---
title: "ترجمة سورة المرسلات - الترجمة السواحلية - عبد الله محمد وناصر خميس (السواحلية)"
url: "https://quranpedia.net/surah/1/77/book/27820.md"
canonical: "https://quranpedia.net/surah/1/77/book/27820"
surah_id: "77"
book_id: "27820"
book_name: "الترجمة السواحلية - عبد الله محمد وناصر خميس"
type: "translation"
---

# ترجمة سورة المرسلات - الترجمة السواحلية - عبد الله محمد وناصر خميس (السواحلية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/77/book/27820)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة المرسلات - الترجمة السواحلية - عبد الله محمد وناصر خميس (السواحلية) — https://quranpedia.net/surah/1/77/book/27820*.

Translation of Surah المرسلات from "الترجمة السواحلية - عبد الله محمد وناصر خميس" in السواحلية.

### الآية 77:1

> وَالْمُرْسَلَاتِ عُرْفًا [77:1]

Anaapa Mwenyezi Mungu kwa upepo unapovuma kwa mfululizo, huu baada ya huu.

### الآية 77:2

> فَالْعَاصِفَاتِ عَصْفًا [77:2]

Na kwa upepo wenye kuvuma kwa ukali wenye kuangamiza.

### الآية 77:3

> وَالنَّاشِرَاتِ نَشْرًا [77:3]

Na kwa Malaika waliopewa jukumu la mawingu, wakawa wayapeleka pale anapotaka Mwenyezi Mungu.

### الآية 77:4

> فَالْفَارِقَاتِ فَرْقًا [77:4]

Na kwa Malaika wanaoshuka, kutoka kwa Mwenyezi Mungu,

### الآية 77:5

> فَالْمُلْقِيَاتِ ذِكْرًا [77:5]

na amri zinazopambanua baina ya haki na batili na halali na haramu.

### الآية 77:6

> عُذْرًا أَوْ نُذْرًا [77:6]

Na kwa Malaika wanaoupokea wahyi kutoka kwa Mwenyezi Mungu na kuuteremsha kwa Manabii Wake, unaowapa viumbe wake udhuru kutoka kwa Mwenyezi Mungu na pia onyo kutoka Kwake, ili watu wasiwe na hoja.

### الآية 77:7

> إِنَّمَا تُوعَدُونَ لَوَاقِعٌ [77:7]

Hakika jambo la Kiyama mnaloahidiwa pamoja na lile la kuhesabiwa na kulipwa ni lenye kuwa hapana shaka.

### الآية 77:8

> فَإِذَا النُّجُومُ طُمِسَتْ [77:8]

Basi nyota zitakapofutwa na mwangaza wake ukaondoka,

### الآية 77:9

> وَإِذَا السَّمَاءُ فُرِجَتْ [77:9]

na mbingu zitakapopasuka,

### الآية 77:10

> وَإِذَا الْجِبَالُ نُسِفَتْ [77:10]

na majabali yatakapopeperuka na kukueanea huku na kule na yakawa ni mapepe yanayorushwa na upepo,

### الآية 77:11

> وَإِذَا الرُّسُلُ أُقِّتَتْ [77:11]

Na Mitume watapowekewa wakati na muda wa baina yao na ummah wao na kusemwe,

### الآية 77:12

> لِأَيِّ يَوْمٍ أُجِّلَتْ [77:12]

**«Ni Siku kubwa gani Mitume wameahirishiwa?»**

### الآية 77:13

> لِيَوْمِ الْفَصْلِ [77:13]

Wameahirishiwa Siku ya hukumu na uamuzi baina ya viumbe.

### الآية 77:14

> وَمَا أَدْرَاكَ مَا يَوْمُ الْفَصْلِ [77:14]

Na nilipi lililokujulisha wewe, ewe binadamu, ni siku gani hiyo ya kutolewa uamuzi na ni zipi shida zake na vituko vyake?

### الآية 77:15

> وَيْلٌ يَوْمَئِذٍ لِلْمُكَذِّبِينَ [77:15]

Maangamivu makubwa Siku hiyo ni ya wale waliyoikanusha Siku hii iliyoahidiwa.

### الآية 77:16

> أَلَمْ نُهْلِكِ الْأَوَّلِينَ [77:16]

Kwani hatukuawaangamiza walitangulia kati ya umma waliopita kwa kuwakanusha kwao Mitume, kama vile watu wa Nūḥ, ‘Ād na Thamūd?

### الآية 77:17

> ثُمَّ نُتْبِعُهُمُ الْآخِرِينَ [77:17]

Kisha tutawakutanisha na wao wale waliokuja nyuma kati ya wale waliokuwa ni kama wao katika ukanushaji na uasi.

### الآية 77:18

> كَذَٰلِكَ نَفْعَلُ بِالْمُجْرِمِينَ [77:18]

Mfano wa uangamizaji huo mkali ndivyo tutakavyowafanya wahalifu kati ya makafiri wa Makkah, kwa kumkanusha kwao Mtume, rehema ya Mwenyezi Mungu na amani zimshukie.

### الآية 77:19

> وَيْلٌ يَوْمَئِذٍ لِلْمُكَذِّبِينَ [77:19]

Maangamivu na adhabu kali Siku ya Kiyama kwa kila mwenye kuukanusha upweke wa Mwenyezi Mungu, unabii, kufufuliwa na kuhesabiwa.

### الآية 77:20

> أَلَمْ نَخْلُقْكُمْ مِنْ مَاءٍ مَهِينٍ [77:20]

Je kwani sisi hatukuwaumba nyinyi, enyi mkusanyiko wa makafiri, kutokana na maji dhaifu yaliyo matwevu nayo ni tone la manii,

### الآية 77:21

> فَجَعَلْنَاهُ فِي قَرَارٍ مَكِينٍ [77:21]

tukayaweka maji haya kwenye mahali palipohifadhika, napo ni kizazi cha mwanamke,

### الآية 77:22

> إِلَىٰ قَدَرٍ مَعْلُومٍ [77:22]

mpaka kipindi maalumu kinachojulikana na Mwenyezi Mungu Aliyetukuka?

### الآية 77:23

> فَقَدَرْنَا فَنِعْمَ الْقَادِرُونَ [77:23]

Tukaweza kumuumba, kumtia sura na kumtoa. Basi bora wa wenye kuweza ni s isi.

### الآية 77:24

> وَيْلٌ يَوْمَئِذٍ لِلْمُكَذِّبِينَ [77:24]

Maangamivu na adhabu kali Siku ya Kiyama kwa wenye kukanusha uweza wetu.

### الآية 77:25

> أَلَمْ نَجْعَلِ الْأَرْضَ كِفَاتًا [77:25]

Je kwani hatukuifanya hii ardhi mnayoishi juu yake

### الآية 77:26

> أَحْيَاءً وَأَمْوَاتًا [77:26]

ikusanye juu ya mgongo wake walio hai wasiohesabika, na ndani ya matumbo yake wafu wasiodhibitika, na

### الآية 77:27

> وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا [77:27]

tukajaalia iwe na majabali yaliyojikita yaliyo marefu ili isitikisike na nyinyi, na tukawanywesha maji tamu yaliyo mazuri?

### الآية 77:28

> وَيْلٌ يَوْمَئِذٍ لِلْمُكَذِّبِينَ [77:28]

Maangamivu na adhabu kali Siku ya Kiyama kwa waliozikanusha neema hizi.

### الآية 77:29

> انْطَلِقُوا إِلَىٰ مَا كُنْتُمْ بِهِ تُكَذِّبُونَ [77:29]

Wataambiwa makafiri Siku ya Kiyama, «Endeni kwenye adhabu ya moto wa Jahanamu mliokuwa mkiukanusha duniani.

### الآية 77:30

> انْطَلِقُوا إِلَىٰ ظِلٍّ ذِي ثَلَاثِ شُعَبٍ [77:30]

Endeni mjifinike kwenye kivuli cha moshi wa moto wa Jahanamu ambacho hapo panachembuka vipande vitatu.

### الآية 77:31

> لَا ظَلِيلٍ وَلَا يُغْنِي مِنَ اللَّهَبِ [77:31]

Kivuli hiko hakimfanyi mtu ahifadhike na joto la Siku hiyo wala hakizuii muwako wa Moto chochote.

### الآية 77:32

> إِنَّهَا تَرْمِي بِشَرَرٍ كَالْقَصْرِ [77:32]

Hakika moto wa Jahanamu unarusha macheche makubwa ya moto, kila cheche moja katika hayo ni kama jengo lililoimarishwa katika ukubwa na urefu wa kuenda juu.

### الآية 77:33

> كَأَنَّهُ جِمَالَتٌ صُفْرٌ [77:33]

Kama kwamba hizo cheche za moto wa Jahanamu zinazopaa juu ni ngamia weusi ambao rangi yao imeingia kwenye umanjano.»

### الآية 77:34

> وَيْلٌ يَوْمَئِذٍ لِلْمُكَذِّبِينَ [77:34]

Maangamivu na adhabu kali kwa wenye kukanusha mateso yaliyoahidiwa na Mwenyezi Mungu.

### الآية 77:35

> هَٰذَا يَوْمُ لَا يَنْطِقُونَ [77:35]

Hii ndiyo Siku ya Kiyama ambayo wakanushaji hawatatamka maneno ya kuwanufaisha

### الآية 77:36

> وَلَا يُؤْذَنُ لَهُمْ فَيَعْتَذِرُونَ [77:36]

wala hawatapewa idhini ya kusema wakatoa nyudhuru, kwa kuwa hawatakuwa na udhuru wowote.

### الآية 77:37

> وَيْلٌ يَوْمَئِذٍ لِلْمُكَذِّبِينَ [77:37]

Maangamivu na adhabu kali kwa wenye kuikanusha siku hii na yaliyomo ndani yake.

### الآية 77:38

> هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ [77:38]

Hii ni Siku ambayo Mwenyezi Mungu Atatoa uamuzi baina ya viumbe, na ukweli na ubatilifu utapambanuka. Tutawakusanya nyinyi Siku hiyo, enyi makafiri wa ummah huu, pamoja na makafiri wa mwanzo miongoni mwa ummah waliopita.

### الآية 77:39

> فَإِنْ كَانَ لَكُمْ كَيْدٌ فَكِيدُونِ [77:39]

Basi mkiwa na hila za kujitoa na adhabu, tumieni hila zenu na mziokoe nafsi zenu na msukosuko wa Mwenyezi Mungu na mateso Yake.

### الآية 77:40

> وَيْلٌ يَوْمَئِذٍ لِلْمُكَذِّبِينَ [77:40]

Maangamivu na adhabu kali Siku ya Kiyama kwa wenye kuikanusha Siku ya Kiyama.

### الآية 77:41

> إِنَّ الْمُتَّقِينَ فِي ظِلَالٍ وَعُيُونٍ [77:41]

Hakika ya wale waliomuogopa Mola wao duniani na wakaiogopa adhabu Yake kwa kufuata amri Zake na kujiepusha na makatazo Yake. Wao Siku ya Kiyama watakuwa kwenye vivuli vya miti vilivyonyoka, na chemchemi za maji zinazotembea,

### الآية 77:42

> وَفَوَاكِهَ مِمَّا يَشْتَهُونَ [77:42]

na matunda mengi yanayopendwa na nafsi zao ambayo wao wanastarehe nayo. Hapo waambiwe,

### الآية 77:43

> كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ [77:43]

**«Kuleni chakula chenye ladha na mnyweni kinywaji chenye kufurahisha kwa sababu ya matendo mema mliyoyatanguliza duniani.»**

### الآية 77:44

> إِنَّا كَذَٰلِكَ نَجْزِي الْمُحْسِنِينَ [77:44]

Sisi, kwa mfano wa malipo hayo makubwa, tutawalipa watu wema katika matendo yao na utiifu wao kwetu.

### الآية 77:45

> وَيْلٌ يَوْمَئِذٍ لِلْمُكَذِّبِينَ [77:45]

Maangamivu na adhabu kali Siku ya Kiyama kwa wenye kuikanusha Siku ya Malipo na Hesabu, na kuzikanusha sterehe na mateso yaliyomo Siku hiyo.

### الآية 77:46

> كُلُوا وَتَمَتَّعُوا قَلِيلًا إِنَّكُمْ مُجْرِمُونَ [77:46]

Kisha Mwenyezi Mungu Akawaonya makafiri kwa kusema, **«Kuleni aina ya vyakula vya ladha duniani na stareheni kwa matamanio yake yenye kumalizika kwa muda mchache, hakika nyinyi ni wahalifu kwa kumshirikisha kwenu Mwenyezi Mungu.»**

### الآية 77:47

> وَيْلٌ يَوْمَئِذٍ لِلْمُكَذِّبِينَ [77:47]

Maangamivu na adhabu kali Siku ya Kiyama kwa wenye kuikanusha Siku ya kuhesabiwa na kulipwa.

### الآية 77:48

> وَإِذَا قِيلَ لَهُمُ ارْكَعُوا لَا يَرْكَعُونَ [77:48]

Na wanapoambiwa hawa washirikina, **«Mswalieni Mwenyezi Mungu na mnyenyekeeni,»** hawanyenyekei wala hawaswali, bali wanaendelea kuonyesha kiburi chao.

### الآية 77:49

> وَيْلٌ يَوْمَئِذٍ لِلْمُكَذِّبِينَ [77:49]

Maangamivu na adhabu kali Siku ya Kiyama kwa wenye kuzikanusha aya za Mwenyezi Mungu.

### الآية 77:50

> فَبِأَيِّ حَدِيثٍ بَعْدَهُ يُؤْمِنُونَ [77:50]

Iwapo wao hawataiamini hii Qur’ani, basi wataamini kitabu gani na maneno gani baada yake? Na Qur’ani yenyewe ni Kitabu kilichobainisha kila kitu, kilicho wazi katika hekima zake, hukumu zake na habari zake, chenye kushinda katika matamko yake na maana yake.

## روابط ذات صلة

- [النص القرآني للسورة](https://quranpedia.net/surah/1/77.md)
- [كل تفاسير سورة المرسلات
](https://quranpedia.net/surah-tafsir/77.md)
- [ترجمات سورة المرسلات
](https://quranpedia.net/translations/77.md)
- [صفحة الكتاب: الترجمة السواحلية - عبد الله محمد وناصر خميس](https://quranpedia.net/book/27820.md)

---

زُر [Quranpedia.net](https://quranpedia.net/surah/1/77/book/27820) — موسوعة القرآن الكريم: التفاسير، الترجمات، التلاوات، والمواضيع.