ﯽ

ترجمة معاني سورة عبس باللغة اليورباوية من كتاب الترجمة اليورباوية .

من تأليف: أبو رحيمة ميكائيل أيكوييني .

ﰡ

ﭑﭒ ﰀ

(Ànábì s.a.w.) fajú ro, ó sì pẹ̀yìn dà

ﭔﭕﭖ ﰁ

nítorí pé afọ́jú wá bá a.

ﭘﭙﭚﭛ ﰂ

Kí sì l’ó máa fi mọ̀ ọ́ pé ó ṣeé ṣe kí ó ṣàfọ̀mọ́ (ara rẹ̀ kúrò nínú àìgbàgbọ́)

ﭝﭞﭟﭠ ﰃ

tàbí kí ó gbọ́ ìrántí, kí ìrántí náà sì ṣe é ní àǹfààní?

ﭢﭣﭤ ﰄ

Ní ti ẹni tí ó ka ara rẹ̀ kún ọlọ́rọ̀,

ﭦﭧﭨ ﰅ

òun ni ìwọ tẹ́tí sí.

ﭪﭫﭬﭭ ﰆ

Kò sì sí ẹ̀ṣẹ̀ fún ọ bí kò bá ṣe àfọ̀mọ́ (ara rẹ̀ kúrò nínú àìgbàgbọ́).

ﭯﭰﭱﭲ ﰇ

Ní ti ẹni tí ó sì wá bá ọ, t’ó ń yára gágá (sí ìrántí, ìyẹn afọ́jú),

ﭴﭵ ﰈ

tí ó sì ń páyà (Allāhu),

ﭷﭸﭹ ﰉ

ìwọ kò sì kọbi ara sí i.

ﭻﭼﭽ ﰊ

Rárá (kò tọ́ bẹ́ẹ̀). Dájúdájú al-Ƙur’ān ni ìrántí.

ﭿﮀﮁ ﰋ

Nítorí náà, ẹni tí ó bá fẹ́ kí ó rántí rẹ̀.

ﮃﮄﮅ ﰌ

(Al-Ƙur’ān) wà nínú àwọn tàkádà alápọ̀n-ọ́nlé,

ﮇﮈ ﰍ

A gbé e ga, A sì ṣe é ní mímọ́

ﮊﮋ ﰎ

ní ọwọ́ àwọn òǹkọtíà (ìyẹn, àwọn mọlāika),

ﮍﮎ ﰏ

àwọn alápọ̀n-ọ́nlé, àwọn ẹni rere.

ﮐﮑﮒﮓ ﰐ

Wọ́n ti fi ènìyàn gégùn-ún (nípa) bí ó ṣe jẹ́ aláìmoore jùlọ!

ﮕﮖﮗﮘ ﰑ

Kí sì ni Allāhu fi ṣẹ̀dá rẹ̀?

ﮚﮛﮜﮝ ﰒ

Nínú àtọ̀ l’Ó ti ṣẹ̀dá rẹ̀. Ó sì pèbùbù (ẹ̀yà-ara) rẹ̀.

ﮟﮠﮡ ﰓ

Lẹ́yìn náà, Ó ṣe ọ̀nà àtiwáyé ní ìrọ̀rùn fún un.

ﮣﮤﮥ ﰔ

Lẹ́yìn náà, Ó máa pa á. Ó sì máa fi sínú sàréè.

ﮧﮨﮩﮪ ﰕ

Lẹ́yìn náà, nígbà tí Allāhu bá fẹ́, Ó máa gbé e dìde.

ﮬﮭﮮﮯﮰ ﰖ

Ẹ gbọ́, ènìyàn kò tí ì ṣe n̄ǹkan tí Allāhu pa láṣẹ fún un.

ﯓﯔﯕﯖ ﰗ

Nítorí náà, kí ènìyàn wòye sí oúnjẹ rẹ̀.

ﯘﯙﯚﯛ ﰘ

Dájúdájú Àwa ń rọ òjò ní púpọ̀.

ﯝﯞﯟﯠ ﰙ

Lẹ́yìn náà, A mú ilẹ̀ sán kànkàn.

ﯢﯣﯤ ﰚ

A sì mú kóró èso hù jáde láti inú rẹ̀;

ﯦﯧ ﰛ

àti èso àjàrà àti kànnáfùrù,

ﯩﯪ ﰜ

àti igi òróró Zaetūn àti dàbínù,

ﯬﯭ ﰝ

àti àwọn ọgbà t’ó kún fún igi,

ﯯﯰ ﰞ

àti àwọn èso (mìíràn) pẹ̀lú ewé tí ẹranko ń jẹ, (A mú wọn hù jáde).

ﯲﯳﯴ ﰟ

(Wọ́n jẹ́ n̄ǹkan) ìgbádùn fún ẹ̀yin àti àwọn ẹran-ọ̀sìn yín.

ﯶﯷﯸ ﰠ

Nígbà tí fífọn sínú ìwo nígbà kejì bá ṣẹlẹ̀,

ﯺﯻﯼﯽﯾ ﰡ

ní ọjọ́ tí ènìyàn yóò sá fún arákùnrin rẹ̀,

ﰀﰁ ﰢ

àti ìyá rẹ̀ pẹ̀lú bàbá rẹ̀,

ﰃﰄ ﰣ

àti ìyàwó rẹ̀ pẹ̀lú àwọn ọmọ rẹ̀.

ﰆﰇﰈﰉﰊﰋ ﰤ

Ẹnì kọ̀ọ̀kan wọn ní ọjọ́ yẹn l’ó ti ní ọ̀ràn t’ó máa tó o ó rán.

ﰍﰎﰏ ﰥ

Àwọn ojú kan lọ́jọ́ yẹn yóò mọ́lẹ̀.

ﰑﰒ ﰦ

Wọn yó máa rẹ́rìn-ín, wọn yó sì máa dunnú.

ﰔﰕﰖﰗ ﰧ

Àwọn ojú kan lọ́jọ́ yẹn ni eruku yó sì bò mọ́lẹ̀.

ﭑﭒ ﰨ

Òkùnkùn yó sì bò wọ́n mọ́lẹ̀.

ﭔﭕﭖﭗ ﰩ

Àwọn wọ̀nyẹn, àwọn ni aláìgbàgbọ́, ẹlẹ́ṣẹ̀.