ﯳ

surah.translation .

ﰡ

ﮮﮯﮰﮱ ﰀ​


Piyangni o miyangni a so siksa na makatana,
ﯔﯕﯖﯗ ﰁ​

Ko miyamangongkir, da a phakarn on,
ﯙﯚﯛﯜ ﰂ​

Phoon ko Allah a Khirk ko pphangapapanikan.
ﯞﯟﯠﯡﯢﯣﯤﯥﯦﯧﯨ ﰃ​

Pphanik so manga malaikat go so Jibril sii Rkaniyan, sii ko alongan a miyabaloy so diyangka iyan a lima polo nggibo ragon.
ﯪﯫﯬ ﰄ​

Na phantang ka sa kaphantang, a maliwanag.
ﯮﯯﯰ ﰅ​

Mataan! a siran na aya kapkhaylaya iran on na mawatan,
ﯲﯳ ﰆ​

Na aya kapkhaylaya Mi ron na marani:
ﯵﯶﯷﯸ ﰇ​

Sii ko alongan a mbaloy so langit a lagid o tiyonag a pirak,
ﯺﯻﯼ ﰈ​

Go mbaloy so manga palaw a lagid o bombol a marorodot,
ﯾﯿﰀﰁ ﰉ​

Go di kayzaan o madazg so madazg iyan,
ﭑﭒﭓﭔﭕﭖﭗﭘﭙﭚ ﰊ​

A pkhaylay ran siran. Mapndingandingan o baradosa a: Oba niyan bo khirnding ko siksa sa alongan oto so manga wata iyan,
ﭜﭝ ﰋ​

Go so karoma niyan, go so pagari niyan,
ﭟﭠﭡ ﰌ​

Go so manga tonganay niyan a so mithitimo iyan,
ﭣﭤﭥﭦﭧﭨ ﰍ​

Go so matatago ko lopa langon, oriyan iyan na sabtn skaniyan (o Allah).
ﭪﭫﭬﭭ ﰎ​

Di dn oto; ka mataan aya! a kadg,
ﭯﭰ ﰏ​

A phlodas ko kobal ko olo!
ﭲﭳﭴﭵ ﰐ​

Pthawagn iyan so taw a tomiyalikhod go mimbarapaling,
ﭷﭸ ﰑ​

Go miyanimo na miyamotal (sa tamok)!
ﭺﭻﭼﭽﭾ ﰒ​

Mataan! a so manosiya na inadn a tithiyakhaan, mala i inam,
ﮀﮁﮂﮃ ﰓ​

Igira a miyasogat skaniyan o marata na dii khaminan;
ﮅﮆﮇﮈ ﰔ​

Na igira a miyasogat skaniyan o mapiya na simpnn iyan (ka di phammgay);
ﮊﮋ ﰕ​

Inonta so manga barasambayang,
ﮍﮎﮏﮐﮑ ﰖ​

A so siran na so sambayang iran na tatatapn iran,
ﮓﮔﮕﮖﮗ ﰗ​

Go siran na adn a matatago ko manga tamok iran a haq a mappnto (a so zakat),
ﮙﮚ ﰘ​

A rk o pphamangni, ago so di phamangni a karrgnan,
ﮜﮝﮞﮟ ﰙ​

Go siran na bbnarn iran so alongan a kapamalas,
ﮡﮢﮣﮤﮥﮦ ﰚ​

Go siran na siran na so siksa o Kadnan iran na ikaalk iran,
ﮨﮩﮪﮫﮬ ﰛ​

Mataan! a so siksa o Kadnan iran na da a somasarig sa kalpas iyan on,
ﮮﮯﮰﮱ ﰜ​

Go siran na siran na so manga ginawa iran na sisiyapn iran,
ﯔﯕﯖﯗﯘﯙﯚﯛﯜﯝ ﰝ​

Inonta sii ko manga karoma iran, odi na so miyakhapaar o manga tangan iran, - ka mataan! a siran na da a paawing iran on,
ﯟﯠﯡﯢﯣﯤﯥ ﰞ​

Na sa taw a mamagingar sa salakaw roo na siran man na siran i manga malawani;
ﯧﯨﯩﯪﯫ ﰟ​

Go siran na siran na so manga sarig kiran, ago so diyandi kiran na sisiyapn iran,
ﯭﯮﯯﯰ ﰠ​

Go siran na siran na so kazasaksian iran na ipamamayandg iran,
ﯲﯳﯴﯵﯶ ﰡ​

Go siran na siran na so sambayang iran na sisiyapn iran.
ﯸﯹﯺﯻ ﰢ​

Siran man i khatago ko manga sorga, a khisslaan siran.
ﯽﯾﯿﰀﰁ ﰣ​

Na antonaa so miyamangongkir a mapapantag ka a khilalangag.
ﰃﰄﰅﰆﰇ ﰤ​

Sii sa kawanan ago sa diwang a khokoliling siran?
ﰉﰊﰋﰌﰍﰎﰏﰐ ﰥ​

Ba maiinam o oman i isa kiran a kapakasolda on ko sorga a pakadarandang?
ﰒﰓﰔﰕﰖﰗ ﰦ​

Di dn oto! Mataan! a Skami na inadn Ami siran phoon ko nganin a katawan iran (a notfa)!
ﰙﰚﰛﰜﰝﰞﰟ ﰧ​

Na kna, ka pzapa ako sa ibt Ako Kadnan o manga sbangan, ago so manga sdpan, ka mataan! a Skami na titho a manga Gaos,
ﭑﭒﭓﭔﭕﭖﭗﭘ ﰨ​

Sa kasambi Ami sa mapiya a di siran; go da Rkami i ba Kami ran kaonai.
ﭚﭛﭜﭝﭞﭟﭠﭡ ﰩ​

Na botawaning ka siran ko kapphamrak iran, go mabibimban siran, taman sa mithmo iran so alongan iran a so ididiyandi kiran!
ﭣﭤﭥﭦﭧﭨﭩﭪﭫ ﰪ​

Alongan a mamakambowat siran phoon ko manga kobor sa manga gagaan, lagid o ba siran pphamagarabaya ko apasa,
ﭭﭮﭯﭰﭱﭲﭳﭴﭵﭶ ﰫ​

A khipakassnong so manga kaylay ran, a kakokoloban siran sa kahinaan. Giyoto man so alongan a so siran na ididiyandi kiran!