---
title: "ترجمة سورة الشعراء - الترجمة البشتوية (البشتوية)"
url: "https://quranpedia.net/surah/1/26/book/1969.md"
canonical: "https://quranpedia.net/surah/1/26/book/1969"
surah_id: "26"
book_id: "1969"
book_name: "الترجمة البشتوية"
author: "زكريا عبد السلام"
type: "translation"
---

# ترجمة سورة الشعراء - الترجمة البشتوية (البشتوية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/26/book/1969)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الشعراء - الترجمة البشتوية (البشتوية) — https://quranpedia.net/surah/1/26/book/1969*.

Translation of Surah الشعراء from "الترجمة البشتوية" in البشتوية.

### الآية 26:1

> طسم [26:1]

26-1 طا، سين، ميم

### الآية 26:2

> تِلْكَ آيَاتُ الْكِتَابِ الْمُبِينِ [26:2]

26-2 دا د واضح كتاب ایتونه دي

### الآية 26:3

> لَعَلَّكَ بَاخِعٌ نَفْسَكَ أَلَّا يَكُونُوا مُؤْمِنِينَ [26:3]

26-3 ښايي چې ته د خپل ځان هلاكوونكى يې، په دې وجه چې دوى مومنان كېږي نه

### الآية 26:4

> إِنْ نَشَأْ نُنَزِّلْ عَلَيْهِمْ مِنَ السَّمَاءِ آيَةً فَظَلَّتْ أَعْنَاقُهُمْ لَهَا خَاضِعِينَ [26:4]

26-4 كه مونږ وغواړو (نو) په دوى به له اسمان نه یو دلیل نازل كړو، بیا به د دوى څټونه دغه (دلیل) ته غاړه ایښودونكي شي

### الآية 26:5

> وَمَا يَأْتِيهِمْ مِنْ ذِكْرٍ مِنَ الرَّحْمَٰنِ مُحْدَثٍ إِلَّا كَانُوا عَنْهُ مُعْرِضِينَ [26:5]

26-5 او دوى ته د رحمن له جانبه څه نوى ذكر (نصیحت) نه راځي مګر دوى له هغه نه مخ ګرځوونكي دي

### الآية 26:6

> فَقَدْ كَذَّبُوا فَسَيَأْتِيهِمْ أَنْبَاءُ مَا كَانُوا بِهِ يَسْتَهْزِئُونَ [26:6]

26-6 نو تحقیق دوى تكذیب وكړ، پس دوى ته به ژر د هغه څه خبر (انجام) راشي چې دوى به په هغه پورې استهزا كولې

### الآية 26:7

> أَوَلَمْ يَرَوْا إِلَى الْأَرْضِ كَمْ أَنْبَتْنَا فِيهَا مِنْ كُلِّ زَوْجٍ كَرِيمٍ [26:7]

26-7 ایا دوى ځمكې ته نه ګوري، څومره ډېر مونږ په دې كې له هر قسمه عمده جوړو نه زرغون كړي دي

### الآية 26:8

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:8]

26-8 بېشكه په دې كې خامخا لویه نښه ده او د دوى زیاتره ایمان راوړونكي نه دي

### الآية 26:9

> وَإِنَّ رَبَّكَ لَهُوَ الْعَزِيزُ الرَّحِيمُ [26:9]

26-9 او بېشكه ستا رب خامخا هم هغه ښه غالب، بې حده رحم كوونكى دى

### الآية 26:10

> وَإِذْ نَادَىٰ رَبُّكَ مُوسَىٰ أَنِ ائْتِ الْقَوْمَ الظَّالِمِينَ [26:10]

26-10 او (یاد كړه) هغه وخت چې ستا رب موسٰى ته اواز وكړ داسې چې ته هغه قوم ته ورشه چې ظالمان دي

### الآية 26:11

> قَوْمَ فِرْعَوْنَ ۚ أَلَا يَتَّقُونَ [26:11]

26-11 چې د فرعون قوم دى، ایا دوى نه وېرېږي (له الله نه)!

### الآية 26:12

> قَالَ رَبِّ إِنِّي أَخَافُ أَنْ يُكَذِّبُونِ [26:12]

26-12 (موسٰى) وویل: اى زما ربه! بېشكه زه له دې نه وېرېږم چې دوى به زما تكذیب وكړي

### الآية 26:13

> وَيَضِيقُ صَدْرِي وَلَا يَنْطَلِقُ لِسَانِي فَأَرْسِلْ إِلَىٰ هَارُونَ [26:13]

26-13 او (بل) زما سینه تنګېږي او (بل) زما ژبه نه چلېږي، نو ته هارون ته پېغام ولېږه

### الآية 26:14

> وَلَهُمْ عَلَيَّ ذَنْبٌ فَأَخَافُ أَنْ يَقْتُلُونِ [26:14]

26-14 او (بل دا چې) د هغوى لپاره زما په خلاف (دعوىٰ د) ګناه ده، نو زه له دې نه وېرېږم چې دوى به ما قتل كړي

### الآية 26:15

> قَالَ كَلَّا ۖ فَاذْهَبَا بِآيَاتِنَا ۖ إِنَّا مَعَكُمْ مُسْتَمِعُونَ [26:15]

26-15 (الله) وفرمایل: داسې نشي كېدى، نو تاسو دواړه زما له ښكاره معجزو سره لاړ شئ، بېشكه مونږ له تاسو سره یو، اورېدونكي یو

### الآية 26:16

> فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ [26:16]

26-16 نو تاسو دواړه فرعون ته ورشئ، نو (ورته) ووایئ: بېشكه مونږ د رب العلمین استازي یو

### الآية 26:17

> أَنْ أَرْسِلْ مَعَنَا بَنِي إِسْرَائِيلَ [26:17]

26-17 په دې خبره چې ته زمونږ سره بني اسرائیل خوشې كړه

### الآية 26:18

> قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ [26:18]

26-18 (فرعون) وویل: ایا مونږه په خپل كاله كې ستا پالنه نه وه كړې، په داسې حال كې چې ته بچى وې او تا په مونږ كې د خپل عمر څو كاله تېر كړي وو

### الآية 26:19

> وَفَعَلْتَ فَعْلَتَكَ الَّتِي فَعَلْتَ وَأَنْتَ مِنَ الْكَافِرِينَ [26:19]

26-19 او تا خپل هغه كار كړى و چې تا كړى و، په دې حال كې چې ته له ناشكرو ځنې يې

### الآية 26:20

> قَالَ فَعَلْتُهَا إِذًا وَأَنَا مِنَ الضَّالِّينَ [26:20]

26-20 (موسٰى) وویل: ما دغه كار په هغه وخت كې كړى و چې زه له ناپوهانو ځنې وم

### الآية 26:21

> فَفَرَرْتُ مِنْكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ [26:21]

26-21 نو كله چې زه له تاسو ووېرېدم (نو) له تاسو نه وتښتېدم، بیا ما ته زما رب حكم (او علم) راكړ او زه يې له رسولانو څخه وګرځولم

### الآية 26:22

> وَتِلْكَ نِعْمَةٌ تَمُنُّهَا عَلَيَّ أَنْ عَبَّدْتَ بَنِي إِسْرَائِيلَ [26:22]

26-22 او دغه داسې احسان دى چې ته يې په ما زباتوې (هغه) دا دى چې تا بني اسرائیل غلامان ګرځولي وو

### الآية 26:23

> قَالَ فِرْعَوْنُ وَمَا رَبُّ الْعَالَمِينَ [26:23]

26-23 فرعون وویل: او رب العلمین څه شى دى؟

### الآية 26:24

> قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ إِنْ كُنْتُمْ مُوقِنِينَ [26:24]

26-24 هغه وویل: رب دى د اسمانونو او ځمكې او د هغه څه چې د دې دواړو په مینځ كې دي، كه تاسو یقین كوونكي یئ

### الآية 26:25

> قَالَ لِمَنْ حَوْلَهُ أَلَا تَسْتَمِعُونَ [26:25]

26-25 هغه (فرعون) خپلو ګېر چاپېره خلقو ته وویل: ایا تاسو نه اورئ؟

### الآية 26:26

> قَالَ رَبُّكُمْ وَرَبُّ آبَائِكُمُ الْأَوَّلِينَ [26:26]

26-26 (موسٰى) وویل: (چې رب العلمین) ستاسو رب دى او ستاسو د مخكينو پلرونو رب دى

### الآية 26:27

> قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ [26:27]

26-27 (فرعون) وویل: بېشكه ستاسو دغه رسول چې تاسو ته رالېږل شوى دى، یقینًا لېونى دى

### الآية 26:28

> قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ إِنْ كُنْتُمْ تَعْقِلُونَ [26:28]

26-28 (موسٰى) وویل: (هغه) د مشرق او مغرب رب دى او څه چې د دې دواړو په مینځ كې دي، كه تاسو له عقل نه كار اخلئ

### الآية 26:29

> قَالَ لَئِنِ اتَّخَذْتَ إِلَٰهًا غَيْرِي لَأَجْعَلَنَّكَ مِنَ الْمَسْجُونِينَ [26:29]

26-29 (فرعون موسٰى ته) وویل: قسم دى كه تا له ما نه غیر بل معبود ونیوه (نو) زه به خامخا هرومرو تا وګرځوم له قیدیانو ځنې

### الآية 26:30

> قَالَ أَوَلَوْ جِئْتُكَ بِشَيْءٍ مُبِينٍ [26:30]

26-30 (موسٰى) وویل: ایا اګر كه زه تا ته یو څرګندوونكى شى (دلیل) راوړم

### الآية 26:31

> قَالَ فَأْتِ بِهِ إِنْ كُنْتَ مِنَ الصَّادِقِينَ [26:31]

26-31 (فرعون) وویل: نو ته هغه راوړه كه ته له رښتینو څخه يې

### الآية 26:32

> فَأَلْقَىٰ عَصَاهُ فَإِذَا هِيَ ثُعْبَانٌ مُبِينٌ [26:32]

26-32 نو هغه (موسٰى) خپله امسا وغورځوله، نو ناڅاپه هغه وه ښكاره ښامار

### الآية 26:33

> وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ [26:33]

26-33 او خپل لاس يې راواېست، نو ناڅاپه هغه د كتونكو لپاره تك سپين و

### الآية 26:34

> قَالَ لِلْمَلَإِ حَوْلَهُ إِنَّ هَٰذَا لَسَاحِرٌ عَلِيمٌ [26:34]

26-34 فرعون خپلو چاپېره سردارانو ته وویل: بېشكه دا یقینًا ډېر پوه جادوګر دى

### الآية 26:35

> يُرِيدُ أَنْ يُخْرِجَكُمْ مِنْ أَرْضِكُمْ بِسِحْرِهِ فَمَاذَا تَأْمُرُونَ [26:35]

26-35 دا غواړي چې په خپل جادو سره تاسو له خپلې ځمكې نه وباسي، نو تاسو د څه مشوره راكوئ؟

### الآية 26:36

> قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ [26:36]

26-36 هغوى وویل: ته دا او د ده ورور وروسته كړه او په ښارونو كې راټولوونكي ولېږه

### الآية 26:37

> يَأْتُوكَ بِكُلِّ سَحَّارٍ عَلِيمٍ [26:37]

26-37 چې تا ته هر ښه پوه، غټ جادوګر راولي

### الآية 26:38

> فَجُمِعَ السَّحَرَةُ لِمِيقَاتِ يَوْمٍ مَعْلُومٍ [26:38]

26-38 نو جادوګر د معلومې ورځې میعاد ته راجمع كړى شول

### الآية 26:39

> وَقِيلَ لِلنَّاسِ هَلْ أَنْتُمْ مُجْتَمِعُونَ [26:39]

26-39 او خلقو ته وویل شول چې ایا تاسو راجمع كېدونكي یئ؟

### الآية 26:40

> لَعَلَّنَا نَتَّبِعُ السَّحَرَةَ إِنْ كَانُوا هُمُ الْغَالِبِينَ [26:40]

26-40 كېدى شي چې مونږ د جادوګرو پیروي وكړو كه هم دوى غالب راتلونكي شي

### الآية 26:41

> فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِنْ كُنَّا نَحْنُ الْغَالِبِينَ [26:41]

26-41 نو كله چې جادوګر راغلل، (نو) فرعون ته يې وویل: ایا یقینًا به زمونږ لپاره واقعي اجر وي كه همدا مونږ غالبه شو؟

### الآية 26:42

> قَالَ نَعَمْ وَإِنَّكُمْ إِذًا لَمِنَ الْمُقَرَّبِينَ [26:42]

26-42 ويې ويل: هو، او بېشكه تاسو به په دغه وخت كې خامخا له مقربانو څخه یئ!

### الآية 26:43

> قَالَ لَهُمْ مُوسَىٰ أَلْقُوا مَا أَنْتُمْ مُلْقُونَ [26:43]

26-43 دوى ته موسٰى وویل: تاسو هغه څه وغورځوئ چې تاسو يې غورځوونكي یئ

### الآية 26:44

> فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ [26:44]

26-44 نو هغوى خپلې رسۍ او امساګانې وغورځولې او ويې ويل: د فرعون په عزت سره، بېشكه مونږ، خامخا همدا مونږ غالب یو

### الآية 26:45

> فَأَلْقَىٰ مُوسَىٰ عَصَاهُ فَإِذَا هِيَ تَلْقَفُ مَا يَأْفِكُونَ [26:45]

26-45 نو موسٰى خپله امسا وغورځوله، نو ناڅاپه هغې هغه څه ښوى تېرول چې دوى په دروغه جوړ كړي وو

### الآية 26:46

> فَأُلْقِيَ السَّحَرَةُ سَاجِدِينَ [26:46]

26-46 نو جادوګر وغورځول شول (پړمخې)، چې سجده كوونكي وو

### الآية 26:47

> قَالُوا آمَنَّا بِرَبِّ الْعَالَمِينَ [26:47]

26-47 ويې ويل: مونږ په رب العلمین ایمان راوړ

### الآية 26:48

> رَبِّ مُوسَىٰ وَهَارُونَ [26:48]

26-48 چې د موسٰى او هارون رب دى

### الآية 26:49

> قَالَ آمَنْتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ أَجْمَعِينَ [26:49]

26-49 (فرعون) وویل: تاسو په ده ایمان راوړ مخكې له دې نه چې زه تاسو ته اجازت دركړم، بېشكه دا یقینًا ستاسو هغه مشر دى چې تاسو ته يې جادو ښودلى دى، نو یقینًا تاسو به ژر پوه شئ، خامخا هرومرو به زه ستاسو لاسونه او ستاسو پښې، ادل بدل پرې كړم، او زه به خامخا هرومرو تاسو ټول په دار كړم

### الآية 26:50

> قَالُوا لَا ضَيْرَ ۖ إِنَّا إِلَىٰ رَبِّنَا مُنْقَلِبُونَ [26:50]

26-50 هغوى وویل: هېڅ ضرر نشته، بېشكه مونږ خپل رب ته بېرته ورتلونكي یو

### الآية 26:51

> إِنَّا نَطْمَعُ أَنْ يَغْفِرَ لَنَا رَبُّنَا خَطَايَانَا أَنْ كُنَّا أَوَّلَ الْمُؤْمِنِينَ [26:51]

26-51 بېشكه مونږ دا طمع لرو چې زمونږ رب به مونږ ته زمونږ ګناهونه وبخښي، په دې چې مونږ (په دې حاضرینو كې) اول د ایمان راوړونكو یو

### الآية 26:52

> ۞ وَأَوْحَيْنَا إِلَىٰ مُوسَىٰ أَنْ أَسْرِ بِعِبَادِي إِنَّكُمْ مُتَّبَعُونَ [26:52]

26-52 او مونږ موسٰى ته وحي وكړه داسې چې ته زما بنده ګان د شپې بوځه، بېشكه تاسو پسې به درتلل كېدى شي

### الآية 26:53

> فَأَرْسَلَ فِرْعَوْنُ فِي الْمَدَائِنِ حَاشِرِينَ [26:53]

26-53 نو فرعون په ښارونو كې راټولوونكي ولېږل

### الآية 26:54

> إِنَّ هَٰؤُلَاءِ لَشِرْذِمَةٌ قَلِيلُونَ [26:54]

26-54 (او ويې ویل) بېشكه دغه (بني اسرائیل) ډېره لږه وړه ډله ده

### الآية 26:55

> وَإِنَّهُمْ لَنَا لَغَائِظُونَ [26:55]

26-55 او بېشكه دوى مونږ لره یقینًا غصه كوونكي دي

### الآية 26:56

> وَإِنَّا لَجَمِيعٌ حَاذِرُونَ [26:56]

26-56 او بېشكه مونږ خامخا بيداره ډله یو

### الآية 26:57

> فَأَخْرَجْنَاهُمْ مِنْ جَنَّاتٍ وَعُيُونٍ [26:57]

26-57 نو مونږه دوى (فرعونیان) له باغونو او چینو نه راوښكل

### الآية 26:58

> وَكُنُوزٍ وَمَقَامٍ كَرِيمٍ [26:58]

26-58 او له خزانو او ښو ځایونو نه

### الآية 26:59

> كَذَٰلِكَ وَأَوْرَثْنَاهَا بَنِي إِسْرَائِيلَ [26:59]

26-59 همداسې (مونږ وكړل) او مونږ د دغو (څیزونو) وارثان بني اسرائیل وګرځول

### الآية 26:60

> فَأَتْبَعُوهُمْ مُشْرِقِينَ [26:60]

26-60 نو (فرعونیان) د دوى پسې شول، چې د لمر ختو په وخت كې داخلېدونكي وو

### الآية 26:61

> فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ [26:61]

26-61 نو كله چې دواړو ډلو یو بل سره ولیدل، د موسٰى ملګرو وویل: بېشكه مونږ خامخا نیول كېدونكي یو

### الآية 26:62

> قَالَ كَلَّا ۖ إِنَّ مَعِيَ رَبِّي سَيَهْدِينِ [26:62]

26-62 (موسٰى) وویل: هیڅكله داسې نشي كېدى، بېشكه زما سره زما رب دى، هغه به ضرور زما لار ښوونه كوي

### الآية 26:63

> فَأَوْحَيْنَا إِلَىٰ مُوسَىٰ أَنِ اضْرِبْ بِعَصَاكَ الْبَحْرَ ۖ فَانْفَلَقَ فَكَانَ كُلُّ فِرْقٍ كَالطَّوْدِ الْعَظِيمِ [26:63]

26-63 نو مونږ موسٰى ته وحي وكړه چې ته په خپلې امسا سره سمندر ووهه، نو هغه څیرې شو، نو هره برخه د ډېر اوچت غر په شان شوله

### الآية 26:64

> وَأَزْلَفْنَا ثَمَّ الْآخَرِينَ [26:64]

26-64 او دغه ځاى ته مونږ هغه نور ښه رانژدې كړل

### الآية 26:65

> وَأَنْجَيْنَا مُوسَىٰ وَمَنْ مَعَهُ أَجْمَعِينَ [26:65]

26-65 اومونږ موسٰى او هغو كسانو ته چې له هغه سره وو ؛ ټولو ته نجات وركړ

### الآية 26:66

> ثُمَّ أَغْرَقْنَا الْآخَرِينَ [26:66]

26-66 بیا مونږ هغه نور غرق (ډوب) كړل

### الآية 26:67

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:67]

26-67 بېشكه په دې كې خامخا لویه نښه ده، او د دوى زیاتره ایمان راوړونكي نه وو

### الآية 26:68

> وَإِنَّ رَبَّكَ لَهُوَ الْعَزِيزُ الرَّحِيمُ [26:68]

26-68 او بېشكه رب ستا خامخا هم هغه ښه غالب، بې حده رحم كوونكى دى

### الآية 26:69

> وَاتْلُ عَلَيْهِمْ نَبَأَ إِبْرَاهِيمَ [26:69]

26-69 او ته دوى ته د ابراهیم خبر (قصه) ولوله

### الآية 26:70

> إِذْ قَالَ لِأَبِيهِ وَقَوْمِهِ مَا تَعْبُدُونَ [26:70]

26-70 كله چې هغه خپل پلار او خپل قوم ته وویل: تاسو د څه څیز عبادت كوئ

### الآية 26:71

> قَالُوا نَعْبُدُ أَصْنَامًا فَنَظَلُّ لَهَا عَاكِفِينَ [26:71]

26-71 هغوى وویل: مونږ د بتانو عبادت كوو، پس همېشه به دوى ته په عبادت قايم اوسو

### الآية 26:72

> قَالَ هَلْ يَسْمَعُونَكُمْ إِذْ تَدْعُونَ [26:72]

26-72 هغه وویل: ایا دوى ستاسو اوري كله چې تاسو (دوى) بلئ؟

### الآية 26:73

> أَوْ يَنْفَعُونَكُمْ أَوْ يَضُرُّونَ [26:73]

26-73 یا تاسو ته نفع دررسوي، یا ضرر دررسوي؟

### الآية 26:74

> قَالُوا بَلْ وَجَدْنَا آبَاءَنَا كَذَٰلِكَ يَفْعَلُونَ [26:74]

26-74 هغوى وویل: بلكې مونږ خپل پلرونه موندلي دي چې همداسې به يې كول

### الآية 26:75

> قَالَ أَفَرَأَيْتُمْ مَا كُنْتُمْ تَعْبُدُونَ [26:75]

26-75 هغه وویل: ایا تاسو كتلي دي (او پوه شوي يئ په) هغه چې تاسو يې عبادت كوئ

### الآية 26:76

> أَنْتُمْ وَآبَاؤُكُمُ الْأَقْدَمُونَ [26:76]

26-76 تاسو او ستاسو پخوا تېر شوي پلرونه

### الآية 26:77

> فَإِنَّهُمْ عَدُوٌّ لِي إِلَّا رَبَّ الْعَالَمِينَ [26:77]

26-77 پس بېشكه دوى (ستاسو معبودان) زما دښمنان دي غیر له رب العلمین نه

### الآية 26:78

> الَّذِي خَلَقَنِي فَهُوَ يَهْدِينِ [26:78]

26-78 هغه چې زه يې پیدا كړى یم، نو هغه زما لار ښوونه كوي

### الآية 26:79

> وَالَّذِي هُوَ يُطْعِمُنِي وَيَسْقِينِ [26:79]

26-79 او هغه چې همغه په ما خوراك كوي او په ما څښاك كوي

### الآية 26:80

> وَإِذَا مَرِضْتُ فَهُوَ يَشْفِينِ [26:80]

26-80 او كله چې زه ناروغه شم، نو هغه ما ته شفا راكوي

### الآية 26:81

> وَالَّذِي يُمِيتُنِي ثُمَّ يُحْيِينِ [26:81]

26-81 او هغه چې ما ته به مرګ راكوي، بیا به ما ژوندى كوي

### الآية 26:82

> وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ [26:82]

26-82 او هغه چې زه طمع لرم دا چې د قیامت په ورځ به هغه ما ته زما ګناه وبخښي

### الآية 26:83

> رَبِّ هَبْ لِي حُكْمًا وَأَلْحِقْنِي بِالصَّالِحِينَ [26:83]

26-83 اى زما ربه! ما ته حكم (علم وحكمت) راكړه او ما له نېكانو سره پیوست كړه

### الآية 26:84

> وَاجْعَلْ لِي لِسَانَ صِدْقٍ فِي الْآخِرِينَ [26:84]

26-84 او زما لپاره په وروستنو خلقو كې د صدق ژبه (نېكنامي) وګرځوه

### الآية 26:85

> وَاجْعَلْنِي مِنْ وَرَثَةِ جَنَّةِ النَّعِيمِ [26:85]

26-85 او ما د نعمتونو د جنت له وارثانو ځنې وګرځوه

### الآية 26:86

> وَاغْفِرْ لِأَبِي إِنَّهُ كَانَ مِنَ الضَّالِّينَ [26:86]

26-86 او زما پلار ته بخښنه وكړه، یقینًا هغه له ګمراهانو ځنې و

### الآية 26:87

> وَلَا تُخْزِنِي يَوْمَ يُبْعَثُونَ [26:87]

26-87 او ته ما مه شرموه په هغې ورځ كې چې خلق به بیا ژوندي كولى شي

### الآية 26:88

> يَوْمَ لَا يَنْفَعُ مَالٌ وَلَا بَنُونَ [26:88]

26-88 په هغې ورځ چې نه به مال نفع رسوي او نه زامن

### الآية 26:89

> إِلَّا مَنْ أَتَى اللَّهَ بِقَلْبٍ سَلِيمٍ [26:89]

26-89 مګر هغه چا ته چې الله ته په ډېر سلامت زړه راغى

### الآية 26:90

> وَأُزْلِفَتِ الْجَنَّةُ لِلْمُتَّقِينَ [26:90]

26-90 او جنت به(په هغې ورځ كې) پرهېزګارانو ته ورنژدې كړى شي

### الآية 26:91

> وَبُرِّزَتِ الْجَحِيمُ لِلْغَاوِينَ [26:91]

26-91 او جهنم به ګمراهانو ته ښه ښكاره كړى شي

### الآية 26:92

> وَقِيلَ لَهُمْ أَيْنَ مَا كُنْتُمْ تَعْبُدُونَ [26:92]

26-92 او دوى ته به وویل شي: چېرته دي هغه (معبودان) چې تاسو به يې عبادت كاوه

### الآية 26:93

> مِنْ دُونِ اللَّهِ هَلْ يَنْصُرُونَكُمْ أَوْ يَنْتَصِرُونَ [26:93]

26-93 له الله نه غیر، ایا دوى ستاسو مدد كوي، یا دوى بدله اخيستى شي؟

### الآية 26:94

> فَكُبْكِبُوا فِيهَا هُمْ وَالْغَاوُونَ [26:94]

26-94 نو دا (بتان) به په دغه (جهنم) كې نسكور وغورځول شي دوى او ګمراهان هم

### الآية 26:95

> وَجُنُودُ إِبْلِيسَ أَجْمَعُونَ [26:95]

26-95 او د ابلیس لښكرې، دوى ټول

### الآية 26:96

> قَالُوا وَهُمْ فِيهَا يَخْتَصِمُونَ [26:96]

26-96 دوى به ووايي، په داسې حال كې چې دوى به سره جګړې كوي:

### الآية 26:97

> تَاللَّهِ إِنْ كُنَّا لَفِي ضَلَالٍ مُبِينٍ [26:97]

26-97 قسم په الله، یقینًا مونږه خامخا په ښكاره ګمراهۍ كې وو

### الآية 26:98

> إِذْ نُسَوِّيكُمْ بِرَبِّ الْعَالَمِينَ [26:98]

26-98 كله چې مونږ تاسو له رب العلمین سره برابرولئ

### الآية 26:99

> وَمَا أَضَلَّنَا إِلَّا الْمُجْرِمُونَ [26:99]

26-99 او مونږ نه وو ګمراه كړي مګر مجرمانو (بدو مشرانو)

### الآية 26:100

> فَمَا لَنَا مِنْ شَافِعِينَ [26:100]

26-100 نو زمونږ لپاره هیڅوك شفاعت كوونكي نشته

### الآية 26:101

> وَلَا صَدِيقٍ حَمِيمٍ [26:101]

26-101 او نه كوم مخلص دوست

### الآية 26:102

> فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ [26:102]

26-102 نو ارمان كه په رښتیا زمونږ لپاره یو ځل دنیا ته واپسي وى، نو چې شوي وى مونږ له مومنانو نه

### الآية 26:103

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:103]

26-103 بېشكه په دې كې خامخا لویه نښه ده او د دوى زیاتره مومنان نه وو

### الآية 26:104

> وَإِنَّ رَبَّكَ لَهُوَ الْعَزِيزُ الرَّحِيمُ [26:104]

26-104 او بېشكه ستا رب، خامخا همغه ډېر غالب، بې حده رحم كوونكى دى

### الآية 26:105

> كَذَّبَتْ قَوْمُ نُوحٍ الْمُرْسَلِينَ [26:105]

26-105 د نوح قوم د رسولانو تكذیب وكړ

### الآية 26:106

> إِذْ قَالَ لَهُمْ أَخُوهُمْ نُوحٌ أَلَا تَتَّقُونَ [26:106]

26-106 كله چې دوى ته د دوى ورور نوح وویل: ایا تاسو نه وېرېږئ!

### الآية 26:107

> إِنِّي لَكُمْ رَسُولٌ أَمِينٌ [26:107]

26-107 بېشكه زه تاسو ته امانتګر رسول یم

### الآية 26:108

> فَاتَّقُوا اللَّهَ وَأَطِيعُونِ [26:108]

26-108 نو تاسو له الله نه ووېرېږئ او زما اطاعت وكړئ

### الآية 26:109

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:109]

26-109 او زه له تاسو نه په دې (تبلیغ) باندې هېڅ اجر (عوض) نه غواړم، نه دى اجر زما مګر په رب العلمین باندې

### الآية 26:110

> فَاتَّقُوا اللَّهَ وَأَطِيعُونِ [26:110]

26-110 نو تاسو له الله نه ووېرېږئ او زما اطاعت وكړئ

### الآية 26:111

> ۞ قَالُوا أَنُؤْمِنُ لَكَ وَاتَّبَعَكَ الْأَرْذَلُونَ [26:111]

26-111 هغوى وویل: ایا مونږ په تا ایمان راوړو!، حال دا چې ستا پیروي تر ټولو رذیلو خوارو خلقو كړې ده

### الآية 26:112

> قَالَ وَمَا عِلْمِي بِمَا كَانُوا يَعْمَلُونَ [26:112]

26-112 (نوح) وویل: او ما ته څه علم دى په هغه څه چې دوى يې كوي

### الآية 26:113

> إِنْ حِسَابُهُمْ إِلَّا عَلَىٰ رَبِّي ۖ لَوْ تَشْعُرُونَ [26:113]

26-113 نه دى د دوى حساب مګر زما په رب باندې، كه تاسو پوهېږئ

### الآية 26:114

> وَمَا أَنَا بِطَارِدِ الْمُؤْمِنِينَ [26:114]

26-114 او زه له سره دې مومنانو لره شړونكى نه یم

### الآية 26:115

> إِنْ أَنَا إِلَّا نَذِيرٌ مُبِينٌ [26:115]

26-115 زه نه یم مګر ښكاره وېروونكى

### الآية 26:116

> قَالُوا لَئِنْ لَمْ تَنْتَهِ يَا نُوحُ لَتَكُونَنَّ مِنَ الْمَرْجُومِينَ [26:116]

26-116 دوى وویل: اى نوحه! قسم دى كه ته وانه وښتې (نو) خامخا هرومرو به ته له سنګسار كړى شويو ځنې شې

### الآية 26:117

> قَالَ رَبِّ إِنَّ قَوْمِي كَذَّبُونِ [26:117]

26-117 هغه وویل: اى زما ربه! بېشكه زما قوم زما تكذیب وكړ

### الآية 26:118

> فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَنْ مَعِيَ مِنَ الْمُؤْمِنِينَ [26:118]

26-118 نو ته زما په مینځ كې او د دوى په مینځ كې فیصله وكړه واضحه فیصله او ته ما ته نجات راكړه او هغه چا ته چې له ما سره كوم مومنان دي

### الآية 26:119

> فَأَنْجَيْنَاهُ وَمَنْ مَعَهُ فِي الْفُلْكِ الْمَشْحُونِ [26:119]

26-119 نو مونږ نجات وركړ هغه ته او هغه چا ته چې له ده سره په ډكه كشتۍ كې وو

### الآية 26:120

> ثُمَّ أَغْرَقْنَا بَعْدُ الْبَاقِينَ [26:120]

26-120 بیا مونږ له دې نه پس باقي خلق غرق (ډوب) كړل

### الآية 26:121

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:121]

26-121 بېشكه په دې كې خامخا لویه نښه ده او د دوى زیاتره مومنان نه وو

### الآية 26:122

> وَإِنَّ رَبَّكَ لَهُوَ الْعَزِيزُ الرَّحِيمُ [26:122]

26-122 او بېشكه ستا رب خامخا همغه ډېر غالب، بې حده رحم كوونكى دى

### الآية 26:123

> كَذَّبَتْ عَادٌ الْمُرْسَلِينَ [26:123]

26-123 عادیانو د رسولانو تكذیب وكړ

### الآية 26:124

> إِذْ قَالَ لَهُمْ أَخُوهُمْ هُودٌ أَلَا تَتَّقُونَ [26:124]

26-124 كله چې دوى ته د دوى ورور هود وویل: ایا تاسو نه وېرېږئ!

### الآية 26:125

> إِنِّي لَكُمْ رَسُولٌ أَمِينٌ [26:125]

26-125 بېشكه زه تاسو ته امانتګر رسول یم

### الآية 26:126

> فَاتَّقُوا اللَّهَ وَأَطِيعُونِ [26:126]

26-126 نو تاسو له الله نه ووېرېږئ او زما اطاعت وكړئ

### الآية 26:127

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:127]

26-127 او زه له تاسو نه په دې (تبلیغ) باندې هېڅ اجر (عوض) نه غواړم، زمااجر نه دى مګر په رب العلمین باندې

### الآية 26:128

> أَتَبْنُونَ بِكُلِّ رِيعٍ آيَةً تَعْبَثُونَ [26:128]

26-128 ایا تاسو په هر اوچت ځاى یوه نښه (لوړه ودانۍ) جوړوئ، په داسې حال كې چې عبثیات كوئ!

### الآية 26:129

> وَتَتَّخِذُونَ مَصَانِعَ لَعَلَّكُمْ تَخْلُدُونَ [26:129]

26-129 او تاسو پاخه عمارتونه جوړوئ، ښايي چې تاسو به (په دنیا كې) تل اوسېږئ

### الآية 26:130

> وَإِذَا بَطَشْتُمْ بَطَشْتُمْ جَبَّارِينَ [26:130]

26-130 او كله چې تاسو نیول كوئ (، نو) نیول كوئ، په داسې حال كې چې ظلم كوونكي يئ

### الآية 26:131

> فَاتَّقُوا اللَّهَ وَأَطِيعُونِ [26:131]

26-131 نو تاسو له الله نه ووېږئ او زما اطاعت وكړئ

### الآية 26:132

> وَاتَّقُوا الَّذِي أَمَدَّكُمْ بِمَا تَعْلَمُونَ [26:132]

26-132 او تاسو له هغه ذات نه ووېرېږئ چې ستاسو مدد يې كړى دى په هغه څه سره چې تاسو پرې پوه یئ

### الآية 26:133

> أَمَدَّكُمْ بِأَنْعَامٍ وَبَنِينَ [26:133]

26-133 هغه ستاسو مدد كړى دى په څارویو او زامنو سره

### الآية 26:134

> وَجَنَّاتٍ وَعُيُونٍ [26:134]

26-134 او باغونو او چینو سره

### الآية 26:135

> إِنِّي أَخَافُ عَلَيْكُمْ عَذَابَ يَوْمٍ عَظِيمٍ [26:135]

26-135 بېشكه زه پر تاسو باندې د ډېرې لويې ورځې د عذاب وېره كوم

### الآية 26:136

> قَالُوا سَوَاءٌ عَلَيْنَا أَوَعَظْتَ أَمْ لَمْ تَكُنْ مِنَ الْوَاعِظِينَ [26:136]

26-136 هغوى وویل: مونږ ته یو شان ده، ایا كه ته نصیحت (وعظ) كوې، یا ته نه كېږې له وعظ كوونكو نه

### الآية 26:137

> إِنْ هَٰذَا إِلَّا خُلُقُ الْأَوَّلِينَ [26:137]

26-137 نه دى دا ستا (وعظ كول) مګر عادت د پخوانیو خلقو

### الآية 26:138

> وَمَا نَحْنُ بِمُعَذَّبِينَ [26:138]

26-138 او مونږ له سره په عذاب كې مبتلا كېدونكي نه يو

### الآية 26:139

> فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:139]

26-139 نو دوى د هغه تكذیب وكړ، نو مونږه دوى هلاك كړل، بېشكه په دې كې خامخا لویه نښه ده او د دوى اكثره مومنان نه وو

### الآية 26:140

> وَإِنَّ رَبَّكَ لَهُوَ الْعَزِيزُ الرَّحِيمُ [26:140]

26-140 او بېشكه ستا رب خامخا همغه ښه غالب، بې حده رحم كوونكى دى

### الآية 26:141

> كَذَّبَتْ ثَمُودُ الْمُرْسَلِينَ [26:141]

26-141 ثمودیانو د رسولانو تكذیب وكړ

### الآية 26:142

> إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ [26:142]

26-142 كله چې دوى ته د دوى ورور صالح وویل: ایا تاسو نه وېرېږئ!

### الآية 26:143

> إِنِّي لَكُمْ رَسُولٌ أَمِينٌ [26:143]

26-143 بېشكه زه تاسو ته امانتګر رسول یم

### الآية 26:144

> فَاتَّقُوا اللَّهَ وَأَطِيعُونِ [26:144]

26-144 نو تاسو له الله نه ووېرېږئ او زما اطاعت وكړئ

### الآية 26:145

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:145]

26-145 او زه له تاسو نه په دې (تبلیغ) باندې هېڅ اجر نه غواړم، زما اجر نه دى مګر په رب العلمین باندې

### الآية 26:146

> أَتُتْرَكُونَ فِي مَا هَاهُنَا آمِنِينَ [26:146]

26-146 ایا تاسو به په پرېښودل شئ په هغو څیزونو كې چې دلته دي، په امن (او بې غمۍ) سره

### الآية 26:147

> فِي جَنَّاتٍ وَعُيُونٍ [26:147]

26-147 په باغونو او چینو كې

### الآية 26:148

> وَزُرُوعٍ وَنَخْلٍ طَلْعُهَا هَضِيمٌ [26:148]

26-148 او په فصلونو او داسې كجورو كې چې د هغو وږي (شګوفې) ډېر نرمې پستې وي

### الآية 26:149

> وَتَنْحِتُونَ مِنَ الْجِبَالِ بُيُوتًا فَارِهِينَ [26:149]

26-149 او تاسو په غرونو كې كورونه توږئ (كنئ)، په داسې حال كې چې ښه ماهران یئ

### الآية 26:150

> فَاتَّقُوا اللَّهَ وَأَطِيعُونِ [26:150]

26-150 نو تاسو له الله نه ووېرېږئ، او زما اطاعت وكړئ

### الآية 26:151

> وَلَا تُطِيعُوا أَمْرَ الْمُسْرِفِينَ [26:151]

26-151 او تاسو د اسراف كوونكو (له حد نه تېرېدونكو كافرانو) حكم مه منئ

### الآية 26:152

> الَّذِينَ يُفْسِدُونَ فِي الْأَرْضِ وَلَا يُصْلِحُونَ [26:152]

26-152 هغه چې په ځمكه كې فساد كوي او اصلاح نه كوي

### الآية 26:153

> قَالُوا إِنَّمَا أَنْتَ مِنَ الْمُسَحَّرِينَ [26:153]

26-153 هغوى وویل: بېشكه همدا خبره ده چې ته له جادو كړى شویو كسانو ځنې يې

### الآية 26:154

> مَا أَنْتَ إِلَّا بَشَرٌ مِثْلُنَا فَأْتِ بِآيَةٍ إِنْ كُنْتَ مِنَ الصَّادِقِينَ [26:154]

26-154 ته نه يې مګر زمونږ په مثل بشر، نو ته كومه معجزه راوړه! كه ته له رښتینو ځنې يې

### الآية 26:155

> قَالَ هَٰذِهِ نَاقَةٌ لَهَا شِرْبٌ وَلَكُمْ شِرْبُ يَوْمٍ مَعْلُومٍ [26:155]

26-155 او هغه وویل: دا اوښه ده، د دې لپاره د اوبو وار دى او تاسو لپاره د مقررې ورځې د اوبو وار دى

### الآية 26:156

> وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ [26:156]

26-156 او تاسو دې ته هېڅ تكلیف مه رسوئ، (ګنې) نو تاسو به د ډېرې لويې ورځې عذاب ونیسي

### الآية 26:157

> فَعَقَرُوهَا فَأَصْبَحُوا نَادِمِينَ [26:157]

26-157 نو دوى د هغې پړكي پرې كړل، بیا دوى پښېمانه شول

### الآية 26:158

> فَأَخَذَهُمُ الْعَذَابُ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:158]

26-158 نو دوى عذاب ونیول، بېشكه په دې كې خامخا لویه نښه ده او د دوى اكثره مومنان نه وو

### الآية 26:159

> وَإِنَّ رَبَّكَ لَهُوَ الْعَزِيزُ الرَّحِيمُ [26:159]

26-159 او بېشكه ستا رب خامخا همغه ډېر غالب، بې حده رحم كوونكى دى

### الآية 26:160

> كَذَّبَتْ قَوْمُ لُوطٍ الْمُرْسَلِينَ [26:160]

26-160 د لوط قوم د رسولانو تكذیب وكړ

### الآية 26:161

> إِذْ قَالَ لَهُمْ أَخُوهُمْ لُوطٌ أَلَا تَتَّقُونَ [26:161]

26-161 كله چې دوى ته د دوى ورور لوط وویل: ایا تاسو نه وېرېږئ!

### الآية 26:162

> إِنِّي لَكُمْ رَسُولٌ أَمِينٌ [26:162]

26-162 بېشكه زه تاسو ته امانتګر رسول یم

### الآية 26:163

> فَاتَّقُوا اللَّهَ وَأَطِيعُونِ [26:163]

26-163 نو تاسو له الله نه ووېرېږئ او زما اطاعت وكړئ

### الآية 26:164

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:164]

26-164 او زه له تاسو نه په دې (تبلیغ) باندې هېڅ اجر (عوض) نه غواړم، زما اجر نه دى مګر په رب العلمین باندې

### الآية 26:165

> أَتَأْتُونَ الذُّكْرَانَ مِنَ الْعَالَمِينَ [26:165]

26-165 ایا په مخلوقاتو كې تاسو له سړیو سره بدكاري كوئ

### الآية 26:166

> وَتَذَرُونَ مَا خَلَقَ لَكُمْ رَبُّكُمْ مِنْ أَزْوَاجِكُمْ ۚ بَلْ أَنْتُمْ قَوْمٌ عَادُونَ [26:166]

26-166 او تاسو پرېږدئ هغه څه چې تاسو لپاره ستاسو رب پیدا كړي دي، یعنې ستاسو ښځې، بلكې تاسو له حده تېرېدونكي خلق یئ

### الآية 26:167

> قَالُوا لَئِنْ لَمْ تَنْتَهِ يَا لُوطُ لَتَكُونَنَّ مِنَ الْمُخْرَجِينَ [26:167]

26-167 دوى وویل: قسم دى كه ته منع نه شوې اى لوطه! (نو) خامخا هرومرو به ته له اېستل شویو ځنې شې

### الآية 26:168

> قَالَ إِنِّي لِعَمَلِكُمْ مِنَ الْقَالِينَ [26:168]

26-168 هغه وویل: بېشكه زه ستاسو له عمل سره له سخت بغض لرونكو ځنې یم

### الآية 26:169

> رَبِّ نَجِّنِي وَأَهْلِي مِمَّا يَعْمَلُونَ [26:169]

26-169 اى زما ربه! ته ما ته او زما اهل ته نجات راكړې له هغو كارونو نه چې دوى يې كوي

### الآية 26:170

> فَنَجَّيْنَاهُ وَأَهْلَهُ أَجْمَعِينَ [26:170]

26-170 نو مونږ هغه ته او د هغه اهل ټولو ته نجات وركړ

### الآية 26:171

> إِلَّا عَجُوزًا فِي الْغَابِرِينَ [26:171]

26-171 غیر له یوې بوډۍ نه چې په باقي پاتې كېدونكو كې وه

### الآية 26:172

> ثُمَّ دَمَّرْنَا الْآخَرِينَ [26:172]

26-172 بیا مونږ هغه نور هلاك كړل

### الآية 26:173

> وَأَمْطَرْنَا عَلَيْهِمْ مَطَرًا ۖ فَسَاءَ مَطَرُ الْمُنْذَرِينَ [26:173]

26-173 او په دوى باندې مونږ باران ووراوه، عجیب (د كاڼو) باران، نو بد باران و د وېرول شویو (خلقو)

### الآية 26:174

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:174]

26-174 بېشكه په دې كې خامخا لویه نښه ده، او د دوى زیاتره مومنان نه وو

### الآية 26:175

> وَإِنَّ رَبَّكَ لَهُوَ الْعَزِيزُ الرَّحِيمُ [26:175]

26-175 او بېشكه ستا رب خامخا همغه ډېر غالب، بې حده رحم كوونكى دى

### الآية 26:176

> كَذَّبَ أَصْحَابُ الْأَيْكَةِ الْمُرْسَلِينَ [26:176]

26-176 د ونو ځنګل والاو د رسولانو تكذیب وكړ

### الآية 26:177

> إِذْ قَالَ لَهُمْ شُعَيْبٌ أَلَا تَتَّقُونَ [26:177]

26-177 كله چې دوى ته شعیب وویل: ایا تاسو نه وېرېږئ!

### الآية 26:178

> إِنِّي لَكُمْ رَسُولٌ أَمِينٌ [26:178]

26-178 بېشكه زه تاسو ته امانتګر رسول یم

### الآية 26:179

> فَاتَّقُوا اللَّهَ وَأَطِيعُونِ [26:179]

26-179 نو تاسو له الله نه ووېرېږئ او زما اطاعت وكړئ

### الآية 26:180

> وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ [26:180]

26-180 او زه له تاسو نه په دې (تبلیغ) باندې هېڅ اجر نه غواړم، زما اجر نه دى مګر په رب العلمین باندې

### الآية 26:181

> ۞ أَوْفُوا الْكَيْلَ وَلَا تَكُونُوا مِنَ الْمُخْسِرِينَ [26:181]

26-181 تاسو پېمانه پوره وركوئ او تاسو له كم وركونكو څخه مه كېږئ

### الآية 26:182

> وَزِنُوا بِالْقِسْطَاسِ الْمُسْتَقِيمِ [26:182]

26-182 او تاسو په برابرې تلې سره تول كوئ

### الآية 26:183

> وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ [26:183]

26-183 او تاسو خلقو ته د هغوى څیزونه مه كموئ، او مه ګرځئ په وراني سره په ځمكه كې، په دې حال چې فساد كوونكي یئ

### الآية 26:184

> وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ [26:184]

26-184 او تاسو له هغه ذات نه ووېرېږئ چې تاسو او ړومبني خلق يې پیدا كړي دي

### الآية 26:185

> قَالُوا إِنَّمَا أَنْتَ مِنَ الْمُسَحَّرِينَ [26:185]

26-185 هغوى وویل: بېشكه همدا خبره ده چې ته له جادو كړى شویو ځنې يې

### الآية 26:186

> وَمَا أَنْتَ إِلَّا بَشَرٌ مِثْلُنَا وَإِنْ نَظُنُّكَ لَمِنَ الْكَاذِبِينَ [26:186]

26-186 او ته نه يې مګر زمونږ په شان بشر، او یقینًا مونږ خامخا تا له دروغ ویونكو څخه ګڼو

### الآية 26:187

> فَأَسْقِطْ عَلَيْنَا كِسَفًا مِنَ السَّمَاءِ إِنْ كُنْتَ مِنَ الصَّادِقِينَ [26:187]

26-187 نو ته پر مونږ باندې له اسمانه ټوټې راوغورځوه، كه ته له رښتینو ځنې يې

### الآية 26:188

> قَالَ رَبِّي أَعْلَمُ بِمَا تَعْمَلُونَ [26:188]

26-188 هغه وویل: زما رب ښه عالم دى په هغو كارونو چې تاسو يې كوئ

### الآية 26:189

> فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ [26:189]

26-189 نو دوى د هغه تكذیب وكړ، پس دوى د سیوري د ورځې عذاب ونیول، بېشكه دغه (عذاب) د ډېرې لويې ورځې عذاب و

### الآية 26:190

> إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُمْ مُؤْمِنِينَ [26:190]

26-190 بېشكه په دې كې خامخا لویه نښه ده، او د دوى زیاتره مومنان نه وو

### الآية 26:191

> وَإِنَّ رَبَّكَ لَهُوَ الْعَزِيزُ الرَّحِيمُ [26:191]

26-191 او بېشكه ستا رب خامخا همغه ډېر غالب، بې حده رحم كوونكى دى

### الآية 26:192

> وَإِنَّهُ لَتَنْزِيلُ رَبِّ الْعَالَمِينَ [26:192]

26-192 او بېشكه دا (قرآن) د رب العلمین (له جانبه) نازل كړى شوى دى

### الآية 26:193

> نَزَلَ بِهِ الرُّوحُ الْأَمِينُ [26:193]

26-193 دا جبریل امین راكوز كړى دى

### الآية 26:194

> عَلَىٰ قَلْبِكَ لِتَكُونَ مِنَ الْمُنْذِرِينَ [26:194]

26-194 ستا په زړه باندې، د دې لپاره چې ته له وېروونكو څخه شې

### الآية 26:195

> بِلِسَانٍ عَرَبِيٍّ مُبِينٍ [26:195]

26-195 په ښكاره عربي ژبه كې

### الآية 26:196

> وَإِنَّهُ لَفِي زُبُرِ الْأَوَّلِينَ [26:196]

26-196 او بېشكه دا (قرآن، یعنې د ده ذكر) د ړومبنیو خلقو په كتابونو كې دى

### الآية 26:197

> أَوَلَمْ يَكُنْ لَهُمْ آيَةً أَنْ يَعْلَمَهُ عُلَمَاءُ بَنِي إِسْرَائِيلَ [26:197]

26-197 ایا دغه (كفارو) ته (د قرآن د حقانیت) دا لویه نښه نه ده چې د بني اسرائیلو عالمان په ده پوهېږي؟

### الآية 26:198

> وَلَوْ نَزَّلْنَاهُ عَلَىٰ بَعْضِ الْأَعْجَمِينَ [26:198]

26-198 او كه مونږ دا (قرآن) په عجمیانو كې په چا نازل كړى وى

### الآية 26:199

> فَقَرَأَهُ عَلَيْهِمْ مَا كَانُوا بِهِ مُؤْمِنِينَ [26:199]

26-199 بيا هغه دا (قرآن) دوى ته لوستلى وى، دوى په ده باندې ایمان راوړونكي نه وو

### الآية 26:200

> كَذَٰلِكَ سَلَكْنَاهُ فِي قُلُوبِ الْمُجْرِمِينَ [26:200]

26-200 همداسې مونږ دا (د قرآن تكذیب) د مجرمانو په زړونو كې ننه ایستلى دى

### الآية 26:201

> لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ [26:201]

26-201 دوى په ده ایمان نه راوړي تر هغه پورې چې دوى ډېر دردوونكى عذاب وویني

### الآية 26:202

> فَيَأْتِيَهُمْ بَغْتَةً وَهُمْ لَا يَشْعُرُونَ [26:202]

26-202 نو هغه (عذاب) به په دوى ناڅاپه راشي، په داسې حال كې چې دوى نه پوهېږي

### الآية 26:203

> فَيَقُولُوا هَلْ نَحْنُ مُنْظَرُونَ [26:203]

26-203 بیا به دوى وايي: ایا مونږ ته به مهلت راكولى شي؟

### الآية 26:204

> أَفَبِعَذَابِنَا يَسْتَعْجِلُونَ [26:204]

26-204 ایا نو دوى زمونږ همدا عذاب ژر غواړي

### الآية 26:205

> أَفَرَأَيْتَ إِنْ مَتَّعْنَاهُمْ سِنِينَ [26:205]

26-205 نو ته ما ته خبر راكړه كه مونږ دوى ته څو كاله نفع وركړو

### الآية 26:206

> ثُمَّ جَاءَهُمْ مَا كَانُوا يُوعَدُونَ [26:206]

26-206 بیا په دوى هغه (عذاب) راشي چې دوى سره به يې وعده كولى شوه

### الآية 26:207

> مَا أَغْنَىٰ عَنْهُمْ مَا كَانُوا يُمَتَّعُونَ [26:207]

26-207 (نو) د دوى به هېڅ په كار رانشي هغه څه چې دوى ته به (په هغو سره) نفع وركولى شوه

### الآية 26:208

> وَمَا أَهْلَكْنَا مِنْ قَرْيَةٍ إِلَّا لَهَا مُنْذِرُونَ [26:208]

26-208 او مونږ هېڅ یو كلى نه دى هلاك كړى مګر د هغه لپاره وېروونكي وو

### الآية 26:209

> ذِكْرَىٰ وَمَا كُنَّا ظَالِمِينَ [26:209]

26-209 د نصیحت كولو لپاره، اومونږ ظالمان نه وو

### الآية 26:210

> وَمَا تَنَزَّلَتْ بِهِ الشَّيَاطِينُ [26:210]

26-210 او دا (قرآن) شیطانانو نه دى راكوز كړى

### الآية 26:211

> وَمَا يَنْبَغِي لَهُمْ وَمَا يَسْتَطِيعُونَ [26:211]

26-211 او نه دا (كار) د هغوى لپاره صحیح دى او نه دوى (د دې كار) طاقت لري

### الآية 26:212

> إِنَّهُمْ عَنِ السَّمْعِ لَمَعْزُولُونَ [26:212]

26-212 بېشكه دوى (شیطانان) له اورېدلو نه خامخا منع كړى شوي (لرې كړى شوي) دي

### الآية 26:213

> فَلَا تَدْعُ مَعَ اللَّهِ إِلَٰهًا آخَرَ فَتَكُونَ مِنَ الْمُعَذَّبِينَ [26:213]

26-213 نو ته له الله سره بل هېڅ معبود مه بله، (ګنې) نو شې به ته له عذاب وركړى شویو نه

### الآية 26:214

> وَأَنْذِرْ عَشِيرَتَكَ الْأَقْرَبِينَ [26:214]

26-214 او ته خپل ډېر نژدې خپلوان ووېروه

### الآية 26:215

> وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ [26:215]

26-215 او ته خپل وزر ښكته كړه د هغه چا لپاره چې ستا پیروي يې كړې ده، چې مومنان دي

### الآية 26:216

> فَإِنْ عَصَوْكَ فَقُلْ إِنِّي بَرِيءٌ مِمَّا تَعْمَلُونَ [26:216]

26-216 نو كه دغو (خپلوانو) ستا نافرماني وكړه، نو ته (ورته) ووایه: بېشكه زه د هغو كارونو نه بېزاره یم چې تاسو يې كوئ

### الآية 26:217

> وَتَوَكَّلْ عَلَى الْعَزِيزِ الرَّحِيمِ [26:217]

26-217 او ته توكل وكړه په ډېر غالب، بې حده رحم كوونكي ذات باندې

### الآية 26:218

> الَّذِي يَرَاكَ حِينَ تَقُومُ [26:218]

26-218 هغه چې تا ویني كله چې ته پاڅېږې (لمانځه ته)

### الآية 26:219

> وَتَقَلُّبَكَ فِي السَّاجِدِينَ [26:219]

26-219 او په سجده كوونكو كې ستا اوښتل (ویني)

### الآية 26:220

> إِنَّهُ هُوَ السَّمِيعُ الْعَلِيمُ [26:220]

26-220 بېشكه هغه، هم هغه ښه اورېدونكى، ښه عالم دى

### الآية 26:221

> هَلْ أُنَبِّئُكُمْ عَلَىٰ مَنْ تَنَزَّلُ الشَّيَاطِينُ [26:221]

26-221 ایا زه تاسو ته خبر دركړم چې په چا باندې شیطانان راكوزېږي؟

### الآية 26:222

> تَنَزَّلُ عَلَىٰ كُلِّ أَفَّاكٍ أَثِيمٍ [26:222]

26-222 دوى په هر ډېر دروغجن، سخت مجرم باندې راكوزېږي

### الآية 26:223

> يُلْقُونَ السَّمْعَ وَأَكْثَرُهُمْ كَاذِبُونَ [26:223]

26-223 دوى غوږ ږدي (د ملايكو خبرو ته) او د دوى زیاتره دروغجنان دي

### الآية 26:224

> وَالشُّعَرَاءُ يَتَّبِعُهُمُ الْغَاوُونَ [26:224]

26-224 او شاعران (چې دي) د دوى پیروي ګمراه خلق كوي

### الآية 26:225

> أَلَمْ تَرَ أَنَّهُمْ فِي كُلِّ وَادٍ يَهِيمُونَ [26:225]

26-225 ایا ته نه وینې چې بېشكه دوى په هره وادۍ (ناو) كې سرګردانه ګرځي

### الآية 26:226

> وَأَنَّهُمْ يَقُولُونَ مَا لَا يَفْعَلُونَ [26:226]

26-226 او بېشكه دوى وايي هغه څه چې دوى يې (پخپله) نه كوي

### الآية 26:227

> إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا ۗ وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ [26:227]

26-227 غیر له هغو كسانو نه چې ایمان راوړي او نېك عملونه كوي او الله ډېر زیات یادوي او بدله اخلي كله چې پر دوى ظلم وكړى شي، او هغه كسان چې ظلم يې كړى دى ژر به پوه شي چې د بېرته ورتلو كوم ځاى ته به دوى بېرته ورځي

## روابط ذات صلة

- [النص القرآني للسورة](https://quranpedia.net/surah/1/26.md)
- [كل تفاسير سورة الشعراء
](https://quranpedia.net/surah-tafsir/26.md)
- [ترجمات سورة الشعراء
](https://quranpedia.net/translations/26.md)
- [صفحة الكتاب: الترجمة البشتوية](https://quranpedia.net/book/1969.md)
- [المؤلف: زكريا عبد السلام](https://quranpedia.net/person/1744.md)

---

زُر [Quranpedia.net](https://quranpedia.net/surah/1/26/book/1969) — موسوعة القرآن الكريم: التفاسير، الترجمات، التلاوات، والمواضيع.