---
title: "ترجمة سورة المطفّفين - الترجمة السواحلية - عبد الله محمد وناصر خميس (السواحلية)"
url: "https://quranpedia.net/surah/1/83/book/27820.md"
canonical: "https://quranpedia.net/surah/1/83/book/27820"
surah_id: "83"
book_id: "27820"
book_name: "الترجمة السواحلية - عبد الله محمد وناصر خميس"
type: "translation"
---

# ترجمة سورة المطفّفين - الترجمة السواحلية - عبد الله محمد وناصر خميس (السواحلية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/83/book/27820)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة المطفّفين - الترجمة السواحلية - عبد الله محمد وناصر خميس (السواحلية) — https://quranpedia.net/surah/1/83/book/27820*.

Translation of Surah المطفّفين from "الترجمة السواحلية - عبد الله محمد وناصر خميس" in السواحلية.

### الآية 83:1

> وَيْلٌ لِلْمُطَفِّفِينَ [83:1]

Adhabu kali ni ya wale wanaopunja vipimo vya vibaba na mezani.

### الآية 83:2

> الَّذِينَ إِذَا اكْتَالُوا عَلَى النَّاسِ يَسْتَوْفُونَ [83:2]

Ambao wakinunua kwa watu cha kupimwa kwa vibaba au kwa mizani hujikamilishia wao wenyewe.

### الآية 83:3

> وَإِذَا كَالُوهُمْ أَوْ وَزَنُوهُمْ يُخْسِرُونَ [83:3]

Na wakiwauzia watu kinachouzwa kwa vibaba au mizani wanapunguza vipimo.

### الآية 83:4

> أَلَا يَظُنُّ أُولَٰئِكَ أَنَّهُمْ مَبْعُوثُونَ [83:4]

Basi itakuwaje hali ya yule anayeiba na kupunja katika vipimo vyote hivyo, au yule anayeiba katika vipimo hivyo na huku awapunja watu vitu vyao? Hakika huyo yuwastahiki mateso zaidi kuliko wapunguzaji wa vipimo vya vibaba na mizani. Kwani hawaamini wale wapunjaji ya kwamba Mwenyezi Mungu Mtukufu ni Mwenye kuwafufua na kuwahesabu juu ya vitendo vyao.

### الآية 83:5

> لِيَوْمٍ عَظِيمٍ [83:5]

katika Siku itakapokuwa na kitisho?

### الآية 83:6

> يَوْمَ يَقُومُ النَّاسُ لِرَبِّ الْعَالَمِينَ [83:6]

Siku watakaposimama watu mbele ya Mweyezi Mungu ili Awahesabu kwa machache na mengi walioyatenda, hali ya kuwa wao Siku Hiyo ni wenye kumnyenyekea Mwenyezi Mungu, Mlezi wa viumbe vyote.

### الآية 83:7

> كَلَّا إِنَّ كِتَابَ الْفُجَّارِ لَفِي سِجِّينٍ [83:7]

Hakika marejeo ya watu waovu na makazi yao yatakuwa katika hali ya dhiki.

### الآية 83:8

> وَمَا أَدْرَاكَ مَا سِجِّينٌ [83:8]

Na ni kipi kinachokujulidha dhiki hii ni ipi?

### الآية 83:9

> كِتَابٌ مَرْقُومٌ [83:9]

Hakika hiyo itakuwa ni jela ya kudumu na adhabu iliyo na uchungu. Penye jela hiyo ni pale walipoandikiwa kuwa watakwenda. Wameandikiwa na imepitishwa. Hapana kitakachozidishwa wala kupunguzwa.

### الآية 83:10

> وَيْلٌ يَوْمَئِذٍ لِلْمُكَذِّبِينَ [83:10]

Adhabu kali Siku Hiyo ni ya wale wenye kukanusha.

### الآية 83:11

> الَّذِينَ يُكَذِّبُونَ بِيَوْمِ الدِّينِ [83:11]

Wale ambao wanakanusha kuwako tukio la Siku ya Malipo.

### الآية 83:12

> وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ [83:12]

Na wala haikanushi Siku Hiyo isipokuwa kila dhalimu mwenye madhambi mengi.

### الآية 83:13

> إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ [83:13]

Anaposomewa aya za Qur’ani, husema, **«Hizi ni hadithi za urongo za watu wa kale.»** Mambo yalivyo si kama wanavyodai!

### الآية 83:14

> كَلَّا ۖ بَلْ ۜ رَانَ عَلَىٰ قُلُوبِهِمْ مَا كَانُوا يَكْسِبُونَ [83:14]

Bali hayo ni maneno ya Mwenyezi Mungu na Wahyi Wake kwa Mtume Wake.

### الآية 83:15

> كَلَّا إِنَّهُمْ عَنْ رَبِّهِمْ يَوْمَئِذٍ لَمَحْجُوبُونَ [83:15]

Na hakika zimezibwa nyoyo zao zikawa hazimkubali Mwenyezi Mungu. Na kile kilichoziziba nyoyo hizo ni kufinikwa na wingi wa madhambi wanayoyafanya. Mambo hayako kama vile wanavyodai makafiri! Bali hakika wao, Siku ya Kiyama watazibwa wasimuone Mwenyezi Mungu, Aliyetukuka na kushinda. Aya hii ni ushahidi kwamba Waumini watamuona Mola Wao Peponi.

### الآية 83:16

> ثُمَّ إِنَّهُمْ لَصَالُو الْجَحِيمِ [83:16]

Kisha hakika hao makafiri ni wenye kuingia Motoni, na wataziona na kuzihisi dharubu zake.

### الآية 83:17

> ثُمَّ يُقَالُ هَٰذَا الَّذِي كُنْتُمْ بِهِ تُكَذِّبُونَ [83:17]

Kisha wataambiwa,»Haya ndiyo malipo ya yale ambayo mlikuwa mnayakanusha.»

### الآية 83:18

> كَلَّا إِنَّ كِتَابَ الْأَبْرَارِ لَفِي عِلِّيِّينَ [83:18]

Ni kweli kabisa kwamba kitabu cha watu wema, nao ni wachamungu, kiko katika ngazi za juu Peponi.

### الآية 83:19

> وَمَا أَدْرَاكَ مَا عِلِّيُّونَ [83:19]

Na ni kipi kinachokujulisha ni zipi hizi ngazi za juu?

### الآية 83:20

> كِتَابٌ مَرْقُومٌ [83:20]

Ni kitabu cha watu wema kilichopitishwa mambo yake, hakizidishwi kitu humo wala hakipunguzwi.

### الآية 83:21

> يَشْهَدُهُ الْمُقَرَّبُونَ [83:21]

Wanayatazama yaliyomo ndani yake Malaika waliokurubishwa, wa kila mbingu.

### الآية 83:22

> إِنَّ الْأَبْرَارَ لَفِي نَعِيمٍ [83:22]

Hakika wale wenye ukweli na kufuata amri za Mwenyezi Mungu watakuwa Peponi wnaneemeka,

### الآية 83:23

> عَلَى الْأَرَائِكِ يَنْظُرُونَ [83:23]

juu ya viti vya fahari wanamwangalia Mola wao na wanaangalia yale waliyoandaliwa miongoni mwa kheri nyingi.

### الآية 83:24

> تَعْرِفُ فِي وُجُوهِهِمْ نَضْرَةَ النَّعِيمِ [83:24]

Unaonekana katika nyuso zao mng’aro wa neema.

### الآية 83:25

> يُسْقَوْنَ مِنْ رَحِيقٍ مَخْتُومٍ [83:25]

Watanyweshwa tembo safi, lililotengezewa vyombo kwa ustadi na mwishowe kuna harufu ya miski.

### الآية 83:26

> خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ [83:26]

Katika kuzipata neema hizo, nawashindane wenye kushindana.

### الآية 83:27

> وَمِزَاجُهُ مِنْ تَسْنِيمٍ [83:27]

Na kinywaji hiki, mchanganyo wake watokana na chemchemi iliyoko Peponi linalojulikana, kwa ubora wake, kwa jina la Tasnīm.

### الآية 83:28

> عَيْنًا يَشْرَبُ بِهَا الْمُقَرَّبُونَ [83:28]

Hiyo ni chemchemi iliyoandaliwa wale waliokurubishwa kwa Mwenyezi Mungu na watajiburudisha nayo.

### الآية 83:29

> إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ [83:29]

Hakika wale waliotenda maovu walikuwa duniani wakiwacheza shere Waumini.

### الآية 83:30

> وَإِذَا مَرُّوا بِهِمْ يَتَغَامَزُونَ [83:30]

Na wanapowapitia wanakonyezana kwa kuwakejeli.

### الآية 83:31

> وَإِذَا انْقَلَبُوا إِلَىٰ أَهْلِهِمُ انْقَلَبُوا فَكِهِينَ [83:31]

Na wnaporudi, hawa waovu, kwa watu wao na jamaa zao, huwa na vihunzi na wao kwa kuwafanyia maskhara Waumini.

### الآية 83:32

> وَإِذَا رَأَوْهُمْ قَالُوا إِنَّ هَٰؤُلَاءِ لَضَالُّونَ [83:32]

Na hawa makafiri wanapowaona Maswahaba wa Mtume, rehema ya Mwenyezi Mungu na amani zimshukie, wamefuata uongofu, huwa wakisema, «Hakika hawa wamepotea kwa kumfuata Muhammad, rehema ya Mwenyezi Mungu na amani zimshukie.

### الآية 83:33

> وَمَا أُرْسِلُوا عَلَيْهِمْ حَافِظِينَ [83:33]

Na wala waovu hawa hawakutumwa wawe ni wachunguzi kwa Maswahaba na Mtume , rehema ya Mwenyezi Mungu na amani zimshukie.

### الآية 83:34

> فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ [83:34]

Basi Siku ya Kiyama wale waliomkubali Mwenyezi Mungu na Mtume wake na wakafanya vitendo vinavyolingana na sheria Zake, watawafanyia maskhara makafiri kama makafiri walivyokuwa wakiwafanyia mashara duniani.

### الآية 83:35

> عَلَى الْأَرَائِكِ يَنْظُرُونَ [83:35]

Juu ya viti vya fahari, watakuwa Waumini wanaangalia yale Aliyowapa Mwenyezi Mungu miongoni mwa mambo matukufu na neema, wakiwa Peponi. Na neema kubwa ya zote ni kuangalia Uso wa Mwenyezi Mungu Mtukufu.

### الآية 83:36

> هَلْ ثُوِّبَ الْكُفَّارُ مَا كَانُوا يَفْعَلُونَ [83:36]

Je, wamelipwa makafiri, pindi watakapo kufanyiwa hayo, malipo muwafaka na yale waliyoyafanya duniani ya shari na madhambi?

## روابط ذات صلة

- [النص القرآني للسورة](https://quranpedia.net/surah/1/83.md)
- [كل تفاسير سورة المطفّفين
](https://quranpedia.net/surah-tafsir/83.md)
- [ترجمات سورة المطفّفين
](https://quranpedia.net/translations/83.md)
- [صفحة الكتاب: الترجمة السواحلية - عبد الله محمد وناصر خميس](https://quranpedia.net/book/27820.md)

---

زُر [Quranpedia.net](https://quranpedia.net/surah/1/83/book/27820) — موسوعة القرآن الكريم: التفاسير، الترجمات، التلاوات، والمواضيع.