---
title: "ترجمة سورة الواقعة - الترجمة الأوزبكية - علاء الدين منصور (الأوزبكية)"
url: "https://quranpedia.net/surah/1/56/book/1981.md"
canonical: "https://quranpedia.net/surah/1/56/book/1981"
surah_id: "56"
book_id: "1981"
book_name: "الترجمة الأوزبكية - علاء الدين منصور"
author: "علاء الدين منصور"
type: "translation"
---

# ترجمة سورة الواقعة - الترجمة الأوزبكية - علاء الدين منصور (الأوزبكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/56/book/1981)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الواقعة - الترجمة الأوزبكية - علاء الدين منصور (الأوزبكية) — https://quranpedia.net/surah/1/56/book/1981*.

Translation of Surah الواقعة from "الترجمة الأوزبكية - علاء الدين منصور" in الأوزبكية.

### الآية 56:1

> إِذَا وَقَعَتِ الْوَاقِعَةُ [56:1]

1\. Қачон Воқеа — Қиёмат воқеъ бўлса, 
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Яъни, аниқ тушгувчи бўлган Қиёмат соати келганида, ҳаёти дунёда Аллоҳ таоло шаънига ёлғон тўқиб юрган кимсалардан биронтаси ёлғон сўзлай олмай қолади.

### الآية 56:2

> لَيْسَ لِوَقْعَتِهَا كَاذِبَةٌ [56:2]

2\. У воқеъ бўлган чоғда бирон ёлғон сўзлагувчи бўлмас.

### الآية 56:3

> خَافِضَةٌ رَافِعَةٌ [56:3]

3\. (Қиёмат кофирларни дўзахга дучор этиш билан) паст қилгувчи, (мўминларни эса жаннатга киритиш билан) баланд қилгувчидир. 
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Яъни, бу дунёда нафслари истаган хирсу ҳавасларга муккадан кетиб, мол-давлат ва салтанатлари билан ҳаволаниб юрган динсиз-иймонсиз кимсаларни Қиёматда энг тубан дўзахга ташлаш билан паст қилиб қўяр, аммо бу ҳаёти дунёда мудом рўй бериб турадиган зулму ситам ва ҳақсизлик азобидан эзилиб юрсалар-да, ўз иймон-эътиқодларида устивор бўлган мўмин-мусулмонларни эса жаннатлардаги баланд мақомларга кўтарур.

### الآية 56:4

> إِذَا رُجَّتِ الْأَرْضُ رَجًّا [56:4]

4\. (У кунда) Ер (қаттиқ) ларзага келди;

### الآية 56:5

> وَبُسَّتِ الْجِبَالُ بَسًّا [56:5]

5\. Тоғлар титилди;

### الآية 56:6

> فَكَانَتْ هَبَاءً مُنْبَثًّا [56:6]

6\. Ва чанг-тўзонга айланди.

### الآية 56:7

> وَكُنْتُمْ أَزْوَاجًا ثَلَاثَةً [56:7]

7\. Ва сизлар уч синф-тоифа бўлиб қолдингизлар.

### الآية 56:8

> فَأَصْحَابُ الْمَيْمَنَةِ مَا أَصْحَابُ الْمَيْمَنَةِ [56:8]

8\. Бас, (у уч тоифадан биринчиси) ўнг томон эгаларидир. Ўнг томон эгалари (бўлмоқ) не (саодат)дир!
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Ўнг томон эгалари ҳаёти дунёдан иймон-эътиқод билан ўтганлари сабабли Қиёмат Кунида номаи-аъмоллари ўнг томонларидан берилиб, жаннат неъматларига сазовор бўлган саодатманд кишилардир. Чап томон эгалари эса ҳаёти дунёдан куфру исён билан ўтганлари сабабли Қиёмат Кунида номаи-аъмоллари чап томонларидан берилиб, дўзахга гирифтор бўлган бадбахт кимсалардир.

### الآية 56:9

> وَأَصْحَابُ الْمَشْأَمَةِ مَا أَصْحَابُ الْمَشْأَمَةِ [56:9]

9\. (Иккинчи тоифа) шум-чап томон эгаларидир. Шум-чап томон эгалари (бўлмоқ) не (бахтсизлик)дир!

### الآية 56:10

> وَالسَّابِقُونَ السَّابِقُونَ [56:10]

10\. (Учинчи тоифа бўлмиш барча яхши амалларга) пешқадам бўлгувчи зотлар (жаннат неъматларига эришишида ҳам) пешқадам бўлгувчи зотлардир!

### الآية 56:11

> أُولَٰئِكَ الْمُقَرَّبُونَ [56:11]

11\. Ана ўшалар (Аллоҳ таолога) яқин қилингувчилардир.

### الآية 56:12

> فِي جَنَّاتِ النَّعِيمِ [56:12]

12\. (Улар) ноз-неъмат боғларидадирлар.

### الآية 56:13

> ثُلَّةٌ مِنَ الْأَوَّلِينَ [56:13]

13\. (У пешқадамлар) аввалги (уммат)лардан кўпчилик,

### الآية 56:14

> وَقَلِيلٌ مِنَ الْآخِرِينَ [56:14]

14\. кейингилардан (яъни, Муҳаммад алайҳис-салоту вас-салом умматларидан) эса оздир.
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Яъни, Одам алайҳиссаломдан тортиб, то Муҳаммад алайҳис-салоту вас-саломгача, ўтган барча пайғамбарларга иймон келтирган ва уларнинг ёнларида туриб Аллоҳ таоло буюрган динга даъват қилишда ёрдамчи бўлган аввалги умматлар орасидаги пешқадам зотларнинг саноқларига нисбатан Муҳаммад алайҳис-салоту вас-салом умматлари ўртасидаги пешқадам зотларнинг сонлари оздир.

### الآية 56:15

> عَلَىٰ سُرُرٍ مَوْضُونَةٍ [56:15]

15\. (Улар олтиндан) тўқилган сўриларда

### الآية 56:16

> مُتَّكِئِينَ عَلَيْهَا مُتَقَابِلِينَ [56:16]

16\. ястанган ҳолларида бир-бирларига рўбарў бўлиб (ўлтирурлар).

### الآية 56:17

> يَطُوفُ عَلَيْهِمْ وِلْدَانٌ مُخَلَّدُونَ [56:17]

17\. Устларида эса мангу ёш (яъни, ҳеч қаримайдиган) болалар (қадаҳларни) айлантириб турурлар.

### الآية 56:18

> بِأَكْوَابٍ وَأَبَارِيقَ وَكَأْسٍ مِنْ مَعِينٍ [56:18]

18\. Оқар чашмадан (майли) қадаҳларни, кўзаларни ва косаларни (айлантириб турурлар).

### الآية 56:19

> لَا يُصَدَّعُونَ عَنْهَا وَلَا يُنْزِفُونَ [56:19]

19\. У (май)лардан уларнинг бошлари ҳам оғримас, маст ҳам бўлмаслар.

### الآية 56:20

> وَفَاكِهَةٍ مِمَّا يَتَخَيَّرُونَ [56:20]

20\. Яна ўзлари танлаб оладиган мева-чева;

### الآية 56:21

> وَلَحْمِ طَيْرٍ مِمَّا يَشْتَهُونَ [56:21]

21\. Ҳамда иштаҳалари тортган қуш гўштлари ҳам (айлантириб турилур).

### الآية 56:22

> وَحُورٌ عِينٌ [56:22]

22\. Яна (улар учун) оҳу кўз ҳурлар бордир.

### الآية 56:23

> كَأَمْثَالِ اللُّؤْلُؤِ الْمَكْنُونِ [56:23]

23\. Худди яшириб қўйилган марварид мисол (оҳу кўз ҳурлар бордир).

### الآية 56:24

> جَزَاءً بِمَا كَانُوا يَعْمَلُونَ [56:24]

24\. (Бу) улар (ҳаёти дунёда) қилиб ўтган амалларининг мукофотидир.

### الآية 56:25

> لَا يَسْمَعُونَ فِيهَا لَغْوًا وَلَا تَأْثِيمًا [56:25]

25\. Улар у жойда бирон беҳуда ва гуноҳ-ёлғон (сўз)ни эшитмаслар,

### الآية 56:26

> إِلَّا قِيلًا سَلَامًا سَلَامًا [56:26]

26\. фақат **«Салом-салом»**, дейилганинигина (эшитурлар).

### الآية 56:27

> وَأَصْحَابُ الْيَمِينِ مَا أَصْحَابُ الْيَمِينِ [56:27]

27\. Ўнг томон эгалари... Ўнг томон эгалари (бўлмоқ) не (саодат)дир!

### الآية 56:28

> فِي سِدْرٍ مَخْضُودٍ [56:28]

28\. (Улар) тикансиз бутазорларда.

### الآية 56:29

> وَطَلْحٍ مَنْضُودٍ [56:29]

29\. Тизилган бананзорларда.

### الآية 56:30

> وَظِلٍّ مَمْدُودٍ [56:30]

30\. Ёйилган соя (ости)да.

### الآية 56:31

> وَمَاءٍ مَسْكُوبٍ [56:31]

31\. Оқизиб қўйилган сув (усти)да.

### الآية 56:32

> وَفَاكِهَةٍ كَثِيرَةٍ [56:32]

32\. Кўпдан-кўп (турли туман) мева-чева (ости)да.

### الآية 56:33

> لَا مَقْطُوعَةٍ وَلَا مَمْنُوعَةٍ [56:33]

33\. (У мевалар) тугаб қолмайди ва манъ ҳам этилмайди.

### الآية 56:34

> وَفُرُشٍ مَرْفُوعَةٍ [56:34]

34\. Баланд кўтарилган кўрпачалар (усти)дадирлар.

### الآية 56:35

> إِنَّا أَنْشَأْنَاهُنَّ إِنْشَاءً [56:35]

35\. Дарвоқеъ, Биз уларни (оху кўз ҳурларни) дафъатан пайдо қилдик (яъни, улар онадан туғилмадилар, балки Аллоҳнинг қудрати билан дафъатан пайдо бўлдилар).

### الآية 56:36

> فَجَعَلْنَاهُنَّ أَبْكَارًا [56:36]

36\. Сўнг (уларни ўнг томон эгалари учун) бокира қизлар қилиб қўйдик.

### الآية 56:37

> عُرُبًا أَتْرَابًا [56:37]

37\. (Улар ёшда ҳам, ҳусну жамол ва қадду қоматда ҳам) бири-бирига тенг, эҳтиросли (ҳурлардир).

### الآية 56:38

> لِأَصْحَابِ الْيَمِينِ [56:38]

38\. (Уларни) ўнг томон эгалари учун (қилдик).

### الآية 56:39

> ثُلَّةٌ مِنَ الْأَوَّلِينَ [56:39]

39\. (Ўнг томон эгалари бўлмиш саодатманд кишилар) аввалги (уммат)лардан ҳам кўпчилик,

### الآية 56:40

> وَثُلَّةٌ مِنَ الْآخِرِينَ [56:40]

40\. кейингилардан (яъни, Муҳаммад алайҳис-салоту вас-салом умматларидан) ҳам кўпчилиқдир.

### الآية 56:41

> وَأَصْحَابُ الشِّمَالِ مَا أَصْحَابُ الشِّمَالِ [56:41]

41\. Чап томон эгалари... Чап томон эгалари (бўлмоқ) не (бахтсизлик)дир!

### الآية 56:42

> فِي سَمُومٍ وَحَمِيمٍ [56:42]

42\. (Улар дўзахдан тинимсиз эсиб турадиган, баданларни илма-тешик қилиб юборувчи) Самум (шамоли) ва қайноқ сув ичида;

### الآية 56:43

> وَظِلٍّ مِنْ يَحْمُومٍ [56:43]

43\. Bа қора тутундан иборат **«соя»** (ости)дадирлар.

### الآية 56:44

> لَا بَارِدٍ وَلَا كَرِيمٍ [56:44]

44\. (У **«соя»**) на салқин, на фойдалидир.

### الآية 56:45

> إِنَّهُمْ كَانُوا قَبْلَ ذَٰلِكَ مُتْرَفِينَ [56:45]

45\. Дарвоқеъ, улар бундан илгари (яъни, ҳаёти дунёда хирсу ҳавасга муккадан кетган) боёнлар эдилар.

### الآية 56:46

> وَكَانُوا يُصِرُّونَ عَلَى الْحِنْثِ الْعَظِيمِ [56:46]

46\. Улар улуғ гуноҳ (яъни, ширк) устида оёқ тираб турар эдилар.

### الآية 56:47

> وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ [56:47]

47\. Ва: «Бизлар ўлиб, тупроқ ва суякларга айлангач, ростдан ҳам қайта тирилгувчимизми,

### الآية 56:48

> أَوَآبَاؤُنَا الْأَوَّلُونَ [56:48]

48\. аввалги ота-боболаримиз ҳам-а?!», деб (масхара қилар) эдилар.

### الآية 56:49

> قُلْ إِنَّ الْأَوَّلِينَ وَالْآخِرِينَ [56:49]

49\. (Эй Муҳаммад алайҳис-салоту вас-салом, сиз уларга) айтинг: «Албатта аввалгилар ҳам, кейингилар ҳам

### الآية 56:50

> لَمَجْمُوعُونَ إِلَىٰ مِيقَاتِ يَوْمٍ مَعْلُومٍ [56:50]

50\. Маълум Кундаги белгиланган вақтга шак-шубҳасиз, тўплангувчидирлар.

### الآية 56:51

> ثُمَّ إِنَّكُمْ أَيُّهَا الضَّالُّونَ الْمُكَذِّبُونَ [56:51]

51\. Сўнгра албатта сизлар, эй (қайта тирилишни) ёлғон дегувчи гумроҳлар,

### الآية 56:52

> لَآكِلُونَ مِنْ شَجَرٍ مِنْ زَقُّومٍ [56:52]

52\. Шак-шубҳасиз, (жаҳаннамнинг ўртасида ўсадиган) Заққум дарахтидан егувчи

### الآية 56:53

> فَمَالِئُونَ مِنْهَا الْبُطُونَ [56:53]

53\. — ундан қоринларингизни тўлдиргувчидирсизлар.

### الآية 56:54

> فَشَارِبُونَ عَلَيْهِ مِنَ الْحَمِيمِ [56:54]

54\. Сўнг унинг устига қайноқ сувдан ичгувчи, (ичганда ҳам)

### الآية 56:55

> فَشَارِبُونَ شُرْبَ الْهِيمِ [56:55]

55\. — Ташна-тўймас туялар каби ичгувчидирсизлар!

### الآية 56:56

> هَٰذَا نُزُلُهُمْ يَوْمَ الدِّينِ [56:56]

56\. Мана шу уларнинг жазо (Қиёмат) Кунидаги **«зиёфатларидир»**!

### الآية 56:57

> نَحْنُ خَلَقْنَاكُمْ فَلَوْلَا تُصَدِّقُونَ [56:57]

57\. (Эй инсонлар), сизларни Биз Ўзимиз яратдик-ку! Энди сизлар (Охиратда яна қайта яратишга қодир эканлигимизни) тасдиқ этмайсизларми?!
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Яъни, йўқдан бор қилишга қодир бўлган Зот қайта яратишга ҳам шак-шубҳасиз, қодирдир. Энди қуйидаги оятларда Аллоҳ таоло Ўзининг қайта яратишга қодир эканлигига тўрт нарсани, яъни инсонни яратганини, наботот (экин-ўсимликлар)ни яратганини, сувни яратганини ва ўт-оловни яратганини далил қилиб келтиради.

### الآية 56:58

> أَفَرَأَيْتُمْ مَا تُمْنُونَ [56:58]

58\. Сизлар (хотинларингизнинг бачадонига) тўкадиган маний-уруғ ҳақида ҳеч ўйлаб кўрдингларми?

### الآية 56:59

> أَأَنْتُمْ تَخْلُقُونَهُ أَمْ نَحْنُ الْخَالِقُونَ [56:59]

59\. Уни сизлар (комил инсон қилиб) яратурмисизлар ёки Биз яратгувчимизми?!
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Дарҳақиқат, бу инсон кўз ўнгида доимо такрорланиб турганлиги сабабли эътибор берилмайдиган буюк бир мўъжизадир: наҳотки киши баданидан ажралиб чиқиб турадиган тер, кўз ёши каби бўлган бир томчи сувдан — манийдан — озгина муддат ўтгач, ўз-ўзидан эркак ё аёл жинсига мансуб, эшитгувчи, кўргувчи бир инсон пайдо бўлиб қолса. Тасаввур ҳам қилиб бўлмайдиган бу иш қандай содир бўлди? Ахир бу инсон ўзининг суяклари, гўшти ва териси билан томирлари-ю, тук ва тирноқлари билан ҳамда фақат ўзигагина хос бўлган хулқи-табиати билан қаерга яшириниб олган эди?! Қайси бир доно одам бир томчи сув ўз-ўзидан мана шундай инсонга айланган дея олади? Ҳеч ким! Чунки маний она бачадонига тушиши биланоқ эр-хотиннинг иш-амали битган: улар ўша бир томчи сувдан ҳомила пайдо бўладими-йўқми билишга қодир эмаслар, энди бу ёғи ёлғиз Яратганнинг хоҳишига ҳавола. Агар У зот хоҳласа, Ўз қудрати билан бир хил ҳужайрадан иборат бўлган ўша манийдан инсоннинг жамийки аъзоларининг ҳар бири ўзига хос бўлган минг-минглаб ҳужайраларини пайдо қилади ва ҳар бир аъзонинг ҳужайрасига ўз вазифасини пайдо қилади ва унга жон киритади... Дарҳақиқат, бу илоҳий мўъжизада ақл юритгувчи кишилар учун етарли ибрат бордир.

### الآية 56:60

> نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ [56:60]

60\. Сизларнинг ўртангиздаги ўлимни ҳам Биз белгилаб қўйгандирмиз (яъни, сизларга ҳаётни ҳам, ўлимни ҳам Биз берурмиз) ва Биз ожиз эмасдирмиз.

### الآية 56:61

> عَلَىٰ أَنْ نُبَدِّلَ أَمْثَالَكُمْ وَنُنْشِئَكُمْ فِي مَا لَا تَعْلَمُونَ [56:61]

61\. (Сизларни вафот топдириб, ўрнингларга) сизларга ўхшаганларни алмаштириб қўйишга ҳамда сизларни ўзларингиз билмайдиган ҳолат-суратда қайта пайдо қилишга ҳам (ожиз эмасдирмиз).

### الآية 56:62

> وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ [56:62]

62\. Дарвоқеъ, сизлар дастлабки пайдо бўлишларингиз (қандай бўлгани)ни билдинглар-ку! Бас, эслатма-ибрат олмайсизларми?!

### الآية 56:63

> أَفَرَأَيْتُمْ مَا تَحْرُثُونَ [56:63]

63\. Сизлар экаётган зироатларингиз ҳақида ҳеч ўйлаб кўрдингларми?

### الآية 56:64

> أَأَنْتُمْ تَزْرَعُونَهُ أَمْ نَحْنُ الزَّارِعُونَ [56:64]

64\. Уни сизлар ундириб-ўстирурмисизлар ёки Биз ундиргувчимизми?!

### الآية 56:65

> لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ [56:65]

65\. Агар Биз хоҳласак, албатта уни қуруқ чўп қилиб қўйган бўлур эдик, бас, сизлар ажабланган ҳолларингизда:

### الآية 56:66

> إِنَّا لَمُغْرَمُونَ [56:66]

66\. «Шак-шубҳасиз, бизлар зиён кўргувчилармиз.

### الآية 56:67

> بَلْ نَحْنُ مَحْرُومُونَ [56:67]

67\. Йўқ, бизлар (барча ризқу рўздан) маҳрум бўлгувчилармиз», (деб надомат қилиб қолган бўлур эдингазлар).

### الآية 56:68

> أَفَرَأَيْتُمُ الْمَاءَ الَّذِي تَشْرَبُونَ [56:68]

68\. Сизлар ўзларингиз ичадиган сув ҳақида ҳеч ўйлаб кўрдингларми?

### الآية 56:69

> أَأَنْتُمْ أَنْزَلْتُمُوهُ مِنَ الْمُزْنِ أَمْ نَحْنُ الْمُنْزِلُونَ [56:69]

69\. Уни булутлардан сизлар ёғдирдингларми ёки Биз ёғдиргувчимизми?!

### الآية 56:70

> لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ [56:70]

70\. Агар Биз хоҳласак, уни шўр қилиб қўйган бўлур эдик. Бас, шукр қилмайсизларми?!

### الآية 56:71

> أَفَرَأَيْتُمُ النَّارَ الَّتِي تُورُونَ [56:71]

71\. Сизлар ёқадиган ўт-олов ҳақида ҳеч ўйлаб кўрдингларми?

### الآية 56:72

> أَأَنْتُمْ أَنْشَأْتُمْ شَجَرَتَهَا أَمْ نَحْنُ الْمُنْشِئُونَ [56:72]

72\. Унинг дарахтини сизлар пайдо қилдингларми ёки Биз пайдо қилгувчимизми?!

### الآية 56:73

> نَحْنُ جَعَلْنَاهَا تَذْكِرَةً وَمَتَاعًا لِلْمُقْوِينَ [56:73]

73\. Биз уни (жаҳаннам ўтидан) бир эслатма ва (саҳроларда юрадиган) мусофир-йўловчилар учун фойдаланадиган нарса қилиб қўйдик.

### الآية 56:74

> فَسَبِّحْ بِاسْمِ رَبِّكَ الْعَظِيمِ [56:74]

74\. Бас, (эй Муҳаммад алайҳис-салоту вас-салом), улуғ Парвардигорингизнинг номини (ҳар қандай айб-нуқсондан) поклаб-тасбеҳ айтинг!

### الآية 56:75

> ۞ فَلَا أُقْسِمُ بِمَوَاقِعِ النُّجُومِ [56:75]

75\. Мен юлдузларнинг ботар жойларига қасам ичурманки,

### الآية 56:76

> وَإِنَّهُ لَقَسَمٌ لَوْ تَعْلَمُونَ عَظِيمٌ [56:76]

76\. — Ҳолбуки, бу (қасам) агар билсангизлар, шак-шубҳасиз, улуғ-катта қасамдир,

### الآية 56:77

> إِنَّهُ لَقُرْآنٌ كَرِيمٌ [56:77]

77\. — албатта у Улуғ Қуръондир!

### الآية 56:78

> فِي كِتَابٍ مَكْنُونٍ [56:78]

78\. (Қуръон сеҳр ёки уйдирма эмас, балки) асралган Китобдаги (Лавҳул-Маҳфуздаги Улуғ Қуръондир).

### الآية 56:79

> لَا يَمَسُّهُ إِلَّا الْمُطَهَّرُونَ [56:79]

79\. Уни фақат таҳоратли — пок кишиларгина ушларлар.

### الآية 56:80

> تَنْزِيلٌ مِنْ رَبِّ الْعَالَمِينَ [56:80]

80\. (У) барча оламлар Парвардигори томонидан нозил қилингандир.

### الآية 56:81

> أَفَبِهَٰذَا الْحَدِيثِ أَنْتُمْ مُدْهِنُونَ [56:81]

81\. Бас, (эй кофирлар), сизлар мана шу Сўз — Қуръонга бепарволик қилурмисизлар (яъни, сизлар шундай улуғ Китобни назарларингизга илмасдан инкор қилмоқдасизларми)?!

### الآية 56:82

> وَتَجْعَلُونَ رِزْقَكُمْ أَنَّكُمْ تُكَذِّبُونَ [56:82]

82\. Ва сизлар (Қуръонни) ёлғон дейиш(дек бадбахтлик)ни ўзларингизнинг ризқ-насибаларингиз қилиб олурсизларми?!

### الآية 56:83

> فَلَوْلَا إِذَا بَلَغَتِ الْحُلْقُومَ [56:83]

83\. Бас, қачон (вафот қилаётган кишининг жони) халқумига етганида;

### الآية 56:84

> وَأَنْتُمْ حِينَئِذٍ تَنْظُرُونَ [56:84]

84\. — Ҳолбуки, ўша вақтда сизлар қараб турурсизлар;

### الآية 56:85

> وَنَحْنُ أَقْرَبُ إِلَيْهِ مِنْكُمْ وَلَٰكِنْ لَا تُبْصِرُونَ [56:85]

85\. Ва Биз унга сизлардан кўра яқинроқ булурмиз, лекин сизлар (буни) курмайсизлар (билмайсизлар).

### الآية 56:86

> فَلَوْلَا إِنْ كُنْتُمْ غَيْرَ مَدِينِينَ [56:86]

86\. Бас, агар сизлар эгасиз бўлсангизлар;

### الآية 56:87

> تَرْجِعُونَهَا إِنْ كُنْتُمْ صَادِقِينَ [56:87]

87\. (Ва ўзларингизнинг: **«Ҳеч қандай Эга — Парвардигор ҳам, қайта тирилиш ҳам йуқ»**, деган сўзларингизда) ростгўй булсангизлар ўша (жонни яна жасадга) қайтара олсангизлар эди! (Йуқ, ҳеч қачон қайтара олмассизлар).

### الآية 56:88

> فَأَمَّا إِنْ كَانَ مِنَ الْمُقَرَّبِينَ [56:88]

88\. Энди агар ўша (вафот қилгувчи киши Аллоҳга) яқин қилинган (пешқадам)лардан булса,

### الآية 56:89

> فَرَوْحٌ وَرَيْحَانٌ وَجَنَّتُ نَعِيمٍ [56:89]

89\. у ҳолда (унинг учун) роҳат-фароғат, гўзал ризқ ва ноз-неъматли жаннат бордир!

### الآية 56:90

> وَأَمَّا إِنْ كَانَ مِنْ أَصْحَابِ الْيَمِينِ [56:90]

90\. Энди агар у ўнг томон эгаларидан бўлса,

### الآية 56:91

> فَسَلَامٌ لَكَ مِنْ أَصْحَابِ الْيَمِينِ [56:91]

91\. у ҳолда (эй саодатманд бандам), сенга ўнг томон эгаларидан салом бўлгай!

### الآية 56:92

> وَأَمَّا إِنْ كَانَ مِنَ الْمُكَذِّبِينَ الضَّالِّينَ [56:92]

92\. Энди агар у (қайта тирилишни) ёлғон дегувчи гумроҳлардан (яъни, чап томон эгаларидан) бўлса,

### الآية 56:93

> فَنُزُلٌ مِنْ حَمِيمٍ [56:93]

93\. у ҳолда қайноқ сувдан иборат **«зиёфат»**,

### الآية 56:94

> وَتَصْلِيَةُ جَحِيمٍ [56:94]

94\. ва дўзахга киритилиш бордир!

### الآية 56:95

> إِنَّ هَٰذَا لَهُوَ حَقُّ الْيَقِينِ [56:95]

95\. Шак-шубҳасиз, (ушбу сурада зикр қилинган нарсалар) айни ҳақиқатнинг ўзидир!

### الآية 56:96

> فَسَبِّحْ بِاسْمِ رَبِّكَ الْعَظِيمِ [56:96]

96\. Бас, улуғ Парвардигорингизнинг номини (ҳар қандай айб-нуқсондан) поклаб-тасбеҳ айтинг!

## روابط ذات صلة

- [النص القرآني للسورة](https://quranpedia.net/surah/1/56.md)
- [كل تفاسير سورة الواقعة
](https://quranpedia.net/surah-tafsir/56.md)
- [ترجمات سورة الواقعة
](https://quranpedia.net/translations/56.md)
- [صفحة الكتاب: الترجمة الأوزبكية - علاء الدين منصور](https://quranpedia.net/book/1981.md)
- [المؤلف: علاء الدين منصور](https://quranpedia.net/person/1756.md)

---

زُر [Quranpedia.net](https://quranpedia.net/surah/1/56/book/1981) — موسوعة القرآن الكريم: التفاسير، الترجمات، التلاوات، والمواضيع.