---
title: "ترجمة سورة النازعات - الترجمة الأوزبكية - علاء الدين منصور (الأوزبكية)"
url: "https://quranpedia.net/surah/1/79/book/1981.md"
canonical: "https://quranpedia.net/surah/1/79/book/1981"
surah_id: "79"
book_id: "1981"
book_name: "الترجمة الأوزبكية - علاء الدين منصور"
author: "علاء الدين منصور"
type: "translation"
---

# ترجمة سورة النازعات - الترجمة الأوزبكية - علاء الدين منصور (الأوزبكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/79/book/1981)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة النازعات - الترجمة الأوزبكية - علاء الدين منصور (الأوزبكية) — https://quranpedia.net/surah/1/79/book/1981*.

Translation of Surah النازعات from "الترجمة الأوزبكية - علاء الدين منصور" in الأوزبكية.

### الآية 79:1

> وَالنَّازِعَاتِ غَرْقًا [79:1]

1\. (Кофирларнинг жонларини баданларининг) ич-ичидан қаттиқ суғуриб оладиган (фаришта)ларга қасам,

### الآية 79:2

> وَالنَّاشِطَاتِ نَشْطًا [79:2]

2\. (Мўминларнинг жонларини осонлик билан) илдам тортиб оладиган (фаришта)ларга қасам,

### الآية 79:3

> وَالسَّابِحَاتِ سَبْحًا [79:3]

3\. (Осмонлар билан Ер ўртасида) силлиқ сузадиган (фаришта)ларга қасам,

### الآية 79:4

> فَالسَّابِقَاتِ سَبْقًا [79:4]

4\. (Ўз зиммаларидаги вазифаларни адо этишда) шошиб-ўзадиган (фаришта)ларга қасам,

### الآية 79:5

> فَالْمُدَبِّرَاتِ أَمْرًا [79:5]

5\. (Аллоҳ буюрган барча) ишнинг тадбирини тузиб турадиган (фаришта)ларга қасамки, (сизлар албатта қайта тирилиб, ҳисоб-китоб қилинурсизлар)!
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Мазкур оятларда Аллоҳ таоло Ўз фаришталарининг номига қасам билан ўлгандан кейин қайта тирилиш ва бу дунёда қилиб ўтилган ҳар бир иш учун ҳисоб бериш бор эканининг хабарини берди. Дарвоқеъ, Аллоҳнинг лашкарлари ҳисобланмиш, сон-саноғини ёлғиз Яратгандан ўзга ҳеч ким билмайдиган фаришталар Аллоҳ таоло амр этган ҳар бир ишни адо қилишга ҳозиру нозир бўлиб турар эканлар. Хусусан, ўлим фариштаси ва унинг ёрдамчилари томонидан бандаларнинг жонларини олиш соати ибратлидир: Ҳадиси шарифда айтилишича, улар кофирнинг жонини олишда худди баданининг ҳар бир аъзосидан мих суғургандек азоблаб олар эканлар, мўминнинг жони эса унинг танасидан гўё боғлиқ қўл арқондан бўшатилгандек осон ва роҳат билан чиқиб кетар экан. Шунинг учун ҳам Пайғамбар алайҳис-салоту вас-салом доим намозларидан кейин: **«Парвардигоро, бизларга ўлим мастлигини (яъни, жон чиқар соатидаги машаққатни) осон қилгил»**, деб дуо қилар эдилар. Энди қуйидаги оятларда юқорида зикр қилинган қайта тирилиш соатидаги аҳвол тасвирланади.

### الآية 79:6

> يَوْمَ تَرْجُفُ الرَّاجِفَةُ [79:6]

6\. У Кунда (Сур биринчи марта чалиниши билан) титрагувчи (ер) титраб (устидаги бор жонзот ҳалок қилинади);

### الآية 79:7

> تَتْبَعُهَا الرَّادِفَةُ [79:7]

7\. Унга эргашувчи эргашур (яъни, орадан қирқ сана ўтгач, Сур иккинчи марта чалиниб барча нарсага қайтадан ҳаёт ато этилади ва Қиёмат Куни бошланади).

### الآية 79:8

> قُلُوبٌ يَوْمَئِذٍ وَاجِفَةٌ [79:8]

8\. У Кунда (кофирларнинг) диллари қўрқувга тушгувчи,

### الآية 79:9

> أَبْصَارُهَا خَاشِعَةٌ [79:9]

9\. Кўзлари эса (даҳшатдан Ерга) эгилиб қолгувчидир!

### الآية 79:10

> يَقُولُونَ أَإِنَّا لَمَرْدُودُونَ فِي الْحَافِرَةِ [79:10]

10\. Улар (бу дунёда) дерлар: «Ҳақиқатан ҳам бизлар (ўлганимиздан кейин яна қайта тирилиб) аввалги ҳолатимизга қайтарилгувчимизми?

### الآية 79:11

> أَإِذَا كُنَّا عِظَامًا نَخِرَةً [79:11]

11\. Чириган суякларга айланиб қолган вақтимизда-я?»

### الآية 79:12

> قَالُوا تِلْكَ إِذًا كَرَّةٌ خَاسِرَةٌ [79:12]

12\. Улар (истеҳзо билан): **«Ундоқ бўлса бу (бизлар учун) зиён қилгувчи қайтиш-ку!»**, дедилар.

### الآية 79:13

> فَإِنَّمَا هِيَ زَجْرَةٌ وَاحِدَةٌ [79:13]

13\. Бас, у (қайтиш) фақат биргина даҳшатли қичқириқдир (яъни, Сурнинг иккинчи марта чалинишидир).

### الآية 79:14

> فَإِذَا هُمْ بِالسَّاهِرَةِ [79:14]

14\. Сўнг баногоҳ улар (тирик ҳолда) Ер устида бўлиб қолурлар!

### الآية 79:15

> هَلْ أَتَاكَ حَدِيثُ مُوسَىٰ [79:15]

15\. (Эй Муҳаммад алайҳис-салоту вас-салом), сизга Мусонинг хабари келдими?

### الآية 79:16

> إِذْ نَادَاهُ رَبُّهُ بِالْوَادِ الْمُقَدَّسِ طُوًى [79:16]

16\. Эсланг, Парвардигори унга муқаддас Туво водийсида (шундай) нидо қилган эди:

### الآية 79:17

> اذْهَبْ إِلَىٰ فِرْعَوْنَ إِنَّهُ طَغَىٰ [79:17]

17\. «(Эй Мусо), сен Фиръавннинг олдига боргин, чунки у (куфру исён билан) ҳаддидан ошди.

### الآية 79:18

> فَقُلْ هَلْ لَكَ إِلَىٰ أَنْ تَزَكَّىٰ [79:18]

18\. Бас, (унга) айтинг: «Сенинг (куфр иллатидан) покланишга рағбат-хоҳишинг борми?

### الآية 79:19

> وَأَهْدِيَكَ إِلَىٰ رَبِّكَ فَتَخْشَىٰ [79:19]

19\. Мен сени Парвардигоринг (йўли)га ҳидоят қилсам, бас, сен (У зотдан) қўрқсанг».

### الآية 79:20

> فَأَرَاهُ الْآيَةَ الْكُبْرَىٰ [79:20]

20\. Сўнг (Мусо) унга бир улкан мўъжиза кўрсатган эди,

### الآية 79:21

> فَكَذَّبَ وَعَصَىٰ [79:21]

21\. (Фиръавн) уни ёлғончи қилди (яъни, Мусога: **«Сен сеҳргарсан»**, деб туҳмат қилди) ва (Аллоҳ таолога) осий-итоатсиз бўлди.

### الآية 79:22

> ثُمَّ أَدْبَرَ يَسْعَىٰ [79:22]

22\. Сўнгра (фисқу фасодни ёйиш йўлида) саъй-ҳаракат қилган ҳолида (Мусодан) юз ўгириб кетди.

### الآية 79:23

> فَحَشَرَ فَنَادَىٰ [79:23]

23\. Сўнг (ўз одамларини) тўплади-да, жар солди:

### الآية 79:24

> فَقَالَ أَنَا رَبُّكُمُ الْأَعْلَىٰ [79:24]

24\. **«Мен сизларнинг энг устун Парвардигорингиздирман»**, деди.

### الآية 79:25

> فَأَخَذَهُ اللَّهُ نَكَالَ الْآخِرَةِ وَالْأُولَىٰ [79:25]

25\. Бас, Аллоҳ уни ҳам Охират, ҳам дунё азоби билан ушлади (яъни, дунёда у денгизга ғарқ қилиб юборилди, Охиратда эса дўзах азобига дучор бўлур).

### الآية 79:26

> إِنَّ فِي ذَٰلِكَ لَعِبْرَةً لِمَنْ يَخْشَىٰ [79:26]

26\. Албатта бу (қисса)да (Аллоҳдан) қўрқадиган кишилар учун ибрат бордир.
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Юқоридаги оятларда Мусо алайҳиссалом қилган даъватни қабул қилмасдан, унга қарши фитна-фасод тарқатиб юргани сабабли дунё ва Охират азобига гирифтор қилинган Фиръавн қиссаси зикр қилингач, бу қиссадан фақат Аллоҳдан қўрқадиган кишиларгина ибрат ва панд-насиҳат олишлари таъкидланди. Бинобарин, Яратгандан қўрқмайдиган эътиқодсиз кимсаларга ҳеч қандай мўъжиза ёки ваъз-насиҳат кор қилмаслиги аниқ экан. Энди қуйида Аллоҳ таоло Қиёмат Кунида барча халойиқни қайта тирилтириб, уларни ҳаёти-дунёда қилиб ўтган амалларига яраша жазолашига шак келтиргувчи кимсаларга хитоб қилинади.

### الآية 79:27

> أَأَنْتُمْ أَشَدُّ خَلْقًا أَمِ السَّمَاءُ ۚ بَنَاهَا [79:27]

27\. (Эй мушриклар), сизларни яратиш қийинроқми ёки осмонними?! (Яъни, бутун Ер куррасининг атрофини ўзга сайёралардан бирон зиён етмаслиги учун том — осмон билан қоплаб қўйишга қодир бўлган Зот учун сизларни яратиш ёки қайта тирилтириш ҳеч гап эмас-ку!) (Аллоҳ) уни бино қилди;

### الآية 79:28

> رَفَعَ سَمْكَهَا فَسَوَّاهَا [79:28]

28\. Шифтини баланд қилиб, тиклади.

### الآية 79:29

> وَأَغْطَشَ لَيْلَهَا وَأَخْرَجَ ضُحَاهَا [79:29]

29\. Ва У ўша (осмон)нинг тунини қоронғу қилиб, (ундан) кундузини чиқарди.

### الآية 79:30

> وَالْأَرْضَ بَعْدَ ذَٰلِكَ دَحَاهَا [79:30]

30\. Ва шундан кейин Ерни ёйиб-текис қилди.

### الآية 79:31

> أَخْرَجَ مِنْهَا مَاءَهَا وَمَرْعَاهَا [79:31]

31\. Ундан суви-ю, ўтлоқларини чиқарди.

### الآية 79:32

> وَالْجِبَالَ أَرْسَاهَا [79:32]

32\. Ва у (ер)га тоғларни ўрнаштирди.

### الآية 79:33

> مَتَاعًا لَكُمْ وَلِأَنْعَامِكُمْ [79:33]

33\. (Буларнинг барчаси) сизлар учун ва чорва ҳайвонларингиз учун манфаат бўлсин деб (қилингандир).

### الآية 79:34

> فَإِذَا جَاءَتِ الطَّامَّةُ الْكُبْرَىٰ [79:34]

34\. Бас, қачон катта бало (яъни, Қиёмат) келганида

### الآية 79:35

> يَوْمَ يَتَذَكَّرُ الْإِنْسَانُ مَا سَعَىٰ [79:35]

35\. — Инсон ўз қилмишини эслаб коладиган Кунда,

### الآية 79:36

> وَبُرِّزَتِ الْجَحِيمُ لِمَنْ يَرَىٰ [79:36]

36\. Ва дўзах кўрадиган (ҳар бир) кишига кўрсатиб қўйилганида.

### الآية 79:37

> فَأَمَّا مَنْ طَغَىٰ [79:37]

37\. Бас, ана ўшанда ким (ҳаёти дунёда куфру исён билан) туғёнга тушган,

### الآية 79:38

> وَآثَرَ الْحَيَاةَ الدُّنْيَا [79:38]

38\. Ва ҳаёти дунёни (Охиратдан) устун қўйган бўлса,

### الآية 79:39

> فَإِنَّ الْجَحِيمَ هِيَ الْمَأْوَىٰ [79:39]

39\. У ҳолда фақат жаҳаннамгина (унинг учун) жой бўлур!

### الآية 79:40

> وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ [79:40]

40\. Энди ким (ҳаёти дунёдалик пайтида Қиёмат Куни маҳшаргоҳда) Парвардигорининг (ҳузурида) туриши (ва У зотга ҳисоб-китоб бериши)дан қўрққан ва нафсини ҳавойи хоҳишлардан қайтарган бўлса,

### الآية 79:41

> فَإِنَّ الْجَنَّةَ هِيَ الْمَأْوَىٰ [79:41]

41\. У ҳолда фақат жаннатгина (унинг учун) жой бўлур.

### الآية 79:42

> يَسْأَلُونَكَ عَنِ السَّاعَةِ أَيَّانَ مُرْسَاهَا [79:42]

42\. (Эй Муҳаммад алайҳис-салоту вас-салом, мушриклар) сиздан (ўша Қиёмат) соатини қачон воқеъ бўлиши ҳақида сўрарлар.

### الآية 79:43

> فِيمَ أَنْتَ مِنْ ذِكْرَاهَا [79:43]

43\. Сиз қаердасиз-у, уни (яъни, Қиёмат қачон бўлишини) зикр қилиб-эслаш (қаерда)? (Яъни, сиз ҳеч қачон у Куннинг вақтини айтиб бера олмайсиз).

### الآية 79:44

> إِلَىٰ رَبِّكَ مُنْتَهَاهَا [79:44]

44\. Уни (билиш) ёлғиз Парвардигорингизга бориб тўхтар.

### الآية 79:45

> إِنَّمَا أَنْتَ مُنْذِرُ مَنْ يَخْشَاهَا [79:45]

45\. Сиз фақат ўша (Қиёмат)дан қўрқадиган кишиларни огоҳлантиргувчисиз, холос. (Аммо у Куннинг қачон воқеъ бўлишини айтиб бериш сизнинг вазифангиз эмасдир).

### الآية 79:46

> كَأَنَّهُمْ يَوْمَ يَرَوْنَهَا لَمْ يَلْبَثُوا إِلَّا عَشِيَّةً أَوْ ضُحَاهَا [79:46]

46\. Улар у (Қиёмат соати)ни кўрадиган Кунда (бу дунёда) гўё биргина пешиндан сўнг ёки чошгоҳ пайтида тургандек (яъни, бир кун ҳам яшамагандек) бўлиб қолурлар!

## روابط ذات صلة

- [النص القرآني للسورة](https://quranpedia.net/surah/1/79.md)
- [كل تفاسير سورة النازعات
](https://quranpedia.net/surah-tafsir/79.md)
- [ترجمات سورة النازعات
](https://quranpedia.net/translations/79.md)
- [صفحة الكتاب: الترجمة الأوزبكية - علاء الدين منصور](https://quranpedia.net/book/1981.md)
- [المؤلف: علاء الدين منصور](https://quranpedia.net/person/1756.md)

---

زُر [Quranpedia.net](https://quranpedia.net/surah/1/79/book/1981) — موسوعة القرآن الكريم: التفاسير، الترجمات، التلاوات، والمواضيع.