ﯴ

surah.translation .

ﰡ

ﭸﭹﭺﭻﭼﭽﭾﭿﮀﮁﮂﮃﮄﮅ ﰀ​


Həqiqətən, Biz Nuhu: “Qövmünə şiddətli bir əzab gəlməmişdən əvəl onları (Allahın əzabı ilə) qorxut!” – deyə öz tayfasına peyğəmbər göndərdik.
ﮇﮈﮉﮊﮋﮌ ﰁ​

O dedi: “Ey qövmüm! Həqiqətən, mən sizi (Allahın əzabı ilə) açıq-aşkar qorxudan bir peyğəmbərəm!
ﮎﮏﮐﮑﮒ ﰂ​

Allaha ibadət edin, Ondan qorxun və mənə də itaət edin!
ﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧ ﰃ​

(Əgər belə etsəniz) O sizin günahlarınızdan keçər, sizə müəyyən vaxtadək (əcəliniz çatana qədər) möhlət verər (cəzanızı dünyada verməyib axirətə saxlayar). Allahın (əzəldən lövhi-məhfuzda) müəyyən etdiyi əcəl (ölüm) gəlib çatdıqda isə, o əsla tə’xirə salınmaz. Kaş biləydiniz!”
ﮩﮪﮫﮬﮭﮮﮯ ﰄ​

O dedi: “Ey Rəbbim! Mən qövmümü gecə-gündüz (imana, haqq yola) də’vət etdim!
ﮱﯓﯔﯕﯖ ﰅ​

Lakin də’vətim onların (imandan) qaçmalarını daha da artırmaqdan başqa bir şeyə yaramadı.
ﯘﯙﯚﯛﯜﯝﯞﯟﯠﯡﯢﯣﯤﯥ ﰆ​

Sənin onları bağışlamağın üçün mən nə zaman onları (imana) də’vət etdimsə, onlar (də’vətimi eşitməsinlər deyə) barmaqlarını qularlarına tıxadılar, (məni görməsinlər deyə) libaslarına büründülər, (küfrlərində) israr edib durdular və təkəbbür göstərdilər.
ﯧﯨﯩﯪ ﰇ​

Sonra mən onları uca səslə (açıq-açığına haqqa) də’vət etdim.
ﯬﯭﯮﯯﯰﯱﯲ ﰈ​

Daha sonra onlara (iman gətirmək lazım olduğunu) aşkar söylədim və gizli bildirdim”.
ﯴﯵﯶﯷﯸﯹ ﰉ​

Və dedim: “(Tövbə edib) Rəbbinizdən bağışlanmağınızı diləyin. Çünki O, (tövbə edən bəndəsinin günahlarını) çox bağışlayandır!
ﭑﭒﭓﭔ ﰊ​

O sizə göydən bol yağış göndərər;
ﭖﭗﭘﭙﭚﭛﭜﭝﭞ ﰋ​

O sizə mal-dövlət, oğul-uşaq əta edər. O sizin üçün bağlar-bağçalar yaradır və çaylar axıdar!
ﭠﭡﭢﭣﭤﭥ ﰌ​

Sizə nə olub ki, Allahın əzəmətindən çəkinmirsiniz? (Sizə nə olub ki, Allahın əzəmət və qüdrətindən qorxmur, Onu layiqincə uca tutmursunuz? Yaxud iman gətirəcəyiniz təqdirdə Allahın axirətdə sizə mərhəmət əta edəcəyinə ümid bəsləmirsiniz?)
ﭧﭨﭩ ﰍ​

Halbuki O sizi cürbəcür (və ya müxtəlif mərhələlərlə - əvvəl nütfə, sonra laxtalanmış qan, sonra bir parça ət və, nəhayət, insan şəklində) xəlq etdi.
ﭫﭬﭭﭮﭯﭰﭱﭲ ﰎ​

Məgər görmürsünüz ki, Allah yeddi göyü (bir-birinin üstündə) qat-qat necə yaratdı?!
ﭴﭵﭶﭷﭸﭹﭺ ﰏ​

Orada ayı bir nur, günəşi də bir çıraq etdi.
ﭼﭽﭾﭿﮀ ﰐ​

Və Allah sizi (atanız Adəmi) yerdən (torpaqdan) bir bitki kimi göyərtdi.
ﮂﮃﮄﮅﮆ ﰑ​

Sonra sizi yenə ora qaytaracaq və (qiyamət günü dirildib oradan da) çıxardacaqdır.
ﮈﮉﮊﮋﮌ ﰒ​

Allah yeri sizin üçün xalı etdi (fərş kimi ayaqlarınızın altına döşədi) ki,
ﮎﮏﮐﮑ ﰓ​

Onun geniş yollarında gəzəsiniz!”
ﮓﮔﮕﮖﮗﮘﮙﮚﮛﮜﮝﮞﮟ ﰔ​

Nuh dedi: “Ey Rəbbim! Onlar mənə qarşı çıxdılar və mal-dövləti, oğul-uşağı özlərinə ziyandan başqa bir şey artırmayan kimsələrə (öz kafir başçılarına) tabe oldular.
ﮡﮢﮣ ﰕ​

(Onların kafir başçıları mənim əleyhimə) çox böyük bir hiylə qurdular.
ﮥﮦﮧﮨﮩﮪﮫﮬﮭﮮﮯﮰﮱ ﰖ​

Və (tabeçiliyində olanlara) dedilər: “Öz tanrılarınızı tərk etməyin, (xüsusilə) Bəddi, Suva’ı, Yəğusu, Yəuqu və Nəsri atmayın!”
ﯔﯕﯖﯗﯘﯙﯚﯛﯜ ﰗ​

Onlar çoxlarını yoldan çıxartdılar. Sən də (ey Rəbbim!) ancaq onların zəlalətini artır!”
ﯞﯟﯠﯡﯢﯣﯤﯥﯦﯧﯨﯩ ﰘ​

Onlar öz günahlarından dolayı suda boğdurulub Cəhənnəmə daxil edildilər və özlərinə onları Allahdan (Allahın əzabından) qurtaracaq köməkçilər də tapa bilmədilər!
ﯫﯬﯭﯮﯯﯰﯱﯲﯳﯴ ﰙ​

Nuh dedi: “Ey Rəbbim! Yer üzündə bir nəfər belə kafir qoyma!
ﯶﯷﯸﯹﯺﯻﯼﯽﯾﯿ ﰚ​

Çünki sən onları (sağ) buraxsan, onlar Sənin bəndələrini yoldan çıxardacaq, ancaq pozğun və kafir (oğul-uşaq) doğub-törədəcəklər.
ﰁﰂﰃﰄﰅﰆﰇﰈﰉﰊﰋﰌﰍﰎﰏﰐ ﰛ​

Ey Rəbbim! Məni, ata-anamı, mənim evimə (yaxud məscidimə) mö’min kimi daxil olan kimsəni və (qiyamət gününə qədər olacaq) bütün mö’min kişiləri və qadınları bağışla. Zalımların isə ancaq və ancaq həlakını (ölümünü) artır!”