ﯟ

surah.translation .

ﰡ

ﭑﭒﭓﭔ ﰀ​


Qaf. (So Allah i Matao ko paka-aantapan Iyan on). Ibt ko Qor´an a sslaan; (ka so Mohammad na sogo o Allah).
ﭖﭗﭘﭙﭚﭛﭜﭝﭞﭟﭠ ﰁ​

Kna, ka miyammsa siran sa kiyapakawma kiran o miyamakaiktiyar a pd kiran. Na pitharo o miyamangongkir a: "Giyaya na shay´ a piyakammsa!"
ﭢﭣﭤﭥﭦﭧﭨﭩ ﰂ​

"Ino amay ka matay tano go mbaloy tano a botha, (khawyag tano zaroman)? Giyoto na kapakandod a mawatan!"
ﭫﭬﭭﭮﭯﭰﭱﭲﭳﭴ ﰃ​

Sabnar a katawan Ami so pkhorangn kiran o lopa; go zisii Rkami so daptar a sisiyapn.
ﭶﭷﭸﭹﭺﭻﭼﭽﭾ ﰄ​

Kna, ka piyakambokhag iran so bnar ko kiyapakawma niyan kiran: Na siran na matatago ko btad a di thatana.
ﮀﮁﮂﮃﮄﮅﮆﮇﮈﮉﮊﮋ ﰅ​

Ba iran da pagilaylaya so langit ko kaporoan iran? O andamanaya i kiyambalaya Mi ron go so kiyapharasi Ami ron, a da a manga lbo niyan?
ﮍﮎﮏﮐﮑﮒﮓﮔﮕﮖﮗ ﰆ​

Go so lopa a kiyayat Ami skaniyan, go piyakabknan Ami oto sa manga palaw, go piyakatho Ami ron so pizoson a pakaranon,
ﮙﮚﮛﮜﮝ ﰇ​

In´ngka, ago pananadm o oman i oripn a pphangongonotan (ko Allah).
ﮟﮠﮡﮢﮣﮤﮥﮦﮧﮨ ﰈ​

Na piyakatoron Ami a phoon ko kawang so ig a madakl i gona, na piyakatho Ami sa sabap rkaniyan so manga pamomolan go so pr a mapphragon;
ﮪﮫﮬﮭﮮ ﰉ​

Go so manga korma a manga poporo, a adn a onga niyan a miyakanggontogontor,
ﮰﮱﯓﯔﯕﯖﯗﯘﯙﯚ ﰊ​

Pagpr ko manga oripn (o Allah;) go inioyag Ami oto ko ingd a maatay: Lagid man oto so kaphakagmaw (phoon ko manga kobor).
ﯜﯝﯞﯟﯠﯡﯢ ﰋ​

Tomiyaplis ko miyaonaan iran so pagtaw o Noh, go so khibabaling sa (ingd a) Rassi, go so pagtaw a Samod,
ﯤﯥﯦﯧ ﰌ​

Go so pagtaw a Ad, go so Pir´awn, go so manga pagari o Lot,
ﯩﯪﯫﯬﯭﯮﯯﯰﯱﯲ ﰍ​

Go so khibabaling sa Aykah, go so pagtaw o Tobba´: Oman i isa kiran na piyakambokhag iyan so manga rasol, na miyatangkd (kiran) so siksa Akn.
ﯴﯵﯶﯷﯸﯹﯺﯻﯼﯽﯾ ﰎ​

Ba Kami minikopay ko kiyapangadn a paganay? Kna, ka siran na matatago ko kazasangka ko kaphangadn a bago.
ﭑﭒﭓﭔﭕﭖﭗﭘﭙﭚﭛﭜﭝﭞﭟ ﰏ​

Na sabnsabnar a inadn Ami so manosiya, go katawan Ami so pkhigdi skaniyan o ginawa niyan: Go Skami i lbi a marani ron a di so ogat ko bakrng;
ﭡﭢﭣﭤﭥﭦﭧﭨ ﰐ​

Gowani a pphanorat so dowa a malaikat, sii sa kawanan go sa diwang khioontod;
ﭪﭫﭬﭭﭮﭯﭰﭱ ﰑ​

Daa maptharo iyan a katharo a ba da a zisii rkaniyan, a tomotonggo a makadadarpa.
ﭳﭴﭵﭶﭷﭸﭹﭺﭻﭼ ﰒ​

Na mitalingoma o Sakratol Mawt so bnar. "Giyoto man so ska na pphalagoyan ka skaniyan!"
ﭾﭿﮀﮁﮂﮃﮄ ﰓ​

Na iyopn so sanggakala:, giyoto man so alongan a diyandi.
ﮆﮇﮈﮉﮊﮋ ﰔ​

Na makawma so oman i isa a ginawa a: Adn a pd iyan a pndndg on go saksi.
ﮍﮎﮏﮐﮑﮒﮓﮔﮕﮖﮗﮘ ﰕ​

(Tharoon on a:) "Sabnsabnar a miyatago ka ko kalilipati sangkai, na piyokas Ami rka so mirrnding rka, na so kaylaing ka sa alongan nai na malambt!"
ﮚﮛﮜﮝﮞﮟ ﰖ​

Na tharoon o (malaikat a) pd iyan a: "Giyaya so kadadarpaang ko."
ﮡﮢﮣﮤﮥﮦ ﰗ​

(Tharoon o Allah:) "Phozanga niyo a dowa ko naraka Jahannam so oman i miyongkir, a somiyangka,"
ﮨﮩﮪﮫ ﰘ​

"Phagrn ko mapiya, a mmamalawani, a pkhadowadowaan,"
ﮭﮮﮯﮰﮱﯓﯔﯕﯖﯗ ﰙ​

"A so miyangmbaal sa rimbang o Allah a katohanan a salakaw: Na pozanga niyo skaniyan ko siksa a sangat."
ﯙﯚﯛﯜﯝﯞﯟﯠﯡﯢﯣ ﰚ​

Tharoon o (shaytan a) pd iyan: "Kadnan ami, da akn dadaga skaniyan, na ogaid na miyatago ko kadadag a mawatan."
ﯥﯦﯧﯨﯩﯪﯫﯬ ﰛ​

Tharoon (o Allah) a: "Di kano gii phapawala ko hadapan Ko: Ka sabnar a miniona ko rkano so kapakaiktiyar."
ﯮﯯﯰﯱﯲﯳﯴﯵ ﰜ​

"Di khasambian so katharo ko hadapan Ko, go di Akn zalimbotan so manga oripn (Ko)."
ﯷﯸﯹﯺﯻﯼﯽﯾﯿ ﰝ​

Sii ko alongan a tharoon Ami ko Jahannam: "Ba ka miyapno?" Na tharoon iyan: "Ba adn a khiyoman?"
ﰁﰂﰃﰄﰅ ﰞ​

Na ipakarani so sorga ko miyamananggila, a di mawatan:
ﰇﰈﰉﰊﰋﰌ ﰟ​

"Giyaya so ididiyandi rkano, a rk o oman i pphananangoran (ko Allah) a masiyapn,"
ﰎﰏﰐﰑﰒﰓﰔ ﰠ​

"A so maalkn ko Masalinggagaw, a migagaib, go miyakaoma rakhs o poso a thotolabos:
ﰖﰗﰘﰙﰚﰛ ﰡ​

"Pamanold kano ron sa kapipiya ginawa. Giyaya so alongan a kakal!"
ﰝﰞﰟﰠﰡﰢ ﰢ​

Khakowa iran so nganin a kabaya iran roo; go adn a zisii Rkami a lawan on.
ﭑﭒﭓﭔﭕﭖﭗﭘﭙﭚﭛﭜﭝﭞﭟ ﰣ​

Na madakl a bininasa Ami ko miyaonaan iran a pagtaw, siran i mala a di siran i guus, go miyanbnb iran so manga ingd! Na ba adn a kiyaapasan (iran)?
ﭡﭢﭣﭤﭥﭦﭧﭨﭩﭪﭫﭬﭭ ﰤ​

Mataan! a adn a matatago roo man a titho a ndao ko taw a adn a sabot iyan, maana tiyandang iyan so kapamamakin´g, a skaniyan na tomototoo.
ﭯﭰﭱﭲﭳﭴﭵﭶﭷﭸﭹﭺﭻ ﰥ​

Na sabnsabnar a inadn Ami so manga langit go so lopa, go so nganin a lt a dowa nan sii ko nm a alongan, na da Kami raota a dokaw.
ﭽﭾﭿﮀﮁﮂﮃﮄﮅﮆﮇﮈ ﰦ​

Na phantanging ka so di iran tharoon, go pthasbikn ka so podi o Kadnan ka, ko di pn kapakasbang o alongan, go so di niyampn kasdp,
ﮊﮋﮌﮍﮎ ﰧ​

Go sii ko kagagawii, na pthasbik ka Rkaniyan, go so manga oriyan o sojiod.
ﮐﮑﮒﮓﮔﮕﮖ ﰨ​

Na pamakin´gang ka so alongan a mananawag so phananawag ko darpa a marani,
ﮘﮙﮚﮛﮜﮝﮞﮟ ﰩ​

Sii ko alongan a man´g iran so lalis a rakhs o bnar: Giyoto man so alongan a kapakambowat (ko kobor).
ﮡﮢﮣﮤﮥﮦ ﰪ​

Mataan! a Skami na Skami i pphangoyag go pphangimatay; go sii Rkami so khabolosan,
ﮨﮩﮪﮫﮬﮭﮮﮯﮰﮱ ﰫ​

Sii ko alongan a manga bbngkag kiran so lopa, a gii siran makanggagaan (lomiyo ko manga kobor): Giyoto man i kaplimod a malbod Rkami.
ﯔﯕﯖﯗﯘﯙﯚﯛﯜﯝﯞﯟﯠﯡﯢ ﰬ​

Skami i lbi a Matao ko gi iran tharoon; na kna a ba ka kiran pakaphamaasa. Na pakitadming ka so Qor´an ko taw a ikaalk iyan so pangangalk Akn!