ﰂ

ترجمة معاني سورة البروج باللغة تتاري من كتاب Tatar - Tatar translation .

ﰡ

ﭛﭜﭝ ﰀ​


Каланча иясе булган күк белән ант итәмен.
ﭟﭠ ﰁ​

Вә вәгъдә ителгән кыямәт көне белән.
ﭢﭣ ﰂ​

Вә җомга көне яки кыямәткә җыелган халык белән һәм ґәрәфә көне яки кешеләрнең кылган эшләре белен ант итәмен.
ﭥﭦﭧ ﰃ​

Чокыр ияләренә ләгънәт булды һәм һәлак булдылар. (Әүвәлге заманда патшасы да халыгы да мөшрикләр булган бер илдә, бер яшь егет иман китереп бер карт мөселманнан ислам динен өйрәнде. Бу хәбәр патшага ирешкәч, егетне чакыртып ислам динен ташла дип төрлечә ґәзап кылды. Егет патшага әйтте: "Халыгыңны җыеп алар алдында бу егетнең Раббысы булган Аллаһ исеме белән атамын, дип үземнең җәям һәм угым белән атсагыз гына үтерә алырсыз", – дип. Патша шулай эшләде, ук егетнең башына тиеп шаһит булды. Җыелган кешеләр, бу егетнең Раббысы Аллаһуга иман китердек, ислам динен кабул иттек, дип кычкырдылар. Патшаның бик каты ачуы килеп, гаскәреннән канау казытып, ул канауга утын тутыртып ут яктырды, ут кызгач ислам диненнән кире чыкмаган кешеләрне берәм-берәм утта яндырдылар. Шулай итеп мөселманнар ислам дине өчен бар да шаһит булдылар. Соңра Аллаһуның әмере илә ут канаудан чыгып патшаны һәм гаскәрләрен яндырып һәлак итте, җаннары җәһәннәмгә китте.)
ﭩﭪﭫ ﰄ​

Канау казып ул канауны ут белән тутыручы кәферләргә Аллаһуның ләгънәте булды.
ﭭﭮﭯﭰ ﰅ​

Кәфер гаскәре мөселманнарны утта яндырганда, патша үзенең якыннары илә тамаша кылып карап утыралар иде.
ﭲﭳﭴﭵﭶﭷ ﰆ​

Алар мөэминнәрне утта яндырып ґәзаб кылуларына гуаһлардыр.
ﭹﭺﭻﭼﭽﭾﭿﮀﮁ ﰇ​

Ул кәферләр мөселманнарны утта яндырырлык ґәеп тапмадылар, мәгәр кодрәт иясе вә мактаулы булган Аллаһуга иман китергәннәре өчен генә аларны утта яндырып ґәзаб кылдылар.
ﮃﮄﮅﮆﮇﮈﮉﮊﮋﮌﮍ ﰈ​

Ник ышанмаска Аллаһуга, бит җир вә күкләрнең патшалыгы Аның кулындадыр, вә Ул – Аллаһ һәрнәрсәне күрүче вә белүчедер.
ﮏﮐﮑﮒﮓﮔﮕﮖﮗﮘﮙﮚﮛﮜ ﰉ​

Тәхкыйк ґәепсез мөэмин ирләрне вә мөэминә хатыннарны хаксыз рәнҗетүчеләр аларны нинди ґәзаб белән булса да ґәзаб кылучылар, соңра тәүбә итеп рәнҗеткән кешеләрнең ризалыгын алмасалар, аларгадыр җәһәннәм ґәзабы һәм каты яндыргучы ут ґәзабы.
ﮞﮟﮠﮡﮢﮣﮤﮥﮦﮧﮨﮩﮪﮫﮬ ﰊ​

Тәхкыйк иман китереп яхшы эшләрне эшләп изге гамәлләрне кылган кешеләргә, асларыннан елгалар ага торган җәннәтләр, бу исә олугъ изге теләккә ирешүдер.
ﮮﮯﮰﮱ ﰋ​

Шиксез, синең Раббыңның ґәзаб белән тотмагы, әлбәттә, бик каты вә бик куркынычлы.
ﯔﯕﯖﯗ ﰌ​

Тәхкыйк Ул – Аллаһ башлап халык кылыр һәм үлгәч тергезеп яңадан кайтарыр.
ﯙﯚﯛ ﰍ​

Вә Ул тәүбә итеп төзәлүчеләрне ярлыкаучы һәм изге гамәл кылучыларны сөюче.
ﯝﯞﯟ ﰎ​

Ул – Аллаһ олугъ булган ґәреш иясе.
ﯡﯢﯣ ﰏ​

Теләгән эшене һич кичекмичә кылучы.
ﯥﯦﯧﯨ ﰐ​

Тәхкыйк килер сиңа пәйгамбәрләргә каршы торган кәфер ґәскәрләренең хәбәре.
ﯪﯫ ﰑ​

Фиргаун гаскәренең һәм Сәмуд кавеме гаскәренең хәбәре, алар бар да Аллаһ тарафыннан һәлак ителделәр.
ﯭﯮﯯﯰﯱ ﰒ​

Бәлки имансызлар Коръәнгә һәм пәйгамбәргә ышанмауларында сабитлардыр, үлгәнче иман китермәсләр.
ﯳﯴﯵﯶ ﰓ​

Бит Аллаһ аларның артларыннан төшүче, һич котыла алмаслар.
ﯸﯹﯺﯻ ﰔ​

Әлбәттә, ул Аллаһудан иңдерелгән китап – олугъ дәрәҗәле вә хөрмәтле Коръәндер.
ﯽﯾﯿ ﰕ​

Ул Ләүхүл Мәхфуздә язылмыштыр.