---
title: "ترجمة سورة النجم - الترجمة الأويغورية (الأويغورية)"
url: "https://quranpedia.net/surah/1/53/book/1975.md"
canonical: "https://quranpedia.net/surah/1/53/book/1975"
surah_id: "53"
book_id: "1975"
book_name: "الترجمة الأويغورية"
author: "محمد صالح"
type: "translation"
---

# ترجمة سورة النجم - الترجمة الأويغورية (الأويغورية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/53/book/1975)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة النجم - الترجمة الأويغورية (الأويغورية) — https://quranpedia.net/surah/1/53/book/1975*.

Translation of Surah النجم from "الترجمة الأويغورية" in الأويغورية.

### الآية 53:1

> وَالنَّجْمِ إِذَا هَوَىٰ [53:1]

ساقىغان يۇلتۇزلار بىلەن قەسەمكى\[1\]،

### الآية 53:2

> مَا ضَلَّ صَاحِبُكُمْ وَمَا غَوَىٰ [53:2]

سىلەرنىڭ ھەمراھىڭلار (يەنى مۇھەممەد ئەلەيھىسسالام) گۇمراھ بولمىدى ۋە يولدىن ئاداشمىدى\[2\].

### الآية 53:3

> وَمَا يَنْطِقُ عَنِ الْهَوَىٰ [53:3]

(ئۇ) ئۆز نەپسى خاھىشى بويىچە سۆزلىمەيدۇ\[3\].

### الآية 53:4

> إِنْ هُوَ إِلَّا وَحْيٌ يُوحَىٰ [53:4]

پەقەت ئۇنىڭغا نازىل قىلىنغان ۋەھىينىلا سۆزلەيدۇ\[4\].

### الآية 53:5

> عَلَّمَهُ شَدِيدُ الْقُوَىٰ [53:5]

ۋەھىينى ئۇنىڭغا كۈچلۈك پەرىشتە (جىبرىئىل) تەلىم بەردى\[5\].

### الآية 53:6

> ذُو مِرَّةٍ فَاسْتَوَىٰ [53:6]

ئۇنىڭ (يەنى جىبرىئىلنىڭ) كۆرۈنۈشى چىرايلىق بولۇپ، يۇقىرى ئۇپۇقتا (ئۆز شەكلىدە) تۇردى\[6ـ7\].

### الآية 53:7

> وَهُوَ بِالْأُفُقِ الْأَعْلَىٰ [53:7]

ئۇنىڭ (يەنى جىبرىئىلنىڭ) كۆرۈنۈشى چىرايلىق بولۇپ، يۇقىرى ئۇپۇقتا (ئۆز شەكلىدە) تۇردى\[6ـ7\].

### الآية 53:8

> ثُمَّ دَنَا فَتَدَلَّىٰ [53:8]

ئاندىن ئۇ ئاستا ـ ئاستا (مۇھەممەد ئەلەيھىسسالامغا) يېقىنلىشىپ تۆۋەنگە ساڭگىلىدى\[8\].

### الآية 53:9

> فَكَانَ قَابَ قَوْسَيْنِ أَوْ أَدْنَىٰ [53:9]

ئۇ (پەيغەمبەر ئەلەيھىسسالامغا) ئىككى ياچاق مىقدارى ياكى ئۇنىڭدىنمۇ يېقىنراق يېقىنلاشتى\[9\].

### الآية 53:10

> فَأَوْحَىٰ إِلَىٰ عَبْدِهِ مَا أَوْحَىٰ [53:10]

ئاللاھ بەندىسىگە (جىبرىئىل ئارقىلىق تېگىشلىك) ۋەھىيلەرنى ۋەھىي قىلدى\[10\].

### الآية 53:11

> مَا كَذَبَ الْفُؤَادُ مَا رَأَىٰ [53:11]

ئۇنىڭ كۆرگىنىنى دىلى ئىنكار قىلمىدى (يەنى راست كۆردى)\[11\].

### الآية 53:12

> أَفَتُمَارُونَهُ عَلَىٰ مَا يَرَىٰ [53:12]

(ئى مۇشرىكلار جامائەسى!) ئۇنىڭ كۆرگەنلىرى ئۈستىدە ئۇنىڭ بىلەن مۇنازىرە قىلىشامسىلەر؟ \[12\]

### الآية 53:13

> وَلَقَدْ رَآهُ نَزْلَةً أُخْرَىٰ [53:13]

ئۇ جىبرىئىلنى ھەقىقەتەن ئىككىنچى قېتىم سىدرەتۇلمۇنتەھا (دەرىخىنىڭ) يېنىدا كۆردى\[13ـ14\].

### الآية 53:14

> عِنْدَ سِدْرَةِ الْمُنْتَهَىٰ [53:14]

ئىككىنچى قېتىم سىدرەتۇلمۇنتەھا (دەرىخىنىڭ) يېنىدا كۆردى\[13ـ14\].

### الآية 53:15

> عِنْدَهَا جَنَّةُ الْمَأْوَىٰ [53:15]

جەننەتۇلمەئۋا بولسا سىدرەتۇلمۇنتەھانىڭ يېنىدىدۇر\[15\].

### الآية 53:16

> إِذْ يَغْشَى السِّدْرَةَ مَا يَغْشَىٰ [53:16]

(ئۇ) سىدرەتۇلمۇنتەھانى (ئالەملەرنىڭ پەرۋەردىگارىنىڭ نۇرى) قاپلىغان چاغدا (كۆردى)\[16\].

### الآية 53:17

> مَا زَاغَ الْبَصَرُ وَمَا طَغَىٰ [53:17]

(پەيغەمبەر) نىڭ كۆزى (ئوڭ ـ سولغا) بۇرالمىدى، (كۆزلەنگەن نەرسىدىن) ئۆتۈپ كەتمىدى\[17\].

### الآية 53:18

> لَقَدْ رَأَىٰ مِنْ آيَاتِ رَبِّهِ الْكُبْرَىٰ [53:18]

شۈبھىسىزكى، ئۇ پەرۋەردىگارىڭنىڭ (قۇدرىتىنى كۆرسىتىدىغان بۈيۈك ئالامەتلەرنى) كۆردى\[18\].

### الآية 53:19

> أَفَرَأَيْتُمُ اللَّاتَ وَالْعُزَّىٰ [53:19]

ئېيتىپ بېقىڭلارچۇ! لات، ئۇززا ۋە ئۈچىنچىسى بولغان ماناتلار (ئاللاھتائالادەك كۈچ ـ قۇۋۋەتكە ئىگىمۇ؟)\[19ـ20\].

### الآية 53:20

> وَمَنَاةَ الثَّالِثَةَ الْأُخْرَىٰ [53:20]

ئېيتىپ بېقىڭلارچۇ! لات، ئۇززا ۋە ئۈچىنچىسى بولغان ماناتلار (ئاللاھتائالادەك كۈچ ـ قۇۋۋەتكە ئىگىمۇ؟)\[19ـ20\].

### الآية 53:21

> أَلَكُمُ الذَّكَرُ وَلَهُ الْأُنْثَىٰ [53:21]

(ئى مۇشرىكلار جامائەسى!) (سىلەرچە ياخشى ھېسابلانغان) ئوغۇل بالا سىلەرگە خاس بولۇپ، (سىلەرچە يامان ھېسابلانغان) قىز بالا ئاللاھقا خاسمۇ؟\[21\]

### الآية 53:22

> تِلْكَ إِذًا قِسْمَةٌ ضِيزَىٰ [53:22]

ئۇنداقتا بۇ ئادالەتسىز تەقسىماتتۇر\[22\].

### الآية 53:23

> إِنْ هِيَ إِلَّا أَسْمَاءٌ سَمَّيْتُمُوهَا أَنْتُمْ وَآبَاؤُكُمْ مَا أَنْزَلَ اللَّهُ بِهَا مِنْ سُلْطَانٍ ۚ إِنْ يَتَّبِعُونَ إِلَّا الظَّنَّ وَمَا تَهْوَى الْأَنْفُسُ ۖ وَلَقَدْ جَاءَهُمْ مِنْ رَبِّهِمُ الْهُدَىٰ [53:23]

بۇ بۇتلار پەقەت سىلەر ۋە ئاتا ـ بوۋاڭلار ئاتىۋالغان قۇرۇق ناملاردىنلا ئىبارەت، ئاللاھ بۇنى ئىسپاتلايدىغان ھېچبىر دەلىل ـ پاكىت چۈشۈرگىنى يوق، ئۇلارغا پەرۋەردىگارى تەرىپىدىن شەك ـ شۈبھىسىز ھىدايەت (يەنى پەيغەمبەر ۋە قۇرئان) كەلگەن تۇرۇقلۇق، ئۇلار پەقەت گۇمانغىلا ۋە نەپسىلىرىنىڭ خاھىشىغىلا ئەگىشىدۇ\[23\].

### الآية 53:24

> أَمْ لِلْإِنْسَانِ مَا تَمَنَّىٰ [53:24]

ئىنسان نېمىنى ئارزۇ قىلسا شۇ بولامدۇ؟\[24\]

### الآية 53:25

> فَلِلَّهِ الْآخِرَةُ وَالْأُولَىٰ [53:25]

ئاخىرەت ۋە دۇنيا ئاللاھنىڭ ئىلكىدىدۇر (يەنى دۇنيا ۋە ئاخىرەتتىكى ئىشلارنىڭ ھەممىسى ئاللاھنىڭ خاھىشى بويىچە بولىدۇ)\[25\].

### الآية 53:26

> ۞ وَكَمْ مِنْ مَلَكٍ فِي السَّمَاوَاتِ لَا تُغْنِي شَفَاعَتُهُمْ شَيْئًا إِلَّا مِنْ بَعْدِ أَنْ يَأْذَنَ اللَّهُ لِمَنْ يَشَاءُ وَيَرْضَىٰ [53:26]

ئاسمانلاردا نۇرغۇن پەرىشتىلەر بولۇپ، ئۇلارنىڭ شاپائىتى ھېچ نەرسىگە ئەسقاتمايدۇ، پەقەت ئاللاھ ئۆزى خالىغان ۋە رازى بولغان ئادەمگە شاپائەت قىلىشقا رۇخسەت قىلسىلا (ئاندىن) ئۇلارنىڭ شاپائىتى ئەسقاتىدۇ\[26\].

### الآية 53:27

> إِنَّ الَّذِينَ لَا يُؤْمِنُونَ بِالْآخِرَةِ لَيُسَمُّونَ الْمَلَائِكَةَ تَسْمِيَةَ الْأُنْثَىٰ [53:27]

شۈبھىسىزكى، ئاخىرەتكە ئىمان ئېيتمايدىغانلار پەرىشتىلەرنى (ئاللاھنىڭ قىزلىرى دەپ) چىشى جىنس نامى بىلەن ئاتايدۇ\[27\].

### الآية 53:28

> وَمَا لَهُمْ بِهِ مِنْ عِلْمٍ ۖ إِنْ يَتَّبِعُونَ إِلَّا الظَّنَّ ۖ وَإِنَّ الظَّنَّ لَا يُغْنِي مِنَ الْحَقِّ شَيْئًا [53:28]

ئۇلار مۇنداق ئاتاشتا ھېچقانداق ئىلىمگە ئىگە ئەمەس، ئۇلار پەقەت گۇمانغىلا ئاساسلىنىدۇ، گۇمان دېگەن ھەقنى ئىسپاتلاشتا ھېچ نەرسىگە يارىمايدۇ\[28\].

### الآية 53:29

> فَأَعْرِضْ عَنْ مَنْ تَوَلَّىٰ عَنْ ذِكْرِنَا وَلَمْ يُرِدْ إِلَّا الْحَيَاةَ الدُّنْيَا [53:29]

بىزنىڭ زىكرىمىز (يەنى ئىمان بىلەن قۇرئان) دىن باش تارتقان، پەقەت دۇنيا تىرىكچىلىكنىلا كۆزلىگەنلەردىن يۈز ئۆرۈگىن\[29\].

### الآية 53:30

> ذَٰلِكَ مَبْلَغُهُمْ مِنَ الْعِلْمِ ۚ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِمَنِ اهْتَدَىٰ [53:30]

ئۇلارنىڭ ئىلىمدىن يەتكەن يېرى ئەنە شۇ، شۈبھىسىزكى، پەرۋەردىگارىڭ ئۆزىنىڭ يولىدىن ئازغان ئادەمنى ئوبدان بىلىدۇ، ھىدايەت تاپقان ئادەمنىمۇ ئوبدان بىلىدۇ\[30\].

### الآية 53:31

> وَلِلَّهِ مَا فِي السَّمَاوَاتِ وَمَا فِي الْأَرْضِ لِيَجْزِيَ الَّذِينَ أَسَاءُوا بِمَا عَمِلُوا وَيَجْزِيَ الَّذِينَ أَحْسَنُوا بِالْحُسْنَى [53:31]

ئاسمانلاردىكى ۋە زېمىندىكى نەرسىلەرنىڭ ھەممىسى ئاللاھنىڭ مۈلكىدۇر، (ئاللاھ) يامانلىق قىلغانلارنى قىلمىشلىرىغا قاراپ جازالايدۇ، ياخشىلىق قىلغانلارغا چىرايلىق مۇكاپات بېرىدۇ\[31\].

### الآية 53:32

> الَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ إِلَّا اللَّمَمَ ۚ إِنَّ رَبَّكَ وَاسِعُ الْمَغْفِرَةِ ۚ هُوَ أَعْلَمُ بِكُمْ إِذْ أَنْشَأَكُمْ مِنَ الْأَرْضِ وَإِذْ أَنْتُمْ أَجِنَّةٌ فِي بُطُونِ أُمَّهَاتِكُمْ ۖ فَلَا تُزَكُّوا أَنْفُسَكُمْ ۖ هُوَ أَعْلَمُ بِمَنِ اتَّقَىٰ [53:32]

ئۇلار چوڭ گۇناھلاردىن ۋە قەبىھ ئىشلاردىن يىراق بولىدۇ. كىچىك گۇناھلار بۇنىڭدىن مۇستەسنا، ھەقىقەتەن پەرۋەردىگارىڭنىڭ مەغپىرىتى كەڭدۇر، ئاللاھ سىلەرنى زېمىندىن ياراتقان چاغدىكى (ۋاقتىڭلاردىن تارتىپ، ئاناڭلارنىڭ قورساقلىرىدىكى بالا) ۋاقتىڭلاردىن تارتىپ ئوبدان بىلىدۇ، شۇنىڭ ئۈچۈن سىلەر ئۆزۈڭلارنى پاك ھېسابلىماڭلار، ئاللاھ تەقۋادار بولغان ئادەمنى ئوبدان بىلىدۇ\[32\].

### الآية 53:33

> أَفَرَأَيْتَ الَّذِي تَوَلَّىٰ [53:33]

(ئى مۇھەممەد!) ئىماندىن يۈز ئۆرۈگەن ئادەمدىن خەۋەر بەرگىن\[33\].

### الآية 53:34

> وَأَعْطَىٰ قَلِيلًا وَأَكْدَىٰ [53:34]

ئۇ (شەرت قىلىنغان مالدىن) ئازغىنا بەردى، قالغىنىنى بەرمىدى\[34\].

### الآية 53:35

> أَعِنْدَهُ عِلْمُ الْغَيْبِ فَهُوَ يَرَىٰ [53:35]

ئۇنىڭ دەرگاھىدا ئىلمىي غەيب بولۇپ، ئۇ غەيبنى بىلەمدۇ؟\[35\]

### الآية 53:36

> أَمْ لَمْ يُنَبَّأْ بِمَا فِي صُحُفِ مُوسَىٰ [53:36]

ئۇ مۇسانىڭ ۋە ئىبراھىمنىڭ سەھىپىلىرىدىكى سۆزدىن خەۋەردار بولمىدىمۇ؟\[36\]

### الآية 53:37

> وَإِبْرَاهِيمَ الَّذِي وَفَّىٰ [53:37]

ئىبراھىم ۋاپادار كىشى ئىدى، \[37\]

### الآية 53:38

> أَلَّا تَزِرُ وَازِرَةٌ وِزْرَ أُخْرَىٰ [53:38]

بىر گۇناھكار ئادەم يەنە بىراۋنىڭ گۇناھىنى كۆتەرمەيدۇ (يەنى بىراۋ باشقا بىراۋنىڭ گۇناھى تۈپەيلىدىن جازاغا تارتىلمايدۇ)\[ 38\].

### الآية 53:39

> وَأَنْ لَيْسَ لِلْإِنْسَانِ إِلَّا مَا سَعَىٰ [53:39]

ئىنسان پەقەت ئۆزىنىڭ ئىشلىگەن ئىشىنىڭ نەتىجىسىنى كۆرىدۇ\[39\].

### الآية 53:40

> وَأَنَّ سَعْيَهُ سَوْفَ يُرَىٰ [53:40]

ئۇنىڭ قىلغان ئىشى كەلگۈسىدە كۆرۈلىدۇ (يەنى ئۇنىڭ ئەمەلى قىيامەت كۈنى ئۇنىڭغا توغرىلىنىدۇ)\[40\].

### الآية 53:41

> ثُمَّ يُجْزَاهُ الْجَزَاءَ الْأَوْفَىٰ [53:41]

ئاندىن ئۇنىڭغا تولۇق مۇكاپات (ياكى) تولۇق جازا بېرىلىدۇ\[41\].

### الآية 53:42

> وَأَنَّ إِلَىٰ رَبِّكَ الْمُنْتَهَىٰ [53:42]

ھەممىنىڭ ئاخىر بارىدىغان جايى پەرۋەردىگارىڭنىڭ دەرگاھىدۇر\[42\].

### الآية 53:43

> وَأَنَّهُ هُوَ أَضْحَكَ وَأَبْكَىٰ [53:43]

ئاللاھ ئىنساننى كۈلدۈرەلەيدۇ ۋە يىغلىتالايدۇ\[43\].

### الآية 53:44

> وَأَنَّهُ هُوَ أَمَاتَ وَأَحْيَا [53:44]

ئاللاھ ئۆلتۈرۈشكە ۋە تىرىلدۈرۈشكە قادىر\[44\].

### الآية 53:45

> وَأَنَّهُ خَلَقَ الزَّوْجَيْنِ الذَّكَرَ وَالْأُنْثَىٰ [53:45]

ئاللاھ بىر جۈپنى ـ ئەركەك بىلەن چىشىنى ياراتتى\[45\].

### الآية 53:46

> مِنْ نُطْفَةٍ إِذَا تُمْنَىٰ [53:46]

ئېتىلىپ چىققان مەنىدىن (ياراتتى)\[46\].

### الآية 53:47

> وَأَنَّ عَلَيْهِ النَّشْأَةَ الْأُخْرَىٰ [53:47]

(ھېساب ئۈچۈن ئىنسانلارنى) ئىككىنچى قېتىم يارىتىشنى ئۈستىگە ئالدى\[47\].

### الآية 53:48

> وَأَنَّهُ هُوَ أَغْنَىٰ وَأَقْنَىٰ [53:48]

ئاللاھ ئىنساننى باي قىلالايدۇ ۋە (ئاز بىلەنمۇ) مەمنۇن قىلالايدۇ\[48\].

### الآية 53:49

> وَأَنَّهُ هُوَ رَبُّ الشِّعْرَىٰ [53:49]

ئاللاھ شىئرا يۇلتۇزىنىڭ پەرۋەردىگارىدۇر\[49\].

### الآية 53:50

> وَأَنَّهُ أَهْلَكَ عَادًا الْأُولَىٰ [53:50]

ئۇ (يەنى ئاللاھ) قەدىمكى ئادنى ھالاك قىلدى\[50\].

### الآية 53:51

> وَثَمُودَ فَمَا أَبْقَىٰ [53:51]

سەمۇدنىمۇ (ھالاك قىلدى، ئۇلاردىن بىرىنىمۇ) قويمىدى\[51\].

### الآية 53:52

> وَقَوْمَ نُوحٍ مِنْ قَبْلُ ۖ إِنَّهُمْ كَانُوا هُمْ أَظْلَمَ وَأَطْغَىٰ [53:52]

ئىلگىرى نۇھنىڭ قەۋمىنى (ھالاك قىلغان ئىدى)، شۈبھىسىزكى، ئۇلار تېخىمۇ زالىم، تېخىمۇ سەركەش ئىدى\[52\].

### الآية 53:53

> وَالْمُؤْتَفِكَةَ أَهْوَىٰ [53:53]

. لۇت قەۋمىنىڭ شەھەرلىرىنى دۈم كۆمتۈرىۋەتتى، ئۇنى (دەھشەتلىك تاشلار) قاپلىۋالدى\[53 ـ 54\].

### الآية 53:54

> فَغَشَّاهَا مَا غَشَّىٰ [53:54]

. لۇت قەۋمىنىڭ شەھەرلىرىنى دۈم كۆمتۈرىۋەتتى، ئۇنى (دەھشەتلىك تاشلار) قاپلىۋالدى\[53 ـ 54\].

### الآية 53:55

> فَبِأَيِّ آلَاءِ رَبِّكَ تَتَمَارَىٰ [53:55]

ئىنسان!) پەرۋەردىگارىڭنىڭ قايسىبىر نېمىتىدىن گۇمانلىنىسەن؟\[55\]

### الآية 53:56

> هَٰذَا نَذِيرٌ مِنَ النُّذُرِ الْأُولَىٰ [53:56]

بۇ (يەنى مۇھەممەد ئەلەيھىسسالام) ئىلگىرىكى ئاگاھلاندۇرغۇچىلارنىڭ جۈملىسىدىن بولغان بىر ئاگاھلاندۇرغۇچىدۇر\[56\].

### الآية 53:57

> أَزِفَتِ الْآزِفَةُ [53:57]

قىيامەت يېقىنلاشتى\[57\].

### الآية 53:58

> لَيْسَ لَهَا مِنْ دُونِ اللَّهِ كَاشِفَةٌ [53:58]

ئۇنىڭغا ئاللاھتىن باشقا كەشىپ قىلغۇچى (يەنى ئۇنىڭ ۋاقتىنى بىلگۈچى ياكى ئۇنىڭ ئازابىنى دەپئى قىلغۇچى) يوقتۇر\[58\].

### الآية 53:59

> أَفَمِنْ هَٰذَا الْحَدِيثِ تَعْجَبُونَ [53:59]

(ئى مۇشرىكلار جامائەسى!) مەسخىرە قىلىپ بۇ قۇرئاندىن ئەجەبلىنەمسىلەر؟\[59\].

### الآية 53:60

> وَتَضْحَكُونَ وَلَا تَبْكُونَ [53:60]

(ئۇنى ئاڭلىغان چاغدا) كۈلەمسىلەر؟ يىغلىمامسىلەر؟\[60\].

### الآية 53:61

> وَأَنْتُمْ سَامِدُونَ [53:61]

سىلەر غاپىلدۇرسىلەر\[61\].

### الآية 53:62

> فَاسْجُدُوا لِلَّهِ وَاعْبُدُوا ۩ [53:62]

ئاللاھقا سەجدە قىلىڭلار ۋە (ئۇنىڭغا) ئىبادەت قىلىڭلار\[62\].

## روابط ذات صلة

- [النص القرآني للسورة](https://quranpedia.net/surah/1/53.md)
- [كل تفاسير سورة النجم
](https://quranpedia.net/surah-tafsir/53.md)
- [ترجمات سورة النجم
](https://quranpedia.net/translations/53.md)
- [صفحة الكتاب: الترجمة الأويغورية](https://quranpedia.net/book/1975.md)
- [المؤلف: محمد صالح](https://quranpedia.net/person/1750.md)

---

زُر [Quranpedia.net](https://quranpedia.net/surah/1/53/book/1975) — موسوعة القرآن الكريم: التفاسير، الترجمات، التلاوات، والمواضيع.