---
title: "ترجمة سورة الأحقاف - الترجمة الطاجيكية - عارفي (الطاجيكية)"
url: "https://quranpedia.net/surah/1/46/book/1984.md"
canonical: "https://quranpedia.net/surah/1/46/book/1984"
surah_id: "46"
book_id: "1984"
book_name: "الترجمة الطاجيكية - عارفي"
author: "فريق متخصص مكلف من مركز رواد الترجمة بالشراكة مع موقع دار الإسلام"
type: "translation"
---

# ترجمة سورة الأحقاف - الترجمة الطاجيكية - عارفي (الطاجيكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/46/book/1984)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الأحقاف - الترجمة الطاجيكية - عارفي (الطاجيكية) — https://quranpedia.net/surah/1/46/book/1984*.

Translation of Surah الأحقاف from "الترجمة الطاجيكية - عارفي" in الطاجيكية.

### الآية 46:1

> حم [46:1]

Ҳо, мим

### الآية 46:2

> تَنْزِيلُ الْكِتَابِ مِنَ اللَّهِ الْعَزِيزِ الْحَكِيمِ [46:2]

Нузули \[ин\] китоб аз ҷониби Аллоҳи шикастнопазири ҳаким аст

### الآية 46:3

> مَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَأَجَلٍ مُسَمًّى ۚ وَالَّذِينَ كَفَرُوا عَمَّا أُنْذِرُوا مُعْرِضُونَ [46:3]

Осмонҳо ва замин ва он чиро, ки байни онҳост, ба ҳақ \[ва ҳадафманд\] ва барои муддати муайяне офаридаем, ва \[-ле\] кофирон аз он чи ба эшон ҳушдор шуда, рӯйгардонанд

### الآية 46:4

> قُلْ أَرَأَيْتُمْ مَا تَدْعُونَ مِنْ دُونِ اللَّهِ أَرُونِي مَاذَا خَلَقُوا مِنَ الْأَرْضِ أَمْ لَهُمْ شِرْكٌ فِي السَّمَاوَاتِ ۖ ائْتُونِي بِكِتَابٍ مِنْ قَبْلِ هَٰذَا أَوْ أَثَارَةٍ مِنْ عِلْمٍ إِنْ كُنْتُمْ صَادِقِينَ [46:4]

\[Эй паёмбар, ба мушрикон\] бигӯ: **«Оё ба бутҳое, ки ба ҷойи Аллоҳ таоло \[ба ниёиш\] мехонед, таваҷҷуҳ кардаед? Ба ман нишон диҳед, чи чиз аз \[аҷзои\] заминро офаридаанд. Оё дар \[офариниши\] осмонҳо ширкат доштаанд? Агар рост мегӯед, аз китобҳои осмонии пешин ё бозмондае аз дониш \[-и гузаштагон далел\] биёваред»**

### الآية 46:5

> وَمَنْ أَضَلُّ مِمَّنْ يَدْعُو مِنْ دُونِ اللَّهِ مَنْ لَا يَسْتَجِيبُ لَهُ إِلَىٰ يَوْمِ الْقِيَامَةِ وَهُمْ عَنْ دُعَائِهِمْ غَافِلُونَ [46:5]

Кист гумроҳтар аз он ки ба ҷойи Аллоҳ таоло афродеро \[ба ниёиш\] мехонад, ки то рӯзи қиёмат низ посухашро намедиҳанд ва аз дархосташон бехабаранд?

### الآية 46:6

> وَإِذَا حُشِرَ النَّاسُ كَانُوا لَهُمْ أَعْدَاءً وَكَانُوا بِعِبَادَتِهِمْ كَافِرِينَ [46:6]

Ва чун \[дар қиёмат\] мардум эҳзор шаванд, он маъбудон \[-и ботил\] душманонашон хоҳанд буд ва ибодаташонро инкор хоҳанд кард

### الآية 46:7

> وَإِذَا تُتْلَىٰ عَلَيْهِمْ آيَاتُنَا بَيِّنَاتٍ قَالَ الَّذِينَ كَفَرُوا لِلْحَقِّ لَمَّا جَاءَهُمْ هَٰذَا سِحْرٌ مُبِينٌ [46:7]

Ва чун оёти равшангари Мо бар кофирон хонда мешуд, онон дар мавриди сухани ҳаққе, ки бад-эшон расидааст, мегӯянд: **«Ин ҷодуе ошкор аст»**

### الآية 46:8

> أَمْ يَقُولُونَ افْتَرَاهُ ۖ قُلْ إِنِ افْتَرَيْتُهُ فَلَا تَمْلِكُونَ لِي مِنَ اللَّهِ شَيْئًا ۖ هُوَ أَعْلَمُ بِمَا تُفِيضُونَ فِيهِ ۖ كَفَىٰ بِهِ شَهِيدًا بَيْنِي وَبَيْنَكُمْ ۖ وَهُوَ الْغَفُورُ الرَّحِيمُ [46:8]

Ё мегӯянд: **«\[Муҳаммад\] Қуръонро худ ҷаъл карда \[ва ба Аллоҳ таоло нисбат дода\] аст»**. \[Эй паёмбар, ба онон\] Бигӯ: **«Агар ман онро ҷаъл карда \[ва ба Аллоҳ таоло нисбат дода\] бошам, пас, шумо наметавонед дар баробари \[азоб ва хашми\] Аллоҳ таоло аз ман дифоъ кунед. Аллоҳ таоло ба он чи шумо дар борааш суханчинӣ мекунед, огоҳтар аст ва ба унвони гувоҳ байни ману шумо кофист ва Ӯ омурзгори меҳрубон аст»**

### الآية 46:9

> قُلْ مَا كُنْتُ بِدْعًا مِنَ الرُّسُلِ وَمَا أَدْرِي مَا يُفْعَلُ بِي وَلَا بِكُمْ ۖ إِنْ أَتَّبِعُ إِلَّا مَا يُوحَىٰ إِلَيَّ وَمَا أَنَا إِلَّا نَذِيرٌ مُبِينٌ [46:9]

Бигӯ: **«Ман падидаи навзуҳур дар миёни паёмбарон нестам ва намедонам сарнавишти ман ва шумо чи хоҳад шуд, танҳо аз он чи ба ман ваҳй мешавад, пайравӣ мекунам ва фақат ҳушдордиҳандаи ошкорам»**

### الآية 46:10

> قُلْ أَرَأَيْتُمْ إِنْ كَانَ مِنْ عِنْدِ اللَّهِ وَكَفَرْتُمْ بِهِ وَشَهِدَ شَاهِدٌ مِنْ بَنِي إِسْرَائِيلَ عَلَىٰ مِثْلِهِ فَآمَنَ وَاسْتَكْبَرْتُمْ ۖ إِنَّ اللَّهَ لَا يَهْدِي الْقَوْمَ الظَّالِمِينَ [46:10]

Бигӯ: **«Ба ман бигӯед, агар Қуръон аз сӯйи Аллоҳ таоло \[расида\] бошад ва бо ин ки шоҳиде аз Бани Исроил мушобиҳаташро \[бо Таврот\] гувоҳӣ дода ва имон оварда бошад ва Шумо дар баробараш инкор ва такаббур кунед, \[оё гумроҳ ва ситамгар нестед\]? Бе гумон, Аллоҳ таоло ситамгоронро ҳидоят нахоҳад кард»**

### الآية 46:11

> وَقَالَ الَّذِينَ كَفَرُوا لِلَّذِينَ آمَنُوا لَوْ كَانَ خَيْرًا مَا سَبَقُونَا إِلَيْهِ ۚ وَإِذْ لَمْ يَهْتَدُوا بِهِ فَسَيَقُولُونَ هَٰذَا إِفْكٌ قَدِيمٌ [46:11]

Кофирон ба муъминон мегӯянд: **«Агар Қуръон шоистагӣ дошт, онон \[ки бардагон ва фақироне ночизанд\] дар пазиришаш бар мо сабқат намегирифтанд»**. Ва чун бад-он ҳидоят наёфтаанд, мегӯянд: **«Ин Қуръон дурӯғи қадимӣ аст»**

### الآية 46:12

> وَمِنْ قَبْلِهِ كِتَابُ مُوسَىٰ إِمَامًا وَرَحْمَةً ۚ وَهَٰذَا كِتَابٌ مُصَدِّقٌ لِسَانًا عَرَبِيًّا لِيُنْذِرَ الَّذِينَ ظَلَمُوا وَبُشْرَىٰ لِلْمُحْسِنِينَ [46:12]

Дар ҳоле ки пеш аз Қуръон китоби Мӯсо роҳнамо ва раҳмат буд ва ин \[Қуръон\] китобест, ки \[Тавротро\] ба забони \[шевои\] арабӣ тасдиқ мекунад, то ба ситамгорон ҳушдор диҳад ва барои некукорон башорат бошад

### الآية 46:13

> إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ [46:13]

Касоне, ки гуфтанд: **«Парвардигори мо Аллоҳ таоло аст»**, он гоҳ \[аз бандагии ғайри Ӯ сар боз заданд ва бар эътиқоди худ\] пой фишурданд, тарсу андӯҳе нахоҳанд дошт

### الآية 46:14

> أُولَٰئِكَ أَصْحَابُ الْجَنَّةِ خَالِدِينَ فِيهَا جَزَاءً بِمَا كَانُوا يَعْمَلُونَ [46:14]

Онон аҳли биҳиштанд ва ҷовидона дар он ҷо хоҳанд буд. Ин подоши аъмолест, ки анҷом додаанд

### الآية 46:15

> وَوَصَّيْنَا الْإِنْسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ حَتَّىٰ إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ [46:15]

Ба инсон супориш кардем, ки дар мавриди падару модараш ба шоистагӣ некӣ кунад, \[ба вижа\] модар, ки ба душворӣ бори ҳамли ӯро бар уҳда дорад ва бо душворӣ вазъи ҳамл мекунад ва \[даврони\] бордорӣ ва ширхорагиаш \[ҷамъан ҳудуди\] сӣ моҳ аст. \[Ӯ парвариш меёбад\] то ба ҳадди рушд бирасад ва дар чиҳилсолагӣ \[ки тавони ҷисмӣ ва зеҳниаш комил аст\] мегӯяд: **«Парвардигоро, ба ман тавфиқ бидеҳ, то шукри неъматеро, ки ба ман ва падару модарам арзонӣ доштаӣ, ба ҷо оварам ва кори шоистае анҷом диҳам, ки аз он хушнуд гардӣ ва фарзандонамро шоиста гардон. Ба даргоҳат \[тавба намуда ва\] бозгаштаам ва таслими \[фармонат\] ҳастам»**

### الآية 46:16

> أُولَٰئِكَ الَّذِينَ نَتَقَبَّلُ عَنْهُمْ أَحْسَنَ مَا عَمِلُوا وَنَتَجَاوَزُ عَنْ سَيِّئَاتِهِمْ فِي أَصْحَابِ الْجَنَّةِ ۖ وَعْدَ الصِّدْقِ الَّذِي كَانُوا يُوعَدُونَ [46:16]

Онон касоне ҳастанд, ки Мо некутарин корҳояшонро мепазирем ва аз гуноҳонашон мегузарем ва дар зумраи аҳли биҳиштанд. Ин ваъдаи ростест, ки ба он навид дода шудаанд

### الآية 46:17

> وَالَّذِي قَالَ لِوَالِدَيْهِ أُفٍّ لَكُمَا أَتَعِدَانِنِي أَنْ أُخْرَجَ وَقَدْ خَلَتِ الْقُرُونُ مِنْ قَبْلِي وَهُمَا يَسْتَغِيثَانِ اللَّهَ وَيْلَكَ آمِنْ إِنَّ وَعْدَ اللَّهِ حَقٌّ فَيَقُولُ مَا هَٰذَا إِلَّا أَسَاطِيرُ الْأَوَّلِينَ [46:17]

Ва он ки ба падару модараш гуфт: **«Уф бар шумо! Чи гуна ба ман ваъда медиҳед ки \[аз гӯр\] берун оварда хоҳам шуд, дар ҳоле ки пеш аз ман наслҳои фаровоне рафтанд \[ва боз нагаштанд\]?»** Падару модараш ба даргоҳи илоҳӣ зорӣ мекунанд \[ки фарзандашонро ҳидоят кунад ва ба ӯ мегӯянд\] **«Вой бар ту! Имон биёвар, ки ваъдаи илоҳӣ рост аст»**, \[аммо\] ӯ посух медиҳад: **«Ин \[ваъдаҳо\] фақат афсонаҳои пешиниён аст»**

### الآية 46:18

> أُولَٰئِكَ الَّذِينَ حَقَّ عَلَيْهِمُ الْقَوْلُ فِي أُمَمٍ قَدْ خَلَتْ مِنْ قَبْلِهِمْ مِنَ الْجِنِّ وَالْإِنْسِ ۖ إِنَّهُمْ كَانُوا خَاسِرِينَ [46:18]

Ин афрод, дар зумраи гурӯҳҳое аз ҷинну инс ҳастанд, ки пештар фармони азоби илоҳӣ дар мавридашон таҳаққуқ ёфтааст. Бе гумон, онон зиёнкор буданд

### الآية 46:19

> وَلِكُلٍّ دَرَجَاتٌ مِمَّا عَمِلُوا ۖ وَلِيُوَفِّيَهُمْ أَعْمَالَهُمْ وَهُمْ لَا يُظْلَمُونَ [46:19]

Ҳар гурӯҳ \[биҳиштӣ ё дузахӣ\] дараҷоте бар ҳасби аъмолашон доранд \[то ҳаққе зоеъ нагардад\]. Ва Аллоҳ таоло аъмолашонро ба тамомии пурагӣ медиҳад, бе он ки дар ҳаққашон ситаме шавад

### الآية 46:20

> وَيَوْمَ يُعْرَضُ الَّذِينَ كَفَرُوا عَلَى النَّارِ أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا وَاسْتَمْتَعْتُمْ بِهَا فَالْيَوْمَ تُجْزَوْنَ عَذَابَ الْهُونِ بِمَا كُنْتُمْ تَسْتَكْبِرُونَ فِي الْأَرْضِ بِغَيْرِ الْحَقِّ وَبِمَا كُنْتُمْ تَفْسُقُونَ [46:20]

Рӯзе, ки кофирон бар оташ арза мешаванд \[ба онон хитоб мешавад\]: **«Неъматҳои покизаи худро дар зиндагии дунё аз байн бурдед ва аз онҳо баҳраманд шудед, пас, имрӯз ба хотири бартариҷӯии ноҳақ ва инҳирофе, ки дар замин доштед, бо азобе дарднок муҷозот мешавед»**

### الآية 46:21

> ۞ وَاذْكُرْ أَخَا عَادٍ إِذْ أَنْذَرَ قَوْمَهُ بِالْأَحْقَافِ وَقَدْ خَلَتِ النُّذُرُ مِنْ بَيْنِ يَدَيْهِ وَمِنْ خَلْفِهِ أَلَّا تَعْبُدُوا إِلَّا اللَّهَ إِنِّي أَخَافُ عَلَيْكُمْ عَذَابَ يَوْمٍ عَظِيمٍ [46:21]

\[Эй паёмбар, саргузашти Ҳуд\] бародари қавми Одро ёд кун, он гоҳ ки дар сарзамини **«Аҳқоф»** \[регзоре дар Яман\] қавмашро ҳушдор медод, дар ҳоле ки ҳушдордиҳандагони \[дигаре низ\] дар гузаштаҳои наздик ва дур омада буданд \[ва чунин мегуфт\], ки: **«Танҳо Аллоҳро бипарастед, ки ман аз азоби рӯзи бузурге бар шумо метарсам»**

### الآية 46:22

> قَالُوا أَجِئْتَنَا لِتَأْفِكَنَا عَنْ آلِهَتِنَا فَأْتِنَا بِمَا تَعِدُنَا إِنْ كُنْتَ مِنَ الصَّادِقِينَ [46:22]

Онон гуфтанд: **«Оё омадаӣ, ки моро аз \[парастиши\] маъбудонамон бозгардонӣ? Агар рост мегӯӣ, азобе, ки ба мо ваъда медиҳӣ, пеш овар»**

### الآية 46:23

> قَالَ إِنَّمَا الْعِلْمُ عِنْدَ اللَّهِ وَأُبَلِّغُكُمْ مَا أُرْسِلْتُ بِهِ وَلَٰكِنِّي أَرَاكُمْ قَوْمًا تَجْهَلُونَ [46:23]

\[Ҳуд\] гуфт: **«\[Вақти нузули азобро\] Фақат Аллоҳ таоло медонад ва ман паёмеро, ки маъмур \[-и иблоғ\]-и он шудаам, ба шумо мерасонам, вале шуморо гурӯҳе нодон мебинам»**

### الآية 46:24

> فَلَمَّا رَأَوْهُ عَارِضًا مُسْتَقْبِلَ أَوْدِيَتِهِمْ قَالُوا هَٰذَا عَارِضٌ مُمْطِرُنَا ۚ بَلْ هُوَ مَا اسْتَعْجَلْتُمْ بِهِ ۖ رِيحٌ فِيهَا عَذَابٌ أَلِيمٌ [46:24]

Ва чун он \[азоб\]-ро, ки ба сурати абре дар ҷиҳати \[дашту\] дарраҳо \[-и ҳосилхез\]- ашон пеш меомад, мушоҳида карданд, \[бо шодмонӣ\] гуфтанд: **«Ин абрест, ки \[раҳмате\] бар мо меборад»**. \[Ҳуд гуфт: на\] Балки ҳамон \[азобе\] аст, ки барои расиданаш шитоб доштед; тундбодест, ки азобе дарднок бо худ дорад

### الآية 46:25

> تُدَمِّرُ كُلَّ شَيْءٍ بِأَمْرِ رَبِّهَا فَأَصْبَحُوا لَا يُرَىٰ إِلَّا مَسَاكِنُهُمْ ۚ كَذَٰلِكَ نَجْزِي الْقَوْمَ الْمُجْرِمِينَ [46:25]

\[Тӯфонест, ки\] Ҳар чизеро ба фармони Парвардигораш дар ҳам мекӯбад». Он гоҳ чунон \[ҳалок\] шуданд, ки ҷуз хонаҳо \[-и вайрон\]-и онон, асаре ба чашм намехӯрад. Мо гунаҳкоронро ин гуна кайфар медиҳем

### الآية 46:26

> وَلَقَدْ مَكَّنَّاهُمْ فِيمَا إِنْ مَكَّنَّاكُمْ فِيهِ وَجَعَلْنَا لَهُمْ سَمْعًا وَأَبْصَارًا وَأَفْئِدَةً فَمَا أَغْنَىٰ عَنْهُمْ سَمْعُهُمْ وَلَا أَبْصَارُهُمْ وَلَا أَفْئِدَتُهُمْ مِنْ شَيْءٍ إِذْ كَانُوا يَجْحَدُونَ بِآيَاتِ اللَّهِ وَحَاقَ بِهِمْ مَا كَانُوا بِهِ يَسْتَهْزِئُونَ [46:26]

Ба қавми \[мунқаризшудаи\] Од чунон сарвату қудрате дода будем, ки ба шумо \[маккагиён ҳаргиз\] надодаем ва бо он ки ба онон низ чашму гӯш ва дил дода будем, аммо гӯшу чашм ва дилҳояшон суде ба ҳолашон надошт, зеро оёти илоҳиро инкор мекарданд ва \[саранҷом\] азобе, ки масхарааш мекарданд, домангирашон шуд

### الآية 46:27

> وَلَقَدْ أَهْلَكْنَا مَا حَوْلَكُمْ مِنَ الْقُرَىٰ وَصَرَّفْنَا الْآيَاتِ لَعَلَّهُمْ يَرْجِعُونَ [46:27]

\[Бисёре аз мардуми\] шаҳрҳои перомуни шумо \[маккагиён\]-ро ҳалок кардем, ва \[-ле қаблан\] нишонаҳо \[ва далоили тавҳид\]-ро ба шаклҳои мухталиф дар миён овардем, бошад, ки \[аз куфру гумроҳӣ\] бозгарданд

### الآية 46:28

> فَلَوْلَا نَصَرَهُمُ الَّذِينَ اتَّخَذُوا مِنْ دُونِ اللَّهِ قُرْبَانًا آلِهَةً ۖ بَلْ ضَلُّوا عَنْهُمْ ۚ وَذَٰلِكَ إِفْكُهُمْ وَمَا كَانُوا يَفْتَرُونَ [46:28]

Пас, чаро бутҳое, ки \[мушрикон ононро\] барои тақарруб \[ба Аллоҳ таоло\] маъбудони худ гирифтаанд, \[ба ҳангоми бало\] ёриашон накарданд? Балки аз назарашон нопадид шуданд ва \[саранҷоми\] дурӯғҳову туҳматҳояшон ҳамин буд

### الآية 46:29

> وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنْصِتُوا ۖ فَلَمَّا قُضِيَ وَلَّوْا إِلَىٰ قَوْمِهِمْ مُنْذِرِينَ [46:29]

\[Эй паёмбар, ба ёд овар\] ҳангоме ки гурӯҳе аз ҷинро сӯйи ту фиристодем, ки Қуръонро бишунаванд, пас, чун назди паёмбар ҳузур ёфтанд, \[ба якдигар\] гуфтанд: «Хомӯш бошед \[то ба оёти Қуръон гӯш фаро диҳем\] ва чун \[тиловаташ\] ба поён расид, назди қавми худ бозгаштанд, то ба онон \[дар мавриди авоқиби сарпечӣ аз фармони ҳақ\] ҳушдор диҳанд

### الآية 46:30

> قَالُوا يَا قَوْمَنَا إِنَّا سَمِعْنَا كِتَابًا أُنْزِلَ مِنْ بَعْدِ مُوسَىٰ مُصَدِّقًا لِمَا بَيْنَ يَدَيْهِ يَهْدِي إِلَى الْحَقِّ وَإِلَىٰ طَرِيقٍ مُسْتَقِيمٍ [46:30]

Гуфтанд: «Эй қавм, мо \[оёти\] китоберо шунидем, ки пас аз Мӯсо нозил шудааст ва китобҳо \[-и осмонӣ\]-и пеш аз худро тасдиқ мекунад ва ба \[сӯйи\] ҳаққу роҳи рост ҳидоят менамояд

### الآية 46:31

> يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُمْ مِنْ ذُنُوبِكُمْ وَيُجِرْكُمْ مِنْ عَذَابٍ أَلِيمٍ [46:31]

Эй қавм, \[суханони тавҳидии\] ин даъватгарро, ки ба сӯйи Аллоҳ таоло фаро мехонад, бипазиред ва ба ӯ имон оваред, то \[Аллоҳ таоло\] бархе аз гуноҳонатонро бибахшад ва шуморо аз азобе дарднок дар амон бидорад

### الآية 46:32

> وَمَنْ لَا يُجِبْ دَاعِيَ اللَّهِ فَلَيْسَ بِمُعْجِزٍ فِي الْأَرْضِ وَلَيْسَ لَهُ مِنْ دُونِهِ أَوْلِيَاءُ ۚ أُولَٰئِكَ فِي ضَلَالٍ مُبِينٍ [46:32]

Ва ҳар ки \[суханони\] даъватгареро, ки ба сӯйи Аллоҳ таоло фаро мехонад, напазирад \[ва ба вай имон наоварад, ҳаргиз Аллоҳро\] дар замин ба танг намеоварад ва дар баробари Аллоҳ таоло \[ёвар ва\] корсозе нахоҳад дошт. Чунин касоне дар гумроҳии ошкоранд»

### الآية 46:33

> أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ وَلَمْ يَعْيَ بِخَلْقِهِنَّ بِقَادِرٍ عَلَىٰ أَنْ يُحْيِيَ الْمَوْتَىٰ ۚ بَلَىٰ إِنَّهُ عَلَىٰ كُلِّ شَيْءٍ قَدِيرٌ [46:33]

Оё мушрикон надидаанд \[ва намедонанд\], Аллоҳ таоло, ки осмонҳо ва заминро офарид ва аз офариниши онҳо дармонда нашуд, қодир аст, ки мурдагонро низ зинда кунад? Оре, Ӯ бар ҳар коре тавоност

### الآية 46:34

> وَيَوْمَ يُعْرَضُ الَّذِينَ كَفَرُوا عَلَى النَّارِ أَلَيْسَ هَٰذَا بِالْحَقِّ ۖ قَالُوا بَلَىٰ وَرَبِّنَا ۚ قَالَ فَذُوقُوا الْعَذَابَ بِمَا كُنْتُمْ تَكْفُرُونَ [46:34]

Рӯзе, ки кофирон бар оташ арза мешаванд \[аз онон пурсида мешавад\]: **«Оё ин оташ ҳақ нест \[ва ҳақиқат надорад\]?»** Онон мегӯянд: **«Оре, савганд ба Парвардигорамон \[ки чунин аст\]»**. \[Он гоҳ Аллоҳ таоло\] Мегӯяд: **«Пас, ба сазои он ки \[қиёматро\] инкор мекардед, азобро бичашед»**

### الآية 46:35

> فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلَا تَسْتَعْجِلْ لَهُمْ ۚ كَأَنَّهُمْ يَوْمَ يَرَوْنَ مَا يُوعَدُونَ لَمْ يَلْبَثُوا إِلَّا سَاعَةً مِنْ نَهَارٍ ۚ بَلَاغٌ ۚ فَهَلْ يُهْلَكُ إِلَّا الْقَوْمُ الْفَاسِقُونَ [46:35]

Пас, \[эй паёмбар\] ту низ ҳамчун паёмбарони улулазм \[ки ҳамвора собитқадам буданд, дар баробари озору такзиби қавмат\] шикебо бош ва дар мавриди \[дархости азоби\] онон шитоб накун. Рӯзе, ки \[ин кофирон\] азоби мавъудашонро \[дар ҷаҳони охират\] бубинанд, \[кайфарашон чунон тӯлонӣ аст, ки\] гӯӣ фақат бахше аз рӯзро \[дар дунё\] ба сар бурдаанд. Ин Қуръон паёми \[умумӣ барои ҷинну инс\] аст. Оё ҷуз нофармонон ҳалок мешаванд?

## روابط ذات صلة

- [النص القرآني للسورة](https://quranpedia.net/surah/1/46.md)
- [كل تفاسير سورة الأحقاف
](https://quranpedia.net/surah-tafsir/46.md)
- [ترجمات سورة الأحقاف
](https://quranpedia.net/translations/46.md)
- [صفحة الكتاب: الترجمة الطاجيكية - عارفي](https://quranpedia.net/book/1984.md)
- [المؤلف: فريق متخصص مكلف من مركز رواد الترجمة بالشراكة مع موقع دار الإسلام](https://quranpedia.net/person/1759.md)

---

زُر [Quranpedia.net](https://quranpedia.net/surah/1/46/book/1984) — موسوعة القرآن الكريم: التفاسير، الترجمات، التلاوات، والمواضيع.