إِلَيۡهِ مَرۡجِعُكُمۡ جَمِيعٗاۖ وَعۡدَ ٱللَّهِ حَقًّاۚ إِنَّهُۥ يَبۡدَؤُاْ ٱلۡخَلۡقَ ثُمَّ يُعِيدُهُۥ لِيَجۡزِيَ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ بِٱلۡقِسۡطِۚ وَٱلَّذِينَ كَفَرُواْ لَهُمۡ شَرَابٞ مِّنۡ حَمِيمٖ وَعَذَابٌ أَلِيمُۢ بِمَا كَانُواْ يَكۡفُرُونَ
Ron kano phakandod langon. Diyandi o Allah a bnar. Mataan! a Skaniyan i pphanagipoon ko kapphangadn, oriyan iyan na khasowin Iyan (madn), ka mbalasan Iyan so miyamaratiyaya, go pinggalbk iran so manga pipiya sa kaontol; na so siran a da pamaratiyaya na adn a bagian iran a inomn a phlikabo, go siksa a malipds, sabap ko da iran kaparatiyaya.
هُوَ ٱلَّذِي جَعَلَ ٱلشَّمۡسَ ضِيَآءٗ وَٱلۡقَمَرَ نُورٗا وَقَدَّرَهُۥ مَنَازِلَ لِتَعۡلَمُواْ عَدَدَ ٱلسِّنِينَ وَٱلۡحِسَابَۚ مَا خَلَقَ ٱللَّهُ ذَٰلِكَ إِلَّا بِٱلۡحَقِّۚ يُفَصِّلُ ٱلۡأٓيَٰتِ لِقَوۡمٖ يَعۡلَمُونَ
Skaniyan so mimbaal ko alongan a masindaw go so olan a maliwanag, na diniyangka Iyan oto ko manga darpa, ka an iyo katokawi so manga bilangan o manga ragon go so itongan. Da ko kiya adna saya o Allah inonta na sabap ko bnar. Gii Niyan zmpadn magosay so manga tanda ko pagtaw a khitotomangkd.
إِنَّ فِي ٱخۡتِلَٰفِ ٱلَّيۡلِ وَٱلنَّهَارِ وَمَا خَلَقَ ٱللَّهُ فِي ٱلسَّمَٰوَٰتِ وَٱلۡأَرۡضِ لَأٓيَٰتٖ لِّقَوۡمٖ يَتَّقُونَ
Mataan! a adn a matatago ko gii kapakazambi o gagawii ago so dawndaw, go so inadn o Allah ko manga langit ago so lopa, a titho a manga tanda ko pagtaw a khipanananggila.
نتائج البحث
