---
title: "ترجمة سورة المرسلات - الترجمة الأويغورية (الأويغورية)"
url: "https://quranpedia.net/surah/1/77/book/1975.md"
canonical: "https://quranpedia.net/surah/1/77/book/1975"
surah_id: "77"
book_id: "1975"
book_name: "الترجمة الأويغورية"
author: "محمد صالح"
type: "translation"
---

# ترجمة سورة المرسلات - الترجمة الأويغورية (الأويغورية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/77/book/1975)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة المرسلات - الترجمة الأويغورية (الأويغورية) — https://quranpedia.net/surah/1/77/book/1975*.

Translation of Surah المرسلات from "الترجمة الأويغورية" in الأويغورية.

### الآية 77:1

> وَالْمُرْسَلَاتِ عُرْفًا [77:1]

ئارقىمۇئارقا چىققۇچى (لەرزان) شاماللار بىلەن قەسەمكى\[1\]،

### الآية 77:2

> فَالْعَاصِفَاتِ عَصْفًا [77:2]

قاتتىق چىققۇچى بورانلار بىلەن قەسەمكى\[2\]،

### الآية 77:3

> وَالنَّاشِرَاتِ نَشْرًا [77:3]

(بۇلۇتلارنى ئاللاھ خالىغان تەرەپلەرگە) تارقاتقۇچى شاماللار بىلەن قەسەمكى\[3\]،

### الآية 77:4

> فَالْفَارِقَاتِ فَرْقًا [77:4]

(ھەق بىلەن باتىلنىڭ، ھارام بىلەن ھالالنىڭ) ئارىسىنى ئايرىغۇچى پەرىشتىلەر بىلەن قەسەمكى\[4\]،

### الآية 77:5

> فَالْمُلْقِيَاتِ ذِكْرًا [77:5]

(بەندىلەرگە) ئۆزرە (قالدۇرماسلىق) ياكى (ئاللاھنىڭ ئازابىدىن) ئاگاھلاندۇرۇش ئۈچۈن ۋەھىينى (پەيغەمبەرلەرگە) ئېلىپ چۈشكۈچى پەرىشتىلەر بىلەن قەسەمكى\[5ـ6\]،

### الآية 77:6

> عُذْرًا أَوْ نُذْرًا [77:6]

(بەندىلەرگە) ئۆزرە (قالدۇرماسلىق) ياكى (ئاللاھنىڭ ئازابىدىن) ئاگاھلاندۇرۇش ئۈچۈن ۋەھىينى (پەيغەمبەرلەرگە) ئېلىپ چۈشكۈچى پەرىشتىلەر بىلەن قەسەمكى\[5ـ6\]،

### الآية 77:7

> إِنَّمَا تُوعَدُونَ لَوَاقِعٌ [77:7]

سىلەر ئاگاھلاندۇرۇلغان ئىش (يەنى قىيامەت، ھېساب ۋە جازا) چوقۇم مەيدانغا كەلگۈچىدۇر\[7\].

### الآية 77:8

> فَإِذَا النُّجُومُ طُمِسَتْ [77:8]

يۇلتۇزلارنىڭ (نۇرى) ئۆچۈرۈلگەن چاغدا\[8\].

### الآية 77:9

> وَإِذَا السَّمَاءُ فُرِجَتْ [77:9]

ئاسمان يېرىلغان چاغدا\[9\]،

### الآية 77:10

> وَإِذَا الْجِبَالُ نُسِفَتْ [77:10]

تاغلار تىتىلىپ (شامالدا ئۇچۇپ يۈرگەن زەررىلەردەك) ئۇچۇپ يۈرگەن چاغدا\[10\]،

### الآية 77:11

> وَإِذَا الرُّسُلُ أُقِّتَتْ [77:11]

پەيغەمبەرلەرگە (ئۇلار بىلەن ئۈممەتلىرى ئارىسىدا ھۆكۈم چىقىرىلىشقا) ۋاقىت بەلگىلەنگەن چاغدا (ۋەدە قىلىنغان قىيامەت مەيدانغا كېلىدۇ)\[11\].

### الآية 77:12

> لِأَيِّ يَوْمٍ أُجِّلَتْ [77:12]

(پەيغەمبەرلەرنىڭ قەۋملىرىگە ئائىت ئىشلار) قايسى بۈيۈك كۈنگە كېچىكتۈرۈلدى؟\[12\]

### الآية 77:13

> لِيَوْمِ الْفَصْلِ [77:13]

خالايىقنىڭ ئارىسىدا ھۆكۈم چىقىرىلىدىغان كۈن ئۈچۈن (تەخىر قىلىندى)\[13\].

### الآية 77:14

> وَمَا أَدْرَاكَ مَا يَوْمُ الْفَصْلِ [77:14]

ھۆكۈم چىقىرىلىدىغان كۈننىڭ نېمىلىكىنى (يەنى ئۇنىڭ دەھشىتىنى) قانداق بىلەلەيسەن؟\[14\]

### الآية 77:15

> وَيْلٌ يَوْمَئِذٍ لِلْمُكَذِّبِينَ [77:15]

بۇ كۈندە (ئۇ كۈننى) ئىنكار قىلغۇچىلارغا ۋاي!\[15\]

### الآية 77:16

> أَلَمْ نُهْلِكِ الْأَوَّلِينَ [77:16]

(پەيغەمبەرلىرىنى ئىنكار قىلغانلىقلىرى ئۈچۈن) ئىلگىرىكىلەرنى ھالاك قىلمىدۇقمۇ؟\[16\]

### الآية 77:17

> ثُمَّ نُتْبِعُهُمُ الْآخِرِينَ [77:17]

ئاندىن ئۇلارغا ئەگەشتۈرۈپ كېيىنكىلەرنى ھالاك قىلدۇق\[17\].

### الآية 77:18

> كَذَٰلِكَ نَفْعَلُ بِالْمُجْرِمِينَ [77:18]

گۇناھكارلارنى مۇشۇنداق قىلىمىز (يەنى جازالايمىز)\[18\].

### الآية 77:19

> وَيْلٌ يَوْمَئِذٍ لِلْمُكَذِّبِينَ [77:19]

بۇ كۈندە (ئۇ كۈننى) ئىنكار قىلغۇچىلارغا ۋاي!\[19\]

### الآية 77:20

> أَلَمْ نَخْلُقْكُمْ مِنْ مَاءٍ مَهِينٍ [77:20]

سىلەرنى بىز ئاجىز مەنىدىن ياراتمىدۇقمۇ؟\[20\]

### الآية 77:21

> فَجَعَلْنَاهُ فِي قَرَارٍ مَكِينٍ [77:21]

ئۇنى بىز مەلۇم ۋاقىتقىچە (يەنى تۇغۇلغىچە) پۇختا ئارامگاھ (يەنى بەچچىدان) دا قىلدۇق\[21ـ22\].

### الآية 77:22

> إِلَىٰ قَدَرٍ مَعْلُومٍ [77:22]

ئۇنى بىز مەلۇم ۋاقىتقىچە (يەنى تۇغۇلغىچە) پۇختا ئارامگاھ (يەنى بەچچىدان) دا قىلدۇق\[21ـ22\].

### الآية 77:23

> فَقَدَرْنَا فَنِعْمَ الْقَادِرُونَ [77:23]

بىز (ئۇنى ئابىمەنىيدىن يارىتىشقا) قادىر بولدۇق، بىز (ئۇنى ئەڭ چىرايلىق شەكىلدە يارىتىشقا) نېمىدېگەن ياخشى قادىر بولغۇچىمىز!\[23\]

### الآية 77:24

> وَيْلٌ يَوْمَئِذٍ لِلْمُكَذِّبِينَ [77:24]

بۇ كۈندە (ئۇ كۈننى) ئىنكار قىلغۇچىلارغا ۋاي!\[24\]

### الآية 77:25

> أَلَمْ نَجْعَلِ الْأَرْضَ كِفَاتًا [77:25]

زېمىننى بىز ئۆز ئىچىگە ئالىدىغان قىلمىدۇقمۇ؟\[25\]

### الآية 77:26

> أَحْيَاءً وَأَمْوَاتًا [77:26]

(يەنى) تىرىكلەرنى ۋە ئۆلۈكلەرنى (ئۆز ئىچىگە ئالىدىغان قىلمىدۇقمۇ؟)\[26\]

### الآية 77:27

> وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا [77:27]

بىز زېمىنغا ئېگىز تاغلارنى ئورناتتۇق، سىلەرنى تاتلىق سۇ بىلەن سۇغاردۇق\[27\].

### الآية 77:28

> وَيْلٌ يَوْمَئِذٍ لِلْمُكَذِّبِينَ [77:28]

بۇ كۈندە (ئۇ كۈننى) ئىنكار قىلغۇچىلارغا ۋاي!\[28\]

### الآية 77:29

> انْطَلِقُوا إِلَىٰ مَا كُنْتُمْ بِهِ تُكَذِّبُونَ [77:29]

(ئۇلارغا دوزاخ مۇئەككەللىرى): «سىلەر (دۇنيادىكى چېغىڭلاردا) ئىنكار قىلغان (دوزاخ) ئازابىغا بېرىڭلار، \[29\]

### الآية 77:30

> انْطَلِقُوا إِلَىٰ ظِلٍّ ذِي ثَلَاثِ شُعَبٍ [77:30]

(ئۇلارغا دوزاخ مۇئەككەلىرى ئۈچ شاخلىق سايىگە بېرىڭلار» (دەيدۇ)\[30\].

### الآية 77:31

> لَا ظَلِيلٍ وَلَا يُغْنِي مِنَ اللَّهَبِ [77:31]

ئۇ سايە (جەھەننەمنىڭ تۈتۈنى بولۇپ كىشىنى) سەگىدەتمەيدۇ، (جەھەننەمنىڭ) يالقۇنىنىمۇ توسمايدۇ\[31\].

### الآية 77:32

> إِنَّهَا تَرْمِي بِشَرَرٍ كَالْقَصْرِ [77:32]

ئۇ يالقۇن قەسىردەك (چوڭ) ئۇچقۇنلارنى چىقىرىدۇ\[32\].

### الآية 77:33

> كَأَنَّهُ جِمَالَتٌ صُفْرٌ [77:33]

ئۇ ئۇچقۇنلار قارا ـ سېرىق تۆگىلەرگە ئوخشايدۇ\[33\].

### الآية 77:34

> وَيْلٌ يَوْمَئِذٍ لِلْمُكَذِّبِينَ [77:34]

بۇ كۈندە (ئۇ كۈننى) ئىنكار قىلغۇچىلارغا ۋاي!\[34\]

### الآية 77:35

> هَٰذَا يَوْمُ لَا يَنْطِقُونَ [77:35]

بۇ كۈندە ئۇلار سۆز قىلالمايدۇ\[35\].

### الآية 77:36

> وَلَا يُؤْذَنُ لَهُمْ فَيَعْتَذِرُونَ [77:36]

ئۇلارنىڭ ئۆزرە ئېيتىشىغا ئىزنى بېرىلمەيدۇ\[36\].

### الآية 77:37

> وَيْلٌ يَوْمَئِذٍ لِلْمُكَذِّبِينَ [77:37]

بۇ كۈندە (ئۇ كۈننى) ئىنكار قىلغۇچىلارغا ۋاي!\[37\]

### الآية 77:38

> هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ [77:38]

بۇ (خالايىقنىڭ ئارىسىدا) ھۆكۈم چىقىرىلىدىغان كۈندۇر، (ئۇ كۈندە) سىلەرنى ۋە ئاۋۋالقىلارنى (يەنى ئۆتكەنكى ئۈممەتلەرنى) (ئاراڭلاردا ھۆكۈم چىقىرىش ئۈچۈن) يىغىمىز\[38\].

### الآية 77:39

> فَإِنْ كَانَ لَكُمْ كَيْدٌ فَكِيدُونِ [77:39]

ئەگەر (ئازابتىن قۇتۇلۇشقا) بىرەر چارەڭلار بولسا، چارە قىلىپ بېقىڭلار\[39\].

### الآية 77:40

> وَيْلٌ يَوْمَئِذٍ لِلْمُكَذِّبِينَ [77:40]

بۇ كۈندە (ئۇ كۈننى) ئىنكار قىلغۇچىلارغا ۋاي!\[40\]

### الآية 77:41

> إِنَّ الْمُتَّقِينَ فِي ظِلَالٍ وَعُيُونٍ [77:41]

شۈبھىسىزكى، تەقۋادارلار سايىلەردىن، بۇلاقلاردىن ۋە كۆڭلى تارتقان مېۋىلەردىن بەھرىمەن بولىدۇ\[41ـ42\].

### الآية 77:42

> وَفَوَاكِهَ مِمَّا يَشْتَهُونَ [77:42]

شۈبھىسىزكى، تەقۋادارلار سايىلەردىن، بۇلاقلاردىن ۋە كۆڭلى تارتقان مېۋىلەردىن بەھرىمەن بولىدۇ\[41ـ42\].

### الآية 77:43

> كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ [77:43]

(ئۇلارغا) **«دۇنيادا قىلغان (ياخشى) ئەمەللىرىڭلار ئۈچۈن خۇشال ـ خۇرام يەڭلار ۋە ئىچىڭلار»** (دېيىلىدۇ)\[43\].

### الآية 77:44

> إِنَّا كَذَٰلِكَ نَجْزِي الْمُحْسِنِينَ [77:44]

شۈبھىسىزكى، بىز ياخشى ئىش قىلغۇچىلارنى مۇشۇنداق مۇكاپاتلايمىز\[44\].

### الآية 77:45

> وَيْلٌ يَوْمَئِذٍ لِلْمُكَذِّبِينَ [77:45]

بۇ كۈندە (ئۇ كۈننى) ئىنكار قىلغۇچىلارغا ۋاي!\[45\]

### الآية 77:46

> كُلُوا وَتَمَتَّعُوا قَلِيلًا إِنَّكُمْ مُجْرِمُونَ [77:46]

(كۇففارلارغا) **«(دۇنيانىڭ لەززەتلىرىدىن) ۋاقىتلىق يەڭلار ۋە بەھرىمەن بولۇڭلار، شۈبھىسىزكى، سىلەر گۇناھكارسىلەر»** (دېيىلىدۇ)\[46\].

### الآية 77:47

> وَيْلٌ يَوْمَئِذٍ لِلْمُكَذِّبِينَ [77:47]

بۇ كۈندە (ئۇ كۈننى) ئىنكار قىلغۇچىلارغا ۋاي!\[47\]

### الآية 77:48

> وَإِذَا قِيلَ لَهُمُ ارْكَعُوا لَا يَرْكَعُونَ [77:48]

ئۇلارغا: **«رۇكۇ قىلىڭلار»** دېيىلسە، ئۇلار رۇكۇ قىلمايدۇ\[48\].

### الآية 77:49

> وَيْلٌ يَوْمَئِذٍ لِلْمُكَذِّبِينَ [77:49]

بۇ كۈندە (ئۇ كۈننى) ئىنكار قىلغۇچىلارغا ۋاي!\[49\]

### الآية 77:50

> فَبِأَيِّ حَدِيثٍ بَعْدَهُ يُؤْمِنُونَ [77:50]

ئۇلار (شانلىق دەلىللەرنى ئۆز ئىچىگە ئالغان، پاساھەت ـ بالاغەتتە ئەڭ يۇقىرى بولغان بۇ قۇرئانغا ئىشەنمىسە) باشقا قايسى سۆزگە ئىشىنىدۇ؟\[50\]

## روابط ذات صلة

- [النص القرآني للسورة](https://quranpedia.net/surah/1/77.md)
- [كل تفاسير سورة المرسلات
](https://quranpedia.net/surah-tafsir/77.md)
- [ترجمات سورة المرسلات
](https://quranpedia.net/translations/77.md)
- [صفحة الكتاب: الترجمة الأويغورية](https://quranpedia.net/book/1975.md)
- [المؤلف: محمد صالح](https://quranpedia.net/person/1750.md)

---

زُر [Quranpedia.net](https://quranpedia.net/surah/1/77/book/1975) — موسوعة القرآن الكريم: التفاسير، الترجمات، التلاوات، والمواضيع.