---
title: "ترجمة سورة الصافات - الترجمة البشتوية (البشتوية)"
url: "https://quranpedia.net/surah/1/37/book/1969.md"
canonical: "https://quranpedia.net/surah/1/37/book/1969"
surah_id: "37"
book_id: "1969"
book_name: "الترجمة البشتوية"
author: "زكريا عبد السلام"
type: "translation"
---

# ترجمة سورة الصافات - الترجمة البشتوية (البشتوية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/37/book/1969)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الصافات - الترجمة البشتوية (البشتوية) — https://quranpedia.net/surah/1/37/book/1969*.

Translation of Surah الصافات from "الترجمة البشتوية" in البشتوية.

### الآية 37:1

> وَالصَّافَّاتِ صَفًّا [37:1]

37-1 قسم دى (د ملايكو) په صف جوړونكو ډلو باندې، صف جوړول

### الآية 37:2

> فَالزَّاجِرَاتِ زَجْرًا [37:2]

37-2 بیا (شیطانانو لره) په شړونكو (ملايكو دى) سخت شړل

### الآية 37:3

> فَالتَّالِيَاتِ ذِكْرًا [37:3]

37-3 بیا د ذكر په لوستونكو باندې

### الآية 37:4

> إِنَّ إِلَٰهَكُمْ لَوَاحِدٌ [37:4]

37-4 چې بېشكه ستاسو معبود یقینًا یو دى

### الآية 37:5

> رَبُّ السَّمَاوَاتِ وَالْأَرْضِ وَمَا بَيْنَهُمَا وَرَبُّ الْمَشَارِقِ [37:5]

37-5 چې د اسمانونو او ځمكې رب دى او د هغه څه چې د دواړو په مینځ كې دي او د مشرقونو رب دى

### الآية 37:6

> إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ [37:6]

37-6 بېشكه مونږ (ځمكې ته) زیات نژدې اسمان په زینت سره ښايسته كړى دى، چې ستوري دي

### الآية 37:7

> وَحِفْظًا مِنْ كُلِّ شَيْطَانٍ مَارِدٍ [37:7]

37-7 او له هر سركښه شیطان نه مو ښه ساتلى دى

### الآية 37:8

> لَا يَسَّمَّعُونَ إِلَى الْمَلَإِ الْأَعْلَىٰ وَيُقْذَفُونَ مِنْ كُلِّ جَانِبٍ [37:8]

37-8 دغه (شیطانان) تر ټولو لوړ مجلس ته غوږ نشي نیولى او دوى له هره جانبه ویشتل شي

### الآية 37:9

> دُحُورًا ۖ وَلَهُمْ عَذَابٌ وَاصِبٌ [37:9]

37-9 د شړلو لپاره او د دوى لپاره همېشنى عذاب دى

### الآية 37:10

> إِلَّا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ [37:10]

37-10 غیر له هغه (شیطان) نه چې وتښتوي یو كرت تښتونه، نو په ده پسې شي لمبه رڼا كوونكې

### الآية 37:11

> فَاسْتَفْتِهِمْ أَهُمْ أَشَدُّ خَلْقًا أَمْ مَنْ خَلَقْنَا ۚ إِنَّا خَلَقْنَاهُمْ مِنْ طِينٍ لَازِبٍ [37:11]

37-11 نو ته له دوى نه پوښتنه وكړه چې ایا دوى د تخلیق په لحاظ ډېر سخت دي، یا هغه چې مونږ پیدا كړي دي؟، بېشكه مونږ دوى له سرېښناكې خټې نه پیدا كړي دي

### الآية 37:12

> بَلْ عَجِبْتَ وَيَسْخَرُونَ [37:12]

37-12 بلكې ته (د دوى په انكار) تعجب كوې، په داسې حال كې چې دوى (په تا پورې) مسخرې كوي

### الآية 37:13

> وَإِذَا ذُكِّرُوا لَا يَذْكُرُونَ [37:13]

37-13 او كله چې دوى ته نصیحت وكړى شي، دوى پند (نصیحت) نه اخلي

### الآية 37:14

> وَإِذَا رَأَوْا آيَةً يَسْتَسْخِرُونَ [37:14]

37-14 او كله چې دوى كومه (نښه دلیل) وویني، (نو ورپورې) ډېرې مسخرې كوي

### الآية 37:15

> وَقَالُوا إِنْ هَٰذَا إِلَّا سِحْرٌ مُبِينٌ [37:15]

37-15 او وايي چې نه دى دا (چې مونږ ولید) مګر ښكاره جادو

### الآية 37:16

> أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ [37:16]

37-16 ایا كله چې مونږ مړه شو او خاورې او هډوكي شو، ایا په رښتیا به مونږ خامخا بیا ژۃوندي راپاڅول كېږو؟

### الآية 37:17

> أَوَآبَاؤُنَا الْأَوَّلُونَ [37:17]

37-17 او ایا زمونږ ړومبني پلرونه هم؟

### الآية 37:18

> قُلْ نَعَمْ وَأَنْتُمْ دَاخِرُونَ [37:18]

37-18 ته (دوى ته) ووایه: هو! په داسې حال كې چې تاسو به ذلیل هم یئ

### الآية 37:19

> فَإِنَّمَا هِيَ زَجْرَةٌ وَاحِدَةٌ فَإِذَا هُمْ يَنْظُرُونَ [37:19]

37-19 پس همدا خبره ده چې هغه (قیامت) خو یوه چغه ده، نو ناڅاپه به دوى ګوري

### الآية 37:20

> وَقَالُوا يَا وَيْلَنَا هَٰذَا يَوْمُ الدِّينِ [37:20]

37-20 او دوى به وايي: اى زمونږ هلاكته! دا د بدلې ورځ ده

### الآية 37:21

> هَٰذَا يَوْمُ الْفَصْلِ الَّذِي كُنْتُمْ بِهِ تُكَذِّبُونَ [37:21]

37-21 دا د فیصلې ورځ ده، هغه ورځ چې تاسو به د دې تكذیب كاوه

### الآية 37:22

> ۞ احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ [37:22]

37-22 (الله به ملايكو ته ووايي:) تاسو راټول كړئ هغه كسان چې ظلم (شرك) يې كړى دى او د دوى جوړې (د عقیدې ملګري) او هغه څه چې دوى به يې عبادت كاوه

### الآية 37:23

> مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ [37:23]

37-23 له الله نه غیر، نو تاسو دوى د دوزخ په لاره روان (او برابر) كړئ

### الآية 37:24

> وَقِفُوهُمْ ۖ إِنَّهُمْ مَسْئُولُونَ [37:24]

37-24 او دوى ودروئ، بېشكه له دوى نه پوښتنې كول شي

### الآية 37:25

> مَا لَكُمْ لَا تَنَاصَرُونَ [37:25]

37-25 په تاسو څه دي چې یو له بله سره مرسته نه كوئ؟

### الآية 37:26

> بَلْ هُمُ الْيَوْمَ مُسْتَسْلِمُونَ [37:26]

37-26 بلكې دوى نن ورځ (پخپله) تسليمېدونكي دي

### الآية 37:27

> وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ [37:27]

37-27 او د دوى ځینې به ځینو نورو ته مخ ورواړوي، یو تربله به پوښتنې كوي

### الآية 37:28

> قَالُوا إِنَّكُمْ كُنْتُمْ تَأْتُونَنَا عَنِ الْيَمِينِ [37:28]

37-28 وبه وايي (كشران مشرانو ته) بېشكه هم تاسو وئ چې مونږ ته به په زور سره راتللئ

### الآية 37:29

> قَالُوا بَلْ لَمْ تَكُونُوا مُؤْمِنِينَ [37:29]

37-29 وبه وايي (مشران په جواب كې) بلكې تاسو پخپله ایمان راوړونكي نه وئ

### الآية 37:30

> وَمَا كَانَ لَنَا عَلَيْكُمْ مِنْ سُلْطَانٍ ۖ بَلْ كُنْتُمْ قَوْمًا طَاغِينَ [37:30]

37-30 او زمونږ لپاره پر تاسو باندې هېڅ زور (تسلط) نه و، بلكې تاسو پخپله سركښه قوم وئ

### الآية 37:31

> فَحَقَّ عَلَيْنَا قَوْلُ رَبِّنَا ۖ إِنَّا لَذَائِقُونَ [37:31]

37-31 نو په مونږه باندې زمونږ د رب خبره ثابته شوه، یقینًا مونږ خامخا (عذاب لره) څكونكي یو

### الآية 37:32

> فَأَغْوَيْنَاكُمْ إِنَّا كُنَّا غَاوِينَ [37:32]

37-32 نو مونږ تاسو ګمراه كړئ، بېشكه مونږ (پخپله هم) ګمراهان وو

### الآية 37:33

> فَإِنَّهُمْ يَوْمَئِذٍ فِي الْعَذَابِ مُشْتَرِكُونَ [37:33]

37-33 پس بېشكه دوى په دغه ورځ په عذاب كې سره شریكان دي

### الآية 37:34

> إِنَّا كَذَٰلِكَ نَفْعَلُ بِالْمُجْرِمِينَ [37:34]

37-34 بېشكه مونږ له مجرمانو سره همداسې كوو

### الآية 37:35

> إِنَّهُمْ كَانُوا إِذَا قِيلَ لَهُمْ لَا إِلَٰهَ إِلَّا اللَّهُ يَسْتَكْبِرُونَ [37:35]

37-35 بېشكه دوى (داسې) وو چې كله به دوى ته وویل شول چې له الله نه غیر هېڅ لايق د عبادت نشته (، نو) دوى به تكبر كاوه

### الآية 37:36

> وَيَقُولُونَ أَئِنَّا لَتَارِكُو آلِهَتِنَا لِشَاعِرٍ مَجْنُونٍ [37:36]

37-36 او دوى وايي چې ایا یقینًا مونږ په رښتیا سره د یو لېوني شاعر له وجې نه خپل معبودان (خدایان) پرېښودونكي یو

### الآية 37:37

> بَلْ جَاءَ بِالْحَقِّ وَصَدَّقَ الْمُرْسَلِينَ [37:37]

37-37 (داسې نه ده) بلكې دغه (نبي) حق (دین) راوړى دى، او د رسولانو تصدیق يې كړى دى

### الآية 37:38

> إِنَّكُمْ لَذَائِقُو الْعَذَابِ الْأَلِيمِ [37:38]

37-38 بېشكه تاسو خامخا ډېر دردوونكي عذاب لره څكونكي یئ

### الآية 37:39

> وَمَا تُجْزَوْنَ إِلَّا مَا كُنْتُمْ تَعْمَلُونَ [37:39]

37-39 او تاسو ته بدله نه دركولى كېږي مګر د هغو عملونو چې تاسو به كول

### الآية 37:40

> إِلَّا عِبَادَ اللَّهِ الْمُخْلَصِينَ [37:40]

37-40 لېكن د الله غوره كړى شوي بنده ګان

### الآية 37:41

> أُولَٰئِكَ لَهُمْ رِزْقٌ مَعْلُومٌ [37:41]

37-41 دغه كسان چې دي، د دوى لپاره معلومه روزي ده

### الآية 37:42

> فَوَاكِهُ ۖ وَهُمْ مُكْرَمُونَ [37:42]

37-42 چې (رنګارنګ) مېوي دي، په داسې حال كې چې دوى به عزتمن كړى شوي وي

### الآية 37:43

> فِي جَنَّاتِ النَّعِيمِ [37:43]

37-43 د نعمتونو په باغونو كې

### الآية 37:44

> عَلَىٰ سُرُرٍ مُتَقَابِلِينَ [37:44]

37-44 (چې ناست به وي) په تختونو یو بل ته مخامخ

### الآية 37:45

> يُطَافُ عَلَيْهِمْ بِكَأْسٍ مِنْ مَعِينٍ [37:45]

37-45 په دوى به د روانو صافو شرابو جامونه ګرځولى شي

### الآية 37:46

> بَيْضَاءَ لَذَّةٍ لِلشَّارِبِينَ [37:46]

37-46 چې تك سپین به وي، د څښونكو لپاره به خوندور وي

### الآية 37:47

> لَا فِيهَا غَوْلٌ وَلَا هُمْ عَنْهَا يُنْزَفُونَ [37:47]

37-47 نه به په هغو كې سر خوږى وي او نه به دوى د دغو (شرابو) په وجه نشه كولى شي

### الآية 37:48

> وَعِنْدَهُمْ قَاصِرَاتُ الطَّرْفِ عِينٌ [37:48]

37-48 او له دوى سره به د (خپل) نظر رامنع كوونكې غټو سترګو والا حورې وي

### الآية 37:49

> كَأَنَّهُنَّ بَيْضٌ مَكْنُونٌ [37:49]

37-49 ګویاكې دوى پټې ساتل شوې هګۍ دي

### الآية 37:50

> فَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ [37:50]

37-50 نو د دغو (جنتیانو) ځینې به ځینو نورو ته مخ راوګرځوي، چې سره تپوس به كوي

### الآية 37:51

> قَالَ قَائِلٌ مِنْهُمْ إِنِّي كَانَ لِي قَرِينٌ [37:51]

37-51 په دوى كې يو ویونكى به ووايي: بېشكه زما یو دوست و

### الآية 37:52

> يَقُولُ أَإِنَّكَ لَمِنَ الْمُصَدِّقِينَ [37:52]

37-52 ویل به يې: ایا یقینًا ته خامخا له تصدیق كوونكو ځنې يې؟

### الآية 37:53

> أَإِذَا مِتْنَا وَكُنَّا تُرَابًا وَعِظَامًا أَإِنَّا لَمَدِينُونَ [37:53]

37-53 ایا كله چې مونږ مړه شو او خاورې او هډوكي شو، ایا بېشكه مونږ ته به خامخا جزا راكولى شي

### الآية 37:54

> قَالَ هَلْ أَنْتُمْ مُطَّلِعُونَ [37:54]

37-54 وبه وايي: ایا تاسو كتونكي يئ؟

### الآية 37:55

> فَاطَّلَعَ فَرَآهُ فِي سَوَاءِ الْجَحِيمِ [37:55]

37-55 نو وبه ګوري، نو هغه به (د دوزخ) په مینځ كې وویني

### الآية 37:56

> قَالَ تَاللَّهِ إِنْ كِدْتَ لَتُرْدِينِ [37:56]

37-56 وبه وايي (كتونكى): قسم په الله! بېشكه شان دا و چې ته نژدې وې چې ما هلاك كړې

### الآية 37:57

> وَلَوْلَا نِعْمَةُ رَبِّي لَكُنْتُ مِنَ الْمُحْضَرِينَ [37:57]

37-57 او كه زما د رب نعمت نه وى (نو) خامخا زه به له حاضر كړى شویو څخه وم

### الآية 37:58

> أَفَمَا نَحْنُ بِمَيِّتِينَ [37:58]

37-58 ایا نو مونږ مړه كېدونكي نه یو

### الآية 37:59

> إِلَّا مَوْتَتَنَا الْأُولَىٰ وَمَا نَحْنُ بِمُعَذَّبِينَ [37:59]

37-59 زمونږ له ړومبي مرګ نه غیر، او مونږ په عذاب كړى شوي نه یو

### الآية 37:60

> إِنَّ هَٰذَا لَهُوَ الْفَوْزُ الْعَظِيمُ [37:60]

37-60 بېشكه دا، یقینًا همدغه ډېر لوى برى دى

### الآية 37:61

> لِمِثْلِ هَٰذَا فَلْيَعْمَلِ الْعَامِلُونَ [37:61]

37-61 د دغو (نعمتونو) مثل لپاره دې عمل كوونكي عمل وكړي

### الآية 37:62

> أَذَٰلِكَ خَيْرٌ نُزُلًا أَمْ شَجَرَةُ الزَّقُّومِ [37:62]

37-62 ایا دغه د مېلمستیا په لحاظ غوره دي، یا د زقوم ونه

### الآية 37:63

> إِنَّا جَعَلْنَاهَا فِتْنَةً لِلظَّالِمِينَ [37:63]

37-63 بېشكه مونږ دغه (ونه) د ظالمانو (مشركانو) لپاره فتنه (او عذاب) ګرځولې ده

### الآية 37:64

> إِنَّهَا شَجَرَةٌ تَخْرُجُ فِي أَصْلِ الْجَحِيمِ [37:64]

37-64 بېشكه دغه داسې ونه ده چې د دوزخ په بېخ كې راوځي

### الآية 37:65

> طَلْعُهَا كَأَنَّهُ رُءُوسُ الشَّيَاطِينِ [37:65]

37-65 د دغې وږي، ګویاكې هغه د شیطانانو سرونه دي

### الآية 37:66

> فَإِنَّهُمْ لَآكِلُونَ مِنْهَا فَمَالِئُونَ مِنْهَا الْبُطُونَ [37:66]

37-66 پس بېشكه دوى به خامخا له هغې نه خوړونكي وي، نو له هغې نه به د خپلو خېټو ډكوونكي وي

### الآية 37:67

> ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ [37:67]

37-67 بیا بېشكه دوى ته به د هغې له پاسه د ایشول شویو اوبو ګډون وي

### الآية 37:68

> ثُمَّ إِنَّ مَرْجِعَهُمْ لَإِلَى الْجَحِيمِ [37:68]

37-68 بیا بېشكه د دوى ورتله خامخا لمبې وهونكي اور ته دي

### الآية 37:69

> إِنَّهُمْ أَلْفَوْا آبَاءَهُمْ ضَالِّينَ [37:69]

37-69 بېشكه دوى خپل پلرونه ګمراه موندلي دي

### الآية 37:70

> فَهُمْ عَلَىٰ آثَارِهِمْ يُهْرَعُونَ [37:70]

37-70 نو دوى د هغوى په قدمونو پسې په ډېرې تېزۍ سره منډې وهي

### الآية 37:71

> وَلَقَدْ ضَلَّ قَبْلَهُمْ أَكْثَرُ الْأَوَّلِينَ [37:71]

37-71 او یقینًا یقینًا له دوى نه مخكې د ړومبنو خلقو اكثره ګمراه شوي دي

### الآية 37:72

> وَلَقَدْ أَرْسَلْنَا فِيهِمْ مُنْذِرِينَ [37:72]

37-72 او یقینًا یقینًا مونږ په دوى كې وېروونكي پېغمبران لېږلي وو

### الآية 37:73

> فَانْظُرْ كَيْفَ كَانَ عَاقِبَةُ الْمُنْذَرِينَ [37:73]

37-73 نو ته وګوره چې د وېرول شویو انجام څنګه و؟

### الآية 37:74

> إِلَّا عِبَادَ اللَّهِ الْمُخْلَصِينَ [37:74]

37-74 لېكن د الله غوره كړي بنډكان (له عذاب نه خلاص دي)

### الآية 37:75

> وَلَقَدْ نَادَانَا نُوحٌ فَلَنِعْمَ الْمُجِيبُونَ [37:75]

37-75 او یقینًا یقینًا مونږ ته نوح اواز وكړ، نو (مونږ) ښه جواب وركوونكي یو

### الآية 37:76

> وَنَجَّيْنَاهُ وَأَهْلَهُ مِنَ الْكَرْبِ الْعَظِيمِ [37:76]

37-76 او مونږ هغه ته او د هغه كورنۍ ته له ډېر لوى غم نه نجات وركړ

### الآية 37:77

> وَجَعَلْنَا ذُرِّيَّتَهُ هُمُ الْبَاقِينَ [37:77]

37-77 او مونږ د هغه اولاده، بس هم هغه باقي پاتې كېدونكې وګرځوله

### الآية 37:78

> وَتَرَكْنَا عَلَيْهِ فِي الْآخِرِينَ [37:78]

37-78 او مونږ په ده باندې په وروستنيو خلقو كې (مدح او ثنا) پرېښودله

### الآية 37:79

> سَلَامٌ عَلَىٰ نُوحٍ فِي الْعَالَمِينَ [37:79]

37-79 په عالمونو كې دې په نوح سلام وي

### الآية 37:80

> إِنَّا كَذَٰلِكَ نَجْزِي الْمُحْسِنِينَ [37:80]

37-80 بېشكه مونږ نېكانو ته همداسې بدله وركوو

### الآية 37:81

> إِنَّهُ مِنْ عِبَادِنَا الْمُؤْمِنِينَ [37:81]

37-81 بېشكه هغه زمونږ د مومنو بنده ګانو څخه و

### الآية 37:82

> ثُمَّ أَغْرَقْنَا الْآخَرِينَ [37:82]

37-82 بیا مونږ هغه نور (كافر) خلق غرق كړل

### الآية 37:83

> ۞ وَإِنَّ مِنْ شِيعَتِهِ لَإِبْرَاهِيمَ [37:83]

37-83 او بېشكه د هغه له ملګرو ځنې خامخا ابراهیم دى

### الآية 37:84

> إِذْ جَاءَ رَبَّهُ بِقَلْبٍ سَلِيمٍ [37:84]

37-84 (یاد كړه) كله چې هغه خپل رب ته په ډېر روغ زړه سره راغى

### الآية 37:85

> إِذْ قَالَ لِأَبِيهِ وَقَوْمِهِ مَاذَا تَعْبُدُونَ [37:85]

37-85 كله چې هغه خپل پلار او خپل قوم ته وویل: څه شى دى چې تاسو يې عبادت كوئ؟

### الآية 37:86

> أَئِفْكًا آلِهَةً دُونَ اللَّهِ تُرِيدُونَ [37:86]

37-86 ایا تاسو د دروغو (او باطلو) لپاره له الله پرته معبودان غواړئ؟

### الآية 37:87

> فَمَا ظَنُّكُمْ بِرَبِّ الْعَالَمِينَ [37:87]

37-87 نو په رب العالمین مو ستاسو څه ګمان دى

### الآية 37:88

> فَنَظَرَ نَظْرَةً فِي النُّجُومِ [37:88]

37-88 نو په ستوریو كې نظر يې واچوه، یو نظر

### الآية 37:89

> فَقَالَ إِنِّي سَقِيمٌ [37:89]

37-89 نو ويې ويل: بېشكه زه ناجوړه یم

### الآية 37:90

> فَتَوَلَّوْا عَنْهُ مُدْبِرِينَ [37:90]

37-90 نو دوى له هغه نه وګرځېدل، په داسې حال كې چې شاكوونكي وو

### الآية 37:91

> فَرَاغَ إِلَىٰ آلِهَتِهِمْ فَقَالَ أَلَا تَأْكُلُونَ [37:91]

37-91 نو د دوى معبودانو (بتانو) ته پټ راغى، نو ويې ويل: ایا تاسو (دا خوراكونه) نه خورئ؟

### الآية 37:92

> مَا لَكُمْ لَا تَنْطِقُونَ [37:92]

37-92 په تاسو څه شوي دي چې تاسو خبرې نه كوئ؟

### الآية 37:93

> فَرَاغَ عَلَيْهِمْ ضَرْبًا بِالْيَمِينِ [37:93]

37-93 نو په مهارت سره يې په دوى باندې راباندې كړل، په داسې حال كې چې په ښي لاس سره وهونكى و

### الآية 37:94

> فَأَقْبَلُوا إِلَيْهِ يَزِفُّونَ [37:94]

37-94 نو هغوى (مشركانو) ده ته متوجه شول، چې ورپسې منډې يې وهلې

### الآية 37:95

> قَالَ أَتَعْبُدُونَ مَا تَنْحِتُونَ [37:95]

37-95 ده وویل: ایا تاسو د هغه څه عبادت كوئ چې تاسو يې (پخپله) تراشئ

### الآية 37:96

> وَاللَّهُ خَلَقَكُمْ وَمَا تَعْمَلُونَ [37:96]

37-96‚ حال دا چې الله تاسو او هغه عملونه چې تاسو يې كوئ، پیدا كړي دي

### الآية 37:97

> قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ [37:97]

37-97 دوى وویل: د ده لپاره یوه ودانۍ جوړه كړئ، بیا تاسو دا په لمبې وهونكي اور كې واچوئ

### الآية 37:98

> فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ [37:98]

37-98 نو دوى له ده سره د فریب اراده وكړه، نو مونږ همدوى تر ټولو زیات ذلیله كړل

### الآية 37:99

> وَقَالَ إِنِّي ذَاهِبٌ إِلَىٰ رَبِّي سَيَهْدِينِ [37:99]

37-99 او ده (ابراهیم) وویل: بېشكه زه خپل رب ته تلونكى یم، ژر به هغه ما ته لاره وښیي

### الآية 37:100

> رَبِّ هَبْ لِي مِنَ الصَّالِحِينَ [37:100]

37-100 اى زما ربه! ته ما ته (زوى) راكړې، چې له صالحانو ځنې وي

### الآية 37:101

> فَبَشَّرْنَاهُ بِغُلَامٍ حَلِيمٍ [37:101]

37-101 نو مونږ ده ته د ډېر حلم والا هلك زېرى وركړ

### الآية 37:102

> فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ [37:102]

37-102 نو كله چې هغه (هلك) له ده (خپل پلار) سره منډې وهلو ته ورسېده، ويې ويل: اى زما خوږه زویه! بېشكه زه په خوب كې وینم داسې چې بېشكه زه تا ذبحه كوم، نو ته وګوره چې ستا څه رايه ده؟ هغه وویل: اى زما پلار جانه! ته هغه كار وكړه چې تا ته يې امر كول شي، ژر ده چې كه الله وغواړي، ته به ما له صبر كوونكو ځنې ومومې

### الآية 37:103

> فَلَمَّا أَسْلَمَا وَتَلَّهُ لِلْجَبِينِ [37:103]

37-103 نو كله چې دواړو غاړه كېښوده او هغه يې په اړخ څملاوه

### الآية 37:104

> وَنَادَيْنَاهُ أَنْ يَا إِبْرَاهِيمُ [37:104]

37-104 او مونږ ده ته اواز وكړ، داسې چې اى ابراهیمه

### الآية 37:105

> قَدْ صَدَّقْتَ الرُّؤْيَا ۚ إِنَّا كَذَٰلِكَ نَجْزِي الْمُحْسِنِينَ [37:105]

37-105 یقینًا تا خوب رښتیا كړ، بېشكه مونږ نېكي كوونكو ته همداسې بدله وركوو

### الآية 37:106

> إِنَّ هَٰذَا لَهُوَ الْبَلَاءُ الْمُبِينُ [37:106]

37-106 بېشكه دا، یقینًا همدغه ښكاره ازمېښت و

### الآية 37:107

> وَفَدَيْنَاهُ بِذِبْحٍ عَظِيمٍ [37:107]

37-107 او مونږ ده (اسماعیل) ته په ډېرې لويې ذبیحې سره خلاصى وركړو

### الآية 37:108

> وَتَرَكْنَا عَلَيْهِ فِي الْآخِرِينَ [37:108]

37-108 او مونږ باقي پرېښود په ده باندې وروستنیو خلقو كې

### الآية 37:109

> سَلَامٌ عَلَىٰ إِبْرَاهِيمَ [37:109]

37-109 دا چې سلام دې وي په ابراهیم

### الآية 37:110

> كَذَٰلِكَ نَجْزِي الْمُحْسِنِينَ [37:110]

37-110 نېكانو ته مونږ همداسې بدله وركوو

### الآية 37:111

> إِنَّهُ مِنْ عِبَادِنَا الْمُؤْمِنِينَ [37:111]

37-111 بېشكه هغه زمونږ له مومنو بنده ګانو ځنې دى

### الآية 37:112

> وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ [37:112]

37-112 او مونږ ده ته د اسحاق زېرى وركړ، په داسې حال كې چې نبي و، له صالحانو نه

### الآية 37:113

> وَبَارَكْنَا عَلَيْهِ وَعَلَىٰ إِسْحَاقَ ۚ وَمِنْ ذُرِّيَّتِهِمَا مُحْسِنٌ وَظَالِمٌ لِنَفْسِهِ مُبِينٌ [37:113]

37-113 او بركت اچولى و مونږ په ده (اسمٰعیل) باندې او په اسحاق باندې، او د دې دواړو په اولاد كې څوك نېكې كوونكى دى او څوك په خپل ځان باندې ښكاره ظلم كوونكى دى

### الآية 37:114

> وَلَقَدْ مَنَنَّا عَلَىٰ مُوسَىٰ وَهَارُونَ [37:114]

37-114 او یقینًا یقینًا مونږ په موسٰى او هارون احسان وكړ

### الآية 37:115

> وَنَجَّيْنَاهُمَا وَقَوْمَهُمَا مِنَ الْكَرْبِ الْعَظِيمِ [37:115]

37-115 او مونږ دغو دواړو ته او د دغو دواړو قوم ته له ډېر لوى غم نه نجات وركړ

### الآية 37:116

> وَنَصَرْنَاهُمْ فَكَانُوا هُمُ الْغَالِبِينَ [37:116]

37-116 او مونږ د دوى مدد وكړ، نو همدوى غالبه شول

### الآية 37:117

> وَآتَيْنَاهُمَا الْكِتَابَ الْمُسْتَبِينَ [37:117]

37-117 او مونږ دغو دواړو ته ډېر واضحه كتاب وركړى و

### الآية 37:118

> وَهَدَيْنَاهُمَا الصِّرَاطَ الْمُسْتَقِيمَ [37:118]

37-118 او مونږ دغو دواړو ته نېغه لاره ښودلې وه

### الآية 37:119

> وَتَرَكْنَا عَلَيْهِمَا فِي الْآخِرِينَ [37:119]

37-119 او مونږ په دواړو باندې په وروستنیو خلقو كې باقي پرېښوده

### الآية 37:120

> سَلَامٌ عَلَىٰ مُوسَىٰ وَهَارُونَ [37:120]

37-120 دا چې سلام دي وي په موسي او هارون

### الآية 37:121

> إِنَّا كَذَٰلِكَ نَجْزِي الْمُحْسِنِينَ [37:121]

37-121 بېشكه مونږ نېكي كوونكو ته همداسې بدله وركوو

### الآية 37:122

> إِنَّهُمَا مِنْ عِبَادِنَا الْمُؤْمِنِينَ [37:122]

37-122 بېشكه دغه دواړه زمونږ د مومنو بنده ګانو ځنې دي

### الآية 37:123

> وَإِنَّ إِلْيَاسَ لَمِنَ الْمُرْسَلِينَ [37:123]

37-123 او بېشكه الیاس خامخا له رسولانو ځنې دى

### الآية 37:124

> إِذْ قَالَ لِقَوْمِهِ أَلَا تَتَّقُونَ [37:124]

37-124 (یاد كړه)، هغه وخت چې ده خپل قوم ته وویل: ولې تاسو نه وېرېږئ!

### الآية 37:125

> أَتَدْعُونَ بَعْلًا وَتَذَرُونَ أَحْسَنَ الْخَالِقِينَ [37:125]

37-125 ایا تاسو بعل (بت) بولئ او تر ټولو ښه پیدا كوونكى ذات پرېږدئ

### الآية 37:126

> اللَّهَ رَبَّكُمْ وَرَبَّ آبَائِكُمُ الْأَوَّلِينَ [37:126]

37-126 چې الله دى، چې ستاسو رب دى او ستاسو د ړومبنو پلرونو رب دى

### الآية 37:127

> فَكَذَّبُوهُ فَإِنَّهُمْ لَمُحْضَرُونَ [37:127]

37-127 نو هغوى د ده تكذیب وكړ، نو بېشكه هغوى به خامخا حاضرولى شي

### الآية 37:128

> إِلَّا عِبَادَ اللَّهِ الْمُخْلَصِينَ [37:128]

37-128 د الله له خالص كړى شویو بنده ګانو نه غیر (چې دوى د هغه تكذیب ونه كړ)

### الآية 37:129

> وَتَرَكْنَا عَلَيْهِ فِي الْآخِرِينَ [37:129]

37-129 او باقي پرېښود مونږ په ده باندې په وروستنیو خلقو كې

### الآية 37:130

> سَلَامٌ عَلَىٰ إِلْ يَاسِينَ [37:130]

37-130 چې په الیاسین دې سلام وي

### الآية 37:131

> إِنَّا كَذَٰلِكَ نَجْزِي الْمُحْسِنِينَ [37:131]

37-131 بېشكه مونږ نېكي كوونكو ته همداسي بدله وركوو

### الآية 37:132

> إِنَّهُ مِنْ عِبَادِنَا الْمُؤْمِنِينَ [37:132]

37-132 بېشكه هغه زمونږ له مومنو بنده ګانو ځنې دى

### الآية 37:133

> وَإِنَّ لُوطًا لَمِنَ الْمُرْسَلِينَ [37:133]

37-133 او بېشكه لوط له رسولانو ځنې دى

### الآية 37:134

> إِذْ نَجَّيْنَاهُ وَأَهْلَهُ أَجْمَعِينَ [37:134]

37-134 (یاد كړه) هغه وخت چې مونږ ده ته او د ده كورنۍ ته، ټولو ته نجات وركړ

### الآية 37:135

> إِلَّا عَجُوزًا فِي الْغَابِرِينَ [37:135]

37-135 غیر له یوې بوډۍ نه چې په باقي پاتې كېدونكو كې وه

### الآية 37:136

> ثُمَّ دَمَّرْنَا الْآخَرِينَ [37:136]

37-136 بیا مونږ نور (ټول) خلق هلاك كړل

### الآية 37:137

> وَإِنَّكُمْ لَتَمُرُّونَ عَلَيْهِمْ مُصْبِحِينَ [37:137]

37-137 او بېشكه تاسو په دوى تېرېږئ، په دې حال كې چې سبا كوونكي يئ

### الآية 37:138

> وَبِاللَّيْلِ ۗ أَفَلَا تَعْقِلُونَ [37:138]

37-138 او په شپه كې هم، ایا نو تاسو عقل نه كاروئ

### الآية 37:139

> وَإِنَّ يُونُسَ لَمِنَ الْمُرْسَلِينَ [37:139]

37-139 او بېشكه یونس خامخا له رسولانو ځنې دى

### الآية 37:140

> إِذْ أَبَقَ إِلَى الْفُلْكِ الْمَشْحُونِ [37:140]

37-140 (یاد كړه) هغه وخت چې هغه ډكې كشتۍ ته وتښتېده

### الآية 37:141

> فَسَاهَمَ فَكَانَ مِنَ الْمُدْحَضِينَ [37:141]

37-141 نو ده قرعه واچوله، نو شو (په قرعه كې) له مغلوب كړى شویو ځنې

### الآية 37:142

> فَالْتَقَمَهُ الْحُوتُ وَهُوَ مُلِيمٌ [37:142]

37-142 نو ښوى تېر كړ هغه لره مهي (كب)، په دې حال كې چې هغه (د خپل ځان) ملامت كوونكى و

### الآية 37:143

> فَلَوْلَا أَنَّهُ كَانَ مِنَ الْمُسَبِّحِينَ [37:143]

37-143 نو كه دا خبره نه وى چې بېشكه هغه له تسبیح ویونكو څخه و

### الآية 37:144

> لَلَبِثَ فِي بَطْنِهِ إِلَىٰ يَوْمِ يُبْعَثُونَ [37:144]

37-144 (نو) خامخا دا به د هغه (كب) په خېټه كې تر هغې ورځې پورې پاتې و چې دوى به بیا ژوندي راپاڅولى شي

### الآية 37:145

> ۞ فَنَبَذْنَاهُ بِالْعَرَاءِ وَهُوَ سَقِيمٌ [37:145]

37-145 نو مونږ هغه په ډاګه میدان كې وغورځاوه، په دې حال كې چې ناروغ و

### الآية 37:146

> وَأَنْبَتْنَا عَلَيْهِ شَجَرَةً مِنْ يَقْطِينٍ [37:146]

37-146 او مونږ په ده باندې یو ځېلۍ داره ونه را زرغونه كړه

### الآية 37:147

> وَأَرْسَلْنَاهُ إِلَىٰ مِائَةِ أَلْفٍ أَوْ يَزِيدُونَ [37:147]

37-147 او مونږ دى لېږلى و سل زرو خلقو ته بلكې دوى زیات وو

### الآية 37:148

> فَآمَنُوا فَمَتَّعْنَاهُمْ إِلَىٰ حِينٍ [37:148]

37-148 نو دوى ایمان راوړ، نو مونږ دوى ته تر یو وخته پورې نفع وركړه

### الآية 37:149

> فَاسْتَفْتِهِمْ أَلِرَبِّكَ الْبَنَاتُ وَلَهُمُ الْبَنُونَ [37:149]

37-149 نو ته له دوى نه پوښتنه وكړه، ایا ستا د رب لپاره لوڼه دي او د دوى لپاره زامن دي؟

### الآية 37:150

> أَمْ خَلَقْنَا الْمَلَائِكَةَ إِنَاثًا وَهُمْ شَاهِدُونَ [37:150]

37-150 یا كه مونږ ملايك ښځې پیدا كړي دي، په داسې حال كې چې دوى حاضر وو

### الآية 37:151

> أَلَا إِنَّهُمْ مِنْ إِفْكِهِمْ لَيَقُولُونَ [37:151]

37-151 خبردار! بېشكه دوى له خپلو بدترو دروغو څخه خامخا (داسې) وايي

### الآية 37:152

> وَلَدَ اللَّهُ وَإِنَّهُمْ لَكَاذِبُونَ [37:152]

37-152 الله اولاد زېږولى دى. او بېشكه دوى یقینًا دروغجن دي

### الآية 37:153

> أَصْطَفَى الْبَنَاتِ عَلَى الْبَنِينَ [37:153]

37-153 ایا هغه (الله د ځان لپاره) لوڼه غوره كړي دي په زامنو باندې

### الآية 37:154

> مَا لَكُمْ كَيْفَ تَحْكُمُونَ [37:154]

37-154 په تاسو څه شوي دي، څرنګه تاسو (دا) فیصله (او حكم) كوئ؟

### الآية 37:155

> أَفَلَا تَذَكَّرُونَ [37:155]

37-155 ایا تاسو نصیحت نه اخلئ

### الآية 37:156

> أَمْ لَكُمْ سُلْطَانٌ مُبِينٌ [37:156]

37-156 ایا تاسو لپاره څه واضحه دلیل شته؟

### الآية 37:157

> فَأْتُوا بِكِتَابِكُمْ إِنْ كُنْتُمْ صَادِقِينَ [37:157]

37-157 نو تاسو خپل كتاب راوړئ، كه چېرې تاسو رښتیني یئ

### الآية 37:158

> وَجَعَلُوا بَيْنَهُ وَبَيْنَ الْجِنَّةِ نَسَبًا ۚ وَلَقَدْ عَلِمَتِ الْجِنَّةُ إِنَّهُمْ لَمُحْضَرُونَ [37:158]

37-158 او دوى د هغه (الله) په مینځ كې او د پېریانو په مینځ كې نسب ( د خپلوۍ نسبت) مقرر كړ، او يقینًا یقینًا پېریان په دې پوه شوي دي چې بېشكه دوى به خامخا حاضر كړى شي

### الآية 37:159

> سُبْحَانَ اللَّهِ عَمَّا يَصِفُونَ [37:159]

37-159 الله لپاره پاكي ده له هغو (خبرو) نه چې دوى يې وايي

### الآية 37:160

> إِلَّا عِبَادَ اللَّهِ الْمُخْلَصِينَ [37:160]

37-160 لېكن د الله خالص (غوره) كړى شوي بنده ګان (له دغو خبرو نه بچ دي)

### الآية 37:161

> فَإِنَّكُمْ وَمَا تَعْبُدُونَ [37:161]

37-161 پس بېشكه تاسو او هغه چې تاسو يې عبادت كوئ

### الآية 37:162

> مَا أَنْتُمْ عَلَيْهِ بِفَاتِنِينَ [37:162]

37-162 نه یئ تاسو په دې (بت پرستۍ) سره ګمراه كوونكي (په فتنه كې اچوونكي د هیچا)

### الآية 37:163

> إِلَّا مَنْ هُوَ صَالِ الْجَحِيمِ [37:163]

37-163 غیر له هغه چا نه چې هغه په دوزخ كې ننوتونكى دى

### الآية 37:164

> وَمَا مِنَّا إِلَّا لَهُ مَقَامٌ مَعْلُومٌ [37:164]

37-164 او په مونږ كې هیڅوك نشته مګر د هغه لپاره معلوم ځاى دى

### الآية 37:165

> وَإِنَّا لَنَحْنُ الصَّافُّونَ [37:165]

37-165 او بېشكه خامخا مونږ صف تړونكي یو

### الآية 37:166

> وَإِنَّا لَنَحْنُ الْمُسَبِّحُونَ [37:166]

37-166 او بېشكه مونږ خامخا تسبیح ویونكي یو

### الآية 37:167

> وَإِنْ كَانُوا لَيَقُولُونَ [37:167]

37-167 او بېشكه چې خامخا دوى به ویل

### الآية 37:168

> لَوْ أَنَّ عِنْدَنَا ذِكْرًا مِنَ الْأَوَّلِينَ [37:168]

37-168 كه چېرې مونږ سره د پخوانیو خلقو (له كتابونو) نه كوم ذكر (كتاب) وى

### الآية 37:169

> لَكُنَّا عِبَادَ اللَّهِ الْمُخْلَصِينَ [37:169]

37-169 (نو) خامخا مونږ به د الله خالص (او غوره) كړى شوي بنده ګان وو

### الآية 37:170

> فَكَفَرُوا بِهِ ۖ فَسَوْفَ يَعْلَمُونَ [37:170]

37-170 نو دوى په دغه (قرآن) سره كافر شول، نو ژر ده چې دوى به پوه شي

### الآية 37:171

> وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ [37:171]

37-171 او یقینًا یقینًا زمونږ خبره زمونږ د لېږل شویو (رسولانو) بنده ګانو لپاره صادر شوې ده

### الآية 37:172

> إِنَّهُمْ لَهُمُ الْمَنْصُورُونَ [37:172]

37-172 چې بېشكه دوى، خامخا هم دوى مدد كړى شوي دي

### الآية 37:173

> وَإِنَّ جُنْدَنَا لَهُمُ الْغَالِبُونَ [37:173]

37-173 او بېشكه زمونږ لښكر، خامخا هم دوى غالب راتلونكي دي

### الآية 37:174

> فَتَوَلَّ عَنْهُمْ حَتَّىٰ حِينٍ [37:174]

37-174 نو ته له دوى نه مخ وګرځوه، تر یو وخته پورې

### الآية 37:175

> وَأَبْصِرْهُمْ فَسَوْفَ يُبْصِرُونَ [37:175]

37-175 او دوى ته ګوره، نو ژر ده چې دوى به (خپل انجام) وویني

### الآية 37:176

> أَفَبِعَذَابِنَا يَسْتَعْجِلُونَ [37:176]

37-176 ایا نو دوى زمونږ د عذاب تلوار كوي

### الآية 37:177

> فَإِذَا نَزَلَ بِسَاحَتِهِمْ فَسَاءَ صَبَاحُ الْمُنْذَرِينَ [37:177]

37-177 نو كله چې هغه د دوى په مېدان كې نازل شي، نو د وېرول شویو سبا به بد وي

### الآية 37:178

> وَتَوَلَّ عَنْهُمْ حَتَّىٰ حِينٍ [37:178]

37-178 او ته له دوى نه مخ وګرځوه تر یو وخته پورې

### الآية 37:179

> وَأَبْصِرْ فَسَوْفَ يُبْصِرُونَ [37:179]

37-179 او ته ګوره، نو ژر ده چې دوى به وویني

### الآية 37:180

> سُبْحَانَ رَبِّكَ رَبِّ الْعِزَّةِ عَمَّا يَصِفُونَ [37:180]

37-180 ستا رب لره پاكي ده چې د عزت (او غلبې) مالك دى، له هغو خبرو نه چې دوى (مشركان) يې بیانوي

### الآية 37:181

> وَسَلَامٌ عَلَى الْمُرْسَلِينَ [37:181]

37-181 او سلام دې وي په رسولانو باندې

### الآية 37:182

> وَالْحَمْدُ لِلَّهِ رَبِّ الْعَالَمِينَ [37:182]

37-182 او ټول د كمال صفتونه خاص الله لره دي چې د عالمونو ښه پالونكى دى

## روابط ذات صلة

- [النص القرآني للسورة](https://quranpedia.net/surah/1/37.md)
- [كل تفاسير سورة الصافات
](https://quranpedia.net/surah-tafsir/37.md)
- [ترجمات سورة الصافات
](https://quranpedia.net/translations/37.md)
- [صفحة الكتاب: الترجمة البشتوية](https://quranpedia.net/book/1969.md)
- [المؤلف: زكريا عبد السلام](https://quranpedia.net/person/1744.md)

---

زُر [Quranpedia.net](https://quranpedia.net/surah/1/37/book/1969) — موسوعة القرآن الكريم: التفاسير، الترجمات، التلاوات، والمواضيع.