---
title: "ترجمة سورة النجم - الترجمة الكردية (الكردية)"
url: "https://quranpedia.net/surah/1/53/book/1968.md"
canonical: "https://quranpedia.net/surah/1/53/book/1968"
surah_id: "53"
book_id: "1968"
book_name: "الترجمة الكردية"
author: "حمد صالح باموكي"
type: "translation"
---

# ترجمة سورة النجم - الترجمة الكردية (الكردية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/53/book/1968)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة النجم - الترجمة الكردية (الكردية) — https://quranpedia.net/surah/1/53/book/1968*.

Translation of Surah النجم from "الترجمة الكردية" in الكردية.

### الآية 53:1

> وَالنَّجْمِ إِذَا هَوَىٰ [53:1]

سوێند بە ئەستێرە کاتێك ئاوا دەبێت

### الآية 53:2

> مَا ضَلَّ صَاحِبُكُمْ وَمَا غَوَىٰ [53:2]

ھاوڕێکەتان (موحەممەد ﷺ) گومڕا نەبووە وە لە ڕاستی لای نەداوە

### الآية 53:3

> وَمَا يَنْطِقُ عَنِ الْهَوَىٰ [53:3]

وە لە ھەوا وھەوسەوە قسە ناکات (کە قورئان دەخوێنێت)

### الآية 53:4

> إِنْ هُوَ إِلَّا وَحْيٌ يُوحَىٰ [53:4]

ھەرچی دەیڵێت (قورئانەو) نیگا دەکرێت بۆی

### الآية 53:5

> عَلَّمَهُ شَدِيدُ الْقُوَىٰ [53:5]

(جوبرەیلی) زۆر بەتوانا فێری کردووە

### الآية 53:6

> ذُو مِرَّةٍ فَاسْتَوَىٰ [53:6]

خاوەنی بیرو ھۆشی بەھێزە، جا لەسەر شێوەی ڕاستەقینەی خۆی ڕاوەستاوە

### الآية 53:7

> وَهُوَ بِالْأُفُقِ الْأَعْلَىٰ [53:7]

کە بە ئاسۆی ھەرە بەرزی ئاسمانەوە بوو

### الآية 53:8

> ثُمَّ دَنَا فَتَدَلَّىٰ [53:8]

پاشان نزیك بوویەوە (لە موحەممەد ﷺ) و ئەمجا ھاتە خوارەوە

### الآية 53:9

> فَكَانَ قَابَ قَوْسَيْنِ أَوْ أَدْنَىٰ [53:9]

تا بە ئەندازەی دوو کەوان یان کەمتری(ماوە بوو لەگەڵ موحەممەددا ﷺ)

### الآية 53:10

> فَأَوْحَىٰ إِلَىٰ عَبْدِهِ مَا أَوْحَىٰ [53:10]

ئەمجا (خوا) نیگای کرد بۆ بەندەی خۆی، ئای چ نیگایەك بوو

### الآية 53:11

> مَا كَذَبَ الْفُؤَادُ مَا رَأَىٰ [53:11]

ئەوەی (موحەممەد ﷺ) بەچاوی سەر بینی دڵی (بڕوای پێ کرد و) بە درۆی نەزانی

### الآية 53:12

> أَفَتُمَارُونَهُ عَلَىٰ مَا يَرَىٰ [53:12]

جا ئایا (بێ باوەڕان) ئێوە دەمەقاڵێی لەگەڵ دەکەن دەربارەی ئەوەی کە بە چاوی خۆی دەی بینێت

### الآية 53:13

> وَلَقَدْ رَآهُ نَزْلَةً أُخْرَىٰ [53:13]

سوێند بەخوا بێگومان جارێکی تر جوبرەئیلی بینیوە

### الآية 53:14

> عِنْدَ سِدْرَةِ الْمُنْتَهَىٰ [53:14]

لای درەختی(سیدرەتولمونتـەھا)

### الآية 53:15

> عِنْدَهَا جَنَّةُ الْمَأْوَىٰ [53:15]

کە لای ئەوەوەیە بەھەشتی نیشتەجێ بوون

### الآية 53:16

> إِذْ يَغْشَى السِّدْرَةَ مَا يَغْشَىٰ [53:16]

ئەو کاتەی (پێغەمَبەرﷺ) ئەو شتە گرنگ وسەر سوڕھێنەرەی بینی کە سیدرەی داپۆشی چۆن داپۆشینێك

### الآية 53:17

> مَا زَاغَ الْبَصَرُ وَمَا طَغَىٰ [53:17]

چاوی ئەو (موحەممەد ﷺ) بەملاولادا نەیـدەڕوانی (لە مەبەست تێ نەدەپەڕی)

### الآية 53:18

> لَقَدْ رَأَىٰ مِنْ آيَاتِ رَبِّهِ الْكُبْرَىٰ [53:18]

سوێند بەخوا بێگومان بینی گەورەترین بەڵگە ونیشانەی پەروەردگاری

### الآية 53:19

> أَفَرَأَيْتُمُ اللَّاتَ وَالْعُزَّىٰ [53:19]

دەی پێم بڵێن ئایا لات و عوززا (کە دووبتن)

### الآية 53:20

> وَمَنَاةَ الثَّالِثَةَ الْأُخْرَىٰ [53:20]

وە بتی سێهەم کە مەناتە (ئایا ھیچیان پێ دەکرێت)

### الآية 53:21

> أَلَكُمُ الذَّكَرُ وَلَهُ الْأُنْثَىٰ [53:21]

ئایا ڕاستە ئێوە کوڕان بۆ خۆتان وکچان بۆ خودا بەڕەوا وچاك دەزانن؟

### الآية 53:22

> تِلْكَ إِذًا قِسْمَةٌ ضِيزَىٰ [53:22]

ئەگەر وابێت دابەشکردنێکی نادروست دەبێ

### الآية 53:23

> إِنْ هِيَ إِلَّا أَسْمَاءٌ سَمَّيْتُمُوهَا أَنْتُمْ وَآبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ ۚ إِنْ يَتَّبِعُونَ إِلَّا الظَّنَّ وَمَا تَهْوَى الْأَنْفُسُ ۖ وَلَقَدْ جَاءَهُمْ مِنْ رَبِّهِمُ الْهُدَىٰ [53:23]

ئەم بتانە ھەر ناوانێکی ڕوتن کە ئێوە و باو وباپیرانتان لێتان ناون (بەبێ ناوەڕۆك) خوا ھیچ بەڵگەیەکی لەسەر پەرستراوی ئەوان نەناردووەتە خوارەوە، تەنھا شوێنی گومان وئەو شتە دەکەون کە نەفسی خۆیان حەزی لێیەتی، لە کاتێکدا کە بەڕاستی لەلایەن پەروەردگاریانەوە ھیدایەتیان بۆ ھاتووە

### الآية 53:24

> أَمْ لِلْإِنْسَانِ مَا تَمَنَّىٰ [53:24]

ئایا مرۆڤ ئارەزووی ھەرچی کرد بۆی دێتە دی (نەخێر)

### الآية 53:25

> فَلِلَّهِ الْآخِرَةُ وَالْأُولَىٰ [53:25]

چونکە ھەر خوایە خاوەنی دونیا ودواڕۆژە

### الآية 53:26

> ۞ وَكَمْ مِنْ مَلَكٍ فِي السَّمَاوَاتِ لَا تُغْنِي شَفَاعَتُهُمْ شَيْئًا إِلَّا مِنْ بَعْدِ أَنْ يَأْذَنَ اللَّهُ لِمَنْ يَشَاءُ وَيَرْضَىٰ [53:26]

وە چەندەھا فریشتە کە لە ئاسمانەکاندا ھەن تکا وشەفاعەتیان ھیچ سوودی نیە، مەگەر دوای ئەوەی کە خوا مۆڵەت بدات بۆ ھەرکەسێك کە خۆی بیەوێت وڕازی بێت پێی

### الآية 53:27

> إِنَّ الَّذِينَ لَا يُؤْمِنُونَ بِالْآخِرَةِ لَيُسَمُّونَ الْمَلَائِكَةَ تَسْمِيَةَ الْأُنْثَىٰ [53:27]

بەڕاستی ئەوانەی کە باوەڕ بـە ڕۆژی دوایی ناھێنن، فریشتەکان بە کچی (خوا) ناو دەبەن

### الآية 53:28

> وَمَا لَهُمْ بِهِ مِنْ عِلْمٍ ۖ إِنْ يَتَّبِعُونَ إِلَّا الظَّنَّ ۖ وَإِنَّ الظَّنَّ لَا يُغْنِي مِنَ الْحَقِّ شَيْئًا [53:28]

لە کاتێکدا ھیچ زانیاریەکیان دەربارەی نیە، تەنھا دوای گومان دەکەون وە بەڕاستی گومان ھیچ سوودێکی نیە لەزانینی ھەق وڕاستیدا

### الآية 53:29

> فَأَعْرِضْ عَنْ مَنْ تَوَلَّىٰ عَنْ ذِكْرِنَا وَلَمْ يُرِدْ إِلَّا الْحَيَاةَ الدُّنْيَا [53:29]

دەی کەواتە تۆش وازبھێنە لەو کەسە پشت دەکاتە قورئان ویادی ئێمە، وە بێجگە ژیانی دونیا ھیچی تری ناوێت

### الآية 53:30

> ذَٰلِكَ مَبْلَغُهُمْ مِنَ الْعِلْمِ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِمَنِ اهْتَدَىٰ [53:30]

ئەمە ئەوپەڕی زانیاری وتێگەیشتنیانە لەزانیاریدا، بەڕاستی پەروەردگارت چاك دەزانێت بەوەی لە ڕێبازەکەی گومڕا بووە وە چاك دەزانێت بەوەی کە ڕێنووین بووە

### الآية 53:31

> وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى [53:31]

وە خوا خاوەنێتی ھەرچی لەئاسمانـەکان وزەویدایە، تا سزای ئەوانە بدات کە خراپەیان کردووە بە پێی کردەوەکانیان وە پاداشتی ئەوانە بداتەوە کەچاکەیان کردووە بەچاکەتر (لەوەی کردویانە)

### الآية 53:32

> الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ ۚ إِنَّ رَبَّكَ وَاسِعُ الْمَغْفِرَةِ ۚ هُوَ أَعْلَمُ بِكُمْ إِذْ أَنْشَأَكُمْ مِنَ الْأَرْضِ وَإِذْ أَنْتُمْ أَجِنَّةٌ فِي بُطُونِ أُمَّهَاتِكُمْ ۖ فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ [53:32]

ئەوانەی کە لەگوناھی گەورە وکردەوەی دزێو خۆیان دەپارێزن جگە تاوانی بچوك نەبێت، بەڕاستی پەروەردگارت لێبوردنی فراوانە، ئەو لەھەموو کەس بەحاڵی ئێوە زاناترە لەکاتێکدا کە لەزەوی دروستی کردون وە کاتێك کە ئێوە کۆرپەلەن ولەسکی دایکتاندان، کەواتە خۆتان بەچاك وپاك دامەنێن، خوا زاناترە بەو کەسەی زیاتر لە خواترسە

### الآية 53:33

> أَفَرَأَيْتَ الَّذِي تَوَلَّىٰ [53:33]

جا ئایا بینیت ئەو کەسەی کە پشتی ھەڵکرد (لەباوەڕ)

### الآية 53:34

> وَأَعْطَىٰ قَلِيلًا وَأَكْدَىٰ [53:34]

(لەوەی بڕیاری دابوو) کەمێکی بەخشی وئەوەی تری گرتەوە

### الآية 53:35

> أَعِنْدَهُ عِلْمُ الْغَيْبِ فَهُوَ يَرَىٰ [53:35]

ئایا (ئەو کەسە) زانیاری پەنھانی لایەو بەچاو دەیبینێت

### الآية 53:36

> أَمْ لَمْ يُنَبَّأْ بِمَا فِي صُحُفِ مُوسَىٰ [53:36]

یان ئایا ئاگادار نەکرابوو بەوەی کە لەپەڕاوەکانی موسادا بوو

### الآية 53:37

> وَإِبْرَاهِيمَ الَّذِي وَفَّىٰ [53:37]

(وە بەوەی کە لەپەڕاوی ئیبراھیمدا بوو) ئەو ئیبراھیمەی کە پەیمانی خۆی بەچاکی بەجێ ھێنا

### الآية 53:38

> أَلَّا تَزِرُ وَازِرَةٌ وِزْرَ أُخْرَىٰ [53:38]

(لەو پەڕاوانەدا ھاتووە) کە ھیچ تاوانبارێك گوناھی تاوانبارێکی تر ھەڵناگرێت

### الآية 53:39

> وَأَنْ لَيْسَ لِلْإِنْسَانِ إِلَّا مَا سَعَىٰ [53:39]

وەبێگومان ئادەمی جگە لەکۆششی خۆی خاوەنی ھیچی تر نیە (لە دواڕۆژدا)

### الآية 53:40

> وَأَنَّ سَعْيَهُ سَوْفَ يُرَىٰ [53:40]

و بێگومان ھەوڵ کۆششەکەی لە داھاتوو (لەقیامەت)دا دەبینرێتەوە

### الآية 53:41

> ثُمَّ يُجْزَاهُ الْجَزَاءَ الْأَوْفَىٰ [53:41]

پاشان پاداشت دەدرێتەوە بەتێر وتەواوی

### الآية 53:42

> وَأَنَّ إِلَىٰ رَبِّكَ الْمُنْتَهَىٰ [53:42]

وە بەڕاستی ھەموو کارێک سەرەنجامەکەی ھەر بۆ لای پەروەردگارت دەگەڕێتەوە

### الآية 53:43

> وَأَنَّهُ هُوَ أَضْحَكَ وَأَبْكَىٰ [53:43]

وە بێگومان ھەر ئەویش بەندەکان دەخاتە گریان وپێکەنین

### الآية 53:44

> وَأَنَّهُ هُوَ أَمَاتَ وَأَحْيَا [53:44]

وە بێگومان ھەر ئەوە دەیانمرێنێت وزیندووشیان دەکاتەوە

### الآية 53:45

> وَأَنَّهُ خَلَقَ الزَّوْجَيْنِ الذَّكَرَ وَالْأُنْثَىٰ [53:45]

وەبەڕاستی ھەر ئەوە کە جوتێ نێر ومێی دروستكردووە

### الآية 53:46

> مِنْ نُطْفَةٍ إِذَا تُمْنَىٰ [53:46]

لە نوتفەیەك (دڵۆپە ئاوێك)کاتێك دەڕژێنرێتە منداڵـدانەوە

### الآية 53:47

> وَأَنَّ عَلَيْهِ النَّشْأَةَ الْأُخْرَىٰ [53:47]

وە بەڕاستی ھەر لەسەر خوایە دروست کردنەوەی لەڕۆژی دواییدا

### الآية 53:48

> وَأَنَّهُ هُوَ أَغْنَىٰ وَأَقْنَىٰ [53:48]

وە بێگومان ھەر ئەویشە کەخەڵکی دەوڵەمەند وھەژار دەکات

### الآية 53:49

> وَأَنَّهُ هُوَ رَبُّ الشِّعْرَىٰ [53:49]

وە بەڕاستی ھەر ئەوە پەروەردگاری ئەستێرەی شیعرا ( شیعرا : ئەستێرەیەك بوو خەڵکانێك لەسەردەمی نەفامیدا دەیانپەرست)

### الآية 53:50

> وَأَنَّهُ أَهْلَكَ عَادًا الْأُولَىٰ [53:50]

وەبێگومان ھەر ئەو خوایە گەلی عادی یەکەمی لەناو برد

### الآية 53:51

> وَثَمُودَ فَمَا أَبْقَىٰ [53:51]

گەلی سەموودیشی لەناوبرد وکەسی نەھێشتن

### الآية 53:52

> وَقَوْمَ نُوحٍ مِنْ قَبْلُ ۖ إِنَّهُمْ كَانُوا هُمْ أَظْلَمَ وَأَطْغَىٰ [53:52]

وەگەلی نووحیشی (لەناو برد) لەپێش (عاد وسەمود)دا کەبەڕاستی ئەوان ستەم کارتر وسەر کەش تربوون

### الآية 53:53

> وَالْمُؤْتَفِكَةَ أَهْوَىٰ [53:53]

وەگوندە سەروژێرکراوەکانی (بەزەویدا) بردە خوارەوە (کەگوندەکانی گەلی لوط بوون)

### الآية 53:54

> فَغَشَّاهَا مَا غَشَّىٰ [53:54]

ئەمجا ئەو گوندانەی داپۆشی (بەجۆرەھا سزای سەخت) چۆن داپۆشینێك

### الآية 53:55

> فَبِأَيِّ آلَاءِ رَبِّكَ تَتَمَارَىٰ [53:55]

لەکام ناز ونیعمەتەکانی پەروەردگارت دوو دڵیت

### الآية 53:56

> هَٰذَا نَذِيرٌ مِنَ النُّذُرِ الْأُولَىٰ [53:56]

ئەم (پێغەمبەرە) ترسێنەرێکە لە (پێغەمبەرە) ترسێنەرەکانی پێشوو

### الآية 53:57

> أَزِفَتِ الْآزِفَةُ [53:57]

ڕۆژی دوایی زۆر نزیك بووەتەوە

### الآية 53:58

> لَيْسَ لَهَا مِنْ دُونِ اللَّهِ كَاشِفَةٌ [53:58]

جگە لەخوای گەورە کەس نیە ئاشکرای بکات (وبزانێت کەی دێت)

### الآية 53:59

> أَفَمِنْ هَٰذَا الْحَدِيثِ تَعْجَبُونَ [53:59]

جـا ئایا لەم قورئانە سەرتان سوڕ دەمێنێت؟!

### الآية 53:60

> وَتَضْحَكُونَ وَلَا تَبْكُونَ [53:60]

وە پێدەکەنن وناگرین!

### الآية 53:61

> وَأَنْتُمْ سَامِدُونَ [53:61]

وە ئێوە سەر گەرم و بێ ئاگان

### الآية 53:62

> فَاسْجُدُوا لِلَّهِ وَاعْبُدُوا ۩ [53:62]

دەی سوژدە بەرن بۆ خوا وپەرستشی بکەن

## روابط ذات صلة

- [النص القرآني للسورة](https://quranpedia.net/surah/1/53.md)
- [كل تفاسير سورة النجم
](https://quranpedia.net/surah-tafsir/53.md)
- [ترجمات سورة النجم
](https://quranpedia.net/translations/53.md)
- [صفحة الكتاب: الترجمة الكردية](https://quranpedia.net/book/1968.md)
- [المؤلف: حمد صالح باموكي](https://quranpedia.net/person/1743.md)

---

زُر [Quranpedia.net](https://quranpedia.net/surah/1/53/book/1968) — موسوعة القرآن الكريم: التفاسير، الترجمات، التلاوات، والمواضيع.