---
title: "ترجمة سورة القيامة - الترجمة السواحلية - عبد الله محمد وناصر خميس (السواحلية)"
url: "https://quranpedia.net/surah/1/75/book/27820.md"
canonical: "https://quranpedia.net/surah/1/75/book/27820"
surah_id: "75"
book_id: "27820"
book_name: "الترجمة السواحلية - عبد الله محمد وناصر خميس"
type: "translation"
---

# ترجمة سورة القيامة - الترجمة السواحلية - عبد الله محمد وناصر خميس (السواحلية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/75/book/27820)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة القيامة - الترجمة السواحلية - عبد الله محمد وناصر خميس (السواحلية) — https://quranpedia.net/surah/1/75/book/27820*.

Translation of Surah القيامة from "الترجمة السواحلية - عبد الله محمد وناصر خميس" in السواحلية.

### الآية 75:1

> لَا أُقْسِمُ بِيَوْمِ الْقِيَامَةِ [75:1]

Anaapa Mwenyezi Mungu kwa Siku ya Hesabu na Malipo,

### الآية 75:2

> وَلَا أُقْسِمُ بِالنَّفْسِ اللَّوَّامَةِ [75:2]

na Anaapa kwa nafsi yenye kuamini na kuchamungu, inayomlaumu mwenyewe kwa kuacha matendo ya utiifu na kufanya matendo yenye kuangamiza, kwamba watu watafufuliwa.

### الآية 75:3

> أَيَحْسَبُ الْإِنْسَانُ أَلَّنْ نَجْمَعَ عِظَامَهُ [75:3]

Je anadhanihuyu binadamu kafiri kuwa sisi hatutaweza kuikusanya mifupa yake baada ya kuwa mbalimbali.?

### الآية 75:4

> بَلَىٰ قَادِرِينَ عَلَىٰ أَنْ نُسَوِّيَ بَنَانَهُ [75:4]

Ndio! Tutaikusanya na tunaweza kufanya vidole vyake au ncha za vidole vyake- baada ya kuvikusanya na kuzioanisha- viwe kwenye umbo la sawasawa, kama vilivyokuwa kabla ya kufa.

### الآية 75:5

> بَلْ يُرِيدُ الْإِنْسَانُ لِيَفْجُرَ أَمَامَهُ [75:5]

Bali binadamu anakanusha kufufuliwa, anataka asalie kwenye kufanya ubaya kwa siku za mbeleni za maisha yake.

### الآية 75:6

> يَسْأَلُ أَيَّانَ يَوْمُ الْقِيَامَةِ [75:6]

Kafiri huyu huwa akiuliza, akiliona jambo la kusimama Kiyama kuwa liko mbali, «Ni lini Siku ya Kiyama?’

### الآية 75:7

> فَإِذَا بَرِقَ الْبَصَرُ [75:7]

Basi macho yatakapoduwaa na yakashituka kwa kutishika na kile yalichokiona cha vituko vya Siku ya Kiyama,

### الآية 75:8

> وَخَسَفَ الْقَمَرُ [75:8]

na ukafutika mwangaza wa mwezi,

### الآية 75:9

> وَجُمِعَ الشَّمْسُ وَالْقَمَرُ [75:9]

na vikakusanywa jua na mwezi katika kukosa mwangaza, kikawa kila mojawapo ya hivyo viwili hakina mwangaza,

### الآية 75:10

> يَقُولُ الْإِنْسَانُ يَوْمَئِذٍ أَيْنَ الْمَفَرُّ [75:10]

wakati huo binadamu atasema, **«Pa kukimbilia ni wapi kuiepuka adhabu?»**

### الآية 75:11

> كَلَّا لَا وَزَرَ [75:11]

Mambo sivyo kama unavyotamani yawe, ewe binadamu, ya kutaka kukimbia. Huna mahali pa kukimbilia wala pa kupata uokozinfsi yake.

### الآية 75:12

> إِلَىٰ رَبِّكَ يَوْمَئِذٍ الْمُسْتَقَرُّ [75:12]

Kwa Mwenyezi Mungu Peke Yake ndio mwisho wa viumbe Siku ya Kiyama na ndipo mahali pao pa kutulia, na hapo Amlipe kila mtu kwa kile alichostahiki.

### الآية 75:13

> يُنَبَّأُ الْإِنْسَانُ يَوْمَئِذٍ بِمَا قَدَّمَ وَأَخَّرَ [75:13]

Atapashwa habari binadamu Siku hiyo kwa matendo yake yote, mema na mabaya, aliyoyatanguliza miongoni mwa hayo katika maisha yake na aliyoyachelewesha.

### الآية 75:14

> بَلِ الْإِنْسَانُ عَلَىٰ نَفْسِهِ بَصِيرَةٌ [75:14]

Bali binadamu ni hoja iliyo wazi juu ya nafsi yake, yenye kumfuata kwa alichokitenda na alichokiacha,

### الآية 75:15

> وَلَوْ أَلْقَىٰ مَعَاذِيرَهُ [75:15]

hata kama atakuja na kila udhuru wa kuelezea sababu ya uhalifu wake, hilo halitamfaa.

### الآية 75:16

> لَا تُحَرِّكْ بِهِ لِسَانَكَ لِتَعْجَلَ بِهِ [75:16]

Usitikise, ewe Nabii, ulimi wako kwa Qur’ani wakati wahyi unapoteremka ili ufanye haraka kuihifadhi kwa kuogopa isikuponyoke.

### الآية 75:17

> إِنَّ عَلَيْنَا جَمْعَهُ وَقُرْآنَهُ [75:17]

Kwani ni juu yetu sisi kuikusanya kwenye kifua chako kisha uisome kwa ulimi wako wakati utakapo. Mjumbe wetu Jibrili akikusomea,

### الآية 75:18

> فَإِذَا قَرَأْنَاهُ فَاتَّبِعْ قُرْآنَهُ [75:18]

basi kisikilize kisomo chake na umpulikize. Kisha isome kama alivyokusomea,

### الآية 75:19

> ثُمَّ إِنَّ عَلَيْنَا بَيَانَهُ [75:19]

kisha ni juu yetu kukuelezea kilichokutatiza kukifahamu katika maana yake na hukumu zake.

### الآية 75:20

> كَلَّا بَلْ تُحِبُّونَ الْعَاجِلَةَ [75:20]

Mambo sivyo kama mlivyodai, enyi mkusanyiko wa washirikina, kuwa hakuna kufufuliwa wala kulipwa.

### الآية 75:21

> وَتَذَرُونَ الْآخِرَةَ [75:21]

Bali nyinyi ni watu mnaopenda dunia na pambo lake na mnaacha Akhera na starehe zake.

### الآية 75:22

> وُجُوهٌ يَوْمَئِذٍ نَاضِرَةٌ [75:22]

Nyuso za watu wema Siku ya Kiyama zitakuwa ni zenye kung’ara, nzuri na zenye furaha,

### الآية 75:23

> إِلَىٰ رَبِّهَا نَاظِرَةٌ [75:23]

zitamuona Mola Aliyeziumba na Anayezimiliki, na zitastarehe kwa hilo.

### الآية 75:24

> وَوُجُوهٌ يَوْمَئِذٍ بَاسِرَةٌ [75:24]

Nyuso za watu wabaya Silku ya Kiyama zitakuwa ni zenye kukunjana na kusinyaa,

### الآية 75:25

> تَظُنُّ أَنْ يُفْعَلَ بِهَا فَاقِرَةٌ [75:25]

zinatazamia kushukiwa na msiba mkubwa wenye kuvunja.

### الآية 75:26

> كَلَّا إِذَا بَلَغَتِ التَّرَاقِيَ [75:26]

Ni kweli! Pindi roho itakapofika sehemu za juu za kifua,

### الآية 75:27

> وَقِيلَ مَنْ ۜ رَاقٍ [75:27]

na wakasema baadhi ya waliohudhuria kuwaambia wengine, **«Je kuna mtu wa kumzungua na kumpoza kutokana na hali hii aliyonayo?»**

### الآية 75:28

> وَظَنَّ أَنَّهُ الْفِرَاقُ [75:28]

Na yule ambaye yuko katika hali ya kufa akajua kwamba lile lililomshukia ni kuaga dunia, kwa kuwa anawaona Malaika wa mauti.

### الآية 75:29

> وَالْتَفَّتِ السَّاقُ بِالسَّاقِ [75:29]

Na ikashikana shida ya mwisho wa duniani na shida ya mwanzo wa Akhera. Kwa Mwenyezi Mungu, Aliyetukuka.

### الآية 75:30

> إِلَىٰ رَبِّكَ يَوْمَئِذٍ الْمَسَاقُ [75:30]

Watu watapelekwa Siku ya Kiyama: ima Peponi au Motoni.

### الآية 75:31

> فَلَا صَدَّقَ وَلَا صَلَّىٰ [75:31]

Hakuwa kafiri ni mwenye kumuamini Mtume na Qur’ani, wala hakuwa ni mwenye kumtekelezea Mwenyezi Mungu Aliyetukuka Swala za faradhi.

### الآية 75:32

> وَلَٰكِنْ كَذَّبَ وَتَوَلَّىٰ [75:32]

Lakini aliikanusha Qur’ani na akaipa mgongo Imani,

### الآية 75:33

> ثُمَّ ذَهَبَ إِلَىٰ أَهْلِهِ يَتَمَطَّىٰ [75:33]

kisha akaenda kwa watu wake akijiona hali ya kujigamba katika kutembea kwake. Basi maangamivu

### الآية 75:34

> أَوْلَىٰ لَكَ فَأَوْلَىٰ [75:34]

ni yako baada ya maangamivu!

### الآية 75:35

> ثُمَّ أَوْلَىٰ لَكَ فَأَوْلَىٰ [75:35]

Kisha maangamivu ni yako baada ya maangamivu!

### الآية 75:36

> أَيَحْسَبُ الْإِنْسَانُ أَنْ يُتْرَكَ سُدًى [75:36]

Je anadhani huyu binadamu anayekanusha kufufuliwa kuwa ataachwa bure: haamrishwi wala hakatazwi, hahesabiwi wala hateswi?

### الآية 75:37

> أَلَمْ يَكُ نُطْفَةً مِنْ مَنِيٍّ يُمْنَىٰ [75:37]

Kwani hakuwa binadamu huyu ni tone la manii dhaifu linalotokana na maji matwevu yanayomwagwa na kumiminwa kwenye kizazi,

### الآية 75:38

> ثُمَّ كَانَ عَلَقَةً فَخَلَقَ فَسَوَّىٰ [75:38]

kisha yakawa ni kipande cha damu iliyo kavu. Mwenyezi Mungu Akaliumba kwa uweza Wake na Akazilinganisha sura zake katika umbo la mwili lililo zuri kabisa?

### الآية 75:39

> فَجَعَلَ مِنْهُ الزَّوْجَيْنِ الذَّكَرَ وَالْأُنْثَىٰ [75:39]

Akafanya kutokana na binadamu huyu jinsi mbili: ya kiume na ya kike. Je kwani hakuwa Mola huyo Muumba wa vitu hivyo ni Muweza wa kuwarudisha viumbe wakiwa hai baada ya kutoweka kwao.

### الآية 75:40

> أَلَيْسَ ذَٰلِكَ بِقَادِرٍ عَلَىٰ أَنْ يُحْيِيَ الْمَوْتَىٰ [75:40]

Ndio! Anaweza. Yeye, kutakasika na sifa za upungufu ni Kwake, kwa hakika ni Muweza wa hilo.

## روابط ذات صلة

- [النص القرآني للسورة](https://quranpedia.net/surah/1/75.md)
- [كل تفاسير سورة القيامة
](https://quranpedia.net/surah-tafsir/75.md)
- [ترجمات سورة القيامة
](https://quranpedia.net/translations/75.md)
- [صفحة الكتاب: الترجمة السواحلية - عبد الله محمد وناصر خميس](https://quranpedia.net/book/27820.md)

---

زُر [Quranpedia.net](https://quranpedia.net/surah/1/75/book/27820) — موسوعة القرآن الكريم: التفاسير، الترجمات، التلاوات، والمواضيع.