бар Парвардигорашон таваккал мекунанд ### الآية 16:43 > وَمَا أَرْسَلْنَا مِنْ قَبْلِكَ إِلَّا رِجَالًا نُوحِي إِلَيْهِمْ ۚ فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ [16:43] Ва \[эй Паёмбар\] Мо пеш аз ту ба ҷуз мардоне, ки ба онон ваҳй мекардем, \[касеро ба рисолат\] нафиристодем; пас, \[эй мушрикон\] агар намедонед, аз аҳли зикр \[донишмандони аҳли китоб\] бипурсед ### الآية 16:44 > بِالْبَيِّنَاتِ وَالزُّبُرِ ۗ وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ [16:44] \[Он паёмбаронро\] Бо далоили равшан ва китобҳо\[-и осмонӣ фиристодем\]; ва \[Мо ин\] Қуръонро бар ту нозил кардем, то барои мардум он чиро, ки бар эшон нозил шудааст, равшан созӣ; бошад, ки \[дар мафоҳимаш\] бияндешанд ### الآية 16:45 > أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ [16:45] Оё касоне, ки бадандешӣ \[ва тавтеа\] карданд, \[аз ин\] эмин ҳастанд, ки Аллоҳ таоло \[ҳамаи\] ононро дар замин фурӯ барад ё азоби \[илоҳӣ\] аз ҷойе, ки намедонанд, \[ба суроғашон\] биёяд? ### الآية 16:46 > أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ [16:46] Ё \[он ки\] ба ҳангоми рафту омадашон \[гиребони\] ононро бигирад? Пас, онон монеъ \[-и расидани азоб\] нестанд ### الآية 16:47 > أَوْ يَأْخُذَهُمْ عَلَىٰ تَخَوُّفٍ فَإِنَّ رَبَّكُمْ لَرَءُوفٌ رَحِيمٌ [16:47] Ё \[он ки азоби илоҳӣ\] дар ҳоле ки \[аз он\] метарсанд, гиребонгирашон шавад? Пас, бе тардид, Парвардигоратон дилсӯзи меҳрубон аст \[ки дар муҷозотатон шитоб намекунанд\] ### الآية 16:48 > أَوَلَمْ يَرَوْا إِلَىٰ مَا خَلَقَ اللَّهُ مِنْ شَيْءٍ يَتَفَيَّأُ ظِلَالُهُ عَنِ الْيَمِينِ وَالشَّمَائِلِ سُجَّدًا لِلَّهِ وَهُمْ دَاخِرُونَ [16:48] Оё онон ба чизҳое \[ҳамчун дарахтон ва кӯҳҳо\], ки Аллоҳ таоло офарида аст, наменигаранд, ки \[чи гуна бо ҳаракати хуршеду моҳ\] сояҳояшон аз росту чап мегустурад ва дар ҳоле барои Аллоҳ таоло саҷда мекунанд, ки \[дар баробараш\] хоксоранд? ### الآية 16:49 > وَلِلَّهِ يَسْجُدُ مَا فِي السَّمَاوَاتِ وَمَا فِي الْأَرْضِ مِنْ دَابَّةٍ وَالْمَلَائِكَةُ وَهُمْ لَا يَسْتَكْبِرُونَ [16:49] Ва ҳар чи дар осмонҳо ва замин аст – аз ҷунбандагону фариштагон - \[ҳамагӣ\] барои Аллоҳ таоло саҷда меоваранд ва гарданкашӣ намекунанд ### الآية 16:50 > يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ ۩ [16:50] \[Фариштагон\] Аз Парвардигори хеш, ки \[ба зот ва ғалаба ва қудраташ\] болои онон аст, метарсанд ва он чӣ фармон дода мешаванд, ҳамон мекунанд ### الآية 16:51 > ۞ وَقَالَ اللَّهُ لَا تَتَّخِذُوا إِلَٰهَيْنِ اثْنَيْنِ ۖ إِنَّمَا هُوَ إِلَٰهٌ وَاحِدٌ ۖ فَإِيَّايَ فَارْهَبُونِ [16:51] Ва Аллоҳ таоло фармуд: **«Ду маъбуд \[-ро барои худ ба парастиш\] нагиред. Ҷуз ин нест, ки \[маъбуди шумо\] ҳамон Аллоҳи яктост; пас, танҳо аз ман парво кунед»** ### الآية 16:52 > وَلَهُ مَا فِي السَّمَاوَاتِ وَالْأَرْضِ وَلَهُ الدِّينُ وَاصِبًا ۚ أَفَغَيْرَ اللَّهِ تَتَّقُونَ [16:52] Ва он чи дар осмонҳо ва замин аст, аз они Ӯст ва парастишу фармондорӣ \[низ\] ҳамеша ва пайваста барои Ӯст. Оё аз ғайри Аллоҳ таоло парво мекунед? ### الآية 16:53 > وَمَا بِكُمْ مِنْ نِعْمَةٍ فَمِنَ اللَّهِ ۖ ثُمَّ إِذَا مَسَّكُمُ الضُّرُّ فَإِلَيْهِ تَجْأَرُونَ [16:53] Ва \[эй мардум\] ҳар неъмате, ки доред, аз сӯи Аллоҳ таоло аст; сипас чун ба шумо газанде мерасад, ба пешгоҳи Ӯ нола ва зорӣ мекунед ### الآية 16:54 > ثُمَّ إِذَا كَشَفَ الضُّرَّ عَنْكُمْ إِذَا فَرِيقٌ مِنْكُمْ بِرَبِّهِمْ يُشْرِكُونَ [16:54] Сипас вақте он газандро аз шумо баратараф сохт, он гоҳ гурӯҳе аз шумо ба Парвардигорашон ширк меварзанд ### الآية 16:55 > لِيَكْفُرُوا بِمَا آتَيْنَاهُمْ ۚ فَتَمَتَّعُوا ۖ فَسَوْفَ تَعْلَمُونَ [16:55] То саранҷом ба он чӣ ба эшон додаем, носипосӣ кунанд. Пас, \[чанд рӯзе аз неъматҳои дунё\] бархӯрдор шавед, ки ба зудӣ \[натоиҷи кирдоратонро\] хоҳед донист ### الآية 16:56 > وَيَجْعَلُونَ لِمَا لَا يَعْلَمُونَ نَصِيبًا مِمَّا رَزَقْنَاهُمْ ۗ تَاللَّهِ لَتُسْأَلُنَّ عَمَّا كُنْتُمْ تَفْتَرُونَ [16:56] Ва \[мушрикон\] аз он чӣ рӯзишон кардаем, барои чизҳое, ки ҳеҷ фаҳме надоранд \[бутҳо\] саҳме қарор медиҳанд. Ба Аллоҳ таоло савганд, ки дар бораи он ифтиро, ки мебастед, ҳатман, бозхост хоҳед шуд ### الآية 16:57 > وَيَجْعَلُونَ لِلَّهِ الْبَنَاتِ سُبْحَانَهُ ۙ وَلَهُمْ مَا يَشْتَهُونَ [16:57] Ва \[онон фариштагонро\] духтароне барои Аллоҳ таоло қарор медиҳанд – Ӯ муназзаҳ аст – ва он чиро майл доранд \[писарон\] барои худашон \[қарор медиҳанд\] ### الآية 16:58 > وَإِذَا بُشِّرَ أَحَدُهُمْ بِالْأُنْثَىٰ ظَلَّ وَجْهُهُ مُسْوَدًّا وَهُوَ كَظِيمٌ [16:58] Ва ҳар гоҳ яке аз ононро ба \[таваллуди\] духтаре башорат диҳанд, дар ҳоле ки хашмашро фурӯ мехӯрад, чеҳрааш \[аз андӯҳ\] тира мешавад ### الآية 16:59 > يَتَوَارَىٰ مِنَ الْقَوْمِ مِنْ سُوءِ مَا بُشِّرَ بِهِ ۚ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ ۗ أَلَا سَاءَ مَا يَحْكُمُونَ [16:59] Аз бадӣ \[ва нороҳатии\] он чӣ ба ӯ мужда додаанд, аз қавм \[-и хеш\] пинҳон мешавад \[ва бо худ меандешад, ки\] оё ӯро бо сарафкандагӣ нигаҳ дорад ё дар хок пинҳонаш кунад. Ҳон! Чи бад доварӣ мекунанд! ### الآية 16:60 > لِلَّذِينَ لَا يُؤْمِنُونَ بِالْآخِرَةِ مَثَلُ السَّوْءِ ۖ وَلِلَّهِ الْمَثَلُ الْأَعْلَىٰ ۚ وَهُوَ الْعَزِيزُ الْحَكِيمُ [16:60] Сифати зишт \[-и чаҳлу куфр\] барои касонест, ки ба охират имон надоранд ва сифати бартар аз они Аллоҳ таоло аст ва Ӯ шикастнопазиру ҳаким аст ### الآية 16:61 > وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا مِنْ دَابَّةٍ وَلَٰكِنْ يُؤَخِّرُهُمْ إِلَىٰ أَجَلٍ مُسَمًّى ۖ فَإِذَا جَاءَ أَجَلُهُمْ لَا يَسْتَأْخِرُونَ سَاعَةً ۖ وَلَا يَسْتَقْدِمُونَ [16:61] Ва агар Аллоҳ таоло мардумро ба хотири зулмашон бозхост мекард, ҷунбандае рӯйи замин боқӣ намегузошт; вале \[кайфари\] ононро то замони муайян ба таъхир меандозад; ва чун аҷалашон ба сар ояд, на соате \[аз он\] таъхир мекунанд ва на пешӣ мегиранд ### الآية 16:62 > وَيَجْعَلُونَ لِلَّهِ مَا يَكْرَهُونَ وَتَصِفُ أَلْسِنَتُهُمُ الْكَذِبَ أَنَّ لَهُمُ الْحُسْنَىٰ ۖ لَا جَرَمَ أَنَّ لَهُمُ النَّارَ وَأَنَّهُمْ مُفْرَطُونَ [16:62] Ва \[мушрикон\] он чиро хуш надоранд барои Аллоҳ таоло қарор медиҳанд ва забонашон \[чунин\] дурӯғ месозад, ки \[расттагорӣ ва\] накуӣ аз они эшон аст. Ҳаққо, ки оташ насибашон аст ва онон, ҳатман, аз пешгомон \[-и дузах\] ҳастанд ### الآية 16:63 > تَاللَّهِ لَقَدْ أَرْسَلْنَا إِلَىٰ أُمَمٍ مِنْ قَبْلِكَ فَزَيَّنَ لَهُمُ الشَّيْطَانُ أَعْمَالَهُمْ فَهُوَ وَلِيُّهُمُ الْيَوْمَ وَلَهُمْ عَذَابٌ أَلِيمٌ [16:63] \[Эй паёмбар\] Савганд ба Аллоҳ таоло, ки ба сӯи умматҳое, ки пеш аз ту буданд, \[низ паёмбароне\] фиристодем; пас, шайтон корҳояшонро барояшон орост; аз ин рӯ, имрӯз \[низ дӯст ва\] корсозашон ҳам ӯст ва барояшон азобе дарднок \[дар пеш\] аст ### الآية 16:64 > وَمَا أَنْزَلْنَا عَلَيْكَ الْكِتَابَ إِلَّا لِتُبَيِّنَ لَهُمُ الَّذِي اخْتَلَفُوا فِيهِ ۙ وَهُدًى وَرَحْمَةً لِقَوْمٍ يُؤْمِنُونَ [16:64] Ва \[эй паёмбар\] ин китобро бар ту нозил накардем, магар барои ин ки \[ҳақиқати\] он чиро, ки \[мардум\] дар он ихтилоф доранд, барояшон баён кунӣ ва ҳидояту раҳмате бошад барои гурӯҳе, ки имон меоваранд ### الآية 16:65 > وَاللَّهُ أَنْزَلَ مِنَ السَّمَاءِ مَاءً فَأَحْيَا بِهِ الْأَرْضَ بَعْدَ مَوْتِهَا ۚ إِنَّ فِي ذَٰلِكَ لَآيَةً لِقَوْمٍ يَسْمَعُونَ [16:65] Ва Аллоҳ таоло аз осмон обе фурӯ фиристод ва бо он заминро пас аз хазон ва хушкиаш зинда кард. Ҳатман, дар ин амр барои мардуме, ки \[сухани ҳақро\] мешунаванд, нишонае \[аз қудрати Парвардигор\] аст ### الآية 16:66 > وَإِنَّ لَكُمْ فِي الْأَنْعَامِ لَعِبْرَةً ۖ نُسْقِيكُمْ مِمَّا فِي بُطُونِهِ مِنْ بَيْنِ فَرْثٍ وَدَمٍ لَبَنًا خَالِصًا سَائِغًا لِلشَّارِبِينَ [16:66] Ва \[эй мардум,\] дар \[афзоиши\] чаҳорпоён барои шумо ибрате аст: аз он чи дар шиками онҳост, аз миёни ғизоҳои ҳазмшуда ва хун шири холисе ба шумо менӯшонем, ки барои нӯшандагон гуворост ### الآية 16:67 > وَمِنْ ثَمَرَاتِ النَّخِيلِ وَالْأَعْنَابِ تَتَّخِذُونَ مِنْهُ سَكَرًا وَرِزْقًا حَسَنًا ۗ إِنَّ فِي ذَٰلِكَ لَآيَةً لِقَوْمٍ يَعْقِلُونَ [16:67] Ва \[низ\] аз меваҳои дарахтони хурмо ва ангур ҳам шароб \[-и мастиовар\] ва ҳам рӯзии наку \[ва покиза\] ба даст меоваред. Бе гумон, дар ин \[амр\] барои касоне, ки хирад меварзанд, нишонае \[аз лутфу қудрати Парвардигор\] аст ### الآية 16:68 > وَأَوْحَىٰ رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ [16:68] Парвардигорат ба занбӯри асал илҳом кард, ки: аз кӯҳҳо ва дарахтон ва аз он чи \[мардум\] бино мекунанд, \[барои худ\] хонаҳое баргир ### الآية 16:69 > ثُمَّ كُلِي مِنْ كُلِّ الثَّمَرَاتِ فَاسْلُكِي سُبُلَ رَبِّكِ ذُلُلًا ۚ يَخْرُجُ مِنْ بُطُونِهَا شَرَابٌ مُخْتَلِفٌ أَلْوَانُهُ فِيهِ شِفَاءٌ لِلنَّاسِ ۗ إِنَّ فِي ذَٰلِكَ لَآيَةً لِقَوْمٍ يَتَفَكَّرُونَ [16:69] Он гоҳ аз \[шираи\] тамоми меваҳо \[ва гулҳо\] бихӯр ва роҳҳои Парвардигоратро фурӯтанона тай кун». Аз шиками онҳо шаҳде рангоранг берун меояд, ки шифои мардум дар он аст. Ба ростӣ, дар ин \[амр\] барои мардуме, ки меандешанд, нишонае \[аз илму қудрати Парвардигор\] аст ### الآية 16:70 > وَاللَّهُ خَلَقَكُمْ ثُمَّ يَتَوَفَّاكُمْ ۚ وَمِنْكُمْ مَنْ يُرَدُّ إِلَىٰ أَرْذَلِ الْعُمُرِ لِكَيْ لَا يَعْلَمَ بَعْدَ عِلْمٍ شَيْئًا ۚ إِنَّ اللَّهَ عَلِيمٌ قَدِيرٌ [16:70] Ва Аллоҳ таоло шуморо офаридааст ва сипас ҷонатонро мегирад; ва бархе аз шумо ба фурӯтарини \[даврони\] умр \[куҳансолӣ\] мерасанд, чунончи пас аз донистани \[бисёре чизҳо, дигар\] чизе намедонанд \[ва ҳамаро фаромӯш мекунанд\]. Бе тардид, Аллоҳ таоло донову тавоност ### الآية 16:71 > وَاللَّهُ فَضَّلَ بَعْضَكُمْ عَلَىٰ بَعْضٍ فِي الرِّزْقِ ۚ فَمَا الَّذِينَ فُضِّلُوا بِرَادِّي رِزْقِهِمْ عَلَىٰ مَا مَلَكَتْ أَيْمَانُهُمْ فَهُمْ فِيهِ سَوَاءٌ ۚ أَفَبِنِعْمَةِ اللَّهِ يَجْحَدُونَ [16:71] Ва Аллоҳ таоло бархе аз шуморо бар бархе \[дигар\] дар \[неъмату\] рӯзӣ бартарӣ додаст; пас, касоне, ки бартарӣ дода шудаанд, ҳозир нестанд, ки аз рӯзии худ ба бардагонашон бидиҳанд, то ҳамагӣ дар он \[неъмату дороӣ\] баробар шаванд. \[Агар худ аз шарик безоранд, чаро барои Аллоҳ таоло шарик қарор медиҳанд?\] Пас, оё \[бо ин ширкварзӣ\] неъмати Аллоҳро инкор мекунанд? ### الآية 16:72 > وَاللَّهُ جَعَلَ لَكُمْ مِنْ أَنْفُسِكُمْ أَزْوَاجًا وَجَعَلَ لَكُمْ مِنْ أَزْوَاجِكُمْ بَنِينَ وَحَفَدَةً وَرَزَقَكُمْ مِنَ الطَّيِّبَاتِ ۚ أَفَبِالْبَاطِلِ يُؤْمِنُونَ وَبِنِعْمَتِ اللَّهِ هُمْ يَكْفُرُونَ [16:72] Ва Аллоҳ таоло барои шумо аз \[ҷинси\] худатон ҳамсароне қарор дод ва аз ҳамсаронатон барои шумо фарзандон ва наводагоне офарид ва аз чизҳое покиза ба шумо рӯзӣ бахшид. Пас, оё \[боз ҳам\] ба ботил имон меоваранд ва ба неъмати Аллоҳ таоло носипосӣ мекунанд? ### الآية 16:73 > وَيَعْبُدُونَ مِنْ دُونِ اللَّهِ مَا لَا يَمْلِكُ لَهُمْ رِزْقًا مِنَ السَّمَاوَاتِ وَالْأَرْضِ شَيْئًا وَلَا يَسْتَطِيعُونَ [16:73] Ва \[мушрикон\] ба ҷойи Аллоҳ таоло чизҳоеро мепарастанд, ки молики ҳеҷ рӯзие дар осмонҳо ва замин барояшон нестанд ва тавоноӣ \[-и ҳеҷ коре\] надоранд ### الآية 16:74 > فَلَا تَضْرِبُوا لِلَّهِ الْأَمْثَالَ ۚ إِنَّ اللَّهَ يَعْلَمُ وَأَنْتُمْ لَا تَعْلَمُونَ [16:74] Пас, барои Аллоҳ таоло амсол \[ва шарикҳое мутааддид\] қоил нашавед. Бе тардид, Аллоҳ таоло медонад ва шумо намедонед ### الآية 16:75 > ۞ ضَرَبَ اللَّهُ مَثَلًا عَبْدًا مَمْلُوكًا لَا يَقْدِرُ عَلَىٰ شَيْءٍ وَمَنْ رَزَقْنَاهُ مِنَّا رِزْقًا حَسَنًا فَهُوَ يُنْفِقُ مِنْهُ سِرًّا وَجَهْرًا ۖ هَلْ يَسْتَوُونَ ۚ الْحَمْدُ لِلَّهِ ۚ بَلْ أَكْثَرُهُمْ لَا يَعْلَمُونَ [16:75] Аллоҳ таоло мисоле задааст: бардаи мамлуке, ки қодир ба ҳеҷ коре нест ва \[дар муқобил,\] касе, ки аз ҷониби хеш ба ӯ рӯзии накуие бахшидаем ва ӯ аз ҳамон \[неъматҳои илоҳӣ\] пинҳону ошкор инфоқ мекунад. Оё ин ду баробаранд? \[Пас, шумо мушрикон чи гуна молики мутлақро бо бутҳои нотавон яксон медонед?\] Ситоиш махсуси Аллоҳ таоло аст; аммо бештарашон \[ҳаққи ягонагиашро\] намедонанд ### الآية 16:76 > وَضَرَبَ اللَّهُ مَثَلًا رَجُلَيْنِ أَحَدُهُمَا أَبْكَمُ لَا يَقْدِرُ عَلَىٰ شَيْءٍ وَهُوَ كَلٌّ عَلَىٰ مَوْلَاهُ أَيْنَمَا يُوَجِّهْهُ لَا يَأْتِ بِخَيْرٍ ۖ هَلْ يَسْتَوِي هُوَ وَمَنْ يَأْمُرُ بِالْعَدْلِ ۙ وَهُوَ عَلَىٰ صِرَاطٍ مُسْتَقِيمٍ [16:76] Ва Аллоҳ таоло масали \[дигаре\] задааст: ду мардро \[фарз кунед\], ки яке аз он ду лол аст ва ҳеҷ коре аз вай барнамеояд ва сарбори дӯсти худ мебошад, ҳар куҷо ӯро мефиристад, ҳеҷ хайре ба ҳамроҳ намеоварад \[ва вазоифашро ба дурустӣ анҷом намедиҳад\]; оё ӯ бо касе, ки ба адолат фармон медиҳад ва худ бар роҳе мустақим қарор дорад, баробар аст? \[Пас, шумо мушрикон чи гуна қодири мутлақро бо бутҳои беэҳсоси нотавон яксон медонед?\] ### الآية 16:77 > وَلِلَّهِ غَيْبُ السَّمَاوَاتِ وَالْأَرْضِ ۚ وَمَا أَمْرُ السَّاعَةِ إِلَّا كَلَمْحِ الْبَصَرِ أَوْ هُوَ أَقْرَبُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ [16:77] \[Илми\] Ғайби осмонҳо ва замин танҳо аз они Аллоҳ таоло аст ва амри \[барпоии\] қиёмат ҷуз \[ба суръати\] як чашм бар ҳам задан нест; ё \[ҳатто\] сареътар. Бе тардид, Аллоҳ таоло бар ҳар чизе тавоност ### الآية 16:78 > وَاللَّهُ أَخْرَجَكُمْ مِنْ بُطُونِ أُمَّهَاتِكُمْ لَا تَعْلَمُونَ شَيْئًا وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۙ لَعَلَّكُمْ تَشْكُرُونَ [16:78] \[Эй мардум\] Аллоҳ таоло шуморо аз шиками модаронатон хориҷ намуд, дар ҳоле ки ҳеҷ чиз намедонистед; ва бароятон гӯшу чашм ва дил \[-у ақл\] падид овард \[то қудратҳои илоҳиро дарк кунед\]; бошад, ки сипос гузоред ### الآية 16:79 > أَلَمْ يَرَوْا إِلَى الطَّيْرِ مُسَخَّرَاتٍ فِي جَوِّ السَّمَاءِ مَا يُمْسِكُهُنَّ إِلَّا اللَّهُ ۗ إِنَّ فِي ذَٰلِكَ لَآيَاتٍ لِقَوْمٍ يُؤْمِنُونَ [16:79] Оё \[мушрикон\] парандагонро надидаанд, ки дар фазои осмон ром шудаанд \[ва\] касе ҷуз Аллоҳ таоло онҳоро \[дар он ҳол\] нигаҳ намедорад? Ба ростӣ, дар ин \[амр\] барои мардуме, ки имон доранд, нишонаҳое \[аз қудрати Парвардигор\] аст ### الآية 16:80 > وَاللَّهُ جَعَلَ لَكُمْ مِنْ بُيُوتِكُمْ سَكَنًا وَجَعَلَ لَكُمْ مِنْ جُلُودِ الْأَنْعَامِ بُيُوتًا تَسْتَخِفُّونَهَا يَوْمَ ظَعْنِكُمْ وَيَوْمَ إِقَامَتِكُمْ ۙ وَمِنْ أَصْوَافِهَا وَأَوْبَارِهَا وَأَشْعَارِهَا أَثَاثًا وَمَتَاعًا إِلَىٰ حِينٍ [16:80] Аллоҳ таоло барои шумо аз хонаҳоятон маҳалли сукунат \[ва оромиш\] қарор дод ва аз пушти чаҳорпоён \[низ\] бароятон хонаҳое \[хаймаҳое\] қарор дод, то рӯзи кӯч кардан сабукбор бошед ва рӯзи иқомататон \[низ барпоияш осон бошад\]; ва аз пашму курку мӯйҳояшон то муддате муайян \[бароятон\] асоси \[хона\] ва асбоб \[-у васоили зиндагӣ\] фароҳам кард ### الآية 16:81 > وَاللَّهُ جَعَلَ لَكُمْ مِمَّا خَلَقَ ظِلَالًا وَجَعَلَ لَكُمْ مِنَ الْجِبَالِ أَكْنَانًا وَجَعَلَ لَكُمْ سَرَابِيلَ تَقِيكُمُ الْحَرَّ وَسَرَابِيلَ تَقِيكُمْ بَأْسَكُمْ ۚ كَذَٰلِكَ يُتِمُّ نِعْمَتَهُ عَلَيْكُمْ لَعَلَّكُمْ تُسْلِمُونَ [16:81] Аллоҳ таоло аз он чӣ офарид, сояҳое бароятон фароҳам овардааст ва аз кӯҳҳо \[низ роҳҳо ва\] паноҳгоҳҳое бароятон қарор додааст ва бароятон ҷомаҳое падид овардааст, ки аз \[сармо\] ва гармо нигоҳатон медорад ва \[зиреҳҳо ва\] танпӯшҳое, ки шуморо дар ҷанг\[-ҳоя\]-тон ҳифз мекунад. Ӯ, инчунин, неъматашро бар шумо тамом мегардонад; бошад, ки \[дар баробари тавҳид\] таслим шавед \[ва ширк наварзед\] ### الآية 16:82 > فَإِنْ تَوَلَّوْا فَإِنَّمَا عَلَيْكَ الْبَلَاغُ الْمُبِينُ [16:82] Пас, \[эй Паёмбар\] агар \[мушрикон\] рӯй гардонанд, ҷуз ин нест, ки вазифаи ту \[фақат\] паёмрасонии ошкор аст ### الآية 16:83 > يَعْرِفُونَ نِعْمَتَ اللَّهِ ثُمَّ يُنْكِرُونَهَا وَأَكْثَرُهُمُ الْكَافِرُونَ [16:83] \[Онон\] неъмати Аллоҳро мешиносанд; он гоҳ \[боз ҳам\] инкораш мекунанд ва бештарашон носипосу кофиранд ### الآية 16:84 > وَيَوْمَ نَبْعَثُ مِنْ كُلِّ أُمَّةٍ شَهِيدًا ثُمَّ لَا يُؤْذَنُ لِلَّذِينَ كَفَرُوا وَلَا هُمْ يُسْتَعْتَبُونَ [16:84] Ва \[ёд кун аз\] рӯзе, ки аз ҳар уммате гувоҳе \[барояшон\] бармеангезем; он гоҳ ба касоне, ки куфр варзиданд, на иҷозат \[-и сухан гуфтан\] дода мешавад ва на аз эшон дархости пузиш мешавад ### الآية 16:85 > وَإِذَا رَأَى الَّذِينَ ظَلَمُوا الْعَذَابَ فَلَا يُخَفَّفُ عَنْهُمْ وَلَا هُمْ يُنْظَرُونَ [16:85] Ва касоне, ки ситам карданд, ҳангоме ки азоби \[охират\]-ро мебинанд; на азобашон сабук мешавад ва на муҳлат дода мешаванд ### الآية 16:86 > وَإِذَا رَأَى الَّذِينَ أَشْرَكُوا شُرَكَاءَهُمْ قَالُوا رَبَّنَا هَٰؤُلَاءِ شُرَكَاؤُنَا الَّذِينَ كُنَّا نَدْعُو مِنْ دُونِكَ ۖ فَأَلْقَوْا إِلَيْهِمُ الْقَوْلَ إِنَّكُمْ لَكَاذِبُونَ [16:86] Онон, ки ширк варзиданд, вақте шарикони худро мебинанд, мегӯянд: **«Парвардигоро, инҳо буданд он шариконе, ки мо ба ҷойи ту мехондем»** ва\[-ле шарикон\] сухани ононро рад мекунанд, ки: **«яқинан шумо дурӯғгӯед»** ### الآية 16:87 > وَأَلْقَوْا إِلَى اللَّهِ يَوْمَئِذٍ السَّلَمَ ۖ وَضَلَّ عَنْهُمْ مَا كَانُوا يَفْتَرُونَ [16:87] Дар он рӯз дар баробари Аллоҳ таоло сари таслим меафкананд ва дурӯғҳое, ки \[дар бораи шафоати ғайри Аллоҳ таоло\] мебофтанд, ҳама маҳву нобуд мегардад ### الآية 16:88 > الَّذِينَ كَفَرُوا وَصَدُّوا عَنْ سَبِيلِ اللَّهِ زِدْنَاهُمْ عَذَابًا فَوْقَ الْعَذَابِ بِمَا كَانُوا يُفْسِدُونَ [16:88] Касоне, ки куфр варзиданд ва \[мардумро\] аз роҳи Аллоҳ таоло боздоштанд, ба \[кайфари\] он ки фасод мекарданд, азобе бар азобашон меафзоем ### الآية 16:89 > وَيَوْمَ نَبْعَثُ فِي كُلِّ أُمَّةٍ شَهِيدًا عَلَيْهِمْ مِنْ أَنْفُسِهِمْ ۖ وَجِئْنَا بِكَ شَهِيدًا عَلَىٰ هَٰؤُلَاءِ ۚ وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ وَهُدًى وَرَحْمَةً وَبُشْرَىٰ لِلْمُسْلِمِينَ [16:89] Ва рӯзе \[-ро ёд кун\], ки аз ҳар уммате гувоҳе аз худашон бар онон мегирем \[ки ба куфру имонашон гувоҳӣ диҳад\] ва туро \[эй Муҳаммад\] бар инон гувоҳ мегирем; ва Мо ин китоб \[Қуръон\] - ро бар ту нозил кардем, ки равшангари ҳама чиз аст ва барои мусулмонон раҳнамуд ва раҳмату башорат аст ### الآية 16:90 > ۞ إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ [16:90] Дар ҳақиқат, Аллоҳ таоло \[шуморо\] ба адлу накукорӣ ва бахшиш ба хешовандон фармон медиҳад ва аз фаҳшо ва зишткорӣ ва саркашӣ наҳй мекунад. Ӯ шуморо панд медиҳад; бошад, ки панд гиред ### الآية 16:91 > وَأَوْفُوا بِعَهْدِ اللَّهِ إِذَا عَاهَدْتُمْ وَلَا تَنْقُضُوا الْأَيْمَانَ بَعْدَ تَوْكِيدِهَا وَقَدْ جَعَلْتُمُ اللَّهَ عَلَيْكُمْ كَفِيلًا ۚ إِنَّ اللَّهَ يَعْلَمُ مَا تَفْعَلُونَ [16:91] Ва чун бо Аллоҳ таоло \[ё мардум\] паймон бастед, ба он вафо кунед; ва савгандҳои худро пас аз муҳкам сохтанашон нашканед, дар ҳоле ки Аллоҳро бар \[вафодории\] хеш гувоҳ қарор додаед. Бе тардид, Аллоҳ таоло медонад, ки чи мекунед ### الآية 16:92 > وَلَا تَكُونُوا كَالَّتِي نَقَضَتْ غَزْلَهَا مِنْ بَعْدِ قُوَّةٍ أَنْكَاثًا تَتَّخِذُونَ أَيْمَانَكُمْ دَخَلًا بَيْنَكُمْ أَنْ تَكُونَ أُمَّةٌ هِيَ أَرْبَىٰ مِنْ أُمَّةٍ ۚ إِنَّمَا يَبْلُوكُمُ اللَّهُ بِهِ ۚ وَلَيُبَيِّنَنَّ لَكُمْ يَوْمَ الْقِيَامَةِ مَا كُنْتُمْ فِيهِ تَخْتَلِفُونَ [16:92] Ва монанди он зан \[-и нодоне\] набошед, ки риштаи \[пашмии тобидаи\] хешро аз ҳам бозкушод \[ва гусаст; пас, мабодо\] савгандҳои худро василаи фиреби якдигар қарор диҳед \[он ҳам танҳо\] бад-ин сабаб, ки гурӯҳе \[сарват ва\] ҷамъияташон афзунтар аз дигаре аст. Ҷуз ин нест, ки Аллоҳ таоло шуморо бо ин \[кор\] меозмояд ва яқинан рӯзи қиёмат он чиро, ки дар он ихтилоф мекардед, бароятон равшан месозад ### الآية 16:93 > وَلَوْ شَاءَ اللَّهُ لَجَعَلَكُمْ أُمَّةً وَاحِدَةً وَلَٰكِنْ يُضِلُّ مَنْ يَشَاءُ وَيَهْدِي مَنْ يَشَاءُ ۚ وَلَتُسْأَلُنَّ عَمَّا كُنْتُمْ تَعْمَلُونَ [16:93] Ва агар мехост, ҳамаи шуморо як уммат қарор медод, вале \[бо адолати хеш\] ҳар киро бихоҳад гумроҳ мекунад ва \[бо фазли хеш\] ҳар киро бихоҳад, ҳидоят менамояд; ва шумо \[рӯзи қиёмат\], ҳатман, аз он чи мекардед, бозхост хоҳед шуд ### الآية 16:94 > وَلَا تَتَّخِذُوا أَيْمَانَكُمْ دَخَلًا بَيْنَكُمْ فَتَزِلَّ قَدَمٌ بَعْدَ ثُبُوتِهَا وَتَذُوقُوا السُّوءَ بِمَا صَدَدْتُمْ عَنْ سَبِيلِ اللَّهِ ۖ وَلَكُمْ عَذَابٌ عَظِيمٌ [16:94] Ва савгандҳоятонро василаи найранг \[ва фиребгарӣ\] миёни хеш қарор надиҳед, то мабодо \[имонатон ба хатар афтад ва\] гоме пас аз устувориаш билағжад ва ба сазои он ки \[мардумро\] аз роҳи Аллоҳ таоло боздоштаед, \[кайфари\] ногуворе бичашед ва азобе бузург бароятон \[дар пеш\] бошад ### الآية 16:95 > وَلَا تَشْتَرُوا بِعَهْدِ اللَّهِ ثَمَنًا قَلِيلًا ۚ إِنَّمَا عِنْدَ اللَّهِ هُوَ خَيْرٌ لَكُمْ إِنْ كُنْتُمْ تَعْلَمُونَ [16:95] Ва паймони Аллоҳро ба баҳои андак нафурӯшед. Агар бидонед, яқинан он чи назди Аллоҳ таоло аст, бароятон беҳтар аст ### الآية 16:96 > مَا عِنْدَكُمْ يَنْفَدُ ۖ وَمَا عِنْدَ اللَّهِ بَاقٍ ۗ وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ [16:96] Он чи назди шумост, поён мепазирад ва\[-ле\] он чи назди Аллоҳ таоло аст, боқӣ \[ва ҷовид\] аст; ва, ҳатман, ба касоне, ки шикебоӣ кардаанд, аҷрашонро бар асоси накутарин \[тоат ва\] коре, ки мекарданд, хоҳем дод ### الآية 16:97 > مَنْ عَمِلَ صَالِحًا مِنْ ذَكَرٍ أَوْ أُنْثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ [16:97] Ҳар кас – аз мард ё зан – ки кори нек кунад ва муъмин бошад, ҳатман, ӯро \[дар дунё\] ба зиндагонии поку писандидае зинда медорем ва \[дар охират низ\] бар асоси накутарин \[тоат ва\] коре, ки мекарданд, ба онон подош медиҳем ### الآية 16:98 > فَإِذَا قَرَأْتَ الْقُرْآنَ فَاسْتَعِذْ بِاللَّهِ مِنَ الشَّيْطَانِ الرَّجِيمِ [16:98] Пас, \[эй муъмин\] ҳангоме ки Қуръон мехонӣ, аз \[шарри\] шайтони рондашуда ба Аллоҳ таоло паноҳ бибар ### الآية 16:99 > إِنَّهُ لَيْسَ لَهُ سُلْطَانٌ عَلَى الَّذِينَ آمَنُوا وَعَلَىٰ رَبِّهِمْ يَتَوَكَّلُونَ [16:99] Бе тардид, ӯ бар касоне, ки имон овардаанд ва бар Парвардигорашон таваккал мекунанд \[ҳеҷ\] тасаллуте надорад ### الآية 16:100 > إِنَّمَا سُلْطَانُهُ عَلَى الَّذِينَ يَتَوَلَّوْنَهُ وَالَّذِينَ هُمْ بِهِ مُشْرِكُونَ [16:100] Тасаллути ӯ танҳо бар касонест, ки ӯро \[дӯсту\] корсози худ гирифтаанд ва \[ҳамчунин бар\] касоне, ки ба Аллоҳ таоло ширк меварзанд ### الآية 16:101 > وَإِذَا بَدَّلْنَا آيَةً مَكَانَ آيَةٍ ۙ وَاللَّهُ أَعْلَمُ بِمَا يُنَزِّلُ قَالُوا إِنَّمَا أَنْتَ مُفْتَرٍ ۚ بَلْ أَكْثَرُهُمْ لَا يَعْلَمُونَ [16:101] Ва ҳангоме ки \[ҳукми\] оятеро ҷойгузини ояте \[дигар\] мекунем – ҳол он ки Аллоҳ таоло ба он чи нозил мекунад, донотар аст - \[кофирон\] мегӯянд: **«\[Эй Муҳаммад\] ҷуз ин нест, ки ту дурӯғбофӣ»**. \[Чунин нест\] Балки бештарашон \[аз аҳкоми шаръ ва ҳикмати илоҳӣ чизе\] намедонанд ### الآية 16:102 > قُلْ نَزَّلَهُ رُوحُ الْقُدُسِ مِنْ رَبِّكَ بِالْحَقِّ لِيُثَبِّتَ الَّذِينَ آمَنُوا وَهُدًى وَبُشْرَىٰ لِلْمُسْلِمِينَ [16:102] Бигӯ: **«Рӯҳу-л-қудус \[Ҷабраил\] онро аз ҷониби Парвардигорат бар ҳақ нозил кардааст, то касонеро, ки имон овардаанд, собитқадам гардонад ва барои мусулмонон ҳидоят ва башорате бошад»** ### الآية 16:103 > وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ ۗ لِسَانُ الَّذِي يُلْحِدُونَ إِلَيْهِ أَعْجَمِيٌّ وَهَٰذَا لِسَانٌ عَرَبِيٌّ مُبِينٌ [16:103] Ва яқинан медонем, ки онон мегӯянд: **«Ҳатман, башаре \[ин оётро\] ба ӯ омӯзиш медиҳад»**. \[На, чунин нест; зеро\] забони касе, ки \[ин\] нисбатро ба ӯ медиҳад, ғайри арабӣ аст, ҳол он ки ин \[Қуръон\] ба забони арабии равшан аст ### الآية 16:104 > إِنَّ الَّذِينَ لَا يُؤْمِنُونَ بِآيَاتِ اللَّهِ لَا يَهْدِيهِمُ اللَّهُ وَلَهُمْ عَذَابٌ أَلِيمٌ [16:104] Яқинан, касоне, ки ба оёти Аллоҳ таоло имон намеоваранд, Аллоҳ таоло ҳидояташон намекунад ва барои онон азоби дардноке \[дар пеш\] аст ### الآية 16:105 > إِنَّمَا يَفْتَرِي الْكَذِبَ الَّذِينَ لَا يُؤْمِنُونَ بِآيَاتِ اللَّهِ ۖ وَأُولَٰئِكَ هُمُ الْكَاذِبُونَ [16:105] \[Муҳаммад дурӯғгӯ нест, балки\] Касоне дурӯғ мебофанд, ки ба оёти Аллоҳ таоло имон надоранд ва инон дурӯғгӯён \[-и воқеӣ\] ҳастанд ### الآية 16:106 > مَنْ كَفَرَ بِاللَّهِ مِنْ بَعْدِ إِيمَانِهِ إِلَّا مَنْ أُكْرِهَ وَقَلْبُهُ مُطْمَئِنٌّ بِالْإِيمَانِ وَلَٰكِنْ مَنْ شَرَحَ بِالْكُفْرِ صَدْرًا فَعَلَيْهِمْ غَضَبٌ مِنَ اللَّهِ وَلَهُمْ عَذَابٌ عَظِيمٌ [16:106] Ҳар ки баъд аз имонаш ба Аллоҳ куфр биварзад \[гирифтори азоби илоҳӣ хоҳад шуд\]; магар касе, ки \[ба ин кор\] водор шуда бошад ва\[-ле\] дилаш ба имон ором \[ва устувор\] бошад; аммо ҳар ки синаашро ба куфр кушода кард, хашми Аллоҳ таоло бар онон аст ва азобе саҳмгин \[дар пеш\] доранд ### الآية 16:107 > ذَٰلِكَ بِأَنَّهُمُ اسْتَحَبُّوا الْحَيَاةَ الدُّنْيَا عَلَى الْآخِرَةِ وَأَنَّ اللَّهَ لَا يَهْدِي الْقَوْمَ الْكَافِرِينَ [16:107] Ин \[муҷозот\] аз он рӯст, ки зиндагии дунёро бар охират тарҷеҳ доданд; ва Аллоҳ таоло гурӯҳи кофиронро ҳидоят намекунад ### الآية 16:108 > أُولَٰئِكَ الَّذِينَ طَبَعَ اللَّهُ عَلَىٰ قُلُوبِهِمْ وَسَمْعِهِمْ وَأَبْصَارِهِمْ ۖ وَأُولَٰئِكَ هُمُ الْغَافِلُونَ [16:108] Инон касоне ҳастанд, ки \[бар асари гуноҳонашон\] Аллоҳ таоло бар дилҳо ва гӯшу чашмонашон муҳр ниҳодааст; ва инон ғофилон \[-и воқеӣ\] ҳастанд ### الآية 16:109 > لَا جَرَمَ أَنَّهُمْ فِي الْآخِرَةِ هُمُ الْخَاسِرُونَ [16:109] Яқинан онон дар охират зиёнкоранд ### الآية 16:110 > ثُمَّ إِنَّ رَبَّكَ لِلَّذِينَ هَاجَرُوا مِنْ بَعْدِ مَا فُتِنُوا ثُمَّ جَاهَدُوا وَصَبَرُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ [16:110] Сипас Парвардигорат нисбат ба касоне, ки пас аз заҷр кашидан \[аз озори мушрикон\] ҳиҷрат карданд ва сипас ба ҷиҳод бархостанд ва шикебоӣ намуданд, Парвардигорат \[нисбат ба онон\] пас аз он \[ҳама сахтиҳо\], ҳатман, омурзандаи меҳрубон аст ### الآية 16:111 > ۞ يَوْمَ تَأْتِي كُلُّ نَفْسٍ تُجَادِلُ عَنْ نَفْسِهَا وَتُوَفَّىٰ كُلُّ نَفْسٍ مَا عَمِلَتْ وَهُمْ لَا يُظْلَمُونَ [16:111] \[Эй паёмбар, ёд кун аз\] Рӯзе, ки ҳар кас дар ҳоле \[ба пешгоҳи адли илоҳӣ\] меояд, ки \[танҳо\] аз худ дифоъ мекунад; ва ҳар кас дар баробари он чи кардааст, бе каму кост подош мегирад ва бар онон ситам намеравад ### الآية 16:112 > وَضَرَبَ اللَّهُ مَثَلًا قَرْيَةً كَانَتْ آمِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ [16:112] Ва Аллоҳ таоло шаҳре \[ҳамчун Макка\]-ро мисол мезанад, ки амну ором буд ва рӯзиаш аз ҳар сӯ ба осонӣ ва фаровонӣ мерасид, вале \[мардумонаш\] нисбат ба неъматҳои илоҳӣ носипосӣ намуданд ва он гоҳ Аллоҳ таоло низ ба сазои он чи мекарданд, таъми гуруснагӣ ва тарсро ба \[аҳли\] он чашонид ### الآية 16:113 > وَلَقَدْ جَاءَهُمْ رَسُولٌ مِنْهُمْ فَكَذَّبُوهُ فَأَخَذَهُمُ الْعَذَابُ وَهُمْ ظَالِمُونَ [16:113] Ва паёмбаре аз худшон ба сӯйи онон омад, аммо ӯро дурӯғгӯ ангоштанд; он гоҳ, дар ҳоле ки ситамгор \[ва мушрик\] буданд, азоби \[илоҳӣ\] ононро фурӯ гирифт ### الآية 16:114 > فَكُلُوا مِمَّا رَزَقَكُمُ اللَّهُ حَلَالًا طَيِّبًا وَاشْكُرُوا نِعْمَتَ اللَّهِ إِنْ كُنْتُمْ إِيَّاهُ تَعْبُدُونَ [16:114] Пас аз он чи Аллоҳ таоло рӯзиатон кардааст, ҳалолу покиза бихӯред ва агар фақат Ӯро мепарастед, бар неъмати илоҳӣ шукр гузоред ### الآية 16:115 > إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ لِغَيْرِ اللَّهِ بِهِ ۖ فَمَنِ اضْطُرَّ غَيْرَ بَاغٍ وَلَا عَادٍ فَإِنَّ اللَّهَ غَفُورٌ رَحِيمٌ [16:115] Ҷуз ин нест, ки \[Аллоҳ таоло\] фақат мурдор ва хун ва гӯшти хук ва он чиро, ки \[ҳангоми забҳ\] номи ғайри Аллоҳ таоло бар он бурда шудааст, бар шумо ҳаром кардааст; пас, ҳар ки \[барои ҳифзи ҷонаш ба хӯрдани онҳо\] ночор шавад \[ва\] саркашу зиёдахоҳ набошад, \[бар ӯ гуноҳ нест, чаро ки\] бе тардид, Аллоҳ таоло омурзандаи меҳрубон аст ### الآية 16:116 > وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَٰذَا حَلَالٌ وَهَٰذَا حَرَامٌ لِتَفْتَرُوا عَلَى اللَّهِ الْكَذِبَ ۚ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ [16:116] Ва \[эй мушрикон\] бо дурӯғе, ки бар забонатон ҷорӣ мешавад, нагӯед: **«Ин ҳалол аст ва он ҳаром»**, то бар Аллоҳ таоло дурӯғ бандед. Касоне, ки бар Аллоҳ таоло дурӯғ мебанданд, ҳаргиз растагор намешаванд ### الآية 16:117 > مَتَاعٌ قَلِيلٌ وَلَهُمْ عَذَابٌ أَلِيمٌ [16:117] \[Натиҷаи дунёдӯстияшон\] Баҳрае андак аст ва \[дар охират\] азобе дарднок \[дар пеш\] доранд ### الآية 16:118 > وَعَلَى الَّذِينَ هَادُوا حَرَّمْنَا مَا قَصَصْنَا عَلَيْكَ مِنْ قَبْلُ ۖ وَمَا ظَلَمْنَاهُمْ وَلَٰكِنْ كَانُوا أَنْفُسَهُمْ يَظْلِمُونَ [16:118] Ва бар яҳудиён он чиро пештар бар ту ҳикоят кардем, ҳаром намудем ва Мо ба онон ситам накардем; балки онҳо худ \[буданд, ки дар натиҷаи нофармонӣ\] ба хештан ситам мекарданд ### الآية 16:119 > ثُمَّ إِنَّ رَبَّكَ لِلَّذِينَ عَمِلُوا السُّوءَ بِجَهَالَةٍ ثُمَّ تَابُوا مِنْ بَعْدِ ذَٰلِكَ وَأَصْلَحُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ [16:119] Он гоҳ Парвардигорат нисбат ба касоне, ки аз рӯи нодонӣ гуноҳ карданд ва сипас аз он \[иштибоҳот\] тавба намуданд ва дурусткорӣ карданд, ҳатман, Парвардигорат пас аз он омурзандаи меҳрубон аст ### الآية 16:120 > إِنَّ إِبْرَاهِيمَ كَانَ أُمَّةً قَانِتًا لِلَّهِ حَنِيفًا وَلَمْ يَكُ مِنَ الْمُشْرِكِينَ [16:120] Бе гумон, Иброҳим пешвое фурӯтан дар баробари Аллоҳ таоло ва ҳақгаро буд ва \[ҳаргиз\] дар зумраи мушрикон набуд ### الآية 16:121 > شَاكِرًا لِأَنْعُمِهِ ۚ اجْتَبَاهُ وَهَدَاهُ إِلَىٰ صِرَاطٍ مُسْتَقِيمٍ [16:121] Ӯ шукргузори неъматҳои Аллоҳ таоло буд. \[Аллоҳ таоло\] Вайро баргузид ва ба роҳи рост ҳидоят намуд ### الآية 16:122 > وَآتَيْنَاهُ فِي الدُّنْيَا حَسَنَةً ۖ وَإِنَّهُ فِي الْآخِرَةِ لَمِنَ الصَّالِحِينَ [16:122] \[Мо\] Дар дунё ба ӯ некӣ ато кардем ва, ҳатман, ӯ дар охират \[низ\] аз шоистагон аст ### الآية 16:123 > ثُمَّ أَوْحَيْنَا إِلَيْكَ أَنِ اتَّبِعْ مِلَّةَ إِبْرَاهِيمَ حَنِيفًا ۖ وَمَا كَانَ مِنَ الْمُشْرِكِينَ [16:123] Сипас \[эй Паёмбар\] ба ту ваҳй кардем, ки аз оини Иброҳим пайравӣ кун, ки ҳақгаро буд ва \[ҳаргиз\] дар зумраи мушрикон набуд ### الآية 16:124 > إِنَّمَا جُعِلَ السَّبْتُ عَلَى الَّذِينَ اخْتَلَفُوا فِيهِ ۚ وَإِنَّ رَبَّكَ لَيَحْكُمُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ [16:124] \[Вуҷуби бузургдошти рӯзҳои\] Шанбе танҳо бар касоне қарор дода шуд, ки дар он ихтилоф карданд; ва, ҳатман, Парвардигорат рӯзи қиёмат дар мавриди он чи ихтилоф мекарданд, миёнашон доварӣ хоҳад кард ### الآية 16:125 > ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُمْ بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ ۖ وَهُوَ أَعْلَمُ بِالْمُهْتَدِينَ [16:125] \[Эй Паёмбар, мардумро\] Бо ҳикмат ва панди наку ба роҳи Парвардигорат даъват намо ва бо равише, ки накутар аст, бо онон \[баҳсу\] мунозира кун. Бе тардид, Парвардигорат ба \[ҳоли\] касе, ки аз роҳи ӯ гумроҳ шуд, донотар аст ва ӯ ба \[ҳоли\] ҳидоятёфтагон \[низ\] донотар аст ### الآية 16:126 > وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ ۖ وَلَئِنْ صَبَرْتُمْ لَهُوَ خَيْرٌ لِلصَّابِرِينَ [16:126] Ва агар \[шумо муъминон\] хостед \[душманонатонро\] муҷозот кунед, пас, чунон муҷозот кунед, ки \[онон\] шуморо муҷозот кардаанд; ва агар \[хештандорӣ ва\] шикебоӣ кунед, \[бидонед, ки\] ҳатман, ин \[кор\] барои шикебоён беҳтар аст ### الآية 16:127 > وَاصْبِرْ وَمَا صَبْرُكَ إِلَّا بِاللَّهِ ۚ وَلَا تَحْزَنْ عَلَيْهِمْ وَلَا تَكُ فِي ضَيْقٍ مِمَّا يَمْكُرُونَ [16:127] Ва \[эй Паёмбар\] шикебоӣ пеша кун ва шикебоият ҷуз ба \[ёрӣ ва\] тавфиқи Аллоҳ таоло нест; ва бар онон \[кофирон\] андӯҳ махӯр ва аз найранге, ки меварзанд, дилтанг мабош ### الآية 16:128 > إِنَّ اللَّهَ مَعَ الَّذِينَ اتَّقَوْا وَالَّذِينَ هُمْ مُحْسِنُونَ [16:128] Бе тардид, Аллоҳ таоло бо касоне аст, ки парҳезкорӣ карданд ва касоне, ки накукоранд ## روابط ذات صلة - [النص القرآني للسورة](https://quranpedia.net/surah/1/16.md) - [كل تفاسير سورة النحل ](https://quranpedia.net/surah-tafsir/16.md) - [ترجمات سورة النحل ](https://quranpedia.net/translations/16.md) - [صفحة الكتاب: الترجمة الطاجيكية - عارفي](https://quranpedia.net/book/1984.md) - [المؤلف: فريق متخصص مكلف من مركز رواد الترجمة بالشراكة مع موقع دار الإسلام](https://quranpedia.net/person/1759.md) --- زُر [Quranpedia.net](https://quranpedia.net/surah/1/16/book/1984) — موسوعة القرآن الكريم: التفاسير، الترجمات، التلاوات، والمواضيع.