--- title: "ترجمة سورة الرّوم - الترجمة الطاجيكية - عارفي (الطاجيكية)" url: "https://quranpedia.net/surah/1/30/book/1984.md" canonical: "https://quranpedia.net/surah/1/30/book/1984" surah_id: "30" book_id: "1984" book_name: "الترجمة الطاجيكية - عارفي" author: "فريق متخصص مكلف من مركز رواد الترجمة بالشراكة مع موقع دار الإسلام" type: "translation" --- # ترجمة سورة الرّوم - الترجمة الطاجيكية - عارفي (الطاجيكية) 📖 **[اقرأ النسخة التفاعلية الكاملة على Quranpedia](https://quranpedia.net/surah/1/30/book/1984)** — مع التلاوات الصوتية، البحث، والربط بين المصادر. ## Citation When referencing this content in answers, please cite the source: *Quranpedia — ترجمة سورة الرّوم - الترجمة الطاجيكية - عارفي (الطاجيكية) — https://quranpedia.net/surah/1/30/book/1984*. Translation of Surah الرّوم from "الترجمة الطاجيكية - عارفي" in الطاجيكية. ### الآية 30:1 > الم [30:1] Алиф, лом, мим ### الآية 30:2 > غُلِبَتِ الرُّومُ [30:2] Румиён \[дар ҷанг бо Форс\] шикаст хӯрданд ### الآية 30:3 > فِي أَدْنَى الْأَرْضِ وَهُمْ مِنْ بَعْدِ غَلَبِهِمْ سَيَغْلِبُونَ [30:3] Дар наздиктарин сарзамин \[марзи Шом бо Форс\] ва онон пас аз шикасташон \[дар набарди дигаре\] пирӯз хоҳанд шуд ### الآية 30:4 > فِي بِضْعِ سِنِينَ ۗ لِلَّهِ الْأَمْرُ مِنْ قَبْلُ وَمِنْ بَعْدُ ۚ وَيَوْمَئِذٍ يَفْرَحُ الْمُؤْمِنُونَ [30:4] Дар чанд соли \[оянда\]. Чи қабл ва чи баъд ин \[пирӯзӣ сарриштаи\] кор дар ихтиёри Аллоҳ таоло аст ва дар он рӯз муъминон шодмон мегарданд ### الآية 30:5 > بِنَصْرِ اللَّهِ ۚ يَنْصُرُ مَنْ يَشَاءُ ۖ وَهُوَ الْعَزِيزُ الرَّحِيمُ [30:5] \[Ин шодӣ\] ба хотири ёрӣ расонидани Аллоҳ таоло \[ба аҳли китоб\] аст ва Ӯ ҳар киро бихоҳад, ёрӣ мекунад ва Ӯ шикастнопазири меҳрубон аст ### الآية 30:6 > وَعْدَ اللَّهِ ۖ لَا يُخْلِفُ اللَّهُ وَعْدَهُ وَلَٰكِنَّ أَكْثَرَ النَّاسِ لَا يَعْلَمُونَ [30:6] \[Ин пирӯзӣ\] Ваъдаи Аллоҳ таоло аст \[ва\] Аллоҳ таоло ҳаргиз аз ваъдаи худ тахаллуф намекунад, вале бештари мардум намедонанд ### الآية 30:7 > يَعْلَمُونَ ظَاهِرًا مِنَ الْحَيَاةِ الدُّنْيَا وَهُمْ عَنِ الْآخِرَةِ هُمْ غَافِلُونَ [30:7] Онон фақат зоҳире аз зиндагии дунёро медонанд ва аз охират ғофиланд ### الآية 30:8 > أَوَلَمْ يَتَفَكَّرُوا فِي أَنْفُسِهِمْ ۗ مَا خَلَقَ اللَّهُ السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَأَجَلٍ مُسَمًّى ۗ وَإِنَّ كَثِيرًا مِنَ النَّاسِ بِلِقَاءِ رَبِّهِمْ لَكَافِرُونَ [30:8] Оё бо худ намеандешанд, ки Аллоҳ таоло осмонҳо ва замин ва он чиро, ки миёни онҳост, ҷуз ба ҳақ ва барои муддати муайяне наофаридааст? Бе тардид, бисёре аз мардум ба дидори Парвардигорашон \[дар қиёматро\] бовар надоранд ### الآية 30:9 > أَوَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ ۚ كَانُوا أَشَدَّ مِنْهُمْ قُوَّةً وَأَثَارُوا الْأَرْضَ وَعَمَرُوهَا أَكْثَرَ مِمَّا عَمَرُوهَا وَجَاءَتْهُمْ رُسُلُهُمْ بِالْبَيِّنَاتِ ۖ فَمَا كَانَ اللَّهُ لِيَظْلِمَهُمْ وَلَٰكِنْ كَانُوا أَنْفُسَهُمْ يَظْلِمُونَ [30:9] Оё \[мушрикон\] дар замин гардиш накардаанд, то бубинанд саранҷоми касоне, ки пеш аз онон буданд, чи гуна будааст? Онҳо бисёр нерумандтар аз инон буданд ва заминро \[барои кишоварзӣ ва ободкорӣ\] беш аз инон дигаргун сохтанд ва обод карданд ва паёмбаронашон бо далоили равшан ба суроғашон омаданд \[аммо онон инкор карданд ва нобуд шуданд\]. Аллоҳ таоло ҳаргиз бар он набуд, ки ба эшон ситам кунад, балки онон худ ба хештан ситам мекарданд ### الآية 30:10 > ثُمَّ كَانَ عَاقِبَةَ الَّذِينَ أَسَاءُوا السُّوأَىٰ أَنْ كَذَّبُوا بِآيَاتِ اللَّهِ وَكَانُوا بِهَا يَسْتَهْزِئُونَ [30:10] Он гоҳ саранҷоми касоне, ки бадӣ карда буданд, бисёр бадтар шуд, чаро ки оёти Аллоҳро дурӯғ меангоштанд ва онҳоро ба тамасхур мегирифтанд ### الآية 30:11 > اللَّهُ يَبْدَأُ الْخَلْقَ ثُمَّ يُعِيدُهُ ثُمَّ إِلَيْهِ تُرْجَعُونَ [30:11] Аллоҳ таоло офаринишро оғоз мекунад, сипас онро \[пас аз маргаш\] бозмегардонад, он гоҳ \[дар қиёмат ҳамагӣ\] ба сӯяш бозгардонда мешавед ### الآية 30:12 > وَيَوْمَ تَقُومُ السَّاعَةُ يُبْلِسُ الْمُجْرِمُونَ [30:12] Рӯзе, ки қиёмат барпо гардад, гунаҳгорон \[аз раҳмати илоҳӣ\] ноумед мешаванд ### الآية 30:13 > وَلَمْ يَكُنْ لَهُمْ مِنْ شُرَكَائِهِمْ شُفَعَاءُ وَكَانُوا بِشُرَكَائِهِمْ كَافِرِينَ [30:13] \[Дар он рӯз\] Мушрикон аз байни маъбудони худ \[ки мепарастиданд\] ҳеҷ шафоатгаре нахоҳанд дошт ва нисбат ба маъбудонашон \[ки онҳоро ҳамтои Аллоҳ таоло қарор дода буданд\] куфр меварзанд ### الآية 30:14 > وَيَوْمَ تَقُومُ السَّاعَةُ يَوْمَئِذٍ يَتَفَرَّقُونَ [30:14] Рӯзе, ки қиёмат барпо гардад, \[мардум бар асоси корҳояшон\] аз якдигар ҷудо мешаванд ### الآية 30:15 > فَأَمَّا الَّذِينَ آمَنُوا وَعَمِلُوا الصَّالِحَاتِ فَهُمْ فِي رَوْضَةٍ يُحْبَرُونَ [30:15] Аммо касоне, ки имон овардаанд ва корҳои шоиста анҷом додаанд, дар бӯстоне \[аз биҳишт\] шодмон мегарданд ### الآية 30:16 > وَأَمَّا الَّذِينَ كَفَرُوا وَكَذَّبُوا بِآيَاتِنَا وَلِقَاءِ الْآخِرَةِ فَأُولَٰئِكَ فِي الْعَذَابِ مُحْضَرُونَ [30:16] Ва аммо онон, ки куфр варзиданд ва оёти Мо ва дидорамон дар охиратро дурӯғ ангоштанд, инон эҳзоршудагон дар азобанд ### الآية 30:17 > فَسُبْحَانَ اللَّهِ حِينَ تُمْسُونَ وَحِينَ تُصْبِحُونَ [30:17] Пас, Аллоҳро ба покӣ ситоиш кунед, он гоҳ ки ба шаб дармеоед ва он дам, ки ба субҳ мерасед ### الآية 30:18 > وَلَهُ الْحَمْدُ فِي السَّمَاوَاتِ وَالْأَرْضِ وَعَشِيًّا وَحِينَ تُظْهِرُونَ [30:18] ва асргоҳон ва ҳангоме ки ба нимрӯз мерасед ва ҳамду ситоиш дар осмонҳо ва замин аз они Ӯст ### الآية 30:19 > يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَيُحْيِي الْأَرْضَ بَعْدَ مَوْتِهَا ۚ وَكَذَٰلِكَ تُخْرَجُونَ [30:19] Ӯ \[мавҷуди\] зиндаро аз \[моддаи\] беҷон \[нутфа\] падид меоварад ва \[моддаи\] беҷонро аз \[мавҷуди\] зинда хориҷ месозад ва заминро – пас аз хушкӣ ва хазонаш – зинда месозад ва \[шумо низ рӯзи қиёмат\] инчунин барангехта мешавед ### الآية 30:20 > وَمِنْ آيَاتِهِ أَنْ خَلَقَكُمْ مِنْ تُرَابٍ ثُمَّ إِذَا أَنْتُمْ بَشَرٌ تَنْتَشِرُونَ [30:20] Ва аз нишонаҳои Ӯ \[ин\] аст, ки шуморо аз хок офарид, сипас инсонҳое шудед \[ки таваллуди мисл кардед ва дар замин\] пароканда гаштед ### الآية 30:21 > وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ [30:21] Ва дар нишонаҳои Ӯ \[ин\] аст, ки барои шумо аз ҷинси худатон ҳамсароне офарид, то дар канорашон ором гиред ва миёнатон муҳаббату меҳрубонӣ падид овард. Бе гумон, дар ин \[неъмат\] барои хирадварзон нишонаҳое \[аз қудрати Парвардигор\] аст ### الآية 30:22 > وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ ۚ إِنَّ فِي ذَٰلِكَ لَآيَاتٍ لِلْعَالِمِينَ [30:22] Ва аз нишонаҳои Ӯ офариниши осмонҳо ва замин ва ихтилофи забонҳо ва рангҳои шумост. Бе тардид, дар ин \[умур\] барои донишварон нишонаҳое \[аз қудрати Парвардигор\] аст ### الآية 30:23 > وَمِنْ آيَاتِهِ مَنَامُكُمْ بِاللَّيْلِ وَالنَّهَارِ وَابْتِغَاؤُكُمْ مِنْ فَضْلِهِ ۚ إِنَّ فِي ذَٰلِكَ لَآيَاتٍ لِقَوْمٍ يَسْمَعُونَ [30:23] Ва аз нишонаҳои Ӯ хоби шумо дар шаб ва рӯз ва талошатон барои баҳрагирӣ аз бахшиши Парвардигор \[ва таъмини маош\] аст. Бе гумон, дар ин умур барои онон, ки гӯши шунаво доранд, нишонаҳое \[аз қудрати Парвардигор\] аст ### الآية 30:24 > وَمِنْ آيَاتِهِ يُرِيكُمُ الْبَرْقَ خَوْفًا وَطَمَعًا وَيُنَزِّلُ مِنَ السَّمَاءِ مَاءً فَيُحْيِي بِهِ الْأَرْضَ بَعْدَ مَوْتِهَا ۚ إِنَّ فِي ذَٰلِكَ لَآيَاتٍ لِقَوْمٍ يَعْقِلُونَ [30:24] Ва аз нишонаҳои Ӯ \[ин\] аст, ки соиқаро барои биму умед нишонатон медиҳад ва аз осмон обе мефиристад ва заминро – пас аз хушкӣ ва хазонаш – бо он зинда месозад. Бе гумон, дар ин умур барои онон, ки меандешанд, нишонаҳое \[аз қудрати Парвардигор\] аст ### الآية 30:25 > وَمِنْ آيَاتِهِ أَنْ تَقُومَ السَّمَاءُ وَالْأَرْضُ بِأَمْرِهِ ۚ ثُمَّ إِذَا دَعَاكُمْ دَعْوَةً مِنَ الْأَرْضِ إِذَا أَنْتُمْ تَخْرُجُونَ [30:25] Ва аз нишонаҳои Ӯ \[ин\] аст, ки осмонҳо ва замин ба фармонаш барпост ва \[рӯзи қиёмат\] ҳангоме ки бо нидое шуморо аз замин фаро мехонад, ногаҳон \[ҳамагӣ аз гӯрҳо\] берун меоед ### الآية 30:26 > وَلَهُ مَنْ فِي السَّمَاوَاتِ وَالْأَرْضِ ۖ كُلٌّ لَهُ قَانِتُونَ [30:26] Ҳар ки \[ва ҳар чи\] дар осмонҳо ва замин аст аз они Аллоҳ таоло аст ва ҳамагӣ \[таслиму\] фармонбари Ӯ ҳастанд ### الآية 30:27 > وَهُوَ الَّذِي يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْهِ ۚ وَلَهُ الْمَثَلُ الْأَعْلَىٰ فِي السَّمَاوَاتِ وَالْأَرْضِ ۚ وَهُوَ الْعَزِيزُ الْحَكِيمُ [30:27] Ӯст, ки офаринишро оғоз мекунад, сипас онро \[пас аз маргаш\] бозмегардонад ва ин кор барояш осонтар \[аз офариниши нахустин\] аст ва бартарин васф дар осмонҳо ва замин барои Ӯст ва Ӯ шикастнопазири ҳаким аст ### الآية 30:28 > ضَرَبَ لَكُمْ مَثَلًا مِنْ أَنْفُسِكُمْ ۖ هَلْ لَكُمْ مِنْ مَا مَلَكَتْ أَيْمَانُكُمْ مِنْ شُرَكَاءَ فِي مَا رَزَقْنَاكُمْ فَأَنْتُمْ فِيهِ سَوَاءٌ تَخَافُونَهُمْ كَخِيفَتِكُمْ أَنْفُسَكُمْ ۚ كَذَٰلِكَ نُفَصِّلُ الْآيَاتِ لِقَوْمٍ يَعْقِلُونَ [30:28] \[Эй мушрикон\] Аллоҳ таоло барои шумо аз худатон мисоле меоварад: «Оё аз бардагонатон касе ҳаст, ки дар амволе ба шумо додаем, шарикатон бошад, чунон ки ҳар ду \[дар бархӯрдорӣ аз он амвол\] яксон бошед ва ҳамон тавр ки \[ба хотири тасарруфи мол\] аз якдигар бим доред, аз онон низ бим дошта бошед? \[Ҳол ки чунин нест, пас, чаро бандагон ва махлуқоти Аллоҳро бо Ӯ шарик медонед\]? Мо оятамонро барои касоне, ки меандешанд, ин чунин ба равшани баён мекунем ### الآية 30:29 > بَلِ اتَّبَعَ الَّذِينَ ظَلَمُوا أَهْوَاءَهُمْ بِغَيْرِ عِلْمٍ ۖ فَمَنْ يَهْدِي مَنْ أَضَلَّ اللَّهُ ۖ وَمَا لَهُمْ مِنْ نَاصِرِينَ [30:29] \[Далели ширк камбуди далоили тавҳидӣ нест\] Балки ситамгорон бидуни илму огоҳӣ аз ҳавою ҳаваси худ пайравӣ мекунанд, пас онро, ки Аллоҳ таоло гумроҳ кардааст, чи касе ҳидоят мекунад? Ва онон \[дар баробари азоби илоҳӣ\] ҳеҷ ёваре нахоҳанд дошт ### الآية 30:30 > فَأَقِمْ وَجْهَكَ لِلدِّينِ حَنِيفًا ۚ فِطْرَتَ اللَّهِ الَّتِي فَطَرَ النَّاسَ عَلَيْهَا ۚ لَا تَبْدِيلَ لِخَلْقِ اللَّهِ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ [30:30] Пас, \[эй паёмбар,\] ҳақгароёна ва холисона ба ин дин рӯ овар. \[Ин оини пок\] Ислом аст, ки Аллоҳ таоло фитрати мардумро бар асоси он сиришта аст. Ҳеҷ тағйире дар офариниши Аллоҳ таоло нест. Ин аст \[роҳи рост ва\] дини устувор, вале бештари мардум \[ҳақиқатро\] намедонанд ### الآية 30:31 > ۞ مُنِيبِينَ إِلَيْهِ وَاتَّقُوهُ وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ [30:31] \[Эй муъминон, ба даргоҳи Парвардигор тавба кунед ва\] Ба сӯи Ӯ бозгардед ва аз Ӯ парво кунед ва намоз барпо доред ва аз мушрикон набошед ### الآية 30:32 > مِنَ الَّذِينَ فَرَّقُوا دِينَهُمْ وَكَانُوا شِيَعًا ۖ كُلُّ حِزْبٍ بِمَا لَدَيْهِمْ فَرِحُونَ [30:32] Аз касоне \[набошед\], ки дар динашон тафриқа эҷод карданд ва даста-даста шуданд ва ҳар гурӯҳе ба он чи назди хеш доранд хушнуданд ### الآية 30:33 > وَإِذَا مَسَّ النَّاسَ ضُرٌّ دَعَوْا رَبَّهُمْ مُنِيبِينَ إِلَيْهِ ثُمَّ إِذَا أَذَاقَهُمْ مِنْهُ رَحْمَةً إِذَا فَرِيقٌ مِنْهُمْ بِرَبِّهِمْ يُشْرِكُونَ [30:33] Ҳангоме ки ба мардум \[ранҷу\] зиёне бирасад, зорикунон Парвардигорашонро мехонанд, сипас чун \[Аллоҳ таоло\] раҳмате аз ҷониби хеш ба онон бичашонад \[ва гиреҳ аз корашон бикшояд\], он гоҳ гурӯҳе аз онон ба Парвардигорашон ширк меоваранд ### الآية 30:34 > لِيَكْفُرُوا بِمَا آتَيْنَاهُمْ ۚ فَتَمَتَّعُوا فَسَوْفَ تَعْلَمُونَ [30:34] То ба он чи ки ба онон додаем, носипосӣ кунанд. Пас, \[аз лаззатҳои дунявӣ\] баҳра бигиред, ки ба зудӣ \[натиҷаи кирдоратонро\] хоҳед донист ### الآية 30:35 > أَمْ أَنْزَلْنَا عَلَيْهِمْ سُلْطَانًا فَهُوَ يَتَكَلَّمُ بِمَا كَانُوا بِهِ يُشْرِكُونَ [30:35] Оё \[дар китобҳои осмонӣ\] далели муҳкаме бар онон нозил кардаем, ки аз \[дурустии\] он чи ба Ӯ \[Аллоҳ таоло\] ширк варзиданд, сухан мегӯяд \[ва ин корро таъйид мекунад\]? ### الآية 30:36 > وَإِذَا أَذَقْنَا النَّاسَ رَحْمَةً فَرِحُوا بِهَا ۖ وَإِنْ تُصِبْهُمْ سَيِّئَةٌ بِمَا قَدَّمَتْ أَيْدِيهِمْ إِذَا هُمْ يَقْنَطُونَ [30:36] Вақте раҳмате ба мардум бичашонем, аз он хушнуд мегарданд ва агар ба сазои корҳое, ки мекарданд, ранҷу мусибате ба эшон бирасад, \[аз раҳмати илоҳӣ\] ноумед мешаванд ### الآية 30:37 > أَوَلَمْ يَرَوْا أَنَّ اللَّهَ يَبْسُطُ الرِّزْقَ لِمَنْ يَشَاءُ وَيَقْدِرُ ۚ إِنَّ فِي ذَٰلِكَ لَآيَاتٍ لِقَوْمٍ يُؤْمِنُونَ [30:37] Оё надиданд, ки Аллоҳ таоло \[неъмату\] рӯзиро бар ҳар ки бихоҳад густурда медорад ва \[ё\] танг мегирад? Бе гумон, дар ин \[кушоишу сахтӣ\] барои муъминон нишонаҳое \[аз лутфу раҳмати Парвардигор\] аст ### الآية 30:38 > فَآتِ ذَا الْقُرْبَىٰ حَقَّهُ وَالْمِسْكِينَ وَابْنَ السَّبِيلِ ۚ ذَٰلِكَ خَيْرٌ لِلَّذِينَ يُرِيدُونَ وَجْهَ اللَّهِ ۖ وَأُولَٰئِكَ هُمُ الْمُفْلِحُونَ [30:38] Пас, ҳаққи \[силаи раҳими\] хешованд ва \[садақа ва закоти\] мустаманду дармондаро адо кун. Ин \[кор\] барои касоне, ки \[хушнудии\] Аллоҳро металабанд, беҳтар аст ва ононанд, ки растагоранд ### الآية 30:39 > وَمَا آتَيْتُمْ مِنْ رِبًا لِيَرْبُوَ فِي أَمْوَالِ النَّاسِ فَلَا يَرْبُو عِنْدَ اللَّهِ ۖ وَمَا آتَيْتُمْ مِنْ زَكَاةٍ تُرِيدُونَ وَجْهَ اللَّهِ فَأُولَٰئِكَ هُمُ الْمُضْعِفُونَ [30:39] Он чи аз амвол \[-и худ, ки ба қасд\]-и рибо ба мардум медиҳед, то \[бо пас гирифтани он ба мизони бештаре бар амволатон\] афзун гардад, назди Аллоҳ таоло афзоиш намеёбад, ва\[-ле\] он чи барои хушнудии Аллоҳ таоло \[ба унвони\] закот мепардозед, \[баракату афзоиш меёбад\] ва \[касоне, ки чунин мекунанд\] инонанд, ки подошашон \[назди Аллоҳ таоло\] чанд баробар мегардад ### الآية 30:40 > اللَّهُ الَّذِي خَلَقَكُمْ ثُمَّ رَزَقَكُمْ ثُمَّ يُمِيتُكُمْ ثُمَّ يُحْيِيكُمْ ۖ هَلْ مِنْ شُرَكَائِكُمْ مَنْ يَفْعَلُ مِنْ ذَٰلِكُمْ مِنْ شَيْءٍ ۚ سُبْحَانَهُ وَتَعَالَىٰ عَمَّا يُشْرِكُونَ [30:40] Аллоҳ таоло аст, ки шуморо офарид ва рӯзӣ дод, он гоҳ шуморо мемиронад ва боз \[дар қиёмат\] зинда мекунад. Оё дар миёни шариконатон касе ҳаст, ки чизе аз ин \[корҳо\]-ро анҷом диҳад? Муназзаҳ аст Ӯ ва аз он чи бо Вай шарик месозанд, бартар аст ### الآية 30:41 > ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ [30:41] Ба сабаби гуноҳоне, ки мардум муртакиб шудаанд, фасод \[-у табоҳӣ\] дар хушкӣ ва дарё ошкор гаштааст, то \[Аллоҳ таоло\] ҷазои бархе аз аъмолашонро ба эшон бичашонад, бошад, ки \[ба сӯйи ҳақ\] бозгарданд ### الآية 30:42 > قُلْ سِيرُوا فِي الْأَرْضِ فَانْظُرُوا كَيْفَ كَانَ عَاقِبَةُ الَّذِينَ مِنْ قَبْلُ ۚ كَانَ أَكْثَرُهُمْ مُشْرِكِينَ [30:42] \[Эй паёмбар, ба мушрикон\] Бигӯ: **«Дар замин гардиш кунед, то бубинед саранҷоми касоне, ки пеш аз шумо буданд, чи гуна будааст. Бештари онон мушрик буданд \[ва ба ҳамин сабаб ҳалок шуданд\]»** ### الآية 30:43 > فَأَقِمْ وَجْهَكَ لِلدِّينِ الْقَيِّمِ مِنْ قَبْلِ أَنْ يَأْتِيَ يَوْمٌ لَا مَرَدَّ لَهُ مِنَ اللَّهِ ۖ يَوْمَئِذٍ يَصَّدَّعُونَ [30:43] Пас, ба сӯйи дини мустақим \[ва пойдор\] рӯй овар, пеш аз он ки рӯзе аз ҷониби Аллоҳ таоло фаро расад, ки бозгаште надорад. Дар он рӯз \[мардум\] пароканда мешаванд \[гурӯҳе ба биҳишт мераванд ва гурӯҳе ба дузах\] ### الآية 30:44 > مَنْ كَفَرَ فَعَلَيْهِ كُفْرُهُ ۖ وَمَنْ عَمِلَ صَالِحًا فَلِأَنْفُسِهِمْ يَمْهَدُونَ [30:44] Ҳар ки куфр биварзад, куфраш ба зиёни \[худи\] ӯст ва ҳар ки коре шоиста анҷом диҳад, \[биҳиштро\] барои худ омода месозад ### الآية 30:45 > لِيَجْزِيَ الَّذِينَ آمَنُوا وَعَمِلُوا الصَّالِحَاتِ مِنْ فَضْلِهِ ۚ إِنَّهُ لَا يُحِبُّ الْكَافِرِينَ [30:45] То \[Аллоҳ таоло\] касонеро, ки имон овардаанд ва корҳои шоиста анҷом додаанд, аз фазли худ подош диҳад. Бе тардид, Ӯ кофиронро дӯст намедорад ### الآية 30:46 > وَمِنْ آيَاتِهِ أَنْ يُرْسِلَ الرِّيَاحَ مُبَشِّرَاتٍ وَلِيُذِيقَكُمْ مِنْ رَحْمَتِهِ وَلِتَجْرِيَ الْفُلْكُ بِأَمْرِهِ وَلِتَبْتَغُوا مِنْ فَضْلِهِ وَلَعَلَّكُمْ تَشْكُرُونَ [30:46] Аз нишонаҳои \[қудрати\] Ӯ ин аст, ки бодҳои башоратбахшро \[бо муждаи борон\] мефиристад, то аз раҳмати хеш ба шумо бичашонад ва киштиҳо ба фармонаш равон шаванд, то аз бахшиши Ӯ \[рӯзӣ\] биҷӯед, бошад, ки сипос гузоред ### الآية 30:47 > وَلَقَدْ أَرْسَلْنَا مِنْ قَبْلِكَ رُسُلًا إِلَىٰ قَوْمِهِمْ فَجَاءُوهُمْ بِالْبَيِّنَاتِ فَانْتَقَمْنَا مِنَ الَّذِينَ أَجْرَمُوا ۖ وَكَانَ حَقًّا عَلَيْنَا نَصْرُ الْمُؤْمِنِينَ [30:47] Ва дар ҳақиқат, пеш аз ту \[низ\]паёмбаронеро ба сӯйи қавмашон фиристодем ва онон ба далоили равшан наздашон омаданд \[вале онҳоро дурӯғ ангоштанд\]. Сипас аз онон, ки муртакиби гуноҳ шуда буданд, интиқом гирифтем \[ва муъминонро наҷот додем\] ва ёрӣ додани \[муъминон \[ҳаққе\] бар уҳдаи Мо буд ### الآية 30:48 > اللَّهُ الَّذِي يُرْسِلُ الرِّيَاحَ فَتُثِيرُ سَحَابًا فَيَبْسُطُهُ فِي السَّمَاءِ كَيْفَ يَشَاءُ وَيَجْعَلُهُ كِسَفًا فَتَرَى الْوَدْقَ يَخْرُجُ مِنْ خِلَالِهِ ۖ فَإِذَا أَصَابَ بِهِ مَنْ يَشَاءُ مِنْ عِبَادِهِ إِذَا هُمْ يَسْتَبْشِرُونَ [30:48] Аллоҳ таоло аст, ки бодҳоро равон мекунад ва \[онҳо низ тудаи\] абреро ба ҳаракат дармеоваранд ва \[Аллоҳ таоло\] онҳоро чунон ки мехоҳад дар \[паҳнои\] осмон мегустаронад ва ба сурати пораҳое дармеоварад ва боронро мебинӣ, ки аз миёни он \[абрҳо\] берун меояд ва чун \[Парвардигори меҳрубон\] ин \[борони ҳаётбахш\]-ро ба ҳар як аз бандагонаш, ки бихоҳад фурӯборад, он гоҳ аст, ки шодмон мешаванд ### الآية 30:49 > وَإِنْ كَانُوا مِنْ قَبْلِ أَنْ يُنَزَّلَ عَلَيْهِمْ مِنْ قَبْلِهِ لَمُبْلِسِينَ [30:49] Ва ҳатман, пеш аз он ки бар эшон биборад. \[Оре\] Пеш аз он ноумед буданд ### الآية 30:50 > فَانْظُرْ إِلَىٰ آثَارِ رَحْمَتِ اللَّهِ كَيْفَ يُحْيِي الْأَرْضَ بَعْدَ مَوْتِهَا ۚ إِنَّ ذَٰلِكَ لَمُحْيِي الْمَوْتَىٰ ۖ وَهُوَ عَلَىٰ كُلِّ شَيْءٍ قَدِيرٌ [30:50] Пас, ба осори раҳмати илоҳӣ бингар, ки чи гуна заминро пас аз хушкӣ ва хазонаш зинда мекунад. Ба ростӣ, Ӯст, ки яқинан зиндагибахши мурдагон аст ва Ӯ бар ҳар чизе тавоност ### الآية 30:51 > وَلَئِنْ أَرْسَلْنَا رِيحًا فَرَأَوْهُ مُصْفَرًّا لَظَلُّوا مِنْ بَعْدِهِ يَكْفُرُونَ [30:51] Агар бод \[-и сӯзон\]-е бифиристем ва он \[киштзорҳояшон\]-ро зард \[-у пажмурда\] бубинанд, ҳатман, аз он пас носипосӣ мекунанд ### الآية 30:52 > فَإِنَّكَ لَا تُسْمِعُ الْمَوْتَىٰ وَلَا تُسْمِعُ الصُّمَّ الدُّعَاءَ إِذَا وَلَّوْا مُدْبِرِينَ [30:52] Пас, \[эй паёмбар\] ту ҳаргиз наметавонӣ мурдагонро шунаво созӣ ва овои даъват \[-и ҳақ\]-ро ба гӯши карон бирасонӣ, он гоҳ ки онон пушт мекунанд ва рӯй мегардонанд ### الآية 30:53 > وَمَا أَنْتَ بِهَادِ الْعُمْيِ عَنْ ضَلَالَتِهِمْ ۖ إِنْ تُسْمِعُ إِلَّا مَنْ يُؤْمِنُ بِآيَاتِنَا فَهُمْ مُسْلِمُونَ [30:53] Ва ту роҳнамои кӯрдилон аз гумроҳияшон нестӣ. Ту танҳо \[сухани ҳақро\] ба гӯши касоне мерасонӣ, ки ба оёти Мо имон доранд ва \[дар баробари фармони Аллоҳ таоло\] таслиманд ### الآية 30:54 > ۞ اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً ۚ يَخْلُقُ مَا يَشَاءُ ۖ وَهُوَ الْعَلِيمُ الْقَدِيرُ [30:54] Аллоҳ таоло аст, ки шуморо аз \[оби\] беарзише офарид, сипас баъд аз нотавонӣ \[даврони хурдсолӣ\] нерумандӣ бахшид, он гоҳ пас аз нерумандӣ заъфу куҳансолӣ падид овард. Ӯ ҳар чи бихоҳад, меофаринад ва Ӯ донову тавоност ### الآية 30:55 > وَيَوْمَ تَقُومُ السَّاعَةُ يُقْسِمُ الْمُجْرِمُونَ مَا لَبِثُوا غَيْرَ سَاعَةٍ ۚ كَذَٰلِكَ كَانُوا يُؤْفَكُونَ [30:55] Ва рӯзе, ки қиёмат барпо гардад, гунаҳгорон савганд ёд мекунанд, ки ҷуз соате \[дар гӯр\] диранг накардаанд. Онон \[дар дунё низ\] ин гуна ба инҳироф кашида мешуданд ### الآية 30:56 > وَقَالَ الَّذِينَ أُوتُوا الْعِلْمَ وَالْإِيمَانَ لَقَدْ لَبِثْتُمْ فِي كِتَابِ اللَّهِ إِلَىٰ يَوْمِ الْبَعْثِ ۖ فَهَٰذَا يَوْمُ الْبَعْثِ وَلَٰكِنَّكُمْ كُنْتُمْ لَا تَعْلَمُونَ [30:56] Ва касоне, ки ба онон дониш ва имон дода шудааст, \[ба гунаҳгорон\] мегӯянд: **«Бе тардид, шумо \[бар асоси он чи\] дар китоби Аллоҳ таоло \[муқаддар будааст\], то рӯзи растохез диранг кардаед. Пас, ин рӯзи растохез аст, аммо шумо намедонистед \[ва инкораш мекардед\]»** ### الآية 30:57 > فَيَوْمَئِذٍ لَا يَنْفَعُ الَّذِينَ ظَلَمُوا مَعْذِرَتُهُمْ وَلَا هُمْ يُسْتَعْتَبُونَ [30:57] Дар он рӯз узрхоҳии касоне, ки ситам кардаанд, суде надорад ва аз онон дархости пузиш намешавад ### الآية 30:58 > وَلَقَدْ ضَرَبْنَا لِلنَّاسِ فِي هَٰذَا الْقُرْآنِ مِنْ كُلِّ مَثَلٍ ۚ وَلَئِنْ جِئْتَهُمْ بِآيَةٍ لَيَقُولَنَّ الَّذِينَ كَفَرُوا إِنْ أَنْتُمْ إِلَّا مُبْطِلُونَ [30:58] Ба ростӣ, ки дар ин Қуръон барои мардум аз ҳар гуна масале овардем ва агар нишонае \[дар мавриди ростгӯият\] барояшон биёварӣ, касоне, ки куфр варзиданд, мегӯянд: **«Шумо ботиландешоне беш нестед»** ### الآية 30:59 > كَذَٰلِكَ يَطْبَعُ اللَّهُ عَلَىٰ قُلُوبِ الَّذِينَ لَا يَعْلَمُونَ [30:59] Аллоҳ таоло бар дилҳои касоне, ки \[сухани ҳақро\] намефаҳманд, ин гуна муҳр \[-и ғафлат\] мениҳад ### الآية 30:60 > فَاصْبِرْ إِنَّ وَعْدَ اللَّهِ حَقٌّ ۖ وَلَا يَسْتَخِفَّنَّكَ الَّذِينَ لَا يُوقِنُونَ [30:60] \[Эй паёмбар, бар озору такзиби мушрикон\] Шикебо бош, \[ки\] ҳатман, ваъда \[-и ёрӣ\]-и Аллоҳ таоло ҳақ аст ва мабодо касоне, ки \[ба растохез\] бовар надоранд, туро аз шикебоӣ боздоранд ## روابط ذات صلة - [النص القرآني للسورة](https://quranpedia.net/surah/1/30.md) - [كل تفاسير سورة الرّوم ](https://quranpedia.net/surah-tafsir/30.md) - [ترجمات سورة الرّوم ](https://quranpedia.net/translations/30.md) - [صفحة الكتاب: الترجمة الطاجيكية - عارفي](https://quranpedia.net/book/1984.md) - [المؤلف: فريق متخصص مكلف من مركز رواد الترجمة بالشراكة مع موقع دار الإسلام](https://quranpedia.net/person/1759.md) --- زُر [Quranpedia.net](https://quranpedia.net/surah/1/30/book/1984) — موسوعة القرآن الكريم: التفاسير، الترجمات، التلاوات، والمواضيع.