---
title: "ترجمة سورة عبس - الترجمة الأوزبكية - علاء الدين منصور (الأوزبكية)"
url: "https://quranpedia.net/surah/1/80/book/1981.md"
canonical: "https://quranpedia.net/surah/1/80/book/1981"
surah_id: "80"
book_id: "1981"
book_name: "الترجمة الأوزبكية - علاء الدين منصور"
author: "علاء الدين منصور"
type: "translation"
---

# ترجمة سورة عبس - الترجمة الأوزبكية - علاء الدين منصور (الأوزبكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/80/book/1981)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة عبس - الترجمة الأوزبكية - علاء الدين منصور (الأوزبكية) — https://quranpedia.net/surah/1/80/book/1981*.

Translation of Surah عبس from "الترجمة الأوزبكية - علاء الدين منصور" in الأوزبكية.

### الآية 80:1

> عَبَسَ وَتَوَلَّىٰ [80:1]

1\. У (Пайғамбар алайҳис-салоту вас-салом аъмо кишига) қош чимирди ва (ундан) юз ўгирди.

### الآية 80:2

> أَنْ جَاءَهُ الْأَعْمَىٰ [80:2]

2\. Ўзининг олдига кўзи ожиз киши келгани учун (қош чимирди ва ундан юз ўгирди).
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Ривоят қилинишича, бир куни Пайғамбар алайҳис-салоту вас-салом Қурайш зодагонларидан бир гуруҳини Исломга даъват қилиб турганларида, олдиларига Абдуллоҳ ибн Умми Мактум исмли кўзлари ожиз бир саҳоба келиб, бир неча бор: **«Ё Расулуллоҳ, менга Аллоҳ сизга билдирган нарсалардан таълим беринг»**, деб такрорлади. Чунки у киши аъмо бўлганлари сабабли Пайғамбаримизнинг бошқалар билан банд эканликларини сезмаган эди. Пайғамбар алайҳис-салоту вас-салом ҳалиги Қурайш катталари Исломни қабул қилишса, уларга эргашиб орқаларидаги тобеълари ҳам мусулмон бўлиб қолади, деган умид билан берилиб сўзлаётганлари сабабли, мана шу пайтда Абдуллоҳ ибн Умми Мактум келиб сўзларини бўлганидан аччиғланиб, қовоқ солдилар ва у кишига орқа ўгириб, Қурайш катталари билан сўзлашишда давом этдилар. Шунда Пайғамбаримизга танбеҳ бўлиб мазкур ва қуйидаги оятлар нозил бўлди. Шу ўринда биз муҳтарам ўқувчи эътиборини мазкур оятлардаги икки ибратли нуқтага жалб этмоқчимиз. Биринчидан, Аллоҳ таоло Ўзининг ҳабиби ва сўнгги пайғамбарига танбеҳ берар экан, у кишига бевосита хитоб қилмади, балки гўё учинчи шахс ҳақида гапираётгандек танбеҳ бердики, бу Дўст Дўстга қиладиган муомаланинг беназир намунасидир. Иккинчидан, агар бизда Аллоҳ таолонинг Ўзи **«шак-шубҳасиз, сиз улуғ Хулқ устидадирсиз»**, (Қалам сураси, 4-оят) деб таърифлаган Пайғамбаримиз мазкур воқеада бир аъмо кишига озор бердиларми, деган савол туғилса, бундай саволнинг жавоби ҳам ўша воқеанинг ўзида мавжуддир, яъни юқоридаги оятлар гувоҳлик беришича, Пайғамбар алайҳис-салоту вас-салом у кишининг дилига озор берадиган бирон қаттиқ сўз айтганлари йўқ, балки фақатгина қовоқларини уюб, юз ўгирдилар холоски, бундай ҳолатни кўзи ожиз одам кўра олмагани учун озор топмаслиги аниқдир. Аллоҳ таолонинг танбеҳидан сўнг Расулуллоҳ қачон Абдуллоҳ ибн Умми Мактумни кўриб қолсалар: **«Марҳабо, эй менга Парвардигоримдан дашном олиб берган зот»**, деб у кишига пешвоз чиқадиган бўлган эканлар.

### الآية 80:3

> وَمَا يُدْرِيكَ لَعَلَّهُ يَزَّكَّىٰ [80:3]

3\. (Эй Муҳаммад алайҳис-салоту вас-салом), сиз қаердан билурсиз, эҳтимол у (сиздан ўрганадиган илму маърифати ёрдамида ўз гуноҳларидан) покланар.

### الآية 80:4

> أَوْ يَذَّكَّرُ فَتَنْفَعَهُ الذِّكْرَىٰ [80:4]

4\. Ёки панд-насиҳат олар-да, сўнг бу панд-насиҳат унга фойда берар?!

### الآية 80:5

> أَمَّا مَنِ اسْتَغْنَىٰ [80:5]

5\. Энди (ўз мол-мулки билан иймондан) истиғно қилиб турган кимсага келсак,

### الآية 80:6

> فَأَنْتَ لَهُ تَصَدَّىٰ [80:6]

6\. Бас, сиз ўшанга иқбол қилиб — юзланмоқдасиз!

### الآية 80:7

> وَمَا عَلَيْكَ أَلَّا يَزَّكَّىٰ [80:7]

7\. Ҳолбуки, у (ўзининг куфридан) покланмаслиги сабабли сизга бирон зиён етмас!

### الآية 80:8

> وَأَمَّا مَنْ جَاءَكَ يَسْعَىٰ [80:8]

8\. Энди олдингизга югуриб-елиб келган зотга келсак.

### الآية 80:9

> وَهُوَ يَخْشَىٰ [80:9]

9\. (Аллоҳдан) қўрққан ҳолида (олдингизга югуриб келган зотга келсак).

### الآية 80:10

> فَأَنْتَ عَنْهُ تَلَهَّىٰ [80:10]

10\. Бас, сиз ундан чалғиб — юз ўгириб олмоқдасиз!

### الآية 80:11

> كَلَّا إِنَّهَا تَذْكِرَةٌ [80:11]

11\. Йўқ, (сиз асло бундай қилманг)! Албатта (Қуръон оятлари) бир панд-насиҳатдир.

### الآية 80:12

> فَمَنْ شَاءَ ذَكَرَهُ [80:12]

12\. Бас, ким хоҳласа ундан панд-насиҳат олур.

### الآية 80:13

> فِي صُحُفٍ مُكَرَّمَةٍ [80:13]

13\. (У оятлар Аллоҳ наздида) азизу мукаррам,

### الآية 80:14

> مَرْفُوعَةٍ مُطَهَّرَةٍ [80:14]

14\. қадри баланд, покиза саҳифаларга;

### الآية 80:15

> بِأَيْدِي سَفَرَةٍ [80:15]

15\. Мирзолар (яъни, фаришталар) қўллари билан

### الآية 80:16

> كِرَامٍ بَرَرَةٍ [80:16]

16\. Улуғ, итоатли (мирзолар қўллари билан Лавҳул-Маҳфуздан кўчириб битилгандир).

### الآية 80:17

> قُتِلَ الْإِنْسَانُ مَا أَكْفَرَهُ [80:17]

17\. Ҳалок бўлгур инсон-а! Бунчалар кофир бўлмаса!

### الآية 80:18

> مِنْ أَيِّ شَيْءٍ خَلَقَهُ [80:18]

18\. (Аллоҳ) уни қай нарсадан яратди ўзи?!

### الآية 80:19

> مِنْ نُطْفَةٍ خَلَقَهُ فَقَدَّرَهُ [80:19]

19\. Уни бир (ҳақир) нутфадан яратиб, сўнг уни(нг она қорнидаги ривожини ва ой-кунини) белгилаб қўйди-ку!

### الآية 80:20

> ثُمَّ السَّبِيلَ يَسَّرَهُ [80:20]

20\. Сўнгра унга (она қорнидан чиқиш) йўлини осон қилди.

### الآية 80:21

> ثُمَّ أَمَاتَهُ فَأَقْبَرَهُ [80:21]

21\. Сўнгра унга ўлим бериб, қабрга киритди (яъни, бошқа ҳайвонлар сингари унинг жасадини Ер юзида қолдириб, йиртқичларга ем қилиб қўйгани йўқ).

### الآية 80:22

> ثُمَّ إِذَا شَاءَ أَنْشَرَهُ [80:22]

22\. Сўнгра Ўзи хоҳлаган вақтида уни яна қайта тирилтирур.

### الآية 80:23

> كَلَّا لَمَّا يَقْضِ مَا أَمَرَهُ [80:23]

23\. Йўқ, у (кофир кимса Аллоҳ) ўзига буюрган бирон нарсани адо қилмади.

### الآية 80:24

> فَلْيَنْظُرِ الْإِنْسَانُ إِلَىٰ طَعَامِهِ [80:24]

24\. Энди инсон ўзининг таомига (ибрат кўзи билан бир) қараб кўрсин-чи!

### الآية 80:25

> أَنَّا صَبَبْنَا الْمَاءَ صَبًّا [80:25]

25\. Биз (осмондан) сув-ёмғирни қуйдирдик.

### الآية 80:26

> ثُمَّ شَقَقْنَا الْأَرْضَ شَقًّا [80:26]

26\. Сўнгра Ерни (гиёҳлар билан) ёрдик.

### الآية 80:27

> فَأَنْبَتْنَا فِيهَا حَبًّا [80:27]

27\. Сўнг Биз унда дон-дунни ундириб-ўстириб қўйдик-ку!

### الآية 80:28

> وَعِنَبًا وَقَضْبًا [80:28]

28\. Узум ва кўкларни,

### الآية 80:29

> وَزَيْتُونًا وَنَخْلًا [80:29]

29\. Зайтун ва ҳурмоларни,

### الآية 80:30

> وَحَدَائِقَ غُلْبًا [80:30]

30\. Қуюқ дарахтзор боғларни,

### الآية 80:31

> وَفَاكِهَةً وَأَبًّا [80:31]

31\. Мева-чева-ю, ўт-ўланларни

### الآية 80:32

> مَتَاعًا لَكُمْ وَلِأَنْعَامِكُمْ [80:32]

32\. Сизлар учун ва чорва ҳайвонларингиз учун манфаат бўлсин (деб ундириб-ўстириб қўйдик-ку!)

### الآية 80:33

> فَإِذَا جَاءَتِ الصَّاخَّةُ [80:33]

33\. Бас, қачон (қулоқларни) кар қилгувчи (даҳшатли қичқириқ) келганда (яъни, сур иккинчи марта чалиниб, барча халойиққа қайтадан жон ато этилганда, ҳар бир инсон ўзи билан ўзи бўлиб қолур)!

### الآية 80:34

> يَوْمَ يَفِرُّ الْمَرْءُ مِنْ أَخِيهِ [80:34]

34\. У Кунда киши ўз оға-инисидан ҳам,

### الآية 80:35

> وَأُمِّهِ وَأَبِيهِ [80:35]

35\. Онаси ва отасидан ҳам,

### الآية 80:36

> وَصَاحِبَتِهِ وَبَنِيهِ [80:36]

36\. Хотини-ю, бола-чақасидан ҳам қочур!

### الآية 80:37

> لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ [80:37]

37\. (Чунки) улардан ҳар бир киши учун у Кунда ўзига етарли ташвиш бўлур!

### الآية 80:38

> وُجُوهٌ يَوْمَئِذٍ مُسْفِرَةٌ [80:38]

38\. У Кунда (мўминларнинг) юзлари ёруғ,

### الآية 80:39

> ضَاحِكَةٌ مُسْتَبْشِرَةٌ [80:39]

39\. Кулгувчи ва хуррам бўлур.

### الآية 80:40

> وَوُجُوهٌ يَوْمَئِذٍ عَلَيْهَا غَبَرَةٌ [80:40]

40\. Ва у Кунда (кофирларнинг) юзлари устида чанг-ғубор бўлиб,

### الآية 80:41

> تَرْهَقُهَا قَتَرَةٌ [80:41]

41\. У (юз)ларни қаролик қоплаб олур!

### الآية 80:42

> أُولَٰئِكَ هُمُ الْكَفَرَةُ الْفَجَرَةُ [80:42]

42\. Ана ўшалар фисқу фужур қилгувчи кофирларнинг ўзидир!

## روابط ذات صلة

- [النص القرآني للسورة](https://quranpedia.net/surah/1/80.md)
- [كل تفاسير سورة عبس
](https://quranpedia.net/surah-tafsir/80.md)
- [ترجمات سورة عبس
](https://quranpedia.net/translations/80.md)
- [صفحة الكتاب: الترجمة الأوزبكية - علاء الدين منصور](https://quranpedia.net/book/1981.md)
- [المؤلف: علاء الدين منصور](https://quranpedia.net/person/1756.md)

---

زُر [Quranpedia.net](https://quranpedia.net/surah/1/80/book/1981) — موسوعة القرآن الكريم: التفاسير، الترجمات، التلاوات، والمواضيع.