---
title: "ترجمة سورة الصافات - الترجمة الكردية (الكردية)"
url: "https://quranpedia.net/surah/1/37/book/1968.md"
canonical: "https://quranpedia.net/surah/1/37/book/1968"
surah_id: "37"
book_id: "1968"
book_name: "الترجمة الكردية"
author: "حمد صالح باموكي"
type: "translation"
---

# ترجمة سورة الصافات - الترجمة الكردية (الكردية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/37/book/1968)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الصافات - الترجمة الكردية (الكردية) — https://quranpedia.net/surah/1/37/book/1968*.

Translation of Surah الصافات from "الترجمة الكردية" in الكردية.

### الآية 37:1

> وَالصَّافَّاتِ صَفًّا [37:1]

سوێند بەو فریشتانە ڕیز بوون (لە کاتی عیبادەتدا)

### الآية 37:2

> فَالزَّاجِرَاتِ زَجْرًا [37:2]

وە سوێند بەوانە کە دەخوڕن بەسەر ھەورەکاندا

### الآية 37:3

> فَالتَّالِيَاتِ ذِكْرًا [37:3]

وە سوێند بەخوێنەرانی قورئان

### الآية 37:4

> إِنَّ إِلَٰهَكُمْ لَوَاحِدٌ [37:4]

بەڕاستی پەرستراوی ئێوە تاك و تەنھایە

### الآية 37:5

> رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ [37:5]

پەروەردگاری ئاسمانەکان و زەوی وئەوەی لە نێوانیاندایە و پەروەردگاری خۆرھەڵاتەکان

### الآية 37:6

> إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ [37:6]

بێگومان ئێمە ئاسمانی دونیامان بەجوانی ئەستێرەکان ڕازاندۆتەوە

### الآية 37:7

> وَحِفْظًا مِنْ كُلِّ شَيْطَانٍ مَارِدٍ [37:7]

وە لەھەموو شەیتانێکی سەر کەش پاڕاستوومانە

### الآية 37:8

> لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ [37:8]

ناتوانن گوێ بگرن بۆ ئەو فریشتانەی لە بەرزترین پلەدان وە (ئەگەر بچن گوێ بگرن) لە ھەموو لایەکی (ئاسمانەوە) ئاگر باران دەکرێن

### الآية 37:9

> دُحُورًا ۖ وَلَهُمْ عَذَابٌ وَاصِبٌ [37:9]

ڕاودەنرێن زۆر بە توندی و (لە قیامەتدا) سزایان بەردەوامە وسەختە

### الآية 37:10

> إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ [37:10]

(شەیتانەکان ناتوانن گوێ بگرن) مەگەر یەکێکیان بە دزیەوە ھەواڵێك (لە فریشتەیەك ببیستێ و) بە پەلە بیفڕێنێت پزیسکی گڕدار وسوتێنەری شوێن دەکەوێت (و دەی سوتێنێت)

### الآية 37:11

> فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ [37:11]

ئەمجا (ئەی موحەممەد ﷺ) بپرسە لەوانەی(کە بێباوەڕن) ئایا ئەوان دروستکراوێکی گەورەتر وگرنگتر و بەھێزترن ؟ یان ئەو شتانەی تر کە دروستمان کردووە (لە ئاسمان و خۆر و زەوی و... ) بەڕاستی ئێمە ئەوان (ئادەمی) مان دروستکرد لە قوڕێکی لینجی جیڕ

### الآية 37:12

> بَلْ عَجِبْتَ وَيَسْخَرُونَ [37:12]

بەڵام (سەیرە) تۆ سەرت سوڕماوە (چۆن باوەڕ ناھێنن) کەچی ئەوان گاڵتە دەکەن (بە تۆ کە دەڵێیت زیندوو بوونەوە ھەیە)

### الآية 37:13

> وَإِذَا ذُكِّرُوا لَا يَذْكُرُونَ [37:13]

وە کاتێك ئامۆژگاری بکرێن ئامۆژگاری وەرناگرن

### الآية 37:14

> وَإِذَا رَأَوْا آيَةً يَسْتَسْخِرُونَ [37:14]

وە کاتێ موعجیزەیەك ببینن دەیکەنە گاڵتەجاری

### الآية 37:15

> وَقَالُوا إِنْ هَٰذَا إِلَّا سِحْرٌ مُبِينٌ [37:15]

وە دەڵێن ئەم (قورئانە) ھیچ نیە جگە لە جادویەکی ئاشکرا نەبێت

### الآية 37:16

> أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ [37:16]

(دەڵێن) ئایا ئێمە کە مردین و بووین بەخۆڵ و ئێسکی ڕزیو ئایا ئێمە زیندوو دەکرێینەوە؟!

### الآية 37:17

> أَوَآبَاؤُنَا الْأَوَّلُونَ [37:17]

لەگەڵ باوو باپیرانی پێشینانمان

### الآية 37:18

> قُلْ نَعَمْ وَأَنْتُمْ دَاخِرُونَ [37:18]

(ئەی موحەممەد ﷺ) بڵێ: بەڵێ (ھەمووتان زیندوو دەکرێنەوە) و لەو کاتەدا ئێوە زەلیل و سەرشۆڕن

### الآية 37:19

> فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ [37:19]

چونکە ئەو (زیندوو بوونەوەیە) ھەر یەك دەنگە ئیتر دەست بەجێ زیندوون و دەڕوانن

### الآية 37:20

> وَقَالُوا يَا وَيْلَنَا هَٰذَا يَوْمُ الدِّينِ [37:20]

وە دەڵێن: وای بۆ خۆمان ئەمە ڕۆژی تۆڵەسەندن وپاداشتە

### الآية 37:21

> هَٰذَا يَوْمُ الْفَصْلِ الَّذِي كُنْتُمْ بِهِ تُكَذِّبُونَ [37:21]

(پێیان دەوترێت) ئەمە ئەو ڕۆژی بڕیاردانەیە کە باوەڕتان پێی نەبوو

### الآية 37:22

> ۞ احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ [37:22]

(خوا بەفریشتەکان دەفەرموێت) ئەوانەی ستەمیان کرد کۆیان بکەنەوە لەگەڵ ھاوڕێکانیان (ھاو وێنەکانیان) لەگەڵ ئەوانەش دەیان پەرستن

### الآية 37:23

> مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ [37:23]

جگە لە خوا ئەمجا ڕێگای دۆزەخیان نیشان دەن

### الآية 37:24

> وَقِفُوهُمْ ۖ إِنَّهُمْ مَسْئُولُونَ [37:24]

وە ئەوانە ڕاوەستێنن بێگومان پرسیاریان لێدەکرێت

### الآية 37:25

> مَا لَكُمْ لَا تَنَاصَرُونَ [37:25]

(پێیان دەوترێت) ئەوە چیتانە یارمەتی یەکتر نادەن

### الآية 37:26

> بَلْ هُمُ الْيَوْمَ مُسْتَسْلِمُونَ [37:26]

(نەخێر یارمەتی یەکتر نادەن) بەڵکو ئەوان ھەموو (بەندەو پەرستراوەکانیان) لەو ڕۆژەدا گەردن کەچن بۆ خوا

### الآية 37:27

> وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ [37:27]

و (لەو ڕۆژەدا) ڕوو دەکەنە یەکترو پرسیار لەیەکتر دەکەن

### الآية 37:28

> قَالُوا إِنَّكُمْ كُنْتُمْ تَأْتُونَنَا عَنِ الْيَمِينِ [37:28]

(گومڕاکراوەکان بەگومڕاکەرەکان) دەڵێن بەڕاستی ئێوە بوون لەلای ڕاستەوە ھاتنە لامان (نەتان ھێشت شوێنی کەوین)

### الآية 37:29

> قَالُوا بَلْ لَمْ تَكُونُوا مُؤْمِنِينَ [37:29]

(گومڕاکەرەکان) دەڵێن (نەخێر ڕاست ناکەن) بەڵکو ئێوە خۆتان ئیماندار نەبوون

### الآية 37:30

> وَمَا كَانَ لَنَا عَلَيْكُمْ مِنْ سُلْطَانٍ ۖ بَلْ كُنْتُمْ قَوْمًا طَاغِينَ [37:30]

وە ئێمە ھیچ دەسەڵاتێکمان بەسەر ئێوەدا نەبوو بەڵکو خۆتان گەلێکی لەخوایاخی بوون

### الآية 37:31

> فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ [37:31]

ئەوەتە بڕیاری پەروەردگارمان (بەسزا دانمان) سەپا بەسەرماندا، کە بەڕاستی دەبێ بیچەژین

### الآية 37:32

> فَأَغْوَيْنَاكُمْ إِنَّا كُنَّا غَاوِينَ [37:32]

بەڵێ ئێمە ئێوەمان گومڕا کرد چونکە بەڕاستی خۆشمان گومڕا بووین

### الآية 37:33

> فَإِنَّهُمْ يَوْمَئِذٍ فِي الْعَذَابِ مُشْتَرِكُونَ [37:33]

جا بەڕاستی ھەموویان (گومڕاکراو و گومڕاکار) لەو ڕۆژەدا لەسزادا ھاوبەشن

### الآية 37:34

> إِنَّا كَذَٰلِكَ نَفْعَلُ بِالْمُجْرِمِينَ [37:34]

بێگومان ئێمە تاوانباران بەو جۆرە لێ دەکەین

### الآية 37:35

> إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ [37:35]

بەڕاستی ھەر کاتێك بەوانە بوترایە ھیچ پەرستراوێکی ڕاست نیە بێجگە لە خوا، خۆیان بە گەورە دەزانی (و ملکەچی نەدەبوون)

### الآية 37:36

> وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ [37:36]

وە دەیانووت: ئایا ئێمە پەرستراوەکانمان واز لێ بھێنین؟ لە بەر شاعیرێکی شێت

### الآية 37:37

> بَلْ جَاءَ بِالْحَقِّ وَصَدَّقَ الْمُرْسَلِينَ [37:37]

(نەخێر وانیە) بەڵکو ئەو (پێغەمبەرە) ھەقی ھێناوەو باوەڕی بە پێغەمبەرانی پێشوو ھەیە

### الآية 37:38

> إِنَّكُمْ لَذَائِقُو الْعَذَابِ الْأَلِيمِ [37:38]

بەڕاستی ئێوە سزای سەخت دەچەژن

### الآية 37:39

> وَمَا تُجْزَوْنَ إِلَّا مَا كُنْتُمْ تَعْمَلُونَ [37:39]

و ئێوە تەنھا تۆڵەی ئەو (خراپانە)تان لێ ئەسێنرێت کەکردوتانە

### الآية 37:40

> إِلَّا عِبَادَ اللَّهِ الْمُخْلَصِينَ [37:40]

بەڵام بەندە پاك و ھەڵبژاردەکانی خوا

### الآية 37:41

> أُولَٰئِكَ لَهُمْ رِزْقٌ مَعْلُومٌ [37:41]

ئەوانەن ڕزق و ڕۆزی دیاری کراویان بۆ ھەیە

### الآية 37:42

> فَوَاكِهُ ۖ وَهُمْ مُكْرَمُونَ [37:42]

کەمیوە ھاتی جۆرا و جۆرە، وە ئەوان ڕێز لێگیراون

### الآية 37:43

> فِي جَنَّاتِ النَّعِيمِ [37:43]

لەبەھشتانی پڕ ناز و نیعمەتدا

### الآية 37:44

> عَلَىٰ سُرُرٍ مُتَقَابِلِينَ [37:44]

لەسەر تەخت و کورسیە ڕازاوەکان بەرامبەر یەکتر دانیشتوون

### الآية 37:45

> يُطَافُ عَلَيْهِمْ بِكَأْسٍ مِنْ مَعِينٍ [37:45]

بەسەریاندا دەسوڕێنەوە بە پەرداخی پڕ لەشەرابی پاك وخاوێن لە ڕووبارە ڕۆشتوەکانی بەھەشت

### الآية 37:46

> بَيْضَاءَ لَذَّةٍ لِلشَّارِبِينَ [37:46]

سپیە لە ڕەنگدا، زۆر بەلەزەتە بۆ ئەوانەی دەیخۆنەوە (کەھیچ زیانێك بەلاشە و ژیری مرۆڤ ناگەیەنێت)

### الآية 37:47

> لَا فِيهَا غَوْلٌ وَلَا هُمْ عَنْهَا يُنْزَفُونَ [37:47]

(ئەو شەرابە) نەمێشکیان تێك دەدات نەسەر خۆشیان دەکات

### الآية 37:48

> وَعِنْدَهُمْ قَاصِرَاتُ الطَّرْفِ عِينٌ [37:48]

وە ئافرەتانی چاو جوان و گەورەیان لایە، کە جگە لە مێردەکانیان سەیری کەس ناکەن

### الآية 37:49

> كَأَنَّهُنَّ بَيْضٌ مَكْنُونٌ [37:49]

وەکو ھێلکەی ناو ھێلانەن (یان ئەڵێی مرواری ناو سەدەفن)

### الآية 37:50

> فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ [37:50]

ئەمجا ڕوو دەکەنە یەك و پرسیار لە یەکتر دەکەن

### الآية 37:51

> قَالَ قَائِلٌ مِنْهُمْ إِنِّي كَانَ لِي قَرِينٌ [37:51]

یەکێك لەوان دەڵێت: من (لە دونیا) ھاوەڵێکم ھەبوو

### الآية 37:52

> يَقُولُ أَإِنَّكَ لَمِنَ الْمُصَدِّقِينَ [37:52]

دەیووت: ئایا بەڕاستی تۆ لەوانەی باوەڕت ھەیە (بەزیندوو بوونەوە؟!)

### الآية 37:53

> أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ [37:53]

ئایا کاتێك مردین و بووین بە خاك و ئێسقانی ڕزیوو ئایا بەڕاستی ئێمە (زیندوو دەکرێینەوەو) سزا دەدرێن

### الآية 37:54

> قَالَ هَلْ أَنْتُمْ مُطَّلِعُونَ [37:54]

(پیاوە بەھەشتییەکە) ووتی ئایا ئێوە تەماشا (ی دۆزەخ) ناکەن

### الآية 37:55

> فَاطَّلَعَ فَرَآهُ فِي سَوَاءِ الْجَحِيمِ [37:55]

ئەمجا خۆی سەیری کرد کتوپڕ لە ناوەڕاستی دۆزەخدا ئەو (ھاوڕێیەی) بینی

### الآية 37:56

> قَالَ تَاللَّهِ إِنْ كِدْتَ لَتُرْدِينِ [37:56]

پێی ووت سوێند بەخوا نزیك بوو منیش ھەڵدێریت

### الآية 37:57

> وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ [37:57]

وە ئەگەر میھرەبانی پەروەردگارم فریام نەکەوتایە، منیش لە ئامادەکراوان (ی ناو دۆزەخ) دەبووم

### الآية 37:58

> أَفَمَا نَحْنُ بِمَيِّتِينَ [37:58]

دەی ئایا ئێمە نامرین؟!

### الآية 37:59

> إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ [37:59]

جگە لە مردنەکەی یەکەمی (دونیا)مان وەئێمە سزا نادرێین؟!

### الآية 37:60

> إِنَّ هَٰذَا لَهُوَ الْفَوْزُ الْعَظِيمُ [37:60]

بەڕاستی ئەمەیە سەرکەوتنی گەورە

### الآية 37:61

> لِمِثْلِ هَٰذَا فَلْيَعْمَلِ الْعَامِلُونَ [37:61]

با تێکۆشەران بۆ پاشەڕۆژی ڕۆژێکی وا تێبکۆشن

### الآية 37:62

> أَذَٰلِكَ خَيْرٌ نُزُلًا أَمْ شَجَرَةُ الزَّقُّومِ [37:62]

ئایا ئەو (نیعمەتانەی باسکرا) ڕێزگرتن و میوان دارییە باش وچاکە، یان(بەری) درەختی ژەقنەمووت ؟

### الآية 37:63

> إِنَّا جَعَلْنَاهَا فِتْنَةً لِلظَّالِمِينَ [37:63]

بێگومان ئێمە ئەو (دارە) مان کردە ھۆی تاقی کردنەوەی ستەمکاران (کە لە دونیادا گاڵتەیان پێدەکرد)

### الآية 37:64

> إِنَّهَا شَجَرَةٌ تَخْرُجُ فِي أَصْلِ الْجَحِيمِ [37:64]

بەڕاستی ئەو (ژەقنەمووتە) درەختێکە لە بێخی دۆزەخ دا دەڕوێت

### الآية 37:65

> طَلْعُهَا كَأَنَّهُ رُءُوسُ الشَّيَاطِينِ [37:65]

بەرووبوومەکەی ھەروەك سەری شەیتانەکانە (ناشیرین و چڵ چڵاویە)

### الآية 37:66

> فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ [37:66]

جا بێگومان ئەو (دۆزەخیانە) لەو درەختە دەخۆن و سکیان لە (بەری) ئەو درەختە پڕ دەکەن

### الآية 37:67

> ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ [37:67]

لە پاشان بەڕاستی ئاوێکی لێڵی زۆر گەرمی بەسەردا دەخۆنەوە

### الآية 37:68

> ثُمَّ إِنَّ مَرْجِعَهُمْ لَإِلَى الْجَحِيمِ [37:68]

بێگومان دواتر گەڕانەوەیان بۆ دۆزەخە

### الآية 37:69

> إِنَّهُمْ أَلْفَوْا آبَاءَهُمْ ضَالِّينَ [37:69]

بەڕاستی ئەوان باو و باپیرانی خۆیانیان بە گومڕایی بینی

### الآية 37:70

> فَهُمْ عَلَىٰ آثَارِهِمْ يُهْرَعُونَ [37:70]

ئەمجا ئەوان ھاندەدران بۆ شوێن کەوتنیان (لە گومڕاییدا)

### الآية 37:71

> وَلَقَدْ ضَلَّ قَبْلَهُمْ أَكْثَرُ الْأَوَّلِينَ [37:71]

سوێند بەخوا بێگومان پێش ئەو (گومڕایانەی قوڕەیش) زۆربەی گەلە پێشینەکان گومڕا بوون

### الآية 37:72

> وَلَقَدْ أَرْسَلْنَا فِيهِمْ مُنْذِرِينَ [37:72]

سوێند بەخوا بێگومان ئێمە لە ناو خۆیاندا (پێغەمبەرانی) ترسێنەرمان بۆ ناردن

### الآية 37:73

> فَانْظُرْ كَيْفَ كَانَ عَاقِبَةُ الْمُنْذَرِينَ [37:73]

ئەمجا (ئەی موحەممەد ﷺ) سەرنج بدە سەرئەنجامی ترسێنراوەکان چۆن بوو

### الآية 37:74

> إِلَّا عِبَادَ اللَّهِ الْمُخْلَصِينَ [37:74]

بەڵام بەندە پاك و ھەڵبژاردەکانی خوا

### الآية 37:75

> وَلَقَدْ نَادَانَا نُوحٌ فَلَنِعْمَ الْمُجِيبُونَ [37:75]

سوێند بەخوا بەڕاستی نوح (علیە السلام) ھاواری لێ کردین ئەمجا ئێمەش زۆر چاك وەڵامی (ھاوارەکەی) ئەومان دایەوە

### الآية 37:76

> وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ [37:76]

خۆی و کەسوکاری (باوەڕداری) مان لە تەنگانە گەورەکە ڕزگار کرد

### الآية 37:77

> وَجَعَلْنَا ذُرِّيَّتَهُ هُمُ الْبَاقِينَ [37:77]

وە تەنھا نەوەکانی ئەومان (لەسەر زەوی) ھێشتەوە

### الآية 37:78

> وَتَرَكْنَا عَلَيْهِ فِي الْآخِرِينَ [37:78]

وە باس وناوبانگی(باشی) ئەومان لەناو گەلە پاشینەکاندا ھێشتەوە (کە ئەمەیە)

### الآية 37:79

> سَلَامٌ عَلَىٰ نُوحٍ فِي الْعَالَمِينَ [37:79]

سەلام و دروود لەسەر نوح لە لایەن ھەموو جیھانیانەوە

### الآية 37:80

> إِنَّا كَذَٰلِكَ نَجْزِي الْمُحْسِنِينَ [37:80]

بەڕاستی ئێمە ئا بەو شێوە پاداشتی چاکەکاران دەدەینەوە

### الآية 37:81

> إِنَّهُ مِنْ عِبَادِنَا الْمُؤْمِنِينَ [37:81]

بێگومان ئەو لە بەندە باوەڕدارەکانی ئێمە بوو

### الآية 37:82

> ثُمَّ أَغْرَقْنَا الْآخَرِينَ [37:82]

لە پاشان ئەوانی تر (دوژمنان)مان نوقم کرد

### الآية 37:83

> ۞ وَإِنَّ مِنْ شِيعَتِهِ لَإِبْرَاهِيمَ [37:83]

بەڕاستی ئیبراھیم لە پەیڕەوان و شوێنکەوتوانی نوح بوو (لە بنەماکانی ئایندا)

### الآية 37:84

> إِذْ جَاءَ رَبَّهُ بِقَلْبٍ سَلِيمٍ [37:84]

کاتێك بە دڵێکی ساغەوە بەرەو پەروەردگاری ھات

### الآية 37:85

> إِذْ قَالَ لِأَبِيهِ وَقَوْمِهِ مَاذَا تَعْبُدُونَ [37:85]

کاتێك کە بەباوکی و گەلەکەی ووت چی دەپەرستن

### الآية 37:86

> أَئِفْكًا آلِهَةً دُونَ اللَّهِ تُرِيدُونَ [37:86]

ئایا بێجگە لە خوا پەرستراوێکی درۆ و ھەڵبەستراوتان دەوێت (بیپەرستن)

### الآية 37:87

> فَمَا ظَنُّكُمْ بِرَبِّ الْعَالَمِينَ [37:87]

ئاخۆ گومانتان چۆنە بەرانبەر بە پەروەردگاری جیھانیان؟

### الآية 37:88

> فَنَظَرَ نَظْرَةً فِي النُّجُومِ [37:88]

ئەمجا سەیرێکی ئەستێرەکانی کرد

### الآية 37:89

> فَقَالَ إِنِّي سَقِيمٌ [37:89]

جا ووتی من نەخۆشم (نایەم بۆ جەژنەکەتان لە دەرەوەی شار)

### الآية 37:90

> فَتَوَلَّوْا عَنْهُ مُدْبِرِينَ [37:90]

ئەوانیش پشتیان تێکرد و ڕۆشتن (بۆ دەرەوەی شار بۆ جەژنەکەیان)

### الآية 37:91

> فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ [37:91]

جا (ئیبراھیم) بە نھێنی ڕۆشت بۆ لای پەرستراوەکانیان (بە گاڵتەوە) پێی ووتن ئەوە بۆ شت ناخۆن

### الآية 37:92

> مَا لَكُمْ لَا تَنْطِقُونَ [37:92]

ئەوە چیتانە قسە ناکەن

### الآية 37:93

> فَرَاغَ عَلَيْهِمْ ضَرْبًا بِالْيَمِينِ [37:93]

ئەمجا بەدەستی ڕاستی (بە تەور) دەستیکرد بەلێدانیان (ورد وردی کردن جگە بتە گەورەکەیان)

### الآية 37:94

> فَأَقْبَلُوا إِلَيْهِ يَزِفُّونَ [37:94]

(گەلەکەی زانیان) یەکسەر بە پەلە بەرەو ئیبراھیم ھاتن

### الآية 37:95

> قَالَ أَتَعْبُدُونَ مَا تَنْحِتُونَ [37:95]

(ئیبراھیم) ووتی ئایا ئێوە بتانێك دەپەرستن کە خۆتان دەیتاشن و دروستی دەکەن؟

### الآية 37:96

> وَاللَّهُ خَلَقَكُمْ وَمَا تَعْمَلُونَ [37:96]

لە کاتێکدا خوا بەدیھێنەری خۆتان و ئەو بتانەشە دروستان کردون

### الآية 37:97

> قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ [37:97]

ووتیان بینایەکی بەرزی بۆ دروست بکەن (پڕی کەن لە ئاگر) و فڕێی بدەنە ناو ئاگرەکەوە

### الآية 37:98

> فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ [37:98]

وویستیان (بیکوژن) بە پیلان بەڵام ئێمە ئەوانمان ژێر خست

### الآية 37:99

> وَقَالَ إِنِّي ذَاهِبٌ إِلَىٰ رَبِّي سَيَهْدِينِ [37:99]

(ئیبراھیم) ووتی من دەڕۆم بۆ لای پەروەردگارم، دڵنیام ڕێنمونیم دەکات

### الآية 37:100

> رَبِّ هَبْ لِي مِنَ الصَّالِحِينَ [37:100]

ئەی پەروەردگارم مناڵێکی چاکم پێببەخشە

### الآية 37:101

> فَبَشَّرْنَاهُ بِغُلَامٍ حَلِيمٍ [37:101]

ئێمەش مژدەی کوڕێکی لەسەرخۆمان پێـدا

### الآية 37:102

> فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ [37:102]

جا کاتێك ئەو (کوڕەگەورە بوو تا) گەشتە ئەوەی ئیش و کار بکات لەگەڵ (ئیبراھیم)دا (ئیبراھیم) ووتی ئەی کوڕە خۆشەویستەکەم بەڕاستی من لە خەودا بینیم کە سەرت دەبڕم جا سەرنج بدە دەڵێیت چی و ڕات چیە؟ (کوڕەکە = ئیسماعیل) ووتی بابەگیان ئەوەی فەرمانت پێدراوە بیکە دڵنیابە دەمبینیت بە وویستی خوا لە خۆگران دەبم

### الآية 37:103

> فَلَمَّا أَسْلَمَا وَتَلَّهُ لِلْجَبِينِ [37:103]

ئەمجا کاتێك ھەر دووکیان ملکەچ بوون (بۆ فەرمانی خوا) و ئیبراھیم ئیسماعیلی بەڕوودا خستەسەر زەوی

### الآية 37:104

> وَنَادَيْنَاهُ أَنْ يَا إِبْرَاهِيمُ [37:104]

ئێمەش بانگمان کرد ئەی ئیبراھیم

### الآية 37:105

> قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ [37:105]

بێگومان خەوەکەت بەجێھێنا بەڕاستی ئێمە ئا بەو شێوە پاداشتی چاکەکاران دەدەینەوە

### الآية 37:106

> إِنَّ هَٰذَا لَهُوَ الْبَلَاءُ الْمُبِينُ [37:106]

بێگومان ئەمە تاقیکردنەوەی ئاشکرابوو

### الآية 37:107

> وَفَدَيْنَاهُ بِذِبْحٍ عَظِيمٍ [37:107]

وە بەرانێکی گەورەمان کردە قوربانی ئەو (ئیسماعیل)

### الآية 37:108

> وَتَرَكْنَا عَلَيْهِ فِي الْآخِرِينَ [37:108]

وە باس وناوبانگی(باشی) ئەومان لەناو گەلە پاشینەکاندا ھێشتەوە (کە ئەمەیە)

### الآية 37:109

> سَلَامٌ عَلَىٰ إِبْرَاهِيمَ [37:109]

دروود و سەلام لەسەر ئیبراھیم

### الآية 37:110

> كَذَٰلِكَ نَجْزِي الْمُحْسِنِينَ [37:110]

ئا بەو شێوە پاداشتی چاکەکاران دەدەینەوە

### الآية 37:111

> إِنَّهُ مِنْ عِبَادِنَا الْمُؤْمِنِينَ [37:111]

بێگومان ئەو لە بەندە باوەڕدارەکانی ئێمە بوو

### الآية 37:112

> وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ [37:112]

مژدەی ئیسحاقمان پێدا (کە دەبێتە) پێغەمبەرێك لەچاکەکاران

### الآية 37:113

> وَبَارَكْنَا عَلَيْهِ وَعَلَىٰ إِسْحَاقَ ۚ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ [37:113]

جا فەڕ و بەرەکەتمان ڕشت بەسەر ئیبراھیم و ئیسحاقدا و لە نەوەی ھەردووکیـان کارچاك و ستەمکار لەدەروونی خۆی بەئاشکرا ھەبوو

### الآية 37:114

> وَلَقَدْ مَنَنَّا عَلَىٰ مُوسَىٰ وَهَارُونَ [37:114]

سوێند بەخوا بێگومان منەتمان نا بەسەر موساو ھاروندا

### الآية 37:115

> وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ [37:115]

ھەردووکیان و گەلەکەیانمان لە تەنگانە گەورەکە ڕزگار کرد

### الآية 37:116

> وَنَصَرْنَاهُمْ فَكَانُوا هُمُ الْغَالِبِينَ [37:116]

وە یارمەتیمان دان، بۆیە ھەر ئەوان سەرکەوتن (بەسەر فیرعەون و کۆمەڵەکەیدا)

### الآية 37:117

> وَآتَيْنَاهُمَا الْكِتَابَ الْمُسْتَبِينَ [37:117]

وە کتێبی ڕوونکەرەوەمان دا بەھەردووکیان (بەموسا و ھارون)

### الآية 37:118

> وَهَدَيْنَاهُمَا الصِّرَاطَ الْمُسْتَقِيمَ [37:118]

وە ڕێنمونی ھەردووکیانمان کرد بۆ رێگای ڕاست

### الآية 37:119

> وَتَرَكْنَا عَلَيْهِمَا فِي الْآخِرِينَ [37:119]

وە ناوبانگی چاکی ھەردووکیانمان لە ناو گەلە پاشینەکاندا ھێشتەوە

### الآية 37:120

> سَلَامٌ عَلَىٰ مُوسَىٰ وَهَارُونَ [37:120]

سەلام لەسەر موسا و ھارون بێت

### الآية 37:121

> إِنَّا كَذَٰلِكَ نَجْزِي الْمُحْسِنِينَ [37:121]

بەڕاستی ئێمە ئا بەو شێوە پاداشتی چاکەکاران دەدەینەوە

### الآية 37:122

> إِنَّهُمَا مِنْ عِبَادِنَا الْمُؤْمِنِينَ [37:122]

بێگومان ھەردووکیان لەبەندە ئیماندارەکانی ئێمەن

### الآية 37:123

> وَإِنَّ إِلْيَاسَ لَمِنَ الْمُرْسَلِينَ [37:123]

بەڕاستی ئیلیاس (پێغەمبەرێك بوو) لەپێغەمبەران

### الآية 37:124

> إِذْ قَالَ لِقَوْمِهِ أَلَا تَتَّقُونَ [37:124]

کاتێك بەگەلەکەی ووت ئەوە لەخوا ناترسن (خۆتان ناپارێزن)

### الآية 37:125

> أَتَدْعُونَ بَعْلًا وَتَذَرُونَ أَحْسَنَ الْخَالِقِينَ [37:125]

ئایا (بتی) بەعل دەپەرستن و واز دەھێنن لە (پەرستنی) چاکترینی دروستکەر و بەدیھێنەران(کە خوای گەورەیە)

### الآية 37:126

> اللَّهَ رَبَّكُمْ وَرَبَّ آبَائِكُمُ الْأَوَّلِينَ [37:126]

کەخوای پەروەردگاری ئێوە و باوو باپیرە پێشینەکانتانە

### الآية 37:127

> فَكَذَّبُوهُ فَإِنَّهُمْ لَمُحْضَرُونَ [37:127]

کەچی باوەڕیان نەھێنا بە ئیلیاس کەوابوو بێگومان ئەوان ئامادە دەکرێن(لە دۆزەخدا)

### الآية 37:128

> إِلَّا عِبَادَ اللَّهِ الْمُخْلَصِينَ [37:128]

بەڵام بەندە پاك و ھەڵبژاردەکانی خوا

### الآية 37:129

> وَتَرَكْنَا عَلَيْهِ فِي الْآخِرِينَ [37:129]

وە باس وناوبانگی(باشی) ئەومان لەناو گەلە پاشینەکاندا ھێشتەوە (کە ئەمەیە)

### الآية 37:130

> سَلَامٌ عَلَىٰ إِلْ يَاسِينَ [37:130]

سەلام لەسەر ئیلیاس بێت (ئیلیاسین و ئیلیاس ھەر یەك کەسە)

### الآية 37:131

> إِنَّا كَذَٰلِكَ نَجْزِي الْمُحْسِنِينَ [37:131]

بەڕاستی ئێمە ئا بەو شێوە پاداشتی چاکەکاران دەدەینەوە

### الآية 37:132

> إِنَّهُ مِنْ عِبَادِنَا الْمُؤْمِنِينَ [37:132]

بێگومان ئەو لە بەندە باوەڕدارەکانی ئێمە بوو

### الآية 37:133

> وَإِنَّ لُوطًا لَمِنَ الْمُرْسَلِينَ [37:133]

بەڕاستی لوط (پێغەمبەرێك بوو) لە پێغەمبەران

### الآية 37:134

> إِذْ نَجَّيْنَاهُ وَأَهْلَهُ أَجْمَعِينَ [37:134]

کاتێك خۆی و ھەموو کەسەکانی و شوێن کەوتووانیمان ڕزگار کرد

### الآية 37:135

> إِلَّا عَجُوزًا فِي الْغَابِرِينَ [37:135]

بێجگە لەپیرەژنێك (خێزانی لوط ) کە لە تیاچووەکان بوو

### الآية 37:136

> ثُمَّ دَمَّرْنَا الْآخَرِينَ [37:136]

پاشان ئەوانی ترمان لەناوبرد

### الآية 37:137

> وَإِنَّكُمْ لَتَمُرُّونَ عَلَيْهِمْ مُصْبِحِينَ [37:137]

بەڕاستی ئێوە (ئەی قوڕەیشیەکان) بە بەیانیاندا (بە ڕۆژ) دەڕۆن بەسەر (شوێنەوارەکانیاندا)

### الآية 37:138

> وَبِاللَّيْلِ ۗ أَفَلَا تَعْقِلُونَ [37:138]

و بەشەودا ئایا ئیتر ژیر نابن

### الآية 37:139

> وَإِنَّ يُونُسَ لَمِنَ الْمُرْسَلِينَ [37:139]

وە بە ڕاستی یونس (پێغەمبەرێك بوو) لەپێغەمبەران

### الآية 37:140

> إِذْ أَبَقَ إِلَى الْفُلْكِ الْمَشْحُونِ [37:140]

کاتێک ڕایکرد بۆ لای کەشتیەکی پڕ (لە خەڵك)

### الآية 37:141

> فَسَاهَمَ فَكَانَ مِنَ الْمُدْحَضِينَ [37:141]

ئەمجا (ئەو کەشتیە لەبەر ئەوەی باری قوورس بوو، لەترسی نوقم نەبوونی، خەڵکەکەی کە لەناویدا بوون، قورعەکێشیان کرد بۆ ئەوەی ئەو کەسەی دەرچوو بیخەنە ناو دەریاکەوە وباری کەشتەیەکە سووکتر ببێت) قورعەیان کرد (یونس) ئەو کەسە بوو لەقورعەکە سەرنەکەوت

### الآية 37:142

> فَالْتَقَمَهُ الْحُوتُ وَهُوَ مُلِيمٌ [37:142]

(خرایە دەریاکە و) ئەمجا نەھەنگێك قووتی دا ئەویش شایانی سەرزەنشت بوو

### الآية 37:143

> فَلَوْلَا أَنَّهُ كَانَ مِنَ الْمُسَبِّحِينَ [37:143]

خۆ ئەگەر بەڕاستی ئەو لە یادکارانی (خوا) نەبوایە

### الآية 37:144

> لَلَبِثَ فِي بَطْنِهِ إِلَىٰ يَوْمِ يُبْعَثُونَ [37:144]

ھەتا ڕۆژی زیندوو بوونەوە لەناو سکی ئەو (نەھەنگەدا) دەمایەوە

### الآية 37:145

> ۞ فَنَبَذْنَاهُ بِالْعَرَاءِ وَهُوَ سَقِيمٌ [37:145]

بە ھۆی ئەوەوە فڕێماندایە زەویەکی ڕووت (بێ دار و درەخت) و نەخۆشیش بوو

### الآية 37:146

> وَأَنْبَتْنَا عَلَيْهِ شَجَرَةً مِنْ يَقْطِينٍ [37:146]

وە ڕووەکێکی کولەکەمان بەسەریدا ڕواند

### الآية 37:147

> وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ [37:147]

ئەوسا بە پێغەمبەرێتی ناردمان بۆ لای سەد ھەزار کەس یان زیاتر

### الآية 37:148

> فَآمَنُوا فَمَتَّعْنَاهُمْ إِلَىٰ حِينٍ [37:148]

گەلەکەش باوەڕیان ھێنا و بەو ھۆیەوە بەھرەمەندمان کردن لەژیان تا ماوەیەك

### الآية 37:149

> فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ [37:149]

ئەمجا (ئەی موحەممەد ﷺ) پرسیاریان لێ بکە ئایا کچان بۆ پەروەردگاری تۆیە و کوڕانیش ھی ئەوانە؟

### الآية 37:150

> أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ [37:150]

یان ئەوان بە دیارەوە بوون کە ئێمە فریشتەکانمان بە مێینە دروستکرد

### الآية 37:151

> أَلَا إِنَّهُمْ مِنْ إِفْكِهِمْ لَيَقُولُونَ [37:151]

بێدار بن بەڕاستی ئەوان لە دەس ھەڵبەسی خۆیانەوە دەڵێن

### الآية 37:152

> وَلَدَ اللَّهُ وَإِنَّهُمْ لَكَاذِبُونَ [37:152]

خوا منداڵی بووەو بێگومان ئەوانە درۆزنن

### الآية 37:153

> أَصْطَفَى الْبَنَاتِ عَلَى الْبَنِينَ [37:153]

ئایا (خوا) کچانی ھەڵبژاردووە (بۆ خۆی) بەسەر کوڕاندا

### الآية 37:154

> مَا لَكُمْ كَيْفَ تَحْكُمُونَ [37:154]

چیتانە چۆن بڕیاری وا دەدەن

### الآية 37:155

> أَفَلَا تَذَكَّرُونَ [37:155]

دەی ئایا بیر ناکەنەوە؟

### الآية 37:156

> أَمْ لَكُمْ سُلْطَانٌ مُبِينٌ [37:156]

یان بەڵگەیەکی ڕوونتان (لەم بارەیەوە) ھەیە

### الآية 37:157

> فَأْتُوا بِكِتَابِكُمْ إِنْ كُنْتُمْ صَادِقِينَ [37:157]

دەی کتێبەکەتان (بەڵگەکەتان) بھێنن ئەگەر ڕاست دەکەن

### الآية 37:158

> وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ [37:158]

وە ئەو (بێ باوەڕانە) لە نێوان خواو جنۆکەدا خزمایەتیان بڕیارداوە سوێند بەخوا بێگومان جنۆکەکان دەیانزانی کە بەڕاستی ئەوان ئامادە دەکرێن (لەڕۆژی دواییدا)

### الآية 37:159

> سُبْحَانَ اللَّهِ عَمَّا يَصِفُونَ [37:159]

پاك و بێگەردە خوا لەوەی ئەو (بێ باوەڕانە) دەیڵێن

### الآية 37:160

> إِلَّا عِبَادَ اللَّهِ الْمُخْلَصِينَ [37:160]

(ھەموویان سزا دەدرێن) بێجگە بەندە خاوێن کراوەکانی خوا

### الآية 37:161

> فَإِنَّكُمْ وَمَا تَعْبُدُونَ [37:161]

ئەمجا بەڕاستی ئێوە و ئەو (بتانە)یش کە دەیپەرستن

### الآية 37:162

> مَا أَنْتُمْ عَلَيْهِ بِفَاتِنِينَ [37:162]

ئێوە ناتوانن لەبەرانبەری خوادا گومڕاکەری (کەس) بن

### الآية 37:163

> إِلَّا مَنْ هُوَ صَالِ الْجَحِيمِ [37:163]

بێجگە ئەو کەسەی (خوا دەزانێت) دەچێتە دۆزەخەوە

### الآية 37:164

> وَمَا مِنَّا إِلَّا لَهُ مَقَامٌ مَعْلُومٌ [37:164]

(فریشتەکان دەڵێن) ھیچ کام لەئێمە نیە مەگەر پلەو شوێنێکی دیاریکراوی خۆی ھەیە

### الآية 37:165

> وَإِنَّا لَنَحْنُ الصَّافُّونَ [37:165]

وە بەڕاستی ئێمە ھەموومان بەڕیز وەستاوین (بۆ عیبادەت و بەجێھێنانی فەرمانی خوا)

### الآية 37:166

> وَإِنَّا لَنَحْنُ الْمُسَبِّحُونَ [37:166]

وە بێگومان ئێمەین ھەمیشە تەسبیحات وزیکر ویادی ئەو دەکەین

### الآية 37:167

> وَإِنْ كَانُوا لَيَقُولُونَ [37:167]

بێگومان ھەر چەندە بت پەرستان دەیانووت

### الآية 37:168

> لَوْ أَنَّ عِنْدَنَا ذِكْرًا مِنَ الْأَوَّلِينَ [37:168]

بەڕاستی ئەگەر کتێبێ (ی ئاسمانی وەك کتێبی) پێشینانمان ھەبوایە

### الآية 37:169

> لَكُنَّا عِبَادَ اللَّهِ الْمُخْلَصِينَ [37:169]

بەڕاستی ئێمە لە بەندە پاك و خاوێنەکانی خوا دەبووین

### الآية 37:170

> فَكَفَرُوا بِهِ ۖ فَسَوْفَ يَعْلَمُونَ [37:170]

ئەمجا (کە کتێبیان بۆ ھات) باوەڕیان پێ نەھێنا، جابەزوویی دەزانن (سەر ئەنجامی بێ بڕواییەکەیان چۆن دەبێت)

### الآية 37:171

> وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ [37:171]

سوێند بەخوا بێگومان پێشتر بڕیارمان داوە بۆ بەندە نێردراوەکانمان

### الآية 37:172

> إِنَّهُمْ لَهُمُ الْمَنْصُورُونَ [37:172]

کە بێگومان ھەر ئەوان سەر دەخرێن

### الآية 37:173

> وَإِنَّ جُنْدَنَا لَهُمُ الْغَالِبُونَ [37:173]

دیاریشە ھەر سەربازانی ئێمە سەردەکەوون

### الآية 37:174

> فَتَوَلَّ عَنْهُمْ حَتَّىٰ حِينٍ [37:174]

تۆش وازیان لێ بھێنە تا ئەو ماوەی(دیاریکراوە بۆ لەناوبردنیان)

### الآية 37:175

> وَأَبْصِرْهُمْ فَسَوْفَ يُبْصِرُونَ [37:175]

وە بیان بینە (سەرنجامیان چۆن دەبێت) لەمەولا ئەوانیش دەبینن (چییان بەسەر دێت)

### الآية 37:176

> أَفَبِعَذَابِنَا يَسْتَعْجِلُونَ [37:176]

جا ئایا بەپەلە داوای سزای ئێمە دەکەن

### الآية 37:177

> فَإِذَا نَزَلَ بِسَاحَتِهِمْ فَسَاءَ صَبَاحُ الْمُنْذَرِينَ [37:177]

ھەر کاتێك سزای ئێمە ھاتە خوارەوە بۆ ناو ماڵەکانیان ئەوسا ترسێنراوان چ ڕۆژێکی خراپ و تەنگیان دەبێت

### الآية 37:178

> وَتَوَلَّ عَنْهُمْ حَتَّىٰ حِينٍ [37:178]

وە وازیان لێ بھێنە ھەتائەو ماوەی (دیاریکراوە بۆیان)

### الآية 37:179

> وَأَبْصِرْ فَسَوْفَ يُبْصِرُونَ [37:179]

وە ببینە ئەمجا لەمەولا ئەوانیش دەبینن

### الآية 37:180

> سُبْحَانَ رَبِّكَ رَبِّ الْعِزَّةِ عَمَّا يَصِفُونَ [37:180]

پەروەردگارت پاك و بێگەردە، پەروەردگاری باڵا دەست لەوەی بێ باوەڕان دەیڵێن (دەربارەی)

### الآية 37:181

> وَسَلَامٌ عَلَى الْمُرْسَلِينَ [37:181]

سڵاو و درودیش بۆ گشت پێغەمبەران

### الآية 37:182

> وَالْحَمْدُ لِلَّهِ رَبِّ الْعَالَمِينَ [37:182]

سوپاس و ستایشیش بۆ خوای پەروەردگاری ھەموو جیھانیان

## روابط ذات صلة

- [النص القرآني للسورة](https://quranpedia.net/surah/1/37.md)
- [كل تفاسير سورة الصافات
](https://quranpedia.net/surah-tafsir/37.md)
- [ترجمات سورة الصافات
](https://quranpedia.net/translations/37.md)
- [صفحة الكتاب: الترجمة الكردية](https://quranpedia.net/book/1968.md)
- [المؤلف: حمد صالح باموكي](https://quranpedia.net/person/1743.md)

---

زُر [Quranpedia.net](https://quranpedia.net/surah/1/37/book/1968) — موسوعة القرآن الكريم: التفاسير، الترجمات، التلاوات، والمواضيع.