ﯲ

surah.translation .

ﰡ

ﮯ ﰀ​

Al-Hakkah


Kiran gaskiya!
ﮱﯓ ﰁ​

Mẽne ne kiran gaskiya?
ﯕﯖﯗﯘ ﰂ​

Kuma mẽ ya sanar da kai abin da ake cẽwa kiran gaskiya?
ﯚﯛﯜﯝ ﰃ​

Samũdãwa da Ãdãwa sun ƙaryatar da kiran gaskiya mai dũkar zũciya!
ﯟﯠﯡﯢ ﰄ​

To, amma Samũdãwa to, an halakãsu da tsãwa mai tsanani.
ﯤﯥﯦﯧﯨﯩ ﰅ​

Kuma amma Ãdãwa to, an halaka su da wata iska mai tsananin sauti wadda ta ƙẽtare haddi.
ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ ﰆ​

(Allah) Ya hõre ta a kansu a cikin dare bakwai da yini takwas, biye da jũna, sabõda haka, kana ganin mutãne a cikinta kwance. Kamar sũ ƙirãruwan dabĩno ne, waɗanda suka fãɗi.
ﯼﯽﯾﯿﰀ ﰇ​

To, kõ kanã ganin abin da ya yi saurã daga cikinsu?
ﭑﭒﭓﭔﭕﭖ ﰈ​

Kuma Fir'auna yã zo da waɗanda ke gabãninsa, da waɗannan da aka kife ƙasarsu, sabõda laifi.
ﭘﭙﭚﭛﭜﭝ ﰉ​

Dõmin sun sãɓã wa manzon Ubangijinsu, sabõda haka ya kãmã su da wani irin kãmu mai ƙãruwar (tsanani).
ﭟﭠﭡﭢﭣﭤﭥ ﰊ​

Lalle ne, Mũ, a lõkacin da ruwa ya ƙẽtare haddi, Munɗauke aaku a cikin jirgin ruwan nan.
ﭧﭨﭩﭪﭫﭬ ﰋ​

Dõmin Mu sanya shi, gare ku abin tunãwa kuma wani kunne mai kiyayewa ya kiyaye (shi).
ﭮﭯﭰﭱﭲﭳ ﰌ​

To, idan an yi bũsa a cikin ƙaho, bũsa ɗaya.
ﭵﭶﭷﭸﭹﭺ ﰍ​

Kuma aka ɗauki ƙasa da duwãtsu, kuma aka niƙa su niƙãwa ɗaya.
ﭼﭽﭾ ﰎ​

A ran nan, mai aukuwa zã ta auku.
ﮀﮁﮂﮃﮄ ﰏ​

Kuma sama zã ta tsãge, dõmin ita a ran nan, mai rauni ce.
ﮆﮇﮈﮉﮊﮋﮌﮍﮎﮏ ﰐ​

Kuma malã'iku (su bayyana) a kan sãsanninta, kuma wasu (malã'iku) takwas na ɗauke da Al'arshin Ubangijinka, a sama da su, a wannan rãnar.
ﮑﮒﮓﮔﮕﮖ ﰑ​

A rãnar nan zã a bijirã ku (dõmin hisãbi), bãbu wani rai, mai ɓoyewa, daga cikinku, wanda zai iya ɓõyẽwa.
ﮘﮙﮚﮛﮜﮝﮞﮟﮠ ﰒ​

To, amma wanda aka bai wa littãfinsa a dãmansa, sai ya ce wa (makusantansa), "Ku karɓa, ku karanta littafina."
ﮢﮣﮤﮥﮦ ﰓ​

"Lalle ne ni, nã tabbata cewa ni mai haɗuwa da hisãbina ne."
ﮨﮩﮪﮫ ﰔ​

Sabõda haka, shi yana cikin wata rãyuwa yardadda.
ﮭﮮﮯ ﰕ​

A cikin Aljanna maɗaukakiya.
ﮱﯓ ﰖ​

Nunannun 'yã'yan itãcenta makusantã ne (ga mai son ɗĩba),
ﯕﯖﯗﯘﯙﯚﯛﯜ ﰗ​

(Ana ce musu) "Ku ci, kuma ku sha a cikin ni'ima, sabõda abin da kuka gabãtar a cikin kwãnukan da suka shige."
ﯞﯟﯠﯡﯢﯣﯤﯥﯦﯧ ﰘ​

Kuma wanda aka bai wa littãfinsa ga hagunsa, sai ya ce: "Kaitona, ba a kãwo mini littãfina ba!"
ﯩﯪﯫﯬ ﰙ​

"Kuma ban san abin da (ke sakamakon) hisãbina ba!"
ﯮﯯﯰ ﰚ​

"In dã dai ita, tã kasance mai halakã ni gabã ɗaya ce!
ﯲﯳﯴﯵﯶ ﰛ​

"Dukiyãta ba ta wadatar da ni ba!"
ﯸﯹﯺ ﰜ​

"Ĩkona ya ɓace mini!"
ﯼﯽ ﰝ​

(Sai a ce wa malã'iku) "Ku kãmã shi, sa'an nan ku sanyã shi a cikin ƙuƙumi."
ﯿﰀﰁ ﰞ​

"Sa'an nan, a cikin Jahĩm, ku ƙõna shi."
ﰃﰄﰅﰆﰇﰈﰉ ﰟ​

"Sa'an nan, acikin sarƙa, tsawonta zirã'i saba'in, sai ku sanya shi."
ﰋﰌﰍﰎﰏﰐ ﰠ​

"Lalle ne, shi ya kasance ba ya yin ĩmãni da Allah, Mai girma!"
ﰒﰓﰔﰕﰖ ﰡ​

"Kuma ba ya kwaɗaitarwa ga (bãyar da) abincin matalauci!"
ﰘﰙﰚﰛﰜ ﰢ​

"Sabõda haka, a yau, a nan, bã ya da masõyi."
ﭑﭒﭓﭔﭕ ﰣ​

"Kuma bãbu wani abinci, sai daga (itãcen) gislĩn."
ﭗﭘﭙﭚ ﰤ​

"Bãbu mai cin sa sai mãsu ganganci."
ﭜﭝﭞﭟ ﰥ​

To, ba sai Nã yi rantsuwa da abin da kuke iya gani ba,
ﭡﭢﭣ ﰦ​

Da abin da bã ku iya gani.
ﭥﭦﭧﭨ ﰧ​

Lalle ne, shi (Alƙur'ani) tabbas maganar wani manzo (Jibirilu) mai daraja ne.
ﭪﭫﭬﭭﭮﭯﭰﭱ ﰨ​

Kuma shi ba maganar wani mawãƙi ba ne. Kaɗan ƙwarai zã ku gaskata.
ﭳﭴﭵﭶﭷﭸﭹ ﰩ​

Kuma bã maganar bõka ba ne. Kaɗan ƙwarai zã ku iya tunãwa.
ﭻﭼﭽﭾ ﰪ​

Abin saukarwã ne daga Ubangijin halitta duka.
ﮀﮁﮂﮃﮄ ﰫ​

Kuma dã (Muhammadu) yã faɗi wata maganã, yã jingina ta garẽ Mu.
ﮆﮇﮈ ﰬ​

Dã Mun kãma shi da dãma.
ﮊﮋﮌﮍ ﰭ​

sa'an nan, lalle ne, dã Mun kãtse masa lakã.
ﮏﮐﮑﮒﮓﮔ ﰮ​

Kuma daga cikinku bãbu wasu mãsu iya kãre (azãbarMu) daga gare shi.
ﮖﮗﮘ ﰯ​

Kuma lalle ne shi (Alƙur'ãni) tanãtarwa ce ga mãsu taƙawa.
ﮚﮛﮜﮝﮞ ﰰ​

Kuma lalle, ne Mũ, wallahi Munã sane da cẽwa daga cikinku alwwai mãsu ƙaryatãwa.
ﮠﮡﮢﮣ ﰱ​

Kuma lalle ne shi (Alƙarãni) wallahi baƙin ciki ne ga kãfirai.
ﮥﮦﮧ ﰲ​

Kuma lalle, ne shi gaskiya ce ta yaƙshẽni.
ﮩﮪﮫﮬ ﰳ​

Sabõda haka, ka tsarkake sũnan Ubangjinka, mai girma.