ﯻ

surah.translation .

ﰡ

ﭑﭒ ﰀ​


Antonaa so gi iran pamagizai yan?
ﭔﭕﭖ ﰁ​

A tothol a mala,
ﭘﭙﭚﭛ ﰂ​

A so siran na di siran on phagayonayon?
ﭝﭞ ﰃ​

Na gnki ran, ka khatokawan iran bo!
ﭠﭡﭢ ﰄ​

Oriyan iyan, na sabnar a katokawan iran bo!
ﭤﭥﭦﭧ ﰅ​

Ba Ami da baloya so lopa a miyadmpas?
ﭩﭪ ﰆ​

Go so manga palaw a manga pask?
ﭬﭭ ﰇ​

Go inadn Ami skano a nggaganapa,
ﭯﭰﭱ ﰈ​

Go biyaloy Ami so torog iyo a kadkha,
ﭳﭴﭵ ﰉ​

Go biyaloy Ami so gagawii a nditarn,
ﭷﭸﭹ ﰊ​

Go biyaloy Ami so dawndaw a ipphaningkawyagn;.
ﭻﭼﭽﭾ ﰋ​

Go pimbalayan Ami so kaporoan iyo sa pito a manga babagr (a manga langit),
ﮀﮁﮂ ﰌ​

Go miyadn Kami sa palitaan a masindaw (a alongan),
ﮄﮅﮆﮇﮈ ﰍ​

Go piyakatoron Ami a phoon ko manga gabon so ig a madakl,
ﮊﮋﮌﮍ ﰎ​

Ka an Ami mapakagmaw sa sabap rkaniyan so prpran ago mangngto,
ﮏﮐ ﰏ​

A go manga pamomolan a milapilapis.
ﮒﮓﮔﮕﮖ ﰐ​

Mataan! a so alongan a kokoman na miyabaloy a wakto a kapthatalabokan,
ﮘﮙﮚﮛﮜﮝ ﰑ​

Sii ko alongan a kaiyopa ko sanggakala, na makatalingoma kano a pizagorompong,
ﮟﮠﮡﮢ ﰒ​

Go kalkaan so langit na mabaloy a manga paytaw,
ﮤﮥﮦﮧ ﰓ​

Go mikayontong so manga palaw na mabaloy a lopapk.
ﮩﮪﮫﮬ ﰔ​

Mataan! a so naraka Jahannam na aya btad iyan na mibbkn a ayan,
ﮮﮯ ﰕ​

A khandodan o miyamangakowala,
ﮱﯓﯔ ﰖ​

Matatap siran on sa tanitiyasa;
ﯖﯗﯘﯙﯚﯛ ﰗ​

Daa khataam iran on a pakadnggaw, go da a khaynom on,
ﯝﯞﯟ ﰘ​

A rowar ko phlikabo a ig go dana,
ﯡﯢ ﰙ​

Balas a pindait (ko galbk iran a marata).
ﯤﯥﯦﯧﯨ ﰚ​

Mataan! a siran na aya btad iran na di iran ikhalk so itongan,
ﯪﯫﯬ ﰛ​

Go piyakambokhag iran so manga ayat Ami sa tanto a kapakambokhag.
ﯮﯯﯰﯱ ﰜ​

Na langowan taman na inisorat Ami skaniyan ko daptar;
ﯳﯴﯵﯶﯷ ﰝ​

"Na taami niyo, ka da dn a ipagoman Ami rkano a rowar ko siksa."
ﭑﭒﭓ ﰞ​

Mataan! a adn a bagian o miyamananggila a darpa a kapakadaya,
ﭕﭖ ﰟ​

A manga pamomolan, ago manga anggor,
ﭘﭙ ﰠ​

Go manga raga a mrzarza,
ﭛﭜ ﰡ​

Go tagoay sa inomn a tthbira.
ﭞﭟﭠﭡﭢﭣ ﰢ​

Daa khan´g iran on a ilang go da a kabokhag;
ﭥﭦﭧﭨﭩ ﰣ​

Balas a phoon ko Kadnan ka, a pammgayan a tarotop, -
ﭫﭬﭭﭮﭯﭰﭱﭲﭳﭴﭵ ﰤ​

Kadnan o manga langit, ago so lopa, ago so nganin a pagltan a dowa nan, a Masalinggagaw; da a phakagaga kiran on mbitiyarai.
ﭷﭸﭹﭺﭻﭼﭽﭾﭿﮀﮁﮂﮃﮄﮅ ﰥ​

Sii ko alongan a tomindg so Roh ago so manga malaikat a zasaasaap, da a makaptharo kiran, a rowar sa idinan (o Allah a) Masalinggagaw, ago ptharo sa ontol.
ﮇﮈﮉﮊﮋﮌﮍﮎﮏﮐ ﰦ​

Giyoto man so alongan a bnar; na sadn sa khabaya na mbaal sa darpa a khandodan sii ko Kadnan iyan.
ﮒﮓﮔﮕﮖﮗﮘﮙﮚﮛﮜﮝﮞﮟﮠ ﰧ​

Mataan! a Skami na piyakiiktiyaran Ami rkano so siksa a marani, sii ko alongan a kasandngan o taw so miyanggalbk o mbala a lima niyan, na matharo o miyongkir: "Hay oba ako bo mimbaloy a botha."