ﰡ
And olsun tövşüyə-tövşüyə çapanlara!
And olsun dırnaqları ilə qığılcım çıxaranlara!
And olsun sübh çağı həmlə edənlərə ki,
hücuma keçib tozanaq qaldıraraq
qoşunun içərisinə soxulurlar.
Həqiqətən, insan Rəbbinə qarşı yaman nankordur.
Həqiqətən, o, var-dövlətə çox hərisdir.
Məgər o bilmir ki, qəbirlərdə olanlar çıxardılacağı
və kökslərdə olanlar aşkar ediləcəyi zaman –
məhz o gün Rəbbi onlardan xəbərdar olacaqdır?