---
title: "ترجمة سورة الحاقة - الترجمة الأويغورية (الأويغورية)"
url: "https://quranpedia.net/surah/1/69/book/1975.md"
canonical: "https://quranpedia.net/surah/1/69/book/1975"
surah_id: "69"
book_id: "1975"
book_name: "الترجمة الأويغورية"
author: "محمد صالح"
type: "translation"
---

# ترجمة سورة الحاقة - الترجمة الأويغورية (الأويغورية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/69/book/1975)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الحاقة - الترجمة الأويغورية (الأويغورية) — https://quranpedia.net/surah/1/69/book/1975*.

Translation of Surah الحاقة from "الترجمة الأويغورية" in الأويغورية.

### الآية 69:1

> الْحَاقَّةُ [69:1]

(بولۇشى ئېنىق) قىيامەت\[1\].

### الآية 69:2

> مَا الْحَاقَّةُ [69:2]

قىيامەت نېمىدۇر؟\[2\]

### الآية 69:3

> وَمَا أَدْرَاكَ مَا الْحَاقَّةُ [69:3]

قىيامەتنىڭ نېمە ئىكەنلىكىنى قانداق بىلەلەيسەن؟\[3\]

### الآية 69:4

> كَذَّبَتْ ثَمُودُ وَعَادٌ بِالْقَارِعَةِ [69:4]

سەمۇد ۋە ئاد (قەبىلىلىرى) قىيامەتنى ئىنكار قىلدى\[4\].

### الآية 69:5

> فَأَمَّا ثَمُودُ فَأُهْلِكُوا بِالطَّاغِيَةِ [69:5]

سەمۇد بولسا ئادەتتىن تاشقىرى قاتتىق ئاۋاز بىلەن ھالاك قىلىندى\[5\].

### الآية 69:6

> وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ [69:6]

ئاد بولسا ھەددىدىن زىيادە قاتتىق ۋە سوغۇق بوران بىلەن ھالاك قىلىندى\[6\].

### الآية 69:7

> سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ [69:7]

ئاللاھ ئۇلارغا بوراننى يەتتە كېچە، سەككىز كۈندۈز ئۈزۈلدۈرمەي ئاپىرىدە قىلدى. (ئاد) قەۋمىنىڭ (ئۆز ماكانلىرىدا ھالاك بولۇپ) خورما دەرىخىنىڭ پور كۆتەكلىرىدەك ياتقانلىقىنى كۆرۈسەن\[7\].

### الآية 69:8

> فَهَلْ تَرَىٰ لَهُمْ مِنْ بَاقِيَةٍ [69:8]

ئۇلاردىن بىرەر ئادەمنىڭ قالغانلىقىنى كۆرەلەمسەن؟\[8\]

### الآية 69:9

> وَجَاءَ فِرْعَوْنُ وَمَنْ قَبْلَهُ وَالْمُؤْتَفِكَاتُ بِالْخَاطِئَةِ [69:9]

پىرئەۋن ھەم ئۇنىڭدىن ئىلگىرىكىلەر ۋە شەھەرلىرى دۈم كۆمتۈرۈۋېتىلگەنلەر (يەنى لۇت قەۋمى) خاتا ئىشلارنى قىلدى\[9\].

### الآية 69:10

> فَعَصَوْا رَسُولَ رَبِّهِمْ فَأَخَذَهُمْ أَخْذَةً رَابِيَةً [69:10]

ئۇلار پەرۋەردىگارىنىڭ پەيغەمبىرىگە ئاسىيلىق قىلدى. شۇنىڭ بىلەن ئۇلارنى ئاللاھ قاتتىق جازالىدى\[10\].

### الآية 69:11

> إِنَّا لَمَّا طَغَى الْمَاءُ حَمَلْنَاكُمْ فِي الْجَارِيَةِ [69:11]

شۈبھىسىزكى، (نۇھنىڭ زامانىدا) چوڭ سۇ يامراپ كەتكەن چاغدا، سىلەرنى (يەنى ئەجدادىڭلارنى) بىز كېمىگە سالدۇق\[11\]

### الآية 69:12

> لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ [69:12]

سىلەرگە ئۇنى ئىبرەت قىلىش ئۈچۈن، ئېسىدە تۇتۇۋالىدىغان قۇلاقلارنىڭ ئۇنى تۇتۇۋېلىشى ئۈچۈن (بىز شۇنداق قىلدۇق)\[ـ12\].

### الآية 69:13

> فَإِذَا نُفِخَ فِي الصُّورِ نَفْخَةٌ وَاحِدَةٌ [69:13]

بىرىنچى قېتىملىق سۇر چېلىنغان چاغدا\[13\]،

### الآية 69:14

> وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً [69:14]

زېمىن ۋە تاغلار (ئورۇنلىرىدىن) كۆتىرىلىپ (بىر ـ بىرىگە) ئۇرۇلۇپ (ئۇۋىلىپ كەتكەن) چاغدا\[14\]،

### الآية 69:15

> فَيَوْمَئِذٍ وَقَعَتِ الْوَاقِعَةُ [69:15]

بۇ كۈندە چوڭ ئىش (يەنى قىيامەت) يۈز بېرىدۇ\[15\].

### الآية 69:16

> وَانْشَقَّتِ السَّمَاءُ فَهِيَ يَوْمَئِذٍ وَاهِيَةٌ [69:16]

ئاسمان يېرىلىدۇ، بۇ كۈندە ئاسمان (قالايمىقانلىشىپ) ئاجىزلىشىپ كېتىدۇ\[16\].

### الآية 69:17

> وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ [69:17]

پەرىشتىلەر ئاسماننىڭ ئەتراپىدا تۇرىدۇ. بۇ كۈندە پەرۋەردىگارىڭنىڭ ئەرشىنى سەككىز پەرىشتە (باشلىرى) ئۈستىدە كۆتۈرۈپ تۇرىدۇ\[17\].

### الآية 69:18

> يَوْمَئِذٍ تُعْرَضُونَ لَا تَخْفَىٰ مِنْكُمْ خَافِيَةٌ [69:18]

بۇ كۈندە سىلەر (ئاللاھقا) (ھېساب بېرىش ئۈچۈن) توغرىلىنىسىلەر، سىلەر ھېچقانداق بىر سىرنى يوشۇرۇپ قالالمايسىلەر\[18\].

### الآية 69:19

> فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَءُوا كِتَابِيَهْ [69:19]

نامە ـ ئەمالى ئوڭ قولىغا بېرىلگەن ئادەم (خۇشاللىقتىن): **«بۇ مېنىڭ نامە ـ ئەمالىمنى ئېلىپ ئوقۇپ بېقىڭلار، مەن ھېساباتىمغا مۇلاقات بولىدىغانلىقىمغا مۇقەررەر ئىشەنگەن ئىدىم»** دەيدۇ\[19ـ20\].

### الآية 69:20

> إِنِّي ظَنَنْتُ أَنِّي مُلَاقٍ حِسَابِيَهْ [69:20]

نامە ـ ئەمالى ئوڭ قولىغا بېرىلگەن ئادەم (خۇشاللىقتىن): **«بۇ مېنىڭ نامە ـ ئەمالىمنى ئېلىپ ئوقۇپ بېقىڭلار، مەن ھېساباتىمغا مۇلاقات بولىدىغانلىقىمغا مۇقەررەر ئىشەنگەن ئىدىم»** دەيدۇ\[19ـ20\].

### الآية 69:21

> فَهُوَ فِي عِيشَةٍ رَاضِيَةٍ [69:21]

ئۇ كۆڭۈللۈك تۇرمۇشتا بولىدۇ\[21\].

### الآية 69:22

> فِي جَنَّةٍ عَالِيَةٍ [69:22]

ئېسىل جەننەتتە بولىدۇ\[22\].

### الآية 69:23

> قُطُوفُهَا دَانِيَةٌ [69:23]

ئۇنىڭ مېۋىلىرى (ئۆرە تۇرغاندىمۇ، ئولتۇرغاندىمۇ، ياتقاندىمۇ قولىنى سوزۇپلا ئالالايدىغان دەرىجىدە) يېقىن بولىدۇ\[23\].

### الآية 69:24

> كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ [69:24]

(ئۇلارغا) **«ئۆتكەنكى كۈنلەردە (يەنى دۇنيادىكى چاغلاردا) ياخشى ئەمەللەرنى قىلغانلىقىڭلار ئۈچۈن، خۇشال ـ خۇرام يەڭلار، ئىچىڭلار»** دېيىلىدۇ\[24\].

### الآية 69:25

> وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ [69:25]

نامە ـ ئەمالى سول قولىغا بېرىلگەن ئادەم ئېيتىدۇكى، «ماڭا نامە ـ ئەمالىم بېرىلمىگەن بولسىچۇ!\[25\]

### الآية 69:26

> وَلَمْ أَدْرِ مَا حِسَابِيَهْ [69:26]

ھېسابىمنىڭ نېمە بولغانلىقىنى بىلمىسەم ئىدىم!\[26\]

### الآية 69:27

> يَا لَيْتَهَا كَانَتِ الْقَاضِيَةَ [69:27]

دۇنيادا ئۆلۈمىم ھاياتىمنى (ئاخىرەتتە قايتا تىرىلمەس قىلىپ) ئاخىرلاشتۇرسىچۇ!\[27\]

### الآية 69:28

> مَا أَغْنَىٰ عَنِّي مَالِيَهْ ۜ [69:28]

مېنىڭ مال ـ مۈلكۈم ماڭا ھېچ نەرسىگە ئەسقاتمىدى\[28\].

### الآية 69:29

> هَلَكَ عَنِّي سُلْطَانِيَهْ [69:29]

مېنىڭ ھوقۇقۇم قولۇمدىن كەتتى»\[29\].

### الآية 69:30

> خُذُوهُ فَغُلُّوهُ [69:30]

(ئاللاھ دوزاخقا مۇئەككەل پەرىشتىلەرگە) ئېيتىدۇ: «ئۇنى تۇتۇڭلار، ئۇنىڭغا تاقاق سېلىڭلار\[30\]،

### الآية 69:31

> ثُمَّ الْجَحِيمَ صَلُّوهُ [69:31]

ئاندىن ئۇنى دوزاخقا تاشلاڭلار\[31\]، ئ

### الآية 69:32

> ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ [69:32]

اندىن ئۇنى ئۇزۇنلۇقى 70 گەز كېلىدىغان زەنجىر بىلەن باغلاڭلار»\[32\].

### الآية 69:33

> إِنَّهُ كَانَ لَا يُؤْمِنُ بِاللَّهِ الْعَظِيمِ [69:33]

(ئۇنىڭ بۇنداق ئازابلىنىشى شۇنىڭ ئۈچۈندۇركى) ئۇ ھەقىقەتەن ئۇلۇغ ئاللاھقا ئىمان ئېيتمىغان ئىدى\[33\].

### الآية 69:34

> وَلَا يَحُضُّ عَلَىٰ طَعَامِ الْمِسْكِينِ [69:34]

مىسكىنگە تاماق بېرىشنى تەرغىب قىلمايتتى\[34\].

### الآية 69:35

> فَلَيْسَ لَهُ الْيَوْمَ هَاهُنَا حَمِيمٌ [69:35]

بۈگۈن ئۇنىڭغا بۇ يەردە (ئۇنىڭدىن ئازابنى كۆتۈرۈۋېتىدىغان) دوست يوقتۇر\[35\].

### الآية 69:36

> وَلَا طَعَامٌ إِلَّا مِنْ غِسْلِينٍ [69:36]

ئۇنىڭغا يىرىڭدىن باشقا تاماق يوقتۇر\[36\].

### الآية 69:37

> لَا يَأْكُلُهُ إِلَّا الْخَاطِئُونَ [69:37]

ئۇنى پەقەت ئازغان ئادەملەرلا (يەنى كاپىرلارلا) يەيدۇ\[37\].

### الآية 69:38

> فَلَا أُقْسِمُ بِمَا تُبْصِرُونَ [69:38]

مەن سىلەر كۆرۈپ تۇرىدىغان نەرسىلەر بىلەن قەسەم قىلىمەن،\[38\]

### الآية 69:39

> وَمَا لَا تُبْصِرُونَ [69:39]

سىلەر كۆرمەيدىغان نەرسىلەر بىلەنمۇ قەسەم قىلىمەن (يەنى بارلىق مەخلۇقات بىلەن قەسەم قىلىمەن)\[ـ39\].

### الآية 69:40

> إِنَّهُ لَقَوْلُ رَسُولٍ كَرِيمٍ [69:40]

بۇ قۇرئان ئەلۋەتتە ھۈرمەتلىك پەيغەمبەرنىڭ (ئاللاھ تەرىپىدىن يەتكۈزگەن) سۆزىدۇر\[40\].

### الآية 69:41

> وَمَا هُوَ بِقَوْلِ شَاعِرٍ ۚ قَلِيلًا مَا تُؤْمِنُونَ [69:41]

ئۇ شائىرنىڭ سۆزى ئەمەستۇر. سىلەر ناھايىتى ئاز ئىشىنىسىلەر\[41\].

### الآية 69:42

> وَلَا بِقَوْلِ كَاهِنٍ ۚ قَلِيلًا مَا تَذَكَّرُونَ [69:42]

ئۇ كاھىننىڭ سۆزىمۇ ئەمەس، سىلەر ئاز ۋەز ـ نەسىھەت ئالىسىلەر\[42\].

### الآية 69:43

> تَنْزِيلٌ مِنْ رَبِّ الْعَالَمِينَ [69:43]

(ئۇ) ئالەملەرنىڭ پەرۋەردىگارى تەرىپىدىن نازىل قىلىنغاندۇر\[43\].

### الآية 69:44

> وَلَوْ تَقَوَّلَ عَلَيْنَا بَعْضَ الْأَقَاوِيلِ [69:44]

ئەگەر ئۇ بىزنىڭ نامىمىزدىن يالغاننى توقۇيدىغان بولسا\[44\]،

### الآية 69:45

> لَأَخَذْنَا مِنْهُ بِالْيَمِينِ [69:45]

ئەلۋەتتە ئۇنى قۇدرىتىمىز بىلەن جازالايتتۇق\[45\].

### الآية 69:46

> ثُمَّ لَقَطَعْنَا مِنْهُ الْوَتِينَ [69:46]

ئاندىن ئۇنىڭ ئاساسى قىزىل تومۇرىنى كېسىپ تاشلايتتۇق\[46\].

### الآية 69:47

> فَمَا مِنْكُمْ مِنْ أَحَدٍ عَنْهُ حَاجِزِينَ [69:47]

سىلەردىن ھېچبىر ئادەم ئۇنى قوغداپ قالالمايتتى\[47\].

### الآية 69:48

> وَإِنَّهُ لَتَذْكِرَةٌ لِلْمُتَّقِينَ [69:48]

شەك ـ شۈبھىسىزكى، بۇ قۇرئان تەقۋادارلار ئۈچۈن ۋەز ـ نەسىھەتتۇر\[48\].

### الآية 69:49

> وَإِنَّا لَنَعْلَمُ أَنَّ مِنْكُمْ مُكَذِّبِينَ [69:49]

بىز شەك ـ شۈبھىسىز بىلىمىزكى، سىلەرنىڭ ئاراڭلاردا (قۇرئان ئايەتلىرى شۇنچە روشەن تۇرۇقلۇق) ئۇنى ئىنكار قىلغۇچىلار بار\[49\].

### الآية 69:50

> وَإِنَّهُ لَحَسْرَةٌ عَلَى الْكَافِرِينَ [69:50]

قۇرئان كاپىرلارغا (ئۇلار قۇرئاننى تەستىق قىلغۇچىلارنىڭ ساۋابىنى ۋە ئىنكار قىلغۇچىلارنىڭ ئازابىنى كۆرگەن چاغدا) ئەلۋەتتە ھەسرەت ئېلىپ كېلىدۇ\[50\].

### الآية 69:51

> وَإِنَّهُ لَحَقُّ الْيَقِينِ [69:51]

قۇرئان، مۇقەررەركى شەكسىز ھەقىقەتتۇر\[51\].

### الآية 69:52

> فَسَبِّحْ بِاسْمِ رَبِّكَ الْعَظِيمِ [69:52]

ئۇلۇغ پەرۋەردىگارىڭنى (مۇشرىكلارنىڭ ئىپتىرالىرىدىن) پاك ئېتىقاد قىلغىن\[52\].

## روابط ذات صلة

- [النص القرآني للسورة](https://quranpedia.net/surah/1/69.md)
- [كل تفاسير سورة الحاقة
](https://quranpedia.net/surah-tafsir/69.md)
- [ترجمات سورة الحاقة
](https://quranpedia.net/translations/69.md)
- [صفحة الكتاب: الترجمة الأويغورية](https://quranpedia.net/book/1975.md)
- [المؤلف: محمد صالح](https://quranpedia.net/person/1750.md)

---

زُر [Quranpedia.net](https://quranpedia.net/surah/1/69/book/1975) — موسوعة القرآن الكريم: التفاسير، الترجمات، التلاوات، والمواضيع.