Traduzione della Sura الإنسان in الأورومية da الترجمة الأورومية
Verse 1
Sila barri hangi ta'e nama irra kan inni waan yaadatamu hin ta'in hin dhufnee?
Verse 2
Dhugumatti Nuti nama, isa qormaatuuf jecha bishaan saalaa walitti makamaa ta'e irraa uumnee; Dhaga'aafi argaas isa goone
Verse 3
Nuti haala (inni) galateeffataa yookiin mormaa ta'een karaa isa qajeelchine.
Verse 4
ﯻﯼﯽﯾﯿﰀ
ﰁ
Nuti kaafirootaaf sansalata, sakaallaawwaniifi ibidda boba'aa qopheessinee jirra.
Verse 5
Warri gaggaariin khamrii makaan ishee kaafuuriin ta'e irraa dhugu.
Verse 6
(Kun) burqaa gabroonni Rabbii ishee dhuganiidha(Karaa fedhanitti) dhangalaafachuu ishee dhangalaafatu
Verse 7
Qodhaa (nazrii) isaanii ni guutu; guyyaa hamtuun isaa babal'atus ni sodaatu
Verse 8
Nyaatas ofii jaallachuu wajjin hiyyeessa, yatiimaafi booji'amaas nyaachisu.
Verse 9
(Ni jedhu): "dhugumatti, wanti nuti isin nyaachifnuuf Fuula Rabbii qofaafi; isin irraa mindaas ta'ee galata wahii hin barbaannu.
Verse 10
Dhugumatti, nuti Gooftaa keenya irraa Guyyaa fuula guuraa hammaataa ta'e sodaanna.”
Verse 11
Rabbiinis hamtuu guyyaa gaafasii irraa isaan tikseeti (fuula isaaniis) ifaafi gammachuu qunnamsiise.
Verse 12
ﮅﮆﮇﮈﮉ
ﮊ
Sababa isaan obsaniifis jannataafi hariira galata isaaniif galche
Verse 13
Ishee keessatti sireewwan irratti hirkatanii, odoo ishee keessatti aduufi qorra hamaa hin argine (jiraatu)
Verse 14
ﮗﮘﮙﮚﮛﮜ
ﮝ
Haala gaaddisni ishee isaan irratti gadi dhihoo, firiiwwan ishees isaaniif laaffifamuu laaffifamteen (jannata seenu).
Verse 15
Meeshota meeta irraa ta'aniifi kubbaayyawwan qaruuraa irraa ta'een isaan irra naanna'ama.
Verse 16
ﮧﮨﮩﮪﮫ
ﮬ
Qaruuraalee meeta irraa ta'een hanga isaan ga'u ishee (irraa) qoodu.
Verse 17
ﮭﮮﮯﮰﮱﯓ
ﯔ
Ishee keessattis khamrii makaan ishee zinjibila ta'e obaafamu.
Verse 18
ﯕﯖﯗﯘ
ﯙ
Burqaa ishee (jannata) keessa jirtu Salsabiil jedhamtee kan waamamtu (irraa obaafamu).
Verse 19
Ijoollee ishee keessatti hafoo ta’antu isaan irra naanna'a; yeroo isaan argitu faaya bibittinneeffame sitti fakkaatu
Verse 20
Yeroo achi keessa ilaaltes qananiifi mootummaa guddaa argita.
Verse 21
Gubbaa isaanii irra uffata magariisa hariira qal'aafi hariira furdaatu jira; gumeelee meeta irraa ta'es ni faayamuGooftaan isaaniis dhugaatii qulqulleessaa isaan obaasa
Verse 22
"Dhugumatti, kun mindaa isiniif ta'eeraDalagaan keessanis galateeffatamaa dha" (isaaniin jedhama).
Verse 23
ﰅﰆﰇﰈﰉﰊ
ﰋ
Dhugumatti, Nuti Qur'aana buusiinsa sirratti buusnee jirra
Verse 24
Murtii Gooftaa keetiitiifis obsi; isaan irraa nama dilaawaa yookiin kafaraa ta'eef hin ajajamin.
Verse 25
ﰖﰗﰘﰙﰚ
ﰛ
Ganamaafi galgalas maqaa Gooftaa keetii faarsi.
Verse 26
Halkan irraallee Isaaf salaati; halkan dheeraas Isaaf (salaata laylii) salaati
Verse 27
Dhugumatti, warri kun (addunyaa) arifattuu jaalatu; guyyaa ulfaataas fuulduratti dhiisu (dagatu).
Verse 28
Nuti isaan uumnee qaama isaaniis jabeessine; yeroo feenes (isaan balleessinee) fakkaatuma isaanii bakka buusinsa bakka buufna.
Verse 29
Dhugumatti, kuni gorsa; namni fedhe gara Gooftaa isaatti karaa godhata.
Verse 30
Yoo Rabbiin fedhe malee isin homaa hin feetanRabbiin beekaa ogeessa ta’eera.
Verse 31
Nama fedhe rahmata Isaa keessa seensisaMiidhaa raawwattoota immoo isaaniif adabbii laalessaa qopheesse.
تقدم القراءة