ﰀ

surah.translation .

ﰡ

ﯖﯗ ﰀ​


Киметеп үлчәүчеләргә үкенеч каты ґәзабдыр.
ﯙﯚﯛﯜﯝﯞ ﰁ​

Алар башка кешеләрдән берәр нәрсә үлчәп алсалар үлчәүне тутырып мул үлчәп алалар.
ﯠﯡﯢﯣﯤ ﰂ​

Әгәр башка кешеләргә савыт яки бизмән белән үлчәп биргәндә киметеп үлчиләр.
ﯦﯧﯨﯩﯪ ﰃ​

Әйә ул кешеләр терелеп кубарылачакларын уйламыйлармы.
ﭑﭒ ﰄ​

Олугъ кыямәт көнендә.
ﭔﭕﭖﭗﭘ ﰅ​

Ул көндә кешеләр барча галәмне тәрбия итүче Аллаһ хозурында хисаб өчен басып торырлар.
ﭚﭛﭜﭝﭞﭟ ﰆ​

Юк, үлчәүдә хыянәт итмәгез, тәхкыйк хыянәтче гасыйларның гамәл дәфтәрләре сиҗҗиндәдер.
ﭡﭢﭣﭤ ﰇ​

Нәрсә белдерде сиңа ул сиҗҗиннең хакыйкатен?
ﭦﭧ ﰈ​

Аллаһуга итагать итмичә гөнаһка чумган кешеләрнең гамәле генә язылган китаптыр.
ﭩﭪﭫ ﰉ​

Хыянәтче ялганчыларга кыямәт көнендә үкенеч вә каты ґәзабдыр.
ﭭﭮﭯﭰ ﰊ​

Алар кыямәт һәм хисаб көнен ялганга тоталар.
ﭲﭳﭴﭵﭶﭷﭸ ﰋ​

Ул көнне ялганга тотмас, мәгәр хактан баш тартып батыл эшләрдә чиктән ашкан һәр күп гөнаһлы кеше генә ялган дияр.
ﭺﭻﭼﭽﭾﭿﮀ ﰌ​

Әгәр аларга һәрнәрсәне аңлатучы аятьләребез укылса, бу әүвәлгеләрдән язылып калган әкият, диләр.
ﮂﮃﮄﮅﮆﮇﮈﮉﮊﮋ ﰍ​

Юк Аллаһуга каршы сөйләп һәлак булырга ашыкмагыз, бәлки аларның кылган явыз эшләре күңелләренә тузан булып утырган.
ﮍﮎﮏﮐﮑﮒ ﰎ​

Юк алданмасыннар, тәхкыйк алар кыямәт көнеңдә Раббыларыннан пәрдәләнмешләрдер, ягъни аларга Аллаһуның рәхмәте ирешмәс.
ﮔﮕﮖﮗ ﰏ​

Соңра, әлбәттә, алар җәһәннәмгә керерләр.
ﮙﮚﮛﮜﮝﮞﮟ ﰐ​

Моның соңында аларга әйтелер: "Бу ґәзаб сез ялганга тоткан ґәзабдыр", – дип.
ﮡﮢﮣﮤﮥﮦ ﰑ​

Юк Аллаһуга карышып җәһәннәмгә кермәгез, тәхкыйк Аллаһуга итагать итеп һәрвакыт яхшылыкны кылган кешеләрнең гамәл дәфтәрләре, әлбәттә, ґилийөндәдер.
ﮨﮩﮪﮫ ﰒ​

Сиңа нәрсә белдерде ул ґиллийөннең нәрсә икәнлеген?
ﮭﮮ ﰓ​

Ул яхшы мөселманнарның гына яхшылыгы язылган китапдыр.
ﮰﮱ ﰔ​

Ул китаплар яныңда Аллаһуның якын фәрештәләре булырлар, кыямәт көнендә ул китаплардан хәбәр бирер өчен.
ﯔﯕﯖﯗ ﰕ​

Яманлыкны кылмыйча, фәкать яхшылыкны кылучы яхшы кешеләр, әлбәттә, җәннәттә төрле нигъмәтләр эчендәләр,
ﯙﯚﯛ ﰖ​

яхшы урындыкларга утырып шатлык белән бер-берсенә карарлар.
ﯝﯞﯟﯠﯡ ﰗ​

Аларны танырсың, йөзләрендә җәннәт нигъмәтләреннән хасыйл булган шатлык яктылыгы булыр.
ﯣﯤﯥﯦ ﰘ​

Алар эчерелерләр мөһерләнгән эчемлекләрдән.
ﯨﯩﯪﯫﯬﯭﯮ ﰙ​

Ул мөһернең сургучы мускустыр, кызыккан кешеләр ошбу җәннәт нигъмәтләренә кызыксыннар!
ﯰﯱﯲ ﰚ​

Аңарга катнаштырылган нәрсә тәснимнәндер.
ﯴﯵﯶﯷ ﰛ​

Ул тәсним җәннәттә бер чишмәдер, ул чишмәдән Аллаһуга иң якын кешеләр эчәрләр. (Әмма җәннәтнең башка кешеләренә катнаштырып кына бирелер.)
ﯹﯺﯻﯼﯽﯾﯿﰀ ﰜ​

Тәхкыйк гөнаһтан, җәһәннәмнән курыкмаган имансызлар, иман китереп мөселман булган кешеләрдән көлделәр
ﰂﰃﰄﰅ ﰝ​

Әгәр мөселманнар алар алдыннан үтсәләр, бер-берсенә күз кысышып мәсхәрә итә иделәр.
ﰇﰈﰉﰊﰋﰌ ﰞ​

Әгәр өйләренә кайтсалар, мөселманнарны мәсхәрә иткәннәре өчен киңәеп шатланып кайтыр иделәр.
ﰎﰏﰐﰑﰒﰓ ﰟ​

Әгәр мөселманнарны күрсәләр, бу кешеләр адашканнар, ата-баба юлын ташлаганнар, дияләр иде.
ﰕﰖﰗﰘ ﰠ​

Бит ул кәферләр мөселманнарга сакчы итеп тә вә гамәлләрендә язучы итеп җибәрелмәделәр.
ﭑﭒﭓﭔﭕﭖ ﰡ​

Кыямәт көнендә мөселманнар кәферләрдән көләрләр.
ﭘﭙﭚ ﰢ​

Яхшы урындыкларга утырып кәферләрнең ґәзаб кылынганын карарлар.
ﭜﭝﭞﭟﭠﭡ ﰣ​

Әйә кәферләргә кылган кабәхәт эшләре өчен җәза бирелдеме? Әлбәттә, тиешле – җәза бирелде.