الترجمة الأورومية кітабынан الأورومية тілінде ق сүресінің аудармасы
Verse 1
ﭑﭒﭓﭔ
ﭕ
QaafQur’aana guddaanin (kakadha).
Verse 2
Dhugumaatti, sodaachisaan isaan irraa ta’e isaanitti dhufuu dinqisiifatanKaafiroonni “kun waan dinqisiisaadha” jedhan.
Verse 3
“Sila yeroo duunee biyyee taane (ni kaafamnaa)? Sun deebii fagoodha.”(jedhu).
Verse 4
Dhugumatti, waan dachiin isaan irraa hir’iftu beeknee jirraGalmee tiksaatu nu bira jira.
Verse 5
Dhugumatti isaan dhugaa, yeroo inni isaanitti dhufu sobsiisanii jiruIsaan dubbii wal makataa keessa jiru.
Verse 6
Sila gara samii gubbaa isaanii jirtuu, kan uraa homaatuu hin qabne, akkamitti akka ishee ijaarreefi miidhagsine hin ilaallee?
Verse 7
Dachii diriirsinee gaarreen dhaabbatoo ishee keessatti gadi suuqnee akaakuu (biqiltootaa) babbareedoo hunda irraa ishee keessatti magarsine.
Verse 8
ﮙﮚﮛﮜﮝ
ﮞ
Gabricha tawbatuuf hubannaafi gorsa akka ta’uuf (kana goone).
Verse 9
Samii irraas bishaan barakaa qabu buufnee ergasii isaan ashaakiltiiwwaniifi firiiwwan haamamanis biqilchine.
Verse 10
ﮪﮫﮬﮭﮮ
ﮯ
Hundee muka timiraa dhedheeroo, kan daraaraa kuufamaa qabuus (ni magarsine).
Verse 11
Gabroota nyaachisuuf jecha (buufne)Isaan (bishaan saniin) dachii duutuu jiraachifneBaafamuunis akkasuma.
Verse 12
Isaaniin dura ummanni Nuuh, warri eelaa (biirii)fi Samuudis ni sobsiifte.
Verse 13
ﯤﯥﯦﯧ
ﯨ
Aad, Fir’awniifi obboleeyyan Luuxis.
Verse 14
Warri bosonaafi ummanni Tubba’isHunduu ergamtoota sobsiisanii, adabbiin kiyya isaanitti mirkanaa’e.
Verse 15
Sila Nuti uumaa duraatiin ni dadhabnee? Lakkii! Isaan uumaa haarawa irraa shakkii wal makate keessa jiru.
Verse 16
Nuti dhugumatti, nama uumneerraWaan lubbuun isaa itti hasaastus ni beeknaNuti (beekumsa keenyan) hidda dhiigaa (hamaa) irra gara isaatti dhihoodha.
Verse 17
Yeroo (maleeykonni) jecha fuudhan lamaan mirgaafi bitaa isaa irra taa’anii jecha fuudhan (nuti gara isaatti dhihoo dha).
Verse 18
Tiksaan itti dhihaataan isa bira jiraatu malee jecha tokkoyyuu hin dubbatu.
Verse 19
Machiin du’aa dhugaan dhuftee jirti“Kun waan ati irraa dheessaa turteedha” (jedhamaan).
Verse 20
Xurumbaa ni afuufama; sun guyyaa waadaati.
Verse 21
ﮆﮇﮈﮉﮊﮋ
ﮌ
Lubbuun hundi haala ishee wajjin oofaafi ragaa bahaan jiranuun dhufte.
Verse 22
“Ati kana irraa daguu keessa turteNuti haguuggaa kee sirraa kaafneKanaafuu ijji kee har’a qara” (jedhamaan).
Verse 23
ﮚﮛﮜﮝﮞﮟ
ﮠ
Qindiin (maleeyakaan) isaa ni jedha: “kun waan (galmaa’ee) na bira jiruudha.”
Verse 24
ﮡﮢﮣﮤﮥﮦ
ﮧ
Isin lamaanuu akkaan kafaraa haqa didaa hunda jahannamitti darbaa.
Verse 25
ﮨﮩﮪﮫ
ﮬ
(Kaafira) toltuu dhorgaa, daangaa dabraafi shakkaa ta’e (jahannamitti darbaa).
Verse 26
Isa Rabbii wajjin gabbaramaa biraa taasise adabbii cimaa keessa isa buusaa.
Verse 27
Hiriyaan isaa (kan sheyxaanaa) ni jedha: “Gooftaa keenya! Ani daangaa isa hin dabarsineGaruu isumatu jallina fagoo ta’e keessa ture.”
Verse 28
Rabbiin ni jedha: “Ana biratti wal hin falminaa; Ani dursee sodaachisa kiyya gara keessanitti ergeera.
Verse 29
Ana biratti jechi hin jijjiiramu; Anis gabroota kiyya irratti miidhaa raawataa miti.”
Verse 30
Guyyaa Nuti jahannamiin “sila guutamteettaa?” jennuun, isheen immoo “dabalanni jiraa?” jettu (hin jijjiiramu.)
Verse 31
ﰁﰂﰃﰄﰅ
ﰆ
Jannannis namoota Rabbi sodaataniif haala hin fagaatiniin dhiheeffamte.
Verse 32
ﰇﰈﰉﰊﰋﰌ
ﰍ
Cufa nama akkaan gara Rabbii deebi’aa tikfataa ta’eetiin “kun waan waadaa galamtaniidha” (jedhama).
Verse 33
“Nama fagotti Rabbi sodaatee, onnee gara Rabbii deebituun dhufeefi.
Verse 34
ﰖﰗﰘﰙﰚﰛ
ﰜ
Nagayaan ishee seenaa; sun guyyaa hafiinsaati” (jedhama).
Verse 35
ﰝﰞﰟﰠﰡﰢ
ﰣ
Isaaniif waan fedhantu ishee keessa jiraNu bira daballis jira.
Verse 36
Isaan dura dhaloota humnaan isaan irra ciccimoo turan baay’ee balleessinee jirraBiyya keessa “iddoo baqaa argannaa?” jechaa fiigaa turan.
Verse 37
Dhugumatti, nama onnee qabuuf yookiin isa yeroo (gorsa) irratti hirmaatu gurra itti kennuuf, sana keessa yaadannootu jira.
Verse 38
Dhugumatti, Nuti samiifi dachii, akkasumas wantoota gidduu isaanii jiran guyyoota jaha keessatti uumne; dadhabbiin tokkoyyuu Nu hin tuqne.
Verse 39
Waan isaan jedhanu irratti obsiFaaruu Rabbii keetiitiinis baha biiftuu duraafi lixa (ishee) dura salaati.
Verse 40
ﮊﮋﮌﮍﮎ
ﮏ
Halkan irraas Isa qulqulleessi; salaata boodas (sunnaalee sagadi).
Verse 41
Guyyaa lallabaan iddoo dhihoo irraa lallabus dhaggeeffadhu.
Verse 42
Guyyaa dhugaan iyyansa dhagayan, sun guyyaa (qabrii irraa) ba’iinsaati.
Verse 43
ﮡﮢﮣﮤﮥﮦ
ﮧ
Nuti, Numatu jiraachisa; Numatu ajjeesas; deebiin (dhumaas) garumma keenya
Verse 44
Guyyaa dachiin isaan irraa ariitiidhaan babbaqaqxu (deebiin garuma keenya)Sun walitti qabuu Nurratti laafaa ta’eedha.
Verse 45
Nuti akkaan beekoo waan isaan jedhaniitiAtis isaan irratti moosifamaa hin taaneNama adabbii kiyya sodaatu Qur’aanaan gorsi.
تقدم القراءة