ﮦ

surah.translation .

من تأليف: أبو رحيمة ميكائيل أيكوييني .

ﰡ

ﭑ ﰀ

Tọ̄ sīn mīm.

ﭓﭔﭕﭖ ﰁ

Ìwọ̀nyí ni àwọn āyah Tírà t’ó ń yanjú ọ̀rọ̀ ẹ̀dá.

ﭘﭙﭚﭛﭜﭝ ﰂ

Nítorí kí ni o ṣe máa para rẹ pé wọn kò jẹ́ onígbàgbọ́ òdodo.

ﭟﭠﭡﭢﭣﭤﭥﭦﭧﭨﭩ ﰃ

Tí A bá fẹ́, A máa sọ àmì kan kalẹ̀ fún wọn láti sánmọ̀. Àwọn ọrùn wọn kò sì níí yé tẹríba fún un.

ﭫﭬﭭﭮﭯﭰﭱﭲﭳﭴﭵ ﰄ

Kò sí ìrántí kan tí ó máa dé bá wọn ní titun láti ọ̀dọ̀ Àjọkẹ́-ayé àfi kí wọ́n jẹ́ olùgbúnrí kúrò níbẹ̀.

ﭷﭸﭹﭺﭻﭼﭽﭾ ﰅ

Dájúdájú wọ́n ti pe (āyah Wa) nírọ́. Nítorí náà, àwọn ìró ohun tí wọ́n ń fi ṣe yẹ̀yẹ́ ń bọ̀ wá bá wọn.

ﮀﮁﮂﮃﮄﮅﮆﮇﮈﮉﮊ ﰆ

Ṣé wọn kò rí ilẹ̀ pé mélòó mélòó nínú gbogbo oríṣiríṣi n̄ǹkan alápọ̀n-ọ́nlé tí A mú hù jáde láti inú rẹ̀?

ﮌﮍﮎﮏﮐﮑﮒﮓﮔ ﰇ

Dájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn kò jẹ́ onígbàgbọ́ òdodo.

ﮖﮗﮘﮙﮚ ﰈ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﮜﮝﮞﮟﮠﮡﮢﮣ ﰉ

(Rántí) nígbà tí Olúwa rẹ pe (Ànábì) Mūsā pé: "Lọ bá ìjọ alábòsí,

ﮥﮦﮧﮨﮩ ﰊ

ìjọ Fir‘aon (kí o sì sọ̱ fún wọn) pé 'Ṣé wọn kò níí bẹ̀rù (Allāhu) ni.'"

ﮫﮬﮭﮮﮯﮰ ﰋ

Ó sọ pé: "Olúwa mi, dájúdájú èmi ń bẹ̀rù pé wọ́n máa pè mí ní òpùrọ́.

ﯓﯔﯕﯖﯗﯘﯙﯚ ﰌ

Ó sì máa jẹ́ ìnira fún mi (tí wọ́n bá pè mí ní òpùrọ́). Ahọ́n mi kò sì já gaaraga. Nítorí náà, ránṣẹ́ sí Hārūn.

ﯜﯝﯞﯟﯠﯡ ﰍ

Àti pé mo ní ẹ̀ṣẹ̀ kan lọ́rùn lọ́dọ̀ wọn. Nítorí náà, mò ń bẹ̀rù pé wọ́n máa pa mí."

ﯣﯤﯥﯦﯧﯨﯩﯪﯫ ﰎ

(Allāhu) sọ pé: "Rárá (wọn kò lè pa ọ́). Nítorí náà, kí ẹ̀yin méjèèjì mú àwọn àmì (iṣẹ́ ìyanu) Wa lọ (bá wọn). Dájúdájú Àwa ń bẹ pẹ̀lú yín; À ń gbọ́ (ọ̀rọ̀ yín).

ﯭﯮﯯﯰﯱﯲﯳ ﰏ

Ẹ̀yin méjèèjì, ẹ lọ bá Fir‘aon. Kí ẹ sọ fún un pé: 'Dájúdájú àwa ni Òjíṣẹ́ Olúwa gbogbo ẹ̀dá.

ﯵﯶﯷﯸﯹ ﰐ

(À ń sọ fún ọ) pé kí o jẹ́ kí àwọn ọmọ ’Isrọ̄’īl máa bá wa lọ.'"

ﯻﯼﯽﯾﯿﰀﰁﰂﰃﰄ ﰑ

(Fir‘aon) wí pé: “Ṣé kì í ṣe ní ààrin wa ni a ti tọ́ ọ ní kékeré ni, tí o sì gbé ní ọ̀dọ̀ wa fún ọdún púpọ̀ nínú ìṣẹ̀mí ayé rẹ?

ﰆﰇﰈﰉﰊﰋﰌ ﰒ

O sì ṣe iṣẹ́ ọwọ́ rẹ tí o ṣe (sí wa). Ìwọ sì wà nínú àwọn aláìmoore.”

ﭑﭒﭓﭔﭕﭖ ﰓ

(Ànábì Mūsā) sọ pé: "Mo ṣe é nígbà náà nígbà tí mo wà nínú àwọn aláìmọ̀kan ni.

ﭘﭙﭚﭛﭜﭝﭞﭟﭠﭡﭢ ﰔ

Mo sì sá fun yín nígbà tí mo bẹ̀rù yín. Nítorí náà, Allāhu ti ta mí lọ́rẹ ipò Ànábì. Ó sì ṣe mí ní (ọ̀kan) nínú àwọn Òjíṣẹ́.

ﭤﭥﭦﭧﭨﭩﭪﭫ ﰕ

Àti pé ìyẹn ni ìdẹ̀ra tí ò ń ṣe ìrègún rẹ̀ lé mi lórí. Pé ó sọ àwọn ọmọ ’Isrọ̄’īl di ẹrú (ńkọ́?).
____________________
Ànábì Mūsā ('alaehi-ssọlātu wa-ssalām) ń fọ èsì fún Fir ‘aon pé, tí o bá sọ pé o ṣoore alágbàtọ́ fún mi, ṣebí o tún sọ àwọn ènìyàn mi di ẹrú rẹ?! Ìyẹn ni pé, tí Fir ‘aon bá mọ ìrègún oore síṣe alágbàtọ́ òun í ṣe, kó rántí aburú ńlá t’ó wà nínú bí ó ṣe sọ àwọn ènìyàn t’òun náà di ẹrú rẹ̀. Nítorí náà, kí Fir ‘aon má ṣe lérò pé gbígba ẹnì kan wò tẹ̀wọ̀n ju sísọ àwọn yòókù rẹ̀ di ẹrú. Fir‘aon sì mẹ́nu kúrò níbẹ̀. Ó bọ́ sórí ọ̀rọ̀ mìíràn.

ﭭﭮﭯﭰﭱ ﰖ

Fir‘aon wí pé: “Kí ni Olúwa gbogbo ẹ̀dá?”

ﭳﭴﭵﭶﭷﭸﭹﭺﭻﭼ ﰗ

(Ànábì Mūsā) sọ pé: “(Allāhu ni)
Olúwa àwọn sánmọ̀, ilẹ̀ àti ohunkóhun t’ó ń bẹ láààrin àwọn méjèèjì, tí ẹ̀yin bá jẹ́ alámọ̀dájú.”

ﭾﭿﮀﮁﮂ ﰘ

(Fir‘aon) wí fún àwọn t’ó wà ní àyíká rẹ̀ pé: “Ṣé ẹ ẹ̀ gbọ́ ọ̀rọ̀ (t’ó ń sọ ni)?”

ﮄﮅﮆﮇﮈ ﰙ

(Ànábì Mūsā) sọ pé: “(Allāhu ni) Olúwa yín àti Olúwa àwọn bàbá yín, àwọn ẹni àkọ́kọ́.”

ﮊﮋﮌﮍﮎﮏﮐ ﰚ

(Fir‘aon) wí pé: “Dájúdájú Òjíṣẹ́ yín èyí tí wọ́n rán si yín, wèrè mà ni.”

ﮒﮓﮔﮕﮖﮗﮘﮙﮚﮛ ﰛ

(Ànábì Mūsā) sọ pé: “(Allāhu ni) Olúwa ibùyọ òòrùn, ibùwọ̀ òòrùn àti ohunkóhun t’ó ń bẹ láààrin àwọn méjèèjì, tí ẹ bá máa ń ṣe làákàyè.”

ﮝﮞﮟﮠﮡﮢﮣﮤ ﰜ

(Fir‘aon) wí pé: “Dájúdájú tí o bá fi lè jọ́sìn fún ọlọ́hun kan yàtọ̀ sí mi, dájúdájú mo máa sọ ọ́ di ara àwọn ẹlẹ́wọ̀n.”

ﮦﮧﮨﮩﮪ ﰝ

(Ànábì Mūsā) sọ pé: “Tí ó bá jẹ́ pé mo mú kiní kan t’ó yanjú wá fún ọ ńkọ́?”

ﮬﮭﮮﮯﮰﮱﯓ ﰞ

(Fir‘aon) wí pé: “Mú un wá nígbà náà tí ìwọ bá wà nínú àwọn olódodo.”

ﯕﯖﯗﯘﯙﯚ ﰟ

Nítorí náà, ó ju ọ̀pá rẹ̀ sílẹ̀, ó sì di ejò pọ́nńbélé.

ﯜﯝﯞﯟﯠﯡ ﰠ

Ó tún fa ọwọ́ rẹ̀ yọ síta, ó sì di funfun fún àwọn olùwòran.

ﯣﯤﯥﯦﯧﯨﯩ ﰡ

(Fir‘aon) wí fún àwọn ìjòyè tí wọ́n wà ní àyíká rẹ̀ pé: “Dájúdájú èyí ni onímọ̀ nípa idán pípa.

ﯫﯬﯭﯮﯯﯰﯱﯲ ﰢ

Ó fẹ́ ko yín kúrò lórí ilẹ̀ yín ni. Kí ni ohun tí ẹ máa mú wá ní ìmọ̀ràn?”
____________________
Nínú sūrah Al-’a‘rọ̄f; 7:109- 110, gbólóhùn "Dájúdájú èyí ni onímọ̀ nípa idán pípa. Ó fẹ́ ko yín kúrò lórí ilẹ̀ yín ni.", ó jáde láti ẹnu àwọn ìjòyè Fir‘aon. Àmọ́ nínú sūrah yìí, sūrah aṣ-Ṣu‘arọ̄’; 26: 34-35, gbólóhùn yẹn jáde láti ẹnu Fir‘aon. Ìtúmọ̀ èyí ni pé, Fir‘aon sọ gbólóhùn náà, àwọn ìjòyè rẹ̀ náà gbè é lẹ́sẹ̀. Ọ̀rọ̀ náà sì di àgbàsọ láààrin wọn.

ﯴﯵﯶﯷﯸﯹﯺ ﰣ

Wọ́n wí pé: "Dá òun àti arákùnrin rẹ̀ dúró ná, kí o sì rán àwọn akónijọ sí àwọn ìlú

ﯼﯽﯾﯿ ﰤ

(pé) kí gbogbo onímọ̀ nípa idán pípa wá bá ọ."

ﰁﰂﰃﰄﰅ ﰥ

Wọ́n sì kó àwọn òpìdán jọ ní àsìkò tí wọ́n fi àdéhùn sí ní ọjọ́ tí (gbogbo ìlú) ti mọ̀.

ﰇﰈﰉﰊﰋ ﰦ

Wọ́n sì wí fún àwọn ènìyàn pé: "Ṣé ẹ̀yin máa kó jọ (síbẹ̀) bí?

ﭑﭒﭓﭔﭕﭖﭗ ﰧ

Nítorí kí á lè tẹ̀lé àwọn òpìdán tí ó bá jẹ́ pé àwọn ni olùborí."

ﭙﭚﭛﭜﭝﭞﭟﭠﭡﭢﭣﭤ ﰨ

Nígbà tí àwọn òpìdán dé, wọ́n wí fún Fir‘aon pé: “Ǹjẹ́ owó-ọ̀yà kan wà fún wa, tí ó bá jẹ́ pé àwa gan-an la jẹ́ olùborí?”

ﭦﭧﭨﭩﭪﭫ ﰩ

(Fir‘aon) wí pé: “Bẹ́ẹ̀ ni, dájúdájú nígbà náà ẹ máa wà nínú àwọn alásùn-únmọ́ (mi).”

ﭭﭮﭯﭰﭱﭲﭳ ﰪ

(Ànábì) Mūsā sọ fún wọn pé: “Ẹ ju ohun tí ẹ fẹ́ jù sílẹ̀.”

ﭵﭶﭷﭸﭹﭺﭻﭼﭽ ﰫ

Wọ́n sì ju àwọn okùn wọn àti ọ̀pá wọn sílẹ̀. Wọ́n wí pé: “Pẹ̀lú ògo Fir‘aon, dájúdájú àwa, àwa ni olùborí.”

ﭿﮀﮁﮂﮃﮄﮅﮆ ﰬ

Nígbà náà, (Ànábì) Mūsā ju ọ̀pá rẹ̀ sílẹ̀. Ó sì ń gbé ohun tí wọ́n pa nírọ́ kalẹ̀ mì kálókáló.

ﮈﮉﮊ ﰭ

Nítorí náà, iṣẹ́ ìyanu (Ànábì Mūsā) mú àwọn òpìdán wó lulẹ̀, tí wọ́n forí kanlẹ̀ (fún Allāhu).

ﮌﮍﮎﮏ ﰮ

Wọ́n sọ pé: "A gbàgbọ́ nínú Olúwa gbogbo ẹ̀dá,

ﮑﮒﮓ ﰯ

Olúwa (Ànábì) Mūsā àti Hārūn."

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﰰ

Fir‘aon wí pé: “Ẹ gbà Á gbọ́ ṣíwájú kí n̄g tó yọ̀ǹda fun yín! Dájúdájú òun ni àgbà yín tí ó kọ yín ní idán pípa. Láìpẹ́ ẹ̀ ń bọ̀ wá mọ̀. Dájúdájú mo máa gé ọwọ́ yín àti ẹsẹ̀ yín ní ìpasípayọ. Lẹ́yìn náà, dájúdájú mo máa kan gbogbo yín mọ́gi.”

ﮭﮮﮯﮰﮱﯓﯔﯕ ﰱ

(Àwọn òpìdán) sọ pé: “Kò sí ìnira fún wa! Dájúdájú àwa yó sì fàbọ̀ sí ọ̀dọ̀ Olúwa wa.

ﯗﯘﯙﯚﯛﯜﯝﯞﯟﯠﯡ ﰲ

Dájúdájú àwa n retí pé Olúwa wa yóò ṣe àforíjìn àwọn àṣìṣe wa fún wa nítorí pé àwa jẹ́ ẹni àkọ́kọ́ (tí ó jẹ́) onígbàgbọ́ òdodo.”
____________________
Ìyẹn ni pé, wọ́n jẹ́ ẹni àkọ́kọ́ t’ó gba Allāhu gbọ́ nínú ìjọ Fir‘aon. Kì í ṣe pé wọ́n jẹ́ ẹni àkọ́kọ t’ó gba Allāhu gbọ́ nínú àwọn ènìyàn. Ṣebí ìjọ-ìjọ onígbàgbọ́ òdodo ti ré kọjá ṣíwájú wọn.

ﯣﯤﯥﯦﯧﯨﯩﯪﯫ ﰳ

A fi ìmísí ránṣẹ́ sí (Ànábì) Mūsā pé: “Mú àwọn ẹrúsìn Mi rìn ní òru (nítorí pé) dájúdájú wọn yóò lépa yín.”

ﯭﯮﯯﯰﯱ ﰴ

Fir‘aon sì rán àwọn akónijọ sínú àwọn ìlú (láti sọ pé):

ﯳﯴﯵﯶ ﰵ

"Dájúdájú àwọn (ọmọ ’Isrọ̄’īl) wọ̀nyí, ìjọ péréte díẹ̀ ni wọ́n.

ﯸﯹﯺ ﰶ

Àti pé dájúdájú wọ́n ti ṣe ohun t’ó ń bí wa nínú.

ﯼﯽﯾ ﰷ

Dájúdájú gbogbo wa ni kí á sì wà tìfura-tìfura."

ﰀﰁﰂﰃ ﰸ

Nítorí náà, A mú (ìjọ Fir‘aon) jáde kúrò nínú àwọn ọgbà oko àti ìṣẹ́lẹ̀rú omi,

ﰅﰆﰇ ﰹ

àti àwọn àpótí-ọrọ̀ àti ibùjókòó àpọ́nlé.

ﰉﰊﰋﰌﰍ ﰺ

Báyẹn (lọ̀rọ̀ rí). A sì jogún rẹ̀ fún àwọn ọmọ ’Isrọ̄’īl.

ﰏﰐ ﰻ

Wọ́n sì lépa wọn ní àsìkò tí òòrùn yọ.

ﭑﭒﭓﭔﭕﭖﭗﭘ ﰼ

Nígbà tí ìjọ méjèèjì ríra wọn, àwọn ìjọ (Ànábì) Mūsā sọ pé: “Dájúdájú wọn yóò lé wa bá.”

ﭚﭛﭜﭝﭞﭟﭠ ﰽ

(Ànábì) Mūsā sọ pé: “Rárá, dájúdájú Olúwa mi ń bẹ pẹ̀lú mi. Ó sì máa fi ọ̀nà mọ̀ mí.”

ﭢﭣﭤﭥﭦﭧﭨﭩﭪﭫﭬﭭﭮﭯ ﰾ

A sì fi ìmísí ránṣẹ́ sí (Ànábì) Mūsā pé: “Fi ọ̀pá rẹ na agbami òkun.” (Ó fi nà á). Ó sì pín (sí ọ̀nà méjìlá). Ìpín kọ̀ọ̀kan sì dà bí àpáta ńlá.

ﭱﭲﭳ ﰿ

A sì mú ìjọ kejì (ìyẹn, ìjọ Fir‘aon) súnmọ́ ibẹ̀ yẹn.

ﭵﭶﭷﭸﭹ ﱀ

A gba (Ànábì) Mūsā àti gbogbo àwọn t’ó ń bẹ pẹ̀lú rẹ̀ là pátápátá.

ﭻﭼﭽ ﱁ

Lẹ́yìn náà, A tẹ ìjọ kejì rì (sínú agbami).

ﭿﮀﮁﮂﮃﮄﮅﮆﮇ ﱂ

Dájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn kò jẹ́ onígbàgbọ́ òdodo.

ﮉﮊﮋﮌﮍ ﱃ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﮏﮐﮑﮒ ﱄ

Ka ìròyìn (Ànábì) ’Ibrọ̄hīm fún wọn.

ﮔﮕﮖﮗﮘﮙ ﱅ

Nígbà tí ó sọ fún bàbá rẹ̀ àti àwọn ènìyàn rẹ̀ pé: “Kí ni n̄ǹkan tí ẹ̀ ń jọ́sìn fún ná?”

ﮛﮜﮝﮞﮟﮠ ﱆ

Wọ́n wí pé: “À ń jọ́sìn fún àwọn ère kan ni. A ò sì níí yé takú tì wọ́n lọ́rùn.”

ﮢﮣﮤﮥﮦ ﱇ

(Ànábì ’Ibrọ̄hīm) sọ pé: “Ǹjẹ́ wọ́n ń gbọ́ ọ̀rọ̀ yín nígbà tí ẹ bá ń pè wọ́n?

ﮨﮩﮪﮫ ﱈ

Tàbí (ṣé) wọ́n lè ṣe yín ní oore tàbí wọ́n lè fi ìnira kàn yín?”

ﮭﮮﮯﮰﮱﯓ ﱉ

Wọ́n wí pé: “Rárá o! A bá àwọn bàbá wa, tí wọ́n ń ṣe bẹ́ẹ̀ ni”

ﯕﯖﯗﯘﯙ ﱊ

(Ànábì ’Ibrọ̄hīm) sọ pé: " Ẹ sọ fún mi, kí ni n̄ǹkan tí ẹ̀ ń jọ́sìn fún,

ﯛﯜﯝ ﱋ

ẹ̀yin àti àwọn bàbá yín ìṣaájú?

ﯟﯠﯡﯢﯣﯤ ﱌ

Dájúdájú àwọn ni ọ̀tá fún mi àyàfi Olúwa gbogbo ẹ̀dá.

ﯦﯧﯨﯩ ﱍ

(Òun ni) Ẹni tí Ó ṣẹ̀dá mi. Nítorí náà, Ó máa fi ọ̀nà mọ̀ mí;

ﯫﯬﯭﯮ ﱎ

Ẹni t’Ó ń fún mi ní jíjẹ, t’Ó ń fún mi ní mímu;

ﯰﯱﯲﯳ ﱏ

Àti pé nígbà tí ara mi kò bá yá, Òun l’Ó ń wò mí sàn;

ﯵﯶﯷﯸ ﱐ

Ẹni tí Ó máa pa mí, lẹ́yìn náà, Ó máa sọ mí di alààyè;

ﯺﯻﯼﯽﯾﯿﰀﰁ ﱑ

Ẹni tí mo ní ìrètí sí pé Ó máa forí àwọn àṣìṣe mi jìn mí ní Ọjọ́ Ẹ̀san.

ﰃﰄﰅﰆﰇﰈ ﱒ

Olúwa mi, ta mí ní ọrẹ ipò Ànábì. Dà mí pọ̀ mọ́ àwọn ẹni rere.

ﭑﭒﭓﭔﭕﭖ ﱓ

Jẹ́ kí àwọn t’ó ń bọ̀ lẹ́yìn (mi) máa sọ̀rọ̀ mi pẹ̀lú dáadáa.

ﭘﭙﭚﭛﭜ ﱔ

Ṣe mí ní ọ̀kan nínú àwọn olùjogún Ọgbà Ìdẹ̀ra.

ﭞﭟﭠﭡﭢﭣ ﱕ

Kí O sì foríjin bàbá mi. Dájúdájú ó jẹ́ ọ̀kan nínú àwọn olùṣìnà.

ﭥﭦﭧﭨ ﱖ

Má ṣe dójú tì mí ní ọjọ́ tí wọn yóò gbé ẹ̀dá dìde.

ﭪﭫﭬﭭﭮﭯ ﱗ

Ọjọ́ tí dúkìá kan tàbí àwọn ọmọ kò níí ṣàǹfààní.

ﭱﭲﭳﭴﭵﭶ ﱘ

Àyàfi ẹni tí ó bá dé ọ̀dọ̀ Allāhu pẹ̀lú ọkàn mímọ́."
____________________
Ọkàn mímọ́ ni ọkàn tí ó là kúrò nínú ẹbọ ṣíṣe, àìgbàgbọ́ àti ìṣọ̀bẹ-ṣèlu nínú ẹ̀sìn.

ﭸﭹﭺ ﱙ

A máa mú Ọgbà Ìdẹ̀ra súnmọ́ àwọn olùbẹ̀rù (Allāhu).

ﭼﭽﭾ ﱚ

Wọ́n sì máa fi iná Jẹhīm han àwọn olùṣìnà,

ﮀﮁﮂﮃﮄﮅ ﱛ

wọn yó sì sọ fún wọn pé: “Níbo ni n̄ǹkan tí ẹ̀ ń jọ́sìn fún wà?”

ﮇﮈﮉﮊﮋﮌﮍ ﱜ

(N̄ǹkan tí ẹ̀ ń jọ́sìn fún) lẹ́yìn Allāhu, ṣé wọ́n lè ràn yín lọ́wọ́ tàbí ṣé wọ́n lè ran ara wọn lọ́wọ́?

ﮏﮐﮑﮒ ﱝ

Wọ́n sì máa taari gbogbo wọn sínú Iná; àwọn àti èṣù wọn,

ﮔﮕﮖ ﱞ

àti àwọn ọmọ ogun ’Iblīs pátápátá.

ﮘﮙﮚﮛ ﱟ

(Àwọn aláìgbàgbọ́), nígbà tí wọ́n bá ń bá ara wọn jiyàn nínú Iná, wọ́n á wí pé:

ﮝﮞﮟﮠﮡﮢ ﱠ

"A fi Allāhu búra, dájúdájú àwa kúkú ti wà nínú ìṣìnà pọ́nńbélé

ﮤﮥﮦﮧ ﱡ

nígbà tí a fi yín ṣe akẹgbẹ́ fún Olúwa gbogbo ẹ̀dá.

ﮩﮪﮫﮬ ﱢ

Kò sí ohun tí ó ṣì wá lọ́nà bí kò ṣe àwọn (èṣù) ẹlẹ́ṣẹ̀.

ﮮﮯﮰﮱ ﱣ

Kò sì sí àwọn olùṣìpẹ̀ kan fún wa.

ﯔﯕﯖ ﱤ

Kò tún sí ọ̀rẹ́ ìmùlẹ̀ kan (fún wa.)

ﯘﯙﯚﯛﯜﯝﯞ ﱥ

Tí ó bá jẹ́ pé ìpadà sí ilé ayé wà fún wa ni, nígbà náà àwa ìbá wà nínú àwọn onígbàgbọ́ òdodo."

ﯠﯡﯢﯣﯤﯥﯦﯧﯨ ﱦ

Dájúdájú àmì wà nínú ìyẹn. Síbẹ̀síbẹ̀ ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

ﯪﯫﯬﯭﯮ ﱧ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﯰﯱﯲﯳ ﱨ

Ìjọ (Ànábì) Nūh pe àwọn Òjíṣẹ́ ní òpùrọ́.

ﯵﯶﯷﯸﯹﯺﯻ ﱩ

Nígbà tí arákùnrin wọn, (Ànábì) Nūh, sọ pé: “Ṣé ẹ ò níí bẹ̀rù (Allāhu) ni?

ﯽﯾﯿﰀ ﱪ

Dájúdájú èmi ni Òjíṣẹ́ olùfọkàntán fun yín.

ﰂﰃﰄ ﱫ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﰆﰇﰈﰉﰊﰋﰌﰍﰎﰏﰐﰑ ﱬ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

ﰓﰔﰕ ﱭ

Nítorí náà, ẹ bẹ̀rù Allāhu, kí ẹ sì tẹ̀lé mi.”

ﰗﰘﰙﰚﰛﰜ ﱮ

Wọ́n wí pé: “Ṣé kí á gbà ọ́ gbọ́ nígbà tí ó jẹ́ pé àwọn ènìyàn yẹpẹrẹ l’ó ń tẹ̀lé ọ!?”

ﭑﭒﭓﭔﭕﭖ ﱯ

Ó sọ pé: “Èmi kò nímọ̀ sí ohun tí wọ́n ń ṣe (lẹ́yìn mi).

ﭘﭙﭚﭛﭜﭝﭞﭟ ﱰ

Kò sí ìṣírò-iṣẹ́ wọn lọ́dọ̀ ẹnì kan bí kò ṣe lọ́dọ̀ Olúwa mi, tí ó bá jẹ́ pé ẹ bá fura.

ﭡﭢﭣﭤ ﱱ

Èmi kò sì níí lé àwọn onígbàgbọ́ òdodo dànù.

ﭦﭧﭨﭩﭪ ﱲ

Èmi kò sì jẹ́ kiní kan bí kò ṣe olùkìlọ̀ pọ́nńbélé.”

ﭬﭭﭮﭯﭰﭱﭲﭳ ﱳ

Wọ́n wí pé: “Dájúdájú tí ìwọ Nūh kò bá jáwọ́ (nibí ìpèpè rẹ) dájúdájú o máa wà nínú àwọn tí a máa jù lókò.”

ﭵﭶﭷﭸﭹ ﱴ

Ó sọ pé: “Olúwa mi, dájúdájú àwọn ènìyàn mi ti pè mí ní òpùrọ́.

ﭻﭼﭽﭾﭿﮀﮁﮂﮃ ﱵ

Nítorí náà, ṣèdájọ́ tààrà láààrin èmi àti àwọn. Kí o sì la èmi àti àwọn t’ó wà pẹ̀lú mi nínú àwọn onígbàgbọ́ òdodo.”

ﮅﮆﮇﮈﮉﮊ ﱶ

A la òun àti àwọn t’ó wà pẹ̀lú rẹ̀ nínú ọkọ̀ ojú-omi t’ó kún kẹ́kẹ́.

ﮌﮍﮎﮏ ﱷ

Lẹ́yìn náà, A tẹ àwọn t’ó ṣẹ́kù rì sínú omi.

ﮑﮒﮓﮔﮕﮖﮗﮘﮙ ﱸ

Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

ﮛﮜﮝﮞﮟ ﱹ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﮡﮢﮣ ﱺ

Àwọn ìran ‘Ād pe àwọn Òjíṣẹ́ ní òpùrọ́.

ﮥﮦﮧﮨﮩﮪﮫ ﱻ

Nígbà tí arákùnrin wọn, (Ànábì) Hūd, sọ pé: “Ṣé ẹ ò níí bẹ̀rù (Allāhu) ni?

ﮭﮮﮯﮰ ﱼ

Dájúdájú èmi ni Òjíṣẹ́ olùfọkàntán fun yín.

ﯓﯔﯕ ﱽ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﯗﯘﯙﯚﯛﯜﯝﯞﯟﯠﯡﯢ ﱾ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

ﯤﯥﯦﯧﯨ ﱿ

Ṣé ẹ óò máa kọ́ ilé ńlá ńlá sí àwọn àyè gíga (kí ẹ lè) máa fi àwọn olùrékọjá ṣẹ̀fẹ̀?

ﯪﯫﯬﯭ ﲀ

Ẹ sì ń kọ́ àwọn ilé ńlá ńlá bí ẹni pé ẹ máa ṣe gbére (nílé ayé yìí).

ﯯﯰﯱﯲ ﲁ

Nígbà tí ẹ bá sì gbá (ènìyàn mú láti fìyà jẹ wọ́n), ẹ̀ ń gbá wọn mú ní ìgbámú aláìlójú-àánú.

ﯴﯵﯶ ﲂ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﯸﯹﯺﯻﯼ ﲃ

Ẹ bẹ̀rù Ẹni tí Ó ràn yín lọ́wọ́ pẹ̀lú ohun tí ẹ mọ̀;

ﯾﯿﰀ ﲄ

Ó ràn yín lọ́wọ́ pẹ̀lú àwọn ẹran-ọ̀sìn àti àwọn ọmọ,

ﰂﰃ ﲅ

àti àwọn ọgbà oko pẹ̀lú àwọn ìṣẹ́lẹ̀rú omi.

ﰅﰆﰇﰈﰉﰊ ﲆ

Dájúdájú èmi ń páyà ìyà ọjọ́ ńlá fun yín.”

ﰌﰍﰎﰏﰐﰑﰒﰓﰔ ﲇ

Wọ́n wí pé: “Bákan náà ni fún wa; yálà o kìlọ̀ fún wa tàbí o ò sí nínú àwọn olùkìlọ̀.

ﭑﭒﭓﭔﭕ ﲈ

Èyí kò jẹ́ kiní kan bí kò ṣe ìwà àwọn ẹni àkọ́kọ́.

ﭗﭘﭙ ﲉ

Wọn kò sì níí jẹ wá níyà.”

ﭛﭜﭝﭞﭟﭠﭡﭢﭣﭤﭥﭦ ﲊ

Nítorí náà, wọ́n pè é ní òpùrọ́. A sì pa wọ́n run. Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

ﭨﭩﭪﭫﭬ ﲋ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﭮﭯﭰ ﲌ

Àwọn ìran Thamūd pe àwọn Òjíṣẹ́ ní òpùrọ́.

ﭲﭳﭴﭵﭶﭷﭸ ﲍ

Nígbà tí arákùnrin wọn, (Ànábì) Sọ̄lih, sọ pé: “Ṣé ẹ ò níí bẹ̀rù (Allāhu) ni?

ﭺﭻﭼﭽ ﲎ

Dájúdájú emi ni Òjíṣẹ́ olùfọkàntán fun yín.

ﭿﮀﮁ ﲏ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﮃﮄﮅﮆﮇﮈﮉﮊﮋﮌﮍﮎ ﲐ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

ﮐﮑﮒﮓﮔ ﲑ

Ṣé kí wọ́n fi yín sílẹ̀ síbi n̄ǹkan tí ó wà (nílé ayé) níbí yìí (nínú ìgbádùn ayé, kí ẹ jẹ́) olùfọkànbalẹ̀

ﮖﮗﮘ ﲒ

nínú àwọn ọgbà oko àti ìṣẹ́lẹ̀rú omi.

ﮚﮛﮜﮝ ﲓ

àti oko irúgbìn pẹ̀lú igi dàbínù tí ọ̀gọ́mọ̀ rẹ̀ tutù?

ﮟﮠﮡﮢﮣ ﲔ

Ẹ sì ń gbẹ́ àwọn ilé sínú àwọn àpáta (gẹ́gẹ́ bí) akọ́ṣẹ́-mọṣẹ́!

ﮥﮦﮧ ﲕ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﮩﮪﮫﮬ ﲖ

Kí ẹ sì má ṣe tẹ̀lé àṣẹ àwọn aláṣejù,

ﮮﮯﮰﮱﯓﯔ ﲗ

àwọn t’ó ń ṣèbàjẹ́ lórí ilẹ̀, tí wọn kò sì ṣe rere.”

ﯖﯗﯘﯙﯚ ﲘ

Wọ́n wí pé: “Ìwọ kúkú wà nínú àwọn eléèdì.

ﯜﯝﯞﯟﯠﯡﯢﯣﯤﯥﯦ ﲙ

Ìwọ kò sì jẹ́ kiní kan bí kò ṣe abara bí irú wa. Nítorí náà, mú àmì kan wá tí o bá wà nínú àwọn olódodo.”

ﯨﯩﯪﯫﯬﯭﯮﯯﯰ ﲚ

Ó sọ pé: “Èyí ni abo ràkúnmí kan. Omi wà fún òhun, omi sì wà fún ẹ̀yin náà ní ọjọ́ tí a ti mọ̀.

ﯲﯳﯴﯵﯶﯷﯸ ﲛ

Ẹ má ṣe fi aburú kan kàn án nítorí kí ìyà ọjọ́ ńlá má baà jẹ yín.”

ﯺﯻﯼ ﲜ

Wọ́n sì gún un pa. Nítorí náà, wọ́n sì di alábàámọ̀.

ﯾﯿﰀﰁﰂﰃﰄﰅﰆﰇﰈﰉ ﲝ

Ìyà náà jẹ wọ́n. Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

ﰋﰌﰍﰎﰏ ﲞ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﭑﭒﭓﭔ ﲟ

Ìjọ Lūt pe àwọn Òjíṣẹ́ ní òpùrọ́.

ﭖﭗﭘﭙﭚﭛﭜ ﲠ

Nígbà tí arákùnrin wọn, (Ànábì) Lūt, sọ pé: “Ṣé ẹ ò níí bẹ̀rù (Allāhu) ni?

ﭞﭟﭠﭡ ﲡ

Dájúdájú èmi ni Òjíṣẹ́ olùfọkàntán fun yín.

ﭣﭤﭥ ﲢ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﭧﭨﭩﭪﭫﭬﭭﭮﭯﭰﭱﭲ ﲣ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

ﭴﭵﭶﭷ ﲤ

Ṣé àwọn ọkùnrin nínú ẹ̀dá ni ẹ̀yin ọkùnrin yóò lọ máa bá (fún adùn ìbálòpọ̀)?

ﭹﭺﭻﭼﭽﭾﭿﮀﮁﮂﮃﮄ ﲥ

Ẹ sì ń pa ohun tí Olúwa yín dá fun yín tì nínú àwọn ìyàwó yín! Àní sẹ́, ìjọ alákọyọ ni ẹ̀yin.”

ﮆﮇﮈﮉﮊﮋﮌﮍ ﲦ

Wọ́n wí pé: “Tí ìwọ Lūt kò bá jáwọ́ (nibí ìpèpè rẹ) dájúdájú o máa wà nínú àwọn tí a máa lé jáde kúrò nínú ìlú.”

ﮏﮐﮑﮒﮓ ﲧ

Ó sọ pé: "Dájúdájú èmi wà nínú àwọn olùbínú sí iṣẹ́ (aburú) ọwọ́ yín.

ﮕﮖﮗﮘﮙ ﲨ

Olúwa mi, la èmi àti àwọn ènìyàn mi níbí ohun tí wọ́n ń ṣe níṣẹ́ (aburú)."

ﮛﮜﮝ ﲩ

Nítorí náà, A la òun àti àwọn ènìyàn rẹ̀ pátápátá.

ﮟﮠﮡﮢ ﲪ

Àfi arúgbóbìnrin kan tí ó wà nínú àwọn t’ó ṣẹ́ kù lẹ́yìn (láààrin àwọn tí A parẹ́).
____________________
Arúgbóbìnrin yẹn ni ìyàwó Ànábì Lūt ('alaehi-ssọlātu wa-ssalām) nítorí pé, nínú sūrah Hūd; 11:81, Allāhu (subhānahu wa ta'ālā) lo “àyàfi ìyàwó rẹ”.

ﮤﮥﮦ ﲫ

Lẹ́yìn náà, A pa àwọn yòókù run.

ﮨﮩﮪﮫﮬﮭﮮ ﲬ

A rọ òjò lé wọn lórí tààrà. Òjò àwọn tí A kìlọ̀ fún sì burú.

ﮰﮱﯓﯔﯕﯖﯗﯘﯙ ﲭ

Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

ﯛﯜﯝﯞﯟ ﲮ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﯡﯢﯣﯤ ﲯ

Àwọn ará ’Aekah pe àwọn Òjíṣẹ́ ní òpùrọ́.

ﯦﯧﯨﯩﯪﯫ ﲰ

Nígbà tí arákùnrin wọn, (Ànábì) Ṣu‘aeb, sọ pé: “Ṣé ẹ̀yin kò níí bẹ̀rù (Allāhu) ni?

ﯭﯮﯯﯰ ﲱ

Dájúdájú èmi ni Òjíṣẹ́ olùfọkàntán fun yín.

ﯲﯳﯴ ﲲ

Nítorí náà, ẹ bẹ̀rù Allāhu, kí ẹ sì tẹ̀lé mi.

ﯶﯷﯸﯹﯺﯻﯼﯽﯾﯿﰀﰁ ﲳ

Èmi kò sì bèèrè owó-ọ̀yà kan ní ọwọ́ yín lórí rẹ̀. Kò sí ẹ̀san mi lọ́dọ̀ ẹnì kan àfi lọ́dọ̀ Olúwa gbogbo ẹ̀dá.

ﰃﰄﰅﰆﰇﰈﰉ ﲴ

Ẹ wọn òṣùwọ̀n kún. Kí ẹ sì má ṣe wà nínú àwọn olùdóṣùwọ̀nkù.

ﰋﰌﰍ ﲵ

Ẹ fi ìwọ̀n t’ó tọ́ wọn n̄ǹkan.

ﰏﰐﰑﰒﰓﰔﰕﰖﰗ ﲶ

Ẹ má ṣe dín n̄ǹkan àwọn ènìyàn kù. Kí ẹ sì má ṣe hùwà aburú lórí ilẹ̀ ní ti òbìlẹ̀jẹ́.

ﭑﭒﭓﭔﭕ ﲷ

Kí ẹ sì bẹ̀rù Ẹni tí Ó dá yín àti àwọn ìran àkọ́kọ́.”

ﭗﭘﭙﭚﭛ ﲸ

Wọ́n wí pé: “Ìwọ kúkú wà nínú àwọn eléèdì.

ﭝﭞﭟﭠﭡﭢﭣﭤﭥ ﲹ

Ìwọ kò sì jẹ́ kiní kan bí kò ṣe abara bí irú wa. Àti pé a ò rò ọ́ sí kiní kan bí kò ṣe pé ó wà nínú àwọn òpùrọ́.

ﭧﭨﭩﭪﭫﭬﭭﭮﭯ ﲺ

Nítorí náà, jẹ́ kí apá kan nínú sánmọ̀ ya lù wá mọ́lẹ̀, tí o bá wà nínú àwọn olódodo.”

ﭱﭲﭳﭴﭵ ﲻ

Ó sọ pé: “Olúwa mi nímọ̀ jùlọ nípa ohun tí ẹ̀ ń ṣe níṣẹ́.

ﭷﭸﭹﭺﭻﭼﭽﭾﭿﮀﮁ ﲼ

Wọ́n sì pè é ní òpùrọ́. Nítorí náà, ìyà ọjọ́ ẹ̀ṣújò sì jẹ wọ́n. Dájúdájú ó jẹ́ ìyà ọjọ́ ńlá.

ﮃﮄﮅﮆﮇﮈﮉﮊﮋ ﲽ

Dájúdájú àmì wà nínú ìyẹn. Ọ̀pọ̀lọ́pọ̀ wọn ni kò sì jẹ́ onígbàgbọ́ òdodo.

ﮍﮎﮏﮐﮑ ﲾ

Dájúdájú Olúwa rẹ, Òun mà ni Alágbára, Àṣàkẹ́-ọ̀run.

ﮓﮔﮕﮖ ﲿ

Dájúdájú al-Ƙur’ān, wọ́n sọ̀ ọ́ kalẹ̀ ni láti ọ̀dọ̀ Olúwa gbogbo ẹ̀dá.

ﮘﮙﮚﮛ ﳀ

Mọlāika Jibrīl, olùfọkàntán l’ó sọ̀ ọ́ kalẹ̀

ﮝﮞﮟﮠﮡ ﳁ

sínú ọkàn rẹ nítorí kí o lè wà nínú àwọn olùkìlọ̀

ﮣﮤﮥ ﳂ

pẹ̀lú èdè Lárúbáwá pọ́nńbélé.

ﮧﮨﮩﮪ ﳃ

Dájúdájú (ọ̀rọ̀ nípa rẹ̀) ti wà nínú ìpín-ìpín Tírà àwọn ẹni àkọ́kọ́.

ﮬﮭﮮﮯﮰﮱﯓﯔﯕ ﳄ

Ṣé kò jẹ́ àmì kan fún wọn pé àwọn onímọ̀ (nínú) àwọn ọmọ ’Isrọ̄’īl nímọ̀ (sí àsọọ́lẹ̀ nípa) rẹ̀ (nínú tírà ọwọ́ wọn)?

ﯗﯘﯙﯚﯛ ﳅ

Tí ó bá jẹ́ pé A sọ̀ ọ́ kalẹ̀ fún apá kan àwọn elédè mìíràn ni,

ﯝﯞﯟﯠﯡﯢ ﳆ

199. tí ó sì ké e fún wọn, wọn kò níí gbà á gbọ́ ní òdodo.

ﯤﯥﯦﯧﯨ ﳇ

Báyẹn ni A ṣe mú (àtakò) wọ inú ọkàn àwọn ẹlẹ́ṣẹ̀.

ﯪﯫﯬﯭﯮﯯﯰ ﳈ

Wọn kò níí gbà á gbọ́ ní òdodo títí wọn yóò fi rí ìyà ẹlẹ́ta-eléro.

ﯲﯳﯴﯵﯶ ﳉ

(Ìyà náà) yóò dé bá wọn ní òjijì; wọn kò sì níí fura.

ﯸﯹﯺﯻ ﳊ

Nígbà náà ni wọn yóò wí pé: "Ǹjẹ́ wọ́n lè lọ́ wa lára bí?"

ﯽﯾ ﳋ

Ṣé ìyà Wa ni wọ́n ń wá pẹ̀lú ìkánjú?

ﰀﰁﰂﰃ ﳌ

Sọ fún Mi tí A bá fún wọn ní ìgbádùn ayé fún ọdún gbọọrọ!

ﰅﰆﰇﰈﰉ ﳍ

Lẹ́yìn náà, kí ohun tí À ń ṣe ní àdéhùn fún wọn dé bá wọn.

ﭑﭒﭓﭔﭕﭖ ﳎ

Ohun tí A ṣe ní ìgbádùn fún wọn kò sì níí rọ̀ wọ́n lọ́rọ̀.

ﭘﭙﭚﭛﭜﭝﭞ ﳏ

A ò sì pa ìlú kan run àfi kí wọ́n ti ní àwọn olùkìlọ̀.

ﭠﭡﭢﭣ ﳐ

Ìrántí (dé fún wọn sẹ́). Àti pé Àwa kì í ṣe alábòsí.

ﭥﭦﭧﭨ ﳑ

Kì í ṣe àwọn èṣù ni wọ́n sọ (al-Ƙur’ān) kalẹ̀.

ﭪﭫﭬﭭﭮ ﳒ

Kò yẹ fún wọn. Wọn kò sì lágbára rẹ̀.

ﭰﭱﭲﭳ ﳓ

Dájúdájú A ti mú wọn takété sí gbígbọ́ rẹ̀ (láti ojú sánmọ̀).

ﭵﭶﭷﭸﭹﭺﭻﭼﭽ ﳔ

Nítorí náà, má ṣe pe ọlọ́hun mìíràn mọ́ Allāhu, nítorí kí ìwọ má baà wà nínú àwọn tí A máa jẹ níyà.

ﭿﮀﮁ ﳕ

Kí o sì kìlọ̀ fún àwọn ẹbí rẹ, t’ó súnmọ́ jùlọ.

ﮃﮄﮅﮆﮇﮈ ﳖ

Kí o sì rẹ apá rẹ nílẹ̀ fún àwọn t’ó tẹ̀lé ọ nínú àwọn onígbàgbọ́ òdodo.

ﮊﮋﮌﮍﮎﮏﮐ ﳗ

Tí wọ́n bá sì yapa (àṣẹ) rẹ, sọ pé: “Dájúdájú èmi yọwọ́ yọsẹ̀ nínú ohun tí ẹ̀ ń ṣe (níṣẹ́ aburú).”

ﮒﮓﮔﮕ ﳘ

Kí o sì gbáralé Alágbára, Àṣàkẹ́-ọ̀run;

ﮗﮘﮙﮚ ﳙ

Ẹni t’Ó ń rí ọ nígbà tí ò ń dìde nàró (fún ìrun kíkí)

ﮜﮝﮞ ﳚ

àti ìyírapadà rẹ (fún rukuu àti ìforíkanlẹ̀) láààrin àwọn olùforíkanlẹ̀.

ﮠﮡﮢﮣ ﳛ

Dájúdájú Òun mà ni Olùgbọ́, Onímọ̀.

ﮥﮦﮧﮨﮩﮪ ﳜ

Ṣé kí n̄g sọ ẹni tí àwọn èṣù ń sọ̀kalẹ̀ wá bá?

ﮬﮭﮮﮯﮰ ﳝ

Wọ́n ń sọ̀kalẹ̀ wá bá gbogbo àwọn òpùrọ́, ẹlẹ́ṣẹ̀.

ﯓﯔﯕﯖ ﳞ

(Àwọn èṣù) ń dẹtí (sí ìró sánmọ̀). Ọ̀pọ̀lọ́pọ̀ wọn sì ni òpùrọ́.

ﯘﯙﯚ ﳟ

Àwọn eléwì, àwọn olùṣìnà l’ó ń tẹ̀lé wọn.

ﯜﯝﯞﯟﯠﯡﯢ ﳠ

Ṣé o ò rí i pé gbogbo ọ̀gbun ọ̀rọ̀ ni wọ́n ń tẹnu bọ̀ ni?

ﯤﯥﯦﯧﯨ ﳡ

Àti pé dájúdájú wọ́n ń sọ ohun tí wọn kò níí ṣe.

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﳢ

Àfi àwọn t’ó gbàgbọ́ ní òdodo, tí wọ́n ṣe iṣẹ́ rere, tí wọ́n rántí Allāhu ní ọ̀pọ̀lọ́pọ̀, tí wọ́n sì jàjà gbara lẹ́yìn tí wọ́n ti ṣàbòsí sí wọn. Àwọn t’ó ṣàbòsí sì máa mọ irú ìkángun tí wọ́n máa gúnlẹ̀ sí.