---
title: "ترجمة سورة الشعراء - الترجمة الكردية (الكردية)"
url: "https://quranpedia.net/surah/1/26/book/1968.md"
canonical: "https://quranpedia.net/surah/1/26/book/1968"
surah_id: "26"
book_id: "1968"
book_name: "الترجمة الكردية"
author: "حمد صالح باموكي"
type: "translation"
---

# ترجمة سورة الشعراء - الترجمة الكردية (الكردية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/26/book/1968)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الشعراء - الترجمة الكردية (الكردية) — https://quranpedia.net/surah/1/26/book/1968*.

Translation of Surah الشعراء from "الترجمة الكردية" in الكردية.

### الآية 26:1

> طسم [26:1]

بە(طا، سین، میم) دەخوێنرێتەوە خوازاناترە بە ماناکەی بۆ زانیاری زیاتر سەیری سەرتای سورەتی (البقرة) بکە

### الآية 26:2

> تِلْكَ آيَاتُ الْكِتَابِ الْمُبِينِ [26:2]

ئەم (سورەتە) لەئایەتەکانی قورئانی ڕوونکەرەوەیە

### الآية 26:3

> لَعَلَّكَ بَاخِعٌ نَفْسَكَ أَلَّا يَكُونُوا مُؤْمِنِينَ [26:3]

خەریکە خۆت لەناو دەبەی (دەکوژی) بەخەفەت لەبەر ئەوەی ئەوان (خەڵکی مەککە) باوەڕ ناھێنن

### الآية 26:4

> إِنْ نَشَأْ نُنَزِّلْ عَلَيْهِمْ مِنَ السَّمَاءِ آيَةً فَظَلَّتْ أَعْنَاقُهُمْ لَهَا خَاضِعِينَ [26:4]

ئەگەر بمانەوێت دەھێنینە خوارەوە بۆیان نیشانەو بەڵگەیەک لەئاسمانەوە کەبەردەوام گەردنیانی بۆ دانەوێنن (ناچاریان بکات باوەڕ بھێنن)

### الآية 26:5

> وَمَا يَأْتِيهِمْ مِنْ ذِكْرٍ مِنَ الرَّحْمَٰنِ مُحْدَثٍ إِلَّا كَانُوا عَنْهُ مُعْرِضِينَ [26:5]

ھەر بێت بۆیان پەیامێکی تازە دابەزێنراو (کەقورئانە) لەخوای میھرەبانەوە ئەوان بەردەوام پشت تێکەرو ڕوو وەڕگێڕن لێی

### الآية 26:6

> فَقَدْ كَذَّبُوا فَسَيَأْتِيهِمْ أَنْبَاءُ مَا كَانُوا بِهِ يَسْتَهْزِئُونَ [26:6]

جا بێگومان ئەوانە بەدرۆیان زانی و باوەڕیان پێ نەکرد (ئەوەی ناردبومان) جا بەزوویی بۆیان دێت ھەواڵەکانی ئەوەی ئەوان گاڵتەو لاقرتیان پێ دەکرد

### الآية 26:7

> أَوَلَمْ يَرَوْا إِلَى الْأَرْضِ كَمْ أَنْبَتْنَا فِيهَا مِنْ كُلِّ زَوْجٍ كَرِيمٍ [26:7]

ئایا سەیری زەوی ناکەن چەندمان ڕواندووە تیایدا لەھەموو جۆرێکی چاکی بەکەڵک

### الآية 26:8

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:8]

بەڕاستی لەڕواندنی ئەو ھەموو ڕوواوەدا بەڵگەی گەورە ھەیە بەڵام زۆر بەیان بڕوادارنین و باوەڕ ناھێنن

### الآية 26:9

> وَإِنَّ رَبَّكَ لَهُوَ الْعَزِيزُ الرَّحِيمُ [26:9]

بێگومان پەروەردگارت تەنھا ئەو خاوەن دەسەڵات و بە بەزەییە

### الآية 26:10

> وَإِذْ نَادَىٰ رَبُّكَ مُوسَىٰ أَنِ ائْتِ الْقَوْمَ الظَّالِمِينَ [26:10]

(باس بکە) ئەو کاتەی پەروەردگارت بانگی موسای کرد کە (بەپێغەمبەری) بڕۆ بۆ لای ئەو گەلە ستەمکارە

### الآية 26:11

> قَوْمَ فِرْعَوْنَ ۚ أَلَا يَتَّقُونَ [26:11]

کە گەلەکەی فیرعەونە ئایا ئەوان ناترسن (بێ فەرمانی خوادەکەن)

### الآية 26:12

> قَالَ رَبِّ إِنِّي أَخَافُ أَنْ يُكَذِّبُونِ [26:12]

(موسا) ووتی ئەی پەروەردگارم بەڕاستی من دەترسم بڕوام پێ نەکەن

### الآية 26:13

> وَيَضِيقُ صَدْرِي وَلَا يَنْطَلِقُ لِسَانِي فَأَرْسِلْ إِلَىٰ هَارُونَ [26:13]

وەسینگم (دڵم) تەنگ ببێ وە(دەترسم) بەچاکی قسەم بۆ نەکرێت و زمانم بەر نەبێت (لەو گرێیەی ھەیەتی) کەواتە (خوایە جوبرەیل) بنێرە بۆ لای ھاروون (و بیکە بەپێغەمبەر بۆ ئەوەی یارمەتیم بدات)

### الآية 26:14

> وَلَهُمْ عَلَيَّ ذَنْبٌ فَأَخَافُ أَنْ يَقْتُلُونِ [26:14]

وەئەوان (گەلی فیرعەون) تۆڵەی تاوانێکیان لەسەرمە بۆیە دەترسم کەبمکوژن (لەجیاتی ئەو کوژراوە)

### الآية 26:15

> قَالَ كَلَّا ۖ فَاذْهَبَا بِآيَاتِنَا ۖ إِنَّا مَعَكُمْ مُسْتَمِعُونَ [26:15]

(خوا) فەرمووی نەخێر (ئەوەی باست کرد ھیچی روونادات) کەواتە ھەردووکتان بەموعجیزەکانمانەوە بڕۆن (بۆ لای فیرعەون و گەلەکەی) ئێمە لەگەڵتان گوێ دەگرین

### الآية 26:16

> فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ [26:16]

ئەوسا برۆنە لای فیرعەون و ھەردووکتان بڵێن بەڕاستی ئێمە پێغەمبەری پەروەردگاری جیھانیانین

### الآية 26:17

> أَنْ أَرْسِلْ مَعَنَا بَنِي إِسْرَائِيلَ [26:17]

(نێراوین) کەتۆ بەنو ئیسرائیل (لەژێر دەستەیی خۆت) بەڕەڵا کەیت لەگەڵ ئێمەدا (بڕۆین بۆ شام)

### الآية 26:18

> قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ [26:18]

(فیرعەون) ووتی ئایا ئێمە پێمان نەگەیاندی لەناو (ماڵی) خۆماندا بەمنداڵی وە تۆ چەند ساڵێک لەتەمەنت لەناو ئێمەدا نەمایتەوە

### الآية 26:19

> وَفَعَلْتَ فَعْلَتَكَ الَّتِي فَعَلْتَ وَأَنْتَ مِنَ الْكَافِرِينَ [26:19]

وە ئەو کردەوە (خراپە)شت کرد کەکردت (کەکوشتنی قیبتیەک بوو) وە تۆ لەوانەی سپڵە و ناشوکرن

### الآية 26:20

> قَالَ فَعَلْتُهَا إِذًا وَأَنَا مِنَ الضَّالِّينَ [26:20]

(موسا) ووتی ئەوکارەم کرد (ئەو پیاوەم کوشت) کاتێک کەمن لەڕیزی نەزاناندا بووم

### الآية 26:21

> فَفَرَرْتُ مِنْكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ [26:21]

ئەمجا رام کرد و ھەڵھاتم لەئێوە کاتێک ترسام لێتان (تۆڵەم لێ بسێنن) ئەوسا پەروەردگارم حیکمەتی (پێغەمبەریەتی) پێ بەخشیم منی خستە ریزی پێغەمبەرانەوە (کردمی بەپێغەمبەر)

### الآية 26:22

> وَتِلْكَ نِعْمَةٌ تَمُنُّهَا عَلَيَّ أَنْ عَبَّدْتَ بَنِي إِسْرَائِيلَ [26:22]

وە ئەو (بەخێو کردنە) کە تۆ دەیکەیت بەمنەت بەسەرمەوە بەھۆی ئەوەوە بووە کەتۆ نەوەی ئیسرائیلت کردبووە کۆیلە و ژێردەستەی خۆت (لەترسا دایکی موسا موسای بەخێو نەکرد)

### الآية 26:23

> قَالَ فِرْعَوْنُ وَمَا رَبُّ الْعَالَمِينَ [26:23]

(ئەمجا) فیرعەون ووتی پەروەردگاری جیھانیان کێیە

### الآية 26:24

> قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ إِنْ كُنْتُمْ مُوقِنِينَ [26:24]

(موسا) ووتی پەروەردگاری ئاسمانەکان وزەوی و ھەرچی لەنێوانیاندایە ئەگەر ئێوە دڵنیان

### الآية 26:25

> قَالَ لِمَنْ حَوْلَهُ أَلَا تَسْتَمِعُونَ [26:25]

(فیرعەون) ووتی بەوانەی بەدەوری دابوون (لەشوێنکەوتوانی) ئایا گوێتان لێیە (چی دەڵێت)

### الآية 26:26

> قَالَ رَبُّكُمْ وَرَبُّ آبَائِكُمُ الْأَوَّلِينَ [26:26]

(موسا) ووتی پەرەوەردگاری ئێوەو پەروەردگاری باوک وباپیرە پێشووەکانتانە

### الآية 26:27

> قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ [26:27]

(فیرعەون) ووتی بەڕاستی ئەو پێغەمبەرە کەنێرراوە بۆ ئێوە شێـتە

### الآية 26:28

> قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ إِنْ كُنْتُمْ تَعْقِلُونَ [26:28]

(موسا) ووتی پەروەردگاری رۆژھەڵات و ڕۆژ ئاوایە و ئەوەی لەنێوانیادایە ئەگەر ئێوە بیربکەنەوە وژیربن

### الآية 26:29

> قَالَ لَئِنِ اتَّخَذْتَ إِلَٰهًا غَيْرِي لَأَجْعَلَنَّكَ مِنَ الْمَسْجُونِينَ [26:29]

(فیرعەون) ووتی سوێند بێت ئەگەر پەرستراوێکی تر جگە لەمن دابنێیت بێگومان دەتخەمە ریزی بەندکراوەکانەوە و زیندانیت دەکەم

### الآية 26:30

> قَالَ أَوَلَوْ جِئْتُكَ بِشَيْءٍ مُبِينٍ [26:30]

(موسا) ووتی ئایا ھەر زیندانیم دەکەیت ئەگەر شتێکی (موعجیزەیەکی) ڕوون و ئاشکرات بۆ بھێنم (کەڕاستە پێغەمبەرم)

### الآية 26:31

> قَالَ فَأْتِ بِهِ إِنْ كُنْتَ مِنَ الصَّادِقِينَ [26:31]

(فیرعەون) ووتی دەی ئەو شتە بھێنە (بینوێنە) ئەگەر تۆ لەڕاستگۆیانی

### الآية 26:32

> فَأَلْقَىٰ عَصَاهُ فَإِذَا هِيَ ثُعْبَانٌ مُبِينٌ [26:32]

ئەمجا موسا گۆچانەکەی فڕێدا دەست بەجێ بوو بەئەژدیھایەکی دیارو ئاشکرا

### الآية 26:33

> وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ [26:33]

وە دەستی دەرھێنا (لەبن باڵیدا) یەکسەر دەستی سپی وپرشنگدار بوو بۆ بینەران

### الآية 26:34

> قَالَ لِلْمَلَإِ حَوْلَهُ إِنَّ هَٰذَا لَسَاحِرٌ عَلِيمٌ [26:34]

(فیرعەون) ووتی بەو پیاوە گەورانەی لەدەورەی بوون بێگومان ئەمە جادوگەرێکی زۆر زانایە

### الآية 26:35

> يُرِيدُ أَنْ يُخْرِجَكُمْ مِنْ أَرْضِكُمْ بِسِحْرِهِ فَمَاذَا تَأْمُرُونَ [26:35]

دەیەوێت دەرتان بکات لەووڵات و خاکی خۆتان بەجادوەکەی جا فەرمانی چی دەدەن (لەدژی بیکەم)

### الآية 26:36

> قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ [26:36]

ووتیان جارێ موسا و براکەی واز لێ بھێنە (دوایانخە) سەربازەکانت کۆ بکەرەوە وبیانێرە بۆ ھەموو شارەکان

### الآية 26:37

> يَأْتُوكَ بِكُلِّ سَحَّارٍ عَلِيمٍ [26:37]

تاھەموو جادوگەرێکی زۆر زانات بۆ بھێنن

### الآية 26:38

> فَجُمِعَ السَّحَرَةُ لِمِيقَاتِ يَوْمٍ مَعْلُومٍ [26:38]

ئەمجا ئەو جادوگەرانە کۆکرانەوە لەکات و ڕۆژی دیاریکراودا

### الآية 26:39

> وَقِيلَ لِلنَّاسِ هَلْ أَنْتُمْ مُجْتَمِعُونَ [26:39]

و بەخەڵکیش وترا ئێوەش کۆدەبنەوە؟

### الآية 26:40

> لَعَلَّنَا نَتَّبِعُ السَّحَرَةَ إِنْ كَانُوا هُمُ الْغَالِبِينَ [26:40]

تا شوێن جادوگەران بکەوین ئەگەر ئەوان زاڵ و سەرکەوتوو بوون

### الآية 26:41

> فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِنْ كُنَّا نَحْنُ الْغَالِبِينَ [26:41]

ئەمجا کاتێک جادوگەرەکان ھاتن ووتیان بەفیرعەون ئایا بەڕاستی پاداشتمان ھەیە ئەگەر ئێمە زاڵ و سەرکەوتوو بین

### الآية 26:42

> قَالَ نَعَمْ وَإِنَّكُمْ إِذًا لَمِنَ الْمُقَرَّبِينَ [26:42]

(فیرعەون) ووتی بەڵێ وەبێگومان ئێوە ئەو کاتە لەنزیکانی خۆم دەبن

### الآية 26:43

> قَالَ لَهُمْ مُوسَىٰ أَلْقُوا مَا أَنْتُمْ مُلْقُونَ [26:43]

موسا بەساحیرەکانی ووت بیھاوێژن ئەوەی ئێوە ھاوێژەریانن (لەجادو)

### الآية 26:44

> فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ [26:44]

ئەوانیش گوریس و حەبل و دار دەستەکانیان فڕێدا وە ووتیان سوێند بەگەورەیی فیرعەون بەڕاستی ھەر ئێمە زاڵ و سەرکەتووین

### الآية 26:45

> فَأَلْقَىٰ مُوسَىٰ عَصَاهُ فَإِذَا هِيَ تَلْقَفُ مَا يَأْفِكُونَ [26:45]

ئەمجا موسا داردەستەکەی فرێدا (و بوو بەمارێکی گەورە) جا کوت و پڕ ئەو (مارە گەورە) ھەرچی جادویان کردبوو ھەڵی لوشی

### الآية 26:46

> فَأُلْقِيَ السَّحَرَةُ سَاجِدِينَ [26:46]

ئەمجا جادوگەرەکان خران (کەوتن) بەڕوودا بەسوژدە بردنەوە (بۆ خوا)

### الآية 26:47

> قَالُوا آمَنَّا بِرَبِّ الْعَالَمِينَ [26:47]

ووتیان ئەوا باوەڕمان ھێنا بەپەروەردگاری جیھانیان

### الآية 26:48

> رَبِّ مُوسَىٰ وَهَارُونَ [26:48]

کەپەروەردگاری موسا و ھارونە

### الآية 26:49

> قَالَ آمَنْتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ أَجْمَعِينَ [26:49]

(فیرعەون) ووتی ئایا باوەڕتان پێ ھێنا پێش ئەوەی مۆڵەتتان بدەم بەڕاستی ئەو (موسا) جادوگەرە گەورەکەتانە کە فێری جادوی کردون جا بێگومان لەمەودوا دەزانن (چیتان لێ دەکەم) بەڕاستی دەست و قاچتان ڕاست و چەپ دەبڕم وە بێگومان ھەمووتان ھەڵ دەواسم (بەدارا)

### الآية 26:50

> قَالُوا لَا ضَيْرَ ۖ إِنَّا إِلَىٰ رَبِّنَا مُنْقَلِبُونَ [26:50]

(جادوگەرەکان) ووتیان ھیچ زیانی نیە (بۆ ئێمە ئەوەی تۆ ئەتەوێ بیکەی) (چونکە) بەڕاستی ئێمە گەڕانەوەمان بۆ لای پەروەردگارمانە

### الآية 26:51

> إِنَّا نَطْمَعُ أَنْ يَغْفِرَ لَنَا رَبُّنَا خَطَايَانَا أَنْ كُنَّا أَوَّلَ الْمُؤْمِنِينَ [26:51]

بەڕاستی ئێمە بەتەماین و ئومێد دەکەین کەپەروەردگارمان لە گوناھو تاوانەکانمان ببورێت چونکە ئێمە یەکەمی باوەڕداران بووین (لەگەلەکەماندا)

### الآية 26:52

> ۞ وَأَوْحَيْنَا إِلَىٰ مُوسَىٰ أَنْ أَسْرِ بِعِبَادِي إِنَّكُمْ مُتَّبَعُونَ [26:52]

وەحیمان نارد بۆ موسا کە بەشەو بەندە (باوەڕدارە)کانم ببە (و میصر بەجێ بھێڵن) بێگومان (فیرعەون و کۆمەڵەکەی) دواتان دەکەون

### الآية 26:53

> فَأَرْسَلَ فِرْعَوْنُ فِي الْمَدَائِنِ حَاشِرِينَ [26:53]

ئەوسا فیرعەون پیاوانی کۆ کەرەوەی نارد بەشارەکاندا (بۆکۆکردنەوەی لەشکرو ھێز)

### الآية 26:54

> إِنَّ هَٰؤُلَاءِ لَشِرْذِمَةٌ قَلِيلُونَ [26:54]

(فیرعەون ووتی) بەڕاستی ئەوانە (موسا و شوێنکەوتوانی) کۆمەڵێکی کەمی بێ نرخن

### الآية 26:55

> وَإِنَّهُمْ لَنَا لَغَائِظُونَ [26:55]

وە بەڕاستی ئەوانە ڕقی ئێمە ھەڵدەسێنن (بەووتارو کرداریان)

### الآية 26:56

> وَإِنَّا لَجَمِيعٌ حَاذِرُونَ [26:56]

وە بێگومان ئێمە کۆمەڵێکین بێدار و ئاگادارین (بەپیلانەکانیان)

### الآية 26:57

> فَأَخْرَجْنَاهُمْ مِنْ جَنَّاتٍ وَعُيُونٍ [26:57]

ئەمجا ئەوان (فیرعەون و کۆمەڵەکەی)مان دەرکرد لە باخات و کانیاوەکان

### الآية 26:58

> وَكُنُوزٍ وَمَقَامٍ كَرِيمٍ [26:58]

وە (دەرمان کردن) لەو ھەموو گەنج و خەزێنە و کۆشکە زۆر جوان و چاکانە

### الآية 26:59

> كَذَٰلِكَ وَأَوْرَثْنَاهَا بَنِي إِسْرَائِيلَ [26:59]

ئا بەو جۆرە (لەناومان بردن) نەوەکانی یەعقوب (جولەکە)مان لەجێگایان دانا

### الآية 26:60

> فَأَتْبَعُوهُمْ مُشْرِقِينَ [26:60]

ئەمجا (فیرعەون و لەشکرەکەی) کاتێک خۆر ھەڵھاتن شوێنیان کەوتن

### الآية 26:61

> فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ [26:61]

ئەمجا کاتێک دوو کۆمەڵەکە چاویان بەیەکتر کەوت ھاوەڵەکانی موسا ووتیان بێگومان ئێمە گیراوین، (پێمان دەگەن)

### الآية 26:62

> قَالَ كَلَّا ۖ إِنَّ مَعِيَ رَبِّي سَيَهْدِينِ [26:62]

(موسا) ووتی نەخێر پێتان ناگەن بێگومان من پەروردگارم لەگەڵە دڵنیابن ڕێگای (ڕزگار بوونم) نیشان دەدات

### الآية 26:63

> فَأَوْحَيْنَا إِلَىٰ مُوسَىٰ أَنِ اضْرِبْ بِعَصَاكَ الْبَحْرَ ۖ فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيمِ [26:63]

ئەمجا سرووشمان کرد بۆ موسا کە بە گۆچانەکەت بدە لەدەریاکە (ئەویش لێیداو) جا دەریاکە لەت بوو کە ھەر لەتێکی وەک شاخێکی زۆر گەورە وابوو

### الآية 26:64

> وَأَزْلَفْنَا ثَمَّ الْآخَرِينَ [26:64]

وە ئەوانی تر (فیرعەون و لەشکرەکەی)مان نزیک کردەوە لەوێ (لەدەریاکە)

### الآية 26:65

> وَأَنْجَيْنَا مُوسَىٰ وَمَنْ مَعَهُ أَجْمَعِينَ [26:65]

جا موساو ھەموو ئەوانەی لەگەڵی بوون رزگارمان کردن

### الآية 26:66

> ثُمَّ أَغْرَقْنَا الْآخَرِينَ [26:66]

پاشان ئەوانی ترمان نوقم کرد (لەدەریادا)

### الآية 26:67

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:67]

بەڕاستی لەڕواندنی ئەو ھەموو ڕوواوەدا بەڵگەی گەورە ھەیە بەڵام زۆر بەیان بڕوادارنین و باوەڕ ناھێنن

### الآية 26:68

> وَإِنَّ رَبَّكَ لَهُوَ الْعَزِيزُ الرَّحِيمُ [26:68]

بێگومان پەروەردگارت تەنھا ئەو خاوەن دەسەڵات و بە بەزەییە

### الآية 26:69

> وَاتْلُ عَلَيْهِمْ نَبَأَ إِبْرَاهِيمَ [26:69]

(ئەی موحەممەد ﷺ) بخوێنەرەوە بەسەریاندا ھەواڵی ئیبراھیم

### الآية 26:70

> إِذْ قَالَ لِأَبِيهِ وَقَوْمِهِ مَا تَعْبُدُونَ [26:70]

کاتێک ووتی بەباوکی و گەلەکەی چی دەپەرستن

### الآية 26:71

> قَالُوا نَعْبُدُ أَصْنَامًا فَنَظَلُّ لَهَا عَاكِفِينَ [26:71]

ووتیان بتانێک دەپەرستین ئەمجا بەردەوام بەندایەتیان دەکەین

### الآية 26:72

> قَالَ هَلْ يَسْمَعُونَكُمْ إِذْ تَدْعُونَ [26:72]

(ئیبراھیم) ووتی ئایا ئەوانە گوێیان لێتانە کاتێک ھاوار ونزایان لێ دەکەن

### الآية 26:73

> أَوْ يَنْفَعُونَكُمْ أَوْ يَضُرُّونَ [26:73]

یان ئایا ئەوان سوود یازیانتان پێ دەگەیەنن

### الآية 26:74

> قَالُوا بَلْ وَجَدْنَا آبَاءَنَا كَذَٰلِكَ يَفْعَلُونَ [26:74]

ووتیان (نەخێر ھیچیان پێ ناکرێت) بەڵکو ئێمە باوو باپیرانمان دیوە ئابەو شێوەی (ئێمە)یان کردووە

### الآية 26:75

> قَالَ أَفَرَأَيْتُمْ مَا كُنْتُمْ تَعْبُدُونَ [26:75]

ووتی ئایا ئێوە دەزانن چی دەپەرستن

### الآية 26:76

> أَنْتُمْ وَآبَاؤُكُمُ الْأَقْدَمُونَ [26:76]

ئێوە و باوو باپیرە پێشووەکانتان

### الآية 26:77

> فَإِنَّهُمْ عَدُوٌّ لِي إِلَّا رَبَّ الْعَالَمِينَ [26:77]

جا بەڕاستی ھەموو ئەوانە دوژمنی منن جگە لەپەروەردگاری جیھانیان

### الآية 26:78

> الَّذِي خَلَقَنِي فَهُوَ يَهْدِينِ [26:78]

کە ئەو منی دروستکردووە پاشان ھەر ئەویش ڕێنموونیم دەکات

### الآية 26:79

> وَالَّذِي هُوَ يُطْعِمُنِي وَيَسْقِينِ [26:79]

وە ھەر ئەو زاتە خۆراکم پێدەدات و تێراوم دەکات

### الآية 26:80

> وَإِذَا مَرِضْتُ فَهُوَ يَشْفِينِ [26:80]

وە کاتێک نەخۆش بکەوم ھەر ئەو شیفام دەدات (چاکم دەکاتەوە)

### الآية 26:81

> وَالَّذِي يُمِيتُنِي ثُمَّ يُحْيِينِ [26:81]

وە زاتێکە کەمن دەمرێنێ و پاشان زیندووم دەکاتەوە

### الآية 26:82

> وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ [26:82]

وە (پەروەردگارم) زاتێکە بەتەمام و ئومێد دەکەم لە ڕۆژی پاداشتدا (لە قیامەتدا) ببورێت لەھەڵەکانم و بیانسڕێتەوە

### الآية 26:83

> رَبِّ هَبْ لِي حُكْمًا وَأَلْحِقْنِي بِالصَّالِحِينَ [26:83]

ئەی پەروەردگارم دانایم پێ ببەخشە بمبەرە ڕیزی پیاوچاکانەوە

### الآية 26:84

> وَاجْعَلْ لِي لِسَانَ صِدْقٍ فِي الْآخِرِينَ [26:84]

وە باس کردنم بەچاکە لەناوگەلە داھاتووەکاندا پێ ببەخشە

### الآية 26:85

> وَاجْعَلْنِي مِنْ وَرَثَةِ جَنَّةِ النَّعِيمِ [26:85]

وە بم گێڕی لەوەرگرانی بەھەشتی پڕ نازو نیعمەت

### الآية 26:86

> وَاغْفِرْ لِأَبِي إِنَّهُ كَانَ مِنَ الضَّالِّينَ [26:86]

وە لەباوکم خۆش ببە بەڕاستی ئەو لەگومڕایانە

### الآية 26:87

> وَلَا تُخْزِنِي يَوْمَ يُبْعَثُونَ [26:87]

وە شەرمەزارو ڕیسوام مەکە لەڕۆژێکدا کە (خەڵکی) زیندوو دەکرێنەوە

### الآية 26:88

> يَوْمَ لَا يَنْفَعُ مَالٌ وَلَا بَنُونَ [26:88]

ڕۆژێک کەماڵ و سامان و منداڵ و نەوە سوود ناگەیەنن

### الآية 26:89

> إِلَّا مَنْ أَتَى اللَّهَ بِقَلْبٍ سَلِيمٍ [26:89]

بێجگە لەکەسێک بێتە خزمەتی خوا بەدڵێکی ساغ و پاک و خاوێنەوە

### الآية 26:90

> وَأُزْلِفَتِ الْجَنَّةُ لِلْمُتَّقِينَ [26:90]

وە (لەڕۆژی دواییدا) بەھەشت نزیک دەخرێتەوە بۆ پارێزکاران و لەخوا ترسان

### الآية 26:91

> وَبُرِّزَتِ الْجَحِيمُ لِلْغَاوِينَ [26:91]

دۆزەخیش دەردەخرێت (و ئاشکرا دەکرێت) بۆ گومڕایان

### الآية 26:92

> وَقِيلَ لَهُمْ أَيْنَ مَا كُنْتُمْ تَعْبُدُونَ [26:92]

وە پێیان دەوترێت کوان ئەوانەی کەئێوە دەتان پەرستن

### الآية 26:93

> مِنْ دُونِ اللَّهِ هَلْ يَنْصُرُونَكُمْ أَوْ يَنْتَصِرُونَ [26:93]

لەجیاتی خوا ئایا یارمەتیتان دەدەن، یان یارمەتی خۆیان دەدەن

### الآية 26:94

> فَكُبْكِبُوا فِيهَا هُمْ وَالْغَاوُونَ [26:94]

ئەمجا ھەموو ئەوانە (پەرستراوان) و گومڕایان سەر بەرو خوار فڕێ دەدرێنە دۆزەخەوە

### الآية 26:95

> وَجُنُودُ إِبْلِيسَ أَجْمَعُونَ [26:95]

ھەروەھا ھەموو سەربازانی شەیتان

### الآية 26:96

> قَالُوا وَهُمْ فِيهَا يَخْتَصِمُونَ [26:96]

(بت پەرستان) لەکاتێکدا لەدۆزەخ دا شەڕە قسەو ئاژاوەیانە (لەگەڵ پەرستراوەکانیان دا) دەڵێن

### الآية 26:97

> تَاللَّهِ إِنْ كُنَّا لَفِي ضَلَالٍ مُبِينٍ [26:97]

سوێند بەخوا ئێمە لەگومڕاییەکی ئاشکرادا بووین

### الآية 26:98

> إِذْ نُسَوِّيكُمْ بِرَبِّ الْعَالَمِينَ [26:98]

کاتێک ئێوەمان دەبردە ریزی پەروەردگاری جیھانیانەوە

### الآية 26:99

> وَمَا أَضَلَّنَا إِلَّا الْمُجْرِمُونَ [26:99]

کەس ئێمەی گومڕا نەکرد تاوانباران نەبێت

### الآية 26:100

> فَمَا لَنَا مِنْ شَافِعِينَ [26:100]

وەھیچ تکاکارێ بۆ ئێمە نیە

### الآية 26:101

> وَلَا صَدِيقٍ حَمِيمٍ [26:101]

وە ھیچ ھاورێیەکی دڵسۆزمان نیە

### الآية 26:102

> فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ [26:102]

خۆزگە جارێکی تر بگەڕاینایەتەوە (بۆ دونیا) ئەوسا لەباوەڕداران دەبووین

### الآية 26:103

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:103]

بەڕاستی لەڕواندنی ئەو ھەموو ڕوواوەدا بەڵگەی گەورە ھەیە بەڵام زۆر بەیان بڕوادارنین و باوەڕ ناھێنن

### الآية 26:104

> وَإِنَّ رَبَّكَ لَهُوَ الْعَزِيزُ الرَّحِيمُ [26:104]

بێگومان پەروەردگارت تەنھا ئەو خاوەن دەسەڵات و بە بەزەییە

### الآية 26:105

> كَذَّبَتْ قَوْمُ نُوحٍ الْمُرْسَلِينَ [26:105]

گەلی نوح پێغەمبەرانیان بەدرۆزن دانا (بڕوایان پێ نەکردن)

### الآية 26:106

> إِذْ قَالَ لَهُمْ أَخُوهُمْ نُوحٌ أَلَا تَتَّقُونَ [26:106]

کاتێک کەنوحی برایان پێی ووتن ئایا ناترسن لەخوا (خۆتان ناپارێزن)

### الآية 26:107

> إِنِّي لَكُمْ رَسُولٌ أَمِينٌ [26:107]

بێگومان من پێغەمبەرێکی ئەمینم بۆ ئێوە

### الآية 26:108

> فَاتَّقُوا اللَّهَ وَأَطِيعُونِ [26:108]

کەواتە لەخوا بترسن و گوێڕایەڵی من بکەن

### الآية 26:109

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:109]

وە من داوای ھیچ کرێیەکتان لێ ناکەم لەسەر ئەو (ڕێنمونی کردنەتان) (چونکە) پاداشتی من تەنھا لەسەر پەروەردگاری جیھانیانە

### الآية 26:110

> فَاتَّقُوا اللَّهَ وَأَطِيعُونِ [26:110]

کەواتە لەخوا بترسن و گوێ رایەڵی من بکەن

### الآية 26:111

> ۞ قَالُوا أَنُؤْمِنُ لَكَ وَاتَّبَعَكَ الْأَرْذَلُونَ [26:111]

ووتیان ئایا (چۆن) باوەڕ بەتۆ بھێنین لەکاتێکـدا ئـەوانـەی شـوێنت کـەوتون پەسترین کەسن (ھەژارو داماو ونەفامن)

### الآية 26:112

> قَالَ وَمَا عِلْمِي بِمَا كَانُوا يَعْمَلُونَ [26:112]

(نوح علیە السلام) ووتی من چوزانم ئەوانە چی کردەوەیەک دەکەن

### الآية 26:113

> إِنْ حِسَابُهُمْ إِلَّا عَلَىٰ رَبِّي ۖ لَوْ تَشْعُرُونَ [26:113]

پرسینەوەیان تەنھا لەسەر پەروەردگارمە ئەگەر ئێوە ھەست بکەن (بزانن)

### الآية 26:114

> وَمَا أَنَا بِطَارِدِ الْمُؤْمِنِينَ [26:114]

وه من دەرکەری باوەڕداران نیم

### الآية 26:115

> إِنْ أَنَا إِلَّا نَذِيرٌ مُبِينٌ [26:115]

من تەنیا ترسێنەرێکی ڕوونکەرەوەم

### الآية 26:116

> قَالُوا لَئِنْ لَمْ تَنْتَهِ يَا نُوحُ لَتَكُونَنَّ مِنَ الْمَرْجُومِينَ [26:116]

ووتیان ئەی نوح ئەگەر کۆتایی نەھێنیت (لەم کاری بانگەوازەت) بێگومان لەبەرد باران کراوان دەبیت

### الآية 26:117

> قَالَ رَبِّ إِنَّ قَوْمِي كَذَّبُونِ [26:117]

(نوح) ووتی: ئەی پەروەردگارم بێگومان گەلەکەم بڕوایان پێ نەکردم

### الآية 26:118

> فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَنْ مَعِيَ مِنَ الْمُؤْمِنِينَ [26:118]

کەواتە لەنێوان من و ئەواندا حوکم بدە، بەحوکم دانێکی یەکجاری
و من و ئەو باوڕدارانەی لەگەڵمدان ڕزگار بکە

### الآية 26:119

> فَأَنْجَيْنَاهُ وَمَنْ مَعَهُ فِي الْفُلْكِ الْمَشْحُونِ [26:119]

ئێمەش نوح و ئەو کەسانەی لەگەڵی بوو ڕزگارمان کردن (لەخنکان) لەو کەشتیەی کەپڕ کراو بوو (لەمرۆڤ و ھەموو جۆرە گیاندارێک)

### الآية 26:120

> ثُمَّ أَغْرَقْنَا بَعْدُ الْبَاقِينَ [26:120]

لەپاشان لەدوا (ڕزگار کردنی ئیمانداران) ئەوانەی کەمانەوە نوقممان کردن (لە ئاوی تۆفانەکەدا)

### الآية 26:121

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:121]

بەڕاستی لەڕواندنی ئەو ھەموو ڕوواوەدا بەڵگەی گەورە ھەیە بەڵام زۆر بەیان بڕوادارنین و باوەڕ ناھێنن

### الآية 26:122

> وَإِنَّ رَبَّكَ لَهُوَ الْعَزِيزُ الرَّحِيمُ [26:122]

بێگومان پەروەردگارت تەنھا ئەو خاوەن دەسەڵات و بە بەزەییە

### الآية 26:123

> كَذَّبَتْ عَادٌ الْمُرْسَلِينَ [26:123]

گەلی عاد پێغەمبەرانی (خوا)یان بە درۆزن دانا (باوەڕیان پێ نەکردن)

### الآية 26:124

> إِذْ قَالَ لَهُمْ أَخُوهُمْ هُودٌ أَلَا تَتَّقُونَ [26:124]

کاتێک ھود (علیە السلام)ی برایان پێی ووتن ئایا خۆتان ناپارێزن (لەسزای خوا)

### الآية 26:125

> إِنِّي لَكُمْ رَسُولٌ أَمِينٌ [26:125]

بێگومان من پێغەمبەرێکی ئەمینم بۆ ئێوە

### الآية 26:126

> فَاتَّقُوا اللَّهَ وَأَطِيعُونِ [26:126]

کەواتە لەخوا بترسن و گوێڕایەڵی من بکەن

### الآية 26:127

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:127]

وە من داوای ھیچ کرێیەکتان لێ ناکەم لەسەر ئەو (ڕێنمونی کردنەتان) (چونکە) پاداشتی من تەنھا لەسەر پەروەردگاری جیھانیانە

### الآية 26:128

> أَتَبْنُونَ بِكُلِّ رِيعٍ آيَةً تَعْبَثُونَ [26:128]

ئایا ئێوە لەھەموو شوێنێکی بەرزی (سەرە رێگا) بورجێک دروست دەکەن بەبێ ھودە

### الآية 26:129

> وَتَتَّخِذُونَ مَصَانِعَ لَعَلَّكُمْ تَخْلُدُونَ [26:129]

وە چەند کۆشک و قەڵای بەھێز (کارگە) دروست دەکەن بەو ئومێدەی ھەر بمێننەوە ونەمرن

### الآية 26:130

> وَإِذَا بَطَشْتُمْ بَطَشْتُمْ جَبَّارِينَ [26:130]

وە ھەر کاتێک دەست بوەشێنن ستەمکارانە دەست دەوەشێنن

### الآية 26:131

> فَاتَّقُوا اللَّهَ وَأَطِيعُونِ [26:131]

کەواتە لەخوا بترسن و گوێڕایەڵی من بکەن

### الآية 26:132

> وَاتَّقُوا الَّذِي أَمَدَّكُمْ بِمَا تَعْلَمُونَ [26:132]

وە لە (سزای) ئەو خوایە بترسن وخۆتان بپارێزن کەخۆتان دەزانن چی پێ بەخشیون

### الآية 26:133

> أَمَدَّكُمْ بِأَنْعَامٍ وَبَنِينَ [26:133]

ئاژەڵ و ماڵات و منداڵ

### الآية 26:134

> وَجَنَّاتٍ وَعُيُونٍ [26:134]

وه باخ و کانیاوی زۆری پێداون

### الآية 26:135

> إِنِّي أَخَافُ عَلَيْكُمْ عَذَابَ يَوْمٍ عَظِيمٍ [26:135]

بەڕاستی من دەترسم دووچارتان ببێت سزای ڕۆژێکی زۆر گەورەی (دژوارو پڕ لەسزا)

### الآية 26:136

> قَالُوا سَوَاءٌ عَلَيْنَا أَوَعَظْتَ أَمْ لَمْ تَكُنْ مِنَ الْوَاعِظِينَ [26:136]

ووتیان (بەھود علیە السلام) لای ئێمە یەکسانە ئامۆژگاری بکەیت یا ئامۆژگاری نەکەیت

### الآية 26:137

> إِنْ هَٰذَا إِلَّا خُلُقُ الْأَوَّلِينَ [26:137]

ئەمەی(تۆ ھێناوتە) تەنھا درۆو دەلەسەی پێشینانە

### الآية 26:138

> وَمَا نَحْنُ بِمُعَذَّبِينَ [26:138]

وە ئێمە سزا نادرێین

### الآية 26:139

> فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:139]

ئیتر باوەڕیان پێ نەھێنا بۆیە ئێمەش لەناومان بردن بێگومان لەوەدا (باسکرا) نیشانەی گەورە ھەیە بەڵام زۆربەیان باوەڕدار نەبوون

### الآية 26:140

> وَإِنَّ رَبَّكَ لَهُوَ الْعَزِيزُ الرَّحِيمُ [26:140]

بێگومان پەروەردگارت تەنھا ئەو خاوەن دەسەڵات و بە بەزەییە

### الآية 26:141

> كَذَّبَتْ ثَمُودُ الْمُرْسَلِينَ [26:141]

گەلی سەمود پێغەمبەرانیان بەدرۆزن زانی

### الآية 26:142

> إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ [26:142]

کاتێ صاڵح ( علیە السلام )ی برایان پێی ووتن ئایا (لەسزای خوا) خۆتان ناپارێزن

### الآية 26:143

> إِنِّي لَكُمْ رَسُولٌ أَمِينٌ [26:143]

بێگومان من پێغەمبەرێکی ئەمینم بۆ ئێوە

### الآية 26:144

> فَاتَّقُوا اللَّهَ وَأَطِيعُونِ [26:144]

کەواتە لەخوا بترسن و گوێڕایەڵی من بکەن

### الآية 26:145

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:145]

وە من داوای ھیچ کرێیەکتان لێ ناکەم لەسەر ئەو (ڕێنمونی کردنەتان) (چونکە) پاداشتی من تەنھا لەسەر پەروەردگاری جیھانیانە

### الآية 26:146

> أَتُتْرَكُونَ فِي مَا هَاهُنَا آمِنِينَ [26:146]

(وا دەزانن) وازتان لێ دەھێنرێ لەدونیادا بەھێمنی (دەژین)

### الآية 26:147

> فِي جَنَّاتٍ وَعُيُونٍ [26:147]

لەناو باخات و کانیاوی زۆردا

### الآية 26:148

> وَزُرُوعٍ وَنَخْلٍ طَلْعُهَا هَضِيمٌ [26:148]

وە لەناو کشتوکاڵی زۆرو باخاتی دار خورمای میوە گەییودا

### الآية 26:149

> وَتَنْحِتُونَ مِنَ الْجِبَالِ بُيُوتًا فَارِهِينَ [26:149]

وە لەچیاکان دا خانوو دادەتاشن زۆر بەلێزانانە

### الآية 26:150

> فَاتَّقُوا اللَّهَ وَأَطِيعُونِ [26:150]

کەواتە لەخوا بترسن و گوێڕایەڵی من بکەن

### الآية 26:151

> وَلَا تُطِيعُوا أَمْرَ الْمُسْرِفِينَ [26:151]

وە گوێڕایەڵی زیادە ڕەوان مەکەن

### الآية 26:152

> الَّذِينَ يُفْسِدُونَ فِي الْأَرْضِ وَلَا يُصْلِحُونَ [26:152]

ئەوانەی خراپەکاری دەکەن لەزەویدا وە کردەوەی چاک ناکەن

### الآية 26:153

> قَالُوا إِنَّمَا أَنْتَ مِنَ الْمُسَحَّرِينَ [26:153]

ووتیان (بە صاڵح علیە السلام) تۆ تەنھا یەکێکی لە جادو لێکراوان

### الآية 26:154

> مَا أَنْتَ إِلَّا بَشَرٌ مِثْلُنَا فَأْتِ بِآيَةٍ إِنْ كُنْتَ مِنَ الصَّادِقِينَ [26:154]

تۆ تەنھا مرۆڤێکی وەک ئێمە دەی ئایەت و موعجیزەیەکمان بۆ بھێنە ئەگەر لەڕاستگۆیانی

### الآية 26:155

> قَالَ هَٰذِهِ نَاقَةٌ لَهَا شِرْبٌ وَلَكُمْ شِرْبُ يَوْمٍ مَعْلُومٍ [26:155]

(صاڵح علیە السلام) ووتی ئەم وشترە مێینە (موعجیزە) یە ئاو خواردنەوە ڕۆژێک بۆ ئەوە و ڕۆژێکیش بۆ ئێوەیە

### الآية 26:156

> وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ [26:156]

دەستی بۆ مەبەن بەخراپە ئەگینا سزای تۆڵەی ڕۆژێکی گەورە تووشتان دێت

### الآية 26:157

> فَعَقَرُوهَا فَأَصْبَحُوا نَادِمِينَ [26:157]

کەچی ئەوان سەریان بڕی ئەوسا پەشیمان بوونەوە (لەترسی تۆڵەی خوا)

### الآية 26:158

> فَأَخَذَهُمُ الْعَذَابُ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:158]

ئەمجا سزای (خراپەکەیان) ئەوانی گرت بەڕاستی لەمەدا (باسکرا) نیشانەیەکی گەورە ھەیە بەڵام زۆر بەیان باوەڕدار نەبوون

### الآية 26:159

> وَإِنَّ رَبَّكَ لَهُوَ الْعَزِيزُ الرَّحِيمُ [26:159]

بێگومان پەروەردگارت تەنھا ئەو خاوەن دەسەڵات و بە بەزەییە

### الآية 26:160

> كَذَّبَتْ قَوْمُ لُوطٍ الْمُرْسَلِينَ [26:160]

گەلی لوط پێغەمبەرانیان بەدرۆزن دانا

### الآية 26:161

> إِذْ قَالَ لَهُمْ أَخُوهُمْ لُوطٌ أَلَا تَتَّقُونَ [26:161]

کاتێ لوطی برایان (علیە السلام) ووتی پێیان ئایا ئێوە لەخوا ناترسن خۆ ناپارێزن

### الآية 26:162

> إِنِّي لَكُمْ رَسُولٌ أَمِينٌ [26:162]

بێگومان من پێغەمبەرێکی ئەمینم بۆ ئێوە

### الآية 26:163

> فَاتَّقُوا اللَّهَ وَأَطِيعُونِ [26:163]

کەواتە لەخوا بترسن و گوێڕایەڵی من بکەن

### الآية 26:164

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:164]

وە من داوای ھیچ کرێیەکتان لێ ناکەم لەسەر ئەو (ڕێنمونی کردنەتان) (چونکە) پاداشتی من تەنھا لەسەر پەروەردگاری جیھانیانە

### الآية 26:165

> أَتَأْتُونَ الذُّكْرَانَ مِنَ الْعَالَمِينَ [26:165]

ئایا لەناو (ھەموو خەڵکی) جیھانیاندا ئێوە نێربازی دەکەن

### الآية 26:166

> وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ ۚ بَلْ أَنْتُمْ قَوْمٌ عَادُونَ [26:166]

وە وازدێنن لەو ھاوسەرانەتان کەپەروەردگارتان بۆی دروست کردون نەخێر بەڵکو ئێوە کۆمەڵێکن دەرچوو لەسنوری ئارەزوو

### الآية 26:167

> قَالُوا لَئِنْ لَمْ تَنْتَهِ يَا لُوطُ لَتَكُونَنَّ مِنَ الْمُخْرَجِينَ [26:167]

ووتیان: بەڕاستی ئەی لوط ئەگەر واز نەھێنیت (لەم کارەت) بێگومان لەدەرکراوان دەبیت (لەم خاکە)

### الآية 26:168

> قَالَ إِنِّي لِعَمَلِكُمْ مِنَ الْقَالِينَ [26:168]

(لوط) ووتی بێگومان من زۆر قەڵس و بێزارم لەو کردەوەتان (لە نێربازی)

### الآية 26:169

> رَبِّ نَجِّنِي وَأَهْلِي مِمَّا يَعْمَلُونَ [26:169]

ئەی پەروەردگارم خۆم و ماڵ و خێزانم ڕزگار بکە لە (تۆڵەی) ئەو کردەوەی ئەوان دەیکەن

### الآية 26:170

> فَنَجَّيْنَاهُ وَأَهْلَهُ أَجْمَعِينَ [26:170]

ئەمجا ئێمەش لوط و ھەموو خێزانەکەیمان رزگار کرد

### الآية 26:171

> إِلَّا عَجُوزًا فِي الْغَابِرِينَ [26:171]

بێجگە لەپیرەژنێک (ژنەکەی لوط) کە لەجێماوان و(تیاچوان) بوو

### الآية 26:172

> ثُمَّ دَمَّرْنَا الْآخَرِينَ [26:172]

پاشان ئەوانی ترمان لەناو برد

### الآية 26:173

> وَأَمْطَرْنَا عَلَيْهِمْ مَطَرًا ۖ فَسَاءَ مَطَرُ الْمُنْذَرِينَ [26:173]

وە بارانێکمان (لەبەرد) بەسەریاندا باراند ئەمجا ئای چ خراپ بوو بارانی ترسێنراوەکان

### الآية 26:174

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:174]

بەڕاستی لەمەدا (باسکرا) پەندێکی گەورە ھەیە بەڵام زۆربەیان باوەڕدار نەبوون

### الآية 26:175

> وَإِنَّ رَبَّكَ لَهُوَ الْعَزِيزُ الرَّحِيمُ [26:175]

بێگومان پەروەردگارت زاڵ و میھرەبانە

### الآية 26:176

> كَذَّبَ أَصْحَابُ الْأَيْكَةِ الْمُرْسَلِينَ [26:176]

خاوەنی باخاتە چڕو پڕەکانیش پێغەمبەرانیان بەدرۆزن دانا

### الآية 26:177

> إِذْ قَالَ لَهُمْ شُعَيْبٌ أَلَا تَتَّقُونَ [26:177]

کاتێ شوعەیب (علیە السلام) پێی ووتن: ئایا خۆتان ناپارێزن و لەخوا ناترسن

### الآية 26:178

> إِنِّي لَكُمْ رَسُولٌ أَمِينٌ [26:178]

بەڕاستی من پێغەمبەرێکی ئەمینم بۆ ئێوە

### الآية 26:179

> فَاتَّقُوا اللَّهَ وَأَطِيعُونِ [26:179]

کەوابوو لەخوا بترسن و گوێرایەڵی من بکەن

### الآية 26:180

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:180]

وە من ھیچ کرێ و پاداشتێ لەئێوە داوا ناکەم لەسەر پێغەمبەرایەتیەکەم پاداشتی من تەنھا لای پەروەردگای جیھانیانە

### الآية 26:181

> ۞ أَوْفُوا الْكَيْلَ وَلَا تَكُونُوا مِنَ الْمُخْسِرِينَ [26:181]

ڕێك وڕاست پێوانە بکەن وە لەزیان دەران مەبن (لەپێوانەدا ناتەواو بیپێون)

### الآية 26:182

> وَزِنُوا بِالْقِسْطَاسِ الْمُسْتَقِيمِ [26:182]

وە بەتەرازوویەکی ڕاست و رێك کێشانە بکەن

### الآية 26:183

> وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ [26:183]

و کەم و کوڕی مەکەن لەشتەکانی خەڵکیدا (ھیچ مافێکیان ژێر پێ مەخەن) وە ڕۆمەچن لەزەویدا بەخراپەکاریتان

### الآية 26:184

> وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ [26:184]

وە بترسن لەو زاتەی کە ئێوە و خەڵکانی پێشوویشی دروستکردووە

### الآية 26:185

> قَالُوا إِنَّمَا أَنْتَ مِنَ الْمُسَحَّرِينَ [26:185]

ووتیان تۆ تەنھا لەجادو لێکراوانی

### الآية 26:186

> وَمَا أَنْتَ إِلَّا بَشَرٌ مِثْلُنَا وَإِنْ نَظُنُّكَ لَمِنَ الْكَاذِبِينَ [26:186]

وە تۆ تەنھا مرۆڤێکی وەك ئێمەی و بەڕاستی ئێمە واگومانت پێ دەبەین لەدرۆزنان بیت

### الآية 26:187

> فَأَسْقِطْ عَلَيْنَا كِسَفًا مِنَ السَّمَاءِ إِنْ كُنْتَ مِنَ الصَّادِقِينَ [26:187]

دەی چەند پارچەیەك لەئاسمان بخەرە خوارەوە بەسەرماندا ئەگەر تۆ لە ڕاستگۆیانی

### الآية 26:188

> قَالَ رَبِّي أَعْلَمُ بِمَا تَعْمَلُونَ [26:188]

(شوعەیب) ووتی پەروەردگارم چاك دەزانێت بەھەر کردەوەیەك کەدەیکەن

### الآية 26:189

> فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ [26:189]

ئەمجا شوعەیبیان بەدرۆزن زانی بەو ھۆیەوە سزای ڕۆژی سێبەری (ھەور) گرتنی بەڕاستی ئەو سزایە سزای رۆژێکی زۆر گەورە بوو

### الآية 26:190

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:190]

بەڕاستی لەمەدا (باسکرا) پەندێکی گەورە ھەیە بەڵام زۆربەیان باوەڕدار نەبوون

### الآية 26:191

> وَإِنَّ رَبَّكَ لَهُوَ الْعَزِيزُ الرَّحِيمُ [26:191]

بێگومان پەروەردگارت زاڵ و میھرەبانە

### الآية 26:192

> وَإِنَّهُ لَتَنْزِيلُ رَبِّ الْعَالَمِينَ [26:192]

و بەڕاستی ئەم (قورئانە) دابەزێنراوی پەروەردگاری جیھانیانە

### الآية 26:193

> نَزَلَ بِهِ الرُّوحُ الْأَمِينُ [26:193]

جوبرەیلی ئەمین ھێنایە خوارەوە

### الآية 26:194

> عَلَىٰ قَلْبِكَ لِتَكُونَ مِنَ الْمُنْذِرِينَ [26:194]

بۆ سەردڵی تۆ بۆ ئەوەی لەترسێنەران بیت

### الآية 26:195

> بِلِسَانٍ عَرَبِيٍّ مُبِينٍ [26:195]

بەزمانێکی عەرەبی ڕوون و پاراو

### الآية 26:196

> وَإِنَّهُ لَفِي زُبُرِ الْأَوَّلِينَ [26:196]

وە بەڕاستی (باسی قورئان) لەکتێبی پێغەمبەرە پێشووەکاندا ھەیە

### الآية 26:197

> أَوَلَمْ يَكُنْ لَهُمْ آيَةً أَنْ يَعْلَمَهُ عُلَمَاءُ بَنِي إِسْرَائِيلَ [26:197]

ئایا ئەمە بەڵگەیەکی ڕوون نەبوو بۆیان (بۆ بێ باوەڕانی قوڕەیش) کەزانایانی بەنی ئیسرائیل ئەو (دەنگ و باسی قورئانە) دەزانن

### الآية 26:198

> وَلَوْ نَزَّلْنَاهُ عَلَىٰ بَعْضِ الْأَعْجَمِينَ [26:198]

ئەگەر ئێمە ئەو (قورئانە)مان بناردایەتە خوارەوە بۆ سەر کەسێکی عەجەمی

### الآية 26:199

> فَقَرَأَهُ عَلَيْهِمْ مَا كَانُوا بِهِ مُؤْمِنِينَ [26:199]

ئەمجا بیخوێندایەتەوە بەسەریاندا (بەسەر بێ باوەڕانی مەککەدا) باوەڕیان پێ نەدەھێنا

### الآية 26:200

> كَذَٰلِكَ سَلَكْنَاهُ فِي قُلُوبِ الْمُجْرِمِينَ [26:200]

ئا بەو جۆرە ئەو (قورئان)مان خستۆتە ناو دڵی تاوانبارانەوە

### الآية 26:201

> لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ [26:201]

کەچی ھەر باوەڕی پێ ناھێنن ھەتا سزای سەخت بەچاوی خۆیان دەبینن (جا باوەڕ دەھێنن)

### الآية 26:202

> فَيَأْتِيَهُمْ بَغْتَةً وَهُمْ لَا يَشْعُرُونَ [26:202]

ئەویش لە ناکاودا دێت بۆیان کەئەوان ھەستی پێ ناکەن

### الآية 26:203

> فَيَقُولُوا هَلْ نَحْنُ مُنْظَرُونَ [26:203]

ئەوسا ئەڵێن ئا خۆ مۆڵەتمان پێ دەدرێت

### الآية 26:204

> أَفَبِعَذَابِنَا يَسْتَعْجِلُونَ [26:204]

دەی ئایا ئەوان پەلەی سزای ئێمەیانە

### الآية 26:205

> أَفَرَأَيْتَ إِنْ مَتَّعْنَاهُمْ سِنِينَ [26:205]

تۆ پێم بڵێ ئەگەر چەند ساڵێك بەخۆشی بیانژێنین

### الآية 26:206

> ثُمَّ جَاءَهُمْ مَا كَانُوا يُوعَدُونَ [26:206]

لە پاشان ئەو سزایەی کە لێی ترسێنرا بوون بێت بۆیان

### الآية 26:207

> مَا أَغْنَىٰ عَنْهُمْ مَا كَانُوا يُمَتَّعُونَ [26:207]

سوودیان پێ ناگەیەنێت ئەو ھەموو خۆشی و ڕابواردنەی بەوان درابوو

### الآية 26:208

> وَمَا أَهْلَكْنَا مِنْ قَرْيَةٍ إِلَّا لَهَا مُنْذِرُونَ [26:208]

ھیچ شارو گوندێکمان لەناو نەبردووە دڵنیابە ترسێنەرانێکی ھەبووە

### الآية 26:209

> ذِكْرَىٰ وَمَا كُنَّا ظَالِمِينَ [26:209]

بۆ ئەوەی بیربکەنەوە، وە ئێمە ستەمکار نەبووین (لەسزادانیاندا)

### الآية 26:210

> وَمَا تَنَزَّلَتْ بِهِ الشَّيَاطِينُ [26:210]

شەیتانەکان ئەو (قورئانە)یان نەھێناوەتە خوارەوە

### الآية 26:211

> وَمَا يَنْبَغِي لَهُمْ وَمَا يَسْتَطِيعُونَ [26:211]

نەشیاوی ئەوەن و نەدەشتوانن

### الآية 26:212

> إِنَّهُمْ عَنِ السَّمْعِ لَمَعْزُولُونَ [26:212]

بەڕاستی شەیتانەکان لەگوێگرتنی(ھەواڵی ئاسمان) ڕێگری کراون

### الآية 26:213

> فَلَا تَدْعُ مَعَ اللَّهِ إِلَٰهًا آخَرَ فَتَكُونَ مِنَ الْمُعَذَّبِينَ [26:213]

کەواتە ھیچ پەرستراوێکی تر نەپەرستی لەگەڵ خوادا ئەگینا لەسزا دراوان دەبیت

### الآية 26:214

> وَأَنْذِرْ عَشِيرَتَكَ الْأَقْرَبِينَ [26:214]

خزم و کەسە زۆر نزیکەکانت بترسێنە

### الآية 26:215

> وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ [26:215]

و باڵی بەزەیی و نەرم و نیانیت ڕاخە بۆ ئەو باوەڕدارانەی کەشوێنت کەوتوون

### الآية 26:216

> فَإِنْ عَصَوْكَ فَقُلْ إِنِّي بَرِيءٌ مِمَّا تَعْمَلُونَ [26:216]

ئەمجا ئەگەر سەرپێچیان کردیت ئەوسا پێیان بڵێ: بەڕاستی من بەریم لەوەی ئێوە دەیکەن

### الآية 26:217

> وَتَوَكَّلْ عَلَى الْعَزِيزِ الرَّحِيمِ [26:217]

وە پشت بەو خوایە ببەستە کەزاڵ و بە بەزەییە

### الآية 26:218

> الَّذِي يَرَاكَ حِينَ تَقُومُ [26:218]

ئەو (خوایە) کە دەتبینێت کاتێ بەتەنیا نوێژ دەکەی

### الآية 26:219

> وَتَقَلُّبَكَ فِي السَّاجِدِينَ [26:219]

وە (دەبینێ) نوێژ کردنت لەناو نوێژگەراندا (کەپێش نوێژیان بۆ دەکەیت)

### الآية 26:220

> إِنَّهُ هُوَ السَّمِيعُ الْعَلِيمُ [26:220]

بەڕاستی تەنھا ئەوە بیسەر و ئاگادار

### الآية 26:221

> هَلْ أُنَبِّئُكُمْ عَلَىٰ مَنْ تَنَزَّلُ الشَّيَاطِينُ [26:221]

ھەواڵتان بدەمێ کە شەیتانەکان دادەبەزنە سەرکێ؟

### الآية 26:222

> تَنَزَّلُ عَلَىٰ كُلِّ أَفَّاكٍ أَثِيمٍ [26:222]

دادەبەزنە سەر ھەموو (کەسێکی) زۆر درۆزنی زۆر تاوانبار

### الآية 26:223

> يُلْقُونَ السَّمْعَ وَأَكْثَرُهُمْ كَاذِبُونَ [26:223]

باش گوێ دەگرن (بۆ شەیتانەکان) وە زۆربەیان درۆزنن (لەو ھەواڵانەدا دەیدەن بەخەڵکی)

### الآية 26:224

> وَالشُّعَرَاءُ يَتَّبِعُهُمُ الْغَاوُونَ [26:224]

(پێغەمبەر ﷺ شاعیر نیە) (چونکە) شاعیرەکان تەنھا گومڕاکان شوێنیان دەکەون

### الآية 26:225

> أَلَمْ تَرَ أَنَّهُمْ فِي كُلِّ وَادٍ يَهِيمُونَ [26:225]

ئایا نابینیت کەئەوانە بەھەموو دۆڵ و شیوێکدا بەسەر لێشێواوی دەڕۆن (شیعر دەڵێن)

### الآية 26:226

> وَأَنَّهُمْ يَقُولُونَ مَا لَا يَفْعَلُونَ [26:226]

وە بەڕاستی ئەوانە شتێك دەڵێن کەخۆیان نایکەن

### الآية 26:227

> إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا ۗ وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ [26:227]

جگە لەوانەیان بڕوایان ھێناوە و کردەوە چاکەکانیان کردووە وە یادو زیکری خوایان زۆر کردووە وە تۆڵەیان سەندووە لەپاش ئەوە ستەمیان لێکراوە وە ئەوانەی ستەمیان کردووە لەمەودوا دەزانن کەچۆن گەڕانەوەیەك دەگەڕێنەوە(بۆ لای خوا دوای مردن)

## روابط ذات صلة

- [النص القرآني للسورة](https://quranpedia.net/surah/1/26.md)
- [كل تفاسير سورة الشعراء
](https://quranpedia.net/surah-tafsir/26.md)
- [ترجمات سورة الشعراء
](https://quranpedia.net/translations/26.md)
- [صفحة الكتاب: الترجمة الكردية](https://quranpedia.net/book/1968.md)
- [المؤلف: حمد صالح باموكي](https://quranpedia.net/person/1743.md)

---

زُر [Quranpedia.net](https://quranpedia.net/surah/1/26/book/1968) — موسوعة القرآن الكريم: التفاسير، الترجمات، التلاوات، والمواضيع.