---
title: "ترجمة سورة المدّثر - الترجمة الأويغورية (الأويغورية)"
url: "https://quranpedia.net/surah/1/74/book/1975.md"
canonical: "https://quranpedia.net/surah/1/74/book/1975"
surah_id: "74"
book_id: "1975"
book_name: "الترجمة الأويغورية"
author: "محمد صالح"
type: "translation"
---

# ترجمة سورة المدّثر - الترجمة الأويغورية (الأويغورية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/74/book/1975)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة المدّثر - الترجمة الأويغورية (الأويغورية) — https://quranpedia.net/surah/1/74/book/1975*.

Translation of Surah المدّثر from "الترجمة الأويغورية" in الأويغورية.

### الآية 74:1

> يَا أَيُّهَا الْمُدَّثِّرُ [74:1]

ئى (ۋەھىي نازىل بولغان چاغدا) كىيىمگە چۈمكىلىۋالغۇچى (پەيغەمبەر!)\[1\]

### الآية 74:2

> قُمْ فَأَنْذِرْ [74:2]

تۇر! (ئىنسانلارنى) ئاللاھنىڭ ئازابىدىن ئاگاھلاندۇر\[2\].

### الآية 74:3

> وَرَبَّكَ فَكَبِّرْ [74:3]

پەرۋەردىگارىڭنى ئۇلۇغلا\[3\].

### الآية 74:4

> وَثِيَابَكَ فَطَهِّرْ [74:4]

كىيىمىڭنى پاك تۇت\[4\].

### الآية 74:5

> وَالرُّجْزَ فَاهْجُرْ [74:5]

ئازابتىن (يەنى ئازابقا قالدۇرىدىغان ئىشلاردىن) يىراق بول\[5\].

### الآية 74:6

> وَلَا تَمْنُنْ تَسْتَكْثِرُ [74:6]

كۆپ ئېلىش نىيىتىدە بەرمە (يەنى بىر كىشىگە بىرەر سوۋغا بەرسەڭ، ئۇنىڭدىن بەرگەن نەرسەڭدىن كۆپرەك نەرسە ئېلىشنى تەمە قىلما)\[6\]،

### الآية 74:7

> وَلِرَبِّكَ فَاصْبِرْ [74:7]

پەرۋەردىگارىڭنىڭ (رازىلىقى) ئۈچۈن (قەۋمىڭدىن يەتكەن ئەزىيەتكە) سەۋر قىل\[7\].

### الآية 74:8

> فَإِذَا نُقِرَ فِي النَّاقُورِ [74:8]

سۇر چېلىنغان ۋاقىت ـ ئۇ كۈن قىيىن كۈندۇر\[8ـ9\].

### الآية 74:9

> فَذَٰلِكَ يَوْمَئِذٍ يَوْمٌ عَسِيرٌ [74:9]

سۇر چېلىنغان ۋاقىت ـ ئۇ كۈن قىيىن كۈندۇر\[8ـ9\].

### الآية 74:10

> عَلَى الْكَافِرِينَ غَيْرُ يَسِيرٍ [74:10]

كاپىرلارغا ئاسان ئەمەستۇر\[10\].

### الآية 74:11

> ذَرْنِي وَمَنْ خَلَقْتُ وَحِيدًا [74:11]

(ئى مۇھەممەد!) مەن تەنھا ياراتقان كىشىنى (يەنى ۋەلىد ئىبن مۇغىرەنى) ماڭا قويۇۋەت\[11\].

### الآية 74:12

> وَجَعَلْتُ لَهُ مَالًا مَمْدُودًا [74:12]

ئۇنىڭغا نۇرغۇن مال بەردىم\[12\].

### الآية 74:13

> وَبَنِينَ شُهُودًا [74:13]

ئۇنىڭغا كۆز ئالدىدا تۇرىدىغان ئوغۇللارنى بەردىم\[13\].

### الآية 74:14

> وَمَهَّدْتُ لَهُ تَمْهِيدًا [74:14]

ئۇنىڭ ئابرويىنى ئۆستۈردۈم\[14\].

### الآية 74:15

> ثُمَّ يَطْمَعُ أَنْ أَزِيدَ [74:15]

ئاندىن ئۇ يەنە كۆپ بېرىشىمنى تەمە قىلىدۇ\[15\].

### الآية 74:16

> كَلَّا ۖ إِنَّهُ كَانَ لِآيَاتِنَا عَنِيدًا [74:16]

ياق، (يەنى ئۇنىڭ خالىغىنى بولمايدۇ)، چۈنكى ئۇ بىزنىڭ ئايەتلىرىمىزگە قارشى چىقتى\[16\].

### الآية 74:17

> سَأُرْهِقُهُ صَعُودًا [74:17]

ئۇنىڭغا قاتتىق ئازابىمنى تېتىتىمەن\[17\].

### الآية 74:18

> إِنَّهُ فَكَّرَ وَقَدَّرَ [74:18]

ئۇ (پەيغەمبەر ۋە قۇرئان ھەققىدە) ئويلاندى، (قۇرئان توغرۇلۇق نېمە دېيىشنى ۋە قانداق بوھتان قىلىشنى) پىلانلىدى\[18\].

### الآية 74:19

> فَقُتِلَ كَيْفَ قَدَّرَ [74:19]

لەنەت بولسۇنكى، ئۇ قانداق پىلانلىدى؟\[19\]

### الآية 74:20

> ثُمَّ قُتِلَ كَيْفَ قَدَّرَ [74:20]

يەنە لەنەت بولسۇنكى، ئۇ قانداق پىلانلىدى\[20\].

### الآية 74:21

> ثُمَّ نَظَرَ [74:21]

ئاندىن ئۇ قارىدى\[21\]،

### الآية 74:22

> ثُمَّ عَبَسَ وَبَسَرَ [74:22]

ئاندىن قوشۇمىسىنى تۈردى ۋە چىرايىنى پۈرۈشتۈردى\[22\]،

### الآية 74:23

> ثُمَّ أَدْبَرَ وَاسْتَكْبَرَ [74:23]

ئاندىن (ئىماندىن) يۈز ئۆرۈدى (پەيغەمبەرگە ئەگىشىشتىن) تەكەببۇرلۇق بىلەن باش تارتتى\[23\]،

### الآية 74:24

> فَقَالَ إِنْ هَٰذَا إِلَّا سِحْرٌ يُؤْثَرُ [74:24]

**«بۇ (كالامۇللاھ ئەمەس) پەقەت ئۆگىنىلگەن سېھىردۇر، بۇ پەقەت ئىنسان سۆزىدۇر»** دېدى\[24ـ25\].

### الآية 74:25

> إِنْ هَٰذَا إِلَّا قَوْلُ الْبَشَرِ [74:25]

**«بۇ (كالامۇللاھ ئەمەس) پەقەت ئۆگىنىلگەن سېھىردۇر، بۇ پەقەت ئىنسان سۆزىدۇر»** دېدى\[24ـ25\].

### الآية 74:26

> سَأُصْلِيهِ سَقَرَ [74:26]

ئۇنى مەن سەقەرگە (يەنى دوزاخقا) سالىمەن\[26\].

### الآية 74:27

> وَمَا أَدْرَاكَ مَا سَقَرُ [74:27]

سەقەرنىڭ نېمىلىكىنى قانداق بىلەلەيسەن؟\[27\]

### الآية 74:28

> لَا تُبْقِي وَلَا تَذَرُ [74:28]

ئۇ ھېچ نەرسىنى قالدۇرمايدۇ، قويمايدۇ (بەلكى كۆيدۈرۈپ تاشلايدۇ)\[28\].

### الآية 74:29

> لَوَّاحَةٌ لِلْبَشَرِ [74:29]

ئۇ (چوڭلۇقىدىن) ئىنسانلارنىڭ (كۆزلىرىگە يىراق مۇساپىلەردىن) كۆرۈنۈپ تۇرىدۇ\[29\].

### الآية 74:30

> عَلَيْهَا تِسْعَةَ عَشَرَ [74:30]

ئۇنىڭغا 19 پەرىشتە مۇئەككەلدۇر\[30\].

### الآية 74:31

> وَمَا جَعَلْنَا أَصْحَابَ النَّارِ إِلَّا مَلَائِكَةً ۙ وَمَا جَعَلْنَا عِدَّتَهُمْ إِلَّا فِتْنَةً لِلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا ۙ وَلَا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ ۙ وَلِيَقُولَ الَّذِينَ فِي قُلُوبِهِمْ مَرَضٌ وَالْكَافِرُونَ مَاذَا أَرَادَ اللَّهُ بِهَٰذَا مَثَلًا ۚ كَذَٰلِكَ يُضِلُّ اللَّهُ مَنْ يَشَاءُ وَيَهْدِي مَنْ يَشَاءُ ۚ وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِيَ إِلَّا ذِكْرَىٰ لِلْبَشَرِ [74:31]

بىز دوزاخ مۇئەككەللىرىنى پەقەت پەرىشتىلەردىن قىلدۇق، بىز ئۇلارنىڭ سانى بىلەن پەقەت كاپىرلارنى سىنىدۇق، تاكى ئەھلى كىتاب (ئۆزلىرىنىڭ ساماۋى كىتابلىرىدىكى بۇ ساننى كۆرۈپ قۇرئاننىڭ ھەق ئىكەنلىكىگە) ئىمان ئېيتماي، مۆمىنلەرنىڭ (پەيغەمبەر ئەلەيھىسسالامنىڭ بەرگەن خەۋىرىگە ئىشەنگەنلىكلىرىدىن ۋە ئەھلى كىتابنىڭ قۇرئان خەۋەرلىرىنىڭ تەۋرات، ئىنجىلدىكى خەۋەرلەرگە ئۇيغۇن ئىكەنلىكىنى ئېتىراپ قىلغانلىقىدىن) ئىمانى كۈچەيگەي! ئەھلى كىتاب ۋە مۆمىنلەر (بۇنىڭدىن) شەكلەنمەيدۇ، دىللىرىدا كېسەل بارلار (يەنى مۇناپىقلار)، كاپىرلار: **«بۇ مىسالدىن ئاللاھ نېمىنى ئىرادە قىلىدۇ»** دەيدۇ، ئاللاھ مۇشۇنداق خالىغان ئادەمنى گۇمراھ قىلىدۇ، خالىغان ئادەمنى ھىدايەت قىلىدۇ، پەرۋەردىگارىڭنىڭ قوشۇنىنى (يەنى پەرىشتىلەرنىڭ سانىنىڭ كۆپلۈكىنى، ئۇلارنىڭ كۈچ ـ قۇۋۋىتىنى ۋە ئۇلارنىڭ يارىتىلىشتىكى چوڭلۇقىنى) پەقەت ئۇ ئۆزى بىلىدۇ، بۇ، (يەنى ئاللاھ بايان قىلغان دوزاخ) پەقەت ئىنسانلار ئۈچۈن ۋەز ـ نەسىھەتتۇر\[31\].

### الآية 74:32

> كَلَّا وَالْقَمَرِ [74:32]

ياق (يەنى ئۇ مەسخىرە قىلغۇچىلار قەبىھ قىلمىشىدىن يانسۇن)، ئاي بىلەن قەسەمكى\[32\]،

### الآية 74:33

> وَاللَّيْلِ إِذْ أَدْبَرَ [74:33]

ئۆتۈپ كەتكەن كېچە بىلەن قەسەمكى\[33\]،

### الآية 74:34

> وَالصُّبْحِ إِذَا أَسْفَرَ [74:34]

يورۇغان سۈبھى بىلەن قەسەمكى\[34\]،

### الآية 74:35

> إِنَّهَا لَإِحْدَى الْكُبَرِ [74:35]

شۈبھىسىزكى، دوزاخ بالالاردىن بىرىدۇر (ئۇنى قانداقمۇ مەسخىرە قىلىسىلەر ۋە ئۇنىڭغا چىنپۈتمەيسىلەر؟)\[35\].

### الآية 74:36

> نَذِيرًا لِلْبَشَرِ [74:36]

ئۇ ئىنسانلارنى ئاگاھلاندۇرغۇچىدۇر\[36\].

### الآية 74:37

> لِمَنْ شَاءَ مِنْكُمْ أَنْ يَتَقَدَّمَ أَوْ يَتَأَخَّرَ [74:37]

سىلەردىن (جەننەتكە) ئىلگىرىلەشنى خالىغان ياكى (دوزاختىن) چېكىنىشنى خالىغان ئادەمنى ئاگاھلاندۇرغۇچىدۇر\[37\].

### الآية 74:38

> كُلُّ نَفْسٍ بِمَا كَسَبَتْ رَهِينَةٌ [74:38]

ھەر ئىنسان قىلمىشلىرى تۈپەيلىدىن (دوزاختا) مەھبۇستۇر\[38\].

### الآية 74:39

> إِلَّا أَصْحَابَ الْيَمِينِ [74:39]

پەقەت ئەسھابى يەمىن (يەنى سائادەتمەن مۆمىنلەر) بۇنىڭدىن مۇستەسنا\[39\].

### الآية 74:40

> فِي جَنَّاتٍ يَتَسَاءَلُونَ [74:40]

ئۇلار جەننەتلەردە بولۇپ، گۇناھكارلاردىن: **«سىلەرنى دوزاخقا كىرگۈزگەن نېمە؟»** دەپ سورايدۇ\[40ـ42\].

### الآية 74:41

> عَنِ الْمُجْرِمِينَ [74:41]

ئۇلار جەننەتلەردە بولۇپ، گۇناھكارلاردىن: **«سىلەرنى دوزاخقا كىرگۈزگەن نېمە؟»** دەپ سورايدۇ\[40ـ42\].

### الآية 74:42

> مَا سَلَكَكُمْ فِي سَقَرَ [74:42]

ئۇلار جەننەتلەردە بولۇپ، گۇناھكارلاردىن: **«سىلەرنى دوزاخقا كىرگۈزگەن نېمە؟»** دەپ سورايدۇ\[40ـ42\].

### الآية 74:43

> قَالُوا لَمْ نَكُ مِنَ الْمُصَلِّينَ [74:43]

ئۇلار (جاۋابەن) ئېيتىدۇ: «بىز ناماز ئوقۇمىدۇق\[43\].

### الآية 74:44

> وَلَمْ نَكُ نُطْعِمُ الْمِسْكِينَ [74:44]

مىسكىنلەرگە تائام بەرمىدۇق\[44\].

### الآية 74:45

> وَكُنَّا نَخُوضُ مَعَ الْخَائِضِينَ [74:45]

بىز بىھۇدە سۆز قىلغۇچىلار بىلەن بىللە بىھۇدە سۆز قىلاتتۇق\[45\].

### الآية 74:46

> وَكُنَّا نُكَذِّبُ بِيَوْمِ الدِّينِ [74:46]

قىيامەت كۈنىنى ئىنكار قىلاتتۇق\[46\]،

### الآية 74:47

> حَتَّىٰ أَتَانَا الْيَقِينُ [74:47]

تاكى بىز ئۆلگۈچە (شۇنداق قىلدۇق)»\[47\].

### الآية 74:48

> فَمَا تَنْفَعُهُمْ شَفَاعَةُ الشَّافِعِينَ [74:48]

شاپائەت قىلغۇچىلارنىڭ شاپائىتى ئۇلارغا پايدا بەرمەيدۇ (يەنى ئۇلارنى ئاللاھنىڭ ئازابىدىن قۇتقۇزىدىغان شاپائەتچى بولمايدۇ، ئۇلارغا پۈتۈن ئەھلى زېمىن شاپائەت قىلغان تەقدىردىمۇ، ئۇلارنىڭ شاپائىتى قوبۇل قىلىنمايدۇ)\[48\].

### الآية 74:49

> فَمَا لَهُمْ عَنِ التَّذْكِرَةِ مُعْرِضِينَ [74:49]

ئۇلار نېمىشقا ۋەز (يەنى قۇرئان) دىن يۈز ئۆرۈيدۇ؟\[49\]

### الآية 74:50

> كَأَنَّهُمْ حُمُرٌ مُسْتَنْفِرَةٌ [74:50]

گويا ئۇلار يولۋاستىن قاچقان ياۋايى ئېشەكلەردۇر (يەنى بۇ مۇشرىكلار مۇھەممەد ئەلەيھىسسالامنى كۆرگەندە، ئۇنىڭدىن خۇددى يولۋاسنى كۆرۈپ قاچقان ياۋا ئېشەكلەردەك قاچىدۇ)\[50ـ51\].

### الآية 74:51

> فَرَّتْ مِنْ قَسْوَرَةٍ [74:51]

گويا ئۇلار يولۋاستىن قاچقان ياۋايى ئېشەكلەردۇر (يەنى بۇ مۇشرىكلار مۇھەممەد ئەلەيھىسسالامنى كۆرگەندە، ئۇنىڭدىن خۇددى يولۋاسنى كۆرۈپ قاچقان ياۋا ئېشەكلەردەك قاچىدۇ)\[50ـ51\].

### الآية 74:52

> بَلْ يُرِيدُ كُلُّ امْرِئٍ مِنْهُمْ أَنْ يُؤْتَىٰ صُحُفًا مُنَشَّرَةً [74:52]

بەلكى ئۇلاردىن ھەر كىشى ئۆزىگە ئوچۇق سەھىپىلەر بېرىلىشىنى خالايدۇ (يەنى ئۇلار ئاللاھنىڭ مۇھەممەد ئەلەيھىسسالامغا نازىل قىلىنغان كىتابىدەك كىتاب نازىل قىلىنىشىنى تەمە قىلىدۇ)\[52\].

### الآية 74:53

> كَلَّا ۖ بَلْ لَا يَخَافُونَ الْآخِرَةَ [74:53]

ياق (يەنى ئۇلار مۇنداق تەمەدىن يانسۇن). بەلكى ئۇلار (ئاخىرەتتىن) قورقمايدۇ\[53\].

### الآية 74:54

> كَلَّا إِنَّهُ تَذْكِرَةٌ [74:54]

ياق، مۇقەررەركى، ئۇ (يەنى قۇرئان) ۋەز ـ نەسىھەتتۇر (ئۇلار ئۆزلىرىنىڭ بەختىيار بولۇشىنى كۆزلەيدىغان بولسا، قۇرئان ئۇلارنىڭ ۋەز ـ نەسىھەت ئېلىشىغا يېتەرلىكتۇر)\[54\].

### الآية 74:55

> فَمَنْ شَاءَ ذَكَرَهُ [74:55]

خالىغان ئادەم ئۇنىڭدىن ۋەز ـ نەسىھەت ئالىدۇ\[55\].

### الآية 74:56

> وَمَا يَذْكُرُونَ إِلَّا أَنْ يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ [74:56]

ئۇلار پەقەت خالىسا، ئاندىن ۋەز ـ نەسىھەت ئالىدۇ، ئاللاھ (بەندىلىرى) قورقۇشقا تېگىشلىك زاتتۇر، (بەندىلىرىنى) مەغپىرەت قىلىشقا لايىق زاتتۇر\[56\].

## روابط ذات صلة

- [النص القرآني للسورة](https://quranpedia.net/surah/1/74.md)
- [كل تفاسير سورة المدّثر
](https://quranpedia.net/surah-tafsir/74.md)
- [ترجمات سورة المدّثر
](https://quranpedia.net/translations/74.md)
- [صفحة الكتاب: الترجمة الأويغورية](https://quranpedia.net/book/1975.md)
- [المؤلف: محمد صالح](https://quranpedia.net/person/1750.md)

---

زُر [Quranpedia.net](https://quranpedia.net/surah/1/74/book/1975) — موسوعة القرآن الكريم: التفاسير، الترجمات، التلاوات، والمواضيع.