ﯾ

surah.translation .

ﰡ

ﭙﭚﭛ ﰀ​

An-Takwir


Idan rãna aka shafe haskenta
ﭝﭞﭟ ﰁ​

Kuma idan taurãri suka gurɓãce (wani ya shiga a cikin wani).
ﭡﭢﭣ ﰂ​

Kuma idan duwãtsu aka tafiyar da su.
ﭥﭦﭧ ﰃ​

Kuma idan rãƙuma mãsu cikunna aka sakẽ su wãwai, bã ga kõwa ba.
ﭩﭪﭫ ﰄ​

Kuma idan dabbõbin dãji aka tattara su.
ﭭﭮﭯ ﰅ​

Kuma idan tẽkuna aka mayar da su wuta.
ﭱﭲﭳ ﰆ​

Kuma idan rãyuka aka haɗa su da jikunkunansu.
ﭵﭶﭷ ﰇ​

Kuma idan wadda aka turbuɗe ta da rai aka tambaye ta.
ﭹﭺﭻ ﰈ​

"Sabõda wane laifi ne aka kashe ta?"
ﭽﭾﭿ ﰉ​

Idan takardun ayyuka aka wãtsa su (ga mãsu su).
ﮁﮂﮃ ﰊ​

Kuma idan sama aka fẽɗe ta.
ﮅﮆﮇ ﰋ​

Kuma idan Jahĩm aka hũra ta
ﮉﮊﮋ ﰌ​

Kuma idan Aljanna aka kusantar da ita.
ﮍﮎﮏﮐ ﰍ​

Rai ya san abin da ya halartar (a rãnar nan).
ﮒﮓﮔ ﰎ​

To, ba sai Na yi rantsuwa da taurãri matafã ba.
ﮖﮗ ﰏ​

Mãsu gudu suna ɓũya.
ﮙﮚﮛ ﰐ​

Da dare idan ya bãyar da bãya.
ﮝﮞﮟ ﰑ​

Da sãfiya idan ta yi lumfashi.
ﮡﮢﮣﮤ ﰒ​

Lalle ne shi (Alƙur'ãni) haƙƙan, maganar wani manzon (Allah) ne mai girma ga Allah.
ﮦﮧﮨﮩﮪﮫ ﰓ​

Mai ƙarfi, mai daraja a wurin Mai Al'arshi.
ﮭﮮﮯ ﰔ​

Wanda ake yi wa ɗã'a (wato shugaban malã'iku) ne a can, amintacce.
ﮱﯓﯔ ﰕ​

Kuma abokinku ba mahaukaci ba ne.
ﯖﯗﯘﯙ ﰖ​

Kuma lalle ne, yã gan shi a cikin sararin sama mabayyani.
ﯛﯜﯝﯞﯟ ﰗ​

Kuma shi, ga gaibi bã mai rowa ba ne.
ﯡﯢﯣﯤﯥ ﰘ​

Kuma shi (Alƙur'ani) bã maganar shaiɗani, wanda aka la'ana, ba ce.
ﯧﯨ ﰙ​

Shin, a inã zã ku tafi?
ﯪﯫﯬﯭﯮ ﰚ​

Lalle ne shi (Alƙur'ãni), bã kõme ba ne fãce gargaɗi ga talikai.
ﯰﯱﯲﯳﯴ ﰛ​

Ga wanda ya so, daga cikinku, ya shiryu.
ﯶﯷﯸﯹﯺﯻﯼﯽ ﰜ​

Kuma bã zã ku so ba sai idan Allah Ubangijin halitta Yã yarda.