---
title: "ترجمة سورة الرحمن - الترجمة البشتوية (البشتوية)"
url: "https://quranpedia.net/surah/1/55/book/1969.md"
canonical: "https://quranpedia.net/surah/1/55/book/1969"
surah_id: "55"
book_id: "1969"
book_name: "الترجمة البشتوية"
author: "زكريا عبد السلام"
type: "translation"
---

# ترجمة سورة الرحمن - الترجمة البشتوية (البشتوية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/55/book/1969)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الرحمن - الترجمة البشتوية (البشتوية) — https://quranpedia.net/surah/1/55/book/1969*.

Translation of Surah الرحمن from "الترجمة البشتوية" in البشتوية.

### الآية 55:1

> الرَّحْمَٰنُ [55:1]

55-1 ډېر زیات مهربان ذات

### الآية 55:2

> عَلَّمَ الْقُرْآنَ [55:2]

55-2 (دا) قرآن ښودلى دى

### الآية 55:3

> خَلَقَ الْإِنْسَانَ [55:3]

55-3 هغه انسان پیدا كړى دى

### الآية 55:4

> عَلَّمَهُ الْبَيَانَ [55:4]

55-4 ده ته يې بیان (او وینا) كول ښودلي دي

### الآية 55:5

> الشَّمْسُ وَالْقَمَرُ بِحُسْبَانٍ [55:5]

55-5 لمر او سپوږۍ په حساب سره (روان) دي

### الآية 55:6

> وَالنَّجْمُ وَالشَّجَرُ يَسْجُدَانِ [55:6]

55-6 او ستوري / واښه او ونې دواړه سجدې كوي

### الآية 55:7

> وَالسَّمَاءَ رَفَعَهَا وَوَضَعَ الْمِيزَانَ [55:7]

55-7 او اسمان لره، دا هغه پورته (اوچت) كړى دى او تله يې اېښې (مقرر كړې) ده

### الآية 55:8

> أَلَّا تَطْغَوْا فِي الْمِيزَانِ [55:8]

55-8 (د دې لپاره) چې تاسو په تله كې تېرى ونه كړئ

### الآية 55:9

> وَأَقِيمُوا الْوَزْنَ بِالْقِسْطِ وَلَا تُخْسِرُوا الْمِيزَانَ [55:9]

55-9 او تاسو په انصاف سره وزن برابروئ او په تول كې كمى مه كوئ

### الآية 55:10

> وَالْأَرْضَ وَضَعَهَا لِلْأَنَامِ [55:10]

55-10 او ځمكې لره، هغه دا د ژوندیو لپاره غوړولې ده

### الآية 55:11

> فِيهَا فَاكِهَةٌ وَالنَّخْلُ ذَاتُ الْأَكْمَامِ [55:11]

55-11 په دې كې مېوې دي او د پوښونو والا د كجورو ونې دي

### الآية 55:12

> وَالْحَبُّ ذُو الْعَصْفِ وَالرَّيْحَانُ [55:12]

55-12 او د وښو (بوسو) والا دانې دي او خوشبویه ګلان دي

### الآية 55:13

> فَبِأَيِّ آلَاءِ رَبِّكُمَا تُكَذِّبَانِ [55:13]

55-13 نو (اى انسانانو او پېریانو!) تاسو دواړه د خپل رب په نعمتونو كې د كوم یوه تكذیب كوئ (او ترې منكرېږئ)

### الآية 55:14

> خَلَقَ الْإِنْسَانَ مِنْ صَلْصَالٍ كَالْفَخَّارِ [55:14]

55-14 انسان يې د كودرې په شان له وچې كړنګېدونكې خټې نه پیدا كړى دى

### الآية 55:15

> وَخَلَقَ الْجَانَّ مِنْ مَارِجٍ مِنْ نَارٍ [55:15]

55-15 او جان (د پېریانو پلار) يې د اور له خالصې (بې لوګي) شغلې نه پیدا كړى دى

### الآية 55:16

> فَبِأَيِّ آلَاءِ رَبِّكُمَا تُكَذِّبَانِ [55:16]

55-16 نو تاسو (اى انسانانو او پېریانو) دواړه د خپل رب په نعمتونو كې د كوم یوه تكذیب كوئ؟

### الآية 55:17

> رَبُّ الْمَشْرِقَيْنِ وَرَبُّ الْمَغْرِبَيْنِ [55:17]

55-17 (هغه د ژمي او د اوړي) د دواړو مشرقونو رب دى او (د ژمي او د اوړي) د دواړو مغربونو رب دى

### الآية 55:18

> فَبِأَيِّ آلَاءِ رَبِّكُمَا تُكَذِّبَانِ [55:18]

55-18 نو تاسو (اى انسانانو او پېریانو) دواړه د خپل رب په نعمتونو كې د كوم یوه تكذیب كوئ؟

### الآية 55:19

> مَرَجَ الْبَحْرَيْنِ يَلْتَقِيَانِ [55:19]

55-19 هغه دوه سمندرونه بهولي دي، په دې حال كې چې یوله بله سره میلاوېږي

### الآية 55:20

> بَيْنَهُمَا بَرْزَخٌ لَا يَبْغِيَانِ [55:20]

55-20 د دواړو په مینځ كې یوه پرده ده، چې په یو بل باندې نه ورګډېږي

### الآية 55:21

> فَبِأَيِّ آلَاءِ رَبِّكُمَا تُكَذِّبَانِ [55:21]

55-21 نو تاسو (اى انسانانو او پېریانو!) دواړه د خپل رب په نعمتونو كې د كوم یوه تكذیب كوئ؟

### الآية 55:22

> يَخْرُجُ مِنْهُمَا اللُّؤْلُؤُ وَالْمَرْجَانُ [55:22]

55-22 له دواړو (د سمندرونو) نه ملغلرې او مرجان راوځي

### الآية 55:23

> فَبِأَيِّ آلَاءِ رَبِّكُمَا تُكَذِّبَانِ [55:23]

55-23 نو تاسو (اى انسانانو او پېریانو) د خپل رب په نعمتونو كې د كوم یوه تكذیب كوئ؟

### الآية 55:24

> وَلَهُ الْجَوَارِ الْمُنْشَآتُ فِي الْبَحْرِ كَالْأَعْلَامِ [55:24]

55-24 او خاص هغه لره دي په سمندر كې بادبان پورته كړى شوې بېړۍ، لكه غرونه

### الآية 55:25

> فَبِأَيِّ آلَاءِ رَبِّكُمَا تُكَذِّبَانِ [55:25]

55-25 نو تاسو (اى انسانانو او پېریانو!) دواړه د خپل رب په نعمتونو كې د كوم یوه تكذیب كوئ؟

### الآية 55:26

> كُلُّ مَنْ عَلَيْهَا فَانٍ [55:26]

55-26 هر هغه څوك چې په دې (ځمكې) باندې دي؛ فاني كېدونكي دي

### الآية 55:27

> وَيَبْقَىٰ وَجْهُ رَبِّكَ ذُو الْجَلَالِ وَالْإِكْرَامِ [55:27]

55-27 او باقي به پاتې شي ستا د رب مخ (ذات) چې د جلال او د عزت خاوند دى

### الآية 55:28

> فَبِأَيِّ آلَاءِ رَبِّكُمَا تُكَذِّبَانِ [55:28]

55-28 نو (اى انسانانو او پېریانو! ) تاسو دواړه د خپل رب په نعمتونو كې كوم یو دروغ ګڼئ ؟

### الآية 55:29

> يَسْأَلُهُ مَنْ فِي السَّمَاوَاتِ وَالْأَرْضِ ۚ كُلَّ يَوْمٍ هُوَ فِي شَأْنٍ [55:29]

55-29 له ده نه سوال كوي هر هغه څوك چې په ا سمانونو او ځمكه كې دي، هر وخت هغه په یوكار كې دى

### الآية 55:30

> فَبِأَيِّ آلَاءِ رَبِّكُمَا تُكَذِّبَانِ [55:30]

55-30 نو تاسو (اى انسانانو او پېریانو!) د خپل رب په نعمتونو كې د كوم یوه تكذیب كوئ؟

### الآية 55:31

> سَنَفْرُغُ لَكُمْ أَيُّهَ الثَّقَلَانِ [55:31]

55-31 ژر ده چې مونږ به تاسو ته وزګار شو، اى دوه درنو قبیلو (انسانانو او پېریانو!)

### الآية 55:32

> فَبِأَيِّ آلَاءِ رَبِّكُمَا تُكَذِّبَانِ [55:32]

55-32 نو تاسو (اى انسانانو او پېریانو!) د خپل رب په نعمتونو كې د كوم یوه تكذیب كوئ؟

### الآية 55:33

> يَا مَعْشَرَ الْجِنِّ وَالْإِنْسِ إِنِ اسْتَطَعْتُمْ أَنْ تَنْفُذُوا مِنْ أَقْطَارِ السَّمَاوَاتِ وَالْأَرْضِ فَانْفُذُوا ۚ لَا تَنْفُذُونَ إِلَّا بِسُلْطَانٍ [55:33]

55-33 اى د پېریانو او انسانانو ډلې! كه چېرې تاسو د دې طاقت لرئ چې تاسو د اسمانونو او ځمكې له غاړو نه بهر ووځئ، نو ووځئ او تاسو به بهر ونه وتلى شئ مګر په قوت (او زور) سره

### الآية 55:34

> فَبِأَيِّ آلَاءِ رَبِّكُمَا تُكَذِّبَانِ [55:34]

55-34 نو (اى پېریانو او انسانانو!) تاسو د خپل رب په نعمتونو كې د كوم یوه تكذیب كوئ؟

### الآية 55:35

> يُرْسَلُ عَلَيْكُمَا شُوَاظٌ مِنْ نَارٍ وَنُحَاسٌ فَلَا تَنْتَصِرَانِ [55:35]

55-35 په تاسو دواړو (ډلو) باندې به د اور خالصې لمبې او لوګى درخوشې كړى شي، بیا به تاسو یوله بل سره مدد نشئ كولى

### الآية 55:36

> فَبِأَيِّ آلَاءِ رَبِّكُمَا تُكَذِّبَانِ [55:36]

55-36 نو تاسو دواړه (اى پېریانو او انسانانو!) د خپل رب په نعمتونو كې له كوم كوم نه انكار كوئ؟

### الآية 55:37

> فَإِذَا انْشَقَّتِ السَّمَاءُ فَكَانَتْ وَرْدَةً كَالدِّهَانِ [55:37]

55-37 بیا چې كله اسمان څیرې شي، نو سور رنګه ګل به شي، لكه د سرې څرمنې

### الآية 55:38

> فَبِأَيِّ آلَاءِ رَبِّكُمَا تُكَذِّبَانِ [55:38]

55-38 نو تاسو دواړه (اى پېریانو او انسانانو!) د خپل رب په نعمتونو كې د كوم یوه تكذیب كوئ؟

### الآية 55:39

> فَيَوْمَئِذٍ لَا يُسْأَلُ عَنْ ذَنْبِهِ إِنْسٌ وَلَا جَانٌّ [55:39]

55-39 نو په دغې ورځ كې به د خپلې ګناه په باره كې نه له انسان نه پوښتنه كولى شي او نه له پېري نه

### الآية 55:40

> فَبِأَيِّ آلَاءِ رَبِّكُمَا تُكَذِّبَانِ [55:40]

55-40 نو (اى پېریانو او انسانانو!) تاسو دواړه د خپل رب په نعمتونو كې د كوم یوه تكذیب كوئ؟

### الآية 55:41

> يُعْرَفُ الْمُجْرِمُونَ بِسِيمَاهُمْ فَيُؤْخَذُ بِالنَّوَاصِي وَالْأَقْدَامِ [55:41]

55-41 مجرمان به په خپلو نښو سره پېژندلى شي، نو (د مجرمانو) وچولي او قدمونه به ونیولى شي

### الآية 55:42

> فَبِأَيِّ آلَاءِ رَبِّكُمَا تُكَذِّبَانِ [55:42]

55-42 نو (اى پېريانو او انسانانو!) تاسو د خپل رب په نعمتونو كې د كوم يوه تكذيب كوئ

### الآية 55:43

> هَٰذِهِ جَهَنَّمُ الَّتِي يُكَذِّبُ بِهَا الْمُجْرِمُونَ [55:43]

55-43 دا هغه دوزخ دى چې مجرمانو (كافرانو) به دا دروغ ګاڼه

### الآية 55:44

> يَطُوفُونَ بَيْنَهَا وَبَيْنَ حَمِيمٍ آنٍ [55:44]

55-44 دوى به د دغه (دوزخ) په مینځ كې او د ډېرو ګرمو اوبو په مینځ كې ګرځي

### الآية 55:45

> فَبِأَيِّ آلَاءِ رَبِّكُمَا تُكَذِّبَانِ [55:45]

55-45 نو (اى پېریانو او انسانانو!) تاسو دواړه د خپل رب په نعمتونو كې د كوم یوه انكار كوئ؟

### الآية 55:46

> وَلِمَنْ خَافَ مَقَامَ رَبِّهِ جَنَّتَانِ [55:46]

55-46 او د هغه چا لپاره چې د خپل رب په واړندې له ودرېدلو نه وېرېږي، دوه جنتونه دي

### الآية 55:47

> فَبِأَيِّ آلَاءِ رَبِّكُمَا تُكَذِّبَانِ [55:47]

55-47 نو تاسو (اى پېریانو او انسانانو!) د خپل رب په نعمتونو كې د كوم یوه تكذیب كوئ؟

### الآية 55:48

> ذَوَاتَا أَفْنَانٍ [55:48]

55-48 (دغه جنتونه) د ډېرو ډېرو څانګو والا دي

### الآية 55:49

> فَبِأَيِّ آلَاءِ رَبِّكُمَا تُكَذِّبَانِ [55:49]

55-49 نو تاسو (اى پېریانو او انسانانو!) د خپل رب په نعمتونو كې كوم كوم دروغ ګڼئ

### الآية 55:50

> فِيهِمَا عَيْنَانِ تَجْرِيَانِ [55:50]

55-50 په دغو دواړو (جنتونو) كې دوه چینې دي چې بهېږي

### الآية 55:51

> فَبِأَيِّ آلَاءِ رَبِّكُمَا تُكَذِّبَانِ [55:51]

55-51 نو تاسو (اى پېریانو او انسانانو!) د خپل رب په نعمتونو كې له كوم یو نه انكار كوئ

### الآية 55:52

> فِيهِمَا مِنْ كُلِّ فَاكِهَةٍ زَوْجَانِ [55:52]

55-52 په دغو (جنتونو) كې له هرې مېوې نه دوه دوه قسمه دي

### الآية 55:53

> فَبِأَيِّ آلَاءِ رَبِّكُمَا تُكَذِّبَانِ [55:53]

55-53 نو تاسو (اى پېریانو او انسانانو!) د خپل رب په نعمتونو كې د كوم یوه تكذیب كوئ

### الآية 55:54

> مُتَّكِئِينَ عَلَىٰ فُرُشٍ بَطَائِنُهَا مِنْ إِسْتَبْرَقٍ ۚ وَجَنَى الْجَنَّتَيْنِ دَانٍ [55:54]

55-54 په داسې حال كې چې دوى به په داسې فرشونو باندې تكیه وهونكي وي چې د هغو استرونه به له پېړو ورېښمو څخه وي او د دواړو جنتونو مېوې به نژدې وي

### الآية 55:55

> فَبِأَيِّ آلَاءِ رَبِّكُمَا تُكَذِّبَانِ [55:55]

55-55 نو تاسو (اى انسانانو او پېریانو!) د خپل رب په نعمتونو كې د كوم یوه تكذیب كوئ

### الآية 55:56

> فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنْسٌ قَبْلَهُمْ وَلَا جَانٌّ [55:56]

55-56 په دغو (جنتونو) كې به د سترګو رامنع كوونكې حورې وي، چې له دغو (جنتي خاوندانو) نه به مخكې دوى ته نه بل انسان لاس وروړى وي او نه پېري

### الآية 55:57

> فَبِأَيِّ آلَاءِ رَبِّكُمَا تُكَذِّبَانِ [55:57]

55-57 نو تاسو (اى پېریانو او انسانانو!) د خپل رب په نعمتونو كې د كوم یوه تكذیب كوئ

### الآية 55:58

> كَأَنَّهُنَّ الْيَاقُوتُ وَالْمَرْجَانُ [55:58]

55-58 ګویا كې دغه (حورې) یاقوت لعل دي، یا مرجان دي

### الآية 55:59

> فَبِأَيِّ آلَاءِ رَبِّكُمَا تُكَذِّبَانِ [55:59]

55-59 نو تاسو د خپل رب په نعمتونو كې د كوم یوه تكذیب كوئ

### الآية 55:60

> هَلْ جَزَاءُ الْإِحْسَانِ إِلَّا الْإِحْسَانُ [55:60]

55-60 د احسان بدل نه دى مګر احسان (او نېكي) كول

### الآية 55:61

> فَبِأَيِّ آلَاءِ رَبِّكُمَا تُكَذِّبَانِ [55:61]

55-61 نو تاسو د خپل رب په نعمتونو كې د كوم یوه تكذیب كوئ

### الآية 55:62

> وَمِنْ دُونِهِمَا جَنَّتَانِ [55:62]

55-62 او له دغو دواړو نه غیر دوه نور جنتونه دي

### الآية 55:63

> فَبِأَيِّ آلَاءِ رَبِّكُمَا تُكَذِّبَانِ [55:63]

55-63 نو تاسو د خپل رب په نعمتونو كې د كوم یوه تكذیب كوئ

### الآية 55:64

> مُدْهَامَّتَانِ [55:64]

55-64 تك تور دي (له ډېر شین والي او خړوب والي نه)

### الآية 55:65

> فَبِأَيِّ آلَاءِ رَبِّكُمَا تُكَذِّبَانِ [55:65]

55-65 نو تاسو د خپل رب په نعمتونو كې د كوم یوه تكذیب كوئ

### الآية 55:66

> فِيهِمَا عَيْنَانِ نَضَّاخَتَانِ [55:66]

55-66 په دغو دواړو كې دوه جوش وهونكې چینې دي

### الآية 55:67

> فَبِأَيِّ آلَاءِ رَبِّكُمَا تُكَذِّبَانِ [55:67]

55-67نو تاسو د خپل رب په نعمتونو كې د كوم یوه تكذیب كوئ

### الآية 55:68

> فِيهِمَا فَاكِهَةٌ وَنَخْلٌ وَرُمَّانٌ [55:68]

55-68 په دغو دواړو كې مېوې او كجورې او انار دي

### الآية 55:69

> فَبِأَيِّ آلَاءِ رَبِّكُمَا تُكَذِّبَانِ [55:69]

55-69نو تاسو د خپل رب په نعمتونو كې د كوم یوه تكذیب كوئ

### الآية 55:70

> فِيهِنَّ خَيْرَاتٌ حِسَانٌ [55:70]

55-70 په دغو (جنتونو) كې ډېرې غوره (نېك سیرتې) ډېرې ښكلې حورې دي

### الآية 55:71

> فَبِأَيِّ آلَاءِ رَبِّكُمَا تُكَذِّبَانِ [55:71]

55-71 نو تاسو د خپل رب په نعمتونو كې د كوم یوه تكذیب كوئ

### الآية 55:72

> حُورٌ مَقْصُورَاتٌ فِي الْخِيَامِ [55:72]

55-72 په خېمو كې محفوظې ساتلې شوې حورې به وي

### الآية 55:73

> فَبِأَيِّ آلَاءِ رَبِّكُمَا تُكَذِّبَانِ [55:73]

55-73 نو تاسو د خپل رب په نعمتونو كې د كوم یوه تكذیب كوئ

### الآية 55:74

> لَمْ يَطْمِثْهُنَّ إِنْسٌ قَبْلَهُمْ وَلَا جَانٌّ [55:74]

55-74 چې له دغو (جنتي خاوندانو) نه به مخكې دوى ته نه انسان لاس وروړى وي او نه پېري

### الآية 55:75

> فَبِأَيِّ آلَاءِ رَبِّكُمَا تُكَذِّبَانِ [55:75]

55-75 نو تاسو د خپل رب په نعمتونو كې د كوم یوه تكذیب كوئ

### الآية 55:76

> مُتَّكِئِينَ عَلَىٰ رَفْرَفٍ خُضْرٍ وَعَبْقَرِيٍّ حِسَانٍ [55:76]

55-76 په داسې حال كې چې تكیه كوونكي به وي په شین رنګه بالښتونو او په ډېرو نفیسو ښكلو فرشونو باندې

### الآية 55:77

> فَبِأَيِّ آلَاءِ رَبِّكُمَا تُكَذِّبَانِ [55:77]

55-77نو تاسو د خپل رب په نعمتونو كې د كوم یوه تكذیب كوئ

### الآية 55:78

> تَبَارَكَ اسْمُ رَبِّكَ ذِي الْجَلَالِ وَالْإِكْرَامِ [55:78]

55-78 ډېر بركتي دى ستا د رب نوم، چې د جلال او د اكرام (عزت وركولو) والا دى

## روابط ذات صلة

- [النص القرآني للسورة](https://quranpedia.net/surah/1/55.md)
- [كل تفاسير سورة الرحمن
](https://quranpedia.net/surah-tafsir/55.md)
- [ترجمات سورة الرحمن
](https://quranpedia.net/translations/55.md)
- [صفحة الكتاب: الترجمة البشتوية](https://quranpedia.net/book/1969.md)
- [المؤلف: زكريا عبد السلام](https://quranpedia.net/person/1744.md)

---

زُر [Quranpedia.net](https://quranpedia.net/surah/1/55/book/1969) — موسوعة القرآن الكريم: التفاسير، الترجمات، التلاوات، والمواضيع.