---
title: "ترجمة سورة الحاقة - الترجمة السواحلية - عبد الله محمد وناصر خميس (السواحلية)"
url: "https://quranpedia.net/surah/1/69/book/27820.md"
canonical: "https://quranpedia.net/surah/1/69/book/27820"
surah_id: "69"
book_id: "27820"
book_name: "الترجمة السواحلية - عبد الله محمد وناصر خميس"
type: "translation"
---

# ترجمة سورة الحاقة - الترجمة السواحلية - عبد الله محمد وناصر خميس (السواحلية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/69/book/27820)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة الحاقة - الترجمة السواحلية - عبد الله محمد وناصر خميس (السواحلية) — https://quranpedia.net/surah/1/69/book/27820*.

Translation of Surah الحاقة from "الترجمة السواحلية - عبد الله محمد وناصر خميس" in السواحلية.

### الآية 69:1

> الْحَاقَّةُ [69:1]

Kiyama chenye kutukia kikweli ambacho ndani yake inahakikika ahadi ya Mwenyezi Mungu na onyo Lake.

### الآية 69:2

> مَا الْحَاقَّةُ [69:2]

Kiyama chenye kutukia kikweli ni zipi sifa zake na hali zake?

### الآية 69:3

> وَمَا أَدْرَاكَ مَا الْحَاقَّةُ [69:3]

Na kitu gani kilichokujulisha wewe, ewe Mtume, na kukueleza uhakika wa Kiyama na kikakupa wewe picha ya janga lake na shida zake?

### الآية 69:4

> كَذَّبَتْ ثَمُودُ وَعَادٌ بِالْقَارِعَةِ [69:4]

Thamūd, nao ni watu wa Ṣāliḥ, na ‘Ād, nao ni watu wa Hūd, walikikanusha Kiyama ambacho kinagonga nyoyo kwa vituko janga lake.

### الآية 69:5

> فَأَمَّا ثَمُودُ فَأُهْلِكُوا بِالطَّاغِيَةِ [69:5]

Ama hao Thamūd waliangamizwa kwa ukelele mkubwa uliopita kiasi ukali wake,

### الآية 69:6

> وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ [69:6]

na ama‘Ād waliangamizwa kwa upepo baridi unaovuma kwa nguvu.

### الآية 69:7

> سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ [69:7]

Mwenyezi Mungu Aliwasaliti nao masiku saba na michana minane yenye kufuatana, isiyokatika wala kusimama. Utawaona watu katika masiku hayo na michana wamekufa, kama kwamba wao ni vigogo mitende iliyo mibovu iliyolika ndani.

### الآية 69:8

> فَهَلْ تَرَىٰ لَهُمْ مِنْ بَاقِيَةٍ [69:8]

Basi je utamuona mtu yoyote miongoni mwao mwenye kusalia bila kuangamia?

### الآية 69:9

> وَجَاءَ فِرْعَوْنُ وَمَنْ قَبْلَهُ وَالْمُؤْتَفِكَاتُ بِالْخَاطِئَةِ [69:9]

Na akaja mpita kiasi katika uasi Fir’awn na ummah waliomtangulia waliokanusha Mitume wao, na watu wakazi wa vijiji vya watu wa Lūṭ ambao majumba yao yaliwapindukia kwa sababu ya kitendo kibaya walichokifanya, cha ukafiri, ushirikina na mambo machafu.

### الآية 69:10

> فَعَصَوْا رَسُولَ رَبِّهِمْ فَأَخَذَهُمْ أَخْذَةً رَابِيَةً [69:10]

Kila ummah kati yao walimuasi mjumbe wa Mola wao ambaye alitumwa kwao, basi Mwenyezi Mungu Akawashika mshiko mkali mno.

### الآية 69:11

> إِنَّا لَمَّا طَغَى الْمَاءُ حَمَلْنَاكُمْ فِي الْجَارِيَةِ [69:11]

Sisi, maji yalipopita kipimo chake, mpaka yakawa juu na kuangatika juu ya kila kitu, tuliwabeba watu wa asili zenu pamoja na Nūḥ ndani ya jahazi ambayo ilikuwa ndio sababu ya kuokoka Waumini na kuzamishwa makafiri,

### الآية 69:12

> لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ [69:12]

hili likiwa ni mazingatio na mawaidha, na lipate kulihifadhi tukio hilo kila shikio ambalo kazi yake ni kuhifadhi, na lielewe kile ambacho limekisikia.

### الآية 69:13

> فَإِذَا نُفِخَ فِي الصُّورِ نَفْخَةٌ وَاحِدَةٌ [69:13]

Pindi Malaika atakapopuliza kwenye barugumu mpulizo mmoja, nao ni mpulizo wa kwanza ambao hapo patapatikana maangamivu ya ulimwengu,.

### الآية 69:14

> وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً [69:14]

Na pindi ardhi na milima itakapoinuliwa kutoka mahali ilipo ikavunjwavunjwa na kugongwagongwa mara moja,

### الآية 69:15

> فَيَوْمَئِذٍ وَقَعَتِ الْوَاقِعَةُ [69:15]

Wakati huo Kiyama kitasimama.

### الآية 69:16

> وَانْشَقَّتِ السَّمَاءُ فَهِيَ يَوْمَئِذٍ وَاهِيَةٌ [69:16]

Na mbingu zitafanya ufa na ziwe dhaifu na kulegea Siku hiyo, hazitakuwa na mshikamano wala ugumu.

### الآية 69:17

> وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ [69:17]

Na Malaika watakuwa kwenye pambizo na pande zake, na wataibeba «Arshi ya Mola wako juu yao Siku ya Kiyama Malaika wanane miongoni mwa Malaika wakubwa.

### الآية 69:18

> يَوْمَئِذٍ تُعْرَضُونَ لَا تَخْفَىٰ مِنْكُمْ خَافِيَةٌ [69:18]

Katika Siku hiyo, mtaorodheshwa kwa Mwenyezi Mungu, enyi wat, ili mhesabiwe na mlipwe, hakuna chochote kitakachofichamana kwa Mwenyewzi Mungu miongoni mwa siri zenu.

### الآية 69:19

> فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَءُوا كِتَابِيَهْ [69:19]

Ama yule Atakayepewa kitabu cha matendo yake kwa mkono wake wa kulia, atasema akiwa katika hali ya ubashasha na furaha, ‘Chukueni kitabu changu mkisome!

### الآية 69:20

> إِنِّي ظَنَنْتُ أَنِّي مُلَاقٍ حِسَابِيَهْ [69:20]

Mimi nilikuwa na yakini duniani kuwa nitapata malipo yangu Siku ya Kiyama, nikajiandalia nayo kwa matayarisho ya Imani na matendo mema.»

### الآية 69:21

> فَهُوَ فِي عِيشَةٍ رَاضِيَةٍ [69:21]

Basi yeye atakuwa kwenye maisha ya furaha ya kumridhisha;

### الآية 69:22

> فِي جَنَّةٍ عَالِيَةٍ [69:22]

kwenye Pepo ya juu kimahali na daraja;

### الآية 69:23

> قُطُوفُهَا دَانِيَةٌ [69:23]

matunda yake yako karibu, anayachuma anayesimama, anayeketi na anayelala.

### الآية 69:24

> كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ [69:24]

Wataambiwa, **«Kuleni na mnyweni kila aina ya vyakula na vinywaji, mkiwa mbali na kila kero, mkiwa mmesalimika na kila mnalolichukia, kwa sababu ya matendo mema mliyoyatanguliza siku za ulimwenguni.»**

### الآية 69:25

> وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ [69:25]

Na ama yule atakayepewa kitabu cha matendo yake kwa mkono wake wa kushoto,

### الآية 69:26

> وَلَمْ أَدْرِ مَا حِسَابِيَهْ [69:26]

atasema akiwa katika hali ya kujuta na kupata hasara,

### الآية 69:27

> يَا لَيْتَهَا كَانَتِ الْقَاضِيَةَ [69:27]

«Natamani lau mimi sikupewa kitabu changu na sikujua malipo yangu! Natamani lau kile kifo nilichokufa duniani kilikuwa ndicho chenye kukata kabisa mambo yangu na nisifufuliwe baada yake!

### الآية 69:28

> مَا أَغْنَىٰ عَنِّي مَالِيَهْ ۜ [69:28]

Mali yangu niliyoyakusanya hayakuninufaisha duniani!

### الآية 69:29

> هَلَكَ عَنِّي سُلْطَانِيَهْ [69:29]

Hoja zangu zote zimenionokea, na sina hoja tena ya kuitumia kama hoja.»

### الآية 69:30

> خُذُوهُ فَغُلُّوهُ [69:30]

Hapo waambiwe walinzi wa Moto wa Jahanamu, «Mchukueni mhalifu huyu mfanya dhambi, ikusanyeni mikono yake shingoni mwake muitie pingu,

### الآية 69:31

> ثُمَّ الْجَحِيمَ صَلُّوهُ [69:31]

kisha mtieni kwenye Moto unaowaka sana, apate kulihisi joto lake.

### الآية 69:32

> ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ [69:32]

Kisha mfungeni mnyororo wa chuma ambao urefu wake ni dhiraa sabini mumkokote nao na mumtie humo.

### الآية 69:33

> إِنَّهُ كَانَ لَا يُؤْمِنُ بِاللَّهِ الْعَظِيمِ [69:33]

Kwani yeye hakuwa akiamini kuwa Mwenyezi Mungu Ndiye Mola wa Haki, Peke Yake, Asiye na mshirika.

### الآية 69:34

> وَلَا يَحُضُّ عَلَىٰ طَعَامِ الْمِسْكِينِ [69:34]

Wala hakuwa akitenda matendo yanayoambatana na uongofu Wake, wala hakuwa akiwahimiza watu duniani kuwalisha wenye uhitaji miongoni mwa masikini na wengineo.

### الآية 69:35

> فَلَيْسَ لَهُ الْيَوْمَ هَاهُنَا حَمِيمٌ [69:35]

basi kafiri huyu Siku ya Kiyama hatakuwa na jamaa wa karibu wa kumuepushia adhabu,

### الآية 69:36

> وَلَا طَعَامٌ إِلَّا مِنْ غِسْلِينٍ [69:36]

wala hatakuwa na chakula isipokuwa kile kinachotokana na usaa wa watu wa motoni,

### الآية 69:37

> لَا يَأْكُلُهُ إِلَّا الْخَاطِئُونَ [69:37]

hakuna mwenye kukila isipokuwa wale wenye dhambi, wanaoshikilia kumkanusha Mwenyezi mungu.

### الآية 69:38

> فَلَا أُقْسِمُ بِمَا تُبْصِرُونَ [69:38]

Naapa kwa mnavyoviona miongoni mwa vitu vinavyooonekana,

### الآية 69:39

> وَمَا لَا تُبْصِرُونَ [69:39]

na vile msivyoviona miongoni mwa vile vilivyoghibu kwenu., hakika Qur’ani ni maneno ya Mwenyezi Mungu.

### الآية 69:40

> إِنَّهُ لَقَوْلُ رَسُولٍ كَرِيمٍ [69:40]

Inasomwa na mjumbe mkubwa wa cheo na utukufu.

### الآية 69:41

> وَمَا هُوَ بِقَوْلِ شَاعِرٍ ۚ قَلِيلًا مَا تُؤْمِنُونَ [69:41]

Na si maneno ya mshairi kama mnavyodai, ni uchache mno mnavyoamini.

### الآية 69:42

> وَلَا بِقَوْلِ كَاهِنٍ ۚ قَلِيلًا مَا تَذَكَّرُونَ [69:42]

Wala si tungo kama zile tungo za makuhani, ni kuchache mno kule kukumbuka kwenu na kutia akilini kuwa kuna tafauti baina ya mawili hayo.

### الآية 69:43

> تَنْزِيلٌ مِنْ رَبِّ الْعَالَمِينَ [69:43]

Lakini hiyo Qur’ani ni maneno ya Mola wa viumbe wote Aliyoyateremshia Mtume Wake Muhaammad, rehema ya Mwenyezi Mungu na amani zimshukie.

### الآية 69:44

> وَلَوْ تَقَوَّلَ عَلَيْنَا بَعْضَ الْأَقَاوِيلِ [69:44]

Na lau Muhammad angalitusingizia maneno tusiyoyanena

### الآية 69:45

> لَأَخَذْنَا مِنْهُ بِالْيَمِينِ [69:45]

tungalimtesa na tungalimkamata kwa nguvu na uweza, kwani nguvu ya kila kitu iko kwenye upande wake wa kulia,

### الآية 69:46

> ثُمَّ لَقَطَعْنَا مِنْهُ الْوَتِينَ [69:46]

kisha tungalimkata mshipa wa moyo wake.,

### الآية 69:47

> فَمَا مِنْكُمْ مِنْ أَحَدٍ عَنْهُ حَاجِزِينَ [69:47]

hataweza yoyote kuyazuia mateso yetu yasimpate.

### الآية 69:48

> وَإِنَّهُ لَتَذْكِرَةٌ لِلْمُتَّقِينَ [69:48]

Na hii Qur’ani ni mawaidha kwa wachamungu wanaofuata amri za Mwenyezi Mungu na kuyaepuka makatazo yake.

### الآية 69:49

> وَإِنَّا لَنَعْلَمُ أَنَّ مِنْكُمْ مُكَذِّبِينَ [69:49]

Na sisi kwa hakika tunajua kwamba miongoni mwenu kuna wanaoikanusha hii Qur’ani pamoja na kuwa dalili zake ziko wazi.

### الآية 69:50

> وَإِنَّهُ لَحَسْرَةٌ عَلَى الْكَافِرِينَ [69:50]

Na kwa hakika kuikanusha Qur’ani ni majuto makubwa kwa wenye kuikanusha pindi watakapoiona adhabu yao na kuona starehe za wenye kuiamini.

### الآية 69:51

> وَإِنَّهُ لَحَقُّ الْيَقِينِ [69:51]

Na kwa hakika hii Qur’ani ni haki iliyothibiti na yakini isiyo na shaka.

### الآية 69:52

> فَسَبِّحْ بِاسْمِ رَبِّكَ الْعَظِيمِ [69:52]

Basi Mwepushie Mwenyezi Mungu, kutakasika na sifa za upungufu ni Kwake, kila sifa isiyonasibiana na haiba Yake, na umtaje kwa jina Lake tukufu.

## روابط ذات صلة

- [النص القرآني للسورة](https://quranpedia.net/surah/1/69.md)
- [كل تفاسير سورة الحاقة
](https://quranpedia.net/surah-tafsir/69.md)
- [ترجمات سورة الحاقة
](https://quranpedia.net/translations/69.md)
- [صفحة الكتاب: الترجمة السواحلية - عبد الله محمد وناصر خميس](https://quranpedia.net/book/27820.md)

---

زُر [Quranpedia.net](https://quranpedia.net/surah/1/69/book/27820) — موسوعة القرآن الكريم: التفاسير، الترجمات، التلاوات، والمواضيع.