ﰃ
surah.translation
.
من تأليف:
فريق متخصص مكلف من مركز رواد الترجمة بالشراكة مع موقع دار الإسلام
.
ﰡ
ﭑﭒ
ﰀ
Савганд ба осмон ва савганд ба ситораи шабгард
Ва чи медонӣ, ки ситораи шабгард чист?
ﭙﭚ
ﰂ
[Ҳамон] Ситораи фурӯзон аст
Ҳеҷ кас нест магар он ки бар ӯ нигаҳбоне [аз фариштагон гумошта шуда] аст
Инсон бояд бингарад, ки аз чӣ чиз офарида шудааст
Аз як оби ҷаҳанда офарида шудааст
Ки аз миёни [устухони] пушт [-и мард] ва сина [-и зан] берун меояд
Бе гумон, Аллоҳ таоло бар бозгардондани ӯ [пас аз марг] тавоност
Рӯзе, ки розҳо ошкор гардад
[Дар он рӯз] Инсон ҳеҷ тавону ёваре надорад
Савганд ба осмони пурборон
Ва савганд ба замини пуршикоф [ки гиёҳон аз он сар бармеоваранд]
Бе гумон, ин Қуръон сухани ҷудокунандаи ҳақ аз ботил аст
Ва [сухани] ҳазлу беҳуда нест
Онон [кофирон] пайваста ҳила ва найранг мекунанд
ﮗﮘ
ﰏ
Ва ман [низ] ҳила [ва тадбир] мекунам
Пас, кофиронро муҳлат деҳ, [ва] андаке раҳояшон кун [то ғарқи гуноҳ бошанд]