---
title: "ترجمة سورة العلق - الترجمة الأوزبكية - علاء الدين منصور (الأوزبكية)"
url: "https://quranpedia.net/surah/1/96/book/1981.md"
canonical: "https://quranpedia.net/surah/1/96/book/1981"
surah_id: "96"
book_id: "1981"
book_name: "الترجمة الأوزبكية - علاء الدين منصور"
author: "علاء الدين منصور"
type: "translation"
---

# ترجمة سورة العلق - الترجمة الأوزبكية - علاء الدين منصور (الأوزبكية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/96/book/1981)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة العلق - الترجمة الأوزبكية - علاء الدين منصور (الأوزبكية) — https://quranpedia.net/surah/1/96/book/1981*.

Translation of Surah العلق from "الترجمة الأوزبكية - علاء الدين منصور" in الأوزبكية.

### الآية 96:1

> اقْرَأْ بِاسْمِ رَبِّكَ الَّذِي خَلَقَ [96:1]

1\. (Эй Муҳаммад алайҳис-салоту вас-салом, барча мавжудотни) яратган Зот бўлмиш Парпардигорингиз номи билан (бошлаб) ўқинг!

### الآية 96:2

> خَلَقَ الْإِنْسَانَ مِنْ عَلَقٍ [96:2]

2\. У инсонни лахта қондан яратган (Зотдир).

### الآية 96:3

> اقْرَأْ وَرَبُّكَ الْأَكْرَمُ [96:3]

3\. Ўқинг! Сизнинг Парвардигорингиз ўта карамли Зотдир.

### الآية 96:4

> الَّذِي عَلَّمَ بِالْقَلَمِ [96:4]

4\. У (инсониятга) қаламни (яъни, ёзишни — хатни) ўргатган Зотдир.

### الآية 96:5

> عَلَّمَ الْإِنْسَانَ مَا لَمْ يَعْلَمْ [96:5]

5\. У зот инсонга унинг билмаган нарсаларини ўргатди.
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Ушбу оятлар инсоният ҳаётига янги илоҳий таълимот ва то Қиёмат бузилмай сақланиб қоладиган, Аллоҳ таоло юборган динларнинг энг сўнггиси бўлган мукаммал бир дин — Ислом кириб келгани ҳақидаги илк хабарлар эди. Ушбу илк оятларданоқ Ислом дини инсонларни жаҳолат-хурофотга эмас, балки илм-маърифатга чорлаши ва фақат ўқиш-ўрганиш билан Яратган рози бўладиган Ҳидоят йўлини топишга даъват этиши маълум бўлди. Шунинг учун ҳам Пайғамбар алайҳис-салоту вас-салом **«Илм исташ ҳар бир муслим ва муслима учун фарздир»**, деб марҳамат қилганлар. Энди қуйидаги оятларда динсиз кимсаларни мол-дунё ва мансаб-мартабалар қандай куйларга солиши ҳақида хабарлар берилади.

### الآية 96:6

> كَلَّا إِنَّ الْإِنْسَانَ لَيَطْغَىٰ [96:6]

6\. Дарҳақиқат, (кофир) инсон албатта туғёнга тушар — ҳаддидан ошар.

### الآية 96:7

> أَنْ رَآهُ اسْتَغْنَىٰ [96:7]

7\. Ўзини бой-беҳожат кўргач, (албатта туғёнга тушар).

### الآية 96:8

> إِنَّ إِلَىٰ رَبِّكَ الرُّجْعَىٰ [96:8]

8\. (Эй инсон), албатта ёлғиз Парвардигорингга қайтишинг бордир! (Ўшанда бу туғёнларинг учун ҳисоб-китоб қилиниб, жазоланишинг аниқдир)!

### الآية 96:9

> أَرَأَيْتَ الَّذِي يَنْهَىٰ [96:9]

9\. (Эй инсон), тўсувчи кимсани кўрдингми?!

### الآية 96:10

> عَبْدًا إِذَا صَلَّىٰ [96:10]

10\. Бир бандани (яъни, Муҳаммад алайҳис-салоту вас-саломни) (намозидан тўсадиган кимсани кўрдингми?!)

### الآية 96:11

> أَرَأَيْتَ إِنْ كَانَ عَلَى الْهُدَىٰ [96:11]

11\. Хабар бергин-чи, агар у (намоз ўқигувчи) ўзи Тўғри Йўлда бўлса,

### الآية 96:12

> أَوْ أَمَرَ بِالتَّقْوَىٰ [96:12]

12\. Ёки (ўзгаларни) тақвога (Аллоҳдан қўрқишга) буюрса, (уни намоздан ва тақводан тўсган кимса ҳалок бўлмасми)?

### الآية 96:13

> أَرَأَيْتَ إِنْ كَذَّبَ وَتَوَلَّىٰ [96:13]

13\. Хабар бергин-чи, агар у (намоздан тўсгувчи кимса Аллоҳнинг китобини) ёлғон деса ва (у Китобга иймон келтиришдан) юз ўгирса,

### الآية 96:14

> أَلَمْ يَعْلَمْ بِأَنَّ اللَّهَ يَرَىٰ [96:14]

14\. албатта Аллоҳ (унинг барча қилмишларини) кўриб туришини билмасми?! 
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Бу оятлар Қурайш зодагонларидан бўлган Абу Жаҳл лақабли ашаддий кофир бир кимса ҳақида нозил бўлгандир. У Пайғамбаримизни Масжидул-Ҳаромда намоз ўқишларидан тўсиб: **«Агар Муҳаммад яна шу ерга келиб намоз ўқийдиган бўлса, унинг бўйнини эзиб, юзини тупроққа белайман»**, деб ўзининг бутлари номига қасам ичади. Юқоридаги оятларда бу кофирнинг барча қилмишларини Аллоҳ таоло кўриб тургани айтилгач, энди қуйида агар у бундай бемаъниликларини тўхтатмаса, қандай азобга гирифтор бўлиши ҳақида хабар берилади:

### الآية 96:15

> كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ [96:15]

15\. Йўқ! Қасамки, агар у (бундай гумроҳликдан) тўхтамаса, албатта Биз унинг пешона сочидан тутармиз,

### الآية 96:16

> نَاصِيَةٍ كَاذِبَةٍ خَاطِئَةٍ [96:16]

16\. — ўша ёлғончи, адашган пешона сочидан тутармиз-да, (жаҳаннамга отурмиз)!

### الآية 96:17

> فَلْيَدْعُ نَادِيَهُ [96:17]

17\. Бас, у ўзининг жамоасини (ёрдамга) чақираверсин!

### الآية 96:18

> سَنَدْعُ الزَّبَانِيَةَ [96:18]

18\. Биз эса азоб фаришталарини чақиражакмиз!

### الآية 96:19

> كَلَّا لَا تُطِعْهُ وَاسْجُدْ وَاقْتَرِبْ ۩ [96:19]

19\. Йўқ! (Эй Муҳаммад алайҳис-салоту вас-салом), сиз унга итоат этманг ва (ёлғиз) Аллоҳга сажда-ибодат қилиб, (У зотга) яқин бўлинг!
\_\_\_\_\_\_\_\_\_\_\_\_\_\_\_\_\_\_\_\_
И з о ҳ. Ушбу ояти карима Қуръондаги сўнгги сажда ояти бўлиб, бу оятни ўқиган ёки эшитган киши бир марта Аллоҳ таолога сажда қилиши вожиб бўлади. Бу оятдаги хитоб гарчи пайғамбаримиз Муҳаммад алайҳис-салоту вас-саломга қаратилган бўлса-да, унинг ҳукми барча мусулмонлар учун умумий бўлган ҳукмдир. Бинобарин, Яратганга ибодат қилишдан тўсадиган бирон кимсага итоат этмасдан, ёлғиз Аллоҳ таологагина сажда қилиш ҳар бир мусулмон учун фарздир.

## روابط ذات صلة

- [النص القرآني للسورة](https://quranpedia.net/surah/1/96.md)
- [كل تفاسير سورة العلق
](https://quranpedia.net/surah-tafsir/96.md)
- [ترجمات سورة العلق
](https://quranpedia.net/translations/96.md)
- [صفحة الكتاب: الترجمة الأوزبكية - علاء الدين منصور](https://quranpedia.net/book/1981.md)
- [المؤلف: علاء الدين منصور](https://quranpedia.net/person/1756.md)

---

زُر [Quranpedia.net](https://quranpedia.net/surah/1/96/book/1981) — موسوعة القرآن الكريم: التفاسير، الترجمات، التلاوات، والمواضيع.