---
title: "ترجمة سورة النازعات - الترجمة الأويغورية (الأويغورية)"
url: "https://quranpedia.net/surah/1/79/book/1975.md"
canonical: "https://quranpedia.net/surah/1/79/book/1975"
surah_id: "79"
book_id: "1975"
book_name: "الترجمة الأويغورية"
author: "محمد صالح"
type: "translation"
---

# ترجمة سورة النازعات - الترجمة الأويغورية (الأويغورية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/79/book/1975)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة النازعات - الترجمة الأويغورية (الأويغورية) — https://quranpedia.net/surah/1/79/book/1975*.

Translation of Surah النازعات from "الترجمة الأويغورية" in الأويغورية.

### الآية 79:1

> وَالنَّازِعَاتِ غَرْقًا [79:1]

(كۇففارلارنىڭ جانلىرىنى) قاتتىق تارتىپ ئالغۇچى پەرىشتىلەر بىلەن قەسەمكى\[1\]،

### الآية 79:2

> وَالنَّاشِطَاتِ نَشْطًا [79:2]

(مۆمىنلەرنىڭ جانلىرىنى) سىلىق ئالغۇچى پەرىشتىلەر بىلەن قەسەمكى\[2\]،

### الآية 79:3

> وَالسَّابِحَاتِ سَبْحًا [79:3]

(ئاللاھنىڭ ئەمرىنى ئاسماندىن) تېز ئېلىپ چۈشكۈچى پەرىشتىلەر بىلەن قەسەمكى\[3\]،

### الآية 79:4

> فَالسَّابِقَاتِ سَبْقًا [79:4]

(مۆمىنلەرنىڭ جانلىرىنى ئېلىپ جەننەتكە) ئىلگىرلىگۈچى پەرىشتىلەر بىلەن قەسەمكى\[4\]،

### الآية 79:5

> فَالْمُدَبِّرَاتِ أَمْرًا [79:5]

(ئاللاھنىڭ ئەمرى بىلەن) كائىناتنىڭ ئىشلىرىنى باشقۇرغۇچى پەرىشتىلەر بىلەن قەسەمكى، (سىلەر چوقۇم تىرىلدۈرۈلىسىلەر، سىلەردىن چوقۇم ھېساب ئېلىنىدۇ)\[5\].

### الآية 79:6

> يَوْمَ تَرْجُفُ الرَّاجِفَةُ [79:6]

بۇ كۈن (يەنى قىيامەت كۈنى) دە زېمىن (ۋە ئۇنىڭدىكى شەيئىلەر قوشۇلۇپ) تەۋرەيدۇ\[6\].

### الآية 79:7

> تَتْبَعُهَا الرَّادِفَةُ [79:7]

ئۇنىڭ ئارقىسىدىنلا ئاسمان (ۋە ئۇنىڭدىكى شەيئىلەر قوشۇلۇپ) تەۋرەيدۇ\[7\].

### الآية 79:8

> قُلُوبٌ يَوْمَئِذٍ وَاجِفَةٌ [79:8]

بۇ كۈندە دىللارنى (يەنى كۇففارلارنىڭ دىللىرىنى) قورقۇنچ باسىدۇ\[8\].

### الآية 79:9

> أَبْصَارُهَا خَاشِعَةٌ [79:9]

شۇ (دىللارنىڭ ئىگىلىرىنىڭ) كۆزلىرى (قورقۇنچتىن) تىكىلىپ قارىيالمايدۇ\[9\].

### الآية 79:10

> يَقُولُونَ أَإِنَّا لَمَرْدُودُونَ فِي الْحَافِرَةِ [79:10]

ئۇلار ئېيتىدۇ: «راستلا بىز ئاۋۋالقى ھالىمىزغا قايتۇرۇلامدۇق؟ (يەنى ئۆلگەندىن كېيىن تىرىلەمدۇق؟)\[10\]

### الآية 79:11

> أَإِذَا كُنَّا عِظَامًا نَخِرَةً [79:11]

ئۇ بىزنىڭ چىرىگەن سۆڭەك بولۇپ قالغان ۋاقتىمىز ئەمەسمۇ؟»\[11\]

### الآية 79:12

> قَالُوا تِلْكَ إِذًا كَرَّةٌ خَاسِرَةٌ [79:12]

ئۇلار ئېيتتى: **«ئۇنداق بولىدىغان بولسا، بۇ (يەنى ئۆلگەندىن كېيىن تىرىلىش) زىيانلىق قايتىشتۇر (يەنى بىز ئۆلگەندىن كېيىن تىرىلىدىغان بولساق، دوزاخ ئەھلى بولغانلىقىمىز ئۈچۈن زىيان تارتقۇچىلارمىز)»**\[12\].

### الآية 79:13

> فَإِنَّمَا هِيَ زَجْرَةٌ وَاحِدَةٌ [79:13]

بىر سەيھە (يەنى ئىسراپىلنىڭ سۇر چېلىشى) بىلەنلا ئۇلار (يەنى جىمى خالايىق) (يەر ئاستىدىن) زېمىننىڭ ئۈستىگە چىقىپ قالىدۇ\[13ـ14\].

### الآية 79:14

> فَإِذَا هُمْ بِالسَّاهِرَةِ [79:14]

بىر سەيھە (يەنى ئىسراپىلنىڭ سۇر چېلىشى) بىلەنلا ئۇلار (يەنى جىمى خالايىق) (يەر ئاستىدىن) زېمىننىڭ ئۈستىگە چىقىپ قالىدۇ\[13ـ14\].

### الآية 79:15

> هَلْ أَتَاكَ حَدِيثُ مُوسَىٰ [79:15]

ساڭا مۇسانىڭ خەۋىرى كەلدىمۇ؟\[15\]

### الآية 79:16

> إِذْ نَادَاهُ رَبُّهُ بِالْوَادِ الْمُقَدَّسِ طُوًى [79:16]

ئۆز ۋاقتىدا ئۇنى پەرۋەردىگارى تۇۋا ناملىق مۇقەددەس ۋادىدا (مۇنداق دەپ) چاقىردى:\[16\]

### الآية 79:17

> اذْهَبْ إِلَىٰ فِرْعَوْنَ إِنَّهُ طَغَىٰ [79:17]

«سەن پىرئەۋننىڭ قېشىغا بارغىن، ئۇ ھەقىقەتەن ھەددىدىن ئاشتى\[17\].

### الآية 79:18

> فَقُلْ هَلْ لَكَ إِلَىٰ أَنْ تَزَكَّىٰ [79:18]

ئۇنىڭغا :<كۇفرىدىن ۋە گۇناھلاردىن>پاك بولۇشنى خالامسەن.18

### الآية 79:19

> وَأَهْدِيَكَ إِلَىٰ رَبِّكَ فَتَخْشَىٰ [79:19]

سېنى پەرۋەردىگارىمنى تونۇشقا يېتەكلىشىمنى خالامسەن؟ (ئۇنى تونۇساڭ پەرۋەردىگارىڭدىن) قورقىسەن ـ دە، (ياخشى ئەمەللەرنى قىلىسەن)، دېگىن»\[19\].

### الآية 79:20

> فَأَرَاهُ الْآيَةَ الْكُبْرَىٰ [79:20]

مۇسا پىرئەۋنگە چوڭ مۆجىزىنى كۆرسەتتى\[20\].

### الآية 79:21

> فَكَذَّبَ وَعَصَىٰ [79:21]

پىرئەۋن (ئاللاھنىڭ پەيغەمبىرى مۇسانى) ئىنكار قىلدى ۋە (ئاللاھنىڭ ئەمرىگە) ئاسىيلىق قىلدى\[21\].

### الآية 79:22

> ثُمَّ أَدْبَرَ يَسْعَىٰ [79:22]

ئاندىن پىرئەۋن (مۇسادىن) يۈز ئۆرۈپ (ھىيلە ـ مىكىر ئىشلىتىشكە) كىرىشتى\[22\].

### الآية 79:23

> فَحَشَرَ فَنَادَىٰ [79:23]

(ئۇ سېھرىگەرلەرنى، ئەسكەرلىرىنى، تەۋەلىرىنى) توپلىدى ھەم نىدا قىلىپ\[23\]

### الآية 79:24

> فَقَالَ أَنَا رَبُّكُمُ الْأَعْلَىٰ [79:24]

دېدى: **«مەن سىلەرنىڭ بۈيۈك پەرۋەردىگارىڭلار بولىمەن»**\[24\].

### الآية 79:25

> فَأَخَذَهُ اللَّهُ نَكَالَ الْآخِرَةِ وَالْأُولَىٰ [79:25]

ئاللاھ ئۇنى دۇنيا ۋە ئاخىرەتنىڭ ئازابى بىلەن جازالىدى\[25\].

### الآية 79:26

> إِنَّ فِي ذَٰلِكَ لَعِبْرَةً لِمَنْ يَخْشَىٰ [79:26]

شەك ـ شۈبھىسىزكى، ئاللاھتىن قورقىدىغانلار بۇنىڭدىن ئىبرەت ئالىدۇ\[26\].

### الآية 79:27

> أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا [79:27]

سىلەرنى يارىتىش مۈشكۈلمۇ ياكى ئاسماننى يارىتىش مۈشكۈلمۇ؟ ئاللاھ ئاسماننى ياراتتى\[27\].

### الآية 79:28

> رَفَعَ سَمْكَهَا فَسَوَّاهَا [79:28]

ئۇنىڭ ئېگىزلىكىنى يۈكسەك قىلدى ۋە كەم ـ كۈتىسىز قىلدى\[28\].

### الآية 79:29

> وَأَغْطَشَ لَيْلَهَا وَأَخْرَجَ ضُحَاهَا [79:29]

ئۇنىڭ كېچىسىنى قاپقاراڭغۇ، كۈندۈزىنى يوپيورۇق قىلدى\[29\].

### الآية 79:30

> وَالْأَرْضَ بَعْدَ ذَٰلِكَ دَحَاهَا [79:30]

شۇنىڭدىن كېيىن زېمىننى (ئەھلى زېمىننىڭ تۇرۇشىغا لايىق قىلىپ) يايدى\[30\].

### الآية 79:31

> أَخْرَجَ مِنْهَا مَاءَهَا وَمَرْعَاهَا [79:31]

زېمىندىن بۇلاقلارنى ئاقتۇردى، ئۆسۈملۈكلەرنى ئۆستۈردى\[31\].

### الآية 79:32

> وَالْجِبَالَ أَرْسَاهَا [79:32]

تاغلارنى (زېمىندا) مۇقىم قىلدى\[32\].

### الآية 79:33

> مَتَاعًا لَكُمْ وَلِأَنْعَامِكُمْ [79:33]

ئاللاھتائالا ئۇلارنىڭ ھەممىسىنى سىلەرنىڭ ۋە ھايۋانلىرىڭلارنىڭ پايدىلىنىشى ئۈچۈن (ياراتتى)\[33\].

### الآية 79:34

> فَإِذَا جَاءَتِ الطَّامَّةُ الْكُبْرَىٰ [79:34]

قىيامەت كەلگەندە\[34\]،

### الآية 79:35

> يَوْمَ يَتَذَكَّرُ الْإِنْسَانُ مَا سَعَىٰ [79:35]

(شۇ) كۈندە ئىنسان (ياخشى ـ يامان) قىلمىشلىرىنى ئەسلەيدۇ\[35\].

### الآية 79:36

> وَبُرِّزَتِ الْجَحِيمُ لِمَنْ يَرَىٰ [79:36]

قارىغۇچىلارغا جەھەننەم ئوچۇق كۆرسىتىلىدۇ\[36\].

### الآية 79:37

> فَأَمَّا مَنْ طَغَىٰ [79:37]

كىمكى (كۇفرىدا، گۇناھتا) چېكىدىن ئاشىدىكەن\[37\]،

### الآية 79:38

> وَآثَرَ الْحَيَاةَ الدُّنْيَا [79:38]

دۇنيا تىرىكچىلىكىنى (ئاخىرەتتىن) ئارتۇق كۆرىدىكەن\[38\]،

### الآية 79:39

> فَإِنَّ الْجَحِيمَ هِيَ الْمَأْوَىٰ [79:39]

ئۇنىڭ جايى ھەقىقەتەن جەھەننەم بولىدۇ\[39\].

### الآية 79:40

> وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ [79:40]

پەرۋەردىگارىنىڭ ئالدىدا (سوراققا تارتىلىشتىن) قورقىدىغان، ئۆزىنى نەپسى خاھىشىغا بېرىلىشتىن (يەنى ھارام قىلىنغان نەرسىلەردىن) چەكلىگەن ئادەمگە كەلسەك\[40\]،

### الآية 79:41

> فَإِنَّ الْجَنَّةَ هِيَ الْمَأْوَىٰ [79:41]

ھەقىقەتەن ئۇنىڭ جايى جەننەت بولىدۇ\[41\].

### الآية 79:42

> يَسْأَلُونَكَ عَنِ السَّاعَةِ أَيَّانَ مُرْسَاهَا [79:42]

ئۇلار سەندىن قىيامەتنىڭ قاچان بولىدىغانلىقىنى سورايدۇ\[42\].

### الآية 79:43

> فِيمَ أَنْتَ مِنْ ذِكْرَاهَا [79:43]

سەن ئۇنى قانداقمۇ بايان قىلىپ بېرەلەيسەن؟\[43\]

### الآية 79:44

> إِلَىٰ رَبِّكَ مُنْتَهَاهَا [79:44]

ئۇنى بىلىش پەرۋەردىگارىڭغا خاستۇر\[44\].

### الآية 79:45

> إِنَّمَا أَنْتَ مُنْذِرُ مَنْ يَخْشَاهَا [79:45]

سېنىڭ ۋەزىپەڭ پەقەت قىيامەتتىن قورقىدىغان ئادەمنى ئاگاھلاندۇرۇشتۇر\[45\].

### الآية 79:46

> كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا [79:46]

ئۇلار قىيامەتنى كۆرگەن كۈندە، گويا ئۆزلىرىنى (دۇنيادا) پەقەت بىر كەچقۇرۇن ياكى بىر ئەتىگەن تۇرغاندەك (گۇمان قىلىدۇ)\[46\].

## روابط ذات صلة

- [النص القرآني للسورة](https://quranpedia.net/surah/1/79.md)
- [كل تفاسير سورة النازعات
](https://quranpedia.net/surah-tafsir/79.md)
- [ترجمات سورة النازعات
](https://quranpedia.net/translations/79.md)
- [صفحة الكتاب: الترجمة الأويغورية](https://quranpedia.net/book/1975.md)
- [المؤلف: محمد صالح](https://quranpedia.net/person/1750.md)

---

زُر [Quranpedia.net](https://quranpedia.net/surah/1/79/book/1975) — موسوعة القرآن الكريم: التفاسير، الترجمات، التلاوات، والمواضيع.