---
title: "ترجمة سورة العنكبوت - الترجمة الطاجيكية - عارفي (الطاجيكية)"
url: "https://quranpedia.net/surah/1/29/book/1984.md"
canonical: "https://quranpedia.net/surah/1/29/book/1984"
surah_id: "29"
book_id: "1984"
book_name: "الترجمة الطاجيكية - عارفي"
author: "فريق متخصص مكلف من مركز رواد الترجمة بالشراكة مع موقع دار الإسلام"
type: "translation"
---

# ترجمة سورة العنكبوت - الترجمة الطاجيكية - عارفي (الطاجيكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/29/book/1984)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة العنكبوت - الترجمة الطاجيكية - عارفي (الطاجيكية) — https://quranpedia.net/surah/1/29/book/1984*.

Translation of Surah العنكبوت from "الترجمة الطاجيكية - عارفي" in الطاجيكية.

### الآية 29:1

> الم [29:1]

Алиф, лом, мим

### الآية 29:2

> أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ [29:2]

Оё мардум пиндоштаанд, ҳамин ки \[ба забон\] бигӯянд: **«Имон овардем»**, ононро \[ба ҳоли худ\] вомегузоранд ва озмуда намешаванд?

### الآية 29:3

> وَلَقَدْ فَتَنَّا الَّذِينَ مِنْ قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ [29:3]

Ва ба ростӣ касонеро, ки пеш аз онон буданд, низ озмудем ва то Аллоҳ таоло касонеро, ки \[дар бораи имонашон\] рост гуфтаанд, бозшиносад ва дурӯғгӯёнро \[низ\] маълум гардонад

### الآية 29:4

> أَمْ حَسِبَ الَّذِينَ يَعْمَلُونَ السَّيِّئَاتِ أَنْ يَسْبِقُونَا ۚ سَاءَ مَا يَحْكُمُونَ [29:4]

Оё касоне, ки корҳои ношоиста кардаанд, пиндоштаанд, ки метавонанд аз Мо пешӣ бигиранд \[ва аз азобамон бигурезанд\]? Чи бад доварӣ мекунанд!

### الآية 29:5

> مَنْ كَانَ يَرْجُو لِقَاءَ اللَّهِ فَإِنَّ أَجَلَ اللَّهِ لَآتٍ ۚ وَهُوَ السَّمِيعُ الْعَلِيمُ [29:5]

Ҳар ки ба дидори Аллоҳ таоло умед дорад, \[бидонад, ки\] ваъдаи Аллоҳ таоло, ҳатман, хоҳад омад ва ӯ шунавову доност

### الآية 29:6

> وَمَنْ جَاهَدَ فَإِنَّمَا يُجَاهِدُ لِنَفْسِهِ ۚ إِنَّ اللَّهَ لَغَنِيٌّ عَنِ الْعَالَمِينَ [29:6]

Ва ҳар ки \[дар роҳи ҳақ\] бикӯшад, ба суди хеш кӯшидааст. Бе тардид, Аллоҳ таоло аз ҷаҳониён бениёз аст

### الآية 29:7

> وَالَّذِينَ آمَنُوا وَعَمِلُوا الصَّالِحَاتِ لَنُكَفِّرَنَّ عَنْهُمْ سَيِّئَاتِهِمْ وَلَنَجْزِيَنَّهُمْ أَحْسَنَ الَّذِي كَانُوا يَعْمَلُونَ [29:7]

Ва касоне, ки имон овардаанд ва корҳои шоиста анҷом додаанд, яқинан гуноҳонашонро мезудоем ва ононро ба беҳтар аз он чи кардаанд, подош медиҳем

### الآية 29:8

> وَوَصَّيْنَا الْإِنْسَانَ بِوَالِدَيْهِ حُسْنًا ۖ وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۚ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ [29:8]

Ва ба инсон супориш кардем, ки ба падару модараш некӣ намояд ва \[гуфтем\]: «Агар он ду кӯшиданд, то чизеро, ки ту ба он донише надорӣ шарики Ман созӣ, пас, аз онҳо итоат макун. Бозгаштатон ба сӯи Ман аст, он гоҳ шуморо аз \[ҳақиқати\] он чи мекардед, огоҳ хоҳам кард

### الآية 29:9

> وَالَّذِينَ آمَنُوا وَعَمِلُوا الصَّالِحَاتِ لَنُدْخِلَنَّهُمْ فِي الصَّالِحِينَ [29:9]

Ва касоне, ки имон овардаанд ва корҳои шоиста анҷом додаанд, албатта, ононро дар \[зумраи\] шоистагон дармеоварем

### الآية 29:10

> وَمِنَ النَّاسِ مَنْ يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ وَلَئِنْ جَاءَ نَصْرٌ مِنْ رَبِّكَ لَيَقُولُنَّ إِنَّا كُنَّا مَعَكُمْ ۚ أَوَلَيْسَ اللَّهُ بِأَعْلَمَ بِمَا فِي صُدُورِ الْعَالَمِينَ [29:10]

Ва бархе аз мардум ҳастанд, ки мегӯянд **«ба Аллоҳ таоло имон овардем»**. Аммо ҳангоме ки дар роҳи Аллоҳ таоло озор мебинанд, озори кофиронро ҳамчун азоби Аллоҳ таоло \[сахту ҷонкоҳ\] медонанд \[ва аз имонашон даст мекашанд\] ва агар аз сӯйи Парвардигорат пирӯзӣ \[ва кушоише бароятон\] пеш ояд, мегӯянд: **«Бе тардид, мо \[низ\] бо шумо ҳамроҳ будем»**. Оё Аллоҳ таоло ба он чи дар дилҳои ҷаҳониён аст, донотар нест?

### الآية 29:11

> وَلَيَعْلَمَنَّ اللَّهُ الَّذِينَ آمَنُوا وَلَيَعْلَمَنَّ الْمُنَافِقِينَ [29:11]

Ва ба ростӣ, Аллоҳ таоло касонеро, ки имон овардаанд, ба хубӣ мешиносад ва яқинан, мунофиқонро \[низ\] мешиносад

### الآية 29:12

> وَقَالَ الَّذِينَ كَفَرُوا لِلَّذِينَ آمَنُوا اتَّبِعُوا سَبِيلَنَا وَلْنَحْمِلْ خَطَايَاكُمْ وَمَا هُمْ بِحَامِلِينَ مِنْ خَطَايَاهُمْ مِنْ شَيْءٍ ۖ إِنَّهُمْ لَكَاذِبُونَ [29:12]

Ва касоне, ки куфр варзиданд, ба касоне, ки имон оварданд, мегуфтанд: **«Аз роҳи мо пайравӣ кунед, ва ҳатман, бори гуноҳонатонро ба уҳда мегирем»**, вале онон ҳаргиз чизе аз гуноҳони эшонро бар уҳда нахоҳанд гирифт. Ба ростӣ, ки онон дурӯғгӯ ҳастанд

### الآية 29:13

> وَلَيَحْمِلُنَّ أَثْقَالَهُمْ وَأَثْقَالًا مَعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ [29:13]

Ва, ҳатман, бори сангини \[гуноҳи\] худ ва борҳои сангин \[-и гуноҳи пайравон\]-ашонро ҳамроҳи бори сангини худ ба дӯш хоҳанд кашид ва яқинан, рӯзи қиёмат дар мавриди дурӯғҳое, ки мебофтанд, бозхост хоҳанд шуд

### الآية 29:14

> وَلَقَدْ أَرْسَلْنَا نُوحًا إِلَىٰ قَوْمِهِ فَلَبِثَ فِيهِمْ أَلْفَ سَنَةٍ إِلَّا خَمْسِينَ عَامًا فَأَخَذَهُمُ الطُّوفَانُ وَهُمْ ظَالِمُونَ [29:14]

Ва Мо Нуҳро ба сӯи қавмаш фиристодем ва ӯ нуҳсаду панҷоҳ сол дар миёни онон буд. Он гоҳ, дар ҳоле ки ситамгор \[-у кофир\] буданд, тӯфон \[-и сангин\] ононро фаро гирифт

### الآية 29:15

> فَأَنْجَيْنَاهُ وَأَصْحَابَ السَّفِينَةِ وَجَعَلْنَاهَا آيَةً لِلْعَالَمِينَ [29:15]

Пас ӯ \[Нуҳ\] ва сарнишинони киштиро наҷот додем ва он \[киштӣ\]-ро нишонае барои \[ибрат гирифтани\] ҷаҳониён қарор додем

### الآية 29:16

> وَإِبْرَاهِيمَ إِذْ قَالَ لِقَوْمِهِ اعْبُدُوا اللَّهَ وَاتَّقُوهُ ۖ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ [29:16]

Ва \[ёд кун аз\] Иброҳим он гоҳ ки ба қавмаш гуфт: «Аллоҳро бипарастед ва аз Ӯ парво кунед, \[ки\] агар бидонед, ин кор бароятон беҳтар аст

### الآية 29:17

> إِنَّمَا تَعْبُدُونَ مِنْ دُونِ اللَّهِ أَوْثَانًا وَتَخْلُقُونَ إِفْكًا ۚ إِنَّ الَّذِينَ تَعْبُدُونَ مِنْ دُونِ اللَّهِ لَا يَمْلِكُونَ لَكُمْ رِزْقًا فَابْتَغُوا عِنْدَ اللَّهِ الرِّزْقَ وَاعْبُدُوهُ وَاشْكُرُوا لَهُ ۖ إِلَيْهِ تُرْجَعُونَ [29:17]

Ҷуз ин нест, ки ба ҷойи Аллоҳ таоло шумо фақат бутҳое \[аз сангу чӯб\]-ро мепарастед ва \[бо ин кор ба Аллоҳ таоло\] дурӯғ мебандед. Дар ҳақиқат, касонеро, ки шумо ба ҷойи Аллоҳ таоло мепарастед, ихтиёри рӯзиатонро надоранд, пас, \[неъмату\] рӯзиро танҳо аз пешгоҳи Аллоҳ таоло талаб кунед ва Ӯро бипарастед ва шукри Ӯро ба ҷо оваред \[ки\] ба сӯйи Ӯ бозгардонда мешавед

### الآية 29:18

> وَإِنْ تُكَذِّبُوا فَقَدْ كَذَّبَ أُمَمٌ مِنْ قَبْلِكُمْ ۖ وَمَا عَلَى الرَّسُولِ إِلَّا الْبَلَاغُ الْمُبِينُ [29:18]

Ва \[эй мушрикон\] агар шумо \[Муҳаммадро\] дурӯғгӯ бидонед, \[аҷиб нест\] бе тардид, бархе аз умматҳои пеш аз шумо низ \[паёмбарони илоҳиро\] дурӯғгӯ ангоштанд. Ва паёмбар вазифае ҷуз расонидани ошкори \[ваҳй\] надорад»

### الآية 29:19

> أَوَلَمْ يَرَوْا كَيْفَ يُبْدِئُ اللَّهُ الْخَلْقَ ثُمَّ يُعِيدُهُ ۚ إِنَّ ذَٰلِكَ عَلَى اللَّهِ يَسِيرٌ [29:19]

Оё надиданд, ки Аллоҳ таоло чи гуна офаринишро оғоз мекунад, сипас онро \[пас аз маргаш\] бозмегардонад? Ҳатман, ин кор барои Аллоҳ таоло осон аст

### الآية 29:20

> قُلْ سِيرُوا فِي الْأَرْضِ فَانْظُرُوا كَيْفَ بَدَأَ الْخَلْقَ ۚ ثُمَّ اللَّهُ يُنْشِئُ النَّشْأَةَ الْآخِرَةَ ۚ إِنَّ اللَّهَ عَلَىٰ كُلِّ شَيْءٍ قَدِيرٌ [29:20]

\[Эй паёмбар, ба кофирон\] бигӯ: «Дар замин гардиш кунед ва бингаред, ки Аллоҳ таоло чи гуна офаринишро оғоз кард, пас, \[ба ҳамин сурат низ\] зиндагии дигарро падид меоварад. Бе тардид, Аллоҳ таоло бар ҳар коре тавоност

### الآية 29:21

> يُعَذِّبُ مَنْ يَشَاءُ وَيَرْحَمُ مَنْ يَشَاءُ ۖ وَإِلَيْهِ تُقْلَبُونَ [29:21]

Ӯ ҳар киро бихоҳад, азоб мекунад ва бар ҳар ки бихоҳад, раҳмат меоварад ва \[ҳамагӣ\] ба сӯяш бозгардонда мешавед

### الآية 29:22

> وَمَا أَنْتُمْ بِمُعْجِزِينَ فِي الْأَرْضِ وَلَا فِي السَّمَاءِ ۖ وَمَا لَكُمْ مِنْ دُونِ اللَّهِ مِنْ وَلِيٍّ وَلَا نَصِيرٍ [29:22]

Шумо - \[на\] дар замин ва на дар осмон – ҳаргиз нотавонкунандаи Ӯ нестед ва ҷуз Аллоҳ таоло ҳеҷ корсозу ёваре надоред»

### الآية 29:23

> وَالَّذِينَ كَفَرُوا بِآيَاتِ اللَّهِ وَلِقَائِهِ أُولَٰئِكَ يَئِسُوا مِنْ رَحْمَتِي وَأُولَٰئِكَ لَهُمْ عَذَابٌ أَلِيمٌ [29:23]

Ва касоне, ки ба оёти Аллоҳ таоло ва дидори Ӯ куфр варзиданд, ононанд, ки аз раҳмати Ман маъюсанд ва азоби дардноке барояшон \[дар пеш\] аст

### الآية 29:24

> فَمَا كَانَ جَوَابَ قَوْمِهِ إِلَّا أَنْ قَالُوا اقْتُلُوهُ أَوْ حَرِّقُوهُ فَأَنْجَاهُ اللَّهُ مِنَ النَّارِ ۚ إِنَّ فِي ذَٰلِكَ لَآيَاتٍ لِقَوْمٍ يُؤْمِنُونَ [29:24]

Он гоҳ ҷавоби қавми ӯ \[Иброҳим\] ҷуз ин набуд, ки гуфтанд: **«Ӯро бикушед, бисӯзонед»**. Пас, Аллоҳ таоло аз оташ наҷоташ дод. Бе тардид, дар ин \[раҳоӣ аз оташ\] барои гурӯҳе, ки имон меоваранд, нишонаҳое \[барои ибрат гирифтан\] аст

### الآية 29:25

> وَقَالَ إِنَّمَا اتَّخَذْتُمْ مِنْ دُونِ اللَّهِ أَوْثَانًا مَوَدَّةَ بَيْنِكُمْ فِي الْحَيَاةِ الدُّنْيَا ۖ ثُمَّ يَوْمَ الْقِيَامَةِ يَكْفُرُ بَعْضُكُمْ بِبَعْضٍ وَيَلْعَنُ بَعْضُكُمْ بَعْضًا وَمَأْوَاكُمُ النَّارُ وَمَا لَكُمْ مِنْ نَاصِرِينَ [29:25]

Ва \[Иброҳим\] гуфт: **«Шумо ба ҷойи Аллоҳ таоло бутҳое барои худ баргузидаед, ки \[мояи дӯстӣ ва\] муҳаббат миёни шумо дар зиндагии дунё бошад. Он гоҳ рӯзи қиёмат мункири якдигар мешавед ва ҳамдигарро лаънат мекунед ва ҷойгоҳатон оташ аст ва ҳеҷ ёригаре нахоҳед дошт»**

### الآية 29:26

> ۞ فَآمَنَ لَهُ لُوطٌ ۘ وَقَالَ إِنِّي مُهَاجِرٌ إِلَىٰ رَبِّي ۖ إِنَّهُ هُوَ الْعَزِيزُ الْحَكِيمُ [29:26]

Пас, Лут ба ӯ имон овард ва \[Иброҳим\] гуфт: **«Ман ба сӯйи Парвардигорам \[ба сарзамини Шом\] ҳиҷрат мекунам. Бе тардид, Ӯ шикастнопазири ҳаким аст»**

### الآية 29:27

> وَوَهَبْنَا لَهُ إِسْحَاقَ وَيَعْقُوبَ وَجَعَلْنَا فِي ذُرِّيَّتِهِ النُّبُوَّةَ وَالْكِتَابَ وَآتَيْنَاهُ أَجْرَهُ فِي الدُّنْيَا ۖ وَإِنَّهُ فِي الْآخِرَةِ لَمِنَ الصَّالِحِينَ [29:27]

Ва Исҳоқу Яъқубро ба ӯ бахшидем ва миёни фарзандонаш нубувват ва китоб \[-и осмонӣ\] қарор додем ва подошашро дар ин дунё додем ва яқинан, ӯ дар охират \[низ\] аз шоистагон хоҳад буд

### الآية 29:28

> وَلُوطًا إِذْ قَالَ لِقَوْمِهِ إِنَّكُمْ لَتَأْتُونَ الْفَاحِشَةَ مَا سَبَقَكُمْ بِهَا مِنْ أَحَدٍ مِنَ الْعَالَمِينَ [29:28]

Ва \[ёд кун аз\] Лут ҳангоме ки ба қавмаш гуфт: «Воқеан, кори бисёр зиште мекунед, ки пеш аз шумо ҳеҷ як аз мардуми ҷаҳон анҷом надодааст

### الآية 29:29

> أَئِنَّكُمْ لَتَأْتُونَ الرِّجَالَ وَتَقْطَعُونَ السَّبِيلَ وَتَأْتُونَ فِي نَادِيكُمُ الْمُنْكَرَ ۖ فَمَا كَانَ جَوَابَ قَوْمِهِ إِلَّا أَنْ قَالُوا ائْتِنَا بِعَذَابِ اللَّهِ إِنْ كُنْتَ مِنَ الصَّادِقِينَ [29:29]

Оё бо мардон меомезед ва \[ба қасди таҷовуз ба мусофирон\] роҳро мебандед ва дар маҷолиси худ муртакиби корҳои нописанд мешавед»? Пас, посухи қавмаш ҷуз ин набуд, ки гуфтанд: **«Агар ростгӯӣ, азоби илоҳиро пеш овар»**

### الآية 29:30

> قَالَ رَبِّ انْصُرْنِي عَلَى الْقَوْمِ الْمُفْسِدِينَ [29:30]

\[Лут\] Гуфт: **«Парвардигоро, маро дар баробари муфсидон ёрӣ кун»**

### الآية 29:31

> وَلَمَّا جَاءَتْ رُسُلُنَا إِبْرَاهِيمَ بِالْبُشْرَىٰ قَالُوا إِنَّا مُهْلِكُو أَهْلِ هَٰذِهِ الْقَرْيَةِ ۖ إِنَّ أَهْلَهَا كَانُوا ظَالِمِينَ [29:31]

Ва ҳангоме ки фиристодагони мо ба Иброҳим башорати \[таваллуди писарашро\] доданд, ба ӯ гуфтанд: **«Мо сокинони шаҳри \[Садум\]-ро нобуд хоҳем кард, \[чаро ки\] бе тардид, мардуми он ҷо ситамгоранд»**

### الآية 29:32

> قَالَ إِنَّ فِيهَا لُوطًا ۚ قَالُوا نَحْنُ أَعْلَمُ بِمَنْ فِيهَا ۖ لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ [29:32]

\[Иброҳим\] Гуфт: **«Лут низ дар он ҷост»**. Фариштагон гуфтанд: **«Мо беҳтар медонем чи касоне дар он ҷо ҳастанд. Ӯ ва хонаводаашро, ҳатман, наҷот хоҳем дод, магар ҳамсараш, ки аз бозмондагон \[дар азоб\] хоҳад буд»**

### الآية 29:33

> وَلَمَّا أَنْ جَاءَتْ رُسُلُنَا لُوطًا سِيءَ بِهِمْ وَضَاقَ بِهِمْ ذَرْعًا وَقَالُوا لَا تَخَفْ وَلَا تَحْزَنْ ۖ إِنَّا مُنَجُّوكَ وَأَهْلَكَ إِلَّا امْرَأَتَكَ كَانَتْ مِنَ الْغَابِرِينَ [29:33]

Ва чун фариштагони мо назди Лут омаданд, аз \[тасаввури бешармии қавмаш нисбат ба\] онон нигарон ва дилтанг шуд ва \[фариштагон\] гуфтанд: Натарс ва андуҳгин набош. Мо ту ва хонаводаатро, ҳатман, наҷот медиҳем, магар ҳамсаратро, ки аз бозмондагон \[дар азоб\] аст

### الآية 29:34

> إِنَّا مُنْزِلُونَ عَلَىٰ أَهْلِ هَٰذِهِ الْقَرْيَةِ رِجْزًا مِنَ السَّمَاءِ بِمَا كَانُوا يَفْسُقُونَ [29:34]

Мо бар сокинони ин шаҳр – ба кайфари он ки нофармонӣ \[ва гуноҳ\] кардаанд – азобе аз осмон фуруд меоварем»

### الآية 29:35

> وَلَقَدْ تَرَكْنَا مِنْهَا آيَةً بَيِّنَةً لِقَوْمٍ يَعْقِلُونَ [29:35]

Ва дар ҳақиқат, мо аз он шаҳр \[-и вайроншуда\] барои касоне, ки меандешанд, нишона \[ва ибрати\] ошкоре боқӣ гузоштем

### الآية 29:36

> وَإِلَىٰ مَدْيَنَ أَخَاهُمْ شُعَيْبًا فَقَالَ يَا قَوْمِ اعْبُدُوا اللَّهَ وَارْجُوا الْيَوْمَ الْآخِرَ وَلَا تَعْثَوْا فِي الْأَرْضِ مُفْسِدِينَ [29:36]

Ва ба сӯйи \[сокинони\] Мадян бародарашон Шуайб \[-ро фирситодем\]. Ӯ гуфт: **«Эй қавми ман, Аллоҳро бипарастед ва ба рӯзи бозпасин умедвор бошед ва дар замин ба фасод \[ва табоҳӣ\] накӯшед»**

### الآية 29:37

> فَكَذَّبُوهُ فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ [29:37]

Вале ӯро дурӯғгӯ ангоштанд ва зилзила ононро фаро гирифт. Пас, дар хонаҳои худ ба рӯй афтоданд ва ҳалок шуданд

### الآية 29:38

> وَعَادًا وَثَمُودَ وَقَدْ تَبَيَّنَ لَكُمْ مِنْ مَسَاكِنِهِمْ ۖ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ وَكَانُوا مُسْتَبْصِرِينَ [29:38]

Ва \[қавми\] Од ва Самудро \[низ ҳалок кардем\] ва яқинан бархе аз хонаҳои \[вайроншудаи\] онон бароятон намоён аст. Ва шайтон корҳояшонро дар назарашон биёрост ва ононро аз роҳи \[ҳақ\] боздошт, дар ҳоле ки \[нисбат ба ҳаққу ботил\] бино буданд

### الآية 29:39

> وَقَارُونَ وَفِرْعَوْنَ وَهَامَانَ ۖ وَلَقَدْ جَاءَهُمْ مُوسَىٰ بِالْبَيِّنَاتِ فَاسْتَكْبَرُوا فِي الْأَرْضِ وَمَا كَانُوا سَابِقِينَ [29:39]

Ва Қорун ва Фиръавн ва Ҳомонро \[низ нобуд кардем\] ва ба ростӣ, Мӯсо бо далоили равшан наздашон омад, пас, онон дар сарзамин \[-и Миср\] саркашӣ карданд, вале \[аз азоби илоҳӣ\] пешӣ нагирифтанд \[ва роҳи фирор надоштанд\]

### الآية 29:40

> فَكُلًّا أَخَذْنَا بِذَنْبِهِ ۖ فَمِنْهُمْ مَنْ أَرْسَلْنَا عَلَيْهِ حَاصِبًا وَمِنْهُمْ مَنْ أَخَذَتْهُ الصَّيْحَةُ وَمِنْهُمْ مَنْ خَسَفْنَا بِهِ الْأَرْضَ وَمِنْهُمْ مَنْ أَغْرَقْنَا ۚ وَمَا كَانَ اللَّهُ لِيَظْلِمَهُمْ وَلَٰكِنْ كَانُوا أَنْفُسَهُمْ يَظْلِمُونَ [29:40]

Пас, ҳар яке аз эшонро ба \[кайфари\] гуноҳашон азоб кардем. Пас, ба бархе аз онон борони санг фиристодем ва бархе дигарро бонги маргбор фурӯ гирифт ва бархеро дар замин фурӯ бурдем ва бархеро ғарқ кардем. Аллоҳ таоло ҳаргиз ба онон ситам накард, балки онон \[худ\] ба хештан ситам мекарданд

### الآية 29:41

> مَثَلُ الَّذِينَ اتَّخَذُوا مِنْ دُونِ اللَّهِ أَوْلِيَاءَ كَمَثَلِ الْعَنْكَبُوتِ اتَّخَذَتْ بَيْتًا ۖ وَإِنَّ أَوْهَنَ الْبُيُوتِ لَبَيْتُ الْعَنْكَبُوتِ ۖ لَوْ كَانُوا يَعْلَمُونَ [29:41]

Масали касоне, ки ба ҷойи Аллоҳ таоло дӯстоне \[аз сангу чӯб ва мурдагонро ба унвони шафоатгар\] барои худ баргузидаанд, ҳамчун масали анкабут аст, ки хонаи \[бедавомро паноҳгоҳи хеш\] баргузидааст ва бе тардид, сусттарин хонаҳо хонаи анкабут аст. Агар \[мушрикон ин ҳақиқатро\] медонистанд, \[бутҳоро ба парастиш намегирифтанд\]

### الآية 29:42

> إِنَّ اللَّهَ يَعْلَمُ مَا يَدْعُونَ مِنْ دُونِهِ مِنْ شَيْءٍ ۚ وَهُوَ الْعَزِيزُ الْحَكِيمُ [29:42]

Яқинан, Аллоҳ таоло ҳар он чиро ба ҷойи Ӯ \[ба парастиш\] мехонанд медонад ва Ӯ шикастнопазири ҳаким аст

### الآية 29:43

> وَتِلْكَ الْأَمْثَالُ نَضْرِبُهَا لِلنَّاسِ ۖ وَمَا يَعْقِلُهَا إِلَّا الْعَالِمُونَ [29:43]

Ин масалҳоро барои мардум мезанем ва ҷуз доноён касе онҳоро дарнамеёбад

### الآية 29:44

> خَلَقَ اللَّهُ السَّمَاوَاتِ وَالْأَرْضَ بِالْحَقِّ ۚ إِنَّ فِي ذَٰلِكَ لَآيَةً لِلْمُؤْمِنِينَ [29:44]

Аллоҳ таоло осмонҳо ва заминро ба ҳақ офарид. Бе тардид, дар ин \[офариниш\] барои муъминон нишонае \[аз қудрати илоҳӣ\] аст

### الآية 29:45

> اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ ۖ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنْكَرِ ۗ وَلَذِكْرُ اللَّهِ أَكْبَرُ ۗ وَاللَّهُ يَعْلَمُ مَا تَصْنَعُونَ [29:45]

\[Эй паёмбар\] Он чиро аз ин китоб бар ту ваҳй шудааст, тиловат кун ва намоз барпо дор. Ба ростӣ, ки намоз инсонро аз гуноҳ ва зишткорӣ бозмедорад ва, албатта, ёди Аллоҳ таоло \[аз ҳар коре\] болотар аст ва Аллоҳ таоло медонад, ки чи мекунед

### الآية 29:46

> ۞ وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ ۖ وَقُولُوا آمَنَّا بِالَّذِي أُنْزِلَ إِلَيْنَا وَأُنْزِلَ إِلَيْكُمْ وَإِلَٰهُنَا وَإِلَٰهُكُمْ وَاحِدٌ وَنَحْنُ لَهُ مُسْلِمُونَ [29:46]

\[Эй муъминон\] Бо аҳли китоб ҷуз ба беҳтарин шева баҳсу мунозира накунед, магар касоне аз онон, ки ситам карданд \[ва бо шумо ба ҷанг брахостанд\] ва бигӯед: **«Мо ба тамоми он чи \[аз сӯйи Аллоҳ таоло\] бар мо ва шумо нозил шудааст, имон овардаем ва маъбуди мо ва шумо якест ва мо таслими \[фармони\] Ӯ ҳастем»**

### الآية 29:47

> وَكَذَٰلِكَ أَنْزَلْنَا إِلَيْكَ الْكِتَابَ ۚ فَالَّذِينَ آتَيْنَاهُمُ الْكِتَابَ يُؤْمِنُونَ بِهِ ۖ وَمِنْ هَٰؤُلَاءِ مَنْ يُؤْمِنُ بِهِ ۚ وَمَا يَجْحَدُ بِآيَاتِنَا إِلَّا الْكَافِرُونَ [29:47]

Ва бад-ин гуна \[ки ба паёмбарони пешин китоби осмонӣ фурӯ фиристодем\] ин китобро \[низ\] бар ту нозил кардем, пас, касоне, ки \[пеш аз ту\] ба онон китоб \[-и осмонӣ\] додем, ба ин \[Қуръон низ\] имон меоваранд ва аз инон \[мушрикон\] касоне ҳастанд, ки ба он имон меоваранд ва ҷуз кофирон \[касе\] оёти Моро инкор намекунад

### الآية 29:48

> وَمَا كُنْتَ تَتْلُو مِنْ قَبْلِهِ مِنْ كِتَابٍ وَلَا تَخُطُّهُ بِيَمِينِكَ ۖ إِذًا لَارْتَابَ الْمُبْطِلُونَ [29:48]

Ва пеш аз \[нузули\] Қуръон ту \[ҳаргиз\] ҳеҷ китобе намехондӣ ва бо дасти худ чизе наменавиштӣ, вагарна, ҳатман, ботиландешон \[дар бораи ҳақиқати паёмбариат\] тардид мекарданд

### الآية 29:49

> بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ ۚ وَمَا يَجْحَدُ بِآيَاتِنَا إِلَّا الظَّالِمُونَ [29:49]

Балки он \[китоб муштамил бар\] оёти равшанест, ки дар синаи донишварон \[-и муъмин\] ҷой дорад ва ҷуз ситамгорон \[-и мушрик касе\] оёти Моро инкор намекунад

### الآية 29:50

> وَقَالُوا لَوْلَا أُنْزِلَ عَلَيْهِ آيَاتٌ مِنْ رَبِّهِ ۖ قُلْ إِنَّمَا الْآيَاتُ عِنْدَ اللَّهِ وَإِنَّمَا أَنَا نَذِيرٌ مُبِينٌ [29:50]

Ва \[мушрикон\] гуфтанд: **«Чаро муъҷизоте аз сӯи Парвардигораш бар ӯ нозил нашудааст»**? Бигӯ: **«Муъҷизот назди Аллоҳ таоло аст \[ва ба фармони Ӯ нозил мешавад\] ва ман фақат бимдиҳандаи ошкорам»**

### الآية 29:51

> أَوَلَمْ يَكْفِهِمْ أَنَّا أَنْزَلْنَا عَلَيْكَ الْكِتَابَ يُتْلَىٰ عَلَيْهِمْ ۚ إِنَّ فِي ذَٰلِكَ لَرَحْمَةً وَذِكْرَىٰ لِقَوْمٍ يُؤْمِنُونَ [29:51]

Оё барояшон кофӣ нест, ки Мо Қуръонро бар ту нозил кардем, ки \[пайваста\] бар онон хонда мешавад? Бе гумон, дар ин \[Қуръон\] барои мардуме, ки имон меоваранд, раҳмату панд аст

### الآية 29:52

> قُلْ كَفَىٰ بِاللَّهِ بَيْنِي وَبَيْنَكُمْ شَهِيدًا ۖ يَعْلَمُ مَا فِي السَّمَاوَاتِ وَالْأَرْضِ ۗ وَالَّذِينَ آمَنُوا بِالْبَاطِلِ وَكَفَرُوا بِاللَّهِ أُولَٰئِكَ هُمُ الْخَاسِرُونَ [29:52]

Бигӯ: **«Ҳамин бас, ки Аллоҳ таоло миёни ману шумо гувоҳ аст. Ӯ он чиро, ки дар осмонҳо ва замин аст, медонад ва касоне, ки ба ботил гаравидаанд ва ба Аллоҳ таоло куфр варзидаанд, ононанд, ки зиёнкоранд»**

### الآية 29:53

> وَيَسْتَعْجِلُونَكَ بِالْعَذَابِ ۚ وَلَوْلَا أَجَلٌ مُسَمًّى لَجَاءَهُمُ الْعَذَابُ وَلَيَأْتِيَنَّهُمْ بَغْتَةً وَهُمْ لَا يَشْعُرُونَ [29:53]

Ва \[мушрикон\] ба шитоб аз ту дархости азоб мекунанд ва агар мавъиди муқарраре \[дар кор\] набуд, яқинан, азоби \[илоҳӣ\] ба \[суроғи\] онон меомад ва \[саранҷом\] дар ҳоле ки ғофиланд, ногаҳон ба суроғашон хоҳад омад

### الآية 29:54

> يَسْتَعْجِلُونَكَ بِالْعَذَابِ وَإِنَّ جَهَنَّمَ لَمُحِيطَةٌ بِالْكَافِرِينَ [29:54]

Ва \[мушрикон\] ба шитоб аз ту дархости азоб мекунанд, ва яқинан, дузах бар кофирон иҳота дорад

### الآية 29:55

> يَوْمَ يَغْشَاهُمُ الْعَذَابُ مِنْ فَوْقِهِمْ وَمِنْ تَحْتِ أَرْجُلِهِمْ وَيَقُولُ ذُوقُوا مَا كُنْتُمْ تَعْمَلُونَ [29:55]

Рӯзе, ки азоб аз болои сару зери пояшон ононро фаро мегирад ва \[Аллоҳ таоло ба онон\] мефармояд: «\[Кайфари\] Он чиро анҷом медодед, бичашед

### الآية 29:56

> يَا عِبَادِيَ الَّذِينَ آمَنُوا إِنَّ أَرْضِي وَاسِعَةٌ فَإِيَّايَ فَاعْبُدُونِ [29:56]

Эй бандагони ман, ки имон овардаед, бе гумон, замини Ман густарда аст \[пас, барои раҳоӣ аз фишори мушрикон ҳиҷрат кунед\] ва танҳо Маро парастед»

### الآية 29:57

> كُلُّ نَفْسٍ ذَائِقَةُ الْمَوْتِ ۖ ثُمَّ إِلَيْنَا تُرْجَعُونَ [29:57]

Ҳар касе чашандаи \[таъми\] марг аст; он гоҳ ба сӯи Мо бозгардонда мешавед

### الآية 29:58

> وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُمْ مِنَ الْجَنَّةِ غُرَفًا تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ نِعْمَ أَجْرُ الْعَامِلِينَ [29:58]

Ва касоне, ки имон овардаанд ва корҳои шоиста анҷом додаанд, ҳатман, ононро дар ғурфаҳое аз биҳишт ҷой медиҳем, ки ҷӯйборҳо аз зери он ҷорӣ аст. Ҷовидона дар он хоҳанд монд. Чи накуст подоши амалкунандагон!

### الآية 29:59

> الَّذِينَ صَبَرُوا وَعَلَىٰ رَبِّهِمْ يَتَوَكَّلُونَ [29:59]

\[Ҳамон\] Касоне, ки шикебоӣ варзиданд ва танҳо бар Парвардигорашон таваккал мекунанд

### الآية 29:60

> وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ ۚ وَهُوَ السَّمِيعُ الْعَلِيمُ [29:60]

Ва чи бисёр ҷондороне, ки \[наметавонанд\] рӯзии худро ҳамл \[ё захира\] кунанд. Аллоҳ таоло ба онҳо ва шумо рӯзӣ медиҳад ва Ӯ шунавову доност

### الآية 29:61

> وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ ۖ فَأَنَّىٰ يُؤْفَكُونَ [29:61]

Ва агар аз онон \[мушрикон\] бипурсӣ: **«Чи касе осмонҳо ва заминро офарида ва хуршеду моҳро ба хидмат \[-и инсон\] гумоштааст?»**. Мусалламан, мегӯянд: «Аллоҳ таоло. Пас, чи гуна \[аз ҳақ\] рӯйгардон мешаванд?

### الآية 29:62

> اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ ۚ إِنَّ اللَّهَ بِكُلِّ شَيْءٍ عَلِيمٌ [29:62]

Аллоҳ таоло \[неъмату\] рӯзиро бар ҳар ки бихоҳад густурда медорад ва \[ё\] танг мегирад. Бе тардид, Аллоҳ таоло ба ҳар чизе доност

### الآية 29:63

> وَلَئِنْ سَأَلْتَهُمْ مَنْ نَزَّلَ مِنَ السَّمَاءِ مَاءً فَأَحْيَا بِهِ الْأَرْضَ مِنْ بَعْدِ مَوْتِهَا لَيَقُولُنَّ اللَّهُ ۚ قُلِ الْحَمْدُ لِلَّهِ ۚ بَلْ أَكْثَرُهُمْ لَا يَعْقِلُونَ [29:63]

Ва агар аз онон бипурсӣ: **«Чи касе аз осмон борон фиристод ва ба василаи он заминро – пас аз хушкӣ ва хазонаш – зинда кард»**? Мусалламан, мегӯянд: **«Аллоҳ таоло»**. Бигӯ: **«Ҳамду ситоиш махсуси Аллоҳ таоло аст»**, балки бештарашон \[дар ин нишонаҳо\] намеандешанд

### الآية 29:64

> وَمَا هَٰذِهِ الْحَيَاةُ الدُّنْيَا إِلَّا لَهْوٌ وَلَعِبٌ ۚ وَإِنَّ الدَّارَ الْآخِرَةَ لَهِيَ الْحَيَوَانُ ۚ لَوْ كَانُوا يَعْلَمُونَ [29:64]

Ва ин зиндагии дунё \[чизе\] ҷуз саргармӣ ва бозича нест ва бе тардид, сарои охират зиндагонӣ \[-и ростин\] аст. Агар \[кофирон ин ҳақиқатро\] медонистанд \[ба дунё дилбаста намебуданд\]

### الآية 29:65

> فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ [29:65]

Вақте \[мушрикон\] дар киштӣ савор мешаванд, Аллоҳро бо ихлос мехонанд, аммо чун ононро ба хушкӣ мерасонад ва \[аз хатари ғарқ шудан\] мераҳонад, он гоҳ \[боз ҳам\] ширк меварзанд

### الآية 29:66

> لِيَكْفُرُوا بِمَا آتَيْنَاهُمْ وَلِيَتَمَتَّعُوا ۖ فَسَوْفَ يَعْلَمُونَ [29:66]

\[Чунин мекунанд\] То нисбат ба неъматҳое, ки ба эшон додаем, носипосӣ кунанд ва \[аз лаззатҳои зиндагии дунё\] баҳраманд бошанд. Пас, ба зудӣ \[саранҷоми дарднокашонро\] хоҳанд донист

### الآية 29:67

> أَوَلَمْ يَرَوْا أَنَّا جَعَلْنَا حَرَمًا آمِنًا وَيُتَخَطَّفُ النَّاسُ مِنْ حَوْلِهِمْ ۚ أَفَبِالْبَاطِلِ يُؤْمِنُونَ وَبِنِعْمَةِ اللَّهِ يَكْفُرُونَ [29:67]

Оё надидаанд, дар ҳоле ки мардум перомунашон \[гирифтори қатлу ғорат ҳастанд ва\] мавриди дастбурд қарор мегиранд, Мо ҳарами амне \[барои мардуми Макка\] падид овардем? Оё \[боз ҳам\] ба \[бутҳои\] ботил имон меоваранд ва нисбат ба неъмати Аллоҳ таоло носипосӣ мекунанд?

### الآية 29:68

> وَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا أَوْ كَذَّبَ بِالْحَقِّ لَمَّا جَاءَهُ ۚ أَلَيْسَ فِي جَهَنَّمَ مَثْوًى لِلْكَافِرِينَ [29:68]

Ва кист ситамгортар аз он ки бар Аллоҳ таоло дурӯғ мебандад ё ҳақро – он гоҳ ба ӯ мерасад – дурӯғ меангорад? Оё дар дузах ҷойгоҳе барои кофирон нест?

### الآية 29:69

> وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ [29:69]

Касоне, ки дар роҳи \[хушнудии\] Мо мекӯшанд, ҳатман, ба роҳҳои хеш ҳидояташон мекунем ва бе тардид, Аллоҳ таоло бо накукорон аст

## روابط ذات صلة

- [النص القرآني للسورة](https://quranpedia.net/surah/1/29.md)
- [كل تفاسير سورة العنكبوت
](https://quranpedia.net/surah-tafsir/29.md)
- [ترجمات سورة العنكبوت
](https://quranpedia.net/translations/29.md)
- [صفحة الكتاب: الترجمة الطاجيكية - عارفي](https://quranpedia.net/book/1984.md)
- [المؤلف: فريق متخصص مكلف من مركز رواد الترجمة بالشراكة مع موقع دار الإسلام](https://quranpedia.net/person/1759.md)

---

زُر [Quranpedia.net](https://quranpedia.net/surah/1/29/book/1984) — موسوعة القرآن الكريم: التفاسير، الترجمات، التلاوات، والمواضيع.