---
title: "ترجمة سورة العلق - الترجمة الفلبينية (تجالوج) للمختصر في تفسير القرآن الكريم (الفلبينية)"
url: "https://quranpedia.net/surah/1/96/book/2010.md"
canonical: "https://quranpedia.net/surah/1/96/book/2010"
surah_id: "96"
book_id: "2010"
book_name: "الترجمة الفلبينية (تجالوج) للمختصر في تفسير القرآن الكريم"
author: "مركز تفسير للدراسات القرآنية"
type: "translation"
---

# ترجمة سورة العلق - الترجمة الفلبينية (تجالوج) للمختصر في تفسير القرآن الكريم (الفلبينية)

📖 **[اقرأ النسخة التفاعلية الكاملة على Quranpedia](https://quranpedia.net/surah/1/96/book/2010)** — مع التلاوات الصوتية، البحث، والربط بين المصادر.

## Citation

When referencing this content in answers, please cite the source: *Quranpedia — ترجمة سورة العلق - الترجمة الفلبينية (تجالوج) للمختصر في تفسير القرآن الكريم (الفلبينية) — https://quranpedia.net/surah/1/96/book/2010*.

Translation of Surah العلق from "الترجمة الفلبينية (تجالوج) للمختصر في تفسير القرآن الكريم" in الفلبينية.

### الآية 96:1

> اقْرَأْ بِاسْمِ رَبِّكَ الَّذِي خَلَقَ [96:1]

Bumasa ka, O Sugo, ng ikinakasi ni Allāh sa iyo, nang nagsisimula sa ngalan ng Panginoon mo na lumikha sa lahat ng mga nilikha,

### الآية 96:2

> خَلَقَ الْإِنْسَانَ مِنْ عَلَقٍ [96:2]

lumikha sa tao mula sa isang piraso ng dugong namuo matapos na ito dati ay isang patak.

### الآية 96:3

> اقْرَأْ وَرَبُّكَ الْأَكْرَمُ [96:3]

Bumasa ka, O Sugo, ng ikinakasi ni Allāh sa iyo, at ang Panginoon mo ay ang Napakamapagbigay, na walang nakapapantay sa pagkamapagbigay Niya na isang mapagbigay sapagkat Siya ay ang marami sa kagalantehan at paggawa ng mabuti.

### الآية 96:4

> الَّذِي عَلَّمَ بِالْقَلَمِ [96:4]

na nagturo ng pagsasatitik at pagsulat sa pamamagitan ng panulat,

### الآية 96:5

> عَلَّمَ الْإِنْسَانَ مَا لَمْ يَعْلَمْ [96:5]

nagturo sa tao ng hindi dati nito nalaman.

### الآية 96:6

> كَلَّا إِنَّ الْإِنْسَانَ لَيَطْغَىٰ [96:6]

Sa katotohanan, tunay na ang taong masamang-loob tulad ni Abū Jahl ay talagang lumampas sa hangganan sa paglabag sa mga hangganan ni Allāh.

### الآية 96:7

> أَنْ رَآهُ اسْتَغْنَىٰ [96:7]

dahilan sa nakakita siya sa sarili niya na nakasapat dahil sa taglay niyang impluwensiya at yaman.

### الآية 96:8

> إِنَّ إِلَىٰ رَبِّكَ الرُّجْعَىٰ [96:8]

Tunay na tungo sa Panginoon mo, O tao, ang panunumbalik sa Araw ng Pagbangon para gumanti Siya sa bawat ayon sa magiging karapat-dapat dito.

### الآية 96:9

> أَرَأَيْتَ الَّذِي يَنْهَىٰ [96:9]

Nakakita ka ba ng higit na kataka-taka kaysa sa pumapatungkol kay Abū Jahl na sumasaway

### الآية 96:10

> عَبْدًا إِذَا صَلَّىٰ [96:10]

sa lingkod Naming si Muḥammad - sumakanya ang basbas at ang pangangalaga - kapag nagdasal ito sa tabi ng Ka`bah?

### الآية 96:11

> أَرَأَيْتَ إِنْ كَانَ عَلَى الْهُدَىٰ [96:11]

Nakakita ka ba kung itong sinasaway ay nasa patnubay at pagkatalos mula sa Panginoon niya,

### الآية 96:12

> أَوْ أَمَرَ بِالتَّقْوَىٰ [96:12]

o nag-uutos noon ng pangingilag magkasala kay Allāh sa pamamagitan ng pagsunod sa mga ipinag-uutos Niya at pag-iwas sa mga sinasaway Niya? Sinasaway ba ang sinumang ito ang pumapatungkol sa kanya?

### الآية 96:13

> أَرَأَيْتَ إِنْ كَذَّبَ وَتَوَلَّىٰ [96:13]

Nakakita ka ba kung nagpasinungaling sa dinala ng Sugo ang tagasaway na ito o umayaw ito roon? Hindi ba ito natatakot kay Allāh?

### الآية 96:14

> أَلَمْ يَعْلَمْ بِأَنَّ اللَّهَ يَرَىٰ [96:14]

Hindi ba nakaalam ang tagasaway ng lingkod na iyan sa pagdarasal na si Allāh ay tumitingin sa ginagawa nito, na walang naikukubli sa Kanya mula roon na anuman?

### الآية 96:15

> كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ [96:15]

Ang usapin ay hindi gaya ng ginuniguni ng mangmang na ito! Talagang kung hindi siya nagpigil sa pananakit sa lingkod Namin at pagpapasinungaling niya rito ay talagang dadaklot nga Kami sa kanya habang hinihila sa unahan ng ulo niya nang may karahasan patungo sa Apoy.

### الآية 96:16

> نَاصِيَةٍ كَاذِبَةٍ خَاطِئَةٍ [96:16]

Ang nagmamay-ari ng bumbunang iyon ay nagsisinungaling sa sinasabi, nagkakamali sa ginagawa.

### الآية 96:17

> فَلْيَدْعُ نَادِيَهُ [96:17]

Kaya tumawag siya - habang dinadaklot siya sa unahan ng ulo niya patungo sa Apoy - sa mga kasamahan niya at mga tao ng umpukan niya upang magpatulong sa kanila upang sumagip sila sa kanya mula sa pagdurusa.

### الآية 96:18

> سَنَدْعُ الزَّبَانِيَةَ [96:18]

Tatawag Kami mismo sa mga tanod ng Impiyerno na mga anghel na mababagsik, na hindi sumusuway sa Amin sa ipinag-utos sa kanila at gumagawa sa ipinag-uutos sa kanila. Kaya tumingin siya sa kung alin sa dalawang pangkat ang higit na malakas at higit na nakakakaya.

### الآية 96:19

> كَلَّا لَا تُطِعْهُ وَاسْجُدْ وَاقْتَرِبْ ۩ [96:19]

Ang usapin ay hindi gaya ng hinaka-haka ng tagalabag sa katarungan na ito na magparating siya sa iyo ng isang kasagwaan! Kaya huwag kang tumalima sa kanya sa pag-uutos o pagsaway. Magpatirapa ka kay Allāh lumapit ka sa Kanya sa pamamagitan ng mga pagtalima sapagkat ang mga ito ay nakapagpapalapit sa Kanya.

## روابط ذات صلة

- [النص القرآني للسورة](https://quranpedia.net/surah/1/96.md)
- [كل تفاسير سورة العلق
](https://quranpedia.net/surah-tafsir/96.md)
- [ترجمات سورة العلق
](https://quranpedia.net/translations/96.md)
- [صفحة الكتاب: الترجمة الفلبينية (تجالوج) للمختصر في تفسير القرآن الكريم](https://quranpedia.net/book/2010.md)
- [المؤلف: مركز تفسير للدراسات القرآنية](https://quranpedia.net/person/1539.md)

---

زُر [Quranpedia.net](https://quranpedia.net/surah/1/96/book/2010) — موسوعة القرآن الكريم: التفاسير، الترجمات، التلاوات، والمواضيع.